ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཆབ་སྲིད་བྱ་བའི་གྲོས་ཚོགས་ཡན་ཨན་དུ་བསྡུས་ཤིང་། ཞི་ཅིན་ཕིང་གྲོས་ཚོགས་སུ་ཕེབས་པར་མ་ཟད་གསུང་བཤད་གལ་ཆེན་གནང་ནས། དུས་རབས་གསར་པར་ཆབ་སྲིད་ལ་བརྟེན་ནས་དམག་དཔུང་འཛུགས་སྐྲུན་བྱེད་པའི་ཐབས་ཇུས་ལག་བསྟར་དོན་འཁྱོལ་བྱས་ཏེ་དམག་དཔུང་སྟོབས་ལྡན་དུ་གཏོང་བའི་ལས་དོན་ལ་ཆབ་སྲིད་ཀྱི་ཁག་ཐེག་བརྟན་པོ་འདོན་སྤྲོད་བྱེད་དགོས་ཞེས་ནན་གྱིས་བསྟན།ཟླ6ཚེས17ཉིན་ནས་

རྒྱ་ཆེའི་བྲིས་པ་ལྷན་རྒྱས་ཀྱི་སྐུ་གམ་དུ།གུས་གསོལ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་75འཁོར་བ་དང་། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བར་བསུ་བ་ཞུ་ཆེད་དང་། གངས་ལྗོངས་ས་མཐོའི་མི་རིགས་མཐུན་སྒྲིལ་གྱི་རྣམ་པ་གསར་པ་དང་། དཔལ་འབྱོར་འཕེལ་རྒྱས་ཀྱི་མཆོང་སྐྱོད་གསར་པ། དམངས་འཚོའི་བདེ་རྩའི་འཕོ་འགྱུར་གསར་པ། རིག་གནས་དར་འཕེལ་གྱི་གསོན་ཤུགས་གསར་པ་བཅས་དུས་རབས་ཀྱི་རྣམ་པ་གསར་པ་དག་ཡིག་གཟུགས་སྒྱུ་རྩལ་གྱི་ལམ་ནས་མཚོན་ཆེད། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་རྒྱུ་བརྗོད་བྱ་གཙོ་བོར་བྱས་པའི་རྒྱ་བོད་ཡིག་ཡིག་གཟུགས་ཀྱི་འགྲན་བསྡུར་སྤེལ་རྒྱུ་ཡིན་ཞིང་། འབྲེལ་ཡོད་དོན་དག་གཤམ་གསལ།དང་པོ། སྒྲིག་འཛུགས་ཚན་པ།གཙོ་གཉེར་ཚན་པ། བོད་རང་སྐྱོང་ལྗོངས་བོད་སྐད་ཨུ་ལྷན་གཞུང་ལས་ཁང(རྩོམ་སྒྱུར་ཅུད)སྒྲུབ་འགན་འཁུར་མཁན་ཚན་པ། བོད་རང་སྐྱོང་ལྗོངས་བོད་སྐད་ཨུད་གཞུང་ལས་ཁང(རྩོམ་སྒྱུར་ཅུད)སྐད་ཡིག་དོ་དམ་ཁྲུའུ།མཉམ་སྒྲུབ་ཚན་པ། བོད་རང་སྐྱོང་ལྗོངས་ཡིག་གཟུགས་མཁས་པའི་མཐུན་ཚོགས།གཉིས་པ། བརྩམས་ཆོས་ཀྱི་ནང་དོན།བརྩམས་ཆོས་ཀྱི་ནང་དོན་དེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་རྒྱུ་བརྗོད་བྱ་གཙོ་བོར་བྱས་ཏེ། རྒྱ་བོད་ཡིག་གཟུགས་སྒྱུ་རྩལ་གྱི་ལམ་ནས། སྐྱིད་སྡུག་མཉམ་མྱོང་དང་། ཁྲེལ་གྲགས་མཉམ་ཁུར། མཉམ་ཤི་མཉམ་གསོན། ལས་དབང་གཅིག་མཐུན་བཅས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་དར་སྤེལ་བཏང་སྟེ། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་མཚོན་ལ། སྐྱོན་གྱིས་བྲལ་ཞིང་ཡར་བསྐུལ་གྱི་བསམ་པ་ལྡན་པའི་ནང་དོན་ཡིན་དགོས།གསུམ་པ། བསྡུ་བའི་དུས་ཚོད།དེ་རིང་ནས་བཟུང་སྟེ་2024ལོའི་ཟླ8པའི་ཚེས20ཉིན་བར་ཡིན་ཞིང་། བརྩམས་ཆོས་བསྐུར་བའི་དུས་ཚོད་དེ་ཚད་གཞིར་འཛིན་རྒྱུ། དུས་ཚོད་དེ་ལས་འགྱངས་ན་མི་བསྡུ་བའོ། བཞི་པ། ཚད་གཞི།1. རྒྱ་ཡིག་དང་བོད་ཡིག་གི་ཡིག་གཟུགས་ལ་ཚད་བཀག་མེད།2.འགྲན་བསྡུར་ནང་ཞུགས་པ་ཚང་མ་ཐོག་མའི་བརྩམས་ཆོས་ཡིན་དགོས།3.འགྲན་བསྡུར་ནང་ཞུགས་རྒྱུའི་བརྩམས་ཆོས་ཤོན་ཤོག་ཁྲེ་དྲུག་མན་གྱི་ངོས་ལ་གཞུང་ངོས་སུ་བྲིས་འབྲི་དགོས་ལ། གོས་ཤམ་གཏོང་མི་དགོས།4.བརྩམས་ཆོས་གཅིག་ནང་ཡིག་གཟུགས་སྣ་ཚོགས་མཉམ་དུ་བསྲེ་མི་ཆོག རྩོམ་པ་པོའི་མིང་ཐམ་བཀོད་ཆོག་མོད་ཆོས་ལུགས་ཀྱི་ཆ་བྱད་ཡོད་པའི་ཐམ་ག་སྤྱོད་མི་ཆོག 5.ཟུར་བཀོད་ཡིག་ཆའི་ནང་དོན་ལྟར་ཡིག་གཟུགས་བརྩམས་ཆོས་ཀྱི་རེའུ་མིག་བྲིས་ནས་པར་བཏབ་རྗེས་བརྩམས་ཆོས་དང་ལྷན་དུ་བསྐུར་དགོས། (གློག་རྡུལ་པར་གཞི་དེ་ཡིག་སྒམ་183582599@qq.com.cnལ་བསྐུར་དགོས) ད་དུང་བརྩམས་ཆོས་ཀྱི་རྒྱབ་ཏུ་ཞ་སྨྱུག་གིས་འགྲན་ཞུགས་པའི་མིང་དང་ལོ་ན། ཐོབ་ཐང་ལག་ཁྱེར་ཨང་གྲངས། ཁ་པར་ཨང་གྲངས། འཕྲིན་ཡིག་བསྐུར་ཡུལ(ཡིག་གཟུགས་ཁམས་དྭངས་ལ་ཁ་གསལ་བ་དགོས) བླང་བྱ་ལྟར་ཆ་འཕྲིན་ཐོ་འགོད་མ་བྱས་པའི་བརྩམས་ཆོས་ཀྱི་རིགས་འགྲན་བསྡུར་ནང་འཇུག་རྒྱུ་མིན།ལྔ་པ། བརྩམས་ཆོས་ཀྱི་བྱ་དགའ་དཔྱད་པ།གཙོ་གཉེར་བྱེད་མཁན་གྱིས་ལྗོངས་ནང་ཁུལ་གྱི་ཡིག་གཟུགས་ཆེད་ལས་མཁས་པ་གདན་འདྲེན་ཞུས་ཏེ་དཔྱད་འདེམས་ཨུ་ཡོན་ལྷན་ཁང་བཙུགས་ཏེ། ཡོངས་བསྒྲགས་དང་། དྲང་པོ་དྲང་གཞག་གི་རྩ་དོན་ཐོག་ནས། ཡིག་གཟུགས་བརྩམས་ཆོས་ལ་གཅིག་གྱུར་ཐོག་དཔྱད་འདེམས་བྱ་རྒྱུ། དཔྱད་འདེམས་པའི་ཡིག་གཟུགས་འགྲན་བསྡུར་ལ་ཞུགས་མི་ཆོག ཡིག་གཟུགས་འགྲན་བསྡུར་ཆེན་མོར་བྱ་དགའ་ཨང་དང་པོ་དང་། ཨང་གཉིས་པ། ཨང་གསུམ་པ། ཕུལ་བྱུང་བྱ་དགའ། སྒྲིག་འཛུགས་བྱ་དགའ་སོགས་བྱ་དགའ་མང་ཉུང་ཞིག་བཀོད་སྒྲིག་བྱས་ཡོད་ཅིང་། བྱ་དགའ་ཐོབ་པའི་བརྩམས་ཆོས་ལ་བྱ་དགའི་དཔང་ཡིག་དང་། བྱ་དགའི་རྟགས་མ། བྱ་དགའི་དངོས་པོ་བཅས་སྤྲོད་རྒྱུ།དྲུག་པ། འགྲན་བསྡུར་ནང་ཞུགས་སྟངས།1.མི་སྒེར་གྱིས་རང་མོས་ངང་ཡིག་གཟུགས་བརྩམས་ཆོས་བསྐུར་མཁན་ཡིན་ཕྱིན། ཨང་ཐོ་འགོད་པ་དང་། ཆེས་མྱུར་ཆེད་སྐྱེལ་གྱི་སྦྲག་ལམ་ནས་བསྐུར་ཆོག་ལ། རང་ཉིད་སོ་སོས་བསྐྱལ་ནའང་འགྲིག 2.ཚན་པས་སྒྲིག་འཛུགས་བྱས་ནས་འགྲན་བསྡུར་ནང་ཞུགས་མཁན་ཡིན་ཕྱིན། སྒྲིག་འཛུགས་ཚན་པས་གཅིག་སྡུད་ཐོག་སྐྱེལ་དགོས། ས་གནས་ཁག་དང་འབྲེལ་ཡོད་ཚན་པ་ཁག་གིས་རྒྱ་ཆེའི་བྲིས་པ་རྣམས་སྐུལ་སློང་རྒྱ་ཆེར་བྱས་ཏེ་འགྲན་བསྡུར་ནང་ཧུར་ཐག་ཞུགས་དགོས།བདུན་པ། དོ་སྣང་བྱ་དགོས་པའི་དོན་ཚན།1.འགྲན་བསྡུར་འདིར་ཞུགས་པར་གྲོན་དངུལ་གང་ཡང་བསྡུ་རྒྱུ་མིན། འགྲན་བསྡུར་ནང་ཞུགས་པའི་བརྩམས་ཆོས་ཕྱིར་སློག་གི་མེད།2.འགྲན་བསྡུར་ལ་ཞུགས་པའི་བརྩམས་ཆོས་ཡོད་དོ་ཅོག་གཙོ་གཉེར་བྱེད་མཁན་ལ་དབང་བས། གཙོ་གཉེར་བྱེད་མཁན་གྱིས་བརྩམས་ཆོས་འགྲེམ་སྟོན་དང་། བརྙན་ཕབ། དཔེ་སྐྲུན། དྲིལ་བསྒྲགས་སོགས་བྱེད་པའི་དབང་ཆ་ཡོད་ཅིང་། རྩོམ་པ་པོར་མིང་རྟགས་འགོད་དབང་ཡོད། བྱ་དགའ་ཐོབ་པའི་བརྩམས་ཆོས་གཅིག་སྡུད་གི་དེབ་གཟུགས་བཟོ་དུས། དེབ་ནང་ཚུད་པའི་བརྩམས་ཆོས་ཀྱི་རྩོམ་པ་པོ་རེར་དེབ1སྤྲོད་རྒྱུ་དང་། བརྩམས་ཆོས་ཀྱི་རིན་པ་མེད།3.ཟླ9པའི་ཟླ་མཇུག་ཏུ་བྱ་དགའ་ཐོབ་པའི་བརྩམས་ཆོས་འགྲེམས་སྟོན་དང་བྱ་དགའ་སྤྲོད་པའི་མཛད་སྒོ་འཚོག་རྒྱུ། ཞིབ་ཕྲའི་དུས་ཚོད་དང་ས་གནས་བརྡ་ཐོ་ལོགས་སུ་གཏོང་རྒྱུ།4.འགྲན་བསྡུར་ནང་ཞུགས་རྒྱུའི་བརྩམས་ཆོས་སྦྲག་ཐོག་ནས་བོད་རང་སྐྱོང་ལྗོངས་བོད་སྐད་ཨུད་གཞུང་ལས་ཁང(རྩོམ་སྒྱུར་ཅུད)ལ་སྐུར་རོགས།བསྐུར་སའི་ས་གནས། ལྷ་ས་གྲོང་ཁྱེར་མི་རིགས་བྱང་ལམ་སྒོ་རྟགས་ཨང་7པ།བསྐུར་ཡུལ། སྤེན་པ་ཚེ་རིང་།སྦྲག་ཨང་། 850000འབྲེལ་གཏུག་ཁ་པར། 0891 - 0891-6125617 13308990403ཟུར་བཀོད། ཡིག་གཟུགས་འབྲི་རྩལ་འགྲན་བསྡུར་བརྩམས་ཆོས་ཀྱི་ཆ་འཕྲིན་རེའུ་མིག.docxབོད་རང་སྐྱོང་ལྗོངས་བོད་སྐད་ཡིག་ལས་དོན་ཨུ་ཡོན་ལྷན་ཁང་གཞུང་དོན་ཁང་།2024 ལོའི་ཟླ7ཚེས15ཉིན། འགན་འཁུར་རྩོམ་སྒྲིག་པ། བསོད་ནམས་དབང་འདུས།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་བྱང་སྲིད་དོན། བཤེར་འབེབས། རིན་ཆེན་ཚེ་རིང་།ཉེ་ཆར་ཞིང་ཆེན་དང་པུ་ཡིས་ཐུན་མོང་ཐོག་མཚོ་སྔོན་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་འཛུགས་སྐྲུན་མགོ་ཁྲིད་ཚོགས་ཆུང་གཞུང་ལས་ཁང་གི《2023ལོའི་ཞིང་ཆེན་ཡོངས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་འཛུགས་སྐྲུན་བྱས་ཚུལ་གྱི་དཔྱད་ཞིབ་བྱས་འབྲས་སྐོར་གྱི་བརྡ་ཁྱབ》（མཚོ་སྔོན་ཞིང་ལས་སྤུས་ཚད〔2024〕ཨང43པ）དང་ཞིང་ཆེན་ནོར་སྲིད་ཐིང་གི《2024ལོའི་ཞིང་ལས་ཀྱི་འབྲེལ་ཡོད་སྤོ་སྒྱུར་གཏོང་སྤྲོད་མ་དངུལ་ཁག་གསུམ་པ་གཤམ་སྤྲོད་བྱ་རྒྱུའི་སྐོར་གྱི་བརྡ་ཁྱབ》（མཚོ་སྔོན་ནོར་སྲིད་ཞིང་ལས〔2024〕ཨང823པ）གཞིར་བཟུང་། མཚོ་བྱང་ཁུལ་ལ2023ལོའི་ཞིང་ཆེན་ཡོངས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་གྱི་དཔྱད་ཞིབ་ལས་ཕུལ་བྱུང་བྱ་དགའ་ཐོབ་པ་དང་ཞིང་ཆེན་ཡོངས་ཀྱི་ཨང་གཉིས་པ་བླངས་ཤིང་། ཞིང་ཆེན་རིམ་པའི་བྱ་དགའི་མ་དངུལ་སྒོར་ཁྲི1800ཐོབ།ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་འཛུགས་སྐྲུན་བྱ་རྒྱུ་ནི་ཐོན་ལས་ཀྱི“གནས་བཞི”འཛུགས་སྐྲུན་བྱེད་པའི་ནང་དོན་གལ་ཆེན་ཞིག་ཡིན། ན་ནིང་ནས་བཟུང་། མཚོ་བྱང་ཁུལ་གྱིས“ཆེས་ཆེ་བ་གསུམ”གྱི་དུས་བབ་ལ་ངེས་ཤེས་ཟབ་མོ་བཅངས་ནས། པུ་དང་ཞིང་ཆེན་གྱིས་ཐུན་མོང་ཐོག་མཚོ་སྔོན་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་འཛུགས་སྐྲུན་བྱེད་པའི་གླགས་དང་བསྟུན་ནས། ཞིང་ཕྱུགས་ལས་ཀྱི་ལྗང་མདོག་ཅན་དང་སྤུས་ལེགས་ཅན། ཚད་གཞི་ཅན། ཟོང་རྟགས་ཅན་བཅས་ལ་སྐུལ་འདེད་ཤུགས་ཆེན་བཏང་ཞིང་། ཐོན་སྐྱེད་ཡུལ་གྱི་སྣེ་ཁྲིད་ཁུལ་འཛུགས་སྐྲུན་བྱེད་པར་གོམ་ཁ་བརྟན་པོ་སྤོས་ཏེ། “185”བྱ་བའི་བསམ་ཕྱོགས་བཏོན་ཞིང་། 《མཚོ་བྱང་ཁུལ་གྱིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་གྱི་སྣེ་ཁྲིད་ཁུལ་འཛུགས་སྐྲུན་བྱེད་པའི་མིག་སྔའི་འཆར་གཞི》སོགས་ཡིག་ཆ་བཏོན་ཏེ། ཞིང་ཕྱུགས་ཐོན་ལས་འཕེལ་རྒྱས་དང་ནོར་སྲིད་སྦྲེལ་མཐུད་ཀྱིས་གྲོང་གསེབ་དར་སྤེལ་གཏོང་བའི་ཁ་གསབ་མ་དངུལ་རྣམ་གྲངས་ཁག107དང་སྒོར་དུང་ཕྱུར7.61ཟིན་པ་དོན་འཁྱོལ་བྱས། ཞིང་ཆེན་ཞིང་ལས་གྲོང་གསེབ་ཐིང་དང《ཐིང་དང་ཁུལ་གྱིས་ཐུན་མོང་ཐོག་མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་གྱི་སྣེ་ཁྲིད་ཁུལ་བསྐྲུན་པའི་མཉམ་ལས་གྲོས་མཐུན》ལ་མིང་རྟགས་བཀོད་པ་དང་། “མདོ་ལ་རིང་མོའི་འདབས་རོལ་གྱི་ཕྱུགས་ར་བཟང་བོ”ཞེས་པའི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་སྤྱི་སྤྱོད་ཟོང་རྟགས་གྱི་འགྲེམ་སྤེལ་ཚོགས་འདུ་དང་། “ཐོན་ལས་དར་སྤེལ། ཟོང་རྟགས་གཏོད་པ། ཡོང་འབབ་འཕར་སྣོན། དར་སྤེལ་རམ་འདེགས”ཀྱི་སྤུས་ལེགས་རྒྱུད་སྤེལ་ཕྱུགས་ཟོག་འགྲེམ་སྟོན་དང་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་དཔྱད་བསྡུར་གྱི་བྱ་འགུལ་སྤེལ་ཏེ། ཁེ་ལས10དང་ཐོན་རྫས112ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི“སྤུས་ལེགས་མཛོད”དུ་བཅུག ཁུལ་ཡོངས་སུ་“ཐོན་རྫས་གསུམ་དང་མཚན་རྟགས་གཅིག”གི་ཞིང་ཕྱུགས་ཐོན་རྫས119ངོས་ལེན་ཐོ་འགོད་བྱས། “མདོ་ལ་རིང་མོའི་བོད་ལུག”དེ་རྒྱལ་ཡོངས་ཀྱི2023ལོའི་ཞིང་ལས་ཟོང་རྟགས་སྤུས་ལེགས་གསོ་སྐྱོང་མིང་ཐོའི་ནང་ཚུད་པ་དང་། ཞིང་ཆེན་ཡོངས་ལས་མིང་ཐོ་དེའི་ནང་ཚུད་པ་གཅིག་པུ་ཡིན། “རྐང་ཚའི་བོད་ལུག”དེ་རྒྱལ་ཡོངས་ཀྱི“རྫོང་གཅིག་ལ་ཁྱད་ཆོས་གཅིག”གི་ཀྲུང་གོའི་ཟོང་རྟགས་དཀར་ཆག་ནང་བཅུག ཁུལ་ཡོངས་ཀྱི་རང་བྱུང་རྩྭ་ས་མུའུ་ཁྲི2322དང་བོད་ལུག་དང་ནོར་གནག་ཁྲི199སླར་ཡང་སྐྱེ་ལྡན་ལྟ་ཞིབ་ཚད་ལེན་གྱི་ཁས་ལེན་ཐོབ། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་དང་ཕྱིར་ཚོང་གྱི“གཞུང་ལམ་མཁོ་འཚོང”གི་བྱེད་སྒོ་བདེ་ལེགས་ངང་སྤེལ་བ་དང་། མཚོ་བྱང་གི་དམིགས་བསལ་སྤུས་ལེགས་ཐོན་རྫས་འགྲེམ་ཚོང་ལྟེ་གནས་བསྐྲུན་ཏེ་ཁེ་ལས58ཀྱི་ཞིང་ཕྱུགས་ཐོན་རྫས་སྣ་ཁ516ལས་སྟེགས་སུ་བཅའ་སྡོད་བྱས། སྔ་རྗེས་སུ་ཧྲན་ཏུང་ལིན་དབྱི་གྲོང་ཁྱེར་དང་ཆིང་ཏའོ་གྲོང་ཁྱེར་དུ་མཚོ་བྱང་གི་སྤུས་ལེགས་ཐོན་རྫས་ཁང་དང་། “སྤུས་ལེགས་ཐོན་རྫས་རྒྱང་བཞུད”ཁག་བགོས་ལྟེ་གནས། མཚོ་བྱང་མགྲོན་འཕྲད་ཤག དེ་བཞིན“མཚོ་སྔོན་མདའ་བཞིའི་ཐོན་རྫས་གྲགས་ཅན་འགྲེམ་འཚོང་ལྟེ་གནས”བཅས་བཙུགས། ཁུལ་ཡོངས་ཀྱིས་ཞིང་ཆེན་ཕྱི་ནང་དུ་རྒྱ་ཁོག་ཚོང་ཁང18དང་ཐུག་པའི་ཟ་ཁང746ཕྱེས་ཤིང་། མཚོ་བྱང་གི་སྤུས་ལེགས་ཐོན་རྫས་ཞིང་ཆེན་ཕྱི་ནང་དུ་ཕྱིར་འཚོང་བྱེད་ཚད་སྒོར་དུང་ཕྱུར3.23སླེབས་ཡོད།རྗེས་ཕྱོགས། མཚོ་བྱང་ཁུལ་གྱིས་ཐོན་ལས་སྟོབས་ལྡན་དུ་གཏོང་བ་དང་། ལྗང་མདོག་འཕེལ་རྒྱས། ཐོན་ལས་མཉམ་འདྲེས། ཚན་རྩལ་གསར་གཏོད། ཟོང་རྟགས་འཛུགས་སྐྲུན། ཐོན་རྫས་གཉེར་ཚོང་སོགས་ཀྱི་ཐད་མུ་མཐུད་འབད་བརྩོན་བྱས་ཏེ། ཐིང་དང་ཁུལ་གྱིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་གྱི་སྣེ་ཁྲིད་ཁུལ་མཉམ་སྐྲུན་བྱ་རྒྱུ་ལྟེ་བར་བཟུང་སྟེ། “ཅི་ཞིག་ཐོན་སྐྱེད་བྱུ་རྒྱུ་དང་། ཇི་ལྟར་ཐོན་སྐྱེད་བྱ་རྒྱུ། གང་ལ་ཕྱིར་གཏོང་བྱ་རྒྱུ། སུས་ཐོན་སྐྱེད་བྱ་རྒྱུ”བཅས་ཀྱི་ལས་ཀའི་བསམ་ཕྱོགས་ལྟེ་བར་བཟུང་ནས། སྲིད་ཇུས་དང་བྱེད་ཐབས་བཏོན་ཏེ་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་རྟེན་གཞི་འཛུགས་རྒྱུ་དང་། ཞིང་ཕྱུགས་ཐོན་རྫས་ཐོན་སྐྱེད་དང་ཕྱིར་ཚོང་འབྲེལ་མཐུད་བྱེད་ཤུགས་ཆེ་རུ་གཏོང་རྒྱུ། སྐྱེ་ཁམས་ཞིང་ཕྱུགས་ལས་ཀྱི“གཅིག་ཅན་དགུའི”ལེ་ལག་ཚང་བའི་ལས་གྲྭ་འཛུགས་སྐྲུན་དང་། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་དྲིལ་སྒྲོག་འོས་སྦྱོར་བྱེད་སྒོ་དང་། གནས་གསུམ་གྱི་ཟོང་སྒྲོམ་བརྒྱའི་བྱེད་སྒོ་དང་། ཞིང་ཕྱུགས་ལས་ཀྱི་སྤུས་ཚད་དབྱེ་ཞིབ་དང་ཚད་གཞིའི་མ་ལག་འཛུགས་སྐྲུན་བཅས་ལ་མུ་མཐུད་སྐུལ་འདེད་བཏང་ནས་ཞིང་ཕྱུགས་ལས་ཀྱི་ཚན་རྩལ་འདེགས་སྐྱོར་ཆུ་ཚད་སྔར་བས་མཐོ་རུ་གཏོང་བ་དང་། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་“གསེར་”གྱི་མིང་བྱང་བསྐྲུན་ཏེ། སྐྱེ་ལྡན་ཞིང་ཕྱུགས་ཐོན་རྫས་ཐོན་སྐྱེད་ཡུལ་གཏོད་པའི་ཐད་ཚད་བརྒལ་གསར་པ་དང་གྲུབ་འབྲས་གསར་པ་ལེན་རྒྱུར་བརྩོན་ལེན་བྱ་རྒྱུ། སྐབས་སྔོན་མ། ཞིབ་འཇུག་གསར་བས་མདོ་དབུས་མཐོ་སྒང་གི་གནའ་བོའི་ཏན་ཉི་སུའོ་ཝ་མིའི་འཚོ་གནས་བྱེད་སྟངས་གསལ་སྟོན་བྱས། སྐབས་རྗེས་མ། མེད།

ཧྥོ་ཧྲན་ཤང་ནི་འཇོལ་རྫོང་ནུབ་བྱང་ཕྱོགས་སུ་གནས་ལ། འདི་གའི་ས་དབྱིབས་དང་ས་བབ་སྣ་མང་ཡིན་པ་དང་། རི་ཁུལ་ལུང་གཞུང་ནས་མཐོ་གྲང་རི་ཁུལ་བར་ས་ཆ་ཚང་མ་ལྷ་ཡི་ཆོ་འཕྲུལ་གྲུབ་པ་ལྟ་བུ། ཧྥོ་ཧྲན་ཤང་དུ་ལངས་ནས་བལྟས་ན་རྒྱུན་མི་ཆད་པའི་རི་རྒྱུད་དང་གཏིང་ཟབ་པའི་གྲོག་རོང་གིས་མི་རྣམས་ལ་རང་དབང་མེད་པར་རང་བྱུང་ཁམས་ཀྱི་མཛེས་སྡུག་ལ་དབུགས་རིང་འབྱིན་དུ་བཅུག ཧྥོ་ཧྲན་ཤང་གི་གནམ་གཤིས་ནི་རི་ཁུལ་གྱི་དུས་རླུང་གནམ་གཤིས་ལ་གཏོགས། དུས་ཚིགས་བཞི་བོ་གསལ་བོ་དང་ཉི་འོད་འདང་ངེས་ཡིན། འདི་གའི་ལོ་རེའི་ཆ་སྙོམས་དྲོད་ཚད་འཚམ་པ་དང་སད་མེད་པའི་དུས་ཡུན་རིང་བས་སྐྱེ་དངོས་སྣ་མང་ལ་འཚོ་གནས་ཀྱི་ཁོར་ཡུག་བཟང་པོ་ཞིག་མཁོ་འདོན་བྱས་ཡོད། ཕུན་སུམ་ཚོགས་པའི་ཆར་ཆུ་དང་སྣ་མང་གི་གནམ་གཤིས་ཆ་རྐྱེན་གྱིས་ཧྥོ་ཧྲན་ཤང་གི་ཐུན་མོང་མ་ཡིན་པའི་སྣོད་བཅུད་མ་ལག་སྐྱེད་སྲིང་བྱས་པ་དེ་ནི་རི་སྐྱེས་སྲོག་ཆགས་དང་རྩི་ཤིང་གི་དགའ་ཚལ་ཞིག་རེད། ཧྥོ་ཧྲན་ཤང་ལ་ས་འོག་གཏེར་ཁ་ཕུན་སུམ་ཚོགས་པ་མ་ཟད་སྐྱེ་དངོས་ཐོན་ཁུངས་ཕུན་སུམ་ཚོགས་པོ་ཡོད། འདི་གར་ཁྱེད་ཀྱིས་རྩ་ཆེའི་སྨན་རྩྭ་དཔེར་ན་དབྱར་རྩྭ་དགུན་འབུ་དང་བེ་ཤ་དང་དེ་བཞིན་རྒྱལ་ཁབ་རིམ་པའི་སྲུང་སྐྱོང་རྩི་ཤིང་སྣ་ཚོགས་རྙེད་ཐུབ། ཧྥོ་ཧྲན་ཤང་གི་སྐྱེ་དངོས་སྣ་མང་རང་བཞིན་ནི་རང་བྱུང་གིས་ས་གཞི་འདི་ལ་གནང་བའི་རྒྱུ་ནོར་རྩ་ཆེན་ཞིག་ཡིན།

ས་གནས་དེ་གའི་དུས་ཚོད་ཟླ་7ཚེས་15ཉིན། ཧིན་རྡུ་ཉི་ཞི་ཡར་བཅའ་སྡོད་ཀྲུང་གོའི་གཞུང་ཚབ་ཆེན་མོ་ཁང་གིས་བརྡ་ཐོ་བཏང་བའི་ནང་འཁོད་དོན། ཀྲུང་གོའི་སྤྱི་དམངས་དེ་བས་མང་བ་ཞིག་གིས་ཧིན་རྡུ་ཉི་ཞི་ཡར་རླངས་འཁོར་དང་སྦག་སྦག་གླས་ནས་འགྲོ་སྐྱོད་བྱེད་པ་དང་ཆབས་ཅིག ལག་ཁྱེར་མེད་པར་རླངས་འཁོར་བསྐོར་བ་དང་སྒྲིག་འགལ་ངང་རླངས་འཁོར་བསྐོར་བ། ཉེན་ཁ་ཆེ་བའི་རླངས་འཁོར་བསྐོར་བ་བཅས་ཀྱི་སྣང་ཚུལ་ཐོན་ནས་འགྲིམ་འགྲུལ་དོན་རྐྱེན་དང་ཐ་ན་མི་སྣ་ཤི་རྨས་བྱུང་ཡོད།ཧིན་རྡུ་ཉི་ཞི་ཡར་ཡོད་པའི་རྒྱ་ཆེའི་ཀྲུང་གོའི་སྤྱི་དམངས་ཀྱི་རླངས་འཁོར་བསྐོར་བའི་བདེ་འཇགས་འདུ་ཤེས་ཟབ་ཏུ་གཏོང་བ་དང་། ཚང་མས་འབྲེལ་ཡོད་སྲིད་ཇུས་ཤེས་རྟོགས་ཐུབ་རྒྱུར་སྟབས་བདེ་ཡོང་ཆེད། ཧིན་རྡུ་ཉི་ཞི་ཡར་བཅའ་སྡོད་ཀྲུང་གོའི་གཞུང་ཚབ་ཆེན་མོ་ཁང་གིས《ཕྱི་རྒྱལ་བས་ཧིན་རྡུ་ཉི་ཞི་ཡར་རླངས་འཁོར་བསྐོར་བའི་ཕྱོགས་སྟོན》བཟོས་ནས་ཁྱབ་བསྒྲགས་བྱས་པ་མ་ཟད། ཀྲུང་གོའི་སྤྱི་དམངས་ཀྱིས་ཁྲིམས་ལྟར་རླངས་འཁོར་བསྐོར་བ་དང་། རླངས་འཁོར་གཟབ་ནན་ངང་བསྐོར་བ། འགྲིམ་འགྲུལ་སྒྲིག་སྲོལ་ལ་བརྩི་སྲུང་བྱས་ནས། རང་ཉིད་དང་གཞན་གྱི་བདེ་འཇགས་ལ་འགན་འཁུར་དགོས་པའི་དྲན་སྐུལ་བྱས་པ་རེད།གལ་ཏེ་འགྲིམ་འགྲུལ་དོན་རྐྱེན་ཚབས་ཆེན་བྱུང་ཚེ་གཤམ་གྱི་རོགས་སྐྱོར་ཞུ་བའི་ཁ་པར་གཏོང་ཆོགཧིན་རྡུ་ཉི་ཞི་ཡའི་ཉེན་བརྡ་གཏོང་བའི་ཁ་པར། +62-110ཧིན་རྡུ་ཉི་ཞི་ཡའི་མྱུར་སྐྱོབ་ཁ་པར། +62-119ཕྱི་འབྲེལ་པུའི་གོ་ལ་ཧྲིལ་པོའི་གཞུང་ཚབ་དོན་གཅོད་ཁང་གི་སྲུང་སྐྱོབ་དང་ཞབས་ཞུའི་འཕྲལ་བསྟུན་ཐད་སྦྲེལ་ཁ་པར་ནི། +86-10-12308འམ་ཡང་ན། +86-10-65612308ཡིན།ཧིན་རྡུ་ཉི་ཞི་ཡར་བཅའ་སྡོད་གཞུང་ཚབ་དོན་གཅོད་ཁང་གི་སྲུང་སྐྱོབ་དང་གཞོགས་འདེགས་ཁ་པར་ནི། +62-21-5764135ཡིན།སི་ཧྲུའེ་རུ་བཅའ་སྡོད་སྤྱི་ཁྱབ་གཞུང་ཚབ་དོན་གཅོད་ཁང་གི་སྲུང་སྐྱོབ་དང་གཞོགས་འདེགས་ཁ་པར་ནི། +62-31-5678284ཡིན།མེན་ལན་དུ་བཅའ་སྡོད་སྤྱི་ཁྱབ་གཞུང་ཚབ་དོན་གཅོད་ཁང་གི་སྲུང་སྐྱོབ་དང་གཞོགས་འདེགས་ཁ་པར་ནི། +62-82165631070ཡིན།ཏེང་པ་སར་བཅའ་སྡོད་སྤྱི་ཁྱབ་གཞུང་ཚབ་དོན་གཅོད་ཁང་གི་སྲུང་སྐྱོབ་དང་གཞོགས་འདེགས་ཁ་པར་ནི། +62-361-239902ཡིན།

ཀྲུང་དབྱང་གནམ་གཤིས་ལས་ཁུངས་ཀྱིས་ཟླ་7ཚེས་16ཉིན་གྱི་ཆུ་ཚོད་06པའི་ཐོག་དྲག་ཆར་འབབ་པའི་ཉེན་བརྡ་མུ་མཐུད་བཏང་སྟེ། སྔོན་དཔག་བྱས་ན། ཟླ་7ཚེས་16ཉིན་གྱི་ཆུ་ཚོད་08ནས་ཚེས་17ཉིན་གྱི་ཆུ་ཚོད་08པའི་བར། ཀན་སུའུ་ཤར་ལྷོའི་རྒྱུད་དང་ཧྲའན་ཞིའི་ལྷོ་རྒྱུད། སི་ཁྲོན་གཤོང་སའི་ནུབ་རྒྱུད། ཧྲན་ཞིའི་ལྷོ་རྒྱུད། ཧོ་ནན་གྱི་ལྷོ་རྒྱུད། ཧྲན་ཏུང་གི་ལྷོ་རྒྱུད་དང་ཤར་རྒྱུད། ཨན་ཧུའེ་ཡི་བྱང་རྒྱུད། ཅང་སུའུ་ཡི་བྱང་རྒྱུད། ནང་སོག་གི་བྱང་རྒྱུད། ཧེ་ལུང་ཅང་གི་ནུབ་བྱང་རྒྱུད། ཧའེ་ནན་གླིང་ཕྲན་གྱི་ཤར་ལྷོའི་རྒྱུད་སོགས་ས་ཁུལ་ཁ་ཤས་སུ་ཆར་ཆེན་ནས་དྲག་ཆར་འབབ་རྒྱུ་ཡིན་ལ། དེའི་ནང་ཧོ་ནན་གྱི་ཤར་རྒྱུད་དང་། ཧྲན་ཏུང་གི་ལྷོ་རྒྱུད། ཨན་ཧུའེ་ཡི་བྱང་རྒྱུད། ཅང་སུའུ་ཡི་བྱང་རྒྱུད་སོགས་ས་ཁུལ་ཁ་ཤས་སུ་དྲག་ཆར་ཆེན་པོ་འབབ་རྒྱུ་ཡིན་པ་དང་། ས་ཁུལ་ཁག་ཅིག་ཏུ་དྲག་ཆར་ཧ་ཅང་ཆེན་པོ་འབབ་རྒྱུ་རེད།（ཧའོ་སྨི་250ནས་300བར།）གོང་གི་ས་ཁུལ་ཁ་ཤས་སུ་དུས་ཐུང་ནང་དྲག་ཆར་འབབ་རྒྱུ་རེད། (དུས་ཚོད་རེར་ཆར་ཆུ་འབབ་ཚད་ཆེ་ཤོས་ཧའོ་སྨི་30ནས་50ཡོད་པ་དང་། ས་ཁུལ་ཁག་ཅིག་ཏུ་ཧའོ་སྨི་80ལས་བརྒལ་སྲིད།) ས་ཁུལ་ཁ་ཤས་སུ་འབྲུག་གྲགས་པ་དང་ལྷགས་པ་ཆེན་པོ་རྒྱག་པ་སོགས་གཏད་རྒྱུག་གི་གནམ་གཤིས་དྲག་པོ་ཡོད།འགོག་སྲུང་ཕྱོགས་སྟོན།1.སྲིད་གཞུང་དང་འབྲེལ་ཡོད་སྡེ་ཁག་གིས་འགན་འཁྲི་གཞིར་བཟུང་། དྲག་ཆར་འགོག་པའི་གྲ་སྒྲིག་ལས་དོན་ཡག་པོ་སྒྲུབ་དགོས།2. ཉེན་ཁ་ཡོད་པའི་ཕྱི་རོལ་གྱི་གློག་ཁུངས་བཅད་ནས་ཕྱི་རོལ་གྱི་ལས་ཀ་གནས་སྐབས་མཚམས་འཇོག་དགོས།3. ཉེན་ཁའི་ཁུལ་དུ་གནས་པའི་སྡེ་ཚན་གྱིས་སློབ་ཚན་དང་ལས་མཚམས་འཇོག་དགོས་པ་དང་། ཆེད་དམིགས་ཀྱི་བྱེད་ཐབས་སྤྱད་དེ་སློབ་གྲྭར་སླེབས་པའི་སློབ་མ་དང་བྱིས་པ། ལས་ཀ་བྱེད་མཁན་གཞན་དག་བཅས་ཀྱི་བདེ་འཇགས་ལ་སྲུང་སྐྱོབ་བྱེད་དགོས།4. གྲོང་ཁྱེར་དང་ཞིང་ཁའི་འཁྱིལ་ཆུ་ཕྱིར་འབུད་ཡག་པོ་བྱས་ཏེ། ཆུ་ལོག་དང་། རི་ཉིལ། འདམ་རྡོའི་ཆུ་རུད་སོགས་ཀྱི་གནོད་འཚེ་འབྱུང་ཉེན་ཡོད་རིགས་སྔོན་འགོག་བྱ་རྒྱུར་དོ་སྣང་བྱེད་དགོས།

ཚོང་དོན་པུའི་དྲ་ཚིགས་ཐོག་གནས་འཕྲིན་སྤེལ་བར་གཞིགས་ན། ཚོང་དོན་པུའི་གསར་འགྱུར་མགྲིན་ཚབ་པས་ཨ་རིའི《དངུལ་ལོར་འགྲེམས་ཐལ་ཤོར་ཚད་ཉུང་དུ་གཏོང་བའི་བཅའ་ཁྲིམས》ཞུ་གཏུག་བྱས་པའི་འཛམ་གླིང་ཚོང་དོན་རྩོད་གཞིའི་གྱོད་གཞིའི་ཐད་གསར་འགོད་པའི་དྲི་བར་ལན་བཏབ་པ་རེད།དྲི་བ། ཤེས་རྟོགས་བྱུང་བར་གཞིགས་ན། ཀྲུང་གོས་ཨ་རིའི《དངུལ་ལོར་འགྲེམས་ཐལ་ཤོར་ཚད་ཉུང་དུ་གཏོང་བའི་བཅའ་ཁྲིམས》ཀྱི་ནུས་ཁོངས་གསར་པའི་རླངས་འཁོར་ཁ་གསབ་སོགས་ཀྱི་བྱེད་ཐབས་ཐད་འཛམ་གླིང་ཚོང་དོན་རྩ་འཛུགས་ལ་ཆེད་མཁས་པའི་ཚོ་ཆུང་འཛུགས་རྒྱུའི་རེ་བ་བཏོན་པ་རེད། ཁྱེད་ཀྱིས་ཞིབ་ཕྲའི་གནས་ཚུལ་ངོ་སྤྲོད་བྱས་ན་ཆོག་གམ།དྲིས་ལན། ཀྲུང་གོའི་ནུས་རྒྱུ་གསར་པའི་རླངས་འཁོར་ཐོན་ལས་འཕེལ་རྒྱས་ཕྱིན་པ་དེས་གོ་ལ་ཧྲིལ་པོའི་ནུས་རྒྱུ་ལྗང་མདོག་རིམ་སྒྱུར་དང་། གནམ་གཤིས་འགྱུར་ལྡོག་ལ་ཁ་གཏད་གཅོག་ཆེད་ལེགས་སྐྱེས་གལ་ཆེན་ཕུལ་ཡོད། ཀྲུང་གོའི་ནུས་ཁོངས་གསར་པའི་རླངས་འཁོར་ཐོན་ལས་འཕེལ་རྒྱས་ཀྱི་ཁེ་དབང་སྲུང་སྐྱོང་བྱ་ཆེད། ཟླ་3ཚེས་26ཉིན། ཀྲུང་གོ་ཕྱོགས་ཀྱིས་ཨ་རིའི《དངུལ་ལོར་འགྲེམས་ཐལ་ཤོར་ཚད་ཉུང་དུ་གཏོང་བའི་བཅའ་ཁྲིམས》ཀྱི་འབྲེལ་ཡོད་ནུས་ཁོངས་གསར་པའི་རླངས་འཁོར་ཁ་གསབ་སོགས་ཀྱི་བྱེད་ཐབས་འཛམ་གླིང་ཚོང་དོན་རྩ་འཛུགས་ཀྱི་རྩོད་གཞི་ཐག་གཅོད་ལམ་སྲོལ་ལ་ཞུ་གཞུག་བྱ་རྒྱུ་རེད། ཨ་རི་ཕྱོགས་ཀྱིས་ཀྲུང་གོ་ཕྱོགས་དང་གྲོས་མོལ་བྱས་པ་བརྒྱུད་ཐག་གཅོད་ཇུས་གཞི་འཇོག་མ་ཐུབ་པས། ཟླ་7ཚེས་15ཉིན། ཀྲུང་ཕྱོགས་ཀྱིས་འཛམ་གླིང་ཚོང་དོན་རྩ་འཛུགས་ལ་ཆེད་མཁས་ཚོ་ཆུང་འཛུགས་རྒྱུའི་རེ་བ་བཏོན་པ་རེད།ཨ་རིའི《དངུལ་ལོར་འགྲེམས་ཐལ་ཤོར་ཚད་ཉུང་དུ་གཏོང་བའི་བཅའ་ཁྲིམས》ཀྱིས་ཨ་རི་སོགས་དམིགས་བསལ་ས་ཁུལ་གྱི་ཐོན་རྫས་སྤྱོད་པ་དེ་ཁ་གསབ་ཀྱི་སྔོན་འགྲོའི་ཆ་རྐྱེན་དུ་བརྩིས་ནས། ཀྲུང་གོ་སོགས་འཛམ་གླིང་ཚོང་དོན་རྩ་འཛུགས་ཀྱི་ཁོངས་མིའི་ཐོན་རྫས་ཟུར་འབུད་བྱེད་པ་དང་། མིས་བཟོས་ཚོང་དོན་བཀག་རྒྱ་བཙུགས་ནས་ནུས་རྒྱུ་ལྗང་མདོག་རིམ་སྒྱུར་གྱི་མ་གནས་མཐོ་རུ་གཏོང་བ། ཐུམ་སྒྲིལ་མཛེས་བཟོ་ཇི་ལྟར་བྱས་ཀྱང་གྱོད་འབྲེལ་ཁ་གསབ་ཀྱི་མཐོང་ཆུང་རིང་ལུགས། སྲུང་སྐྱོང་རིང་ལུགས། འཛམ་གླིང་ཚོང་དོན་རྩ་འཛུགས་ཀྱི་སྒྲིག་སྲོལ་ལས་འགལ་བའི་ངོ་བོ་བཅས་ལ་འགྱུར་ལྡོག་གཏོང་ཐབས་མེད། ཀྲུང་གོ་ཕྱོགས་ཀྱིས་གཏུག་བཤེར་གོ་རིམ་ལ་སྐུལ་འདེད་མཐའ་གཅིག་ཏུ་གཏོང་བ་ནི་བྱ་སྤྱོད་དངོས་ཀྱི་ཐོག་ནས། འཛམ་གླིང་ཚོང་དོན་རྩ་འཛུགས་སྲོག་ཤིང་དུ་བྱས་པའི་ཕྱོགས་མང་ཚོང་དོན་སྒྲིག་སྲོལ་གྱི་དབང་གྲགས་རང་བཞིན་དང་ཕན་ནུས་རང་བཞིན་སྲུང་སྐྱོང་བྱེད་པ་དང་། རྒྱལ་སྤྱིའི་གནམ་གཤིས་འགྱུར་ལྡོག་ལ་ཁ་གཏད་གཅོག་པའི་ཐུན་མོང་གི་འབད་བརྩོན་སྲུང་སྐྱོང་བྱེད་པ་ཞིག་ཡིན།ཀྲུང་གོ་ཕྱོགས་ཀྱིས་འཛམ་གླིང་ཚོང་དོན་རྩ་འཛུགས་ཀྱི་ཁོངས་མིས་འཛམ་གླིང་ཚོང་དོན་རྩ་འཛུགས་ཀྱི་སྒྲིག་སྲོལ་དང་མཐུན་པའི་རྣམ་པའི་ཐོག་ནས་ཐོན་ལས་ཁ་གསབ་ལག་བསྟར་བྱས་ཏེ། ནུས་ཁོངས་ལྗང་མདོག་རིམ་སྒྱུར་ལ་རྒྱབ་སྐྱོར་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་རྒྱུ་ཁས་ལེན་བྱེད་ཀྱི་ཡོད། ང་ཚོས་ཨ་རི་ཕྱོགས་ཀྱིས་འཛམ་གླིང་ཚོང་དོན་རྩ་འཛུགས་ཀྱི་སྒྲིག་སྲོལ་ལ་བརྩི་སྲུང་བྱས་ནས། ཐོན་ལས་སྲིད་ཇུས་གང་བྱུང་དུ་སྤྱད་དེ་རྒྱལ་སྤྱིའི་གནམ་གཤིས་འགྱུར་ལྡོག་ལ་ཁ་གཏད་གཅོག་པའི་མཉམ་ལས་ལ་གནོད་འཚེ་གཏོང་མཚམས་འཇོག་དགོས་པའི་སྐུལ་མ་གཏོང་རྒྱུ་ཡིན།

རྩོམ་སྒྲིག དོན་འགྲུབ་མཚོ། ཡོང་ཁུངས། འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས། བཤེར་འབེབས། རིན་ཆེན་ཚེ་རིང་།ལན་ཀྲོའུ་སློབ་ཆེན་དང་ཀྲུང་གོ་ཚན་རིག་གླིང་མདོ་དབུས་མཐོ་སྒང་ཞིབ་འཇུག་སུའོ། ཏན་མག་ཁོ་ཕེན་ཧ་ཀེན་སློབ་ཆེན་བཅས་ཀྱིས་གྲུབ་པའི་རྒྱལ་སྤྱིའི་ཞིབ་འཇུག་རུ་ཁག་གིས་ཉེ་ཆར་འཛམ་གླིང་གི་རིག་གཞུང་དུས་དེབ་རྩེ་གྲ《རང་བྱུང》ཞེས་པའི་སྟེང་དྲ་ལམ་བརྒྱུད་ཞིབ་འཇུག་གྲུབ་འབྲས་གསར་བ་ཞིག་སྤེལ་ཞིང་། གྲུབ་འབྲས་འདིས་མདོ་དབུས་མཐོ་སྒང་གི་ཏན་ཉི་སུའོ་ཝ་མིའི་ཆེས་འཕྱི་བའི་འཚོ་གནས་དུས་ཚོད་གསར་དུ་ངོས་བཟུང་བར་མ་ཟད། དེ་དག་གི་འཚོ་གནས་བྱེད་སྟངས་ཐོག་མར་གསལ་སྟོན་བྱས། ཞིབ་འཇུག་འདིའི་འགན་འཛིན་པ་དང་ལན་ཀྲོའུ་སློབ་ཆེན་ཐོན་ཁུངས་ཁོར་ཡུག་སློབ་གླིང་གི་དགེ་རྒན་ཆེན་མོ་ཀྲང་ཏུང་ཅུས་ཀྱིས་ངོ་སྤྲོད་བྱས་པ་ལྟར་ན། ཏན་ཉི་སུའོ་ཝ་མི་ནི་རྒྱུད་ཆད་ཟིན་པའི་གནའ་བོའི་མིའི་རིགས་ཤིག་ཡིན་པ་དང་། གནའ་བོའི་མིའི་རིགས་འདིའི་རྗེས་ཤུལ་ཐོག་མར་རྙེད་ས་ནི་ཞི་པོ་ལི་ཡ་ས་ཆའི་ཏན་ཉི་སུའོ་ཝ་བྲག་ཕུག་ཡིན་པས་མིང་ཡང་དེ་ལྟར་ཐོགས་ལ། འདི་དང་ལོ་ངོ་ཁྲི43ནས་ཁྲི4ལྷག་གི་སྔོན་དུ་རྒྱ་ཆེར་ཁྱབ་མྱོང་བའི་ཡོབ་གླིང་གི་ཉི་ཨན་ཏེ་ཐི་མི་གཉིས་ནི་གཅེན་གཅུང་ཚོགས་པ་ཡིན་པར་མ་ཟད། གཉིས་ཀས་དེང་གི་རྒྱ་མཚོ་ཆེན་མོའི་གླིང་དང་། ཡ་གླིང་ཤར་མ། ཡ་གླིང་ལྷོ་མ། མེ་གླིང་བཅས་ཀྱི་གདོད་གནས་མི་ཚོགས་ལ་རྒྱུད་རྒྱུའི་བྱས་རྗེས་བཞག་ཡོད་པ་རེད། 2018ལོ་ནས་བཟུང་། ཀྲང་ཏུང་ཅུས་ཀྱིས་རུ་ཁག་གི་སྣེ་ཁྲིད་དེ་མཚོ་འཕགས་ལ་སྨི3280ཡོད་པའི་མདོ་དབུས་མཐོ་སྒང་གི་ཤར་ལྷོའི་རྒྱུད་ཀྱི་ཀན་སུའུ་ཞིང་ཆེན་བསང་ཆུ་རྫོང་རྒན་གྱའི་བྲག་དཀར་གནའ་ཤུལ་དུ་ཐེངས་མང་པོར་གནའ་དཔྱད་སྔོག་འདོན་བྱས་ཤིང་། སྔོན་ཆད་བྲག་ཕུག་འདི་རུ་གསར་རྙེད་བྱུང་བའི་མིའི་རིགས་ཀྱི་མ་མགལ་རུས་པའི་འགྱུར་རྡོ་ཞིག་ལ་ཕྱོགས་བསྡུས་རང་བཞིན་གྱི་ཞིབ་འཇུག་བྱས། ཞིབ་འཇུག་གྲུབ་འབྲས་ལས་མ་མགལ་རུས་པའི་འགྱུར་རྡོ་འདི་ནི་ལོ་ངོ་ཁྲི16ལྷག་གི་གོང་ལ་གྲུབ་པའི་ཏན་ཉི་སུའོ་ཝ་མིའི་འགྱུར་རྡོ་ཞིག་ཡིན་པ་ཤེས་རྟོགས་བྱུང་བས། ཞིབ་འཇུག་མི་སྣས་འདི་ལ“བསང་ཆུའི་ཏན་ཉི་སུའོ་ཝ་མི”ཞེས་པའི་མིང་བཏགས་ཤིང་། བསྡུས་མིང་ལ“བསང་ཆུའི་མི”ཞེས་ཟེར། དེའི་རྨང་གཞིའི་སྟེང་། ཞིབ་འཇུག་རུ་ཁག་གིས་ད་དུང་རྒན་གྱའི་བྲག་དཀར་དུ2018ལོ་དང2019ལོ་ལ་སྔོག་འདོན་བྱས་པའི་སྲོག་ཆགས་ཀྱི་རུས་པ2500ལ་མ་ལག་དང་ལྡན་པའི་གནའ་དཔྱད་ཞིབ་འཇུག་བྱས་པར་མ་ཟད། གནའ་བོའི་སྤྲི་དཀར་རྫས་དབྱེ་ཞིབ་བྱེད་ཐབས་གསར་བ་ནང་འདྲེན་བྱས་ཏེ། རུས་པའི་གནའ་ཤུལ་འདི་དག་སྲོག་ཆགས་ཅི་ཞིག་གི་ཡིན་པ་དང་གནའ་བོའི་མིའི་རིགས་ཀྱིས་ཇི་ལྟར་བྱས་ཏེ་སྲོག་ཆགས་བཀོལ་སྤྱོད་བྱས་ཚུལ་སོགས་ཀྱི་ཆ་འཕྲིན་སྔ་བས་ཆ་ཚང་བ་ཤེས་རྟོགས་བྱུང་། ཞིབ་འཇུག་མི་སྣས་སྲོག་ཆགས་ཀྱི་རུས་པའི་ཁྲོད་ཀྱི་གནའ་བོའི་སྤྲི་དཀར་རྫས་ཀྱི་མ་དཔེ་ལེན་བཞིན་པ། ཀྲུང་ཏུང་ཅུས་ཀྱིས་གསར་འགོད་པར་བཤད་རྒྱུར། ཁོ་ཚོས་གནའ་བོའི་སྤྲི་དཀར་རྫས་ལ་དབྱེ་ཞིབ་བྱས་པ་བརྒྱུད། རུས་པ་ཆག་རོ་ཞིག་མིའི་རིགས་ཀྱི་རུས་པའི་འགྱུར་རྡོ་ཡིན་པར་མ་ཟད། དེ་ཉིད་ཏན་ཉི་སུའོ་ཝ་མི་ལ་གཏོགས་པ་གཏན་ཁེལ་བྱས་ཤིང་། འགྱུར་རྡོ་ས་ཁར་བུད་པའི་ལོ་རབས་ནི་ད་ནས་ཡར་ལ་བརྩིས་པའི་ལོ་ངོ་ཁྲི4.8ནས་ཁྲི3.2ལྷག་གི་བར་ཡིན་པ་གསལ་བར་བྱས། དུས་མཚུངས་སུ། སྒལ་ཚིགས་སྲོག་ཆགས་རིགས20ལྷག་གསལ་འབྱེད་བྱས་པ་སྟེ། དེ་དག་གི་ཁྲོད་དུ་བསེ་རུ་སྤུ་རིང་དང་འབྲོང་སོགས་རྩྭ་གཟན་སྲོག་ཆགས་དང་། ཁྱི་མ་ཞིམ་དང་གསའ། སྦྲེ་སོགས་ཤ་གཟན་སྲོག་ཆགས་ཡོད་ལ། རི་བོང་དང་འཕྱི་བ་སོགས་འོ་འཐུང་སྲོག་ཆགས་ཆུང་གྲས་ཀྱང་ཡོད་པ་རེད། རྒན་གྱའི་བྲག་དཀར་ནས་སྔོག་འདོན་བྱས་ཤིང་གསར་དུ་གསལ་འབྱེད་བྱས་པའི་ཏན་ཉི་སུའོ་ཝ་མིའི་རུས་པའི་འགྱུར་རྡོ། ལས་ཀ་འདིས་ད་དུང་ཏན་ཉི་སུའོ་ཝ་མིའི་འཚོ་གནས་བྱེད་སྟངས་ཀྱང་གསལ་སྟོན་བྱས་པ་སྟེ། ཁོ་ཚོས་སྔོན་ཆད་བྲག་ཕུག་འདི་རུ་པགས་པ་བཤུ་བ་དང་རྐང་ལག་ཕྲལ་བ། ཤ་ལེན་པ་སོགས་སྲོག་ཆགས་ཀྱི་ཐོན་ཁུངས་ལ་བཟོ་སྣོན་དང་འཛད་སྤྱོད་བྱེད་པའི་བྱེད་སྒོ་ཆ་ཚང་བསྒྲུབས་མྱོང་བར་མ་ཟད། རུས་པ་སྤྱད་དེ་ལག་ཆ་སྟབས་བདེའི་རིགས་བཟོ་བ་དང་བེད་སྤྱོད་བྱེད་ཤེས་མིན་ཚོད་ལྟ་བྱས་པའི་བྱ་སྤྱོད་ཀྱང་མངོན་ཡོད། ཏན་ཉི་སུའོ་ཝ་མིས་བཅད་གཏུབ་བྱས་པའི་རྗེས་ཤུལ་ཡོད་པའི་ཆེས་མཐའ་མཇུག་གི་ཁྱི་མ་ཞིམ་ཁྲ་བོའི་སྒལ་ཚིགས་རུས་པའི་འགྱུར་རྡོ། ཀྲུང་གོ་ཚན་རིག་གླིང་གི་ཡོན་ཧྲི་དང་ཀྲུང་གོ་ཚན་རིག་གླིང་མདོ་དབུས་མཐོ་སྒང་ཞིབ་འཇུག་སུའོ་ཡི་ཞིབ་འཇུག་པ་ཁྲེན་ཧྥ་ཧུའུ་ཡིས་བཤད་རྒྱུར། རྒན་གྱའི་བྲག་དཀར་གྱི་ཏན་ཉི་སུའོ་ཝ་མིས་སྲོག་ཆགས་ཐོན་ཁུངས་སྣ་མང་བེད་སྤྱོད་གང་ལེགས་བྱས་པ་ཡིས་ཁོ་ཚོ་མདོ་དབུས་མཐོ་སྒང་ནས་འཚོ་གནས་བྱེད་པར་ཉུང་མཐར་ཡང་ལོ་ངོ་ཁྲི་བཅུ་གྲངས་འགའི་རོགས་རམ་བྱེད་ཐུབ་ཡོད་པ་རེད།ཆེད་མཁས་པ་ལྟར་ན། ཞིབ་འཇུག་གྲུབ་འབྲས་འདིས་རྒན་གྱའི་བྲག་དཀར་གནའ་ཤུལ་གྱི་དུས་གསར་ཕྱི་མའི་དུས་མཇུག་གི་ཏན་ཉི་སུའོ་ཝ་མིའི་འགུལ་སྐྱོད་ལ་ཞིབ་འཇུག་བྱེད་པར་མིའི་རིགས་ཀྱི་འགྱུར་རྡོའི་བདེན་དཔང་འདོན་སྤྲོད་བྱས་པར་མ་ཟད། ཏན་ཉི་སུའོ་ཝ་མིའི་ཆེས་འཕྱི་བའི་འཚོ་གནས་དུས་ཚོད་དེ་ད་ལྟའི་བར་ལོ་ངོ་ཁྲི4.8ནས་ཁྲི3.2ལྷག་བར་བསྲིངས་ཤིང་། ཏན་ཉི་སུའོ་ཝ་མིའི་གཟུགས་གཞི་དང་རྒྱུད་རྒྱུའི་ཁྱད་ཆོས། འགུལ་སྐྱོད་ལོ་རྒྱུས། དེ་བཞིན་མཚོ་འཕགས་མཐོ་བའི་ཁོར་ཡུག་ཏུ་འཕྲོད་བསྟུན་བྱེད་སྟངས་སོགས་ལ་ཞིབ་འཇུག་བྱེད་པར་རྒྱུ་ཆ་གསར་བ་འདོན་སྤྲོད་བྱས་ལ། ཏན་ཉི་སུའོ་ཝ་མི་དང་སྔ་དུས་ཀྱི་དེང་རབས་མི་གཉིས་ཡ་གླིང་ཤར་མ་ནས་མཉམ་གནས་བྱས་མྱོང་བར་མ་ཟད་དེ་གཉིས་བར་རྒྱུད་རྒྱུ་དང་རིག་གནས་ཀྱི་འབྲེལ་འདྲིས་བྱུང་མྱོང་ཚུལ་སོགས་ལ་ཞིབ་འཇུག་བྱེད་པར་རྒྱུ་ཆ་གནད་འགག་ཅན་དང་ཁུངས་སྣེ་གསར་བ་འདོན་སྤྲོད་བྱས་ཡོད། སྐབས་སྔོན་མ། བོད་ལྗོངས་བྱང་ཐང་དུ་ཐོག་མར་གཙོད་ཕྲུག་དཀར་པོ་མཐོང་བ། སྐབས་རྗེས་མ། མེད།

ཀྲུང་དབྱང་དངུལ་ཁང་གི་གཞུང་ཕྱོགས་དྲ་ཚིགས་ཐོག་གནས་འཕྲིན་སྤེལ་བར་གཞིགས་ན། དཔྱ་ཁྲལ་གཏུག་སེལ་བྲེལ་བ་ཆེ་སྒང་སོགས་པའི་རྒྱུ་རྐྱེན་གྱི་ཤུགས་རྐྱེན་ལ་ཁ་གཏད་འཇལ་ནས། དངུལ་ཁང་མ་ལག་གི་འཁོར་རྒྱུག་རང་བཞིན་ལུགས་མཐུན་དང་འདང་ངེས་སྲུང་སྐྱོང་བྱེད་ཆེད། 2024ལོའི་ཟླ་7ཚེས་15ཉིན། ཀྲུང་གོའི་མི་དམངས་དངུལ་ཁང་གིས་སྐྱེད་ཚད་སུས་འཇོན་དེ་འགུག་གི་རྣམ་པའི་ཐོག་ནས་སྒོར་དུང་ཕྱུར་1290ཚོར་ཉོ་བྱེད་སྟངས་སྤེལ་བ་རེད། གཞན་ཡང་། སྒོར་དུང་ཕྱུར་1000ཡི་དུས་འབྲིང་བུ་ལོན་གཏོང་ལེན་སྟབས་བདེ་（MLF）བཀོལ་སྤྱོད་བྱས་ནས། དངུལ་རྩའི་སྒྲིག་གཞིའི་དགོས་མཁོ་གང་ལེགས་སྐོང་རྒྱུ་རེད། གནས་ཚུལ་ཞིབ་ཕྲ་གཤམ་གསལ་ལྟར།

ཟླ་7ཚེས་12ཉིན། ཕྱི་འབྲེལ་པུས་《ཨ་རིའི་དམག་དོན་བཟོ་ལས་ཁེ་ལས་དང་དེ་བཞིན་མཐོ་རིམ་དོ་དམ་མི་སྣར་ངོ་རྒོལ་བྱ་ཐབས་སྤྱོད་རྒྱུའི་སྐོར་གྱི་གཏན་འབེབས་》ཁྱབ་བསྒྲགས་བྱས་ནས། 2024ལོའི་ཟླ་7ཚེས་12ཉིན་ནས་བཟུང་ལག་བསྟར་བྱ་རྒྱུའི་ཐག་བཅད་པ་རེད།ཉེ་ཆར། ཨ་རིས་ཀྲུང་གོའི་ཐའེ་ཝན་ས་ཁུལ་ལ་སླར་ཡང་མཚོན་ཆ་འཚོང་རྒྱུའི་ཁྱབ་བསྒྲགས་བྱས་པ་དེ་ནི་ཀྲུང་གོ་གཅིག་གི་རྩ་དོན་དང་། ཀྲུང་གོ་དང་ཨ་རིའི་མཉམ་འབྲེལ་སྤྱི་བསྒྲགས་གསུམ་དང་ཚབས་ཆེན་འགལ་བ་དང་། ཀྲུང་གོའི་ནང་སྲིད་ལ་ཐེ་གཏོགས་ཚབས་ཆེན་བྱས་པ། ཀྲུང་གོའི་བདག་དབང་དང་མངའ་ཁོངས་ཆ་ཚང་ལ་གནོད་འཚེ་ཚབས་ཆེན་བཏང་བ་རེད།《ཕྱི་རྒྱལ་གྱི་བཀག་སྡོམ་ལ་ངོ་རྒོལ་བྱེད་པའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་》ཀྱི་དོན་ཚན་གསུམ་པ་དང་། དོན་ཚན་བཞི་པ། དོན་ཚན་ལྔ་པ། དོན་ཚན་དྲུག་པ། དོན་ཚན་དགུ་པ། དོན་ཚན་བཅོ་ལྔ་པ་བཅས་ཀྱི་གཏན་འབེབས་གཞིར་བཟུང་། ཀྲུང་གོ་ཕྱོགས་ཀྱིས་གཤམ་གསལ་ཨ་རིའི་དམག་དོན་བཟོ་ལས་ཁེ་ལས་དང་མཐོ་རིམ་དོ་དམ་མི་སྣར་ངོ་རྒོལ་བྱ་ཐབས་སྤྱོད་རྒྱུའི་ཐག་བཅད་གསལ་དུ།གཅིག ཨན་ཏུའུ་ལིར་ཀུང་སི་དང་། མཚོ་ཐོག་འཐབ་རྩལ་མ་ལག་ཀུང་སི། ཞི་བདེ་རྒྱ་མཚོ་ཆེན་མོའི་མཐའ་འཁོར་འགོག་སྲུང་ཀུང་སི། AEVEXའཇིག་རྟེན་འཕུར་སྐྱོད་ཀུང་སི། LKDའཇིག་རྟེན་འཕུར་སྐྱོད་ཀུང་སི། ཏེང་ཧྥེང་ཚན་རྩལ་ཀུང་སི་སོགས་ཁེ་ལས་6ལ་རང་རྒྱལ་མངའ་ཁོངས་ཀྱི་འགུལ་ནོར་དང་བརྟན་ནོར། དེ་བཞིན་རྒྱུ་ནོར་སྣ་ཚོགས་གཞན་དག་བསྡམས་བཅད་བྱེད་དགོས།གཉིས། འཇིག་རྟེན་འཕུར་སྐྱོད་ཁོར་ཡུག་ཀུང་སིའི་ཏུང་ཧྲི་ཀྲང་དང་སྤྱི་གཉེར་བ། དབུ་བཞུགས་ལག་བསྟར་དཔོན་ཝ་ཞི་ཏེ་·ན་ཝ་པི། འཇིག་རྟེན་འཕུར་སྐྱོད་ཁོར་ཡུག་ཀུང་སིའི་མཐོ་རིམ་སྤྱི་གཉེར་བ་གཞོན་པ་དང་དབུ་བཞུགས་ནོར་དོན་དཔོན་ཁའེ་ཝུན་·མའེ་ཁེ་ཐང་ནའེ། ཨན་ཏུའུ་ལིར་ཀུང་སིའི་དབུ་བཞུགས་ལག་བསྟར་དཔོན་པུའུ་ལའེ་ཨེན་·ཧྲེན་ཕུའུ་ཧྥུ། ཨན་ཏུའུ་ལིར་ཀུང་སིའི་དབུ་བཞུགས་གཉེར་སྐྱོང་དཔོན་མ་ཞིའུ་·ཀེ་ལི་མུའུ། ཨན་ཏུའུ་ལིར་ཀུང་སིའི་གོ་ལ་ཧྲིལ་པོའི་འགོག་སྲུང་གི་མཐོ་རིམ་སྤྱི་གཉེར་བ་གཞོན་པ་ཀེ་ལེ་ཀེ་ལི་·ཁའོ་སི་ནཱ་སོགས་ཁེ་ལས་ཀྱི་མཐོ་རིམ་དཔོན་རིགས་5ཡི་རང་རྒྱལ་གྱི་མངའ་ཁོངས་སུ་ཡོད་པའི་འགུལ་ནོར་དང་བརྟན་ནོར། རྒྱུ་ནོར་སྣ་ཚོགས་གཞན་དག་བསྡམས་བཅད་བྱ་རྒྱུ། རང་རྒྱལ་མངའ་ཁོངས་ནང་གི་རྩ་འཛུགས་དང་སྒེར་པས་ཁོ་ཚོ་དང་འབྲེལ་ཡོད་ཉོ་ཚོང་དང་མཉམ་ལས་སོགས་ཀྱི་བྱེད་སྒོ་སྤེལ་མི་ཆོག ཁོ་ཚོར་འཐུས་མཆན་འགོད་པའི་ལག་ཁྱེར་མི་སྤྲོད་པ་དང་རྒྱལ་ཁོངས་སུ་འཛུལ་མི་ཆོག（ཞང་ཀང་དང་ཨའོ་མོན་ཚུད་ཡོད།）

སྒྲིག་སྒྱུར། སངས་དོན། ཡོང་ཁུངས། མཚོ་བྱང་ཁུལ་མི་རིགས་ཆོས་ལུགས་ལས་དོན་ཨུ་ལྷན། བཤེར་འབེབས། རིན་ཆེན་ཚེ་རིང་། ཡུང་ཀྲིན་ཁྲི་ལོ་གསུམ་པར（1725ལོ）། ལཱ་མོ་ཞབས་དྲུང་སྐྲུ་ཕྲེང་གསུམ་པས་སྦྲ་སྒོར་ཞུགས་པའི་དཔོན་སྐོར་དང་བྱ་ཁོག་སོགས་ཚོ་ཁག་བརྒྱད་ཀྱི་སེར་སྐྱ་མང་ཚོགས་དེ་མདའ་ཚན་བཞི་རུ་བགོས་ནས་ཚོ་ཁག་གཅིག་ལྟར་དོ་དམ་བྱས་ཤིང་། ཚོ་ཁག་གི་མིང་ལ་མདའ་བཞི་ཞེས་བཏགས། ཅཱ་ཆིན་ཁྲི་ལོགཉིས་པར（1797ལོ）། མདའ་བཞི་ཚོ་བ་འདི་ཡ་རྫི་ནས་ད་ལྟའི་མཚོ་ལྷོ་ཁུལ་མངའ་ཁོངས་ཀྱི་མང་འབལ་བྱ་གསུམ་ས་ཆར་གནས་སྤར་བ་དང་། ཕྱིས་སུ་རྨ་ཆུའི་རབ་ཁ་བརྒལ་ནས་ད་ལྟའི་མདའ་བཞི་ས་ཆའི་ཆུ་འགག་གཞུང་གཙོ་བྱས་པའི་འབྲོག་ཐང་དུ་གཞིས་ཆགས། ཏོ་ཀོང་ཁྲི་ལོ་བཅུ་དྲུག་པར(1836)། མདའ་བཞི་ཚོ་བའི་ཚོ་དཔོན་རྒྱལ་མཚན་བཟང་པོས་མི་ཕྱུགས་དར་ཆེད་ཚོ་བའི་མང་ཚོགས་བསྐུལ་ནས་མཐོན་པོ་སྒང་དུ་ལ་བཙས་བརྩིགས་ཤིང་། སྨོན་ལམ་མཐོན་པོ་ལ་བཙས་ཀྱང་ཟེར།ཀྲུང་གོ་གསར་པ་དབུ་བརྙེས་རྗེས། 1950ལོར་པཎ་ཆེ་སྐུ་ཕྲེང་བཅུ་པ་ཨེར་ཏི་ནས་ཆོས་ཀྱི་རྒྱལ་མཚན་མཆོག་དང་ལཱ་མོ་ཞབས་དྲུང་སྐུ་ཕྲེང་བརྒྱད་པ་བློ་བཟང་ལུང་རིག་བསྟན་པའི་རྒྱ་མཚོས་སེར་སྐྱ་མང་ཚོགས་རྣམས་བསྐུལ་ནས་མཐོན་པོ་སྒང་གི་ལ་བཙས་བསྟད། 1984ལོར། ལཱ་མོ་ཡོངས་འཛིན་བློ་བཟང་མཁས་གྲུབ་རྒྱ་མཚོས་ཉི་མགོན་སྐུ་ཕྲེང་དྲུག་པ་བསྟན་པ་རབ་རྒྱས་དང་མཱ་ཕྱག་སྐུ་ཕྲེང་ལྔ་པ་འཇིགས་མེད་ལུང་རིག་བསྟན་འཛིན་རྒྱ་མཚོ། བེར་རྒན་སྐུ་ཕྲེང་བཞི་པ་བློ་བཟང་འཇིགས་མེད་བསྟན་པའི་རྒྱ་མཚོ་བཅས་རྩ་འཛུགས་བྱས་ནས་ལ་བཙས་བསྟད་ཅིང་། ལོ་རེར་ལ་བཙས་བསྟོད་པའི་གྲོས་སྐུལ་བྱས།1984ལོ་ནས་བཟུང་། ལོ་རེའི་ལུགས་རྙིང་གི་ཟླ་བཞི་པའི་ཚེས་བཅུ་གཅིག་ཉིན་ལ་བཙས་བསྟོད་པའི་དུས་ཆེན་དུ་གཏན་ཁེལ་བྱས་ཤིང་། མཚོ་སྔོན་པོ་ཡུལ་ཚོའི་མཐོན་པོ་སྡེ་བ་དང་ཞབས་དྲུང་སྒར་ཐོག་གིས་ས་གནས་ཀྱི་མང་ཚོགས་བསྐུལ་ནས་ནད་དང་མུ་གེ་ཞི་ཞིང་སྟོབས་འབྱོར་མངའ་ཐང་དར་བའི་དགེ་རུ་གནས་འདིར་ལ་བཙས་བསྟོད་པའི་སྲོལ་ཆགས་ཡོད། སྐབས་སྔོན་མ། མཚོ་སྔོན་ཞིང་ཆེན་གྱི་རྫོང་གཉིས་རྒྱལ་ཁབ་ཀྱི་རྩྭ་ཐང་འབྲོག་ལས་རིགས་སྒྱུར་རིམ་སྤོར་ཚོད་ལྟའི་རྫོང་དུ་བདམས་ཐོན་བྱུང་། སྐབས་རྗེས་མ། བོད་ལྗོངས་བྱང་ཐང་དུ་ཐོག་མར་གཙོད་ཕྲུག་དཀར་པོ་མཐོང་བ།

ཉེ་བའི་ལོ་ཤས་རིང་རྒྱལ་ཁབ་གློག་དྲ་སི་ཁྲོན་ཞིང་ཆེན་གློག་ཤུགས་ཀུང་སིའི་རྔ་པ་གློག་འདོན་ཀུང་སིས་ཐད་གཏོང་ཟོག་ཚོང་སོགས་ཀྱི་བྱེད་ཐབས་སྤྱད་དེ་གྲོང་གསེབ་ཀྱི་ཐོན་རྫས་ཕྱིར་ཚོང་ཐབས་ལམ་རྒྱ་ཆེར་གཏོང་བ་དང་། གྲོང་གསེབ་ཀྱི་དྲ་བ་སྒྱུར་བཀོད་རིམ་སྤོར་བྱེད་ཤུགས་ཆེ་རུ་གཏོང་བ། གློག་ཤུགས་དང་དེང་རབས་ཞིང་ལས་ཐོན་སྐྱེད་མཉམ་འདྲེས་གཏིང་ཟབ་ལ་སྐུལ་འདེད་གཏོང་བ། ཕྱོགས་མང་པོ་ནས་ཤུགས་རྒྱག་པ་བཅ

1994ལོར་ཁ་གཏད་བོད་སྐྱོར་ལས་དོན་སྤེལ་བ་ནས་བཟུང་། ཀྲེ་ཅང་དང་ལེའོ་ཉིང་ཞིང་ཆེན་གཉིས་དང་། ཀྲུང་གོ་རྡོ་སྣུམ་རང་བྱུང་སོལ་རླངས་ཚོགས་པ་ཚད་ཡོད་ཀུང་སི་དང་། ཀྲུང་གོ་རྒྱ་མཚོ་རྡོ་སྣུམ་ཚོགས་པ་ཚད་ཡོད་ཀུང་སི། ཀྲུང་ཤིན་ཚོགས་པ། རྒྱལ་ཁབ་ནུས་རྒྱུ་ཚོགས་པ། ཀྲུང་གོ་རྡོ་སྣུམ་རྫས་འགྱུར་བཟོ་ལས་མ་རྐང་ཚད་ཡོད་ཀུང་སི་བཅས“ཀྲུང་དབྱང་ཁེ་ལས་ཆེ་གྲས་ལྔ”ཡིས་ཀྲུང་དབྱང་གི་འབོད་སྐུལ་དང་ལེན་ཧུར་ཐག་བྱས་ནས་བོད་སྐྱོར་ལས་དོན་དེ་ཆབ་སྲིད་ཀྱི་ལས་འགན་གལ་ཆེན་དང་གཡོལ་ཐབས་མེད་པའི་འགན་འཁྲི་ཞིག་ཏུ་བརྩིས་ཐོག“དོན་ཆེན་བཞིར”དམིགས་ནས་སྔ་རྗེས་སུ་མ་དངུལ་སྒོར་དུང་ཕྱུར་122.65བཏང་སྟེ་ཤེས་ལྡན་མི་སྣ་དང་ལས་བྱེད་པ་སྤེལ་རེས་དང་། ཐོན་ལས་འཕེལ་རྒྱས། དམངས་འཚོ་འགན་ལེན། སྤེལ་རེས་འགྲོ་འོང་དང་མཉམ་འདྲེས། རིག་གནས་སློབ་གསོ་སོགས་ཁྱབ་ཁོངས་ཀྱི་རྣམ་གྲངས་ཁག་1946ལག་ལེན་བསྟར་ནས། མུ་མཐའ་མེད་པའི་བྱང་ཐང་དུ་འཕོ་འགྱུར་ཡོང་བར་སྐུལ་འདེད་བཏང་ཡོད་པ་རེད།2023ལོར་གྲོང་ཁྱེར་ཡོངས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་216.88དང་ཞིང་འབྲོག་པ་རེའི་ཆ་སྙོམས་ཡོང་འབབ་ཁེ་གཙང་སྒོར་18552ཟིན་པ་དེ་1994ལོ་ལས་ལྡབ་62.2དང་ལྡབ་21.77སོ་སོར་འཕར་ཡོད་པ་རེད།ཁ་གཏད་བོད་སྐྱོར་ལས་དོན་སྤེལ་བར་དམངས་འཚོ་ལེགས་སུ་གཏོང་བ་དང་མི་སེམས་གཅིག་ཏུ་སྒྲིལ་བ་དེ་ལས་དོན་མཐའ་དག་གི་འགོ་འཛུགས་ས་དང་དོན་ལ་བབས་སར་བརྩི་རྒྱུ་ཐོག་མཐའ་བར་གསུམ་དུ་མཐའ་འཁྱོངས་བྱས་ཤིང་། ཞིང་ཆེན་གཉིས་དང“ཀྲུང་དབྱང་ཁེ་ལས་ཆེ་གྲས་ལྔས”མ་དངུལ་གྱི་80%ཡན་དམངས་འཚོ་འགན་ལེན་དང་ལེགས་སུ་གཏོང་བའི་ཐད་དང་རྫོང་དང་རྫོང་རིམ་པ་མན་གྱི་གཞི་རིམ་ལ་སྤྱོད་དགོས་ལུགས་ཁ་གསལ་བཟོས་ཡོད་པ་རེད། རྒྱལ་གངས་ཆུ་ཤུགས་གློག་ཁང་དང་། སྙན་རོང་ཆུ་ཤུགས་གློག་ཁང་། མཚོ་གཉིས་འོད་ཤུགས་གློག་ཁང་སོགས་ཀྱི་རྣམ་གྲངས་བསྐྲུན་ནས་ཞིང་འབྲོག་ཁུལ་དུ་གློག་སྤྱོད་དཀའ་བའི་གནད་དོན་ཐག་གཅོད་ནུས་ལྡན་བྱས་ཡོད། མ་དངུལ་སྒོར་དུང་ཕྱུར་10ལྷག་ཙམ་བཏང་ནས་ཞིང་འབྲོག་པའི་བདེ་སྡོད་ལས་གྲྭ་དང་དེ་བཞིན་ལེ་ལག་ཚང་བའི་སྒྲིག་བཀོད་འཛུགས་སྐྲུན་བྱས་པ། སྨན་བཅོས་བོད་སྐྱོར་དང་། སློབ་གསོའི་བོད་སྐྱོར། གྲོང་གསེབ་རིག་གནས་ཁང་། ཞིང་འབྲོག་ཚན་རྩལ་རིག་གནས་ཞབས་ཞུའི་ལྟེ་གནས། ཞིང་ཟོག་ཁྲོམ་ར་སོགས་དམངས་ཕན་རྣམ་གྲངས་རབ་དང་རིམ་པ་འཛུགས་སྐྲུན་བྱས་པ། ལྗོངས་ཕྱི་ནང་དུ་བོད་སྐྱོར་ལས་ཞུགས་ལས་གནས་མཁོ་འདོན་བྱས་ནས་ལས་ཞུགས་བྱུང་མེད་པའི་མང་ཚོགས་ལས་ཞུགས་འབབ་འཕར་ཐུབ་པར་སྐུལ་འདེད་བཏང་བ་བཅས་རེད།བོད་སྐྱོར་ལས་དོན་སྤེལ་བ་ལས་ནག་ཆུའི་གྲོང་ཁྱེར་དང་གྲོང་གསེབ་ཀྱི་ཡུལ་མིའི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་དང་གཞི་རིམ་གྱི་སྨན་བཅོས་ཞབས་ཞུའི་ནུས་པ་ཆེ་རུ་ཕྱིན་པ་མ་ཟད། ད་དུང་རིག་གནས་སློབ་གསོའི་རྨང་གཞིའི་སྒྲིག་བཀོད་ཀྱང་ལེགས་སུ་ཕྱིན་ནས། མི་དམངས་མང་ཚོགས་ཀྱི་འཚོ་བའི་སྤུས་ཚད་མངོན་གསལ་དོད་པོས་ལེགས་སུ་ཕྱིན་ཏེ་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཀྱང་སྔར་བས་ཟབ་ཏུ་ཕྱིན་ཡོད་པ་རེད།ཤེས་རྟོགས་བྱུང་བར་གཞིགས་ན། ཁ་གཏད་བོད་སྐྱོར་ལས་དོན་སྤེལ་རིང་། ཞིང་ཆེན་གཉིས་དང“ཀྲུང་དབྱང་ཁེ་ལས་ཆེ་གྲས་ལྔ”ཡིས་འཕྲལ་ཕུགས་ཟུང་འབྲེལ་མཐའ་འཁྱོངས་བྱས་ཐོག་ནག་ཆུའི་དོན་དངོས་དང་ཟུང་འབྲེལ་དམ་ཟབ་བྱས་ནས། ཁ་གཏད་རོགས་སྐྱོར་འཆར་འགོད་དང་ལོ་འཁོར་འཆར་གཞི་ཚན་རིག་དང་མཐུན་པར་བཟོས་ཡོད་པ་སྟེ། རྣམ་གྲངས་ཀྱི་མ་དངུལ་བཀོད་སྒྲིག་ཐད། སྤྱིར་བཏང་གི་འཛུགས་སྐྲུན་རྣམ་གྲངས་ནས་ཐོན་སྐྱེད་རྣམ་པ་དང་རིམ་བསྟར་ཅན་གྱི་རྣམ་གྲངས་ལ་བསྒྱུར་རྒྱུ། གཙོ་གནད་རོགས་སྐྱོར་གྱི་ཐད། གྲོང་ཁྱེར་དང་གྲོང་རྡལ་འཛུགས་སྐྲུན་ནས་དམངས་འཚོ་ལེགས་སུ་གཏོང་བའི་ཐད་བསྒྱུར་རྒྱུ། རོགས་སྐྱོར་བྱེད་སྟངས་ཐད། རིགས་རྐྱང་པའི་རྣམ་གྲངས་རོགས་སྐྱོར་ནས་ཁྱོན་ཡོངས་རོགས་སྐྱོར་ལ་བསྒྱུར་རྒྱུ། རོགས་སྐྱོར་གྱི་ནང་དོན་ཐད། “གཞན་བརྟེན་རྣམ་པ”ནས“རང་བརྟེན་རྣམ་པར”བསྒྱུར་རྒྱུ། རྣམ་གྲངས་ལ་དོ་དམ་བྱེད་པའི་ཐད། ཟླ་རེར་བཀོད་གཏོང་དང་གྲོང་ཁྱེར་རིམ་པའི་འགོ་ཁྲིད་ཀྱིས་འགན་འཁྲི་གཙང་ལེན་བྱེད་པ་དང་ཆབས་ཅིག་བོད་སྐྱོར་བཀོད་འདོམས་པུའུ་དང་མཉམ་འགུལ་བྱེད་ཤུགས་ཆེ་རུ་བཏང་ནས། བོད་སྐྱོར་རྣམ་གྲངས་ཁག་གི་འཛུགས་སྐྲུན་འཕེལ་རིམ་དང་འཛུགས་སྐྲུན་གྱི་སྤུས་ཚད་འགན་ལེན་བྱ་རྒྱུ་ཡིན་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ7པའི་ཚེས12ཉིན་ནི་རྒྱལ་སྤྱིའི་བྱེ་རྡུལ་འཚུབ་པའི་ཉིན་མོ་ཡིན་པ་དང་། གསར་འགོད་པས་རྒྱལ་སྤྱིའི་བྱེ་རྡུལ་འགོག་བཅོས་ཉིན་མོའི་བགྲོ་གླེང་ཚོགས་འདུའི་སྟེང་ནས་རྒྱུས་ལོན་པ་ལྟར་ན། རང་རྒྱལ་གྱི་དཔྱིད་ཀའི་བྱེ་རྡུལ་གནམ་གཤིས་སྤྱིའི་ཆ་ནས་ཇེ་ཉུང་དུ་འགྲོ་བ་དང་། དྲག་ཚད་ཇེ་ཞན་དུ་འགྲོ་བའི་འཕེལ་ཕྱོགས་དེ1981ལོ་ནས2010ལོའི་བར་གྱི་ལོ་རེར་ཆ་སྙོམས་ཐེངས17ནས་ལོ10ལ་ཉེ་བའི་ལོ་རེར་ཆ་སྙོམས་ཐེངས9.2བར་ཇེ་ཉུང་དུ་སོང་།རང་རྒྱལ་གྱིས་བྱེ་འགོག་བྱེ་བཅོས་ལས་དོན་ལ་ཚད་མཐོའི་མཐོང་ཆེན་དང་། འཛམ་གླིང་སྟེང་གི་བྱེ་འགོག་བྱེ་བཅོས་ཀྱི་བཅའ་ཁྲིམས་དང་པོ་ཡོངས་བསྒྲགས་བྱས་ནས་བྱེ་འགོག་བྱེ་བཅོས་ཀྱི་འགན་འཁྲི་ཅུང་འཐུས་ཚང་ཞིག་བཙུགས་ཡོད། རྒྱལ་སྲིད་སྤྱི་ཁྱབ་ཁང་གིས་སྔར་ལས་ལྷག་པའི་སྒོ་ནས་བྱེ་འགོག་བྱེ་བཅོས་ལས་དོན་ལ་ཤུགས་སྣོན་རྒྱག་པའི་སྐོར་གྱི་གཏན་འབེབས་བྱས་ཡོད།དུས་ཡུན་རིང་པོར་འབད་བརྩོན་བྱས་པ་བརྒྱུད་རང་རྒྱལ་གྱི་བྱེ་ཁུལ་གྱི་སྐྱེ་ཁམས་རྣམ་པ་རྒྱུན་མཐུད་ངང་ཇེ་ལེགས་སུ་ཕྱིན་པ་དང་། བྱེ་འགྱུར་ས་ཞིང་གི་གནས་ཚུལ་རྒྱུན་མཐུད་ངང་ཇེ་ལེགས་སུ་ཕྱིན་ཡོད། རྒྱལ་ཡོངས་ཀྱི་བྱེ་འགྱུར་ས་ཞིང་རྒྱ་ཁྱོན་གྱི་ལྟ་ཞིབ་ཚད་ལེན་གྱི་དུས་ཡུན4བསྟུད་མར་ཇེ་ཉུང་དུ་སོང་བ་དང་། དུས་རབས་གོང་མའི་དུས་མཇུག་གི་ལོ་མཇུག་ཏུ་ལོ་རེར་ཆ་སྙོམས་མུའུ་ཁྲི515ཡིན་པ་རེད། ས་ཞིང་བྱེ་མར་འགྱུར་ཚད་བསྟུད་མར་ཇེ་ཡང་དུ་སོང་བ་དང་། ལྗིད་ཚད་དང་དྲག་ཚད་ཀྱི་བསྡུར་ཚད་ནི2004ལོའི་74.1%ནས2012ལོའི62.3%བར་ཆག་ཡོད། །

སྒྲིག་སྒྱུར། སངས་རྒྱས་སྐྱིད། ཡོང་ཁུངས། ཤིན་ཧྭ་དྲ་བ། བཤེར་འབེབས། རིན་ཆེན་ཚེ་རིང་།ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་གསུམ་པ་ཚེས15ཉིན་གྱི་སྔ་དྲོར་པེ་ཅིང་དུ་འཚོག་མགོ་བརྩམས། ཀྲུང་དབྱང་ཨུ་ཡོན་ལྷན་ཁང་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུའི་ཚབ་བྱས་ནས་ཚང་འཛོམས་གྲོས་ཚོགས་ལ་ལས་དོན་སྙན་ཞུ་ཕུལ་བ་དང་།《བསྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བ་དང་ཀྲུང་གོའི་རྣམ་པའི་དེང་རབས་ཅན་ལ་སྐུལ་འདེད་གཏོང་རྒྱུའི་སྐོར་གྱི་ཀྲུང་གུང་ཀྲུང་དབྱང་གི་ཆོད་དོན（གྲོས་བསྡུར་མ་ཟིན་）》སྐོར་ཚང་འཛོམས་གྲོས་ཚོགས་ལ་གསལ་བཤད་གནང་། སྐབས་སྔོན་མ། ཞོགས་པའི་ཇ་ཡུན་གསར་འགྱུར། སྐབས་རྗེས་མ། ཀྲུང་གོ་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག【ཁག27པ།】

ཧེ་ལུང་ཅང་ལྷོ་རྒྱུད་ས་ཁུལ་དུ་ཆར་ཆུ་བབས་པའི་གནམ་གཤིས་རྒྱུན་མཐུད་ནས་བསྟན་པས་ཞིང་ལས་ཐོན་སྐྱེད་ལ་ཤུགས་རྐྱེན་ཆེན་པོ་བཟོས་ཤིང་། གཙང་གསུམ་གྱི་མཐིལ་དུ་གནས་པའི་པའེ་ཏ་ཧོང་ཞིང་ལས་མ་རྐང་ཚད་ཡོད་ཀུང་སིའི་མཛའ་མཐུན་ཡན་ལག་ཀུང་སིས་བྱ་ཐབས་སྤྱད་དེ་ནུས་ཤུགས་ཡོད་རྒུས་འབྲུ་རིགས་ཐོན་འབབ་བརྟན་པོ་དང་ཐོན་འཕར་ཡོང་བར་བྱས་ཤིང་། འདི་ནི་པའེ་ཏ་ཧོང་ཞིང་ལས་མ་རྐང་ཚད་ཡོད་ཀུང་སིའི་མཛའ་མཐུན་ཡན་ལག་ཀུང་སིའི་དོ་དམ་ཁུལ་གསུམ་པའི་སྐམ་ཞིང་ཞིག་ཏུ་ཞིང་འཕྲུལ་ལ་བརྟེན་ནས་རྩྭ་ངན་བཀོག་བཞིན་པ། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

ཟླ་7པའི་ཚེས་15ཉིན། རྒྱལ་ཁབ་བསྡོམས་རྩིས་ཅུས་ཀྱིས་གྲངས་གཞི་ཁྱབ་བསྒྲགས་བྱས་པར། ཐོག་མའི་ཞིབ་རྩིས་ལྟར་ན། ལོ་སྟོད་ཀྱི་རྒྱལ་ནང་ཐོན་སྐྱེད་སྤྱིའི་རིན་ཐང་སྒོར་དུང་ཕྱུར་616836ཟིན་པ་དེ་འགྱུར་མེད་རིན་གོང་ལྟར་བརྩིས་ན་དུས་མཚུངས་ལས་5.0%འཕར་ཡོད་པ་རེད། སྤྱི་ཡོངས་ནས་བལྟས་ཚེ། ལོ་སྟོད་དུ་རང་རྒྱལ་གྱི་དཔལ་འབྱོར་འཁོར་རྒྱུག་སྤྱིའི་ཆ་ནས་བརྟན་པོ་ཡོད་པ་དང་། བརྗེ་སྒྱུར་རིམ་སྤོར་ལ་སྐུལ་འདེད་བརྟན་པོ་བཏང་ཡོད། དེ་དང་ཆབས་ཅིག་མཐོང་ཐུབ་དགོས་པར། མིག་སྔར། ཕྱི་རོལ་གྱི་ཁོར་ཡུག་རྙོག་འཛིང་ཆེ་བ་དང་། རྒྱལ་ནང་གི་ནུས་ལྡན་དགོས་མཁོ་སྔར་བཞིན་མི་འདང་བས་དཔལ་འབྱོར་བསྐྱར་འཕར་དང་ལེགས་སུ་འགྲོ་བའི་རྨང་གཞི་སྔར་བཞིན་བརྟན་དུ་གཏོང་དགོས་ཀྱི་ཡོད། དུས་མཚམས་རྗེས་མར། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པས་མཛུབ་ཁྲིད་བྱེད་པ་དང་། བརྟན་ཐོག་ཡར་བརྩོན་གྱི་ལས་ཀའི་སྤྱིའི་བྱེད་ཕྱོགས་རྒྱུན་འཁྱོངས་བྱེད་པ། གོང་འཕེལ་གྱི་འདུ་ཤེས་གསར་པ་ཆ་ཚང་བ་དང་། ཡང་དག་པ། ཁྱོན་ཡོངས་བཅས་ཀྱི་སྒོ་ནས་ལག་ལེན་བསྟར་བ། གོང་འཕེལ་གྱི་གནས་སྟངས་གསར་པ་གང་མགྱོགས་གཏོད་པ། སྤུས་མཐོའི་གོང་འཕེལ་ལ་སྐུལ་འདེད་ནུས་ལྡན་གཏོང་བ། ཁྲོམ་རའི་གསོན་ཤུགས་དང་ནང་སྐྱེའི་སྒུལ་ཤུགས་འདོན་སྤེལ་སྔར་ལས་ལྷག་པ་བྱེད་པ། དཔལ་འབྱོར་བསྐྱར་འཕར་དང་ལེགས་སུ་འགྲོ་བའི་རྣམ་པ་སྲ་བརྟན་དང་ཤུགས་ཆེར་གཏོང་བ་བཅས་བྱས་ནས། དཔལ་འབྱོར་རྒྱུན་མཐུད་སྐྱོན་བྲལ་ངང་གོང་འཕེལ་འགྲོ་བར་སྐུལ་འདེད་གཏོང་དགོས།

ལས་རྨས་འགན་བཅོལ་གྲོན་དངུལ་སྡེ་ཚན་གྱིས་དུས་ཐོག་ཏུ་འཇལ་དགོས་པ་ལས། ལས་བཟོ་པ་སྒེར་གྱིས་འཇལ་མི་དགོས། སྡེ་ཚན་གྱིས་ལས་རྨས་འགན་བཅོལ་གྲོན་དངུལ་སྤྲོད་པའི་གྲངས་འབོར་ནི་སྡེ་ཚན་དེ་གའི་ལས་བཟོ་པའི་གླ་ཕོགས་བསྡོམས་འབོར་དེ་སྡེ་ཚན་དེའི་གྲོལ་དངུལ་འཇལ་སྤྲོད་ཀྱི་ཚད་གཞི་བསྒྱུར་ནས་བསགས་པ་ཡིན། གླ་ཕོགས་བསྡོམས་འབོར་ལྟར་ལས་རྨས་འགན་བཅོལ་གྲོན་དངུལ་འཇལ་དཀའ་བའི་ལས་རིགས་དག་གི་ལས་རྨས་འགན་བཅོལ་གྲོན་དངུལ་འཇལ་ཐབས་ཞིབ་ཕྲ་རྒྱལ་སྲིད་སྤྱི་ཁྱབ་ཁང་སྤྱི་ཚོགས་འགན་བཅོལ་སྲིད་འཛིན་སྡེ་ཁག་གིས་གཏན་ལ་འབེབས་དགོས།

ཟླ7པའི་ཚེས10ཉིན། ཞིང་ཆེན་ཚོང་དོན་ཐིན་ནས་འབྱོར་བའི་ཆ་འཕྲིན་ལྟར་ན། མིག་སྔར། ཞིང་ཆེན་ཚོང་དོན་ཐིན་གྱིས་མཚོ་སྔོན་ཞིང་ཆེན་ཞིང་ལས་ཉོ་ཚོང་ཚོང་རའི་སྤུས་འདེགས་རིམ་སྤོར་གྱི2024ལོ་ནས2026ལོའི་ལོ་གསུམ་འགུལ་སྐྱོད་འཆར་གཞི་གཏན་འབེབས་པར་འགྲེམ་བྱས་ནས། ཞིང་ཆེན་ཡོངས་ཀྱི་ཞིང་ཞོར་ཐོན་རྫས་སྡེབ་འཚོང་ཚོང་ར་དང་ཞིང་ལས་ཉོ་ཚོང་ཚོང་ར་སོགས་རྨང་གཞི་སྒྲིག་ཆས་དང་ཁོར་ཡུག་གཙང་སྦྲ། ཟས་རིགས་བདེ་འཇགས་སོགས་ཕྱོགས་ཀྱི་ཚད་ལྡན་ཅན་དང་ཚད་གཞི་ཅན་གྱི་འཛུགས་སྐྲུན་འཁོར་རྒྱུག་ཆུ་ཚད་སྔར་ལས་ཇེ་མཐོར་བཏང་བ་དང་། མི་དམངས་མང་ཚོགས་ཀྱི་སྟབས་བདེ་དང་བག་ཕེབས། བདེ་འཇགས། ཡིད་བདེ་བའི་འཚོ་བའི་དགོས་མཁོར་ཞབས་འདེགས་ཞུས་པ་དང་འགན་སྲུང་བྱས་ལ། དུས་རབས་གསར་བའི་ཞིང་ཆེན་ཡོངས་ཀྱི་ཞིང་ལས་ཉོ་ཚོང་ཚོང་ར་སྤུས་ཚད་མཐོ་བའི་ངང་འཕེལ་རྒྱས་གཏོང་བར་སྐུལ་འདེད་བཏང་སྟེ། མཛེས་སྡུག་གི་གྲོང་གསེབ་འཛུགས་སྐྲུན་དང་གྲོང་གསེབ་དར་སྤེལ་བྱེད་པར་རོགས་འདེགས་བྱས།མཚོ་སྔོན་ཞིང་ཆེན་གྱི་ཞིང་ལས་ཉོ་ཚོང་ཚོང་རའི་སྤུས་འདེགས་རིམ་སྤོར་གྱི་ལོ་གསུམ་འགུལ་སྐྱོད་ཀྱིས་ཞིང་ལས་ཉོ་ཚོང་ཚོང་རས་དམངས་ཚིས་ལ་ཕན་འདོགས་པ་དང་མཁོ་འདོན་ལ་འགན་སྲུང་བྱེད་པ། དངོས་གོང་བརྟན་འཇགས་བྱེད་པ། འཛད་སྤྱོད་ལ་སྐུལ་འདེད་གཏོང་རྒྱུ་དེ་རྩོལ་ནུས་ཀྱི་ངེས་གནས་སུ་བརྩིས་པ་དང་། སྤུས་འདེགས་རིམ་སྤོར་ཚད་གཞི་ཅན་དང་འཚོ་བའི་ཞབས་ཞུ་ཁྱད་ལྡན་ཅན། འཁོར་རྒྱུག་དོ་དམ་རིག་སྟོབས་ཅན། ཁོར་ཡུག་དོ་དམ་ཚད་ལྡན་ཅན། ལས་སྒོ་དོ་དམ་ཚན་རིག་ཅན་དུ་བསྒྱུར་བའི་བྱེད་ཐབས་སྣ་ལྔ་ལག་བསྟར་བྱས་པ་བརྒྱུད་དེ། ཞིང་ཆེན་རིམ་པའི་འཚོ་བའི་ཉེར་མཁོའི་དངོས་རྫས་མཁོ་འདོན་ལ་འགན་སྲུང་བྱེད་པའི་མཛོད་ཁང་ཆེན་མོ་དང་གྲོང་ཁྱེར་དང་ཁུལ་རིམ་པའི་འབྲུ་ཁུག་དང་ཚལ་སླེའི་མཁོ་འདོན་ལ་འགན་སྲུང་བྱེད་པའི་ཚོང་ར་སྐྱེད་སྲིང་བྱས།འཆར་གཞི་ལྟར་ན2026ལོའི་བར་དུ། འཛུགས་སྐྲུན་བཀོལ་སྤྱོད་བྱས་པར་མ་ཟད་ཞིང་ཆེན་ཚོང་དོན་ཐིན་ཞིང་ཞོར་ཐོན་རྫས་སྡེབ་འཚོང་ཚོང་ར་དང་ཞིང་ལས་ཉོ་ཚོང་ཚོང་ར་སོགས་ལས་གཞིའི་མཛོད་དུ་བཞག་པར། བརྒྱ་ཆའི་ལྔ་བཅུའི་ཡན་གྱིས་སྤུས་འདེགས་རིམ་སྤོར་ལས་འགན་ཡོངས་འགྲུབ་བྱེད་རྒྱུ་བརྩོན་ལེན་བྱེད་པ་དང་། ཞིང་ཆེན་ལས་གཞིའི་མཛོད་དུ་བཞག་ནས་ལོ་བཅུ་ཡུན་འགོར་བར་མ་ཟད་ཆ་རྐྱེན་དང་མཐུན་པའི་ཞིང་ལས་ཉོ་ཚོང་ཚོང་ར་རྙིང་བ་ཚང་མར། ཕྱོགས་ཡོངས་ནས་རིམ་སྤོར་བསྒྱུར་བཀོད་བྱེད་པར་རྒྱབ་སྐྱོར་བྱེད་རྒྱུ་ཡིན་ལ། ཞིང་ཆེན་ཡོངས་དང་གྲོང་ཁྱེར། རྫོང་བཅས་རིམ་པ་གསུམ་གྱི་ཞིང་ལས་ཉོ་ཚོང་ཚོང་རའི་དྲ་རྒྱ་ཧ་ལམ་འཐུས་ཚང་དུ་གཏོང་བ། ཞིང་ལས་ཉོ་ཚོང་ཚོང་རའི་ཚད་གཞི་ཅན་དང་ཚད་ལྡན་ཅན། རིག་སྟོབས་ཅན་གྱི་ཆུ་ཚད་མངོན་གསལ་སྒོས་མཐོར་འདེགས་བཏང་སྟེ། གྲུབ་ཚུལ་ལུགས་དང་མཐུན་པ་དང་རྩོལ་ནུས་ཆ་ཚང་བ། དོ་དམ་ཚད་དང་ལྡན་པ། ཁོར་ཡུག་མཛེས་པ། ཟས་རིགས་བདེ་འཇགས་དང་མང་ཚོགས་ཡིད་ཚིམ་པའི་འཚོ་བའི་ཉེར་མཁོ་དངོས་རྫས་ཉོ་སྒྲུབ་ཡུལ་གནས་སུ་འགྱུར་བར་བྱེད་རྒྱུ་རེད།རིན་ཆེན་མཚོས་བསྒྱུར།

དབྱར་འབྲུའི་ཐོན་འབབ་ཏུན་ཁྲི་14978（རྒྱ་མ་དུང་ཕྱུར་2996）ཟིན་ནས་དུས་མཚུངས་ལས་2.5%འཕར་ཡོད།ཉེ་ཆར་རྒྱལ་ཁབ་བསྡོམས་རྩིས་ཅུས་ཀྱིས་ཁྱབ་བསྒྲགས་བྱས་པའི་གྲངས་གཞི་ལས་མངོན་པ་ལྟར་ན། ད་ལོའི་དབྱར་འབྲུ་འདེབས་ཁྱོན་བརྟན་པོ་རྒྱུན་འཁྱོངས་ཐུབ་ནས་མུའུ་རེའི་ཐོན་འབབ་ཅུང་འཕར་བ་དང་། དབྱར་འབྲུའི་ཐོན་འབབ་ཏུན་ཁྲི་14978（རྒྱ་མ་དུང་ཕྱུར་2996）ཟིན་པ་དེ་ལོ་གོང་མ་ལས་ཏུན་ཁྲི་362.7（རྒྱ་མ་དུང་ཕྱུར་72.5）འཕར་བ་དང་དུས་མཚུངས་ལས་2.5%འཕར་ཡོད་ཅིང་། དེའི་ནང་གྲོའི་ཐོན་འབབ་ཏུན་ཁྲི་13822（རྒྱ་མ་དུང་ཕྱུར་2764）ཟིན་པ་དེ་ལོ་གོང་མ་ལས་ཏུན་ཁྲི་365.8（རྒྱ་མ་དུང་ཕྱུར་73.2）འཕར་བ་དང་དུས་མཚུངས་ལས་2.7%འཕར་ཡོད། རང་རྒྱལ་གྱི་དབྱར་འབྲུར་ལོ་ལེགས་བྱུང་ནས་ལོ་ཧྲིལ་པོའི་འབྲུ་རིགས་ཐོན་སྐྱེད་བརྟན་པོ་ཡོང་བར་རྨང་གཞི་བརྟན་པོ་བཏིང་ཡོད་པ་རེད།དབྱར་འབྲུ་འདེབས་ཁྱོན་བརྟན་པོ་རྒྱུན་འཁྱོངས་ཐུབ་ཅིང་། ད་ལོ་རྒྱལ་ཡོངས་ཀྱི་དབྱར་འབྲུ་འདེབས་ཁྱོན་སྤྱི་ཆིང་སྟོང་26613.1（མུའུ་ཁྲི་39919.6）ཟིན་པ་དེ་ལོ་གོང་མ་ལས་སྤྱི་ཆིང་སྟོང་4.5（མུའུ་ཁྲི་6.8）འཕར་ནས་སྤྱིའི་ཆ་ནས་བརྟན་པོ་རྒྱུན་འཁྱོངས་ཐུབ་ཡོད། དེའི་རྒྱུ་རྐྱེན་གཙོ་བོ་ནི་ས་གནས་ཁག་གིས་འབྲུ་རིགས་བདེ་འཇགས་ཐད་ཏང་སྲིད་ཀྱི་འགན་འཁྲི་གཅིག་མཚུངས་དོན་འཁྱོལ་ནན་པོ་བྱེད་པ་དང་། རྨོ་ཞིང་སྲུང་སྐྱོང་དང་སྤྱོད་སྒོ་དོ་དམ་ཚོད་འཛིན་ལ་ཤུགས་སྣོན་རྒྱག་པ། དགུན་དལ་ཞིང་ཁ་གསར་སྤེལ་བེད་སྤྱོད་དང་འདེབས་འཛུགས་གྲུབ་ཆ་ལེགས་སྒྲིག་སོགས་ཀྱི་བྱ་ཐབས་བརྒྱུད་རྒྱ་ཁྱོན་གྱི་མི་མངོན་པའི་སྟོབས་ཤུགས་སྔོག་འདོན་གང་ལེགས་བྱེད་པ་དང་། རྒྱལ་ཁབ་ཀྱིས་ཞིང་དར་ཞིང་ཕན་གྱི་སྲིད་ཇུས་རབ་དང་རིམ་པ་མུ་མཐུད་འདོན་པ་དང་གྲོ་ཉོ་སྒྲུབ་ཀྱི་རིན་གོང་དམའ་ཤོས་མཐོ་རུ་བཏང་ནས་རྨོ་ཞིང་གི་ས་བཅུད་སྲུང་སྐྱོང་ཁ་གསབ་མུ་མཐུད་ལག་བསྟར་བྱེད་པ། འབྲུ་རིགས་ཐོན་སྐྱེད་རྫོང་ཆེ་གྲས་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་བ། ཞིང་པས་འབྲུ་རིགས་འདེབས་པ་དང་ས་གནས་ཀྱིས་འབྲུ་རིགས་ལ་དམ་འཛིན་བྱེད་པའི་ཧུར་བརྩོན་རང་བཞིན་སྐུལ་སློང་གང་ལེགས་བཅས་བྱེད་པ། 2023ལོའི་སྟོན་དགུན་རྨོད་དུས་སུ། དགུན་གྲོ་ཐོན་ཁུལ་གཙོ་བོའི་ས་ཞིང་གི་བཞའ་ཚན་ཆེ་ཆུང་སྤྱིར་ན་འཚམ་པོ་ཡོད་ལ་ས་ཁུལ་མང་ཆེ་བར་རྨོ་འདེབས་ལ་འཚམ་པ་མ་ཟད་དགུན་གྲོའི་འདེབས་ཁྱོན་བརྟན་པོའི་ངང་ཆེ་རུ་ཕྱིན་ཡོད་པ་རེད།དབྱར་འབྲུ་མུའུ་རེའི་ཐོན་འབབ་ཅུང་འཕར་ཞིང་། ད་ལོ་རྒྱལ་ཡོངས་ཀྱི་དབྱར་འབྲུ་མུའུ་རེའི་ཐོན་འབབ་སྤྱི་ཆིང་རེར་སྤྱི་རྒྱ་5628.0（མུའུ་རེར་སྤྱི་རྒྱ་375.2）ཟིན་པ་དེ་ལོ་གོང་མ་ལས་སྤྱི་ཆིང་རེར་སྤྱི་རྒྱ་135.4（མུའུ་རེར་སྤྱི་རྒྱ་9.0）འཕར་བ་དང་དུས་མཚུངས་ལས་2.5%འཕར་ཡོད། གནམ་གཤིས་ཀྱི་ཆ་རྐྱེན་སྤྱི་ཡོངས་ནས་ལེགས་པ་དང་། ཐོན་སྐྱེད་ཀྱི་ཆ་རྐྱེན་རྒྱུན་མཐུད་ལེགས་སུ་ཕྱིན་པ། མུའུ་རེའི་ཐོན་འབབ་མཐོ་རུ་གཏོང་བའི་ལས་དོན་ལ་ཕན་འབྲས་རགས་ཙམ་ཐོན་པ་བཅས་ནི་དབྱར་འབྲུ་མུའུ་རེའི་ཐོན་འབབ་འཕར་བའི་རྒྱུ་རྐྱེན་གཙོ་བོ་དེ་ཡིན་པ་རེད།དབྱར་འབྲུའི་ཐོན་འབབ་འཕར་སྣོན་བྱུང་ཞིང་། ས་ཁུལ་དབྱེ་ནས་བལྟས་ན། དབྱར་འབྲུ་ཐོན་ཁུལ་21གི་ཐོན་འབབ་ཅུང་འཕར་བ་དང་། ཧོ་ནན་དུ་ད་ལོ་སླར་གསོའི་རང་བཞིན་གྱི་ཐོན་འཕར་ཏུན་ཁྲི་235.6（རྒྱ་མ་དུང་ཕྱུར་47.1）འཕར་བ་དེས་རྒྱལ་ཡོངས་ཀྱི་འཕར་ཚད་ཀྱི་65.0%བཟུང་ཡོད། ཧྲན་ཏུང་དང་། ཅང་སུའུ། ཨན་ཧུའེ། ཧོ་པེ་སོགས་དབྱར་འབྲུ་ཐོན་ཁུལ་གཙོ་བོ་སོ་སོར་ཏུན་ཁྲི་42.4(རྒྱ་མ་དུང་ཕྱུར་8.5)དང་། ཏུན་ཁྲི་23.3(རྒྱ་མ་དུང་ཕྱུར་4.7) ཏུན་ཁྲི་18.5(རྒྱ་མ་དུང་ཕྱུར་3.7) ཏུན་ཁྲི་14.4(རྒྱ་མ་དུང་ཕྱུར་2.9)བཅས་ཐོན་འཕར་བྱུང་ཡོད། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

གསར་འགོད་པར་རྒྱལ་ཁབ་རྡུལ་ཕྲན་ནུས་པའི་སྒྲིག་གཞི་ནས་ཤེས་རྟོགས་བྱུང་བར། རང་རྒྱལ་གྱི་གཞི་ཁྱོན་ཆེ་ཤོས་ཀྱི་རང་བྱུང་ཡིའུ་ཡི་ཐོན་ནུས་ཀྱི་རྣམ་གྲངས་ཏེ། ཀྲུང་གོ་ཉིང་རྡུལ་བཟོ་ལས་ཚོགས་པ་ཀུང་སིའི“རྒྱལ་ཡིའུ་ཨང་དང་པོའི”དཔེ་སྟོན་ལས་གྲྭ་ནང་སོག་ཨེར་ཏོ་སི་རུ་ལས་འགོ་བཙུགས་པ་རེད། རྣམ་གྲངས་དེ་ནི་རྒྱལ་ཁབ་རྡུལ་ཕྲན་ནུས་པའི་སྒྲིག་གཞིའི“ལོ་ལྔ་ཚན་བཅུ་བཞི་པའི”ཉིང་རྡུལ་བཟོ་ལས་འཕེལ་རྒྱས་ཀྱི་འཆར་འགོད་རྣམ་གྲངས་ཤིག་ཡིན་པ་དང་། འགག་རྩའི་ལག་རྩལ་གྱི་སྟོན་རྟགས་དེ་འཛམ་གླིང་གི་མདུན་གྲལ་དུ་སླེབས་ཀྱི་ཡོད་ཅིང་། རྣམ་གྲངས་དེ་བསྐྲུན་རྗེས་རང་རྒྱལ་གྱི་ཐོན་ནུས་གཞི་ཁྱོན་ཆེ་ཤོས་དང་འཛུགས་སྐྲུན་ཚད་གཞི་མཐོ་ཤོས་ཀྱི་རང་བྱུང་ཡིའུ་ཡི་ཐོན་སྐྱེད་རྟེན་གཞིར་འགྱུར་རྒྱུ་རེད།“རྒྱལ་ཡིའུ་ཨང་དང་པོའི”དཔེ་སྟོན་ལས་གྲྭ་ནི་རང་རྒྱལ་གྱིས་ས་འོག་ནས་ཡིའུ་སྔོག་འདོན་ལོ་30ལྷག་ཙམ་བྱས་པའི་གསར་གཏོད་འཕེལ་རྒྱས་ཀྱི་གྲུབ་འབྲས་ཤིག་ཡིན་པ་དང་། དེར་སྔོན་ཐོན་གྱི་སྔོག་འདོན་བཟོ་རྩལ་སྤྱད་ཡོད་པས“སྙིགས་གསུམ་ཕྱིར་འབུད་མེད་པ་དང་། སྐྱེ་ཁམས་ལ་གཏོར་བཤིག་མེད་པ། ཐཱན་ཉུང་གཏོང་རྒྱུན་མཐུད་ཆོག་པ”བཅས་ཀྱི་ཡིའུ་གཏེར་སྔོག་འདོན་བཙོ་སྦྱང་བྱེད་སྟངས་གསར་པ་མངོན་འགྱུར་བྱུང་ཡོད། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་མཚོ་སྔོན་ཞིང་ཆེན་ནོར་སྲིད་ཐིན་ནས་རྒྱུས་ལོན་བྱུང་བ་ལྟར་ན། ཏན་ཏིག་གིས་ཞིང་ཆེན་ཡོངས་ཀྱི་མཁར་གྲོང་གི་འགན་སྲུང་རང་བཞིན་གྱི་བདེ་སྡོད་བཟོ་སྐྲུན་འཛུགས་སྐྲུན་ལ་སྐུལ་འདེད་གཏོང་ཆེད། ཉེ་དུས་ཞིང་ཆེན་ནོར་སྲིད་ཐིན་གྱིས2024ལོའི་ཀྲུང་དབྱང་དང་ཞིང་ཆེན་རིམ་པའི་ནོར་སྲིད་མཁར་གྲོང་གི་འགན་སྲུང་རང་བཞིན་གྱི་བདེ་སྡོད་བཟོ་སྐྲུན་ཁ་གསབ་མ་དངུལ་སྒོར་དུང་ཕྱུར7.06བཏོན་པ་དང་། དེ་ལོ་སྔོན་མ་ལས10.7%འཕར། ཤེས་གསལ་ལྟར་ན། ཁ་གསབ་མ་དངུལ་ཞིང་ཆེན་ཡོངས་ཀྱི་ས་ཁུལ27ལ་ཁེབས་པ་དང་། གཙོ་བོ2024ལོའི་ཞིང་ཆེན་ཡོངས་ཀྱི་མཁར་གྲོང་འགན་སྲུང་རང་བཞིན་གྱི་བདེ་སྡོད་བཟོ་སྐྲུན་འཆར་གཞིའི་ལས་འགན་ལེགས་འགྲུབ་ཐད་བཀོལ་བ་དང་། གཞིས་ཁུལ་རྙིང་བ་བཟོ་བཅོས་དུད་ཁྱིམ27521ལག་བསྟར་དང་། འགན་སྲུང་རང་བཞིན་གྱི་ཁང་བ་1322འཛུགས་སྐྲུན་བྱེད་པ། གཞུང་ཕྱོགས་གླ་ཁང་ཁ་གསབ་དུད་ཁྱིམ4579། སྤྱིལ་ཁང་བཟོ་བཅོས་སྡོད་ཁང248འཛུགས་སྐྲུན་བྱེད་པ་ཡིན། དུས་མཚུངས་སུ། གྲུབ་འབྲས་མགྱོགས་ཤིང་། དཔེ་སྟོན་ཕན་ནུས་ལེགས་པའི་འགན་སྲུང་རང་བཞིན་གྱི་སྡོད་ཁང་ལས་གཞིར་བྱ་དགའ་སྟེར་བ་མ་ཟད། འགན་སྲུང་རང་བཞིན་གྱི་བདེ་སྡོད་བཟོ་སྐྲུན་ལས་འགན་ཕྲག་ཏུ་བླངས་ཡོད། ཁ་གསབ་མ་དངུལ་ལ་དོ་དམ་དང་བེད་སྤྱོད་ལེགས་པོ་བྱ་ཆེད། ཞིང་ཆེན་ནོར་སྲིད་ཐིན་གྱིས་ཁྱོན་ཡོངས་ནས《མཚོ་སྔོན་ཞིང་ཆེན་གྱི་མཁར་གྲོང་གི་འགན་སྲུང་རང་བཞིན་གྱི་བདེ་སྡོད་བཟོ་སྐྲུན་ཁ་གསབ་མ་དངུལ་དོ་དམ་བྱེད་ཐབས》བཟོ་བཅོས་བྱས་པ་དང་། དམིགས་ཡུལ་ནི་སྔར་ལས་ཚན་རིག་དང་། ཚད་ལྡན། ཁ་གསལ་བོའི་མ་དངུལ་དོ་དམ་མ་ལག་སྒྲིག་འཛུགས་བྱེད་པ་ཡིན། 《བྱེད་ཐབས》ཁྲོད་གསལ་བོར་བྱས་དོན། བྱ་དགའི་ཁ་གསབ་སྒྲིག་སྲོལ་སྒྲིག་འཛུགས་དང་། རྒྱུགས་ཕན་དོ་དམ་དང་མཇུག་འབྲས་བེད་སྤྱོད་ཤུགས་དྲག་ཏུ་བཏང་གཏོང་བ་ཡིན། བྱ་དགའི་ཁ་གསབ་ཟུང་འབྲེལ་གྱི་བླང་བྱ་ལྟར། ཁ་གསབ་མ་དངུལ་དེ་ས་ཁུལ་སོ་སོའི་ལོ་དེའི་འགན་སྲུང་རང་བཞིན་གྱི་སྡོད་ཁང་ལས་འགན་དང་། རྒྱུགས་ཕན་དཔྱད་འཇོག་འབྲས་བུའི་མཇུག་འབྲས་སོགས་རྒྱུ་རྐྱེན་ལྟར་སྡེབ་སྒྲིག་བྱེད་དགོས། སྡེབ་སྒྲིག་གི་རྣམ་པ་གསར་གཏོད་བྱེད་པ་དང་། ལས་འགན་འགན་སྲུང་དང་དེ་སྔོན་གྱི་ལོ་རེའི་འགན་སྲུང་སྡོད་ཁང་འཁོར་རྒྱུག་དོ་དམ་མཉམ་སྤྱོད་རྒྱུན་འཁྱོངས་བྱེད་པ་མ་ཟད། དམིགས་བསལ་གཏན་ཁེལ་ལྟར། བྱ་དགའི་ཁ་གསབ་མ་དངུལ་དེ་གཙོ་བོ་རིགས་སོ་སོའི་འགན་སྲུང་རང་བཞིན་གྱི་སྡོད་ཁང་གི་ཁང་བའི་ཡོང་ཁུངས་བསྡུ་རུབ་དང་། ཞིག་གསོ། འཁོར་རྒྱུག་དོ་དམ་དང་། ཁང་བ་གླ་བའི་ཁ་གསབ་སོགས་སྟེར་བའི་ཐད་བཀོལ་ནས། ས་གནས་སོ་སོའི་ཁང་བ་འཁོར་རྒྱུག་དོ་དམ་ལ་ཤུགས་སྣོན་བྱེད་པར་ཁྲིད་སྟོན་བྱེད་པ་ཡིན། ཐེངས་འདིའི་ཁ་གསབ་མ་དངུལ་སྟེར་བ་དང་། མ་དངུལ་དོ་དམ་བྱེད་ཐབས་བཟོ་བཅོས་བྱེད་པ་ནི། རང་ཞིང་གིས་མགྱོགས་མྱུར་ངང་གཙོ་གཞིའི་འདོན་སྤྲོད་དང་། ཐབས་ལམ་མང་པོའི་འགན་སྲུང་། ཁང་བ་གླ་བ། ཉོ་སྒྲུབ་མཉམ་སྤྱོད་ཀྱི་སྡོད་ཁང་སྒྲིག་སྲོལ་གྱི་བྱེད་ཐབས་གལ་ཆེན་ཞིག་ཡིན། །

ད་ལོ་བདེ་ཆེན་ཁུལ་དུ་དམའ་རིམ་སློབ་འབྲིང་གི་སློབ་སྦྱོང་ཆུ་ཚད་རྒྱུགས་ལེན་ནང་ཞུགས་རྒྱུའི་མིང་ཐོ་བཀོད་པའི་ལོ་རིམ་དགུ་པའི་སློབ་མ་ཁྱོན་4436ཡོད་པ་དང་། རྫོང་དང་གྲོང་ཁྱེར་གསུམ་གྱི་དམའ་རིམ་སློབ་འབྲིང་སློབ་གྲྭ་8ཀྱི་རྒྱུགས་སྤྲོད་ཆ་ཚིགས་སུ་རྒྱུགས་ར152བཙུགས་ཡོད། ས་ཁམས་དང་། སྐྱེ་དངོས། ཆ་འཕྲིན་ལག་རྩལ་བཅས་ཀྱི་སློབ་ཚན་གྱི་རྒྱུགས་ལེན་ནང་ཞུགས་མཁན་ལོ་རིམ་བརྒྱད་པའི་སློབ་མ་ཁྱོན་44

ཚེས་20ཉིན། མཉམ་འབྲེལ་རྒྱལ་ཚོགས་འཛམ་གླིང་འབྲུ་རིགས་འཆར་འགོད་ཧྲུའུ་ཡིས་ཝུ་ཀན་ཏའི་ཁཱ་ལཱ་མོ་ཅཱ་ཆུས་མོ་ལུའོ་ཐུའོ་གྲོང་རྡལ་གྱི་ཁཱ་སའེ་མེ་ལི་སློབ་ཆུང་དུ“ལུས་སེམས་གསོ་བའི”སློབ་གྲྭའི་འགྲན་བསྡུར་གྱི་བྱེད་སྒོ་སྤེལ་ནས། ཀྲུང་གོས་སློབ་གྲྭ་དེར་རོགས་སྐྱོར་བྱས་པའི་དགུང་ཟས་རྣམ་གྲངས་དངོས་སུ་ལག་ལེན་བསྟར་འགོ་ཚུགས་པར་རྟེན་འབྲེལ་ཞུས་པ་རེད། དེ་གོང་ཀྲུང་གོས་མཉམ་འབྲེལ་རྒྱལ་ཚོགས་འཛམ་གླིང་འབྲུ་རིགས་འཆར་འགོད་ཧྲུའུ་བརྒྱུད་མ་དངུལ་ཞལ་འདེབས་བརྒྱབ་ནས་ས་ཁུལ་དེའི་སློབ་གྲྭ་315ཡི་བྱིས་པ་ཁྲི་16.5ལ་དུས་ཡུན་ལོ་གཅིག་གི་སློབ་གྲྭའི་དགུང་ཟས་མཁོ་འདོན་བྱ་རྒྱུའི་ཁྱབ་བསྒྲགས་བྱས་ཡོད། འདི་ནི་ཝུ་ཀན་ཏའི་མོ་ལུའོ་ཐུའོ་གྲོང་རྡལ་གྱི་ཁཱ་སའེ་མེ་ལི་སློབ་ཆུང་དུ་ཕྲུ་གུ་ཚོས“ལུས་སེམས་གསོ་བའི”སློབ་གྲྭའི་བྱེད་སྒོའི་རི་མོའི་འགྲན་བསྡུར་ལ་ཞུགས་བཞིན་པ། འགན་འཁུར་རྩོམ་སྒྲིག་པ། བསོད་ནམས་དབང་འདུས།

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས24ཉིན་མཚོ་སྔོན་ཞིང་ཆེན་ཡོངས་ཀྱི་ཏང་ཁག་གང་ལའང་མི་གཏོགས་པའི་མི་སྣའི་སྒྲིག་ཁྲིམས་སློབ་སྦྱོང་དང་སློབ་གསོའི་དཔེ་ཀློག་འཛིན་གྲྭ་སློབ་མགོ་ཚུགས།ཀྲུང་དབྱང་དང་མཚོ་སྔོན་ཞིང་ཆེན་ཏང་ཨུས་གཅིག་གྱུར་བཀོད་སྒྲིག་ལྟར། ཞིང་ཆེན་ཡོངས་ཀྱི་དམངས་གཙོའི་ཏང་ཁག་དང་ཏང་ཁག་གང་ལའང་མི་གཏོགས་པའི་མི་སྣ་རྣམས་ཀྱི་སྤྱོད་གཙང་འཛུགས་སྐྱོང་དང་། མགོ་ཁྲིད་སྡེ་ཁག་འཛུགས་སྐྲུན། རྩ་འཛུགས་འཛུགས་སྐྱོང་བཅས་ལ་ཤུགས་བསྣན་ནས། དོན་དངོས་སྟེང་བསམ་བློ་དང་བྱ་བའི་སྤྱོད་ཚུལ་ལེགས་བཅོས་བྱ་ཆེད། ཏང་ཡོངས་ཀྱིས་སྤེལ་བཞིན་པའི་ཏང་གི་སྒྲིག་ཁྲིམས་སློབ་སྦྱོང་དང་སློབ་གསོའི་བྱེད་སྟངས་སློབ་སྦྱོང་དང་གཞིར་བཟུང་སྟེ། མཚོ་སྔོན་ཞིང་ཆེན་གྱིས་ཟླ6པ་ནས8པའི་བར་དམངས་གཙོའི་ཏང་ཁག་དང་ཏང་གང་ལའང་མི་གཏོགས་པའི་མི་སྣའི་ཁྲོད་དུ་སྒྲིག་ཁྲིམས་སློབ་སྦྱོང་སློབ་གསོ་སྤེལ་བ་དང་། དམངས་གཙོའི་ཏང་ཁག་གི་ཁོངས་མི་དང་ཏང་ཁག་གང་ལའང་མི་གཏོགས་པའི་མི་སྣས་སྒྲིག་ཁྲིམས་སློབ་སྦྱོང་དང་སྒྲིག་ཁྲིམས་ཤེས་པ། སྒྲིག་ཁྲིམས་གསལ་བ། སྒྲིག་ཁྲིམས་སྲུང་བ་བཅས་བྱེད་པར་སྐུལ་འདེད་བཏང་སྟེ།“ལས་བྱེད་པས་ལས་དོན་སྒྲུབ་དགོས་པ་དང་། རིག་ལམ་གསལ་དགོས་པ། རང་གཅུན་ནན་དགོས་པ་བཅས་བྱེད་པའི་རྣམ་པ་ཟབ་མོ་ཞིག་ཧུར་ཐག་སྒོས་བཏོད་པ་བརྒྱུད། ཞིང་ཆེན་ཡོངས་ཀྱི་དམངས་གཙོའི་ཏང་ཁག་དང་ཏང་ཁག་གང་ལའང་མི་གཏོགས་པའི་འཐུས་མི་རྣམས་ཀྱིས་སྒྲིག་ཁྲིམས་བརྩི་སྲུང་བྱེད་པའི་བསམ་བློའི་འདུ་ཤེས་དང་བྱ་སྤྱོད་ཀྱི་འདུ་ཤེས་ཆེ་རུ་གཏོང་རྒྱུ་རེད།དུས་ཡུན་ཉིན3གྱི་དཔེ་ཀློག་འཛིན་གྲྭའི་བྱེད་སྒོ་སྤེལ་བའི་སྐབས་སུ། ཞིང་ཆེན་ཡོངས་ཀྱི་ཏང་ཕྱིའི་ཤེས་ཡོན་ཅན་མཉམ་འབྲེལ་ལྷན་ཚོགས་དང་ལས་འཛིན་ལྷན་ཚོགས་ཁྲོད་ཀྱི་ཏང་ཁག་གང་ལའང་མི་གཏོགས་པའི་འཐུས་མི་དང་། ཞིང་ཆེན་ཡོངས་ཀྱི་སྤྱི་ཚོགས་རིམ་གྲས་གསར་པའི་མི་སྣའི་ཁྲོད་ཀྱི་ཏང་ཁག་གང་ལའང་མི་གཏོགས་པའི་འཐུས་མི་ཚོས་ཟི་ལིང་གྲོང་ཁྱེར་དང་། མཚོ་བྱང་བོད་རིགས་རང་སྐྱོང་ཁུལ་ཧེ་ཡན་རྫོང་།མཚོ་ཤར་གྲོང་ཁྱེར་ཧུའུ་ཀྲུའུ་ཧོར་རིགས་རང་སྐྱོང་རྫོང་བཅས་སུ་སྒྲིག་ཁྲིམས་སློབ་སྦྱོང་དང་སློབ་གསོ་སྤེལ་བ་རེད། དཔེ་ཀློག་འཛིན་གྲྭས་སློབ་ཁྲིད་དང་རང་སྦྱོང་། ཉེན་བརྡའི་སློབ་གསོ། ཡུལ་དངོས་ཀྱི་སློབ་ཁྲིད། གྲོས་བསྡུར་གཏམ་བཤད་སོགས་ཀྱི་བྱེད་ཐབས་སྤྱད་དེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐབས20པའི་ཀྲུང་དབྱང་གི་སྒྲིག་ཁྲིམས་ཨུ་ལྷན་གྱི་ཐེངས་གསུམ་པའི་ཚང་འཛོམས་གྲོས་ཚོགས་སྟེང་གནང་བའི་དགོངས་དོན་གལ་ཆེན་གཙོ་གནད་དུ་བཟུང་ནས་སློབ་སྦྱོང་གཏིང་ཟབ་བྱེད་པ་དང་། ཏང་ཁག་གང་ལའང་མི་གཏོགས་པའི་འབྲེལ་ཡོད་སྒྲིག་ཁྲིམས་དང་། སྤྱོད་ཚུལ་འཛུགས་སྐྱོང་གི་འབྲེལ་ཡོད་ཟིན་བྲིས་གནད་བསྡུས་ཡིག་ཆ། སྒྲིག་ཁྲིམས་ཀྱི་བླང་བྱ་སོ་སོ་སོགས་སློབ་སྦྱོང་གཏིང་ཟབ་བྱ་རྒྱུ་རེད། །

ཉེ་ལམ་བར། རྒྱལ་ཡོངས་ཀྱི་ཞིང་ཆེན་28གྱིས་མཐོ་རྒྱུགས་ཀྱི་སྐར་གྲངས་བལྟ་བའི་དུས་ཚོད་ཁྱབ་བསྒྲགས་བྱས་པ་དང་། སྐར་གྲངས་བལྟ་བའི་དུས་ཚོད་མང་ཆེ་བ་ཟླ་6ཚེས་23ནས་ཚེས་26ཉིན་བར་གཅིག་སྡུད་བྱས་ཡོད། གཤམ་གྱི་པར་རིས་འདི་ནས་ཞིབ་ཕྲའི་དུས་ཚོད་བལྟ་ཐུབ། རྒྱུགས་སྤྲོད་སློབ་མ་ཡོངས་ཀྱིས་སྦྱངས་འབྲས་གཡུར་དུ་ཟ་བ་ལེན་པར་སྨོན་འདུན་ཞུ།

ཉེ་ཆར། 2024ལོའི་ཀྲུང་གོ་རྒྱལ་སྤྱིའི་སློབ་ཆེན་སློབ་མའི་གསར་གཏོད་འགྲན་བསྡུར་ཆེན་པོའི་བོད་ལྗོངས་ལས་རིགས་ལག་རྩལ་སློབ་གླིང་གི་ནང་ཁུལ་འདེམས་སྒྲུག་འགྲན་བསྡུར་བྱས་པ་རེད།བོད་ལྗོངས་ལས་རིགས་ལག་རྩལ་སློབ་གླིང་གི་སློབ་བསྡུའི་ལས་ཞུགས་མཛུབ་ཁྲིད་ཁྲུའི་ཁྲུའུ་ཀྲང་གཞོན་པ་ཞེ་ཀྲི་པོ་ཡིས། ཉེ་བའི་ལོ་ཤས་རིང་། བོད་ལྗོངས་ལས་རིགས་ལག་རྩལ་སློབ་གླིང་གིས་འགྲན་བསྡུར་ལ་བརྟེན་ནས་སློབ་གསོར་སྐུལ་འདེད་དང་། འགྲན་བསྡུར་ལ་བརྟེན་ནས་སློབ་སྦྱོང་ལ་སྐུལ་འདེད། འགྲན་བསྡུར་ལ་བརྟེན་ནས་ལས་གཏོད་ལ་སྐུལ་འདེད་བཅས་གཏོང་རྒྱུ་མཐའ་འཁྱོངས་བྱས་ཏེ་གྲུབ་འབྲས་གཞན་སྒྱུར་དང་ཐོན་སློབ་ཞིབ་གསུམ་མཉམ་འདྲེས་ཡོང་བར་སྐུལ་འདེད་བཏང་བས་སློབ་མའི་གསར་གཏོད་ལས་གཏོད་ཀྱི་འཇོན་ཐང་ཆེ་རུ་ཏན་ཏིག་ཕྱིན་ཡོད།གོམ་སྟབས་རྗེས་མར་འགྲན་བསྡུར་ཆེན་པོ་གོ་སྐབས་སུ་བྱས་ཏེ་སློབ་གླིང་གི་གསར་གཏོད་ལས་གཏོད་ཀྱི་སློབ་གསོ་སྒྱུར་བཅོས་ལ་སྐུལ་འདེད་གཏིང་ཟབ་བཏང་ནས་སློབ་ཚན་གྱི་མ་ལག་དང་། སློབ་ཁྲིད་ཀྱི་བྱ་ཐབས། གདེང་འཇོག་གི་ལམ་སྲོལ་བཅས་ལེགས་སུ་བཏང་ནས་གསར་གཏོད་ཀྱི་སྙིང་སྟོབས་དང་ལག་ལེན་གྱི་འཇོན་ཐང་ཆེ་ལ་བྱང་ཚད་མཐོ་བའི་ཤེས་ལྡན་པ་གསོ་སྐྱོང་བྱེད་ཀྱི་ཡིན་ཞེས་ངོ་སྤྲོད་བྱས། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

འདི་ག་ཚགས་པར་ཁང་དུ་པེ་ཅིང་ནས་ཟླ་6ཚེས་15ཉིན་གློག་འཕྲིན་འབྱོར་གསལ། གསར་འགོད་པར་སློབ་གསོ་པུའུ་ནས་ཤེས་རྟོགས་བྱུང་བར། རྒྱལ་ཁབ་སྒོ་དབྱེའི་སློབ་ཆེན་གྱི་ཚེ་གང་སློབ་གསོའི་ལས་སྟེགས་2022ལོའི་ཟླ་བ་5པར་དྲ་ཐོག་ནས་སྤྱོད་འགོ་ཚུགས་ཚུན། རྒྱལ་ཁབ་དང་ས་ཁུལ་200ལྷག་ཙམ་གྱི་མི་ཐེངས་ཁྲི་6000ཙམ་ལ་ཞབས་འདེགས་ཞུས་པ་དང་ཐོ་འགོད་བྱས་ནས་སྤྱོད་མཁན་མི་ཁྲི་680ཟིན་ཞིང་། གྲངས་འཛིན་ཅན་ལ་བརྟེན་ནས་སློབ་སྦྱོང་རྣམ་པར་ཞབས་འདེགས་ཞུ་བའི་སྤྱི་ཚོགས་འཛུགས་སྐྲུན་ལ་གྲུབ་འབྲས་མངོན་གསལ་དོད་པོ་ཐོབ་ཡོད།ཚེ་གང་སློབ་གསོ་སློབ་སྦྱོང་གི་ཐོན་ཁུངས་དེ་བས་ཕུན་སུམ་ཚོགས་སུ་ཕྱིན་ཞིང་། མིག་སྔར་ཚེ་གང་སློབ་གསོའི་ལས་སྟེགས་སུ་ཐོན་ཁུངས་ཁྲི་103ལྷག་ཙམ་ཕྱོགས་བསྡུས་བྱས་ཡོད་པ་དང་སྤྱོད་མཁན་གྱིས་སློབ་སྦྱོང་བྱེད་ཡུན་རིམ་རྩིས་བརྒྱབ་ན་ཆུ་ཚོད་ཁྲི་110ཟིན་ཡོད། “འཇོན་ཐང་ཅན་གྱིས་དགེ་རྒན་བྱེད་པ”དང“བློ་གྲོས་ཅན་གྱིས་རྒན་རྒོན་ལ་རོགས་རམ་བྱེད་པའི”ཆེད་དོན་བྱ་སྤྱོད་སྤེལ་ནས་སྤུས་ལེགས་ཕྲན་ཚོགས་སློབ་ཚན(ཁག)ཁྲི་8ལྷག་ཙམ་སྒོ་འབྱེད་མཉམ་སྤྱོད་བྱས་པ་དང་། “དམངས་ཡོངས་ཀྱིས་དཔེ་ཀློག་དང་རིག་དཔལ་དར་བའི་ཀྲུང་གོ”ཞེས་པའི་དྲ་ཐོག་སློབ་སྦྱོང་བྱེད་སྒོའི་ཆེད་དོན་ཁུལ་བཏོན་ནས་གློག་རྡུལ་དཔེ་དེབ་ཁྲི་1ལྷག་ཙམ་དྲ་ཐོག་ཏུ་བཏོན་ཡོད། གཞན་ཡང་ལས་སྟེགས་དེ་རྒན་རྒོན་ལ་འཚམ་པའི་སྒྱུར་བཀོད་དང་འགོག་མེད་སྒྱུར་བཀོད་བྱས་ནས་སྤྱོད་མཁན་སྣ་ཚོགས་ཀྱི་སློབ་སྦྱོང་གི་དགོས་མཁོ་བསྐངས་ཡོད།（དབང་སྒྲོན་སྐྱིད་ཀྱིས་བསྒྱུར། སྤེན་ཚེས་ཞུས）

གསར་འགོད་པར་སློབ་གསོ་པུའུ་ནས་ཤེས་རྟོགས་བྱུང་བར། རྒྱལ་ཁབ་སྒོ་དབྱེའི་སློབ་ཆེན་གྱི་ཚེ་གང་སློབ་གསོའི་ལས་སྟེགས་2022ལོའི་ཟླ་བ་5པར་དྲ་ཐོག་ནས་སྤྱོད་འགོ་ཚུགས་ཚུན། རྒྱལ་ཁབ་དང་ས་ཁུལ་200ལྷག་ཙམ་གྱི་མི་ཐེངས་ཁྲི་6000ཙམ་ལ་ཞབས་འདེགས་ཞུས་པ་དང་ཐོ་འགོད་བྱས་ནས་སྤྱོད་མཁན་མི་ཁྲི་680ཟིན་ཞིང་། གྲངས་འཛིན་ཅན་ལ་བརྟེན་ནས་སློབ་སྦྱོང་རྣམ་པར་ཞབས་འདེགས་ཞུ་བའི་སྤྱི་ཚོགས་འཛུགས་སྐྲུན་ལ་གྲུབ་འབྲས་མངོན་གསལ་དོད་པོ་ཐོབ་ཡོད།ཚེ་གང་སློབ་གསོ་སློབ་སྦྱོང་གི་ཐོན་ཁུངས་དེ་བས་ཕུན་སུམ་ཚོགས་སུ་ཕྱིན་ཞིང་། མིག་སྔར་ཚེ་གང་སློབ་གསོའི་ལས་སྟེགས་སུ་ཐོན་ཁུངས་ཁྲི་103ལྷག་ཙམ་ཕྱོགས་བསྡུས་བྱས་ཡོད་པ་དང་སྤྱོད་མཁན་གྱིས་སློབ་སྦྱོང་བྱེད་ཡུན་རིམ་རྩིས་བརྒྱབ་ན་ཆུ་ཚོད་ཁྲི་110ཟིན་ཡོད། “འཇོན་ཐང་ཅན་གྱིས་དགེ་རྒན་བྱེད་པ”དང“བློ་གྲོས་ཅན་གྱིས་རྒན་རྒོན་ལ་རོགས་རམ་བྱེད་པའི”ཆེད་དོན་བྱ་སྤྱོད་སྤེལ་ནས་སྤུས་ལེགས་ཕྲན་ཚོགས་སློབ་ཚན(ཁག)ཁྲི་8ལྷག་ཙམ་སྒོ་འབྱེད་མཉམ་སྤྱོད་བྱས་པ་དང་། “དམངས་ཡོངས་ཀྱིས་དཔེ་ཀློག་དང་རིག་དཔལ་དར་བའི་ཀྲུང་གོ”ཞེས་པའི་དྲ་ཐོག་སློབ་སྦྱོང་བྱེད་སྒོའི་ཆེད་དོན་ཁུལ་བཏོན་ནས་གློག་རྡུལ་དཔེ་དེབ་ཁྲི་1ལྷག་ཙམ་དྲ་ཐོག་ཏུ་བཏོན་ཡོད། གཞན་ཡང་ལས་སྟེགས་དེ་རྒན་རྒོན་ལ་འཚམ་པའི་སྒྱུར་བཀོད་དང་འགོག་མེད་སྒྱུར་བཀོད་བྱས་ནས་སྤྱོད་མཁན་སྣ་ཚོགས་ཀྱི་སློབ་སྦྱོང་གི་དགོས་མཁོ་བསྐངས་ཡོད། འགན་འཁུར་རྩོམ་སྒྲིག་པ། བསོད་ནམས་དབང་འདུས།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། ནུབ་མཚོ་གྲོང་ཁྱེར་ཚགས་པར། བཤེར་འབེབས། རིན་ཆེན་ཚེ་རིང་།ཟླ6པའི་ཚེས17ཉིན། 2024ལོའི་མཐོ་རྒྱུགས་དཀྱུས་མའི"སྐར་གྲངས་དཔྱད་སྡུར་སྒོ་འབྱེད་ཉིན་མོའི"བྱེད་སྒོ་སྤེལ་ལ། རྒྱུགས་སྤྲོད་སློབ་མའི་ཁྱིམ་བདག་གི་འཐུས་མི་དང་ཟི་ལིང་གྲོང་ཁྱེར་མཁར་ནུབ་ཁུལ་དམངས་ཆེན་འཐུས་མི་དང་སྲིད་གྲོས་ཨུ་ཡོན། གསར་འགྱུར་སྨྱན་སྦྱོར་གྱི་གསར་འགོད་པ་སོགས་མི20ལྷག་ཙམ་གྱིས་ཡུལ་དངོས་ནས་མཐོ་རྒྱུགས་སྐར་གྲངས་དཔྱད་སྡུར་གྱི་ཡུལ་དངོས་ལ་ལྟ་སྐོར་བྱས། སྐར་གྲངས་དཔྱད་སྡུར་ས་ཚིགས་ཀྱི་སྤྱི་ཁྱབ་འགན་འཁུར་བ་དང་འབྲེལ་ཡོད་བསླབ་ཚན་གྱི་དཔྱད་སྡུར་འགན་འཁུར་བས་སྐར་གྲངས་དཔྱད་སྡུར་བྱ་བའི་གནས་ཚུལ་ངོ་སྤྲོད་བྱས།མཚོ་སྔོན་ཞིང་ཆེན་གྱི2024ལོའི་མཐོ་རྒྱུགས་ཀྱི་དྲ་ཐོག་སྐར་གྲངས་དཔྱད་སྡུར་དེ་ཟླ6པའི་ཚེས11ཉིན་ནས་བཟུང་དངོས་སུ་སྤེལ་མགོ་བརྩམས། སྐར་གྲངས་དཔྱད་སྡུར་བྱ་བའི་ནང་དགེ་རྒན430ལྷག་ཙམ་སྐོང་འཐེན་བྱས་ནས་ཁྱོན་རྒྱུགས་ཤོག་ཁྲི21.8ལྷག་ཙམ་ལ་དཔྱད་སྡུར་བྱས།མིག་སྔར། སྐར་གྲངས་དཔྱད་སྡུར་གྱི་འབྲེལ་ཡོད་བྱ་བ་མཇུག་སྒྲིལ་ལ་ཉེ་ཞིང་། སྐར་གྲངས་དཔྱད་སྡུར་བྱ་བ་མཇུག་སྒྲིལ་རྗེས་དཔྱད་སྡུར་གྱི་གཞི་གྲངས་ལ་འཐེན་བཤེར་བསྐྱར་ཞིབ་དང་། སྐར་གྲངས་དག་བཤེར་དང་སྐར་གྲངས་མཉམ་སྡེབ་སོགས་བྱས་ནས་མཐོ་རྒྱུགས་རྒྱུགས་ཤོག་གི་དཔྱད་སྡུར་བྱ་བ་དྲང་གཞག་དྲང་བདེན་དང་གཟབ་ནན་ཚད་ལྡན་ཡོང་པར་འགན་ལེན་བྱ་རྒྱུ་རེད། སློབ་བསྡུའི་སྐར་མཚམས་དང་རྒྱུགས་སྤྲོད་སློབ་མའི་སྐར་གྲངས་ཟླ6པའི་ཚེས25ཉིན་ཡས་མས་སུ་སྤྱི་ཚོགས་ཐོག་ཡོངས་བསྒྲགས་བྱ་རྒྱུ་རེད། སྐབས་སྔོན་མ། འཁྱུག་དབྱངས་ཀྱི་དྲ་དཔོན་མེ་ལྷ་གངས་དཀར་རྩེར་འཛེག་པའི་མཛད་སྒོ་འཚོགས་པ། སྐབས་རྗེས་མ། མེད།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་བའི་ལོ་འགའི་རིང་སྤྱི་ཚོགས་སྟེང་རིན་པ་མཐོ་བའི་རེ་འདུན་རེའུ་མིག་སྐོང་བའི་མཛུབ་སྟོན་ཞབས་ཞུ་མངོན་པར་དམིགས་ཏེ། སློབ་གསོ་པུའུ་ཡིས་ཟླ6པའི་ཚེས18ཉིན་རྒྱ་ཆེའི་རྒྱུགས་སྤྲོད་སློབ་མ་དང་ཁྱིམ་བདག་ལ་ངེས་པར་དུ་ཚོང་རའི་སྟེང་གི་རིགས་སོ་སོའི་རེ་འདུན་རེའུ་མིག་སྐོང་བའི་མཛུབ་སྟོན་ཞབས་ཞུ་ལ་གཟབ་དགོས་པ་དང་། རིན་མཐོའི་མཛུབ་སྟོན་བློ་འདྲི་ལ་ཡིད་མི་ཆེས་པར། དཔལ་འབྱོར་གྱི་གྱོང་གུད་དང་རེ་འདུན་རེའུ་མིག་སྐོང་བའི་ཉེན་ཁ་ཐེབས་པར་གཡོལ་དགོས་པའི་གསལ་འདེབས་གནང་ཡོད།ལས་ཁུངས་དང་མི་སྒེར་སྐོར་ཞིག་གིས་ནང་ཁུལ་གྱི་གཞི་གྲངས་ཆེན་མོ་ཡོད་པ་དང་། གནད་འཁེལ་ངེས་གནས་བྱེད་ཐུབ་ལ། རྒྱུགས་སྤྲོད་སློབ་མའི་རེ་འདུན་ལྟར་ཆེད་ལས་བདམས་པར་ཁག་ཐེག་བྱེད་ཐུབ་པར་བསྒྲགས་ཏེ། རྒྱུགས་སྤྲོད་སློབ་མ་དང་ཁྱིམ་བདག་ལ་རིན་པ་མཐོ་བའི་ཞབས་ཞུ་ཉོ་སྒྲུབ་བྱེད་པར་གཡོ་འགུགས་བྱས་ཡོད། སློབ་གསོ་པུའུ་ཡིས་བསྟན་དོན། ལོ་རེརེ་མཐོ་རྒྱུགས་ཀྱི་རེ་འདུན་སྐོང་བའི་སྔོན་དེར། ཞིང་ཆེན་སོ་སོའི་སློབ་བསྡུ་ལས་ཁུངས་ཀྱིས་ལོ་དེའི་མཐོ་རྒྱུགས་ཀྱི་རྒྱུགས་འབྲས་བསྡོམས་རྩིས་གནས་ཚུལ་དང་ཉེ་བའི་ལོ་འགའི་རིང་གི་མཐོ་སློབ་ཀྱི་སློབ་བསྡུའི་སྐར་གྲངས་གནས་ཚུལ་ཁྱབ་བསྒྲགས་བྱས་ཡོད་པ་དང་། ཚོང་རའི་སྟེང་མངོན་པའི་བློ་འདྲི་ལས་ཁུངས་དང་མི་སྒེར་གྱིས་བེད་སྤྱོད་པའི་དཔྱད་གཞིའི་གཞི་གྲངས་ཚང་མ་ཐབས་ལམ་འདི་ལས་འཚོལ་སྡུད་ཕྱོགས་བསྡུས་བྱས་པ་ཡིན།ལས་ཁུངས་སྐོར་ཞིག་གིས་མཐོ་རྒྱུགས་རེ་འདུན་འཆར་འགོད་པ་དང་དབང་གྲགས་ཆེད་མཁས་ཚོགས་པ་སོགས་ལ་ཁ་གཡར་ཏེ། རྒྱུགས་སྤྲོད་སློབ་མ་དང་ཁྱིམ་བདག་གི་ཡིད་ཆེས་གཡོ་ལེན་བྱས་ཡོད་ལ། སློབ་གསོ་པུའུ་ཡིས་འབྲེལ་ཡོད་སྡེ་ཁག་གིས་མཐོ་རྒྱུགས་རེ་འདུན་འཆར་འགོད་པ་སོགས་ཀྱི་ལས་རིགས་ཐོབ་ཐང་དཔང་ཡིག་ཅིག་བྱིན་མེད་པའི་གསལ་འདེབས་གནང་ཡོད། ད་ལོར། ས་ཁུལ་སོ་སོའི་མཐོ་སློབ་གྱིས་རིགས་སོ་སོའི་རིན་མེད་ཀྱི་དྲ་ཐོག་དང་ཡུལ་དངོས་སློབ་བསྡུའི་བློ་འདྲི་བྱ་འགུལ་སྤེལ་རྒྱུ་ཡིན་པ་དང་། ཆེད་དམིགས་ཀྱི་བྱ་བའི་དཔུང་སྡེ་རྩ་འཛུགས་བྱས་ཏེ། རྒྱུགས་སྤྲོད་སློབ་མ་དང་ཁྱིམ་བདག་ལ་ཞིབ་ཚགས་ཀྱི་རེ་འདུན་རེའུ་མིག་སྐོང་བའི་བློ་འདྲི་ཞབས་ཞུ་འདོན་སྤྲོད་བྱ་རྒྱུ་རེད། །

སྐབས་དང་པོའི་མཚོ་སྔོན་ཞིང་ཆེན་གྱི་སློབ་ཆེན་སློབ་མའི་སྐྱེ་ཁམས་རིག་གནས་དང་ཚན་རྩལ་གསར་སྐྲུན་གྱི་འགྲན་བསྡུར་ཆེན་མོའི་རྟིང་རྩོད་འགྲན་སྡུར་མགོ་བརྩམས། ཟླ6ཚེས16ཉིན། མཚོ་སྔོན་ཞིང་ཆེན་སློབ་གསོ་ཐིན་དང་མཚོ་སྔོན་ཞིང་ཆེན་ཚན་རྩལ་ཐིན། མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་ཐིན་བཅས་ཀྱིས་གཙོ་སྒྲུབ་བྱས་པ་དང་། མཚོ་སྔོན་མི་རིགས་སློབ་གྲྭ་ཆེན་མོ་དང་མཚོ་བྱང་བོད་རིགས་རང་སྐྱོང་ཁུལ་མི་དམངས་སྲིད་གཞུང་གིས་འགན་སྒྲུབ་བྱས་ཤིང་། རྨ་འབྲི་རྫ་གསུམ་འབྱུང་ཡུལ་སྐྱེ་ཁམས་སྲུང་སྐྱོབ་ཐེབས་རྩ་ཚོགས་པ་དང་ཞ་མོན་སློབ་གྲྭ་ཆེན་མོའི་ཁོར་ཡུག་དང་སྐྱེ་ཁམས་སློབ་གླིང་། མཚོ་སྔོན་མི་རིགས་སློབ་ཆེན་གྱི་སྐྱེ་ཁམས་ཁོར་ཡུག་དང་ཐོན་ཁུངས་སློབ་གླིང་། མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་སྲུང་སྐྱོབ་དྲིལ་སྒྲོག་སློབ་གསོ་ལྟེ་གནས་བཅས་ཀྱིས་རོགས་སྒྲུབ་བྱས་པའི་སྐབས་དང་པོའི་མཚོ་སྔོན་ཞིང་ཆེན་གྱི་སློབ་ཆེན་སློབ་མའི་སྐྱེ་ཁམས་རིག་གནས་དང་ཚན་རྩལ་གསར་སྐྲུན་གྱི་འགྲན་བསྡུར་ཆེན་མོའི་རྟིང་རྩོད་འགྲན་སྡུར་མགོ་རྩོམ་པའི་མཛད་སྒོ་མཚོ་བྱང་ཁུལ་ཧེ་ཡན་རྫོང་གི་སྨོན་ལམ་མཐོན་པོ་སྒང་སྐྱེ་ཁམས་ཡུལ་སྐོར་དམར་པོའི་སློབ་གསོའི་ཞིབ་འཇུག་སློབ་སྦྱོང་རྟེན་གཞི་རུ་བསྡུས།ངོ་སྤྲོད་བྱས་པ་ལྟར་ན། སྐབས་དང་པོའི་མཚོ་སྔོན་ཞིང་ཆེན་གྱི་སློབ་ཆེན་སློབ་མའི་སྐྱེ་ཁམས་རིག་གནས་དང་ཚན་རྩལ་གསར་སྐྲུན་གྱི་འགྲན་བསྡུར་ཆེན་མོ་སྤེལ་བའི་དམིགས་ཡུལ་ནི། དེང་རབས་ཀྱི་གཞོན་ནུའི་བློ་གྲོས་གཅིག་ཏུ་བསྡུས་ཏེ། འགྲན་བསྡུར་ལ་བརྟེན་ནས་གསར་སྐྲུན་ལ་སྐུལ་འདེད་གཏོང་བ་དང་། གསར་སྐྲུན་ལས་སྐྲུན་གྱི་གསོན་ཤུགས་དམག་དཔུང་གསོ་སྐྱོང་བྱེད་པ། འགྲན་བསྡུར་ལ་བརྟེན་ནས་སློབ་གསོར་སྐུལ་འདེད་གཏོང་བ་དང་། བྱང་ཚད་སློབ་གསོའི་ཐབས་ལམ་གསར་པ་འཚོལ་ཞིབ་བྱེད་པ། འགྲན་སྡུར་ལ་བརྟེན་ནས་ལས་སྐྲུན་ལ་སྐུལ་འདེད་གཏོང་བ་དང་། གྲུབ་འབྲས་གཞན་སྒྱུར་གྱི་སྟེགས་བུ་གསར་པ་བསྐྲུན་པ་བཅས་བྱས་ནས། རྒྱ་ཆེའི་གཞོན་ནུ་རྣམས་ལ་སྐྱེ་ཁམས་དཔལ་ཡོན་གྱི་འདུ་ཤེས་འཛུགས་པ་དང་། སྐྱེ་ཁམས་དཔལ་ཡོན་འཛུགས་སྐྲུན་ཁྲོད་ཞུགས་པ། གསར་གཏོད་གསར་སྐྲུན་གྱིས་སྐྱེ་ཁམས་སྲུང་སྐྱོབ་བྱེད་པར་ཁྲིད་སྟོན་བྱས་ནས། མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་ནུས་ཤུགས་འདོན་རྒྱུ་དེ་རེད།ཐེངས་འདིའི་འགྲན་བསྡུར་ཆེན་མོ་དེ་རྩ་འཛུགས་ཇུས་འགོད་དང་བརྩམས་ཆོས་བསྡུ་ལེན་བྱེད་པ་ནས་ཐོག་མའི་འགྲན་སྡུར་གྱི་རྟིང་རྩོད་འགྲན་སྡུར་བྱེད་པའི་བར། གཙོ་སྒྲུབ་བྱེད་མཁན་དང་འགན་སྒྲུབ་བྱེད་མཁན། རོགས་སྒྲུབ་བྱེད་མཁན་བཅས་ཀྱིས་རྒྱབ་སྐྱོར་ཆེན་པོ་དང་གཞོགས་འདེགས་དམ་པོ་བྱས་པ་དང་། ཞིང་ཆེན་ནང་ཁུལ་གྱི་མཐོ་རིམ་སློབ་གྲྭ་སོ་སོའི་དགེ་སློབ་ཚོས་དོ་ཁུར་ཆེན་པོ་བྱས་པར་མ་ཟད་ཧུར་ཐག་གིས་ཞུགས་ནས། སྤྱི་ཚོགས་ཀྱི་ལས་རིགས་སོ་སོའི་ཚད་མཐོའི་མཐོང་ཆེན་དང་ཚུར་སྣང་དྲག་པོ་བྱུང་ཡོད། ཞིང་ཆེན་ནང་ཁུལ་གྱི་མཐོ་རིམ་སློབ་གྲྭ11ནས་ཡོང་བའི་རུ་ཁག600ལྷག་དང་། སློབ་མ2000 ལྷག་གིས་མིང་ཐོ་བཀོད་ནས་འགྲན་རིམ་ལྔ་ཡི་འགྲན་སྡུར་ཁྲོད་ཞུགས་པ་དང་། བརྩམས་ཆོས303སྤྲད་ཡོད།ཤེས་རྟོགས་བྱུང་བ་ལྟར་ན། ཐེངས་འདིའི་འགྲན་བསྡུར་ཆེན་མོའི་རྟིང་རྩོད་འགྲན་བསྡུར་དེ་ཟླ6པའི་ཚེས19ཉིན་ཧེ་ཡན་རྫོང་ནུབ་མཚོ་གྲོང་རྡལ་དུ་བསྡུ་རྒྱུ་ཡིན་ཞིང་། སྐབས་དེར་ རྟིང་རྩོད་འགྲན་སྡུར་ཁྲོད་ཚུད་པའི་སྐྱེ་ཁམས་དཔལ་ཡོན་གྱི་སྤྱི་ཆིངས་རིགས་དང་། སྐྱེ་ཁམས་སྲུང་སྐྱོབ་ཀྱི་དྲིལ་སྒྲོག་སློབ་གསོའི་རིགས། ཚན་རྩལ་ཚོད་ལྟའི་བརྩམས་ཆོས་རིགས། ཚན་རྩལ་དངོས་པོའི་བརྩམས་ཆོས་རིགས། འགྲེལ་བཤད་རིགས་བཅས་འགྲན་རིམ་གསུམ་གྱི་རིགས་ལྔའི་འགྲན་ཞུགས་རུ་ཁག31གིས་གསར་གཏོད་གསར་སྐྲུན་ལ་བརྟེན་ནས་སྐྱེ་ཁམས་སྲུང་སྐྱོབ་བྱས་ཏེ། མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བརྗོད་དོན་ལ་དམ་པོར་དམིགས་ནས་ངོ་མཚར་ཆེ་བའི་འགྲན་སྡུར་བྱེད་རྒྱུ་རེད། རྩོམ་སྒྲིག་པ། ནམ་མཁའ་ཚེ་རིང་།

འདི་ག་ཚགས་པར་གྱི་གསར་འགོད་པ། ཝུའུ་ཏན།ཉིན་ཤས་གོང་། རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས་བརྡ་ཐོ་བཀྲམ་ནས་སློབ་གསོ་པུའུ་སོགས་སྡེ་ཚན་གྱི《སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་གྱི་དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་དགེ་འོས་སློབ་མའི་གཞུང་གྲོན་སློབ་གསོ་ལག་བསྟར་བྱ་ཐབས》（གཤམ་དུ《ལག་བསྟར་བྱ་ཐབས》ཞེས་བསྡུ་རྒྱུ）བརྒྱུད་སྤེལ་བྱས་ཏེ། དགེ་འོས་སློབ་མའི་གཞུང་གྲོན་སློབ་གསོའི་ལམ་ལུགས་ལེགས་སུ་བཏང་ནས་ཞིབ་འཇུག་སློབ་མ་རིམ་པའི་སློབ་གྲྭ་འབྲིང་ཆུང་གི་དགེ་རྒན་གསོ་སྐྱོང་ལ་ཤུགས་སྣོན་བརྒྱབ་ཡོད།《ལག་བསྟར་བྱ་ཐབས》བཏོན་པའི་རྒྱབ་ལྗོངས་ཅི་ཞིག་ཡིན་ནམ། “དགེ་འོས་སློབ་མའི་གཞུང་གྲོན་སློབ་གསོ”ནས“དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་དགེ་འོས་སློབ་མའི་གཞུང་གྲོན་སློབ་གསོའི”བར་ཕྱོགས་གང་དག་གི་ཐད་ལེགས་བཅོས་དང་འཐུས་སྒོ་ཚང་དུ་བཏང་ཡོད་དམ། གསར་འགོད་པས་སློབ་གསོ་པུའི་འབྲེལ་ཡོད་འགན་འཁུར་བ་དང་རིགས་གཅིག་མཁས་ཅན་ལ་བཅར་འདྲི་བྱས་པ་ཡིན།གསོ་སྐྱོང་གི་རིམ་པ་མཐོ་རུ་གཏོང་བ།གཞུང་གྲོན་དགེ་འོས་སློབ་མས་ཉིན་གང་ལམ་ལུགས་ཀྱི་སློབ་གསོའི་རབ་འབྱམས་པར་རྒྱུགས་སྤྲོད་མི་དགོས་པར་སློབ་སྦྱོང་བྱས་རྗེས་ཁ་ཆད་ལྟར་དགེ་རྒན་བྱ་རྒྱུར་རྒྱབ་སྐྱོར་བྱེད་པ།2007ལོ་ནས་པེ་ཅིང་དགེ་འོས་སློབ་ཆེན་དང་། ཧྭ་ཏུང་དགེ་འོས་སློབ་ཆེན། བྱང་ཤར་དགེ་འོས་སློབ་ཆེན། ཧྭ་ཀྲུང་དགེ་འོས་སློབ་ཆེན། ཧྲའན་ཤིས་དགེ་འོས་སློབ་ཆེན། ལྷོ་ནུབ་སློབ་ཆེན་བཅས་སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་དྲུག་ཏུ་དགེ་འོས་སློབ་མར་རིན་མེད་སློབ་གསོའི་སྲིད་ཇུས་ལག་བསྟར་བྱས་ཡོད། 2018ལོར“དགེ་འོས་སློབ་མའི་རིན་མེད་སློབ་གསོ”དེ“དགེ་འོས་སློབ་མའི་གཞུང་གྲོན་སློབ་གསོར”མིང་བསྒྱུར་ནས། དངོས་གཞིའི་ཚན་ཁག་ཐོན་རྗེས་ཁ་ཆད་ལྟར་དགེ་རྒན་ལོ་6ལས་མི་ཉུང་བ་བྱེད་དགོས་པའི་བླང་བྱ་བཏོན་ཡོད།《ལག་བསྟར་བྱ་ཐབས》ནང་། 2024ལོ་ནས་བཟུང་། རྒྱལ་ཁབ་ཀྱིས་སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་6ཏུ་དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་དགེ་འོས་སློབ་མའི་གཞུང་གྲོན་སློབ་གསོ（དངོས་གཞིའི་ཚན་ཁག་ལོ་4＋སློབ་གསོའི་རབ་འབྱམས་པའི་ཞིབ་འཇུག་སློབ་མ་ལོ་2）ལག་བསྟར་བྱས་ཏེ། ཆ་རྐྱེན་དང་མཐུན་པའི་གཞུང་གྲོན་དགེ་འོས་སློབ་མས་སློབ་གྲྭ་དེ་གའི་ཉིན་གང་ལམ་ལུགས་ཀྱི་སློབ་གསོའི་རབ་འབྱམས་པའི་ཞིབ་འཇུག་སློབ་མར་རྒྱུགས་སྤྲོད་མི་དགོས་པར་སློབ་སྦྱོང་བྱས་རྗེས་ཁ་ཆད་ལྟར་དགེ་རྒན་བྱེད་པར་རྒྱབ་སྐྱོར་བྱ་རྒྱུ་བཏོན་ཡོད། སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་གྱིས་གཞུང་གྲོན་དགེ་འོས་སློབ་མའི་དངོས་གཞིའི་ཚན་ཁག་ལོ་4དང་སློབ་གསོའི་རབ་འབྱམས་པའི་ཞིབ་འཇུག་སློབ་མའི་ལོ་2ཀྱི་གསོ་སྐྱོང་ཇུས་གཞི་གཅིག་གྱུར་འཆར་འགོད་དང་ལག་བསྟར་བྱས་ནས་གསོ་སྐྱོང་གི་སྤུས་ཚད་ལ་འགན་ལེན་ཏན་ཏིག་བྱས་ཡོད།པེ་ཅིང་དགེ་འོས་སློབ་ཆེན་གྱི་དགེ་རྒན་ཆེ་མོ་བ་ཀྲང་ཀྲི་ཡུང་གིས། ཉིན་གང་ལམ་ལུགས་མིན་པའི་སློབ་གསོའི་རབ་འབྱམས་པར་རྒྱུགས་སྤྲོད་མི་དགོས་པ་དེ་ཉིན་གང་ལམ་ལུགས་ཀྱི་སློབ་གསོའི་རབ་འབྱམས་པའི་ཞིབ་འཇུག་སློབ་མར་རྒྱུགས་སྤྲོད་མི་དགོས་པར་ལེགས་སྒྲིག་བྱས་ཚེ། ལས་ཀ་དང་སློབ་སྦྱོང་དབར་འགལ་བ་མི་ཐོན་པ་དང་། དགེ་འོས་སློབ་མའི་རིག་གཞུང་ཆུ་ཚད་མཐོ་རུ་དང་སློབ་གསོ་སློབ་ཁྲིད་ཀྱི་ལག་ལེན་འཇོན་ཐང་ཆེ་རུ་ཕྱིན་ནས་སློབ་གྲྭ་འབྲིང་ཆུང་ལ་ཞིབ་འཇུག་སློབ་མ་རིམ་པའི་དགེ་རྒན་གསོ་སྐྱོང་བྱེད་ཐུབ་པའི་ངོས་འཛིན་བྱས།དགེ་རྒན་བཀོད་སྒྲིག་ལེགས་སུ་གཏོང་བ།སློབ་ཐོན་སློབ་མ་དབུས་ནུབ་རྒྱུད་ཀྱི་ཞིང་ཆེན་གྱི་ལྟེ་བའི་གྲོང་ཁྱེར་ཕུད་པའི་ས་ཁུལ（གྲོང་ཁྱེར་དང་། ཀྲོའུ། མོང）དང་དེ་མན་གྱི་སྲིད་འཛིན་ས་ཁོངས་སུ་དགེ་རྒན་བྱེད་པར་འགྲོ་རྒྱུར་སྐུལ་འདེད་གཏོང་བ།སློབ་གསོ་པུས་ཁྱབ་བསྒྲགས་བྱས་པའི་གྲངས་གཞི་ལས་མངོན་པར། 2023ལོའི་བར་སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་6གིས་རིམ་རྩིས་བྱས་ན་གཞུང་གྲོན་དགེ་འོས་སློབ་མ་ཁྱོན་ཁྲི་15བསྡུས་པ་དང་། སློབ་ཐོན་སློབ་མས་ཁ་ཆད་ལྟར་དགེ་རྒན་བྱེད་ཚད་90%ལས་བརྒལ་བ་དེའི་ནང་90%ལྷག་ཙམ་དབུས་ནུབ་རྒྱུད་དུ་དགེ་རྒན་བྱེད་པར་སོང་ནས་རྨང་གཞིའི་སློབ་གསོའི་འཐབ་ས་དང་པོར་དགེ་རྒན་སྤུས་ལེགས་འབོར་ཆེན་ཁ་གསབ་བྱས་ཏེ། ཕུལ་བྱུང་ཤེས་ལྡན་པ་སློབ་ཁྲིད་བྱེད་པར་འགུག་པ་དང་སློབ་གསོ་དོ་སྙོམས་འཕེལ་རྒྱས་ལ་སྐུལ་འདེད་གཏོང་བའི་ཐད་ལེགས་སྐྱེས་གལ་ཆེན་ཕུལ་ཡོད།《ལག་བསྟར་བྱ་ཐབས》ནང་། དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་དགེ་འོས་སློབ་མའི་གཞུང་གྲོན་སློབ་གསོ་རྒྱལ་ཡོངས་ལ་ཁ་ཕྱོགས་ཏེ་གཙོ་བོ་དབུས་ནུབ་ས་ཁུལ་ཞིང་ཆེན་གྱི་ལྟེ་བའི་གྲོང་ཁྱེར་ཕུད་པའི་ས་ཁུལ（གྲོང་ཁྱེར་དང་། ཀྲོའུ། མོང）དང་དེ་མན་གྱི་སྲིད་འཛིན་ས་ཁོངས་སུ་ཞིབ་འཇུག་སློབ་མ་རིམ་པའི་སློབ་གྲྭ་འབྲིང་ཆུང་གི་དགེ་རྒན་གསོ་སྐྱོང་བྱ་རྒྱུ་དང་། ཐད་གཏོགས་གྲོང་ཁྱེར་དང་། འཆར་གཞི་ལོགས་སུ་བཀོད་པའི་གྲོང་ཁྱེར་དང་ཞིང་ཆེན་གྱི་ལྟེ་བའི་གྲོང་ཁྱེར་གྱི་གྲོང་ཁུལ（རང་སྐྱོང་ལྗོངས་5དང་། སྐམ་སའི་མཐའ་མཚམས་ཞིང་ཆེན། ཧའེ་ནན་ཞིང་ཆེན། ཀུའེ་ཀྲོའུ་ཞིང་ཆེན། མཚོ་སྔོན་ཞིང་ཆེན་བཅས་ཕུད）གཙོ་བོར་དགེ་རྒན་བྱེད་མི་ཆོག་པ་ཁ་གསལ་བཏོན་ཡོད།སློབ་གསོ་པུའུ་ཡི་འབྲེལ་ཡོད་འགན་འཁུར་བས། སྔར་ཡོད་སྲིད་ཇུས་ཀྱི་གཙོ་གནད་དེ་དབུས་ནུབ་རྒྱུད་ལ་དགེ་རྒན་གསོ་སྐྱོང་དང་ནང་འདྲེན་བྱེད་པའི་རྨང་གཞིའི་ཐོག 《ལག་བསྟར་བྱ་ཐབས》ནང་སློབ་ཐོན་སློབ་མ་དབུས་ནུབ་རྒྱུད་ཀྱི་ཞིང་ཆེན་གྱི་ལྟེ་བའི་གྲོང་ཁྱེར་ཕུད་པའི་ས་ཁུལ（གྲོང་ཁྱེར་དང་། ཀྲོའུ། མོང）དང་དེ་བཞིན་དེ་མན་གྱི་སྲིད་འཛིན་ས་ཁོངས་སུ་དགེ་རྒན་བྱེད་རྒྱུར་སྔར་བས་སྐུལ་འདེད་བཏང་ནས་ཞིང་ཆེན་ས་ཁོངས་ནང་གི་དགེ་རྒན་སྤུས་ལེགས་དོ་སྙོམས་ཡོང་བར་སྐུལ་འདེད་བཏང་ཡོད། དེ་དང་ཆབས་ཅིག་ཁ་ཆད་ལག་བསྟར་བྱེད་པའི་བླང་བྱར་ཤུགས་སྣོན་བརྒྱབ་སྟེ་ནད་གཞི་ཚབས་ཆེན་སོགས་དམིགས་བསལ་གནས་ཚུལ་ཕུད། དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་གཞུང་གྲོན་དགེ་འོས་སློབ་མས་སློབ་གྲྭ་ཐོན་རྗེས་ཁ་ཆད་ལྟར་དགེ་རྒན་ལོ་6ལས་མི་ཉུང་བ་བྱེད་དགོས། ཁ་ཆད་ལྟར་དགེ་རྒན་བྱས་ཚུལ་དེ་ཡིད་རྟོན་ཟིན་ཐོ་དང་འབྲེལ་བ་ཡོད་པའི་ངོ་སྤྲོད་བྱས་ཡོད།“སྔོན་ཆད་ཀྱི་ཉམས་མྱོང་ལ་བལྟས་ན། གཞུང་གྲོན་དགེ་འོས་སློབ་མས་ཁ་ཆད་ལྟར་དགེ་རྒན་བྱེད་ཚད་མཐོ་བ་དེ་ནི་སློབ་གྲྭ་འབྲིང་ཆུང་གི་དགེ་རྒན་གསོ་སྐྱོང་དང་ཁ་གསབ་བྱེད་པའི་ཐབས་ལམ་བློས་འགེལ་ཆོག་པ་ཞིག་ཡོད” ཧྭ་ཏུང་དགེ་འོས་སློབ་ཆེན་ཏང་ཨུད་ཀྱི་ཧྲུའུ་ཅི་མའེ་པིན་གྱིས་དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་དགེ་འོས་སློབ་མའི་གཞུང་གྲོན་སློབ་གསོ་ལག་བསྟར་བྱས་ཚེ། དབུས་ནུབ་ས་ཁུལ་དུ་ཞིབ་འཇུག་སློབ་མ་རིམ་པའི་སློབ་གྲྭ་འབྲིང་ཆུང་གི་དགེ་རྒན་འབོར་ཆེན་ཁ་གསབ་ཐུབ་ནས་དབུས་ནུབ་ས་ཁུལ་གྱི་དགེ་རྒན་དཔུང་ཁག་གི་སྤྱིའི་སྤུས་ཚད་མཐོ་རུ་འགྲོ་བ་དང་། དགེ་རྒན་དཔུང་ཁག་གི་གྲུབ་ཆ་ལེགས་སུ་འགྲོ་བ། སློབ་གསོ་སྤུས་ལེགས་དོ་སྙོམས་དང་གྲོང་ཁྱེར་དང་གྲོང་གསེབ་གཞི་གཅིག་ཅན་འཕེལ་རྒྱས་ལ་སྐུལ་མ་ཐེབས་པ་བཅས་ལ་ཕན་ཐོགས་ཡོད་པའི་ངོས་འཛིན་བྱས།ལས་ཞུགས་རྗེས་ཀྱི་འཕེལ་རྒྱས་ལ་མཐོང་ཆེན་བྱེད་པ།འཆར་གཞི་ཡོད་པའི་སྒོ་ནས་དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་གཞུང་གྲོན་དགེ་འོས་སློབ་མ་རྨང་གཞིའི་སློབ་གསོའི་སྣེ་ཁྲིད་ཤེས་ལྡན་པར་གསོ་སྐྱོང་བྱེད་པ།གཞི་རིམ་དུ་སྐྱོད་ཐུབ་པ་དང་། གནས་ཐུབ་པ། ཡག་པོ་སློབ་ཐུབ་པ། འཕེལ་རྒྱས་གཏོང་ཐུབ་པ་བཅས་ཀྱི་གཞུང་གྲོན་དགེ་འོས་སློབ་མ་ཇི་ལྟར་གསོ་སྐྱོང་བྱེད་དགོས་སམ།ལས་ཀའི་ལས་གནས་ལ་འགན་ལེན་བྱེད་པའི་ཐད། སློབ་གསོ་པུས་ས་གནས་ཁག་གི་སློབ་གྲྭ་འབྲིང་ཆུང་གི་དགེ་རྒན་དཔུང་ཁག་འཛུགས་སྐྱོང་གི་དགོས་མཁོ་དངོས་དང་སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་གྱི་གསོ་སྐྱོང་ནུས་པར་གཞིགས་ནས། འབྲེལ་ཡོད་སྡེ་ཚན་དང་གྲོས་བསྡུར་བྱས་ཏེ་ལོ་ལྟར་གཞུང་གྲོན་དགེ་འོས་སློབ་མའི་སློབ་བསྡུའི་འཆར་གཞིར་སྤྱི་འདོམས་བྱས་ནས་བཟོས་ཏེ། སློབ་མ་བསྡུ་བ་དང་གསོ་སྐྱོང་བྱ་རྒྱུ་དེ་དགེ་རྒན་ལས་གནས་ཀྱི་དགོས་མཁོ་དང་འབྲེལ་མཐུད་ནུས་ལྡན་ཐུབ་པར་འགན་ལེན་བྱས་ཡོད། ཞིང་ཆེན་རིམ་པའི་སློབ་གསོ་སྲིད་འཛིན་སྡེ་ཚན་གྱིས་ཆེད་ལས་ཁག་གི་གཞུང་གྲོན་དགེ་འོས་སློབ་མའི་ཁ་ཆད་ལྟར་དགེ་རྒན་བྱ་ཡུལ（གྲོང་ཁྱེར་དང་། ཀྲོའུ། མོང）གྱི་ཁྱབ་ཁོངས་གཏན་འཁེལ་བྱེད་པ་དང་འབྲེལ། སློབ་གསོ་པུའུ་ལ་ཞིབ་བཤེར་གཏན་འབེབས་བྱ་རྒྱུར་ཕུལ་ཡོད། ས་གནས་ཁག་གིས་ཆེད་དོན་གདན་ཞུ་སྒྲིག་འཛུགས་བྱས་ནས་ཕན་ཚུན་གདམ་ག་སོགས་ཀྱི་བྱ་ཐབས་བརྒྱུད་སློབ་གྲྭ་ཐོན་པའི་གཞུང་གྲོན་དགེ་འོས་སློབ་མ་ཚང་མར་དགེ་རྒན་བྱེད་སའི་སློབ་གྲྭ་དང་ལས་གནས་དོན་འཁྱོལ་ཏན་ཏིག་བྱས་ཡོད།གསོ་སྐྱོང་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་བའི་ཐད། ས་གནས་ཁག་དང་སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་ཁག་གིས་ས་གནས་སྲིད་གཞུང་དང་། སློབ་གྲྭ་འབྲིང་ཆུང་། མཐོ་སློབ་བཅས་ཀྱི་མཉམ་ལས་ལམ་སྲོལ་བཙུགས་ནས་སྤུས་ལེགས་ཐོན་ཁུངས་གཅིག་སྡུད་ཀྱིས་གཞུང་གྲོན་དགེ་འོས་སློབ་མ་གསོ་སྐྱོང་ཐད་སྤྱོད་པ་མ་ཟད། སློབ་ཐོན་སློབ་མའི་ལས་ཞུགས་རྗེས་ཀྱི་ཆེད་ལས་འཕེལ་རྒྱས་ཀྱི་རྗེས་སྙེགས་ཞབས་ཞུའི་ལམ་སྲོལ་བཙུགས་ནས་ཤེས་ལྡན་པ་གསོ་སྐྱོང་དང་བེད་སྤྱོད་ཟུང་འབྲེལ་བྱས་ཏེ། འཆར་གཞི་ཡོད་པའི་སྒོ་ནས་དངོས་གཞི་དང་ཞིབ་འཇུག་སློབ་གནས་འབྲེལ་མཐུད་ཀྱི་གཞུང་གྲོན་དགེ་འོས་སློབ་མ་རྨང་གཞིའི་སློབ་གསོའི་སྣེ་ཁྲིད་ཤེས་ལྡན་པར་གསོ་སྐྱོང་བྱས་ཡོད།“2011ལོ་ནས་བཟུང་། རིམ་རྩིས་བྱས་ན་སློབ་གསོ་པུའི་ཁོངས་གཏོགས་ཀྱི་དགེ་འོས་སློབ་ཆེན་གྱི་གཞུང་གྲོན་དགེ་འོས་སློབ་མ་2500ལྷག་ཙམ་མཚོ་སྔོན་དུ་དགེ་རྒན་བྱེད་པར་བསྐྱོད་པས་དགེ་རྒན་དཀོན་པའི་རིག་ཚན་ལ་དགེ་རྒན་ཁ་གསབ་ནུས་ལྡན་ཐུབ་ཡོད། གོམ་སྟབས་རྗེས་མར་དགེ་རྒན་གྱི་དགོས་མཁོ་མཐིལ་རྟོགས་ཡག་པོ་བྱེད་པར་ཤུགས་བརྒྱབ་སྟེ། ཚན་རིག་དང་མཐུན་པའི་སྒོ་ནས་མཚོ་སྔོན་ཞིང་ཆེན་གྱི་འབྲེལ་ཡོད་གསོ་སྐྱོང་འཆར་འགོད་བཟོས་ནས་དགོས་མཁོ་དངོས་དང་གསོ་སྐྱོང་གི་གཞི་ཁྱོན་འབྲེལ་མཐུད་ནུས་ལྡན་ཐུབ་པར་འགན་ལེན་བྱེད་ཀྱི་ཡིན”ཞེས་མཚོ་སྔོན་ཞིང་ཆེན་སློབ་གསོ་ཐིང་གི་ཏང་ཙུའི་ཁོངས་མི་ཐིང་ཀྲང་གཞོན་པ་སུང་ལེ་ཡིས་བརྗོད།（བདེ་སྐྱིད་དབང་མོ་དང་ཚེ་རིང་བུ་ཁྲིད་ཀྱིས་སྒྱུར་ཞུས་བྱས）

སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་གིས་འཚོལ་བསྡུ་དང་ལེགས་སྒྲིག་བྱས་ཤིང་། སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་བགྱིས་པའི་སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་གི་གཙུག་ལག་རིག་གནས་མུ་འབྲེལ་དཔེ་ཚོགས་གཡུ་ཐོག་རྙིང་མ་ཡོན་ཏན་མགོན་པོས་མཛད་པའི«གསོ་རིག་རྒྱུད་བཞི་དཔེ་བསྡུར་མ»ད་ལྟ་དངོས་སུ་དཔེ་སྐྲུན་འགྲེམ་སྤེལ་བྱས།       བོད་ལུགས་གསོ་རིག་གི་ཕྱི་མོའམ་གཞི་རྩར་གྱུར

ང་ཚོས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུ་བརྗོད་དོན་གཙོ་བོར་འཛིན་རྒྱུ་རྒྱུན་འཁྱོངས་བྱས་ཏེ། ནང་མཁོ་རྒྱ་སྐྱེད་གཏོང་བའི་འཐབ་ཇུས་ལག་བསྟར་བྱ་རྒྱུ་དེ་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཟབ་སྤེལ་བྱེད་པ་དང་ཟུང་འབྲེལ་དམ་ཚགས་དང་། རྒྱལ་ནང་གི་རེས་འཁོར་ཆེན་པོའི་ནང་སྐྱེས་སྒུལ་ཤུགས་དང་བློ་འགེལ་ཆོག་པའི་རང་བཞིན་ཆེ་རུ་གཏོང་བ། རྒྱལ་སྤྱིའིི་རེས་འཁོར་གྱི་སྤུས་ཚད་དང་ཆུ་ཚད་མཐོ་རུ་གཏོང་བ། དེང་རབས་ཅན་གྱི་དཔལ་འབྱོར་མ་ལག་མགྱོགས་པོར་འཛུགས་པ། བདག་རྐྱེན་ཆ་ཚང་གི་ཐོན་སྐྱེད་བྱེད་ཚད་མཐོ་རུ་གཏོང་གང་ཐུབ་བྱེད་པ། ཐོན་ལས་མུ་ཕྲེང་དང་འདོན་སྤྲོད་མུ་ཕྲེང་གི་ལྡེམ་ཤུགས་དང་བདེ་འཇགས་ཀྱི་ཆུ་ཚད་མཐོ་རུ་གཏོང་གང་ཐུབ་བྱེད་པ། གྲོང་ཁྱེར་དང་གྲོང་གསེབ་མཉམ་འདྲེས་དང་ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་བར་སྐུལ་འདེད་གཏོང་གང་ཐུབ་བྱེད་པ་བཅས་ཀྱིས་དཔལ་འབྱོར་སྤུས་ཚད་ཇེ་མཐོར་ནུས་ལྡན་ཡོང་བ་དང་གྲངས་འབོར་འཕར་སྣོན་ལུགས་མཐུན་ཡོང་བར་སྐུལ་འདེད་གཏོང་དགོས།—«ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་རླབས་པོ་ཆེ་མཐོན་པོར་བསྒྲེངས་ཏེ། ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་ཆེད་མཐུན་སྒྲིལ་འབད་འཐབ་བྱེད་དགོས།» (༢༠༢༢ལོའི་ཟླ༡༠ཚེས༡༦ཉིན།) «བདེན་འཚོལ»དུས་དེབ༢༠༢༢ལོའི་རྒྱ་ཡིག་པར་གཞི། འདོན་ཐེངས༢༡པ། 我们要坚持以推动高质量发展为主题，把实施扩大内需战略同深化供给侧结构性改革有机结合起来，增强国内大循环内生动力和可靠性，提升国际循环质量和水平，加快建设现代化经济体系，着力提高全要素生产率，着力提升产业链供应链韧性和安全水平，着力推进城乡融合和区域协调发展，推动经济实现质的有效提升和量的合理增长。—《高举中国特色社会主义伟大旗帜，为全面建设社会主义现代化国家而团结奋斗》（2022年10月16日），《求是》杂志2022年第21期

འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་ཡག་པོ་བྱེད་པ་ནི་ལོ་རྒྱུས་རིག་གནས་རྒྱུན་འཛིན་བྱེད་པར་དོན་སྙིང་གལ་ཆེན་ལྡན་ཡོད། ཉིན་ཤས་གོང་། མཚོ་སྔོན་ཞིང་ཆེན་འཕེལ་སྒྱུར་ཨུ་ལྷན་གྱིས་གནས་ཚུལ་སྤེལ་བར་གཞིགས་ན། ཞིང་ཆེན་འཕེལ་སྒྱུར་ཨུ་ལྷན་གྱིས“སྲུང་སྐྱོང་ཨང་དང་པོར་འཇོག་པ་དང་རྒྱུན་འཛིན་སྔོན་ལ་འཇོག་རྒྱུ”མཐའ་འཁྱོངས་ཀྱིས་རྩེ་རིམ་ཇུས་འགོད་ལ་ཤུགས་སྣོན་རྒྱག་པ་དང་མ་དངུལ་གཏོང་ཤུགས་ཆེ་རུ་བཏང་ནས་སྤུས་ཚད་མཐོ་བའི་རིག་གནས་ཤུལ་བཞག་སྲུང་སྐྱོང་དང་བེད་སྤྱོད་ཀྱི་རྣམ་པ་གསར་པ་བཏོད་དེ་རིག་གནས་ཤུལ་བཞག་རྒྱུན་འཛིན་དང་བེད་སྤྱོད་ལ་སྐུལ་འདེད་བཏང་བ་རེད།མཚོ་སྔོན་ཞིང་ཆེན་འཕེལ་སྒྱུར་ཨུ་ལྷན་གྱིས་དུས་འགོའི་གྲོན་དངུལ་སྒོར་ཁྲི་180བཀོད་སྒྲིག་བྱས་ནས་ལྕགས་རི་རིང་པོ་དང་། རྒྱང་སྐྱོད། རྨ་ཆུ། འབྲི་ཆུ་བཅས་ཀྱི་རྒྱལ་ཁབ་རིག་གནས་སྤྱི་གླིང་འཛུགས་སྐྲུན་སྲུང་སྐྱོང་འཆར་འགོད་བཟོ་རྒྱུར་རྒྱབ་སྐྱོར་བྱས་ཏེ་རིག་གནས་ཤུལ་བཞག་སྲུང་སྐྱོང་རྒྱུན་འཛིན་གྱི་གཙོ་རྒྱུའི་འགན་ལེན་ལ་ཤུགས་སྣོན་བརྒྱབ་ཅིང་། 《མཚོ་སྔོན་ཞིང་ཆེན་རྨ་ཆུའི་རྒྱལ་ཁབ་རིག་གནས་སྤྱི་གླིང་འཛུགས་སྐྲུན་སྲུང་སྐྱོང་འཆར་འགོད》བཀྲམ་ནས“རྨ་ཆུའི་རིག་གནས་ཤུལ་བཞག་ཐོན་ཁུངས་བརྟག་དཔྱད་དང་རྨ་ཆུའི་རིག་དངོས་གལ་ཆེན་ཉམས་གསོར་སྐུལ་འདེད་གཏོང་བ”སོགས་གཙོ་གནད་ལས་འགན་བཀོད་སྒྲིག་བྱས་ཏེ། རྨ་ཆུའི་རིག་གནས་གསར་གཏོད་རང་བཞིན་གྱི་འགྱུར་ལྡོག་དང་། གསར་གཏོད་རང་བཞིན་གྱི་འཕེལ་རྒྱས། བརྒྱུད་རིམ་རང་བཞིན་གྱི་སྲུང་སྐྱོང་བཅས་ལ་སྐུལ་འདེད་བཏང་བ་རེད།རིག་གནས་སྲུང་སྐྱོང་དང་། རྒྱུན་འཛིན། བེད་སྤྱོད་བཅས་ཀྱི་འདུ་འགོད་ལག་ལེན་ཤུགས་ཆེན་བསྟར་ཞིང་། “ལོ་ལྔ་ཚན་བཅུ་བཞི་པའི”རིང་། ཁྱོན་ཀྲུང་དབྱང་གི་སྔོན་རྩིས་ནས་མ་དངུལ་སྒོར་དུང་ཕྱུར་3.4བརྩོན་ལེན་བྱས་ནས་རྒྱལ་ཁབ་ཀྱི་རིག་གནས་སྤྱི་གླིང་རྣམ་གྲངས་14ལག་བསྟར་བྱས་པ་དང་། ཚད་གཞི་མཐོ་བའི་ཡུལ་སྐོར་ཞབས་ཞུའི་ལྟེ་གནས་དང་། ཡུལ་སྐོར་གསང་སྤྱོད། སྐྱེ་ཁམས་རླངས་འཁོར་འཇོག་ས་སོགས་རྨང་གཞིའི་སྒྲིག་བཀོད་འཛུགས་སྐྲུན། ས་གནས་ཀྱི་ཁྱད་ཆོས་འབུར་དུ་ཐོན་པ། ཁོར་ཡུག་ལེགས་སུ་གཏོང་བར་མཐོང་ཆེན། རིག་གནས་ཀྱི་ནང་དོན་དང་དུས་རབས་ཀྱི་རིན་ཐང་སྔོག་འདོན་གཏིང་ཟབ་བཅས་བྱས་པས། ཀྲུང་ཧྭའི་རིག་གནས་ཀྱི་མཚོན་རྟགས་གལ་ཆེན་གྱི་ཡིད་དབང་འགུག་ཤུགས་དང་ཤུགས་རྐྱེན་ཐེབས་ཤུགས་ཆེ་རུ་ཕྱིན་ཡོད།གཙོ་གནད་རིག་དངོས་སྲུང་སྐྱོང་དང་གནའ་རྫས་རྟོག་ཞིབ་སྔོག་འདོན་གྱི་འགག་རྩའི་ཁྱབ་ཁོངས་ལ་དམིགས་ནས་ཀྲུང་དབྱང་གི་སྔོན་རྩིས་ནས་མ་དངུལ་སྒོར་དུང་ཕྱུར་1.3དོན་འཁྱོལ་བྱས་ཏེ་རིག་དངོས་སྲུང་སྐྱོང་གི་རྣམ་གྲངས་7ལག་བསྟར་བྱས་པ་དང་སྲུང་སྐྱོང་དོ་དམ་དང་། འགྲེམས་སྟོན་བེད་སྤྱོད། ལེ་ལག་ཚང་བའི་ཞབས་ཞུའི་སྒྲིག་བཀོད་འཐུས་སྒོ་ཚང་དུ་གཏོང་བ་བཅས་བྱས་ནས་གནའ་ཤུལ་གལ་ཆེན་གྱི་རྟོག་ཞིབ་ནུས་པ་དང་སྒྲིག་བཀོད་ཆ་རྐྱེན་ལེགས་སུ་བཏང་སྟེ་གནའ་རྫས་རྟོག་ཞིབ་ཀྱི་མ་དཔེ་གསོག་ཉར་དང་། ཉམས་གསོ། ཞིབ་འཇུག་སོགས་ཀྱི་ནུས་པ་སྣ་ཚོགས་ཀྱི་དགོས་མཁོ་སྔར་བས་བསྐངས་པ་དང་། སྤོ་མི་རུང་བའི་རིག་དངོས་ལ་སྲུང་སྐྱོང་བྱེད་ཤུགས་མུ་མཐུད་ཆེ་རུ་བཏང་ཁར། རིག་དངོས་ཞིབ་འཇུག་འགྲེལ་བཤད་དང་འགྲེམས་སྟོན་བརྒྱུད་བསྒྲགས་ཀྱི་ཆུ་ཚད་མཐོ་རུ་བཏང་བ་རེད།（བསོད་བདེ་གཞོན་པས་བསྒྱུར། རིག་རྡོར་གྱིས་ཞུས）

དབྱར་དུས་ཀྱི་ས་མཐོར་སྔོ་ལྗང་གིས་བརྒྱན་ཞིང་ས་གཞི་ཆེན་པོའི་གང་སར་དགའ་བདེའི་དཔལ་ལ་རོལ། ཟླ་7ཚེས་12ཉིན་གྱི་དགོང་མོ་བོད་ཀྱི་རིག་གནས་སྒྱུ་རྩལ་དུས་ཆེན་སྐབས་གཉིས་པ་བོད་ལྗོངས་ཟློས་གར་ཁང་ཆེན་དུ་གཟབ་རྒྱས་ངང་འགོ་ཚུགས་པ་རེད།རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའུ་ཡི་པུའུ་ཀྲང་དབང་ཧའེ་ཀྲོའུ་ཡིས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚབ་ཞུས་ནས་འགོ་ཚུགས་མཛད་སྒོར་ཤིས་ཚིག་གསུངས་པ་རེད། ཁོང་གིས་བོད་ཀྱི་རིག་གནས་སྒྱུ་རྩལ་དུས་ཆེན་ནི་རང་ལྗོངས་ཀྱིས་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དང་། གསར་བརྗེའི་རིག་གནས། སྤྱི་ཚོགས་རིང་ལུགས་ཀྱི་སྔོན་ཐོན་རིག་གནས་བཅས་དར་སྤེལ་ཤུགས་ཆེན་བཏང་ནས་རིག་གནས་སྟོབས་ཆེན་ཁུལ་འཛུགས་སྐྲུན་ལ་སྐུལ་འདེད་གཏོང་བའི་གསོན་ཉམས་ལྡན་པའི་ལག་ལེན་ཞིག་དང་། རིག་གནས་འཕེལ་རྒྱས་ཀྱི་གྲུབ་འབྲས་གང་ལེགས་འགྲེམས་སྟོན་དང་། རིག་གནས་དམངས་ཕན་དམངས་ཁེ་མཚོན་པ། རིག་གནས་འགྲོ་འོང་སྤེལ་རེས་མཉམ་འདྲེས་ལ་སྐུལ་འདེད་གཏོང་བ། རིག་གནས་རིག་རྩལ་གྱི་ཕུལ་བྱུང་ཤེས་ལྡན་པ་གསོ་སྐྱོང་བཅས་བྱེད་པའི་གཞི་རྟེན་གལ་ཆེན་ཞིག་ཡིན་པས་བོད་ཀྱི་རིག་གནས་བྱ་གཞག་དང་རིག་གནས་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་ཕན་པ་ཐོགས་ངེས་རེད་ཅེས་གསུངས་པ་རེད།དབང་ཧའེ་ཀྲོའུ་ཡིས། ལྗོངས་ཡོངས་ཀྱི་རིག་གནས་འཐབ་ཕྱོགས་དང་ལྷག་པར་དུ་རྒྱ་ཆེའི་རིག་རྩལ་ལས་དོན་པས་ད་ཐེངས་ཀྱི་བྱེད་སྒོ་གོ་སྐབས་སུ་བྱས་ནས་ཕུལ་བྱུང་གི་སྤུས་ཚད་མཐོ་བའི་རིག་གནས་རིག་རྩལ་གྱི་བརྩམས་ཆོས་རྩེ་གྲ་དེ་བས་མང་བ་བཏོན་ནས་དུས་རབས་གསར་པའི་བོད་ལྗོངས་གསར་པའི་ཉམས་འགྱུར་བཟང་པོ་ཕྱོགས་ཡོངས་ནས་མངོན་པར་བྱས་ཏེ་སྤྱི་ཚོགས་ལས་རིགས་ཁག་དང་མི་རིགས་ཁག་གི་ལས་བྱེད་པ་དང་མང་ཚོགས་ཀྱིས་རིག་གནས་འཕེལ་རྒྱས་ཀྱི་གྲུབ་འབྲས་མཉམ་སྤྱོད་བྱ་རྒྱུའི་ཡིད་དབང་བཀུག་ནས་མཛེས་སྡུག་ལྡན་པའི་བསམ་པའི་རིག་གནས་འཚོ་བར་བཅངས་པའི་མི་རྣམས་ཀྱི་རེ་སྒུག་གསར་པ་རྒྱུན་ཆད་མེད་པར་སྐོང་ཐུབ་པ་བྱེད་པ་དང་། འབྲེལ་ཡོད་སྡེ་ཚན་གྱིས་ཡང་དག་པའི་ཆབ་སྲིད་ཀྱི་ཁ་ཕྱོགས་དང་། གླེང་ཕྱོགས་ཀྱི་ཁྲིད་སྟོན། རིན་ཐང་དོན་གཉེར་བྱེད་ཕྱོགས་བཅས་སྟངས་འཛིན་ནན་པོ་བྱེད་པ་དང་།“དངོས་སྒྲུབ་དང་། གྲོན་ཆུང་། ནུས་ཆེ”བཅས་ཀྱི་རྩ་དོན་མཐའ་འཁྱོངས་བྱས་ཏེ་འགྲེམས་སྟོན་དང་འགྲན་བསྡུར་སོགས་ཀྱི་བྱེད་སྒོ་ཁག་སྒྲིག་འཛུགས་ཞིབ་ཚགས་བྱས་ནས་ཆབ་སྲིད་ཀྱི་འགག་སྒོ་དང་། ཞིབ་དཔྱད་ཀྱི་འགག་སྒོ སྤུས་ཚད་ཀྱི་འགག་སྒོ་བཅས་ཡག་པོ་བསྲུངས་ཏེ་བྱེད་སྒོ་བདེ་འཇགས་དང་མི་སྣ་བདེ་འཇགས་ཡོང་བའི་འགན་ལེན་བྱས་ནས་སྒྱུ་རྩལ་དུས་ཆེན་དེ་སྤུས་ཚད་མཐོ་བ་དང་ཆུ་ཚད་མཐོ་བའི་མང་ཚོགས་རང་བཞིན་གྱི་རིག་གནས་འདུ་ཚོགས་གཟབ་རྒྱས་ཤིག་ཏུ་དངོས་འབྲེལ་གཉེར་རྒྱུའི་ཐུགས་རེ་གནང་བ་རེད།ཤེས་རྟོགས་བྱུང་བར་གཞིགས་ན། སྐབས་འདིའི་རིག་གནས་སྒྱུ་རྩལ་དུས་ཆེན་གྱི་བརྗོད་དོན་གཙོ་བོ་ནི“བདེ་སྐྱིད་བོད་ལྗོངས། བཀྲ་ཤིས་བདེ་ལེགས”ཡིན་པ་དང་། ཟླ་བ་གཅིག་གི་དུས་ཚོད་རིང་ཕུལ་བྱུང་ཟློས་གར་མཉམ་འཁྲབ་དང་། རིག་གནས་འགྲེམས་སྟོན། རིག་རྩལ་འགྲན་བསྡུར། མཉམ་འགུལ་ཉམས་ལེན་སོགས་སྣ་མང་ཕུན་སུམ་ཚོགས་པའི་བྱེད་སྒོ་ཁག་16སྤེལ་རྒྱུ་ཡིན་པ་རེད། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

ལོ་ཉི་ཤུ་གནའ་རྫོགས་ད་རྫོགས་རེད།། མགོ་མཐོན་པོ་གནའ་ཡལ་ད་ཡལ་རེད།། ད་ཚེ་མཐའ་མ་རྫོགས་གོང་མ་ལ།། ངས་ཇ་གང་འཐུང་ལ་སྙན་ངག་འབྲི།། སྐྱིད་ཡོད་ཡོད་འདྲ་ལ་མེད་པ་འདྲ།། དྲིན་མ་ལོ་བཞུགས་པ་སྐྱིད་ཅིག་རེད།། ཆོས་དགེ་བའི་ཕུང་པ་སྡིག་ཅིག་རེད།། ལས་སྐྱིད་སྡུག་ཀློང་ནས་ཚེ་མཐའ་ཉུལ།། གཉེན་ཉེ་དུ་ཤ་ཚ་སྙིང་ཉེ་ཅན།། རི་སྡེ་བ་ཁ་ངན་ཁོག་ནག་ཅན།། ལས་ཡག་བཙོག་གཉིས་ཀྱི་གྲུ་ག་ནས།། ཚེ་ཕ་མཐའ་བསྐྱོད་ལ་སྡིག་མཐའ་གླེང་།། ལོ་ཉི་ཤུའི་སྣང་བར་ཞེ་རེ་སྨྲེང་།། ལོ་རྒས་པའི་སྐྲ་ལོར་ཞེ་རེ་སྨྲེང་།། ཁ་འདོན་ཆོག་མེད་ལ་ཞེ་རེ་སྨྲེང་།། ཞེ་སྨྲེང་བའི་བར་ནས་སྙན་ངག་འབྲི།། ལུས་དལ་འབྱོར་ཆུད་ཟོས་རྐྱང་རྐྱང་རེད།། ཟས་རྒྱགས་ཚད་བཟས་ནས་གཉིད་རེ་བསླངས།། ཞེ་ཆོས་ལ་མ་ཐོགས་ཉོན་རེ་མོངས།། ཁ་དགེ་ལ་མ་འཁོར་དོན་རེ་ཆུང་།། ཁ་ལག་པ་མ་འགུལ་ཟ་འདོད་དང་།། བློ་རིག་པ་མ་སྒྲིམ་ཤེས་འདོད་དང་།། ལས་འབད་པ་མ་གནང་གྲགས་འདོད་སོགས།། ཞེ་འཁྲུལ་ཤེས་སྣང་བ་རུབ་གྱུར་ཅིག། ལས་ཉོན་མོངས་དུག་རྩ་ནག་པོ་ཅན།། ལུས་རིན་ཆེན་བླངས་པ་སྟོང་ཟད་རེད།། ཚེ་འདི་ཕྱིའི་སྙིང་པོ་མ་ལོན་པར།། ཚེ་རྒྱུན་ཐག་རིང་བ་དོན་རེ་ཆུང་།། ལས་སྐྱེ་འཆིའི་སྙིང་པོ་སྟོང་པ་ཉིད།། ཞེ་དགའ་སྐྱོའི་སྣང་བ་སྟོང་པ་ཉིད།། ཚེ་རིང་ཐུང་ཅི་ཆ་སྟོང་པ་ཉིད།། ལམ་རིང་ཐུང་ཤོར་བ་སྟོང་པ་ཉིད།། རི་སྡེ་བ་རང་སའི་ཚོད་ནས་སྐྱིད།། ནང་ན་ཟླ་ཕ་མའི་དྲུང་ནས་སྐྱིད།། ཞེ་འཁང་ར་མ་བྱེད་བདག་ཉིད་པ།། ལས་གང་བྱས་ས་ན་ལམ་རེ་ཡོད།། ༼ རྟོགས་སད། ༽

ཀྲུང་གོ་བོད་ཀྱི་དྲ་བའི་འཕྲིན། རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་ལེགས་པོ་བྱེད་པ་དེས། ལོ་རྒྱུས་སྲོག་རྩ་རྒྱུན་མཐུད་ལ་དོན་སྙིང་གལ་ཆེན་ལྡན། ཧུར་ཐག་གིས་རྒྱལ་ཁབ་ཀྱི་མ་དངུལ་དང་ལས་གཞིའི་རྒྱབ་སྐྱོར་བརྩོན་ལེན་འོག མཚོ་སྔོན་ཞིང་ཆེན་གྱི་རིག་གནས་སྲུང་སྐྱོང་རྒྱུན་འཛིན་བེད་སྤྱོད་ལས་དོན་མུ་མཐུད་དུ་འཕེལ་རྒྱས་སུ་སོང་བ་དང་། ཞིང་ཆེན་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་གིས“སྲུང་སྐྱོང་དང་པོ་དང་རྒྱུན་འཛིན་སྔོན་ལ་བྱེད”པ་རྒྱུན་འཁྱོངས་བྱས་པ་དང་། སྟེང་གི་བཀོད་པར་ཤུགས་སྣོན་དང་། མ་དངུལ་གཏོང་ཤུགས་ཆེ་རུ་བཏང་ནས། སྤུས་ཚད་མཐོ་བའི་རིག་གནས་ཤུལ་བཞག་སྲུང་སྐྱོང་བེད་སྤྱོད་ཀྱི་རྣམ་པ་གསར་བ་འཛུགས་སྒྲུབ་དང་། རིག་གནས་ཤུལ་བཞག་རྒྱུན་འཛིན་དང་། བེད་སྤྱོད་ལ་སྐུལ་འདེད་བཏང་བ་དང་། རྒྱལ་ཁབ་རིག་གནས་སྤྱི་གླིང་ལས་གཞི14དང་། རིག་རྫས་སྲུང་སྐྱོང་ལས་གཞི7ལག་བསྟར་བྱས། རྒྱུས་ལོན་པ་ལྟར་ན། ཞིང་ཆེན་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་གིས་སྔོན་མའི་འགྲོ་གྲོན་སྒོར་ཁྲི180བཀོད་སྒྲིག་བྱས་ཏེ། ལྕགས་རི་རིང་བོ་དང་། རྒྱང་བསྐྱོད། རྨ་ཆུ། འབྲི་ཆུའི་རྒྱལ་ཁབ་རིག་གནས་སྤྱི་གླིང་འཛུགས་སྐྲུན་སྲུང་སྐྱོང་འཆར་འགོད་སྒྲིག་བཟོའི་ཐད་རྒྱབ་སྐྱོར་བྱས་ཏེ། རིག་གནས་ཤུལ་བཞག་སྲུང་སྐྱོང་རྒྱུན་འཛིན་འགན་སྲུང་ཤུགས་དྲག་ཏུ་བཏང་། 《མཚོ་སྔོན་ཞིང་ཆེན་གྱི་རྨ་ཆུའི་རྒྱལ་ཁབ་རིག་གནས་སྤྱི་གླིང་འཛུགས་སྐྲུན་སྲུང་སྐྱོང་འཆར་འགོད》དཔར་འགྲེམ་དང་། “རྨ་ཆུའི་རིག་གནས་ཤུལ་བཞག་ཐོན་ཁུངས་རྟོག་ཞིབ། རྨ་ཆུའི་རིག་དངོས་ཞིག་གསོ་སྐུལ་འདེད”སོགས་གཙོ་གནད་ལས་འགན་ལ་སྐུལ་འདེད་གཏོང་བ། རྨ་ཆུའི་རིག་གནས་གསར་སྐྲུན་རང་བཞིན་བསྒྱུར་བཅོས་དང་། གསར་གཏོད་རང་བཞིན་གྱི་འཕེལ་རྒྱས་དང་མ་ལག་རང་བཞིན་གྱི་སྲུང་སྐྱོང་ལ་སྐུལ་འདེད་བཏང་། དུས་མཚུངས་སུ། ཤུགས་ཆེན་པོའི་རིག་གནས་སྲུང་སྐྱོང་རྒྱུན་འཛིན་བེད་སྤྱོད་བཟོ་སྐྲུན་ལག་བསྟར་བྱས་པ་དང་། ད་ལྟ་ཁྱོན་ཀྲུང་དབྱང་སྔོན་རྩིས་ནང་གི་དངུལ་གཏོང་སྒོར་དུང་ཕྱུར3.4བརྩོན་ལེན་བྱས་ཏེ། རྒྱལ་ཁབ་རིག་གནས་སྤྱི་གླིང་ལས་གཞི14ལག་བསྟར་བྱས་པ་དང་། ཚད་གཞི་མཐོ་བའི་ཡུལ་སྐོར་ཞབས་ཞུའི་ལྟེ་གནས་དང་། ཡུལ་སྐོར་གསང་སྤྱོད། སྐྱེ་ཁམས་རླངས་འཁོར་འཇོག་ས་སོགས་རྨང་གཞི་སྒྲིག་ཆས་འཛུགས་སྐྲུན་བྱས་ཏེ། ས་གནས་ཁྱད་ཆོས་དང་ཁོར་ཡུག་ལེགས་བཅོས། རིག་གནས་ནང་སྙིང་དང་དུས་རབས་རིན་ཐང་སྔོག་འདོན་བྱས་ཏེ། ཀྲུང་ཧྭའི་རིག་གནས་ཀྱི་རྟགས་མཚན་གལ་ཆེན་གྱི་ནང་འགུག་དང་ཤན་ཤུགས་ནུས་པ་མཐོར་འདེགས་སུ་བཏང་། གཙོ་གནད་རིག་རྫས་སྲུང་སྐྱོང་དང་གནའ་རྫས་སྔོག་འདོན་གྱི་ཁྱབ་ཁོངས་སུ་དམིགས་ཏེ། ཀྲུང་དབྱང་སྔོན་རྩིས་ནང་གི་མ་དངུལ་སྒོར་དུང་ཕྱུར1.3དོན་འཁྱོལ་བྱས་པ་དང་། རིག་རྫས་སྲུང་སྐྱོང་ལས་གཞི7ལག་བསྟར་བྱེད་པ། སྲུང་སྐྱོང་དང་དོ་དམ་འཐུས་ཚང་། འགྲེམ་སྟོན་བེད་སྤྱོད། ཞབས་ཞུའི་སྒྲིག་ཆས་སྡེབ་སྒྲིག་བཅས་བྱས་ཏེ། གནའ་ཤུལ་གནའ་རྫས་རྟོག་ཞིབ་ནུས་པ་དང་སྒྲིག་ཆས་ཆ་རྐྱེན་མཐོར་འདེགས་སུ་བཏང་ནས། གནའ་རྫས་རྟོག་ཞིབ་མ་དཔེ་གསོག་ཉར་དང་སླར་གསོ། ཞིབ་འཇུག་སོགས་ཀྱི་ནུས་པ་མང་པོ་བསྐངས་ཏེ། རིག་རྫས་སྲུང་སྐྱོང་ནུས་པ་མཐོར་འདེགས་སུ་བཏང་ནས། རིག་རྫས་ཞིབ་འཇུག་གི་འགྲེལ་བཤད་དང་འགྲེམ་སྟོན་དྲིལ་སྒྲོག་ཆུ་ཚད་མཐོར་འདེགས་སུ་བཏང་། །

སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་རྒྱུ་ནི་ང་ཚོའི་ད་ལྟ་དང་སླད་ཕྱིན་གྱི་དུས་སྐབས་ཤིག་རིང་གི་དཔལ་འབྱོར་འཕེལ་རྒྱས་ཀྱི་བསམ་ཕྱོགས་གཏན་འཁེལ་དང་། དཔལ་འབྱོར་སྲིད་ཇུས་གཏན་འབེབས། སྤྱི་ཁོག་སྙོམ་སྒྲིག་ལག་བསྟར་བཅས་བྱེད་པའི་ཕྱོགས་ཀྱི་རྩ་བའི་བླང་བྱ་ཡིན་པས། སྲིད་ཇུས་མ་ལག། ཚད་གཞིའི་མ་ལག། བསྡོམས་རྩིས་མ་ལག། བྱས་འབྲས་གདེང་འཇོག། སྲིད་འབྲས་དཔྱད་ཞིབ་བཅས་མགྱོགས་པོར་ཆགས་པར་བྱེད་དགོས་པ་དང་། ལམ་ལུགས་ཀྱི་ཁོར་ཡུག་གསར་འཛུགས་དང་འཐུས་སྒོ་ཚང་དུ་བཏང་སྟེ། རང་རྒྱལ་གྱི་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་མངོན་དུ་གྱུར་པའི་རྨང་གཞིའི་ཐོག་རྒྱུན་ཆད་མེད་པར་འཕེལ་སྐྱེད་གསར་པ་ཡོང་བར་སྐུལ་འདེད་གཏོང་དགོས།—«རང་རྒྱལ་གྱི་དཔལ་འབྱོར་དེ་མྱུར་ཚད་མགྱོགས་པོའི་ངང་འཕར་སྣོན་ཡོང་བའི་དུས་རིམ་ནས་སྤུས་ཚད་མཐོ་བའི་འཕེལ་རྒྱས་སུ་འགྲོ་བའི་དུས་རིམ་ལ་སླེབས་ཡོད།» (༢༠༡༧ལོའི་ཟླ༡༢ཚེས༡༨ཉིན།) ཞི་ཅིན་ཕིང་གི«འཕེལ་རྒྱས་ཀྱི་དུས་རིམ་གསར་པ་སྟངས་འཛིན་དང་། འཕེལ་རྒྱས་ཀྱི་འདུ་ཤེས་གསར་པ་ལག་བསྟར། འཕེལ་རྒྱས་ཀྱི་བཀོད་པ་གསར་པ་སྐྲུན་པ་བཅས་ཀྱི་སྐོར་གླེང་བ།» ཀྲུང་དབྱང་ཚད་ལྡན་ཡིག་ཆ་དཔེ་སྐྲུན་ཁང་གི༢༠༢༡ལོའི་རྒྱ་ཡིག་པར་གཞི། ཤོག་ངོས༢༡༦པ། 推动高质量发展是我们当前和今后一个时期确定发展思路、制定经济政策、实施宏观调控的根本要求，必须加快形成推动高质量发展的指标体系、政策体系、标准体系、统计体系、绩效评价、政绩考核，创建和完善制度环境，推动我国经济在实现高质量发展上不断取得新进展。—《我国经济已由高速增长阶段转向高质量发展阶段》（2017年12月18日），习近平《论把握新发展阶段、贯彻新发展理念、构建新发展格局》，中央文献出版社2021年版，第216页

འཐབ་ལམ་གསར་པའི་ཐོག་ཏུ་ང་ཚོས་ངེས་པར་དུ་མི་དམངས་ལ་དམ་པོར་བརྟེན་ནས་ལོ་རྒྱུས་གསར་སྐྲུན་བྱེད་དགོས་པ་དང་། བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་དམིགས་ཡུལ་རྒྱུན་འཁྱོངས་བྱེད་དགོས་པ། མི་དམངས་ཀྱི་ལངས་ཕྱོགས་སུ་བརྟན་པོར་ལངས་དགོས་པ། ཏང་གི་མང་ཚོགས་ལམ་ཕྱོགས་ལག་བསྟར་མཐར་ཕྱིན་བྱེད་དགོས་པ། མི་དམངས་ཀྱི་གསར་གཏོད་སྙིང་སྟོབས་ལ་བརྩི་འཇོག་བྱེད་དགོས་པ། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ལག་ལེན་བསྟར་དགོས་པ། བརྒྱུད་རིམ་ཡོངས་ཀྱི་མི་དམངས་དམངས་གཙོ་གོང་འཕེལ་གཏོང་དགོས་པ། སྤྱི་ཚོགས་ཀྱི་དྲང་སྙོམས་དྲང་བདེན་སྲུང་སྐྱོང་བྱེད་དགོས་པ། འཕེལ་རྒྱས་དོ་མི་མཉམ་ཞིང་དཔྱིས་ཕྱིན་པ་ཞིག་མ་བྱུང་བའི་གནད་དོན་དང་མི་དམངས་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་གང་ལེགས་བྱེད་དགོས་པ། མིའི་ཕྱོགས་ཡོངས་ཀྱི་འཕེལ་རྒྱས་དང་མི་དམངས་ཡོངས་རྫོགས་ཐུན་མོང་ཐོག་ཕྱུག་འགྱུར་ཡོང་རྒྱུར་སྐུལ་འདེད་གཏོང་བའི་ཐད་དུ་སྔར་བས་མིག་མཐོང་ལག་ཟིན་གྱི་འཕེལ་སྐྱེད་ལོན་པ་བྱེད་དགོས།—«ཀྲུང་གོའི་གུང་ཁྲན་ཏང་དབུ་བརྙེས་ནས་ལོ་ངོ༡༠༠འཁོར་བར་རྟེན་འབྲེལ་ཞུ་བའི་ཚོགས་ཆེན་ཐོག་གནང་བའི་གསུང་བཤད།» (༢༠༢༡ལོའི་ཟླ༧ཚེས༡ཉིན།) «ཞི་ཅིན་ཕིང་གིས་རྒྱལ་སྲིད་སྐྱོང་ལུགས་སྐོར་གླེང་བ།»པོད་བཞི་པ། ཕྱི་ཡིག་དཔེ་སྐྲུན་ཁང་གི་༢༠༢༢ལོའི་རྒྱ་ཡིག་པར་གཞི། ཤོག་ངོས༩པ། 新的征程上，我们必须紧紧依靠人民创造历史，坚持全心全意为人民服务的根本宗旨，站稳人民立场，贯彻党的群众路线，尊重人民首创精神，践行以人民为中心的发展思想，发展全过程人民民主，维护社会公平正义，着力解决发展不平衡不充分问题和人民群众急难愁盼问题，推动人的全面发展、全体人民共同富裕取得更为明显的实质性进展!—《在庆祝中国共产党成立一百周年大会上的讲话》(2021年7月1日)，《习近平谈治国理政》第四卷，外文出版社2022年版，第9页

ཟླ7པའི་ཚེས8ཉིན། མཚོ་ལྷོ་ཁུལ་ཨུའི་རྩ་འཛུགས་པུའུ་དང་ཁུལ་མི་རིགས་སྐད་ཡིག་བྱ་བའི་ལྟེ་གནས་ཀྱིས་མཉམ་སྒྲུབ་དང་ཁུལ་ཨུའི་ཏང་གི་སློབ་གྲྭས་འགན་སྒྲུབ་བྱས་པའི2024ལོའི་མཚོ་ལྷོ་ཁུལ་གྱི་གཞི་རིམ་རྒྱ་བོད་ལོ་ཙཱའི་རྐང་འཛིན་གསོ་སྦྱོང་འཛིན་གྲྭ་ཁུལ་ཨུའི་ཏང་གི་སློབ་གྲྭའི་ནང་བསྡུས། དུས་ཡུན་ཉིན5རིང་ཁུལ་དང་རྫོང་མི་རིགས་སྐད་ཡིག་བྱ་བའི་ལྟེ་གནས། དེ་མིན་ཁུལ་ཐད་གཏོགས་འབྲེལ་ཡོད་སྡེ་ཚན་དང་རྫོང་ཁག་གི་སྨྱན་སྦྱོར་ལྟེ་གནས། ཤང་གྲོང་ཁག་གི་ལོ་ཙཱའི་ལས་དོན་སྒྲུབ་པའི་རྐང་འཛིན་པ35ཐེངས་འདིའི་གསོ་སྦྱོང་ནང་ཞུགས། ཐེངས་འདིའི་གསོ་སྦྱོང་སྟེང་མཚོ་ལྷོ་ཏང་གི་སློབ་གྲྭའི་དགེ་རྒན་གདུགས་དཀར་རྒྱལ་དང་མཚོ་སྔོན་ཞིང་ཆེན་སྤྱི་ཚོགས་ཚན་རིག་ཁང་གི་མཚོ་སྔོན་སྤྱི་ཚོགས་ཚན་རིག་བོད་ཡིག་དུས་དེབ་ཀྱི་རྩོམ་སྒྲིག་པ་དང་བོད་རིག་པའི་ཞིབ་འཇུག་པ་འཇམ་དབྱངས་དར་རྒྱས་ལགས། མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ་ཚེ་དབང་རྡོ་རྗེ། མཚོ་སྔོན་ཞིང་ཆེན་ཏང་གི་སློབ་གྲྭའི་དགེ་རྒན་ཆེན་མོ་བསོད་ནམས་དབང་རྒྱལ། མཚོ་སྔོན་ཞིང་ཆེན་ཉེན་རྟོག་ལས་རིགས་སློབ་གླིང་གི་དགེ་རྒན་ལྷ་དཔལ་ཚེ་རིང་། མཚོ་སྔོན་དགེ་ཐོན་སློབ་གྲྭའི་དགེ་རྒན་དཔལ་འབྱོར་ཚེ་རིང་སོགས་གདན་ཞུ་གནང་སྟེ«ཀྲུང་གོ་གུང་ཁྲན་ཏང་གི་སྒྲིག་ཡིག་ཆད་གཅོད་སྲོལ་ཡིག་གི་ཀློག་འགྲེལ»དང«རྒྱའི་གནའ་བོའི་དེབ་ཐེར་ཁྲོད་ཀྱི་བོད་ཀྱི་སྐོར་བོད་ཡིག་ཏུ་བསྒྱུར་ཚུལ་དང་འབྲེལ་ཡོད་གནད་དོན་སྐོར» «བརྡ་ཆད་གསར་པ་བསྒྱུར་བའི་རྩ་དོན་དང་ཐབས་ལམ་བཤད་པ»སོགས་ཀྱིས་མཚོན་པའི་ཟུར་མི་འདྲ་བ་དང་ནང་དོན་ཕུན་སུམ་ཚོགས་པའི་སློབ་ཁྲིད་བཀོད་སྒྲིག་གནང་ཡོད་ལ། དེ་མིན་རྒྱ་བོད་བརྡ་ཆད་གསར་པ་ཚད་ལྡན་དུ་གཏོང་བའི་ཆེད་དོན་བགྲོ་གླེང་དང་སློབ་ཕྱིའི་བྱ་འགུལ་རེ་ཡང་བཀོད་སྒྲིག་བྱས་ཡོད་པ་རེད། ཐེངས་འདིའི་གསོ་སྦྱོང་ནི་ལོ་ཙཱའི་སྤུས་ཚད་མཐོར་འདེགས་དང་ལོ་ཙཱའི་དཔུང་སྡེའི་ལས་སྒོ་འཛུགས་སྐྱོང་ལ་ཤུགས་སྣོན། ལོ་ཙཱའི་དཔུང་སྡེ་ཚད་ལྡན་ཅན་དང་ཆེད་ལས་ཅན་གྱི་ཆུ་ཚད་མཐོར་འདེགས་སུ་བཏང་ནས་རང་ཁུལ་གྱི་མི་རིགས་སྐད་ཡིག་ལོ་ཙཱའི་བྱ་གཞག་གི་སྤུས་ཚད་མཐོ་བའི་འཕེལ་རྒྱས་ལ་རྒྱུན་ཆད་མེད་པར་སྐུལ་འདེད་གཏོང་བ་དང་། གཞུང་ཡིག་རྩོམ་འབྲི་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པ། གཞུང་ཡིག་ལོ་ཙཱ་བྱེད་སྐབས་ཀྱི་གནད་དོན་ཇི་ལྟར་ཐག་གཅོད་བྱེད་པ་སོགས་ཀྱི་ཐད་ནུས་པ་བླ་ལྷག་ཐོན་རྒྱུར་མཐུན་རྐྱེན་བསྐྲུན་ཡོད་དོ། །ཚོགས་ཞུགས་མཉམ་པར།

ཉེ་བའི་ལོ་ཤས་རིང་། ཚགས་པར་དང་རྒྱང་སྒྲོག བརྙན་འཕྲིན་སོགས་སྲོལ་རྒྱུན་སྨྱན་སྦྱོར་གཙོ་བོ་དག་ལ་སྦྲེལ་དྲའི་སྨྱན་སྦྱོར་གསར་པས་འགྲན་བསླངས་ཏེ། མཉམ་འདྲེས་སྨྱན་སྦྱོར་ནི་ལས་རིགས་འདིའི་འཕེལ་ཕྱོགས་གཙོ་བོ་ཞིག་ཏུ་གྱུར་ཡོད། རང་རྒྱལ་ལ་མཚོན་ན། མི་རིགས་མང་བའི་རྒྱལ་ཁབ་ཅིག་ཡིན་པས་མི་རིགས་སྐད་ཡིག་ལོ་ཙཱས་གསར་འགྱུར་དྲིལ་སྒྲོག་ཁྲོད་གོ་གནས་གལ་ཆེན་ཞིག་བཟུང་ཡོད་ཕྱིར། མཉམ་འདྲེས་སྨྱན་སྦྱོར་འོག་མི་རིགས་སྐད་ཡིག་ལོ་ཙཱར་བརྟེན་ནས་གསར་འགྱུར་དྲིལ་སྒྲོག་སྤེལ་བའི་ཁྱད་ཆོས་ལ་དབྱེ་ཞིབ་གསལ་པོར་བྱེད་པ་དང་། མི་རིགས་སྐད་ཡིག་ལོ་ཙཱའི་གནད་དོན་དང་གནས་བབ། འཕེལ་ཕྱོགས་ཀྱི་ཐབས་ཇུས་བཅས་གསལ་པོར་བཏོན་ན། ད་གཟོད་མི་རིགས་སྐད་ཡིག་ལོ་ཙཱར་བརྟེན་ནས་མཉམ་འདྲེས་སྨྱན་སྦྱོར་འཕེལ་རྒྱས་ལ་དགེ་བའི་ཕན་ནུས་འདོན་པར་མ་ཟད། ལས་རིགས་གོང་ནས་གོང་དུ་འཕེལ་བར་མཐུན་རྐྱེན་ལེགས་པར་སྦྱར་ཐུབ།དང་པོ། མཉམ་འདྲེས་སྨྱན་སྦྱོར་དུས་ཀྱི་གསར་འགྱུར་དྲིལ་སྒྲོག་གི་ཁྱད་ཆོས། མཉམ་འདྲེས་སྨྱན་སྦྱོར་ཆེས་ཆེར་དར་བའི་དུས་འདིར་སྲོལ་རྒྱུན་གྱི་གསར་འགྱུར་སྤེལ་ཐབས་ཀྱི་གོ་གནས་ཇེ་དམའ་དང་ཕན་ནུས་ཀྱང་ཇེ་ཞན་དུ་གྱུར་ཏེ། གསར་བྱུང་འཕྲིན་སྦྱོར་རྒྱ་ཆེར་བྲིན་ནས་ཚགས་པར་དང་རྒྱང་སྒྲོག བརྙན་འཕྲིན། སྦྲེལ་དྲའི་དྲིལ་སྒྲོག་སྟེགས་བུ་བཅས་མཉམ་དུ་འདྲེས་པའི་དྲིལ་སྒྲོག་མ་ལག་ཅིག་ཆགས་དང་ཆགས་བཞིན་འདུག ༡ ཁྱེར་བདེ་སྦྲེལ་དྲའི་དྲིལ་སྒྲོག་ཆེས་བྲིན་པ། མཉམ་འདྲེས་སྨྱན་སྦྱོར་ཟམ་མི་ཆད་པར་དར་བའི་དུས་འདིར། རིག་ནུས་ལག་ཁྱེར་ཁ་པར་དང་ངོས་སྙོམས་གློག་ཀླད་སོགས་སྦྲེལ་དྲའི་ཁྱེར་བདེ་བའི་འཕྲིན་སྟེགས་རྒྱ་ཆེར་དར་ཏེ། མི་སུ་ཡིན་ཡང་དྲིལ་སྒྲོག་མཁན་དུ་གྱུར་པ་དང་། གསར་འགྱུར་སྒྲོག་སྤེལ་ཡང་ཉིན་རེ་བཞིན་དུ་ཇེ་མགྱོགས་དང་སྟབས་ཇེ་བདེར་གྱུར་དང་འགྱུར་བཞིན་པར་མ་ཟད། དུས་ཕན་སྔར་བས་ཆེ་ཞིང་བརྡ་འཕྲིན་གྱི་ནང་དོན་ཡང་བརྙན་ལྡན་ཆ་ཚང་ཞིག་ཏུ་གྱུར་དང་འགྱུར་མུས་རེད། ༢ འཕྲིན་སྦྱོར་ཆ་ཚང་ཅན་གྱི་དྲིལ་སྒྲོག བརྡ་འཕྲིན་གྱི་དུས་རབས་དར་རྒྱས་སོང་བ་དང་བསྟུན་ནས། སྦྲེལ་དྲའི་ལག་རྩལ་དང་མིས་བཟོས་རིག་ནུས། 5G། གྲངས་མཛོད་ཆེན་མོ་སོགས་བརྡ་འཕྲིན་དྲིལ་སྒྲོག་ལག་རྩལ་ཆད་མེད་དུ་གསར་བརྗེ་བྱུང་སྟེ། ཚགས་པར་དང་རྒྱང་སྒྲོག་བརྙན་འཕྲིན་གང་ཡིན་རུང་། སྔོན་ཆད་ལྟར་དེ་དག་གི་ནང་དོན་ལ་ཚད་བཀག་ཐེབས་མེད་པར་ཡི་གེ་དང་པར་རིས། སྒྲ་བརྙན་སོགས་ཀྱི་ལམ་ནས་འཕྲིན་སྦྱོར་ཆ་ཚང་མཉམ་འདྲེས་སྒོས་སྦྲེལ་དྲའི་སྟེགས་བུ་བརྒྱུད་ནས་དྲིལ་སྒྲོག་བྱེད་པ་རེད། དེང་གི་སྨྱན་སྦྱོར་གནས་བབ་འོག་ཚགས་པར་གྱིས་བརྙན་ལྡན་གསར་འགྱུར་སྤེལ་བཞིན་ཡོད་ལ། རྒྱང་སྒྲོག་བརྙན་འཕྲིན་གྱིས་ཀྱང་ཡིག་ལམ་ནས་གསར་འགྱུར་གྱི་ནང་དོན་ཟབ་ཅིང་རྒྱས་པར་སྟོན་བཞིན་ཡོད། སྲོལ་རྒྱུན་གྱི་འཕྲིན་སྦྱོར་དག་གིས་བརྙན་ལམ་ཐད་གཏོང་གཉེར་བཞིན་ཡོད་པས། མཉམ་འདྲེས་སྨྱན་སྦྱོར་ཆ་ཚང་ཅན་དུ་འགྱུར་བཞིན་པའི་སྣང་ཚུལ་ཆགས་འདུག ༣ བརྙན་ལྟ་དུས་རབས། རིག་ནུས་ལག་ཁྱེར་ཁ་པར་དང་ངོས་སྙོམས་གློག་ཀླད། ལག་ཁྱེར་གློག་ཀླད་སོགས་སྦྲེལ་དྲའི་འཕྲིན་སྟེགས་མང་དུ་དར་བས་མི་རྣམས་བརྙན་བལྟ་དུས་རབས་ཤིག་ཏུ་སླེབས་འདུག འཁྱུག་དབྱིངས་དང་སྐད་འཕྲིན། ཕྲ་འཕྲིན། མགྱོགས་འཕྲིན་སོགས་སྤྱི་ཚོགས་འབྲེལ་འདྲིས་ཀྱི་སྨྱན་སྦྱོར་མང་དུ་དར་བས། མི་རྣམས་ལ་བརྙན་ལམ་ནས་གསར་འགྱུར་དང་འཕྲིན་བཟང་ལ་ལྟ་ཀློག་བྱེད་པའི་གོམས་སྲོལ་ཞིག་ཆགས་བཞིན་འདུགགཉིས་པ། མཉམ་འདྲེས་སྨྱན་སྦྱོར་དུས་ཀྱི་མི་རིགས་སྐད་ཡིག་ལོ་ཙཱའི་དོན་སྙིང་གལ་ཆེན། ༡ མི་རིགས་སྐད་ཡིག་གི་གསར་འགྱུར་སྨྱན་སྦྱོར་གྱི་རྨང་གཞི་སྲ་ཞིང་བརྟན་པར་འདིང་ངེས་པ། རང་རྒྱལ་གྱིས་གནའ་ནས་མི་རིགས་བར་གྱི་འདྲ་མཉམ་རྩ་དོན་རྒྱུན་བསྐྱངས་ཤིང་། མི་རིགས་ཁག་ལ་རང་མི་རིགས་ཀྱི་སྐད་དང་ཡི་གེ་བེད་སྤྱོད་དང་དར་རྒྱས་སུ་གཏོང་བའི་དབང་ཆ་ནི་རྩ་ཁྲིམས་དང་བཅའ་ཁྲིམས་ལས་བསྩལ་ཡོད། ཁྲིམས་ལྟར་མི་རིགས་ཁག་གིས་མི་རིགས་སྐད་ཡིག་གི་ཚགས་པར་དང་རྒྱང་སྒྲོག བརྙན་འཕྲིན་སོགས་ཀྱི་འཕྲིན་སྟེགས་ལེགས་པར་བསྒྲུབ་པ་ནི་རྒྱལ་ཁབ་ཀྱི་གྲངས་ཉུང་མི་རིགས་ཀྱི་སྐད་ཡིག་གི་སྲིད་ཇུས་གསར་འགྱུར་དྲིལ་སྒྲོག་ལས་མཚོན་སྟངས་ཤིག་ཡིན་ལ། མི་རིགས་ཁག་གི་སྐད་ཡིག་ལོ་ཙཱ་ནི་མི་རིགས་ཁག་གི་སྨྱན་སྦྱོར་བྱ་བའི་ནང་དོན་གལ་ཆེན་ཞིག་ཡིན་པས། མི་རིགས་སྐད་ཡིག་གི་སྨྱན་སྦྱོར་བྱ་བ་ལེགས་པོར་གཉེར་བར་མི་རིགས་སྐད་ཡིག་ལོ་ཙཱ་དང་འབྲལ་ཐབས་མེད། ༢ མི་རིགས་སྐད་ཡིག་གི་གསར་འགྱུར་དྲིལ་སྒྲོག་གི་རྨང་གཞི་སྲ་ཞིང་བརྟན་པར་འདིང་ངེས། སྐད་དང་ཡི་གེ་ནི་གསར་འགྱུར་དྲིལ་སྒྲོག་གི་ཐབས་ཤེས་གཙོ་བོ་ཡིན་ལ། མི་རིགས་ཀྱི་སྐད་དང་ཡི་གེ་ལེགས་པར་སྤྱད་པ་དང་གསར་འགྱུར་གྱི་ནང་དོན་ལེགས་པར་བསྒྱུར་ན། ད་གཟོད་མི་རིགས་ཀྱི་གསར་འགྱུར་དྲིལ་སྒྲོག་ལེགས་པོར་འཁྱོངས་ཐུབ་ལ། མི་རིགས་དེ་ཉིད་ཀྱི་བསམ་པའི་རིག་གནས་ཀྱི་རེ་འདོད་བསྐང་ཐུབ། སྒོས་སུ་མི་རིགས་ས་ཁུལ་ནས་མང་ཤོས་ཀྱིས་རྒྱ་ཡིག་མི་ཤེས་ལ་རྒྱ་སྐད་མི་གོ་བས། ལོ་ཙཱའི་ལམ་ནས་ཡུལ་དེའི་མང་ཚོགས་ལ་གསར་འགྱུར་མང་དུ་སྒྲོག་པ་དང་བརྡ་འཕྲིན་སྣ་ཚོགས་ཤེས་པར་བྱ་དགོས། དེ་མིན་མི་རིགས་སྐད་ཡིག་ལོ་ཙཱ་ནི་རང་མི་རིགས་ཀྱི་རིག་གནས་འཛིན་སྐྱོང་སྤེལ་གསུམ་བྱེད་པའི་ཐབས་ཤེས་མཆོག་ཏུ་གྱུར་པ་ཞིག་ཀྱང་ཡིན།གསུམ་པ། མི་རིགས་སྐད་ཡིག་ལོ་ཙཱའི་ཇུས་གཞི། ༡ སྲོལ་རྒྱུན་རྒྱུན་འཛིན་དང་སྐད་ཡིག་ལས་ཀར་བརྩོན་པའི་ཐབས་ཇུས། མི་རིགས་སྐད་ཡིག་གི་འཕྲིན་སྦྱོར་ནི་རང་རྒྱལ་གྱི་གསར་འགྱུར་དྲིལ་སྒྲོག་མ་ལག་གི་གྲུབ་ཆ་གཙོ་བོ་ཞིག་ཡིན། མཉམ་འདྲེས་སྨྱན་སྦྱོར་ཆེས་ཆེར་དར་བའི་དུས་འདིར། ལོ་ཙཱ་པ་སུ་ཡིན་ཡང་དུས་རབས་འཕེལ་རྒྱས་ཀྱི་འགྲོས་དང་བསྟུན་ནས་ལོ་ཙཱའི་ལས་ཀ་གསར་གཏོད་བྱེད་དགོས་ཏེ། གཅིག་ནས་སྲིད་ཇུས་རང་བཞིན་གྱི་རྩ་དོན་བསྲུང་དགོས། མི་རིགས་ཀྱི་སྐད་ཡིག་ལོ་ཙཱར་སྲིད་ཇུས་རང་བཞིན་དང་ཆབ་སྲིད་རང་བཞིན་ཆེས་ཆེར་ལྡན་པས། ལས་རིགས་འདི་འདྲ་གཉེར་བའི་མི་རྣམས་ཀྱིས་སྲིད་ཇུས་ལེགས་པར་བསླབས་ཤིང་། གསར་འགྱུར་རྩོམ་ཡིག་རེ་རེ་དང་ཚིག་བརྗོད་རེ་རེ་གཟབ་ཅིང་ནན་པོར་བསྒྱུར་ནས། འགྱུར་ཡིག་དོན་དང་མི་འགལ་བ། ཀུན་གྱིས་ཁས་ལེན་པ་ཞིག་ཏུ་འཁྱོངས་དགོས། གཉིས་ནས་ལོ་ཙཱའི་ཆེད་ལས་རང་བཞིན་གྱི་རྩ་དོན་བསྲུང་དགོས། མི་རིགས་གང་ཞིག་ཡིན་ཡང་རང་ཉིད་ཀྱི་ཁྱད་ཆོས་ཤིག་ཡོད་དེ། མི་རིགས་ཀྱི་རིག་གནས་དང་མི་རིགས་ཀྱི་སྐད་ཁོངས་ལ་འབྲེལ་ཡོད། ལོ་ཙཱ་པ་ཞིག་ཡིན་པའི་ཆ་ནས། དོན་དང་མི་འགལ་བ། ལེགས་པར་མཚོན་པ། ཉམས་དང་ལྡན་པ་ཞེས་པའི་ལོ་ཙཱའི་ཚད་གཞི་ལྟར་ལེགས་པར་བསྒྱུར་དགོས་ཏེ། ལོ་ཙཱ་ཡང་དག་བདེན་པར་མ་ཟད། སྐད་ཡིག་གི་མཚོན་ཐབས་མཛེས་ཤིང་ཉམས་དང་ལྡན་པ། རྣ་བར་སྙན་ཞིང་གོ་སླ་བར་བྱས་ཏེ་ལྟ་ཀློག་གི་གྲངས་ཚད་ཇེ་མང་དུ་འགྲོ་བར་མཐུན་རྐྱེན་ལེགས་པོ་སྦྱོར་དགོས། ༢ དུས་རབས་ཀྱི་རྗེས་དེད་དེ་མཉམ་འདྲེས་དྲིལ་སྒྲོག་གི་ཐབས་ཇུས་འདོན་པ། མཉམ་འདྲེས་སྨྱན་སྦྱོར་གྱི་དུས་འདིར། བརྡ་འཕྲིན་དྲིལ་སྒྲོག་ལ་སྦྲེལ་དྲ་མཉམ་འདྲེས་ངང་དྲིལ་སྒྲོག་བྱེད་པའི་ཁྱད་ཆོས་མངོན་པར་གསལ། དྲིལ་སྒྲོག་གི་དུས་ཡུན་མྱུར་ཞིང་ཁྱབ་རྒྱ་ཆེ་བས། དབྱིན་ཡིག་དང་རྒྱ་ཡིག་སོགས་ཀྱིས་བྲིས་པའི་གསར་འགྱུར་དག་རང་གི་སྐད་ཡིག་ཏུ་བསྒྱུར་ནས་ཚགས་པར་དང་བརྙན་འཕྲིན། སྐད་འཕྲིན། འཁྱུག་དབྱིངས་སོགས་མཉམ་འདྲེས་སྨྱན་སྦྱོར་གྱི་ལམ་ནས་ཀུན་ལ་བསྒྲགས་ན་ཕན་ཐོགས་ཆེ། དཔེར་ན། པྲོག་གསར་རིམས་ནད་འགོག་ཟོན་སྐབས་སུ། མི་རིགས་ཁག་གིས་འཁྱུག་དབྱིངས་དང་མགྱོགས་འཕྲིན། ཕྲ་འཕྲིན་སོགས་གཞུང་ཕྱོགས་བརྙན་ལམ་འཕྲིན་སྟེགས་ནས་རིམས་འགོག་གི་སྲིད་ཇུས་དང་འཕྲོད་བསྟེན་ཤེས་བྱ་ལེགས་པོར་བསྒྲགས་ནས། དྲིལ་སྒྲོག་གི་ཕན་འབྲས་ལེགས་པར་སྨིན་ཡོད་པ་ལྟ་བུ་རེད། ༣ དུས་རབས་གསར་པའི་གསར་འགྱུར་ལོ་ཙཱའི་དཔུང་སྡེ་བསྐྱང་དགོས། དུས་རབས་གསར་པའི་མི་རིགས་སྐད་ཡིག་གི་ལོ་ཙཱ་པའི་དཔུང་སྡེ་ལེགས་པར་བསྐྱངས་ན། ད་གཟོད་གསར་འགྱུར་ལོ་ཙཱའི་ལས་རིགས་དར་ཞིང་རྒྱས་པར་འགྲོ་ཐུབ། མཉམ་འདྲེས་སྨྱན་སྦྱོར་ཧ་ཅང་དར་བའི་དུས་འདིར། ལོ་ཙཱ་པའི་དཔུང་སྡེ་གསོ་སྐྱོང་བྱ་རྒྱུ་ནི་ཧ་ཅང་གལ་འགངས་ཆེ་བའི་བྱ་བ་ཞིག་རེད། གཅིག་ནས་ཆབ་སྲིད་ཀྱི་བྱང་ཚད་མཐོ་བའི་ཡོན་ཏན་པ་སྐྱོང་བ། གསར་འགྱུར་སྨྱན་སྦྱོར་ཁག་གིས་གསར་འགྱུར་དྲིལ་སྒྲོག་གི་གླེང་བརྗོད་ཀྱི་འགན་འཁྲི་ལྕི་མོ་ཁུར་ཡོད་པས། མར་ཁེ་སི་རིང་ལུགས་ཀྱི་གསར་འགྱུར་གྱི་ལྟ་བ་ལྡན་དགོས་པར་མ་ཟད་ཏང་གཤིས་ཀྱང་བརྟན་པ། བསམ་པའི་བྱང་ཚད་མཐོ་དགོས་ལ། ཆབ་སྲིད་ལ་རྩིས་མཐོང་དང་སྤྱི་ཁོག་ལ་འདང་ཕོག་པའི་ལོ་ཙཱ་པ་བདམས་ནས་ཆབ་སྲིད་པས་ཚགས་པར་དང་བརྙན་འཕྲིན་གཉེར་བའི་རང་མདངས་འགྱུར་མེད་དུ་གཏོང་དགོས། གཉིས་ནས་ཆེད་ལས་ཡོན་ཏན་པ་སྐྱོང་བ། མི་རིགས་སྐད་ཡིག་ལོ་ཙཱ་ནི་ཆེད་ལས་རང་བཞིན་ཆེས་ཆེར་ལྡན་པའི་བྱ་གཞག་ཅིག་ཡིན། མི་རིགས་རང་གི་སྐད་དང་ཡི་གེ་ཤེས་ཤིང་། སྐད་ཡིག་ཡིག་སྒྱུར་ལ་དུངས་པ་ཟབ་པའི་ཡོན་ཏན་པ་དག་གསར་འགྱུར་ཡིག་སྒྱུར་གྱི་དཔུང་སྡེ་རུ་འཇུག་དགོས། གསུམ་ནས་མཉམ་འདྲེས་སྨྱན་སྦྱོར་དྲིལ་སྒྲོག་གི་ཡོན་ཏན་པ་སྐྱོང་བ། མཉམ་འདྲེས་སྨྱན་སྦྱོར་གྱི་དུས་འདིར། ལོ་ཙཱ་པའི་དཔུང་སྡེ་ན་གཞོན་ཅན་དུ་གསོ་སྐྱོང་བྱེད་དགོས་ཤིང་། སྨྱན་སྦྱོར་གསར་པར་དགའ་ཞིང་འཇོན་པའི་ཆེད་ལས་འཇོན་མི་གསར་འགྱུར་སྡེ་ཁག་ཏུ་བསྡུས་ཏེ། མི་རིགས་སྐད་ཡིག་གི་གསར་འགྱུར་མཉམ་འདྲེས་སྨྱན་སྦྱོར་བྱ་གཞག་གོང་ནས་གོང་དུ་སྤེལ་ཏེ། མཉམ་འདྲེས་དྲིལ་སྒྲོག་གི་དར་ཆ་མཐོ་རུ་བསྒྲེང་དགོས་སོ།།

ང་ཚོས་ངེས་པར་དུ་མི་དམངས་ཀྱི་ལངས་ཕྱོགས་ཐོག་མཐའ་བར་གསུམ་དུ་རྒྱུན་འཁྱོངས་དང་། མི་དམངས་ཀྱི་བྱེད་པོའི་གོ་གནས་རྒྱུན་འཁྱོངས། ཁེངས་སྐྱུང་གི་སྒོ་ནས་མི་དམངས་ལ་སློབ་སྦྱོང་དང་། མི་དམངས་ཀྱི་རེ་འབོད་ལ་ཉན་པ། མི་དམངས་ཀྱི་བློ་གྲོས་བསྡུ་ལེན་བཅས་བྱེད་པ་དང་། མི་དམས་ཀྱི་བརྩི་བཀུར་ཐོབ་མིན་དང་། མོས་མཐུན་བྱེད་མིན། དགའ་པོ་བྱེད་མིན། ཁས་ལེན་མིན་བཅས་ལས་དོན་མཐའ་དག་གི་ཐོབ་ཤོར་འཇལ་བྱེད་ཀྱི་རྩ་བའི་ཚད་གཞིར་འཛིན་པ། མི་དམངས་ཀྱི་སེམས་ཁུར་ཆེ་ཤོས་དང་བདེ་རྩར་ཐུག་ཤོས་དང་ཉེ་བར་མཁོ་ཤོས་བཅས་ཡིན་པའི་ཁེ་ཕན་གྱི་གནད་དོན་ཤུགས་བརྒྱབ་ནས་ཐག་གཅོད་ཡག་པོ་བྱེད་པ་བཅས་ཀྱི་ཐོག་ནས། ཀྲུང་གོའི་མི་དམངས་དང་ཀྲུང་ཧྭའི་བུ་ཕྲུག་ཡོངས་ལ་ཀྲུང་ཧྭ་མི་རིགས་ཀྱི་བསྐྱར་དར་རླབས་པོ་ཆེ་མངོན་འགྱུར་བྱེད་པའི་ལོ་རྒྱུས་འཕེལ་རིམ་ནང་དུ་བདེ་སྐྱིད་དང་གཟི་བརྗིད་མཉམ་དུ་ལོངས་སུ་སྤྱོད་དུ་འཇུག་དགོས།—«རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་ཐོག་གི་གསུང་བཤད།» (༢༠༡༨ལོའི་ཟླ༣ཚེས༢༠ཉིན།) ཞི་ཅིན་ཕིང་གི«མི་དམངས་ཀྱིས་རང་ཁྱིམ་རང་བདག་བྱ་རྒྱུ་རྒྱུན་འཁྱོངས་བྱེད་དགོས་པའི་སྐོར་གླེང་བ།» ཀྲུང་དབྱང་ཚད་ལྡན་ཡིག་ཆ་དཔེ་སྐྲུན་ཁང་གི༢༠༢༡ལོའི་རྒྱུ་ཡིག་པར་གཞི། ཤོག་ངོས༢༣༥པ་ནས༢༣༦པའི་བར། 我们必须始终坚持人民立场，坚持人民主体地位，虚心向人民学习，倾听人民呼声，汲取人民智慧，把人民拥护不拥护、赞成不赞成、高兴不高兴、答应不答应作为衡量一切工作得失的根本标准，着力解决好人民最关心最直接最现实的利益问题，让全体中国人民和中华儿女在实现中华民族伟大复兴的历史进程中共享幸福和荣光！—《在第十三届全国人民代表大会第一次会议上的讲话》(2018年3月20日)，习近平《论坚持人民当家作主》，中央文献出版社2021年版，第235-236页

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ། བཤེར་འབེབས། རིན་ཆེན་ཚེ་རིང་།ཉི་མ་བཀྲ་ཤིས་ལགས་ཀྱིས་ང་ནི་བོད་ལྗོངས་གསར་པའི་ཉི་འོད་ཀྱིས་བསྐྱངས་ཤིང་། ཏང་དང་རྒྱལ་ཁབ་ཀྱི་ཐུ་འོག་ནས་འཚར་ལོངས་བྱུང་བའི་བོད་རིགས་ཤེས་ཡོན་པ་ཞིག་ཡིན།  རྒྱལ་ཁབ་དང་སྤྱི་ཚོགས་ལ་དགོས་མཁོ་ཡོད་དུས་ངས་མི་སྒྲུབ་སུ་ཡིས་བསྒྲུབ་ཅེས་ཞི་འཇམ་ངག་གི་གླེང་མོལ་ཁྲོད་བརྟན་ཚུགས་ད

རྩོམ་སྒྲིག དོན་འགྲུབ་མཚོ། ཡོང་ཁུངས། འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས། བཤེར་འབེབས། རིན་ཆེན་ཚེ་རིང་།ཀུན་ལ་གྲགས་པའི་ཀྲུང་གོའི“ནོར་བུའི་གཏེར་གཞོང”ཡིན་པའི་ཆ་ནས། མཚོ་སྔོན་གྱི་ཚྭ་འདམ་གཞོང་ས་རུ། དོན་དམ་པར་ཧ་ལས་པའི“ནོར་བུ”ཅི་ཞིག་སྦས་ཡོད་དམ།གསེར་འོད་འཕྲོ་བའི“རྟག་བརྟན་གྱི་ངག་རྒྱུན”ང་ཚོས་གསེར་མདོག་གླེང་མ་ཐག་ཐོག་མར་ཡིད་ལ་དྲན་པ་ནི་གསེར་ཡིན་ནའང་། དེ་རིང་ང་ཚོས་མཚོ་སྔོན་དུ་སྟོབས་ཤུགས་ཆེས་ཆེ་བའི“གསེར་མདོག”གཞན་ཞིག་སྟེ། འོད་གླེང་བར་བྱེད། “ཁྱོད་རང་འོད་ལ་ཡིད་ཆེས་སམ།”ངེས་པར་དུ་ཤེས་དགོས་པ་ཞིག་ལ་ཚྭ་འདམ་གཞོང་སར་ཆེས“གོང་ཐང་མཐོ་བའི”ཁ་དོག་ནི་ཉི་འོད་ཀྱི་ཁ་དོག་ཡིན་ལ། འདི་ནི་རྒྱལ་ཡོངས་ཀྱི་འོད་འཕྲོའི་ཐོན་ཁུངས་ཆེས་ཕུན་སུམ་ཚོགས་པའི་ས་ཁུལ་ཞིག་སྟེ། མིང་དུ་གྲགས་པའི“ཉི་འོད་ས་རྒྱུད”ཡིན། ཚྭ་འདམ་གཞོང་སར། ཉི་ནུས་ཀྱི་ལོའི་འགྱེད་འཕྲོའི་སྤྱི་འབོར་ཀྲའོ་ཅའོ་རེར་སྨི་གྲུ་བཞི་མ6800ལས་བརྒལ་ཡོད་པ་དང་། གལ་ཏེ་ཡོད་ཚད་ནུས་ཁུངས་གསར་བར་གློག་འདོན་པར་བཀོལ་ན་འགག་གསུམ་གློག་འདོན་འཕྲུལ་ཆས177དང་འདྲ། མཚོ་ནུབ་སོག་རིགས་བོད་རིགས་རང་སྐྱོང་ཁུལ་གཏེར་ལེན་ཁ་ལྕོག་དབྱིབས་ཞུས་ཚྭའི་ནུས་གསོག་འོད་དྲོད་གློག་ཚིགས། གལ་ཏེ་ཚྭ་འདམ་གཞོང་སའི་ཉི་འོད་ཀྱི་མཚར་སྡུག་ནི་རྟག་བརྟན་དང་ཉེ་བ་ཡིན་ན། ཚྭ་འདམ་གཞོང་ས་བརྒྱུད་པའི་རླུང་ནི་ཅིའི་ཕྱིར་ངལ་བ་མེད་པར་གཡུག་པ་ཡིན་ནམ།ཚྭ་འདམ་གཞོང་ས་ནི་ཞེང་དོག་ལ་དཀྱུས་རིང་བའི་གཞོང་ས་ཞིག་ཡིན་ལ། ས་དབྱིབས་ཀྱི་འགྲོ་ཕྱོགས་ནི་རང་རྒྱལ་ནུབ་བྱང་ས་ཁུལ་དུ་རྒྱུགས་ཆེ་བའི་རླུང་གི་རྒྱུ་ཕྱོགས་དང་གཅིག་པ་ཆགས་ཡོད། འདི་རུ་ལོའི་ཆ་སྙོམས་རླུང་འགྲོས་སྐར་ཆ་རེར་སྨི4རེ་ཡིན་ལ། ལོ་ཧྲིལ་བོའི་རླུང་ནུས་སྤྱོད་རུང་བའི་དུས་ཚོད་ཆུ་ཚོད5000ཡི་ཡན་ཡིན། ཚྭ་འདམ་གཞོང་ས་རུ། གསེར་མདོག་གི་བྱེ་རླུང་ལྗང་མདོག་གི་ནུས་ཁུངས་སུ་གྱུར་ཏེ། གཞི་ཁྱོན་ཆེ་བའི་ཡ་ཏན་ས་བྱད་གྲུབ་པར་མ་ཟད། ཁྱིམ་ཚང་ཁྲི་སྟོང་མང་པོའི་མཚན་ལམ་རིང་མོ་གསལ་བར་བྱས། རླུང་ནུས་གློག་འདོན་བཟོ་གྲྭའི་མདུན་གྱི་ཚྭ་མཚོར་ཟླ་བའི་གཟུགས་བརྙན་ཤར་བ།དངུལ་མདོག་གི“འཛམ་གླིང་གཏེར་མཛོད།” མེ་ཏོག་བཞད་འདྲའི་ཁྲའར་ཧན་མཚེའུ།པར་རིས་གཅིག་གིས་ཚྭ་འདམ་གཞོང་སའི་རླན་ས་དང་མཚེའུ་ཡི་ཁྱབ་སྟངས་རྟོགས་ཐུབ།ཁྲའར་ཧན་གྱི་རབ་ཏུ་ཆེ་བའི་ཅཱ་ཚྭའི་གཏེར་ཁུངས་དང་ཏ་ལང་ཅཱ་ཚྭའི་གཏེར་ཁུངས་ཆེ་གྲས་གཉིས་སུ་ད་སྐབས་རྩད་ཆོད་ཟིན་པའི་ཅཱ་ཚྭའི་གསོག་འབོར་གྱིས་ཀྲུང་གོའི་གསོག་འབོར་ཡོངས་ཀྱི97%ཟིན་ཡོད་ལ། འདིས་དེང་རབས་ཚྭའི་བཟོ་ལས་འཕེལ་རྒྱས་ལ་ཆ་རྐྱེན་ལེགས་པོ་འདོན་སྤྲོད་བྱས་ཡོད། ཚྭ་འདམ་གཞོང་ས་ནི་རང་རྒྱལ་གྱི་ཚྭ་སྐམ་མཚེའུ་འདུས་ཚད་ཆེས་ཚགས་དམ་པའི་ས་ཁུལ་ཞིག་ཡིན།ཚྭ་འདམ་གཞོང་སའི་ཚྭ་མཚོ་ལ་ཚྭའི་རིགས་སུ་གཏོགས་པའི་གཏེར་ཁུངས་མང་ཞིང་རྒྱ་ཆེ་ལ། ཕྱུག་ཅིང་ཆ་ཚང་བོ་ཡོད་པ་དང་། བཟའ་རུང་ཚྭ་ལས་གཞན། འདི་གའི་ཅཱ་དང་ནཱ། མཱེ། ལི། རྡོ་རྒྱུས། ཟེ་ཚྭ། རྡོ་ཐལ་བྲག་སོགས་ཀྱི་འདུས་ཚད་ཀྱང་རྒྱལ་ཡོངས་ཀྱི་རྩེ་གྲར་སླེབས་ཡོད། ཁྲའར་ཧན་གྱི་ཚྭ་དཀར་པོ་ལས་མངོན་པའི་ལྗང་མདོག སྐབས་སྔོན་མ། ཞོགས་པའི་ཇ་ཡུན་གསར་འགྱུར། སྐབས་རྗེས་མ། ཆ་འཕྲིན་ལག་རྩལ་ལ་བརྟེན་ནས་བོད་དང་འཛམ་གླིང་གི་འབྲེལ་བ་ཉེ་བར་སྦྲེལ་མཁན་ཀྲུང་གོའི་བཟོ་སྐྲུན་གླིང་གི་ཡོན་ཧྲི་ཉི་མ་བཀྲ་ཤིས་ལགས།

“རང་དབང་ལ་བཅངས་པའི་རེ་འདོད་དེ་གང་ཞིག་གིས་ཀྱང་འགོག་ཐབས་བྲལ”རླངས་འཁོར་གཅིག་ནང་གྲོགས་པོ་གཉིས་གསུམ་དང་མཉམ་དུ《པད་མའི་མེ་ཏོག་སྔོན་པོ》ཞེས་པའི་གླུ་དབྱངས་ཉན་བཞིན་སྒེར་འཁོར་བཏང་ནས་བོད་ལྗོངས་སུ་ཡུལ་སྐོར་ལ་འགྲོ་རྒྱུ་ནི་མི་མང་པོ་ཞིག་གི་ཕུགས་འདུན་ཡིན། ཚོགས་པ་དང་མཉམ་དུ་ཡུལ་སྐོར་བྱེད་པ་དང་བསྡུར་ན་སྒེར་འཁོར་བཏང་སྟེ་ཡུལ་སྐོར་དུ་བསྐྱོད་ཚེ་དེ་བས་རང་དབང་ལྡན་ལ་འཚེར་སྣང་ཡང་བྱེད་དགོས་མེད། དེང་དུས་མི་མང་པོ་ཞིག་གིས་སྒེར་འཁོར་བཏང་ནས་ཡུལ་སྐོར་ལ་འགྲོ་རྒྱུའི་གདམ་ག་བྱས་ཏེ་མེས་རྒྱལ་གྱི་རི་ཆུ་ཀླུང་གསུམ་གྱི་མཛེས་པ་མྱོང་རོལ་བྱེད་པར་འགྲོ་བཞིན་ཡོད། འོན་ཀྱང་སྒེར་འཁོར་བཏང་ནས་བོད་ལྗོངས་སུ་བསྐྱོད་པར་ཡང་འགྲན་སློང་ངེས་ཅན་ཞིག་འཕྲད་སྲིད་པས་རྡོག་ཐོན་མ་བྱས་གོང་ནས་ངེས་པར་དུ་གྲ་སྒྲིག་ལེགས་པོ་བྱེད་དགོས། སྒེར་འཁོར་བཏང་ཚེ་བྱེ་བགྲོད་རླངས་འཁོར་གྱི་མྱོང་ཚོར་ཡག་ཤོས་ཡིན། རྒྱལ་ཡོངས་ས་གནས་ཁག་གི་ཡུལ་སྐོར་བ་ཚོ་སྒེར་འཁོར་བཏང་ནས་བོད་ལྗོངས་སུ་བསྐྱོད་རིང་དེ་བས་བདེ་འཇགས་དང་བདེ་བླག་ཡོང་བར་རོགས་རམ་བྱ་ཆེད། ད་ལོའི་ཟླ5པར། བོད་ལྗོངས་འགྲིམ་འགྲུལ་ཉེན་རྟོག་པས་དྲ་རྒྱའི་ལས་སྟེགས་ཁག་ཐོག་བརྙན་ལམ་ཡོངས་བསྒྲགས་བྱས་ནས་སྒེར་འཁོར་བཏང་སྟེ་བོད་ལྗོངས་སུ་བསྐྱོད་རིང་དོ་སྣང་བྱེད་དགོས་པའི་དོན་ཚན་ཁག་ངོ་སྤྲོད་བྱས་ཤིང་། བརྙན་ལམ་ནང་བོད་རང་སྐྱོང་ལྗོངས་སྤྱི་བདེ་ཐིང་སྤྱི་བདེ་འགྲིམ་འགྲུལ་དོ་དམ་ཅུས་ཀྱི་རིམ་པ་བཞི་པའི་ཉེན་རྟོག་དཔོན་བཀྲ་ཤིས་ནོར་བུས། རླངས་འཁོར་གྱི་འབུད་ཚད་ཧྲེང1.5དང་། ཧྲེང1.6 ཧྲེང2.0བཅས་དང་རང་བྱུང་དབུགས་རྔུབ་བམ་ཡང་ན་སྒྲོ་གཤོག་གནོན་ཤུགས་སྤྲོད་ཆས་གང་ཡིན་རུང་རྒྱལ་ལམ318བརྒྱུད་བོད་ལྗོངས་སུ་བསྐྱོད་ཚེ་སྤྱིའི་ཆ་ནས་གནད་དོན་མེད་པས་འབུད་ཚད་ལ་སེམས་ཁྲལ་ཆེན་པོ་དེ་ཙམ་བྱེད་མི་དགོས། འོན་ཀྱང་འབུད་ཚད་ཆུང་བའི་རང་རྔུབ་སྒུལ་བྱེད་འཕྲུལ་འཁོར་གྱི་རླངས་འཁོར་རིགས་ས་མཐོར་སླེབས་རྗེས་སྒུལ་ཤུགས་མི་འདང་བའི་གནས་ཚུལ་ཐོན་སྲིད་ལ། རི་ལྡེབས་དང་འཁོར་བརྒལ་བྱེད་སྐབས་དཀའ་ངལ་ཅུང་ཟད་འཕྲད་སྲིད་པས་ངང་རྒྱུད་རིང་པོས་བདེ་འཇགས་ཨང་དང་པོར་འཇོག་རྒྱུར་དོ་སྣང་བྱེད་དགོས། “སྒེར་འཁོར་བཏང་ནས་བོད་ལྗོངས་སུ་བསྐྱོད་ཚེ་རླངས་འཁོར་གྱི་ཞབས་སྡེར་གང་ཚོད་ཀྱིས་མཐོ་བ་ཡོད་ན་དེ་ཙམ་གྱིས་ཡག་ལ། བྱེས་བགྲོད་རླངས་འཁོར་གྱི་མྱོང་ཚོར་ཡག་ཤོས་ཡིན་ཞིང་། གལ་ཏེ་འཇིབ་ཆུང་བཏང་ནས་བསྐྱོད་ཚེ་ས་དོང་དང་ལམ་ངོས་འབར་འབུར་འཕྲད་སྐབས་ངེས་པར་དུ་གཟབ་ནན་བྱེད་དགོས”ཞེས་བཤད། ཅང་ཞི་ནས་ཡིན་པའི་ཀྲང་ཤིན་ད་བར་ལྷ་སར་ལས་ཀ་བྱས་ནས་ལོ10ལྷག་ཙམ་སོང་ཡོད་ཅིང་། ཐོག་མའི་ལོ་འགའི་ནང་ཁོང་གིས་བོད་ལྗོངས་སུ་འགྲོ་སྐབས་གནམ་གྲུ་དང་མེ་འཁོར་སོགས་ལ་འདུག་པ་ཡིན། 2019ལོར་ཁོང་དང་གྲོགས་པོ་ཞིག་གིས་སྒེར་འཁོར་བཏང་ནས་རྒྱལ་ལམ318བརྒྱུད་བོད་ལྗོངས་སུ་ཕྱིན་པས་མྱོང་ཚོར་མི་འདྲ་བ་ཞིག་བྱུང་ཡོད། “སྒེར་འཁོར་བཏང་ནས་བོད་ལྗོངས་སུ་འགྲོ་མཁན་ཧ་ཅང་མང་པོ་ཡོད་ཅིང་། ཁོང་ཚོས་ལམ་བར་གྱི་ཡུལ་ལྗོངས་དག་པར་བརྒྱབ་ནས་དྲ་ཐོག་ཏུ་བཏང་བ་དེས་ངའི་ཡིད་དབང་རྦད་དེ་འཕྲོག་སོང་། ངའི་བསམ་པར་རང་ཉིད་ནི་ལྷ་ས་བ་རྙིང་པ་ཞིག་ཡིན་ལ། སྒེར་འཁོར་ཡང་བྱེ་བགྲོད་རླངས་འཁོར་ཡིན་པས་སྒེར་འཁོར་བཏང་ནས་བོད་ལྗོངས་སུ་བསྐྱོད་རྒྱུའི་སེམས་ཐག་བཅད་པ་ཡིན”ཞེས་ཀྲང་ཤིང་གིས་བཤད། ཨ་སྔོན་དབྱིངས་ཀྱི་སྐར་ཚོགས་དང་། རྩྭ་ཐང་སྟེང་གི་ནོར་ལུག་ཁྱུ་ཚོགས། རི་མཐོའི་སྟེང་གི་ནགས་ཚལ་སྟུག་པོ་སོགས། ཀྲང་ཤིན་གྱིས་དབྱར་དུས་སྒེར་འཁོར་བཏང་ནས་བོད་ལྗོངས་སུ་བསྐྱོད་པའི་ཡུལ་ལྗོངས་སྐོར་གླེང་སྐབས་བསྔགས་བརྗོད་ཆེན་པོ་བྱེད་ཀྱི་ཡོད་མོད། འོན་ཀྱང་ཁྲོན་བོད་གཞུང་ལམ་ཐོག་གི་འདམ་རྡོའི་ཆུ་རུད་དྲན་སྐབས་ཁོང་གི་སེམས་ནང་སྔར་བཞིན་འཇིགས་སྣང་ཆེན་པོ་བྱེད་ཅིང་། ཁོང་གིས“སྐབས་དེར་ངས་འགྲོ་སའི་ལམ་ཐིག་ནི་ཁྲོན་བོད་གཞུང་ལམ་ཡིན། སྟབས་ལེགས་པ་ཞིག་ལ་ངས་སྔ་ས་ནས་ལམ་ཐིག་དེར་དབྱར་དུས་སྐབས་འདམ་རྡོའི་ཆུ་རུད་སོགས་རང་བྱུང་གི་གནོད་འཚེ་འབྱུང་སྲིད་པ་ཤེས་བྱུང་བས། སྐབས་དེར་འདམ་རྡོའི་ཆུ་རུད་འཕྲད་སྐབས་དངངས་སྐྲག་ཆེན་པོ་དེ་ཙམ་སྐྱེས་མ་བྱུང་། རྗེས་སུ་སྒེར་འཁོར་བཏང་ནས་བོད་ལྗོངས་སུ་བསྐྱོད་རྩིས་ཡོད་ཚེ་ངེས་པར་དུ་སྔ་ཙམ་གནམ་གཤིས་ཀྱི་གནས་ཚུལ་ལ་དོ་སྣང་བྱེད་པ་དང་ལ་དུག་སྔོན་འགོག་བྱེད་དགོས་པ་དང་། རླངས་འཁོར་ནང་བཟའ་བཅའ་ཅུང་ཟད་གྲ་སྒྲིག་དང་འདྲེད་འགོག་ཕྲེང་ཐག་ཡག་པོ་འཁྱེར་དགོས་ལ། འདམ་རྡོའི་ཆུ་རུད་དང་རྡོ་ཟགས་ཡོད་མེད་ལའང་དོ་སྣང་བྱེད་དགོས། གཞན་ཡང་རླངས་འཁོར་ནང་དབྱང་རླུང་འདོན་སྤྲོད་འཕྲུལ་ཆས་ཤིག་གྲ་སྒྲིག་བྱེད་དགོས་པ་མ་ཟད།ད་དུང་བརྗེ་ཚབ་འཁོར་ལོ་དང་རླངས་འཁོར་ཞིག་གསོའི་ཡོ་བྱད་ཀྱང་ཡག་པོ་ཁྱེར་ན་བཟང”ཞེས་བཤད། སྒེར་འཁོར་བཏང་ནས་ཡུལ་སྐོར་དུ་བསྐྱོད་སྐབས་ཞིབ་ཕྲའི་གནས་ཚུལ་འདི་དག་ལ་རྒྱུས་ལོན་བྱེད་དགོས། གསར་འགོད་པར་ཐུང་ཁྲེང་ཡུལ་སྐོར་ཐོག་ནས་ཤེས་རྟོགས་བྱུང་བར། ཉེ་བའི་ལོ་ཤས་རིང་། བོད་ལྗོངས་སུ་ཡུལ་སྐོར་ལ་སྐྱོད་སྟངས་ལ་འགྱུར་ལྡོག་ཆེན་པོ་བྱུང་ཞིང་། ཐུང་ཁྲེང་ཞིབ་འཇུག་ཁང་གིས་དབྱེ་ཞིབ་བྱས་པར་གཞིགས་ན། སྒེར་འཁོར་བཏང་ནས་ཡུལ་སྐོར་བྱས་ཚེ་རང་དབང་དང་སྟབས་བསྟུན་རང་བཞིན་དེ་བས་ཆེ་བ་ལྡན་པས། ཡུལ་སྐོར་བས་རང་ཉིད་ཀྱི་དགའ་ཕྱོགས་དང་དུས་ཚོད་ལ་གཞིགས་ནས་འགྲུལ་བཞུད་བཀོད་སྒྲིག་བྱེད་ཐུབ་ཀྱི་ཡོད། ད་ཆ་བོད་ལྗོངས་སུ་བསྐྱོད་པའི་གཞུང་ལམ་གཙོ་བོ་སོགས་རྨང་གཞིའི་སྒྲིག་བཀོད་ལེགས་སུ་མངོན་གསལ་ཕྱིན་པ་དང་ཆབས་ཅིག སྒེར་འཁོར་བཏང་ནས་བོད་ལྗོངས་སུ་བསྐྱོད་སའི་ལམ་ཐིག་གཙོ་བོའི་ཐོག་སྒེར་འཁོར་བཏང་ནས་ཡུལ་སྐོར་དུ་བསྐྱོད་མཁན་ཚོགས་སྤྱིར་ཕྱོགས་པའི་ཚད་གཞི་མཐོ་བའི་སྒེར་འཁོར་སྒར་སའང་ཇེ་མང་དུ་འགྲོ་བཞིན་ཡོད་པས། སྒེར་འཁོར་བཏང་ནས་བོད་ལྗོངས་སུ་བསྐྱོད་མཁན་ཚོར་དེ་བས་བདེ་འཇགས་དང་སྐྱིད་སྣང་ཞིག་སྦྱིན་གྱི་ཡོད་ལ། སྒེར་འཁོར་བཏང་ནས་བོད་ལྗོངས་སུ་བསྐྱོད་མཁན་ཡང་དེ་བས་མང་དུ་འགྲོ་བཞིན་ཡོད། རླངས་འཁོར་བཏང་ནས་ལོ22སོང་པའི་རྒན་ཁྲེན་ལགས་ནི་སི་ཁྲོན་ནས་ཞིག་ཡིན་ལ། ལྷ་སར་ལས་ཀ་བྱེད་ཀྱི་ཡོད་པས། ད་བར་སྒེར་འཁོར་བཏང་ནས་བོད་ལྗོངས་སུ་ཐེངས་བཅུ་ལྷག་ཙམ་བསྐྱོད་མྱོང་ཡོད། ཁོང་གིས“ད་ཆ་འགྲིམ་འགྲུལ་གྱི་རྨང་གཞིའི་སྒྲིག་བཀོད་ཉིན་རེ་བཞིན་འཐུས་སྒོ་ཚང་དུ་ཕྱིན་ནས། ཁྲོན་བོད་ལམ་ཐིག་དང་མཚོ་བོད་ལམ་ཐིག་ཚང་མ་འགྲོ་བདེ་པོ་ཡོད་པས་སྒེར་འཁོར་བཏང་ནས་ཡུལ་སྐོར་དུ་ཡོང་ཚེ་སེམས་ཁྲལ་དེ་ཙམ་བྱེད་དགོས་མེད། འོན་ཀྱང་སྒེར་འཁོར་གཏོང་རིང་ངེས་པར་དུ་འགྲིམ་འགྲུལ་སྒྲིག་སྲོལ་ལ་བརྩི་སྲུང་ཞུ་དགོས་པ་དང་། ཐོལ་བྱུང་གནས་ཚུལ་འཕྲད་ཚེ་སེམས་རྣལ་ལ་བབ་ནས་སྐབས་བསྟུན་ཐག་གཅོད་བྱེད་དགོས་པ། རླངས་འཁོར་ཁ་གཅུས་སྐབས་མགྱོགས་དྲགས་རྒྱུ་མེད་ལ། ལམ་གྱི་གནས་ཚུལ་གསལ་པོ་མཐོང་མི་ཐུབ་པའི་སྐབས་གང་བྱུང་དུ་འཁོར་བརྒལ་དེ་བས་ཀྱང་བྱ་རྒྱུ་མེད། ཉི་འོད་མེད་པའི་དཀྱོག་མཚམས་སུ་འཁྱགས་པ་ཐེབས་སླ་བས་ངེས་པར་དུ་གཟབ་གཟབ་བྱེད་དགོས”ཞེས་བཤད། བོད་ལྗོངས་འགྲིམ་འགྲུལ་ཉེན་རྟོག་པས་དྲན་སྐུལ་ཞུ་རྒྱུར། བོད་ལྗོངས་བར་ལམ་ཐག་ཧ་ཅང་རིང་བས་གལ་ཏེ་ལམ་ཕྱེད་དུ་རླངས་འཁོར་ལ་སྐྱོན་ཤོར་ཚེ་རྙོག་དྲ་ཆེན་པོ་བཟོ་སྲིད་པས། སྒེར་འཁོར་བཏང་ནས་བོད་ལྗོངས་སུ་མ་བསྐྱོད་གོང་ངེས་པར་དུ་རླངས་འཁོར་ལ་ཕྱོགས་ཡོངས་ནས་ཞིབ་བཤེར་བྱེད་དགོས། གལ་ཏེ་ལམ་ཕྱེད་དུ་རླངས་འཁོར་ལ་སྐྱོན་ཤོར་ཚེ122ལ་ཁ་པར་བརྒྱབ་ནས་རོགས་སྐྱོར་ཐོབ་ཐབས་བྱེད་ཆོག དེ་དང་ཆབས་ཅིག་ཡུན་རིང་རླངས་འཁོར་གཏོང་རྒྱུའི་གྲ་སྒྲིག་ཡག་པོ་བྱེད་དགོས་པ་དང་། ངལ་དུབ་སྐྱེས་སྐབས་རླངས་འཁོར་གཏོང་མི་རུང་བས་གལ་ཏེ་རླངས་འཁོར་གཏོང་སྐབས་གཉིད་ཅོག་རྒྱག་ཚེ་དུས་ཐོག་ཏུ་ངལ་གསོ་རྒྱག་དགོས། བོད་ལྗོངས་སུ་ས་བབ་མཐོ་བ་དང་། ཉི་མ་འཕྲོ་ཤུགས་ཆེ་ལ། སྨུག་ཕྱིའི་འོད་ཀྱང་ཆེ་བས་སྔ་ས་ནས་མིག་ཤེལ་གྲ་སྒྲིག་བྱས་ཏེ་མིག་ལ་སྲུང་སྐྱོང་བྱེད་དགོས། ལམ་རྒྱུད་དུ་རི་ལམ་མང་བས་དཀྱོག་ལམ་དུ་འཁོར་བརྒལ་བྱེད་མི་རུང་ལ། རི་སྟེང་ནས་རྡོ་ཟགས་ཀྱི་ཡོད་མེད་དང་། འདམ་རྡོའི་ཆུ་རུད་དང་རི་ཉིལ་བའི་གནས་ཚུལ་ཐོན་སྲིད་མིན་ལ་དོ་སྣང་བྱེད་དགོས། གཤམ་གསལ་གྱི་བོད་སྐྱོད་ལམ་ཐིག5པོ་འདི་དག་ལས་ཁྱེད་རང་འགྲོ་འདོད་པའི་ལམ་ཐིག་གང་ཡིན་ནམ། རྒྱལ་ལམ318(ཁྲོན་བོད་ལྷོ་ལམ)བོད་སྐྱོད་ལམ་ཐིག་གཙོ་བོ། སྒེར་འཁོར་ལམ་ཐིག ཁྲེང་ཏུའུ-གཡག་རྔ-ཤིན་ཀོའུ-དར་མདོ-ཤིན་ཏུའུ་ཟམ་པ-ཉག་ཆུ-119ཏོ་པན-ལི་ཐང-འབའ་ཐང-སྨར་ཁམས-འདན་པ-མཛོ་སྒང-སྤང་མདའ-དཔའ་ཤོད-ར་འོག-སྤོ་བོ-ཀླུ་ནང-བྲག་ཡིབ-ཀོང་པོ་རྒྱ་མདའ-གསུམ་མདོ-མལ་གྲོ་གོང་དཀར-ལྷ་ས། མཚོ་བོད་ལམ་ཐིག བདེ་འཇགས་ཆེ་ཤོས་ཀྱི་བོད་སྐྱོད་ལམ་ཐིག སྒེར་འཁོར་ལམ་ཐིག ཟི་ལིང-རིག་སྨོན་གྲོང་རྡལ-རྟ་ནག་མ་ཞང-ཚྭ་ཁ-དུར་ལམ-པ་ལུང-ནོ་མུའུ་ཧུང་བཟོ་ལས་ཁུལ-ན་གོར་མོ-བསོད་ནམས་དར་རྒྱས་སྲུང་སྐྱོང་ས་ཚིགས-དམར་ཆུ-གདང་ལའི་དམག་དོན་ས་ཚིགས-ནག་ཆུ-འདམ་གཞུང-ཡངས་པ་ཅན-ལྷ་ས། ཡུན་བོད་ལམ་ཐིག ཆེས་མཛེས་ཤོས་ཀྱི་བོད་སྐྱོད་ལམ་ཐིག སྒེར་འཁོར་ལམ་ཐིག ཁུན་མིང-ས་དམ-ལི་ཅང-སྟག་མཆོང་འགག-སེམས་ཀྱི་ཉི་ཟླ-ཇོ་བོ་ནམ་མཁའ་བཀྲ་ཤིས་ལྷ་ཁང-ཡར་ཀ-སྨར་ཁམས-འདན་པ-མཛོ་སྒང-སྤང་མདའ-དཔའ་ཤོད-ར་འོག-སྤོ་མེས-ཀླུ་ནང-བྲག་ཡིབ-ཀོང་པོ་རྒྱ་མདའ-གསུམ་མདོ-མལ་གྲོ་གུང་དཀར-ལྷ་ས། རྒྱལ་ལམ317（ཁྲོན་བོད་བྱང་ལམ）མི་རིགས་ཀྱི་ཡུལ་སྲོལ་གོམས་གཤིས་མྱོང་རོལ་བྱེད་སའི་མི་ཆོས་རིག་གནས་ཀྱི་ཡུལ་སྐོར། སྒེར་འཁོར་ལམ་ཐིག ཁྲེང་ཏུའུ-དབྱིན་ཤིའུ-ལི་རྫོང-འབར་ཁམས-སྤྱན་རས་གཟིགས་ཀྱི་ཟམ་པ-བྲག་མགོ-དཀར་མཛེས-མ་ཎི་གད་མགོ-འཇོ་མདའ-ཆབ་མདོ-སྟེང་ཆེན-ཁྲི་སྟོད-རོང་པོ-སྦྲ་ཆེན-ཤར་ཆུ-གསེར་རྙེད-འདམ་གཞུང-ཡངས་པ་ཅན-ལྷ་ས། ཤིན་བོད་ལམ་ཐིག འཛམ་གླིང་ཐོག་ས་བབ་མཐོ་ཤོས་ཀྱི་གཞུང་ལམ། སྒེར་འཁོར་ལམ་ཐིག ཡེ་ཁྲེང-ཁུའུ་ཏི-ཧེ་ཁ་ཏ་པན-ལེ་དབར་སུམ་ཅུའི་དམག་སྒར-ཧུང་ལིའུ་ཐང-ཐན་ཧྲུའེ་མཚོ་དམག་ས་ཚིགས-ཆུ་མིག་མཚེའུ-གསུམ་བཞི་གྲོང་ཚོ-རྡོ་དམར་ཞང-རུ་ཐོག་རྫོང-སེང་གེ་ཁ་འབབ-གནམ་རུ་གྲོང་ཚོ-གངས་རིན་པོ་ཆེ-ཧོར་ཞང-འབྲོང་པ-ས་དགའ-ལྷ་རྩེ-གཞིས་ཀ་རྩེ-རྒྱལ་རྩེ-སྣ་དཀར་རྩེ-ཆུ་ཤུར-ལྷ་ས།རྩོམ་སྒྲིག་པ། དཔལ་གཡང་།

དུས་ཡུན་རིང་པོའི་ནང་། རྒྱལ་ཁབ་ཞིང་ལས་པུའུ་དང་ཚན་རྩལ་པུའུ་དང་། ཀྲུང་གོ་ཞིང་ལས་ཚན་རིག་ཁང་། ཀྲུང་གོ་ཆུ་ཐོན་དངོས་རིགས་ཚན་རིག་ཁང་། ཀྲུང་གོ་ཚ་ཁུལ་ཞིང་ལས་ཚན་རིག་ཁང་བཅས་དང་དེ་བཞིན་ཞིང་ཆེན(གྲོང་ཁྱེར)ཁག་གི་ཚན་རིག་ཁང་དང་འབྲེལ་ཡོད་སློབ་གླིང་གིས་ཚན་རྩལ་གྱི་ཐོན་ཁུངས་ལ་དམིགས་པ་དང་། གསར་གཏོད་ཀྱི་གཞི་རྒྱུ་འདུ་སྦྱོར། ཐོན་ལས་ཀྱི་དགོས་མཁོར་དམིགས་པ། ཤེས་ལྡན་པའི་འདེགས་སྐྱོར་ལ་ཤུགས་སྣོན། ཚན་རྩལ་གྱི་མཉམ་ལས་ཟབ་གཏོང་། ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ་བཅས་བྱས་ཏེ་ཚན་རྩལ་བོད་སྐྱོར་གྱི་རྣམ་གྲངས་ཁག་70དོན་འཁྱོལ་བྱས་པར་བསྡོམས་མ་དངུལ་སྒོར་དུང་ཕྱུར་5ལྷག་ཙམ་ཟིན་ནས་གསར་གཏོད་ཀྱི་གྲུབ་འབྲས་འབོར་ཆེན་ཁག་གཅིག་སྐྱེད་སྲིང་བྱས་པ་དང་རང་ལྗོངས་ཀྱི་ཞིང་འབྲོག་ལས་འཕེལ་རྒྱས་དང་དེང་རབས་ཞིང་ལས་འཛུགས་སྐྱོང་ལ་སྔར་བས་སྐུལ་འདེད་བཏང་བ་རེད།འདི་ནི་ཀྲུང་གོ་ཚན་རིག་ཁང་གི་ཡོན་ཧྲི་ཀྲུང་གོ་ཚན་རིག་ཁང་འདུས་རྡུལ་སྐྱེ་དངོས་ཚན་རིག་ཁྱད་འཕགས་གསར་གཏོད་ལྟེ་གནས་ཀྱི་ཀྲུའུ་རེན་ཧན་པིན(གཡས་ཀྱི་གསུམ་པ)གྱིས་རུ་སྣེ་ཁྲིད་དེ་རང་སྐྱོང་ལྗོངས་ཞིང་འབྲོག་ཚན་རིག་ཁང་དུ་ས་མཐོའི་སོན་རྒྱུའི་ཐོན་ཁུངས་སྲུང་སྐྱོང་དང་། གསར་སྤེལ། བེད་སྤྱོད་བཅས་ཀྱི་གནས་ཚུལ་ལ་རྟོག་ཞིབ་བྱེད་བཞིན་པ། འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

ཟླ་6པའི་ཚེས་15ཉིན། ཧྭ་ནེང་ཐུའོ་པྰ་ཆུ་གློག་ས་ཚིགས་ཀྱི་ཨང་རྟགས་དང་པོའི་འཕྲུལ་འཁོར་ཚན་པ་ཐོག་མ་ཆུ་ཚོད་72རིང་གི་ཚོད་ལྟའི་འཁོར་སྐྱོད་བྱས་པ་དང་དངོས་སུ་ཐོན་སྐྱེད་བྱེད་འགོ་ཚུགས་ནས་གློག་འདོན་པས།ལོ་ངོ་ལྔ་ཚན་བཅུ་བཞིའི་རིང་རང་ཞིན་ཆེན་གྱི་ཆུ་གློག་ས་ཚིགས་ཆེ་གྲས་ཞིག་ཡང་བཙུགས་ཚར་བ་དང་རང་རྒྱལ་ནུབ་ལྷོའི་ཆུ་གློག་གཙང་གསེལ་ནུས་ཁུངས་གནས་གཞིར་སྒུལ་ནུས་གསར་མ་ཡང་སྣོན་པ་མཚོན་ཡོད། བདེ་ཆེན་ཁུལ་འབའ་ལུང་རྫོང་དུ་གནས་པའི་ཐུའོ་པྰ་ཆུ་གློག་ས་ཚིགས་ཀྱི་སྤྱིའི་གློག་འདོན་འཕྲུལ་འཁོར་གྱི་གློག་འདོན་ཚད་ཁྲི་140ཆན་ཝ་ཟིན་པ།ཀྲུང་གོ་ཧྭ་ནེང་སྔོ་ལྗང་རིག་ནུས་འཛུགས་སྐྲུན་དང་པོ་དང་བཟོ་ལས་རང་འགུལ་ཅན་ཚོད་འཛིན་མ་ལག་ཕྱོགས་ཡོངས་ནས་རང་རྒྱལ་དུ་ཐོན་སྐྱེད་ཅན་བེད་སྤྱོད་བྱེད་པའི་ཚད་ཤིང་དཔེ་སྟོན་ལས་གྲྭ་ཡིན།ཚང་མ་འཁོར་སྐྱོད་བྱས་རྗེས།ལོ་ལྟར་གཙང་གསེལ་གློག་ཚད་ཆུ་ཚོད་རེར་ཆན་ཝ་དུང་ཕྱུར་62.3འདོན་ཐུབ་པ།ཚད་ལྡན་རྡོ་སོལ་ཏུན་ཁྲི་191.3གྲོན་ཆུང་དང་དབྱང་གཉིས་ཐྰན་འགྱུར་ཏུན་ཁྲི་522.3ཉུང་དུ་ཕྱིར་གཏོང་དང་གཅིག་པས།མངོན་གསལ་དོད་པོའི་དཔལ་འབྱོར་ཕན་ནུས་དང་སྐྱེ་ཁམས་ཁོར་ཡུག་སྲུང་སྐྱོང་ཕན་ནུས་ཡོད།ད་ལོའི་ལོ་མཇུག་བར།གློག་ཚིགས་འདིས་འཁོར་སྐྱོད་ཚན་པ་ཚང་མ་ཐོན་སྐྱེད་བྱེད་འགོ་ཚུགས་པ་དང་གློག་འདོན་མངོན་འགྱུར་བྱུང་ཞིང་།སྐབས་དེར་ཡུན་ནན་ཆུ་གློག་གི་གློག་འདོན་འཕྲུལ་འཁོར་རྒྱ་ཁྱོན་ཚད་རིམ་གསར་པར་སླེབས་པ།གཙང་གསེལ་ནུས་ཁུངས་གློག་འདོན་འཕྲུལ་འཁོར་དེ་བས་མང་དུ་སོང་རྒྱུ་རེད། ཉེ་བའི་ལོ་འགའི་རིང་།ཀྲུང་གོ་ཧྭ་ནེང་གློག་ཤུགས་དང་ནུས་ཁུངས་མ་ལག་གསར་པའི་འཛུགས་སྐྲུན་ལ་ཞབས་འདེགས་ཞུ་བར་དམིགས་ནས།ཡུན་ནན་དུ་ཡོད་པའི་གཙང་གསེལ་ནུས་ཁུངས་གནས་གཞི་གསར་གཏོད་འཛུགས་སྐྲུན་མགྱོགས་ཤུགས་མཐོ་རུ་གཏོང་བ།ལོ་ལྟར་གྱི་གློག་འདོན་ཚད་རྒྱུན་མཐུད་ཀྱི་ལོ་5རིང་ཆུ་ཚོད་རེར་ཆན་ཝ་དུང་ཕྱུར་1000བརྒལ་བ།རིམ་རྩིས་ལྟར་གློག་འདོན་ཚད་ཆུ་ཚོད་རེར་ཆན་ཝ་དུང་ཕྱུར་1.3ཟིན་པ།གཙང་གསེལ་ནུས་ཁུངས་གློག་འདོན་ཚད་རྒྱུན་མཐུད་ཀྱིས་ལོ་རྒྱུས་ཐོག་ཆུ་ཚད་ཆེས་ལེགས་གཏོད་དེ།ཡུན་ནན་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་ནུས་ཡོད་ཀྱི་ནུས་ཁུངས་རོགས་སྐྱོར་འདོན་པ་རེད།

འདི་ནི་ཞིབ་བཤེར་ཚོགས་ཆུང་གིས་གློག་སྒུལ་སྦག་སྦག་ཉམས་བཟོ་ཁང་ཞིག་ཏུ་ཁྲིམས་འགལ་སྒྲིག་སྦྱོར་གྱི་བྱེད་སྤྱོད་ཡོད་མེད་ལ་ཞིབ་བཤེར་བྱེད་བཞིན་པ།གློག་སྒུལ་སྦག་སྦག་ནི་སྟབས་བདེ་ཞིང་ཁོར་ཡུག་སྲུང་སྐྱོང་ཐུབ་པའི་འགྲིམ་འགྲུལ་ཡོ་བྱད་ཅིག་ཡིན་པས། མི་མང་པོའི་ཕྱིར་སྐྱོད་ཀྱི་གདམ་ག་ཡག་ཤོས་སུ་གྱུར། འོན་ཀྱང་སྦག་སྦག་གཏོང་མཁན་གྱིས་མྱུར་ཚད་མགྱོགས་པ་བྱུང་ན་བསམས་ནས་རང་མཚམས་ཀྱིས་གློག་སྒུལ་སྦག་སྦག་ཁྲིམས་འགལ་ངང་སྒྲིག་སྦྱོར་བྱེད་པ་དང་། ཚོང་པ་ཁག་གཅིག་གིས་ཀྱང་དེའི་ཁྲོད་ནས་ཁེ་བཟང་ལེན་རྒྱུར་བསམས་ཏེ་ལྐོག་ཏུ་སྒྲིག་སྦྱོར་བྱེད་ཀྱི་ཡོད་པས། གློག་སྒུལ་སྦག་སྦག་གི་བདེ་འཇགས་ཀྱི་མངོན་མེད་རྐྱེན་ངན་ཐོན་རྒྱུ་ཇེ་མང་དུ་ཕྱིན་ཡོད། ཉེ་ཆར། ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉིང་ལག་རུ་ཁག་འཕྲུལ་སྒུལ་མིན་པའི་འཁོར་རིགས་དོ་དམ་ཁང་གིས་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་དང་མཉམ་དུ་ཁྲེང་ཀོན་ཆུས་ཁོངས་ཀྱི་གློག་སྒུལ་སྦག་སྦག་ཚོང་ཁང་དང་ཉམས་བཟོ་ཁང་3ལ་ཞིབ་བཤེར་བྱས་པ་རེད།དུས་འགོར་ཤེས་རྟོགས་བྱུང་བའི་འབྲེལ་ཡོད་ཁུངས་སྣེར་གཞིགས་ཏེ། ཉེ་ཆར། མཉམ་སྦྲེལ་ཞིབ་བཤེར་ཚོགས་ཆུང་གློག་སྒུལ་སྦག་སྦག་ཚོང་ཁང་དང་ཉམས་བཟོ་ཁང་དུ་བསྐྱོད་དེ་ཁྲིམས་འགལ་སྒྲིག་སྦྱོར་དང་། བཟོ་གྲྭ་ནས་སྒྲིག་སྦྱོར་བྱས་པའི་ལྷུ་ལག་བཤིག་པ། ནུས་ཚད་ཆེ་བའི་གློག་རྫས་བརྗེ་བ་སོགས་ཀྱི་སྒྲིག་འགལ་གྱི་བྱེད་སྤྱོད་ཡོད་མེད་ལ་གཙོ་གནད་ཐོག་ཞིབ་བཤེར་བྱས་པ་དང་སྦྲགས། ས་གནས་ས་ཐོག་ཏུ་ཚོང་ཁང་གི་ཐོན་རྫས་ཀྱི་ཚད་ལོན་ལག་ཁྱེར་དང་། གློག་སྒུལ་སྦག་སྦག་གི་ལིས་གྱེས་རྡུལ་གློག་རྫས་ཀྱི་ཨང་རྟགས། གློག་སྒུལ་སྦག་སྦག་གི་གློག་གསོག་བདེ་འཇགས་བཏགས་གྲངས། མེ་གསོད་ཡོ་ཆས་བཅས་ཆ་ཚང་པོ་ཡོད་མེད་དང་སྤྱོད་གོ་ཆོད་མིན་སོགས་ལ་ཞིབ་བཤེར་ཡང་བྱས་པ་རེད།ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་འཕྲུལ་སྒུལ་མིན་པའི་འཁོར་རིགས་དོ་དམ་ཁང་གི་སུའུ་ཀྲང་གཞོན་པ་ཐེན་ཀྲེན་གྱིས། གློག་སྒུལ་སྦག་སྦག་གི་འཁོར་རྟགས་ལ་ཚོས་གཞི་ལྗང་ཁུ་དང་། སྔོན་པོ། སེར་པོ་བཅས་རིགས་གསུམ་ཡོད་པ་དང་། དེའི་ནང་ཚོས་གཞི་ལྗང་ཁུའི་གློག་སྒུལ་སྦག་སྦག་ལ་ཁ་ལོ་བའི་ལག་ཁྱེར་དགོས་ཀྱི་མེད་ནའང་མྱུར་ཚད་དལ་པོ་ཡོད་རྐྱེན། མི་ཁག་གཅིག་གིས་འཁོར་རྟགས་ལྗང་ཁུའི་གློག་སྒུལ་སྦག་སྦག་ཉམས་བཟོ་ཁང་དུ་བསྐྱལ་ནས་ཁྲིམས་འགལ་སྒྲིག་སྦྱོར་བྱས་ཏེ་མྱུར་ཚད་མགྱོགས་སུ་གཏོང་ཐབས་བྱེད་ཀྱི་ཡོད་ཅེས་ངོ་སྤྲོད་བྱས།“གློག་སྒུལ་སྦག་སྦག་མང་པོ་ཞིག་ལ་འཁོར་རྟགས་སྒར་སྐབས་ཚད་གཞི་དང་མཐུན་ཡང་། མི་མང་པོས་འཁོར་རྟགས་བསྒར་རྗེས་སྒྲིག་སྦྱོར་བྱེད་སར་བསྐྱལ་ནས་བསྐྱོད་ཡུན་རིང་བ་དང་མྱུར་ཚད་མགྱོགས་སུ་གཏོང་ཐབས་བྱེད་ཀྱི་ཡོད། གློག་སྒུལ་སྦག་སྦག་ཕྱིར་ཚོང་ཉམས་བཟོ་ཁང་ཁག་གཅིག་གིས་ཀྱང་ལྐོག་ཏུ་སྒྲིག་སྦྱོར་བྱེད་ཀྱི་ཡོད། བྱེད་སྤྱོད་དེ་རིགས་ལྐོག་ཏུ་བྱེད་པས་རྒྱུན་གཏན་གྱི་ཞིབ་བཤེར་ནང་ཤེས་དཀའ”ཞེས་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཞིབ་བཤེར་ལྟེ་གནས་ཀྱི་ཀྲུའུ་རེན་གཞོན་པ་སྐལ་བཟང་དགེ་ལེགས་ཀྱིས་བཤད།དེ་ཉིན་ཞིབ་བཤེར་བྱེད་སྐབས་ཁྲིམས་སྒྱུར་ལས་དོན་པས་ས་གནས་ས་ཐོག་ནས་གློག་སྒུལ་སྦག་སྦག་ཁྲིམས་འགལ་སྒྲིག་སྦྱོར་བྱེད་པའི་སྒྲིག་ཆས་གཅིག་ཀྱང་མཐོང་མེད། “གྱོད་གཞིའི་ཁུངས་སྣེ་3ལ་ཞིབ་བཤེར་བྱེད་སྐབས་ཚོང་ཁང་གཅིག་གིས་ཁྱབ་ཁོངས་ལས་བརྒལ་ནས་ཚོང་གཉེར་བྱེད་པ་ཤེས་པས་ཁྲེང་ཀོན་ཆུས་ཁྲོམ་ར་ལྟ་འདོམས་ཅུས་ལ་ཐག་གཅོད་བྱེད་པར་རྩིས་སྤྲད། རྒྱ་ཆེའི་གློག་སྒུལ་སྦག་སྦག་གཏོང་མཁན་གྱིས་རང་མཚམས་ངང་གློག་སྒུལ་སྦག་སྦག་སྒྲིག་སྦྱོར་བྱེད་རྒྱུ་མེད་ལ། རྒྱ་ཆེའི་གློག་སྒུལ་སྦག་སྦག་འཚོང་མཁན་དང་ཉམས་བཟོ་བྱེད་མཁན་གྱིས་ཀྱང་ཁྲིམས་མཐུན་གྱི་ཚོང་གཉེར་བྱེད་དགོས”ཞེས་སྐལ་བཟང་དགེ་ལེགས་ཀྱིས་བཤད།ཞིབ་བཤེར་བྱེད་རིང་། ཁྲིམས་སྒྱུར་ལས་དོན་པས་ད་དུང་ཚོང་ཁང་ཁག་གི་འགན་འཁུར་བས་རང་ངོས་ཀྱི་ཚོང་གཉེར་བྱེད་སྤྱོད་ཚད་ལྡན་དུ་བཏང་སྟེ། གློག་སྒུལ་སྦག་སྦག་དང་གློག་རྫས་རང་མཚམས་ཀྱིས་སྒྲིག་སྦྱོར་བྱེད་པ་སོགས་ཀྱི་བྱེད་སྤྱོད་གཏན་འགོག་བྱ་རྒྱུར་ལྕག་སྐུལ་བཏང་སྟེ། གློག་སྒུལ་སྦག་སྦག་ལ་གློག་གསོག་སྐབས་མངོན་གསལ་དོད་སར་དོ་སྣང་བྱེད་དགོས་པའི་དོན་གནད་སྦྱར་དགོས་པ་དང་། འཛད་སྤྱོད་པར་གློག་སྒུལ་སྦག་སྦག་དང་གློག་རྫས་སྒྲིག་སྦྱོར་གྱི་གནོད་པ་ཇི་འདྲ་ཡོད་པ་དྲིལ་བསྒྲགས་བྱས་ཏེ་འཛད་སྤྱོད་པའི་བདེ་འཇགས་ཀྱི་འདུ་ཤེས་ཟབ་ཏུ་ཏན་ཏིག་གཏོང་དགོས་པའི་བླང་བྱ་བཏོན་ཡོད།ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་འཕྲུལ་སྒུལ་མིན་པའི་འཁོར་རིགས་དོ་དམ་ཁང་གི་ལས་དོན་པས་རྒྱ་ཆེའི་གྲོང་མིར་གློག་སྒུལ་སྦག་སྦག་སྒྲིག་སྦྱོར་བྱ་རྒྱུ་མེད་ལ། སྒྲིག་སྦྱོར་བྱས་པའི་གློག་སྒུལ་སྦག་སྦག་ཉོ་བ་དང་བེད་སྤྱོད་དེ་བས་བྱ་རྒྱུ་མེད། གལ་སྲིད་ཉེ་འགྲམ་དུ་གཏན་འབེབས་ལས་འགལ་ནས་གློག་སྒུལ་སྦག་སྦག་སྒྲིག་སྦྱོར་བྱེད་པའི་ཁུངས་སྣེ་ཡོད་པ་ཤེས་ཚེ། དུས་ཐོག་ཏུ་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་དང་ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉིང་ལག་རུ་ཁག་སོགས་འབྲེལ་ཡོད་སྡེ་ཚན་ལ་ཐེར་འདོན་བྱེད་དགོས་པའི་དྲན་སྐུལ་བྱས་ཡོད། འགན་འཁུར་རྩོམ་སྒྲིག་པ། ཉི་མ་ཚེ་རིང་།

འདི་ནི་ཧ་སག་སི་ཐན་ལུའུ་པན་བཟོ་ཁང་གི་རིག་ནུས་དྲ་སྦྲེལ་དངོས་སྦྱོང་ཁུལ་དུ་མཉམ་འབྲེལ་བཅར་འདྲི་ཚོགས་པས་རིག་ནུས་འགྲིམ་འགྲུལ་བྱེད་གཞོང་མདུན་དུ་བཅར་འདྲི་བྱེད་བཞིན་པ།འདི་ནི་རིག་ནུས་དྲ་སྦྲེལ་དངོས་སྦྱོང་ཁུལ་དུ་མཉམ་འབྲེལ་བཅར་འདྲི་ཚོགས་པའི་ཁོངས་མི་དང་ཧ་སག་སི་ཐན་ཕྱོགས་ཀྱི་གསར་འགོད་པས་ལས་རོགས་ཁ་ལོ་བ་བྱེད་པའི་མྱོང་རོལ་བྱེད་བཞིན་པ།ཟླ་6ཚེས11ཉིན། མི་དམངས་ཉེན་རེའི་ཚགས་པར་དང་ཧ་སག་སི་ཐན་སྨྱན་སྦྱོར་གྱི“སྤུས་ཚད་མཐོ་པོས‘རྒྱུད་གཅིག་ལམ་གཅིག’མཉམ་སྐྲུན”གྱི་མཉམ་འབྲེལ་བཅར་འདྲི་ཚོགས་པ་ཤར་ཧ་སག་སི་ཐན་ཀྲོའུ་ཡི་ལྟེ་བའི་གྲོང་ཁྱེར་ཨེ་སི་ཁེ་མོན་དུ་ཡོང་ནས་ས་གནས་དེ་གར་ཡོད་པའི་ཧ་སག་སི་ཐན་གྱི་ལུའུ་པན་བཟོ་ཁང་ལ་བཅར་འདྲི་བྱས་པ་རེད། རྣམ་གྲངས་དེ་ནི་ཐེན་ཅིན་ལས་རིགས་སློབ་ཆེན་དང་ཤར་ཧ་སག་སི་ཐན་ལག་རྩལ་སློབ་ཆེན་གྱིས་མཉམ་དུ་བསྐྲུན་འགན་འཁུར་བ་ཞིག་ཡིན་པ་དང་། 2023ལོའི་ཟླ་12ཚེས་9ཉིན་གཉེར་སྐྱོང་ཚོད་ལྟ་བྱེད་འགོ་ཚུགས་ཡོད། ཧ་སག་སི་ཐན་གྱི་ཆེད་ལས་ལག་རྩལ་ཤེས་ལྡན་པའི་དགོས་མཁོ་གཞིར་བཟུང་། ལུའུ་པན་བཟོ་ཁང་གི་དུས་ཐེངས་དང་པོའི་སྐྱེལ་འདྲེན་སྒྲིག་ཆས་དང་ལག་རྩལ་ཆེད་ལས་བཀོད་སྒྲིག་བྱས་པར་དངོས་སྦྱོང་ཁུལ་4དང་ཚད་ལྡན་སློབ་ཚན་5ཡོད། འདི་ལོ་རྒྱས་སྐྲུན་བྱས་རྗེས། ལུའུ་པན་བཟོ་ཁང་གིས་ནུས་རྒྱུ་གསར་པའི་རླངས་འཁོར་དང་རིག་ནུས་དྲ་སྦྲེལ་ལག་རྩལ་ཐད་ཀྱི་སློབ་ཚན་བཀོད་སྒྲིག་དང་གསོ་སྦྱོང་བྱེད་ཤུགས་སྔར་བས་ཆེ་རུ་གཏོང་རྒྱུ་ཡིན་པ་རེད། འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

འདི་ག་ཚགས་པར་ཁང་དུ་པེ་ཅིང་ནས་ཟླ་6ཚེས་14ཉིན་གློག་འཕྲིན་འབྱོར་གསལ། ཚེས་14ཉིན། ཀྲུང་གོ་རླངས་འཁོར་བཟོ་ལས་མཐུན་ཚོགས་ཀྱིས་ཡོངས་བསྒྲགས་བྱས་པའི་གྲངས་གཞི་ལས་མངོན་པར་གཞིགས་ན། འདི་ལོའི་ཟླ་བ་དང་པོ་ནས་ལྔ་པའི་བར། རང་རྒྱལ་གྱི་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་ཁྲི་1138.4དང་ཁྲི་1149.6སོ་སོར་ཟིན་པ་དེ་དུས་མཚུངས་ལས་6.5%དང་8.3%སོ་སོར་འཕར་ཏེ་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་དུས་མཚུངས་ལས་བརྟན་པོའི་ངང་འཕར་རྒྱུ་རྒྱུན་འཁྱོངས་ཐུབ་ཡོད། ནུས་རྒྱུ་གསར་པའི་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་མགྱོགས་མྱུར་འཕར་བའི་རྣམ་པ་མུ་མཐུད་མངོན་ཞིང་། ཟླ་བ་དང་པོ་ནས་ལྔ་པ་བར། ཐོན་སྐྱེད་དང་ཕྱིར་ཚོང་བྱེད་ཚད་ཁྲི་392.6དང་ཁྲི་389.5སོ་སོར་ལེགས་སྒྲུབ་བྱས་པ་དེ་དུས་མཚུངས་ལས་30.7%དང་32.5%སོ་སོར་འཕར་ཏེ་ཁྲོམ་ར་བཟུང་ཚད་33.9%ཟིན་ཡོད།ཟླ་བ་ལྔ་པར་རང་རྒྱལ་གྱི་ནུས་རྒྱུ་གསར་པའི་རླངས་འཁོར་གྱིས་སྲོལ་རྒྱུན་གྱི་སྣུམ་སྒུལ་རླངས་འཁོར་གྱི་ཚབ་བྱེད་ཚད་མུ་མཐུད་འཕར་ཏེ་ནུས་རྒྱུ་གསར་པའི་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་ཁྲི་94དང་ཁྲི་95.5སོ་སོར་ཟིན་ཏེ་དུས་མཚུངས་ལས་31.9%དང་33.3%སོ་སོར་འཕར་ནས་ཁྲོམ་ར་བཟུང་ཚད་ཟླ་བ་བཞི་པར་36%ཟིན་རྗེས་སླར་ཡང་39.5%བར་འཕར་ཡོད།

ཚེས་14ཉིན། ཀྲུང་གོ་རླངས་འཁོར་བཟོ་ལས་མཐུན་ཚོགས་ཀྱིས་ཡོངས་བསྒྲགས་བྱས་པའི་གྲངས་གཞི་ལས་མངོན་པར་གཞིགས་ན། འདི་ལོའི་ཟླ་བ་དང་པོ་ནས་ལྔ་པའི་བར། རང་རྒྱལ་གྱི་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་ཁྲི་1138.4དང་ཁྲི་1149.6སོ་སོར་ཟིན་པ་དེ་དུས་མཚུངས་ལས་6.5%དང་8.3%སོ་སོར་འཕར་ཏེ་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་དུས་མཚུངས་ལས་བརྟན་པོའི་ངང་འཕར་རྒྱུ་རྒྱུན་འཁྱོངས་ཐུབ་ཡོད། ནུས་རྒྱུ་གསར་པའི་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་མགྱོགས་མྱུར་འཕར་བའི་རྣམ་པ་མུ་མཐུད་མངོན་ཞིང་། ཟླ་བ་དང་པོ་ནས་ལྔ་པ་བར། ཐོན་སྐྱེད་དང་ཕྱིར་ཚོང་བྱེད་ཚད་ཁྲི་392.6དང་ཁྲི་389.5སོ་སོར་ལེགས་སྒྲུབ་བྱས་པ་དེ་དུས་མཚུངས་ལས་30.7%དང་32.5%སོ་སོར་འཕར་ཏེ་ཁྲོམ་ར་བཟུང་ཚད་33.9%ཟིན་ཡོད།ཟླ་བ་ལྔ་པར་རང་རྒྱལ་གྱི་ནུས་རྒྱུ་གསར་པའི་རླངས་འཁོར་གྱིས་སྲོལ་རྒྱུན་གྱི་སྣུམ་སྒུལ་རླངས་འཁོར་གྱི་ཚབ་བྱེད་ཚད་མུ་མཐུད་འཕར་ཏེ་ནུས་རྒྱུ་གསར་པའི་རླངས་འཁོར་ཐོན་ཚད་དང་ཕྱིར་ཚོང་བྱེད་ཚད་ཁྲི་94དང་ཁྲི་95.5སོ་སོར་ཟིན་ཏེ་དུས་མཚུངས་ལས་31.9%དང་33.3%སོ་སོར་འཕར་ནས་ཁྲོམ་ར་བཟུང་ཚད་ཟླ་བ་བཞི་པར་36%ཟིན་རྗེས་སླར་ཡང་39.5%བར་འཕར་ཡོད། འགན་འཁུར་རྩོམ་སྒྲིག་པ། ཉི་མ་ཚེ་རིང་།

འདི་ག་ཚགས་པར་ཁང་དུ་པེ་ཅིང་ནས་ཟླ་6ཚེས་13ཉིན་གློག་འཕྲིན་འབྱོར་གསལ། ཉེ་ཆར། འགྲིམ་འགྲུལ་སྐྱེལ་འདྲེན་པུའུ་སོགས་སྡེ་ཚན་13གྱིས《འགྲིམ་འགྲུལ་སྐྱེལ་འདྲེན་གྱི་གཞི་ཁྱོན་ཆེ་བའི་སྒྲིག་ཆས་གསར་བརྗེས་བྱ་སྤྱོད་ཇུས་གཞི》བཀྲམ་ནས་གྲོང་ཁྱེར་གྱི་སྤྱི་སྤྱོད་རླངས་འཁོར་གློག་སྒུལ་ཅན་དུ་སྒྱུར་བ་དང་། ཁྲའེ་ཡིའུ་སྣུམ་གྱི་སྐྱེལ་འདྲེན་ཟོག་འདྲེན་རླངས་འཁོར་རྙིང་པ་གསར་པར་བརྗེ་བ། སྐྱེལ་འདྲེན་གྲུ་གཟིངས་རྙིང་པ་བེད་མེད་དུ་བཏང་ནས་གསར་པ་བརྗེ་བ། ཤུགས་འགྲེམས་མེ་འཁོར་རྙིང་པ་བེད་མེད་དུ་བཏང་ནས་གསར་པ་བརྗེ་བ། སྦྲག་སྲིད་མྱུར་སྐྱེལ་སྒྲིག་ཆས་གསར་པ་བརྗེ་བ། ཟོག་འགྲེམས་སྒྲིག་ཆས་གསར་སྒྱུར་ལེགས་བཅོས་བྱེད་པ། ཚད་གཞི་མཐོ་རུ་གཏོང་བ་བཅས་ཀྱི་བྱ་སྤྱོད་ཆེན་པོ་བདུན་ལག་བསྟར་བྱེད་དགོས་ལུགས་བཏོན་ཡོད། ཇུས་གཞིའི་ནང་། 2028ལོར་སླེབས་སྐབས་གྲུ་གཟིངས་སྐྱེལ་འདྲེན་ནུས་ཤུགས་ཀྱི་གྲུབ་ཆ་ལེགས་སུ་ནུས་ལྡན་འགྲོ་རྒྱུ་དང་། ནུས་རྒྱུ་གསར་པའི་སྤྱི་སྤྱོད་རླངས་འཁོར་ཁྱབ་གདལ་དང་བེད་སྤྱོད་ལ་སྐུལ་མ་རྒྱུན་མཐུད་ཐེབས་རྒྱུ། གཙོ་གནད་ས་ཁོངས་ཀྱི་མེ་འཁོར་རྙིང་པ་གཞི་རྩའི་ཆ་ནས་མེད་པར་བཟོས་ཏེ་ནུས་རྒྱུ་གསར་པའི་མེ་འཁོར་གཞི་ཁྱོན་ཅན་གྱི་སྒོ་ནས་བེད་སྤྱོད་ཐུབ་རྒྱུ། སྦྲག་བསྐུར་མྱུར་སྐྱེལ་རིག་ནུས་ཀྱི་བདེ་འཇགས་ཞིབ་བཤེར་སྒྲིག་ཆས་རྒྱ་ཁྱབ་ངང་ཁྱབ་གདལ་དང་བེད་སྤྱོད་ཐུབ་ནས་སྐུར་མ་བསྐུར་སའི་ཁྱབ་ཁོངས་ཀྱི་བདེ་འཇགས་ཞིབ་བཤེར་ནུས་པ་ཆེ་རུ་ནུས་ལྡན་འགྲོ་རྒྱུ། བྱང་སྐར་སྤུན་བདུན་གྱི་མཐའ་སྣེ་བེད་སྤྱོད་བྱེད་ཤུགས་སྔར་བས་ཆེ་རུ་འགྲོ་རྒྱུ། འགྲིམ་འགྲུལ་སྐྱེལ་འདྲེན་ལས་རིགས་ཀྱི་ཐཱན་འབུད་ཚད་དང་སྦགས་བཙོག་དངོས་པོ་འབུད་ཚད་རྒྱུན་ཆད་མེད་པར་དམའ་རུ་ཕྱིན་ནས་སྦགས་བཙོག་དངོས་པོ་འབུད་པའི་སྤྱི་འབོར་སྔར་བས་དམའ་རུ་འགྲོ་རྒྱུ་བཅས་བཏོན་ཡོད། ཇུས་གཞིའི་ནང་། ནུས་རྒྱུ་གསར་པའི་སྤྱི་སྤྱོད་རླངས་འཁོར་རྙིང་པ་དང་སྒུལ་ཤུགས་གློག་རྫས་གསར་པར་བརྗེས་ནས་སྤྱི་སྤྱོད་རླངས་འཁོར་ཆུང་གྲས་དང་། འཛེགས་སླ་བ་དང་དེ་བཞིན་འཛུལ་སླ་བའི་གྲོང་ཁྱེར་གྱི་སྤྱི་སྤྱོད་རླངས་འཁོར་ཁྱབ་གདལ་ཧུར་ཐག་གཏོང་བར་སྐུལ་ལྕག་བྱེད་པ་དང་། ས་གནས་ཁག་གིས་ལོ་10དང་དེ་ཡན་གྱི་གྲོང་ཁྱེར་གྱི་སྤྱི་སྤྱོད་རླངས་འཁོར་རྙིང་པ་དག་གསར་པར་བརྗེ་རྒྱུར་སྐུལ་ལྕག་བྱེད་པ། ཁྲའེ་ཡིའུ་སྣུམ་གྱི་སྐྱེལ་འདྲེན་ཟོག་འདྲེན་རླངས་འཁོར་རྙིང་པ་མགྱོགས་མྱུར་མེད་པ་བཟོས་ནས་གསར་པར་བརྗེས་ཏེ་ནུས་རྒྱུ་གསར་པའི་སྐྱེལ་འདྲེན་ཟོག་འདྲེན་རླངས་འཁོར་གོ་རིམ་ལྡན་པའི་སྒོ་ནས་ཁྱབ་གདལ་གཏོང་དགོས་པའི་བླང་བྱ་བཏོན་ཡོད། ཇུས་གཞིའི་ནང་། ནུས་རྒྱུ་ཟད་གྲོན་ཆེ་བ་དང་སྦགས་བཙོག་འབུད་ཚད་མང་བའི་སྐྱེལ་འདྲེན་གྲུ་གཟིངས་རྙིང་པ་མགྱོགས་མྱུར་བེད་མེད་དུ་བཏང་ནས་གསར་པར་བརྗེ་བ་དང་། ནུས་རྒྱུ་གསར་པ་དང་ནུས་རྒྱུ་གཙང་མའི་སྒུལ་ཤུགས་སྐྱེལ་འདྲེན་གྲུ་གཟིངས་འཕེལ་རྒྱས་ལ་རྒྱབ་སྐྱོར་ཤུགས་ཆེན་བྱས་ནས་ནུས་པ་ཆེ་བའི་LNGདང་། ཤུགས་ཚད་ཆེ་བའི་ཁྲུན་འབར་སྣུམ་གྱི་སྒུལ་བྱེད་འཕྲུལ་འཁོར། ནུས་ཚད་དང་ཚགས་དམ་ཚད་མཐོ་བ་དང་བདེ་འཇགས་ནུས་པ་ཆེ་བའི་སྒུལ་ཤུགས་གློག་རྫས་སོགས་འགག་རྩའི་ཐུན་མོང་རང་བཞིན་དང་སྣེ་ཁྲིད་ཀྱི་ལྟེ་བའི་ལག་རྩལ་གསར་ཤོས་ཀྱི་འགག་སྒྲོལ་བྱེད་ཤུགས་ཆེ་རུ་གཏོང་དགོས་པའི་བླང་བྱ་བཏོན་ཡོད།ཇུས་གཞིའི་ནང་། སྦྲག་སྲིད་མྱུར་སྐྱེལ་གྱི་བདེ་འཇགས་ཞིབ་བཤེར་སྒྲིག་ཆས་རྙིང་པ་གསར་བརྗེས་ལ་རྒྱབ་སྐྱོར་དང་། སྦྲག་སྲིད་མྱུར་སྐྱེལ་གྱི་མཇུག་སྣེའི་སྡེབ་སྐྱེལ་རླངས་འཁོར་གསར་བརྗེས་བྱས་ཏེ། སྦྲག་སྲིད་མྱུར་སྐྱེལ་ཁེ་ལས་ཀྱིས་བླང་བྱ་དང་མཐུན་པའི་ས་ཁུལ་དུ་ནུས་རྒྱུ་གསར་པའི་མི་མེད་སྡེབ་སྐྱེལ་རླངས་འཁོར་གཞི་ཁྱོན་ཆེན་པོས་བེད་སྤྱོད་བྱེད་པ་དང་། སྦྲག་ཐོག་སྐུར་མ་བསྐུར་ས་གཙོ་བོར་ཚང་མ་རང་འགུལ་ཅན་གྱི་རིག་ནུས་དབྱེ་འབྱེད་སྒྲིག་ཆས་ཆ་ཚང་བཀོད་སྒྲིག་དང་སྤྱོད་དགོས་ལུགས་བཏོན་ཡོད།

༄༅། །ཧཱུྃ་ཧྲཱིཿ   ཡུལ་འདིར་གནས་པའི་གཞི་བདག་གནས་བདག་རིགས། །མཐུ་སྟོབས་དབང་ཕྱུག་དྲེགས་པ་ཀུན་གྱི་གཙོ། །བདག་ཅག་དཔོན་སློབ་འཁོར་དང་བཅས་པ་ལ། །འགོ་ཞིང་སྡོང་གྲོགས་བྱེད་པའི་ལྷ་སྲུང་རྣམས། །བདག་གི་བསང་མཆོད་མགྲོན་ལ་སྤྱན་དྲངས་ཚེ། །སྣ་ཚོགས་དབང་པོའི་གཞུ་ལྟར་རབ་བཀྲ་བའི། །རྣམ་འགྱུར་སྣ་ཚོགས་དགྱེས་པའི་རྣམ་རོལ་གར། །བརྩེ་བའི་ཐུགས་རྗེས་གནས་འདིར་གཤེགས་སུ་གསོལ། །དགྱེས་པར་བཞུགས་ནས་གུ

༄༅། །ལྷ་མཆོག་རྡོ་རྗེ་གྲགས་ལྡན་གྱི་འཕྲིན་བཅོལ་དང་ཉམས་མགུར་བསྒྲགས་མ་ཡིད་ཀྱི་པད་ཚལ་ཞེས་བྱ་བ་བཞུགས་སོ།།ཨ་ཧོ། ཁྲག་ཞག་རྒྱ་མཚོ་རྦ་ཀློང་འཁྲིགས་པ་ཡི་ཀློང་ན། །པདྨའི་བཀའ་ཉན་འཇིག་རྟེན་དྲེགས་པ་ཡི་གཙོ་བོ། །ཤིན་ཏུ་གདུལ་དཀའ་མ་རུང་ལོག་འདྲེན་གྱི་གཤེད་པོ། །གསུང་གི་རྒྱལ་པོ་དགྲ་ལྷ་སྐྱེས་གཅིག་གི་བཀའ་སྡོད། །རྡོ་རྗེ་གྲགས་ལྡན་མཐུ་སྟོབས་དབང་ཕྱུག་གི་མངའ་བདག །སྐུ་མདོག་དམར་པོ་ཁྲག་མདོག་བཟོད་དཀའ་ཡི་ལང་ཚོ། །འོད་དང་འོད་ཟེར་ཉི་མ་སྟོང་ཕྲག་ལས་ལྷག་པ། །དྲན་པ་ཙམ་གྱི་ཅི་བསམ་ཡིད་བཞིན་དུ་བསྒྲུབ་མཛད། །ཕྱག་གཡས་བསེ་ཡི་རུ་མཚོན་ནམ་མཁའ་ལ་ཕྱར་ཞིང་། །གཡོན་པས་དམ་ཉམས་འཆིང་བྱེད་བཙན་ཞགས་ནི་བསྣམས་པ། །གར་དགུའི་རྣམ་རོལ་ཁྲོས་པའི་དཔལ་འབར་གྱི་དབང་ཕྱུག །ཟ་འོག་བེར་གསོལ་རྣམ་ལྔའི་རྒྱལ་མཚན་གྱིས་བརྒྱན་ཏེ། །འཇའ་རིས་འཁྱིལ་བའི་སག་ལྷམ་ཡུ་རིང་ནི་གསོལ་ཏེ། །ཆུ་སྐྱེས་ཉི་ཟླ་བམ་རོ་ཕོ་མོ་ཡི་གདན་ལ། །ཐབས་ཤེས་འདུ་འབྲལ་མེད་པའི་འདོར་སྟབས་སུ་བཞུགས་པ། །བསྐལ་བའི་མེ་དཔུང་དམར་ནག་འཁྲིགས་པ་ཡི་ཀློང་ན། །གསང་ཡུམ་གཟི་བརྗིད་ཆེན་མོ་ཟླ་བ་ཡི་མདོག་འདྲ། །རྟག་ཏུ་ཡབ་ལ་རྗེས་སུ་ཆགས་པ་ཡི་ཚུལ་གྱི། །ལུས་དང་གྲིབ་བཞིན་མི་འབྲལ་བདེ་དགའ་ཡི་དཔལ་སྟེར། །དྲན་པ་ཙམ་གྱི་བདེ་ཆེན་དངོས་གྲུབ་ཀྱི་འབྱུང་གནས། །ཡིད་ལ་ཅི་འདོད་འབད་མེད་དངོས་གྲུབ་ནི་རྩོལ་བ། །ཀ་དག་དོན་དམ་དབྱིངས་སུ་ཆོས་སྐྱོང་ཞེས་མེད་ཀྱང་། །ཁ་དོག་བདེན་གྲུབ་འཛིན་པ་ཀུན་རྫོབ་ཀྱི་ཚུལ་དུ། །ག་ལེ་རང་རིག་རྩིས་ཟིན་ཆོས་སྐྱོང་གི་ངོ་བོ། །ང་བདག་གཟུང་འཛིན་བྲལ་བའི་དགྲ་ལྷ་ཡི་རྒྱལ་པོ། །ཅ་ག་སྤྱན་གཟིགས་རྣམ་མང་ལྷུན་པོ་ལྟར་སྤུངས་པ། །ཆ་བྱད་སྣ་ཚོགས་སྟོན་པ་ཆུ་ཟླ་ཡི་གར་བཞིན། །ཇ་རིལ་མི་མགོ་བརྩེགས་པའི་དུར་ཁྲོད་ཀྱི་ཞིང་འདིར། །ཉ་རྒྱས་འདིར་གཤེགས་དགྱེས་པ་ཆེན་པོ་ཡི་བཞུགས་ལ། །ཏ་ཐཱ་ག་ཏའི་བསྟན་པ་ཡིད་བཞིན་གྱི་ནོར་བུ། །ཐ་མལ་མི་ཡི་རྫུ་ཞུགས་གྲུབ་བརྙེས་ཀྱི་ཚོགས་ལ། །ད་ལྟ་གནོད་སེམས་འཆང་བའི་མ་རུང་པའི་ཚོགས་རྣམས། །ན་ཚ་འཆི་བ་དྲག་པོའི་སྡུག་བསྔལ་ལ་སྦྱོར་ཅིག །པ་སངས་མིག་དམར་ལ་སོགས་སྡེ་བརྒྱད་ཀྱི་ཚོགས་དཔོན། །ཕ་རོལ་ཕམ་ལ་བསྐུར་མཛད་དགྲ་ལྷ་ཡི་རྒྱལ་པོ། །བ་ལང་སྤྱོད་སོགས་གླིང་བཞི་སྐད་ཅིག་ལ་འགྲོད་པ། །མ་ལྟར་བྱམས་པའི་དགྲ་ལྷ་ཁྱོད་ཉིད་ལ་བསྟོད་དོ། །ཙ་ར་མཁའ་ལྡིང་དུད་འགྲོ་རྐང་བཞི་ཡི་ཚོགས་དང་། །ཚ་ཊམ་ཀ་དང་རྒྱལ་མཚན་འཕན་འཕུར་གྱི་བྱེ་བྲག །ཛ་ཧུའི་རྒྱུན་བཞིན་བཏུང་བ་རྒྱ་མཚོ་ཡི་རིགས་བྱེད། །ཝ་སྤྱང་ལ་སོགས་མཐུན་རྫས་སྣ་ཚོགས་ཀྱི་རོལ་མོ། །ཞྭ་ལྟར་བརྟེན་པའི་དགྲ་ལྷ་ཁྱོད་ཉིད་ལ་འབུལ་ན། །ཟ་འདྲེ་ཕུང་སྲི་མི་མཐུན་རྐྱེན་ངན་གྱི་ཚོགས་རྣམས། །འ་འུར་ཧཱུྃ་ཕཊ་ཛ་བྷྱོ་རུ་ལུ་ཡི་སྒྲ་ཡིས། །ཡ་མནྟ་ལྟར་འཆོར་མེད་མངོན་སྤྱོད་ཀྱིས་སྒྲོལ་ཅིག །ར་ས་འཁྲུལ་སྣང་བོད་ཁམས་གནས་ཡུལ་གྱི་ཚོགས་རྣམས། །ལ་ལ་ཙམ་མིན་ཆོས་འཁོར་ཐམས་ཅད་ཀྱི་མངའ་བདག །ཤ་སྟག་ཉིན་མཚན་དུས་དྲུག་མེལ་ཚེ་ཡི་བྱ་རའི། །ས་ཕྱོགས་གང་ལ་གནས་ཀྱང་གློག་ལྟར་དུ་མྱུར་པའི། །ཧྱ་གྷྲི་ཝའི་སྔོན་གྱི་ཐ་ཚིག་ལ་དགོངས་ཏེ། །ཨ་ལ་ལ་ཞེས་དགའ་བའི་རྣམ་འགྱུར་་་་་ འདི་ཉིད་ཀྱི་མཇུག་ནས་མ་དཔེ་མ་བརྙེད།རྩོམ་སྒྲིག་པ། དོན་འགྲུབ་རྡོ་རྗེ།

སྐྱབས་རྗེ་སྣང་ཞིག་ཁྲི་ཆེན་རིན་པོ་ཆེ ༧ སྣང་སྟོན་རྒྱལ་བ་བློ་གྲོས་ཐོགས་མེད་དཔལ་བཟང་པོ་མཆོགཚོགས་གཙོ་རྒྱ་ཤོད་དང་ཐེངས་འདིའི་ཡིག་ཆའི་རྒྱུགས་སྤྲོད་ཀྱི་འགན་འཛིན་སློབ་དཔོན་རྣམ་གསུམ། ༧ གཤེན་གྱི་འབྱུང་ལྡན་༣༠༡གི་ནང་ཚན་ཉག་མ་༤༡པ་གནམ་ལོ་ཁྲོ་མོ་ཞེས་པ་བོད་ཤིང་ཕོ་འབྲུག་གམ་སྤྱི་ལོ་༢༠༢༤ལོའི་ཟླ་༦ཚེས་༨ཉིན་གྱི་སྔ་དྲོའི་ཆུ་ཚོད་དགུ་དང་ཕྱེད་ཀའི་ཐོག གཤེན་བསྟན་གངས་ཀྱི་ལྷུན་པོ་ལས་བབས་པའི་མདོ་སྔགས་རྗོགས་གསུམ་གྱི་ཆུ་ཀླུང་འབུམ་ཕྲག་གཅིག་ཏུ་འཁྱིལ་བའི་ཆུ་གཏེར་ཆེན་པོ་གཡུང་དྲུང་བོན་བཤད་སྒྲུབ་སློབ་གླིང་དུ་རྒྱུགས་ཆེན་གསུམ་གྱི་ཡ་གྱལ་ཡིག་ཆའི་རྒྱུགས་སྤྲོད་ཆེན་མོའི་རྒྱུགས་འགོ་དངོས་སུ་བརྩམས། སྐྱབས་རྗེ་སྣང་ཞིག་ཁྲི་ཆེན་རིན་པོ་ཆེ་༧སྣང་སྟོན་རྒྱལ་བ་བློ་གྲོས་ཐོགས་མེད་དཔལ་བཟང་པོ་མཆོག་དབུ་བཞུགས་འོག ནང་ཆེན་ཆེ་ཁག་གི་གདན་ས་འཛིན་པའི་བླ་སྤྲུལ་རྣམས་དང་ཚོགས་ཆེན་དཔོན་སློབ། ཚོགས་ཆེན་ཞལ་ངོ་དང་དབུ་མཛད་ཆེ་ཆུང་། དམངས་གཙོའི་དོ་དམ་ཨུ་ཡོན་ལྷན་ཁང་གི་ཀྲུའུ་རིན། རྨང་གཞིའི་ཤེས་བྱ་གསོ་སྐྱོང་གླིང་གི་ཚོགས་གཙོ་དང་ཚོགས་གཞོན་སོགས་ལས་སྣེ་རྣམས་དང་། ད་དུང་སྐལ་ལྡན་གྱི་སློབ་མའི་ཚོགས་ལ་ཤེས་རིག་གི་ལམ་སྒོ་ཕྱེ་ཞིང་། རྒྱལ་བའི་བསྟན་པ་རིན་པོ་ཆེ་ལ་ཞབས་ཏོག་ཚུལ་བཞིན་བསྒྲུབ་པའི་བཤེས་གཉེན་དམ་པའི་ཚོགས་རྣམས་དཔང་བོར་བཞུགས་ཤིང་། ཚོགས་གཙོ་རྒྱ་ཤོད་དགེ་བཤེས་ལགས་ཀྱིས་ཡིག་ཆའི་རྒྱུགས་སྤྲོད་ཆེན་མོའི་སྒྲིག་ལམ་དང་སློབ་མ་སོ་སོས་རིག་པ་ནན་མོའི་སྒོ་ནས་རྒྱུགས་འབྲས་བརྩོན་ལེན་གནང་དགོས་ཚུལ་སོགས་བསླབ་བྱ་རྒྱ་ཆེར་གནང་སྟེ། རྣམ་དཔྱོད་གློག་ལས་མྱུར་བའི་རྒྱུགས་ཞུགས་སློབ་མ་ཡོངས་ཀྱིས་ཉིན་མཚན་དུས་དྲུག་ཀུན་ཏུ་འཆད་རྩོད་རྩོམ་གསུམ་གྱི་ལས་ལ་བྲེལ་ནས་མཚན་ཉིད་མདོ་དང་སྔགས་བླ་མེད་རྫོགས་པ་ཆེན་པོ་སོགས་གཡུང་དྲུང་བོན་གྱི་གཞུང་ཆེན་དག་ལ་ཐོས་བསམ་སློབ་གཉེར་བྱས་པའི་གྲུབ་འབྲས་བཟང་པོ་དག་ཉིན་འདི་དང་འབྲེལ་ཏེ་མཁྱེན་ལྡན་རྣམས་པའི་སྤྱན་སྔར་ཕུལ་བཞིན་པའོ།།

༄༅། །ཆིག་ལབ་རིང་མོ། མཛད་པ་པོ། དགེ་བཤེས་པོ་ཏོ་བ་རིན་ཆེན་གསལ། དུས་གསུམ་གྱི་བླ་མ་རྣམས་ལ་ཕྱག་འཚལ་ལོ། །ཁམས་གསུམ་འཁོར་བའི་སྡུག་བསྔལ་གི་རྒྱ་མཚོ་ཆེན་པོ་འདིར། དུས་ཐོག་མ་མེད་པ་ནས་འཁྱམས་པ་འདི་རང་སེམས་མ་རྟོགས་པས་ལན་ནས་འདུག །སེམས་མ་རྟོགས་པ་སྒྲིབ་པས་ལན། སྒྲིབ་པ་ཚོགས་བསོག་པ་མ་ཤེས་པས་ལན། ཚོགས་བསོག་མ་ཤེས་པ་དད་པ་མེད་པས་ལན། དད་པ་མེད་པ་འཆི་བ་མ་དྲན་པས་ལན་པ་ཡིན། ད་འཁོར་བའི་སྡུག་བསྔལ་གྱིས་འཇིགས་ནས་ཐར་པ་དང་ཐམས་ཅད་མཁྱེན་པ་ཐོབ་པར་འདོད་པས། རང་གི་སེམས་རྟོགས་དགོས། སེམས་རྟོགས་པར་བྱེད་པ་ལ་སྒྲིབ་པ་སྤོང་དགོས། སྒྲིབ་པ་སྤོང་བར་བྱེད་པ་ལ་ཚོགས་བསོག་དགོས། ཚོགས་བསོག་པ་ལ་དད་པ་དགོས། དད་པ་གཤའ་མ་དེ་འཆི་བ་རྗེས་སུ་མ་དྲན་ན་མི་སྐྱེ། འཆི་བ་གཤའ་མར་དྲན་ནས་ཆོས་མིན་ཅིས་ཀྱང་མི་ཕན་པ་འདུག་སྙམ་ཙམ་ན། འཇིག་རྟེན་གྱི་ཕུན་སུམ་ཚོགས་པ་ཅི་ལ་ཡང་བློ་མི་འཇུག་པ་ཞིག་འོང་བ་ཡིན་ཏེ། དེ་ཙ་ན་རྫས་དང་ཡོ་བྱད་ལ་ཆགས་པ་གཏིང་ནས་མེད། ཉེ་འབྲེལ་ལ་ཞེན་པ་གཤའ་མར་ལོག་ནས་སུའི་ཡང་ངོ་མི་བསྲུང་བ་ཞིག་འོང་བར་འདུག ། རྒས་ཁའི་འདུན་མ་མི་བྱེད། རྒས་རྒས་སུ་སྡོད་པའི་བློ་མེད་པས། རྒས་ཁར་སྐྱིད་སྡུག་དང་། མིའི་རྩིས་ཆེ་ཆུང་དང་། ལྟོ་གོས་ཕྱིད་མ་ཕྱིད་དང་། མིས་འཕྱ་མི་འཕྱ་དང་། སུ་ཇི་ལྟར་བྱེད་པ་གྱིས་སྙམ་པའི་ཚེ་འདིའི་སྟབས་ཀ་ལེགས་ཉེས་ཅི་ལ་ཡང་བློ་མི་འཇུག་པ་ཞིག་དགོས་པར་འདུག་སྙམ། ཚེ་འདི་ཇི་ལྟར་སོང་བ་སོང་སྙམ་ནས་ཚེ་འདི་ཁར་ཆེ་ལ་གཏོང་དགོས། མདའ་གཅིག་གིས་ཤ་བ་གཉིས་མི་སོད། ཁྱི་གཅིག་གིས་གླ་བ་གཉིས་མི་ཟིན། ཁབ་རྩེ་གཉིས་ཀྱིས་ཚེམ་བུ་མི་བཏུབ། རྐང་པ་ཡ་གཅིག་ཡར་ལ་བོར་ཡ་གཅིག་མར་ལ་བོར་བས་དོན་སར་མི་སླེབས། དེ་བཞིན་དུ་ཚེ་འདི་དང་ཕྱི་མ་གཉིས་མི་འགྲུབ་པས། དེ་ཡང་ཕྱི་མ་ཕན་ཆད་གལ་ཆེ་བས་ཆོས་གཤའ་མ་གཅིག་བྱ་དགོས་པར་འདུག་སྙམ། འཆི་བ་གཤའ་མ་ཞིག་དྲན་ན། དངོས་པོ་ཐམས་ཅད་ལ་གཅན་གཟན་གྱི་མདུན་དུ་རྩྭ་སྤུངས་པ་འདྲ་བ་ཞིག་འོང་བར་འདུག །འཁོར་བའི་སྡུག་བསྔལ་གྱིས་སྐྱུགས་གཤའ་མར་ལོག་ན། ཅིས་ཀྱང་དགོས་པ་མེད་སྙམ་པ་ཡང་ཡང་འབྱུང་། དེ་ཙ་ན་ཚེ་འདིའི་འདུན་མ་ལ་བློ་གཤའ་མར་ལོག་ནས། གཞན་དང་བསམ་པ་ཡེ་མི་མཐུན་པ་ཞིག་འོང་བར་འདུག་སྟེ། ཚེ་འདིའི་ཆེ་ཐབས་དང་བཟང་ཐབས་འབའ་ཞིག་བྱེད་པའི་མི་མཐོང་ཙ་ན། མི་འདི་ཀུན་གི་སྙིང་ལ་ཅི་དྲན་པ་ཡིན་སྙམ་པ་ལ་འོང་བར་འདུག ། རང་ལ་ཤ་ཚ་ནས་ཁྱོད་དེ་ལྟར་མ་བྱེད། རྒས་ཁར་ཉོན་མོངས་ཏེ་འགྲོ། ཀ་ཆ་བག་ཙམ་ཚགས་ཀྱིས་དགེ་སྦྱོར་གྱི་གྲོགས་ཡིན། རང་གཞུ་བཀང་ནས་རང་མདའ་བརྡེག་དགོས་པ་ཡིན་ཟེར་ནས། གྲོས་འདེབས་པ་མང་པོ་བྱུང་སྟེ། དེ་རྣམས་ལ་ཡང་ཁོང་འོར་ཆེ། ང་ལ་གྲོས་འདེབས་པ་དེ་བདེན། ཁོང་ང་ལ་ཤ་ཚ་བ་ཡིན་སྙམ་པ་མ་བྱུང་། སླར་རང་ལ་ཡི་མུག་ཞེ་ཁྲེལ་བ་བྱུང་སྟེ། འདི་ཀུན་གིས་ཆོས་མ་བསམ་པར་འདུག ། མི་འཆི་ན་ད་དེ་ཙུག་ཡིན་ཏེ། འཆི་ངེས་པར་འདུག །ནམ་འཆི་ཆ་མི་འདུག་པས་ཀ་ཆ་སོག་རིང་ལ་ཤི་ན་ཇི་ཙུག་བྱེད། ཤི་ནས་ཀྱང་མི་རང་དུ་སྐྱེ་ན་ད་ཡང་ཆོས་བྱས་པས་ཆོག་སྟེ། ཤི་ནས་གར་སྐྱེ་དང་གར་འགྲོ་ཆ་མི་འདུག་པས། ཆོས་ནི་མར་ལ་ནི་འཆི་ངེས་པས་ཆོས་བྱ་བ་ལ་ཐག་བཅད། ནམ་འཆི་ཆ་མེད་པས་ཆོས་ལ་ཕྱི་བཤོལ་མི་བྱ་བ་ལ་ཐག་བཅད། འཆི་བའི་དུས་སུ་ཅིས་ཀྱང་མི་སྟོངས་པས་ཅི་ལ་ཡང་མི་ཆགས་པ་ལ་ཐག་བཅད། གཞན་ཡང་མགྲོན་པོ་ཕ་ཡུལ་དུ་འགྲོ་བ་ལ་བུ། འདོད་པའི་ཡོན་ཏན་རྣམས་ལ་གསོད་སར་འཁྲིད་པའི་རྒྱན་ལྟ་བུ་དང་། གནད་དུ་མཚོན་ཕོག་པ་འདྲ་བ་ཞིག་དགོས་ཟེར་བ་དང་། གཅིག་པུ་ག་ཤེད་འགྲོ་དགོས་ན། །མཛའ་དང་མི་མཛའ་ཀུན་ཅི་རུང་། །ཞེས་བྱ་བ་ལ་སོགས་པ་གསུངས་ནས་འདུག་པ་མ་གོ་འམ་སྙམ་ནས་ཡི་མུག །སང་འཆི་ན་ཇི་ཙུག་བྱེད་སྙམ་ནས་ཁོང་ལ་སླར་སྙིང་རྗེ་སྐྱེ་བར་འདུག ། འོ་སྐོལ་ཆོས་པའི་དབང་དུ་བྱས་ན། ཆོས་དང་མི་མཐུན་པའི་མི་ལ། ཁྱོད་འདི་ཙུག་མ་བྱེད། ཆོས་ཀྱི་བྱ་བ་ལ་སོགས་པའི་གྲོས་འདེབས། ཆོས་དང་མཐུན་པ་རྣམས་ལ་ཡང་སེམས་ཅན་ཡོན་ཏན་གོང་མ་ལ་ཡང་སྦྱོར་དགོས་པ་ཡིན། གྲོས་འདེབས་པ་སྦྱིན་པ་བཏོང་བ་བས་ཚུལ་ཁྲིམས་བསྲུང་བ་དགའ། ཐོས་པ་བྱས་པ་བས་སྒོམ་པ་དགའ་བྱ་བ་ལ་སོགས་པ་ཡོན་ཏན་གོང་མ་ལ་སྦྱོར་དགོས་པ་ཡིན། དེ་སྐད་བྱས་པས་ཁ་ཅིག་ན་རེ། ཆོས་ནས་བཤད་པ་དེ་ད་ལྟ་སོ་སོ་སྐྱེ་བོའི་དུས་སུ་རྒྱུད་ལ་མི་སྐྱེ། ད་ལྟ་མོས་པ་སྤྱོད་པ་བྱ་བ་ཡིན་ཟེར་ཏེ། ད་ལྟ་རྒྱུད་ལ་མི་སྐྱེ་ན་ཚེ་ཕྱི་མ་ཁྱི་རུ་སྐྱེས་ཙ་ན་དེ་བས་ཀྱང་མི་སྐྱེ། བ་གླང་བོང་བུ་དུད་འགྲོ་ལ་སོགས་པ་མི་ཁོམ་པའི་གནས་བརྒྱད་དུ་སྐྱེས་ཙ་ན་དེ་བས་མི་སྐྱེ། ད་ལྟ་རང་ཡང་ཁམས་བག་ཙམ་རེ་མ་བདེ་ཙ་ན་ཡང་ཤེས་པ་བཀོལ་དུ་མི་ཉན་པར་འདུག་པ། ཆོས་བྱེད་པ་ད་ལྟ་བས་ལྷག་པ་མེད་དམ་བསམ། སློབ་དཔོན་གྲུབ་པ་ཐོབ་པ་དང་། ཕུན་སུམ་ཚོགས་པ་ནམ་ཡང་དཀའ། ད་ལྟ་སྨོན་ལམ་གྱི་སྟེང་དུ་ཕྱིན་པ་ཡིན། བདུད་བྱ་བ་ཁ་དོག་ནག་ལ་དབྱིབས་མ་ལེགས་པ་ལོགས་ན་མེད། རང་གི་བསམ་པ་བཟང་པོ་དང་། གྲོགས་བཟང་པོས་ཡོན་ཏན་གོང་མ་ལ་སྦྱོར་མི་ནུས་པ་དེ་ཡིན། ངས་ནི་སྙིང་ནས་ཆོས་བྱད་པ་ལ་འཆི་བ་དྲན་པ་ཁོ་ན་གནད་ཆེ་བར་གོ །འཆི་བ་མ་དྲན་ན་ཐོས་བསམ་སྒོམ་གསུམ་དང་། རི་ཁྲོད་དང་། འདག་མ་དང་། ལྡོམ་བུ་དང་། གཅིག་པུ་དང་། གདན་གཅིག་དང་། བྱ་དཀའ་བའི་དཀའ་ཐུབ་ཐམས་ཅད་ཀྱང་། ཚེ་འདིའི་བསོད་ནམས་ཅི་སྐྱེ་དང་། མི་རྩིས་ཅི་ཆེ་དང་། རྙེད་པ་དང་གྲགས་པ་ཅི་འོང་དང་། ཚེ་འདིའི་འདུན་མར་སོང་ནས་ཆོས་སུ་མི་འགྲོ་བར་འདུག །ཆུ་ཡུར་མགོར་མ་ཚུད་ན་ཡུར་ཞབས་སུ་མི་འབྱུང་བར་འདུག །མདའ་སྟོང་མེད་དེ་གཞུ་ཚར་ཆོད་པར་བཀང་ནས་འཕངས་ཀྱང་འགྲོར་མི་འདོད་པར་འདུག །དེ་བཞིན་དུ་འཆི་བ་མ་དྲན་པའི་ཆོས་དེ་ལམ་དུ་མི་འགྲོ་བར་འདུག །བར་སྐབས་འདི་ན་ཉམས་སུ་མྱོང་བ་ཞིག་རང་ཡོད། སྙིང་ནས་རང་དུ་འཆི་བ་གཤའ་མ་གཅིག་དྲན་ན་དེ་ནི་ཚེ་འདི་བློས་ཐོངས་པ་ཞིག་འོང་། ཆོས་ཀྱི་གཞི་མ་གཤའ་མ་གཅིག་དེར་གདོད་ཐེངས་པ་ཡིན། ལམ་སྣ་ཟིན་པ་ཡིན། ཆུ་ཡུར་མགོར་ཚུད་པ་ཡིན། ཡོན་ཏན་སྐྱེ་བ་ལ་ཚེགས་མེད། ནང་གི་ཉེར་ལེན་བཟང་པོ་ཞིག་ཡོད་པས། རྐྱེན་ངན་གྱིས་ཟོག་པར་མི་ནུས་པར་ཆོས་ཚུལ་བཞིན་དུ་བྱེད། ཆོས་ནས་ཇི་སྐད་བཤད་པ་བཞིན་དུ་བྱེད་པ་འོང་བ་ཡིན། ཚེ་འདི་ལ་བློ་མ་ལོག་ན། ཆོས་པོ་ཏི་བྱུང་བཤད་ཤེས། ཐེག་པ་ཆེན་པོ་གསང་སྔགས་ཀྱི་སྒོར་ཞུགས་ནས་གཉིས་མེད་ཟུང་འཇུག་ཏུ་སྒོམ་ཡང་། མི་སྐྱ་ཐ་མལ་པ་དང་ཁྱད་ཙམ་མེད། དེས་ན་ཇོ་བོ་ཆེན་པོ་རྗེ་ལྷ་གཅིག་གིས་ཀྱང་། སྡེ་སྣོད་མཐའ་དག་གི་དོན་གྱི་སྙིང་པོར་དྲིལ་བ་སྐྱེས་བུ་རབ་འབྲིང་གསུམ་དུ་གསུངས་པ་ཡིན། དེ་ཡང་ཚེ་འདི་ལ་བློ་ལོག་ནས། ཕྱི་མ་ངན་སོང་གི་སྡུག་བསྔལ་གྱིས་འཇིགས་པས་ཆོས་བྱེད་པ་དེ་སྐྱེས་བུ་ཆུང་ངུ་ཡིན་ཏེ། དེ་རྒྱུད་ལ་སྐྱེས་པའི་ཆོས་ལ་འཁྲིད་པ་ཙམ་ཡང་མི་འདུག །ཅི་སྟེ་ཞེ་ན། དགེ་བཤེས་གཅིག་ལ་སྐྱབས་འགྲོ་སེམས་བསྐྱེད་ལ་སོགས་པའི་ཆོས་འབྲེལ་ཞུས་ནས། ཕྱིས་དགེ་བཤེས་དེ་ལ་གུས་ནས་སློབ་དཔོན་མི་ཟེར་བར་འདུག །སློབ་དཔོན་བྱས་ན་མིས་འཕྱས་འོང་སྙམ་ནས་གསང་བར་གདའ། གཞན་ཞིག་གིས་དེ་ཁྱོད་ཀྱི་སློབ་དཔོན་མིན་ནམ་བྱས་ན། ངས་དེ་ལ་སྐྱབས་འགྲོ་སེམས་བསྐྱེད་ཅིག་ལས་མ་ཞུས་ཟེར། སྐྱབས་འགྲོ་སེམས་བསྐྱེད་ཆོས་ཐམས་ཅད་ཀྱི་རྩ་བ་ཡིན་ཏེ་མ་གོ་བ་ཡིན་པས་སྐྱོན་ཤིན་ཏུ་ཆེ། ངས་ནི་ཆོས་འབྲེལ་ཞུས་ཚད་ལ་ཚིག་རེ་ཙམ་ལ་ཡོན་ཏན་རེ་རྙེད་པས། དེ་རིན་གྱིས་ཉོ་ན་མི་རྙེད་སྙམ་པ་ཤ་སྟག་བྱུང་། དེས་ན་ཚེ་འདི་ལ་བློ་ལོག་པ་དེ་ཉུང་བར་འདུག །བྱང་ཆུབ་སེམས་དཔར་ཁས་ལེན་པ་མང་བར་འདུག་སྟེ། དེ་རང་ཡང་ཚེ་འདི་པར་སོང་ངམ་སྙམ། ང་ལ་ནི་དོ་ནུབ་ཤི་ན་ཇི་ཙུག་བྱེད་སྙམ་ནས་སང་ཕན་ཆད་ཀྱི་འདུན་མ་དྲན་པ་ཡང་མ་བྱུང་སྟེ། ཆོས་ཀྱི་གནད་ཐམས་ཅད་དེ་ནས་གོ །སྒོམ་རྒྱགས་ཀྱང་དེ་ཁོ་ན་ཆེ་བར་བྱུང་། གཞན་ལ་ཡང་དེ་ཙུག་ཡོད་དེ་འོང་སྙམ་ནས་ཁོང་ལ་བཤད་པས། ཁོང་ང་དང་བསམ་པ་མཐུན་པ་ཙམ་མ་བྱུང་། ཁོང་ཡང་ང་ལ་ཞེ་ཁྲེལ། ང་ཡང་ཁོང་ལ་ཡི་མུག །ལར་ནང་དུ་ཁུ་འཕྲིག་ཅིག་མ་ཚུད་ན་ཆོས་མང་པོ་ཤེས་ཀྱང་ཕན་མི་འདུག ། ད་ལྟ་ཚོགས་མ་རྫོགས་ཀྱིས་དོགས་པ་ལ། ཁྱོད་ཀྱི་དེ་ཡང་ཅུང་དྲགས་པ་ཡིན་ཟེར་ནས་འགྱོད་འདེབས་པར་འདུག་སྟེ། དེ་ནི་གཞན་འགྱོད་པའི་གནས་མ་ཡིན་པ་ལ་འགྱོད་པ་བསྐྱེད་པ་ནག་པོའི་ཆོས་གཅིག་མ་ཡིན་ནམ། གཞན་གྱིས་དགེ་བ་བྱས་པ་ལ་རྗེས་སུ་ཡི་རང་བ་བྱས་ན། དགེ་བ་ཕྱེད་ཐོབ་པར་མདོ་ནས་གསུངས་འདུག་པ་དེ་མ་གོ་འམ། དེ་སྐད་བྱས་པས་ཁོང་ལ་ལ་ན་རེ། ཁྱོད་ལ་ཉེས་པ་སློབ་པ་མིན། ཤ་ཚ་ནས་གྲོས་འདེབས་པ་ཡིན་ཟེར་ཏེ། ཤ་ཚ་བའི་ཁ་ནས་སྙིང་གཏམ་དེ་འདྲ་བ་འབྱུང་བ་ཡི་མུག་པ་ཡིན། ཁོང་རང་ལ་བསམ་པ་དེ་ལས་མེད་པའི་རྟགས་ཡིན། དེ་ལ་ངོ་མཚར་དུ་དྲན་པ་ཡིན། དོན་ལ་འཁོར་བ་ནས་ཅི་མི་ཐར་དུ་གྱིས་ཟེར་བ་འདུག་པས། ཤ་ཚ་བ་ཡིན་ཡང་དེ་ལ་མི་ཉན། སྒོམ་ཆེན་བཟང་པོ་ཡིན་ཟེར་བ་དང་། ཆོས་མང་པོ་ཤེས་པའི་མཁས་བཙུན་ཡིན་ཟེར་བ་ལ་ལ་ལ་ཆོས་འབྲེལ་ཞུས། ལ་ལ་དང་ལོ་རྒྱུས་བྱས་པས་བསམ་པ་མཐུན་པ་ཙམ་མ་བྱུང་ནས་གླེང་ལངས་ཤ་ཕེབས་པ་ཙམ་གཏོང་སྙིང་མ་འདོད་ནས། ངག་འཁྱལ་ཅི་དགའ་དགའ་བཤད་བཏང་། ཆོས་པ་བཟང་པོ་ཡིན་ཟེར་བ་ཚོ་ཡང་སྔོན་ལ་ཚེ་འདིའི་ལྟོ་རྒྱབ་གཞན་ལ་རག་མ་ལས་པ་ཞིག་བསགས་ལ། ཚེ་འདི་ལ་ལྟོ་མི་ལ་མི་ཟ་བར་བྱས་ལ། དེ་ནས་ཡུལ་བཟང་པོ་གཅིག་ཏུ་སྡིག་བསོག་མེད་པའི་དགོན་པ་གཅིག་ཏུ་བསྡད་ལ། དགེ་སྦྱོར་གཏུབ་ཚད་བྱ་སྙམ་པ་ལས། ཚེ་འདི་ཅི་ཙུག་སོང་བ་སོང་སྙམ་པའི་ཆོས་པ་རེ་རེ་ཙམ་ལས་མི་འདུག ། ངས་བསམ་པ་ལ། སྤང་བྱ་འཁོར་བའི་སྡུག་བསྔལ་ཙམ་ལ་འབྲོས་དགོས། འབྲས་བུ་རྫོགས་པའི་སངས་རྒྱས་སྒྲུབ་པ་ལ་ཚོགས་དཔག་ཏུ་མེད་པ་བསོག་དགོས། བསོད་ནམས་གང་ཆེ་ཟེར་བ་ལ་ལག་ལེན་བྱེད་དགོས་པར་འདུག་སྙམ། ཚོང་གཅིག་བྱེད་པའི་དུས་སུ་ཡང་སྣམ་བུ་གཅིག་ལ་དཔེས་མཚོན་ན། བྲེ་བཞི་ལྔ་ཙམ་གྱིས་ཁོང་རྒྱལ་དུ་བཅུག་ནས། མ་ཚོར་བ་བཞིན་དུ་བྱས་ན་བསོད་ནམས་ཆེན་པོ་འོང་སྙམ་པ་ལ། དེ་སྐད་བྱས་པས་ཁ་ཅིག་ན་རེ། ཚོང་ཕམ་དྲིན་མེད་བྱ་བ་ཡིན་ཟེར། དེ་བས་བྱིན་པ་དགའ་ཟེར། ཆོས་པ་བྱ་བ་དྲིན་ལན་དངོས་སུ་མི་འདོད་ཅིང་། ཕ་དང་མ་ལྟར་རང་རྒྱལ་བ་བས་སེམས་ཅན་གཞན་རྒྱལ་བ་ལ་དགའ་སེམས་སྐྱེ་བ་ཞིག་དགོས། དེ་ལྟར་མ་སོང་ན་སངས་རྒྱ་བའི་ཐབས་མེད། ཚད་མེད་བཞི་བསྒོམས་ཀྱང་རྒྱབ་བསྣོལ་ཡིན། སངས་རྒྱས་འཐོབ་པར་བྱེད་པ་ལ་སེམས་ཅན་ལ་ཕན་པར་འགྱུར་ན་ལོངས་སྤྱོད་ལྟ་ཅི་སྨོས། ལུས་དང་སྲོག་ཀྱང་གཏོང་ནུས་དགོས་ལ། ཚོང་ཁལ་རེ་ཙམ་ཕམ་པ་ལ་གཉིད་ཞག་འགའ་རེར་ཡལ་འགྲོ་བའི་ཆོས་པ་དེས། གཞན་ལ་ད་ཕན་པར་ག་ལ་ནུས་ན་རང་ལ་ཡང་ཤིན་ཏུ་གནོད་པར་འོང་སྟེ། དཔེར་ན་ཡུལ་གྲུ་གཅིག་གི་སྐྱ་བཙུན་ལ། ཚ་བ་ནང་མ་གཅིག་དྲངས་པ་ལ་གཞན་གྱིས་ཀྱང་ཁོང་གིས་དགེ་བ་སྒྲུབ་ཟེར། རང་ཡང་དགེ་བ་བྱས་སོ་སྙམ་ནས། ཡུལ་དང་དགོན་པ་འདུས་ཆེ་བ་རེར་བསྡད། ཟོང་ཡོད་དུས་ཉོས་ཤིང་། དཀོན་དུས་སུ་འཚོང་བར་བྱེད། དེ་ཡང་མིས་དཔྱད་པ་དང་། བྲེ་ཚད་སྲང་ཚད། སྤྱི་ཚད་ལ་མི་བྱེད་པར་རང་རེའི་ཞེ་འདོད་ཁོ་ན་མ་གྲུབ་བར་དུ་སྒྲུབ་ནས། གཞན་དབང་མེད་དུ་གཏུགས་ཀྱིས་སེམས་མི་དགའ་བ་རེ་ལ་ཐུགས་ཀྱིས་མ་ཐོངས་བར་དུ་གཏོང་བར་འདུག །དེ་ཡང་མི་གཅིག་དང་གཉིས་ནི་མིན། ཕྱོགས་བཅུའི་མགྲོན་པོ། ཉིན་གཅིག་ཟླ་གཅིག་ལོ་གཅིག་ནི་མིན། ཚེ་ཧྲིལ་གྱིས་བྱེད་པར་འདུག་སྟེ། མདོར་ན་དགེ་བ་ནང་མ་རེ་བྱས་པ་ལ་བློ་བདེ་མོར་བྱེད། སྡིག་པ་ཚེ་ཧྲུལ་གྱིས་བསགས་པ་ལ་བློ་མི་བདེ་བ་སྐད་ཅིག་མི་འོང་བ་འདི་དག་ལ་ཅི་འདྲ་བའི་སེམས་གཅིག་ཡོད་ན། ཅི་འདྲ་བའི་གདེངས་ཤིག་ཡོད་ན་བསམ། འདི་དག་ལ་བདག་འཛིན་འདོད་པའི་དབང་དུ་སོང་ལུགས་འདིས་སྡིག་པ་རང་བཞིན་མེད་པར་གྲོལ་བ་ལྟ་ཅི་སྨོས། སྡིག་པ་ལ་རྣམ་སྨིན་ཚེ་ཕྱི་མ་ལ་ངན་སོང་གསུམ་དུ་སྐྱེ་བ་ཡང་དང་པོར་མ་ཐོས། ཐོས་ཀྱང་མ་བསམས། དེ་བས་ཚེ་འདི་ལ་ཡང་། གཏམ་ངན་དང་ཕྱི་མའི་སྡུག་བསྔལ་ལ་མ་འཛེམས་པར་ནོར་དུ་མ་ཞིག་ཡོང་ཡོང་འདྲ་ན། ལུས་སྲོག་ཆོས་ཐམས་ཅད་ཐེད་ལ་བོར་ནུས་པ་འདི་རྣམས་སྙིང་རྗེ་བའི་ཡུལ། སྡུག་བསྔལ་གྱི་རྒྱུ་ལ་གནས་པ་བྱ་བ་མཐར་ཐུག་པ་དེ་ཡིན་པར་འདུག ། ད་ལྟའི་སྡེ་དགོན་ཁ་ཅིག་ཏུ་ཕྱིན་ནས། ཁྱེད་ཀྱི་འདི་ན་གང་ཟག་བཟང་པོ་ཇི་ཙམ་ཡོད་བྱས་པས། འགའ་རེ་ཡོད་ཟེར། ཇི་ལྟ་བུ་ཡོད་བྱས་པས། མཁས་པ། བཙུན་པ། བཟང་བ། ཡོན་ཏན་དང་ལྡན་པ། རྟོགས་པ་དང་ལྡན་པ། གཞན་ལ་ཕན་རྒྱ་ཆེན་པོ་ཐོགས་པ་ཡོད་མི་ཟེར། འོ་ན་ཅི་ཟེར་བྱས་པས། གསེར་གཡུ་དང་། ར་ཕྱུགས་དང་། ཞིང་གཞིས་དང་། འཁོར་གཡོག་དང་། ལོངས་སྤྱོད་འདི་ཙམ་འཛིན་པའི་གང་ཟག །སྡེ་དགོན་འདིའི་སྲོག་ཤིང་བྱེད་པ། འདི་སྐད་བྱ་བ་དང་། འདི་སྐད་བྱ་བ་ལ་སོགས་པ་བཟང་པོ་ཡོད་ཟེར་ཏེ། དེ་བའི་བཟང་ལུགས་དེ་ནོར་ཆེ་བ་ལ་བྱེད་ལུགས་ཀྱིས། འདོད་པ་ཅན་ཚེ་འདི་པར་འོང་། ནོར་ཆེ་བ་དེ་ཕལ་ཆེར་སྡིག་སྡུག་གཏམ་ངན་ལ་མི་འཛེམས་པའི་རྟགས་ཡིན་པས། ཆོས་རང་བྱེད་པའི་སྡོད་ས་རང་དེར་མི་འོང་། དེ་དང་མཚོ་འཁྱགས་པ་དང་བྱ་ལྟ་བུར་སོང་བ་ཡིན་སྙམ། ལར་རང་འདོད་ཡོན་ལྔ་པོ་འདི་དག་ལ་ཞེན་ཅིང་ཆགས་པ་འདིས། གཏན་སྡུག་ལ་གཏུགས་པས། གཞན་ལ་ཕན་ཅུང་ཟད་རེ་བྱས་ཀྱང་། དེའི་འབྲས་བུ་རང་གི་རྩར་ཚེ་འདི་ལ་སླེབ་དགོས་པ་འདི་དག་གྲུབ་མཐས་བློ་སྣ་ཡེ་མ་སྒྱུར་བ་ཀུན་དང་ཁྱད་པར་མེད། དེས་ན་ཆོས་བྱེད་འདོད་པ་ཀུན་གྱིས་སེམས་ཅན་གཞན་ལ་ཕན་བཏགས་པ་ལ་ངོ་དང་དྲིན་འདོད་པ་མི་བྱེད་པ་ཡིན་ཏེ། ངོ་ལ་བྱིན་ན་བཟང་ལན་བྱ་དགོས་སྙམ་ནས་ཁོང་ལ་སེམས་ཁྲལ་གཅིག་ཀྱང་འོང་བ་ཡིན། དེ་ལ་ལན་མ་བྱུང་ན་རང་རེ་ཡང་ཁོང་ཁྲོ་སྐྱེ་སྲིད། ཁོང་ཡང་ངོ་དམའ་བའམ་འཁོས་ཀ་ཞན་ཅིང་ངན་པར་འགྱུར། ཆོས་བྱེད་འདོད་པ་ཀུན་ཚེ་འདིའི་ལྟོས་བཅས་ཀྱི་ཟས་ཆོས་པ་ཡ་བོ་ལ་ཡང་མི་སྦྱིན། རང་ལ་གཞན་གྱིས་བྱིན་ཡང་མི་ཟ། མཐར་ཟ་རེས་སུ་སོང་ནས་ཆོས་ཕྱིས་ཀྱིས་འཆོར་བའི་རྒྱུ་ཡིན། ཡང་ཆོས་པ་ཀུན་བློ་ཆོས་ལ་མ་ཁེལ་བར་རྒས་ཁར་སྡུག་དོགས་ནས་ནོར་བསོག །མིའི་སེམས་འཛིན། བུབ་བརྟེན་རེ་ཅི་ནས་འཚོལ་བ་དེ་ཆོས་ལ་ངེས་ཤེས་མ་སྐྱེས་པས་ལན་པ་ཡིན། ཆོས་ལ་ཡིད་ཆེས་སྐྱེས་ན། བུབ་བརྟེན་ཆོས་ལས་བཟང་བ་མེད། ཆོས་རང་ཚུལ་བཞིན་དུ་བྱས་ན་རྒས་ཁར་སྡུག་དོགས་མེད། ལར་གྱིས་རྒས་རྒས་སུ་སྡོད་པའི་གདེང་ཡོད་པ་འདྲ་བ་ཞིག །དེ་དུས་ཕན་ཐོགས་ཐོགས་འདྲ་བའི་འདུན་མ་བྱེད་པ་འདི་དག་དང་བསྟུན་ན། ཕྱི་མ་ལ་འཁོར་བའི་སྡུག་བསྔལ་འདི་རྣམས་ངེས་པ་ཁོ་ནར་མྱོང་བར་འགྱུར་བ་ལ། འདི་རྣམས་ལ་གྲབས་སམ། བུབ་བར་རྟེན་ནམ། ཚེ་ཕྱི་མའི་འདུན་མ་ལ་ཕན་པ་རེ་ཅིས་ཀྱང་ཚགས་སུ་འཛུད་ཐང་བ་ལ། ཚེ་འདིའི་རྒས་པ་དེ་རང་རེ་ཁོ་ན་ལ་འོང་བ་ཡིན་ལ། ཕྱི་མའི་སྡུག་བསྔལ་སྡང་བའི་དགྲ་ལ་འོང་བ་ཡིན་པ་འདྲ་བ་ཤ་སྟག་བྱེད་པ་འདི་རྣམས་ཆོས་པ་ཀུན་གྱིས་ཀྱང་ཆོས་མ་བསམས་པ་ཡིན། ཆོས་མ་བསམས་པས་རང་གཞན་ཐམས་ཅད་དོན་མེད་ཀྱི་སྡུག་བསྔལ་འབའ་ཞིག་ལ་སྦྱར། ད་དུང་དེ་བཞིན་དུ་འགྱུར་ཏེ་བསམས་ན་སུས་བཟོད་དམ་སྙམ། ཁ་ཅིག་ཆོས་བྱེད་པ་ལ་རྒྱགས་མེད་ཟེར་ཆོས་མི་བྱེད་ལ། སྡིག་པ་བྱེད་པ་ལ་སྡིག་རྒྱགས་རྙེད་ནས་ངང་གིས་འཇུག་སྟེ། འདི་དག་ཀྱང་སྡེ་དགོན་གྱི་བཙུན་པ་ཕྱུག་པོ་འཆི་བ་དང་། འཁོར་བའི་སྡུག་བསྔལ་ཡེ་མ་བསམས་པ་ཁྱེད་དྲགས་ཅན་རྣམས་ཀྱིས་ལན་པ་འདྲ། འདི་རྣམས་ཁྱིམ་ཆུང་སྤངས་པའི་ཁྱིམ་ཆེན་འཛིན་པ་བྱ་བ་ཡིན། བྱས་པ་ཆོས་བྱས་ནས་བདག་འཛིན་ཁྱིམ་པ་བས་དམ་པ་འདི། འཁོར་བར་འཁྱམས་པའི་རྟགས་ཡིན་ཏེ་མ་གོ །ཆོས་བྱེད་པ་ལ་ཆོས་རྒྱགས་མི་རྙེད་པ་དེ་ཡང་ཆོས་ལ་ཡིད་མ་ཆེས་པས་ལན་པ་ཡིན། ཆོས་བྱས་པས་སྡུག་བསྔལ་གྱིས་དོགས། སྡིག་པ་བྱས་པས་སྐྱིད་དུ་རེ་ནས། ལག་ཐོབ་ཅུང་ཟད་རེ་འོང་ན་སྙིང་ལ་དྲན་ཚད་བྱེད། དགེ་བཤེས་ཀུན་གཞན་ལ་ཡོན་བཤད་བྱེད་ཙ་ན། ལོངས་སྤྱོད་སྙིང་པོ་མེད་པ་ཡིན་ཟེར་ནས་བདེན་བདེན་སྐད་ཟེར་ཏེ། རང་རེ་བློ་ཕུགས་ནོར་ལ་གཏད་པ་འདི་ཡི་མུག །རང་རེ་ཆོས་དང་ལག་ལེན་འཛོལ་བར་བྱས་ནས་གཞན་ཉན་དུ་གང་ན་འདོད། རང་ཟང་ཟིང་དོན་དུ་གཉེར་བའི་རྟགས་སུ་གཞན་ལ་ཡང་བསོད་སྙོམས་གྱིས་ཟེར། ཚོང་གྱིས་ལ་ཀ་ཅ་བསོག །བག་ཙམ་རེ་མེད་ན་བླ་མས་ཀྱང་ཐུགས་ལ་མི་འདོགས་ལ། གྲོགས་པོ་རྣམས་ཀུན་ཀྱང་སྡང་བ་ཡིན་ཟེར་ནས་ཁ་ཆོས་ལོག་པར་འཇུག་པར་འདུག་སྟེ། དེ་རང་གིས་གཏམ་དྲོད་བསྐྱལ་བ་ཡིན། བསམ་པ་དང་སྦྱོར་བ་གཉིས་སུ་འགྲོ་ལྡོག་ངེས་པས། བསམ་པ་ཚེ་འདིའི་བསམ་པ་ཡོད་པས་རྟགས་སུ་ཡང་སྦྱོར་བ་ཚེ་འདིའི་འདུན་མ་བྱེད། བསམ་པ་ངེས་འབྱུང་ཡོད་པ་དང་། བྱང་ཆུབ་སེམས་དཔའ་ཡང་འཁོར་བ་ནས་ཅི་ཐར་དང་གཞན་དོན་དུ་ཅི་འགྱུར་བྱེད་པ་སྟེ། ལག་ལེན་ཡང་དེ་བཞིན་དུ་བྱེད་པ་ཡིན། ཆོས་ནས་ཇི་སྐད་བཤད་པ་བཞིན་རང་གིས་བྱེད་དགོས་པ་ཡིན། རང་གིས་ཇི་ལྟར་བྱས་པ་བཞིན་བཤད་དགོས་པ་ཡིན། རང་ཆོས་བཞིན་དུ་མི་བྱེད་པར་མི་ལ་བཤད་ཀྱང་མཛེ་ཕོའི་བྱ་ཁྱུང་གི་སྒྲུབ་ཐབས་སུ་འགོ་བ་བཞིན་དུ་ཉན་མཁན་མི་འོང་།

ཉེ་ཆར། 《སངས་རྒྱས་གཡུང་དྲུང་བོན་གྱི་བཀའ་འགྱུར་ཆེན་མོའི་དཀར་ཆག》ཅེས་པ་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།《སངས་རྒྱས་གཡུང་དྲུང་བོན་གྱི་བཀའ་འགྱུར་ཆེན་མོའི》དཀར་ཆག་ཡིད་བཞིན་ནོར་བུའི་དོ་ཤལ་ཞེས་བྱ་བ་འཆད་པ་ལ་བཀྲ་ཤིས་རྟགས་བརྒྱད་གྲངས་དང་མཚུངས་པའི་སྒོ་ནས་སྡེ་ཚན་བརྒྱད་བསྟན་ཏེ། སྡེ་ཚན་དང་པོ། སྟོན་པ་གཤེན་རབ་ཀྱིས་གསུངས་པའི་མདོ་སྔགས་རྫོགས་གསུམ་གྱི་གསུང་རབ་བྱུང་ཚུལ་མདོ་ཙམ་གླེང་བ། སྡེ་ཚན་གཉིས་པ། རྒྱལ་བའི་བཀའ་དང་བཀའ་བརྟེན་གྱི་རྣམ་བཞག་མདོ་ཙམ་བསྟན་པ། སྡེ་ཚན་གསུམ་པ། རྒྱལ་བའི་བཀའ་རིན་པོ་ཆེ་བཀའ་མ་དང་། སྙན་རྒྱུད། གཏེར་མའི་སྐོར་བསྟན་པ། སྡེ་ཚན་བཞི་པ། རྒྱལ་བའི་བཀའ་འགྱུར་གླེགས་བམ་དང་། བྲིས་མ། པར་མ། རྡོ་རྐོས། སྒྲ་སྒམ་བཅས་བྱུང་བ་བསྟན་པ། སྡེ་ཚན་ལྔ་པ། རྒྱལ་བའི་བཀའ་འགྱུར་གྱི་དཀར་ཆག་བྱུང་རིམ་སྐོར་བསྟན་པ། སྡེ་ཚན་དྲུག་པ། ཀྲུང་ཧྭའི་བཀའ་བསྟན་ཆེན་མོ་ལས《སངས་རྒྱས་གཡུང་དྲུང་བོན་གྱི་བཀའ་འགྱུར་ཆེན་མོ》༼པོད༡-༡༠༨༽ཀྱི་དཀར་ཆག་རྒྱས་པར་བསྟན་པ། སྡེ་ཚན་བདུན་པ། རྒྱལ་བའི་གསུང་རབ་དག་བཞེངས་བྱས་པའི་དགེ་བའི་ཕན་ཡོན་སྐོར་བཤད་པ། སྡེ་ཚན་བརྒྱད་པ། རྒྱལ་བའི་བཀའ་རིན་པོ་ཆེ་དཔར་སྐྲུན་ཞུས་པའི་དགེ་བ་འགྲོ་བ་ཡོངས་ལ་བསྔོ་སྨོན་སྐོར་བསྟན་པའོ།།

སྔ་དུམ།དགེ་ལེགས་ཚོགས་གཉིས་ཉིན་བྱེད་འབུམ་སྤྲོས་ཏེ། །ས་གསུམ་ཀུན་དགའི་དཔལ་སྟེར་ཡོན་ཏན་བརྗིད། །འཕྲིན་ལས་མཚར་སྡུག་མེ་ཏོག་འཛུམ་གྲོལ་བའི། །འདྲེན་པ་འགྲོ་བའི་མགོན་དེར་ཕྱག་བགྱིད་དོ། །རིགས་བརྒྱ་རིགས་གཅིག་འདུས་པའི་རང་བཞིན་དང་། །རབ་འབྱམས་ཞི་ཁྲོ་ཀུན་གྱི་ཡེ་ཤེས་དཔྱིད། །གསང་གསུམ་རྒྱལ་ཀུན་སྙིང་གི་ཐིག་ལེ་སྟེ། །སྙིང་རྗེའི་ལྷ་མཆོག་པད་དཀར་འཛིན་ལ་འདུད། །ང༷ག་ལ་དབ༷ང་འབྱོར་བརྟན་པའི་འཁོར་ལོ་ཡིས། ། རྗེས་ཆགས་བརྩེ་བས་རིང་ནས་སྐྱོང་བའི་སྲས། །ཕུ༷ན་ཚོག༷ས་ཡོན་ཏན་ཀུན་གྱི་གཏེར་མཛོད་མཆོག །རྗེ་བཙུན་བླ་མ་སྤྱི་གཙུག་རྒྱན་དུ་བཀོད། ། འདི་ན་བསྟན་པའི་ངང་ཚུལ་མི་ཤེས་ཤིང་། །ལམ་ལོག་སྲིད་པའི་དོང་དུ་འཕྱན་པ་དག །ཐ་མལ་བྱིས་པའི་སྣང་བ་བསྒྱུར་སླད་དུ། །རྟོགས་བརྗོད་མེ་ཏོག་འདི་བས་ཕན་སྙམ་སྟེ། །ཆོས་དབྱིངས་སྟོང་བའི་ངང་ནས་མ་གཡོས་ཀྱང་། །ཀུན་རྫོབ་སྒྱུ་མའི་སྣ་ཚོགས་ཐབས་མཁས་ཀྱིས། །གཅིག་ཏུ་མ་ངེས་འགྲོ་བ་འདྲེན་པའི་བུ། །གང་དེའི་རྣམ་པར་ཐར་བ་མདོ་ཙམ་གླེང་། །རྣམ་ཐར་ཕལ་ཆེར་ལྷ་སྒྲུང་ལྟ་བུར་གྱུར། །རྟོགས་བརྗོད་མཐའ་དག་ཚིག་རྒྱན་ཁོ་ནས་སྤུད། །འདི་ན་མ་བཅོས་གཤིས་ཀྱིས་འཛུམ་པའི་དཔལ། །བརྗོད་བདེ་ཚིག་གི་ཕྲེང་བ་བསྟར་ལ་བརྒྱུས། །ཐོས་བསམ་སྒོམ་པའི་ཡོན་ཏན་གནད་དུ་བཟུང་། །བཤད་སྒྲུབ་བསྟན་པའི་ལག་རྗེས་ཤུགས་ཀྱིས་གཏོན། །རིགས་རུས་ཆོ་འབྲང་བྱུང་བ་ཟུར་ཙམ་སྤྲོས། །བསྟན་བཅོས་ཆེན་མོ་འདི་ཡི་སྤྱི་སྡོམ་ལགས། །མདོ་ཁམས་སྨད་ཀྱི་ཆར་གཏོགས་རྒྱལ་ཐང་རྫོང་། །དགེ་བཅུའི་དཔལ་གྱིས་མངོན་པར་མཐོ་བའི་གནས། །རོང་ཡུལ་ནགས་སྟེང་ཞེས་སུ་གྲགས་དཀར་གྱིས། །ས་གསུམ་ཁྱབ་པའི་ཞིང་དེར་ལང་ཚོ་བཞད། ། རང་བཞིན་གཤིས་དྲང་ཡ་རབས་ཆོས་ཀྱིས་འཚོ། །ངང་རྒྱུད་ཕྱི་ཐག་དྲ་བས་ཡོངས་འཁྱུད་པ། །ནམ་མཁའ་སྒྲོལ་མའི་མངལ་གྱི་སྤྲིན་དཀར་དབུས། །རྒྱལ་སྲས་ཟླ་བ་དེ་ཡིས་མཛེས་པར་བྱས། །བྱིས་པའི་དུས་ནས་འཇིག་རྟེན་ཡུལ་ལས་འདས། །བསམ་གཏན་མངོན་ཤེས་ཡོན་ཏན་དུ་མས་ཕྱུག །སྐྱེ་བོ་ཀུན་གྱིས་དགའ་བའི་རྣམ་འགྱུར་གྱིས། །ཡོངས་སུ་བཟུང་བའི་རྣམ་ཐར་བསྔགས་པར་འོས། །དུས་གསུམ་རྒྱལ་བ་ཀུན་གྱི་མཁྱེན་རབ་གཟི། །གཅིག་ཏུ་བསྡུས་པ་བརྟན་པའི་འཁོར་ལོ་མཆོག །ཚེ་རབས་གཞན་དུ་མཆོད་ཅིང་བསྟེན་པའི་མཐུས། །ཡོན་ཏན་གཙུག་ལག་མ་ལུས་ཐུགས་སུ་ཆུད། ། གོམས་ཟིན་འབད་རྩོལ་བསྐྱར་མར་མི་ལྟོས་པ། །གསལ་རིག་ཤེས་པའི་ཁྱད་ཆོས་ལོས་ཀྱང་སྟེ། ། རིང་ནས་ཡོན་ཏན་གནས་ལ་བསླབ་པ་ཡིས། །ཆོས་ཀུན་བློ་ཡིས་གཞལ་བར་དཀའ་བས་སྟོང་། །མ་དག་འཁོར་བའི་གནས་ལ་ཡིད་ཕྱུང་སྟེ། །འཁོར་འདས་མཉམ་པར་བརྡལ་བའི་གཞོན་ནུ་དེ། །གུར་ཀུམ་གོས་ཀྱིས་ཀུན་ནས་སྤུད་པ་ན། །སྡོམ་བརྩོན་དྲི་ཡིས་ཁོར་ཡུག་འགེངས་བར་བྱས། ། སྤང་ལུང་གོང་མའི་མདུན་དུ་སྐྲ་ཕུད་ཕུལ། །རྒྱལ་ཐང་སུམ་རྩེན་གླིང་གི་ཆོས་གྲྭར་ཞུགས། །ཆོས་མིང་ངག་དབང་མཚན་ཅན་ཞུ་བ་དེ། ། བདེ་བར་གཤེགས་པའི་ལམ་དུ་གཤེགས་པར་མཛད། །བསམ་གཏན་ཞི་བས་ཐུགས་ཀྱི་བརྟན་པ་འཕྲོག །དམ་པའི་གསུང་གིས་ཚེ་འདིའི་སྣང་ཤས་ལྡོག །བཟང་བོའི་ཡོན་ཏན་ཚོགས་ཀྱིས་མི་བཏང་བའི། །དགའ་དད་ཤིང་བལ་བཞིན་དུ་ལྡང་ཞིང་གཡོ། ། ཡིད་འོང་ལྷག་བསམ་དཀྱིལ་འཁོར་ཉ་གང་བའི། ། བརྩེ་བའི་ཡབ་ཀྱི་དགྱེས་འཛུམ་ཟླ་བ་དེ། །གློ་བུར་མི་རྟག་འཆི་བའི་སྒྲ་གཅན་གྱིས། །འཆེ་བར་བཙུད་པས་མྱ་ངན་མུན་པ་འཐིབས། ། སྐྱིད་སྡུག་རེས་ཀྱིས་འཁོར་བའི་འཇིག་རྟེན་དང་། །སྐྱེ་འཆིའི་ཟོ་ཆུན་རྒྱུད་མོའི་ངང་ཚུལ་ལ། །གློ་བུར་བྲེད་ཤ་ཐོན་པའི་ངུ་ཤོམ་ནི། །འཕགས་པ་རྣམས་ཀྱི་མཛད་སྤྱོད་ག་ལ་འོས། །དེ་ལྟར་འཚོ་བའི་ཀ་ཆེན་འགྱེལ་ཡང་རུང་། །ཤ་ཟད་རུས་པའི་ལྷུ་ལག་འཐོར་ཡང་བླ། ། ནང་མིའི་བདེ་སྡུག་ཁུར་དུ་བསྣམས་པ་ཡི། །འགན་ཁུར་གསེར་གྱི་རི་བོ་ཕྲག་ཏུ་བཞེས། ། ཡ་མཚན་བསྐལ་བ་སྔོན་མའི་གོང་རོལ་དུ། །སྐྱེས་མཆོག་བཞད་པའི་རྡོ་རྗེ་གཤེགས་ཟིན་མོད། །དེང་འདིར་དེ་འདྲའི་རླབས་ཆེན་སེམས་དཔའ་ཞིག །ཅི་ཆ་འགྲོ་རྣམས་ཡིད་ནི་དཔྱང་ཐག་འཛིན། ། དམ་པ་རྣམས་ནི་ལུགས་གཉིས་གང་ལ་ཡང་། །ཐུགས་སྟོབས་བརྩོན་པ་ནམ་ཡང་ལྷོད་མིན་པས། །རང་གཞན་དོན་གཉིས་ལྷུན་གྱིས་འགྲུབ་པ་ཡང་། ། སྨྲས་པས་ཅི་འཚལ་དངོས་པོའི་གཤིས་ལུགས་ཉིད། །དེ་སྐབས་རྟེན་འབྱུང་ཚོགས་པ་མ་འགག་པར། །རྗེ་བཙུན་རྡོ་རྗེ་འཆང་གི་ཞལ་སྒོ་ནས། །སྔོན་མེད་ལམ་གྱི་གདམས་པ་བསྩལ་བའི་མོད། །འདོད་པའི་དཔལ་ལ་ཆགས་པ་བྲལ་བར་གྱུར། ། གང་དེའི་བཅོས་མིན་ངེས་འབྱུང་ཟླ་རིས་ནི། །མཚན་ལྡན་བླ་མ་དམ་པའི་ཐུགས་མཚོར་ཞུགས། ། དེ་ཡི་ཟབ་གསལ་དག་པའི་བཀའ་མཆིད་ཀྱིས། །ཡིད་ཀྱི་བརྟན་པ་རབ་ཏུ་འཕྲོགས་པར་གྱུར། ། རྒྱལ་སྲས་རྣམས་ཀྱི་ཐུགས་དམ་བཙན་པོ་ནི། །སྐྱེ་བོ་སུས་ཀྱང་ཟློག་པར་དཀའ་བ་སྟེ། ། རང་བྱུང་གཤིས་སུ་བབ་པའི་ཆུ་བོ་ནི། །སྒྱུ་ཐབས་གཞན་གྱིས་ཟློག་པར་ནུས་མ་ཡིན། ། དེ་ལྟར་རང་དོན་ཡལ་བར་མི་བལྟ་བར། །འདྲེན་མཆོག་བླ་མ་དམ་པའི་བཀའ་བཞིན་དུ། ། གཞན་ཕན་ལྷག་བསམ་ཀུན་ནས་རྫོགས་པ་ནི། །སྔོན་སྨོན་དུས་སུ་བབ་པའི་གཏན་ཚིགས་ངེས། ། འཁོས་ཞན་ཚུན་མིན་ལས་ལ་ཡིད་ཆགས་ཏེ། །འདི་སྣང་རྙེད་བཀུར་དོན་དུ་གཉེར་བ་ཡི། །གྱང་དམར་བྱང་ཆུབ་ཞང་པོ་རྣམ་གཉིས་སོགས། །ཐབས་མཁས་ཐུགས་རྗེས་ཡང་དག་དཀྲི་བར་མཛད། །འགྲོ་བའི་བདེ་སྡུག་ཟུར་ཕུད་ལ་བཅིངས་ཏེ། །ལུང་རྟོགས་བསྟན་པ་སྙིང་ལ་བརྣག་པ་ཡི། ། ཆོས་ཕྱིར་ལུས་སྲོག་འདོར་བའི་ཐུགས་སྟོབས་འདིས། །རྒྱལ་སྲས་བྱང་སེམས་གཞན་ལ་ནོངས་བ་སྦྱིན། །རིང་མིན་སྐུ་ཡི་ཁོ་ལག་རྫོགས་པའི་དུས། ། (དགུང་ལོ ༢༢སྐབས།)རྣམ་དག་ལས་སྨོན་དུས་སུ་སྨིན་གྱུར་ཏེ། །ཞབས་ཟུང་དབུས་ལ་བཏེགས་པའི་སྦྱོར་བ་ལས། །རེ་བའི་རྟེན་འབྲེལ་ཀུན་ནས་རྫོགས་པར་གྱུར། ། སྐྱེ་བོ་ཕལ་ཆེར་དལ་བའི་རྟེན་རྙེད་ཀྱང་། ། མི་ཁོམ་ཟང་ཟིང་བྱ་བས་བྲེལ་བ་འདི། །མཐོང་བར་གྱུར་ཚེ་མི་བཟོད་གཅོང་ནད་བཞིན། །ཐུན་གྱི་མནལ་ཡང་ཤིན་ཏུ་ཡང་བར་བྱས། ། བདེ་སྡུག་ཨ་ལོང་གཅིག་ཏུ་སྦྲེལ་བ་ལས། ། སྐད་ཅིག་ཙམ་ཡང་འབྲལ་བར་མི་བཟོད་པའི། །བརྩེ་བའི་ཕ་ཡུལ་བྱམས་པའི་ནང་མི་སོགས། །ཡོངས་སུ་བཏང་ནས་ཆོས་ཀྱི་གྲོང་དུ་གཤེགས། ། ལྟེ་ཁྲག་གང་དུ་འཕོས་པའི་གནས་ཡུལ་དང་། །དྲོད་འཇམ་བརྩེ་བ་སྟེར་བའི་ཡུམ་ཆེན་སོགས། །ཆོས་ལ་གེགས་བྱེད་བདུད་ཀྱི་གཡབ་མོ་རུ། །གཟིགས་པའི་བློ་རྒྱ་ཀུན་ལ་ཡོད་པ་མིན། །དེའི་ཚེ་བདག་ཏུ་ལྟ་བས་དམ་བཅིངས་པ། །ཉེས་བརྒྱའི་ཁྱིམ་ན་གནས་པའི་ཉེ་དུ་ཀུན། །མཉེས་གཤིན་བརྩེ་བའི་ངག་གི་ཕྲེང་བ་ལས། །གདུང་བའི་ངུ་ཤོམ་དྲག་པོས་རྣ་བ་འགས། །ངལ་དུབ་གོམ་པའི་འདེགས་འཇོག་འཆོལ་ན་ཡང་། །བཀྲེས་ལྟོགས་གདུང་བའི་རབ་ཏུ་མནར་ན་ཡང་། །འཕྲལ་ཡུན་གཏན་བདེའི་ཕྱིར་དུ་ཞབས་ཟུང་ནི། །"སྐྱེ་བོའི་རྒྱུན་ལམ་ངོས་ལ་དྲག་ཏུ་བསྒྱུར། །"གར་བཞུགས་མ་ངེས་གང་འབྱོན་མི་ཤེས་པའི། །དབུལ་མོའི་ཚུལ་བཟུང་ཆོས་ལ་གཞོལ་བ་དེས། །ཉེར་མཁོའི་ཞལ་ཏ་གནང་བའི་གདམས་པ་ནི། །གང་ལ་བརྟགས་ཀྱང་ལྷ་ཡི་ལུང་བསྟན་ཉིད། ། འདི་ཡི་རྣམ་པར་དག་པའི་ལྷག་བསམ་གྱིས། ། དོན་ལྡན་བརྩོན་པའི་བགྱི་བ་གདེགས་པའི་ཚེ། །རང་སྲིད་སྤེལ་ལ་དེད་དཔོན་མཆོག་གྱུར་ཞིག །མཐོང་ནས་རྒྱལ་བས་ལམ་རྒྱུས་བསྙད་པར་སྙམ། ། གཞན་ཡང་དེའི་མཚོན་གསང་བའི་རྣམ་ཐར་ཏེ། ། མི་ཕྱེད་དད་པའི་དུངས་བ་འདྲེན་པ་ནི། ། བྲིས་པས་མི་ལོངས་བརྗོད་པས་མི་རྫོགས་ཀྱང་། །མཚོན་ཙམ་བགྱིས་པ་འདི་ལ་འགལ་ཆ་ཅི། ། ངེས་འབྱུང་རྣམ་པར་དག་པའི་དབྱུ་གུ་ཡིས། །ལུང་རྟོགས་ཆོས་ཀྱི་རྫ་རྔ་བརྡུངས་བའི་དུས། །ལུས་མེད་ཚོགས་ཀྱི་མྱ་ངན་ལག་པ་ཡིས། །བྲང་ལ་འཐབ་པའི་སྐྱོ་གར་ཅི་ཡང་བྱས། ། དེ་ནས་འཁོར་ལོ་བདེ་མཆོག་ཕོ་བྲང་དངོས། ། འཇིག་རྟེན་སྲིད་པ་ཆགས་པའི་ལྷ་ཆེན་དང་། ། རྗེ་ཡི་མགུར་ལྷ་བཅུ་གསུམ་ནང་ཚུན་སྟེ། ། རོང་བཙན་ཁ་བ་དཀར་པོ་དད་པས་མཇལ། །ཁྱོད་ཀྱི་ཡིད་འོང་ཀུན་སྤྱོད་བདུད་རྩི་ཆུས། །གཏུམ་དྲག་རེངས་བའི་ཤིང་སྐམ་དེ་དག་ཀྱང་། །བག་ཡོད་ལོ་འབྲས་མེ་ཏོག་སྨིན་པའི་ཕྱིར། །སྐྱེ་བོ་བློ་ལྡན་སུ་ཞིག་བསྟེན་མ་བྱས། ། དམ་ཚིག་ཕྲ་མོ་རེ་རེའི་ཕྱིར་དུ་ཡང་། །དཀའ་སྡུག་ལོ་ཟླ་བརྩེ་བའི་འཛུམ་གྱིས་བསུ། །མ་རྨད་བཟང་བོ་སྤྱོད་པའི་བརྟུལ་ཞུགས་འདི། །གཞན་དུ་མ་མཐོང་ཁྱོད་ཉིད་ཁོ་ནའི་ལགས། །དེ་ལྟར་འཇིགས་མེད་སྟོབས་ཀྱིས་གོམ་བགྲོད་ཀྱིས། །བགྲང་ཡས་དཔག་ཚད་མང་པོ་གཞལ་བའི་ཚེ། ། གངས་ལྗོངས་དབུས་འགྱུར་འཆང་གི་བཤད་གྲྭ་མཆོག །དགེ་ལྡན་རྣམ་པར་རྒྱལ་བའི་དྲུང་དུ་སླེབས། །ལམ་གྲོགས་ཚོང་བའི་རྒྱུ་ལ་མ་བརྟེན་ཞིང་། །དད་ལྡན་བདག་པོའི་ངོ་སོ་མ་སྲུང་བར། ། གྲོགས་མེད་གཅིག་པུར་ཟླ་བ་གསུམ་ཙམ་ལ། །ཐོས་པའི་དོན་དུ་ཞབས་ཐང་བསྐྱོད་པ་ཁྱོད། །གཟན་ཤམ་རླུང་གིས་བསྐྱོད་པའི་ཐུ་འོག་ནས། །ཞབས་ཀྱིས་བཅགས་པའི་རྡུལ་ཕྲན་རེ་རེ་ཡང་། །འགྲོ་བའི་བསོད་ནམས་བསགས་པའི་ཞིང་ས་དང་། །དད་ལྡན་སྐྱེ་བོ་རྣམས་ཀྱི་མཆོད་རྟེན་ཡིན། །ལྷ་ས་སྐྱིད་ཆུའི་འགྲམ་གྱི་ལྷོ་ངོས་ཏེ། ། ཆེ་བཞིའི་ཡ་གྱལ་གུང་ཐང་དགོན་པ་རུ། །ཞག་གཅིག་གནས་མལ་བཅས་པའི་རྨི་ལྟས་སུ། །བསྟན་སྲུང་བསུ་བར་འོང་བའི་ཉམས་སྣང་བྱུང་། ། བསླབ་གསུམ་རིན་ཆེན་ནོར་བུའི་ལང་ཚོ་མཛེས། །དད་བརྩོན་ཤེས་རབ་ཟབ་མོའི་ལུས་རྩལ་རྫོགས། །ཐུགས་བསྐྱེད་ངོ་མཚར་མཆོག་གི་ཤམ་བུས་བརྒྱན། །གཞོན་ནུ་འདི་ཉིད་ས་ཆེན་རྒྱན་དུ་འབར། །དུས་མཐའི་རྒྱལ་བསྟན་གངས་ཀྱི་རི་བོ་ཆེ། །མངོན་པར་གསལ་སླད་རྒྱལ་སྲས་ཟླ་བ་ནི། །དཀྱིལ་འཁོར་ཡོངས་སུ་རྒྱས་པར་གྱུར་བའི་ཚེ། །བློ་གསལ་ཀུ་མུད་དགའ་བའི་རླབས་ཀྱིས་འཕྱུར། །འགྲོ་བའི་བསོད་ནམས་ཟོང་གིས་ཁུགས་མིན་པའི། །ཇོ་བོ་ཤཱཀྱ་མུ་ནིའི་མདུན་ས་ཆེར། །བསྟན་འགྲོའི་དོན་དུ་ཚེ་སྲོག་བློས་བཏང་བའི། །མཆོག་གི་ཐུགས་སྟོབས་དེ་ལ་གུས་པ་འཆའ། །རིགས་ཀྱི་ཆེད་དུ་གསོལ་བ་མ་བཏབ་ཞིང་། །ནོར་གྱི་ཕྱིར་དུ་སྡུག་སྨྲེ་མ་བཏོན་པར། །གཅེས་པའི་ལུས་དང་སྲོག་གི་ཆ་ཤས་ཀུན། །བསྟན་འགྲོ་དོན་དུ་བསྔོས་པའི་སྒྲ་དབྱངས་མཆེད། །དེ་ལྟའི་དོན་ལྡན་ང༷ག་གི་ཚངས་པའི་དབྱ༵ངས། ། དབྱ༵ངས་བདུན་དྲི་ཟའི་དབ༷ང་བོའི་སྐྱེ་མཆེད་ལ༵ས། །ལ༵ས་འཁྲུངས་ཕུ༷ན་ཚོག༷ས་འདོད་དགུའི་སྙན་པའི་དཔ༵ལ། །དཔ༵ལ་སྟུག་མི་ཡི་སེང་གེའི་གསན་ཙ་ན། །གང་དེའི་མི་འཇིགས་ཡོན་ཏན་དཔལ་གྱི་གཏེར། །གཟུགས་སུ་མཆིས་ན་ས་འདིས་ཇི་ལྟར་འདེགས། །མཁྱེན་བརྩེ་ནུས་པའི་ཁོ་ལག་རབ་རྫོགས་ཀྱང་། །འགྲན་སྙམ་རྒྱལ་བ་ལ་འང་ཡོད་རེ་སྐན། །ཕྱོགས་ལྷུང་དྲི་མས་མ་གོས་རྣམ་ཐར་གང་། །རྣམ་དཔྱོད་དད་པའི་རྫིང་བར་འཆར་བ་འདི། །རང་བཟོ་རྫུན་ཚིག་གཅམ་བུའི་འུད་བསྟོད་མིན། །བདེན་པའི་རང་མདངས་འཕོས་པའི་དབྱངས་རྟ་ཡིན། ། ཕྱི་དུམ།བསླབ་གསུམ་དབྱིག་འཛིན་ནོར་བུའི་རྩ་བ་བརྟན། །སྐུ་གསུམ་ཡོན་ཏན་ཡལ་འདབ་ཕྱོགས་བཅུར་གཡོ། །རྒྱུད་གསུམ་རིག་འཛིན་འབྲས་བུས་མངོན་པར་བརྗིད། །བཤེས་གཉེན་དཔག་བསམ་དབང་བོས་རྟག་ཏུ་སྐྱོངས། །དེ་ནས་ལུང་རིགས་སྟོབས་འབྱོར་དྲེགས་པ་ཡི། །དཔལ་ལྡན་འབྲས་དཀར་སྤུངས་པའི་དགའ་ཚལ་དེར། །ཞུགས་ཏེ་དཔག་ཡས་ཡོན་ཏན་ནོར་བུའི་ཚོགས། །ངོམས་མེད་ལོངས་སུ་སྤྱོད་པའི་སྐལ་བཟང་ཐོབ། །ཞི་དུལ་བག་ཡོད་གོས་ཀྱི་འཇའ་རིས་ཀྱིས། །ཕན་དང་བདེ་བའི་གྲིབ་བསིལ་སྦྱིན་པའི་མཛོད། །འགྲོ་བ་ཀུན་གྱི་སྲིད་ཞིའི་མཆོད་ཡོན་ཏེ། ། དཔལ་ལྡན་བླ་མ་དམ་པས་བརྩེ་བས་བསྐྱངས། །སྐྱེ་བོ་ཕལ་བའི་བློ་ལས་རབ་འགོངས་ཤིང་། །བསམ་མེད་བྱིས་པས་ཡིད་ལ་མི་ཤོང་བའི། །དཀའ་སྤྱད་རྟག་སྦྱོར་གུས་པའི་བརྩོན་པ་འདིས། །རྒྱལ་སྲས་སེམས་དཔའ་གཞན་ལ་སྐྱེངས་པ་སྟེར། །དམ་པ་རྣམས་ནི་གང་ན་བཞུགས་ཀྱང་རུང་། །སྙན་པའི་གྲགས་པས་ས་ཆེན་མཛེས་གྱུར་ཏེ། །ཆེ་འདོད་རེ་བའི་མེ་ཏོག་བཅོམ་བྱས་ནས། །མངོན་ལྐོག་མཚུངས་པའི་ཐོས་པ་འབའ་ཞིག་བཙལ། །ས་གྲང་གདན་དང་རྡོ་གྲང་སྔས་བྱས་ཏེ། །འཕགས་བོད་མཁས་པས་མཛད་པའི་ཤེར་ཕྱིན་གཞུང་། །ལོ་དྲུག་དཀའ་བ་སྤྱད་པའི་དན་རྟགས་སུ། །མཁས་པའི་མཚན་སྙན་གླིང་འདིའི་རྒྱན་དུ་འཚེར། །དེའི་ཚེ་བདུད་ཀྱི་བར་ཆད་ཆེར་གཡོས་ཏེ། །དུས་མིན་འཆི་བའི་འཇིགས་པ་བསྟན་མོད་ཀྱང་། །འཕྲིན་ལས་རང་གཟུགས་ཨརྱ་ཏཱ་རེ་མའི། །ཚེ་སྒྲུབ་རིག་སྔགས་དྲག་པོས་བཟློག་པར་མཛད། །རྒྱ་མཚོ་ཆེན་པོ་ཆུ་ཡིས་མི་ངོམས་ལ། ། དེ་བཞིན་མཁས་པ་ཐོས་པས་མི་ངོམས་ཏེ། །འབྲས་དཀར་སྤུངས་པའི་གསང་སྔགས་ཕོ་བྲང་དུ། །དཔེ་གཟིགས་ཁོ་ནས་མཚམས་ནག་སྒོ་བཅད་མཛད། །ཆོས་བརྒྱད་འདོད་པའི་དཔལ་ལ་མ་ཆགས་ཤིང་། །ཞུམ་དང་ངན་ཞེན་ལེ་ལོ་ཡོངས་སྤངས་ཏེ། །རླབས་ཆེན་ཐོས་བསམ་སྒོམ་ལ་བརྩོན་པ་ཡིས། །རྒྱུད་དང་དབང་བོ་ཡོངས་སུ་སྨིན་པར་བྱས། ། ཆོས་བཞིན་སྤྱོད་ལ་བདུད་ཀྱི་བར་ཆད་དང་། །རྣམ་དཀར་ཅན་ལ་ལྷ་སྲུང་རང་འཁོར་སོགས། །ངོ་མཚར་རྨད་དུ་བྱུང་བའི་སྒྲོས་མང་ཡང་། །སྐབས་བབ་གེགས་སུ་གྱུར་བས་སྐྱུང་བ་ཡིན། ། འདི་སྣང་ཚེ་འདིའི་ཆོས་ལ་ཐུགས་ཕྱུང་སྟེ། །མ་ཆགས་འཕགས་པའི་རིགས་ལ་གནས་པར་མཛད། །གྲགས་པ་ཕྱོགས་ཀྱི་མཛེས་མའི་འགྲམ་བཀོད་ཀྱང་། །དོན་མེད་སྟོང་འུར་ཙམ་ཞེས་ཁོང་ཉིད་གསུངས། །འཚོ་བའི་འབྱོར་འཁོས་ཅི་ཙམ་བཀྲེན་ཀྱང་རུང་། ། སྐུ་ཡི་ཁོ་ལག་ཅི་ཙམ་ཞན་གྱུར་ཀྱང་། །བྱང་ཆུབ་སྤྱོད་ལས་ཕྱིར་ཕྱོགས་མི་མཛད་པ། །རྒྱལ་སྲས་བྱང་ཆུབ་སེམས་དཔའི་རྟགས་སུ་མངོན། །འཚོ་བའི་དཀའ་ཐུབ་ཉམས་སུ་བཞེས་པ་ནི། །མུ་སྟེགས་དྲང་སྲོང་ཚོགས་ཀྱང་མི་དམན་ཏེ། །མི་རྟོག་ཏིང་ངེ་འཛིན་ལ་གཞོལ་བ་དང་། ། ཚངས་སྤྱོད་བརྟུལ་ཞུགས་བསྐྱངས་པའི་དཔལ་འདིས་ཀྱང་། །སྐབས་ཤིག་དགེ་འཕེལ་རི་བོའི་ཉེ་འཁྲིས་སུ། །འཇམ་དབྱངས་མཁྱེན་པའི་གཏེར་གྱི་བསྙེན་པ་སྐྱེལ། །དེ་ནས་ཡི་དམ་ལྷ་ཡིས་རྗེས་བཟུང་སྟེ། ། མཁྱེན་དཔྱོད་ཀློང་དུ་བརྡོལ་ཞེས་གཞན་དག་གླེང་། །སྐབས་མིན་བསྟོད་དང་ཚུལ་མིན་འུད་བརྗོད་སོགས། །མཆོག་གི་རྣམ་ཐར་གང་དེར་མ་མཆིས་པས། །ཡི་རང་མཆོད་པའི་མེ་ཏོག་མ་རྙིད་དང་། །བྱིན་རླབས་དྲི་བསུང་མི་འཁྱིལ་རང་དབང་ཅི། ། སྔོན་ཚེ་ཤིན་ཏུ་དབུལ་ཞིང་ཕོངས་བའི་ཚེ། །ལོངས་སྤྱོད་བཙལ་ཡང་རྙེད་པར་དཀའ་བ་དང་། །དེང་ནི་ཕར་ལ་སྤངས་ཀྱང་ཚུར་འཁོར་བའི། །ཀུན་རྫོབ་འཁོར་བའི་གཤིས་ལ་བཞད་ཙམ་མཛད། ། ཆོས་མངོན་མཛོད་དང་འདུལ་བའི་བསླབ་པ་ལ། །ཐོས་ལོ་ཙམ་གྱིས་ཆོག་པར་མ་བཟུང་བར། ། ལག་ལེན་མན་ངག་ཟུང་འབྲེལ་མཛད་པ་ཡིས། །ཉེས་བརྒྱས་མ་གོས་ཚུལ་ཁྲིམས་ཡང་དག་སྲུང་། །སྔར་ནས་ཐོས་བསམ་ཟུང་འབྲེལ་བགྱིད་པ་ཡིས། །བཤད་སྒྲུབ་བསྟན་པའི་རྒྱལ་མཚན་བཟུང་ལགས་ཏེ། །འདུལ་བྱ་ལས་འཕྲོ་ཅན་གྱི་ངོར་གཟིགས་ཏེ། ། རྩེ་གཅིག་སྒྲུབ་ལ་གཞོལ་བའི་ཐུགས་དམ་བཅས། །ཚུལ་འདི་འཇིགས་མཛད་འཇམ་དཔལ་དབྱངས་དངོས་ཏེ། ། སྐྱབས་མཆོག་རྡོ་རྗེ་འཆང་ལ་ཞུས་པའི་ཚེ། ། *ཤིན་ཏུ་དགྱེས་པའི་ཞལ་གྱི་ཚེམས་དཀར་དབུས། །གསུང་གི་དབུགས་དབྱུང་བསྩལ་བས་རྟེན་འབྲེལ་འགྲིག ། དེ་ནས་འདི་སྣང་བྱ་བའི་འཕྲོ་བཅད་ཅིང་། ། འཁྲུལ་སྣང་འདུ་འཛིའི་གནས་ལས་རིང་དུ་གྱེས། །རྩེ་གཅིག་དབེན་པའི་གནས་སུ་མཚམས་བཞུགས་ཏེ། །རིང་མོ་ཞིག་ལ་མི་སྨྲའི་བརྟུལ་ཞུགས་བསྐྱངས། །རིང་མིན་ཀླ་ཀློའི་དཔུང་གིས་ཚོགས་གཤམས་ཏེ། །དུས་འགྱུར་ང་དགུའི་རླུང་འཚུབ་དྲག་ཏུ་གཡོས། །ཀྱེ་མ་འཇིགས་རུང་གཤིན་རྗེའི་བར་མའི་འཕྲང་། །ཕྱོགས་འདིར་འཕོས་པ་བཞིན་དུ་མངོན་སུམ་སྣང་། ། རེ་ཞིག་དགེ་སློབ་བཞི་ཚན་གཉིས་དང་བཅས། །ཀློང་རྡོལ་རི་ཁྲིད་བྱོན་ཏེ་བཞུགས་མོད་ཀྱང་། །བཀར་བཏགས་ལོག་པའི་གཉའ་ཤིང་ལྗིད་དྲག་པས། །མི་འདོད་བཞིན་དུ་ཕན་ཚུན་གྱེས་དགོས་བྱུང་། ། ཁྲིམས་དང་འགལ་བའི་ཉེས་པ་མ་བསགས་ཤིང་། །ལུགས་དང་མི་མཐུན་སྨྱོ་གར་མ་འཁྲབ་མོད། །མནར་གཅོད་དྲག་པོས་ཤི་གསོན་ཕྱེ་དགོས་པ། །བུ་སྡུག་ཤི་བའི་མ་བཞིན་རབ་ཏུ་སྐྱོ། །ཀུན་ཀྱང་ཆོས་སྤྱོད་རྩེ་དགའི་དཔལ་རོལ་ཏེ། །དམ་ཆོས་བདུད་རྩིའི་ལོངས་སྤྱོད་རོལ་བའི་དུས། །ཚུལ་མིན་དུག་གིས་གདུང་བའི་ལུས་མེད་ཚོགས། །མི་བཟོད་ཕྲག་དོག་དབང་གིས་རྒོལ་བ་འདྲ། །གདུག་སྤྱོད་མུན་པའི་དཔུང་ཚོགས་སྟོབས་རྒྱས་ཤིང་། །འགྲོ་འདི་ཚ་གཅུན་དྲག་པོས་དམ་འཁྱུད་དེ། །གཙུག་ལག་གསེར་གྱི་མཚོ་མོ་གཏིང་ནས་དཀྲུགས། །མཁས་གྲུབ་གསེར་རིའི་ལྷུན་པོ་རྡུལ་དུ་བརླགས། ། སྐབས་ཤིག་གོ་མཚོན་ཐོགས་པའི་དམག་མི་འགས། །དཔལ་ལྡན་བླ་མའི་སྐུ་ལ་དྲག་ཏུ་སྤྱོས། །སྐྱེ་དགུ་མགོན་དང་བྲལ་བའི་གདུང་ཡུས་ཀྱིས། །སྟོང་བའི་དབྱིངས་སུ་ཆོ་ངེའི་བྱ་ཚོགས་རྒྱུ། །བཅོས་བསྒྱུར་ལུགས་མཐུན་ཡིན་ན་མི་དགའ་ཅི། །བྱས་པ་ནག་པོ་ཡིན་ན་འགྱོད་སེམས་ཅི། །ཁ་ཚིག་འོ་མའི་རྒྱབ་ཀྱི་གནག་སེམས་དེར། །ཉེས་མེད་སྐྱེ་བོ་མང་བོའི་བླ་ཚེ་འཁྲིལ། །དམན་ས་གོང་མའི་གདན་སར་སེམས་དང་གཅིག ། ཆོས་དང་མགོན་ལ་ངོ་ལོག་མི་བྱེད་གཉིས། །ཐུགས་དམ་རི་མོ་རྡོ་ལ་བརྐོས་དང་ལྷན། །ལེ་འདེད་མེད་པར་ཆུ་ཤུར་བཙོན་དུ་བཞུགས། །གནམ་གཤིས་གྲང་ཡང་ཁྱིམ་པའི་གོས་མ་མནབས། །འཚོ་བ་བཀྲེན་ཀྱང་དགུང་བཅད་ཆགས་མེད་མཛད། །ཐམས་ཅད་ལས་ངན་འདག་པའི་རྐྱེན་དུ་འཁྱེར། ། བསླབ་ཁྲིམས་མངོན་ལྐོག་མེད་པར་སྲུང་འདི་རྨད། །རྐྱེན་དང་འཕྲད་ཚེ་ཁས་ལེན་མ་བོར་ཞིང་། །དུས་ལ་གཏུགས་ཀྱང་དམ་བཅའ་མ་ལྷོད་པ། །ཚུལ་འདི་ཁྱོད་ཉིད་ཁོ་ནའི་ཡོན་ཏན་ཞེས། །"ཁེངས་པར་མི་རིགས་རྒྱལ་སྲས་ཀུན་གྱི་ཡིན། །"རྒྱལ་བསྟན་ནུབ་ཀྱི་རི་ལ་བཞུད་གྱུར་ཚེ། །གདུག་སྤྱོད་མུན་པའི་བསྐལ་བ་ཚེས་པ་ན། །རྒྱལ་སྲས་ཟླ་བ་གཞོན་ནུའི་ཡོན་ཏན་དང་། །ཉམ་ཐག་གདུང་བའི་ཀུ་མུད་ལྷན་དུ་གཡོས། ། དྭངས་གསལ་དྲི་མ་མེད་པའི་ཟླ་གཞོན་ལུས། །འཇིགས་རིང་སྒྲ་གཅན་མཆེ་བས་གཙེས་གྱུར་ཀྱང་། །དེང་འདིར་དེ་ལས་གྲོལ་ཞིང་ལང་ཚོའི་དཔལ། །བདག་ཅག་མིག་གི་བདུད་རྩིར་གྱུར་འདི་སྤྲོ། ། སླར་ཡང་སྐུ་མཚམས་བཞུགས་པའི་ཟོལ་གྱིས་ཏེ། །རྒྱལ་བའི་བཀའ་འགྱུར་ཆ་ཚང་ཞིབ་ཏུ་མཇལ། །ཕྱོགས་རེ་ཙམ་མིན་བརྗེད་བྱང་བསྡུས་དོན་དང་། །ལྷན་ཅིག་སྦྱར་ཏེ་ཆོས་ཀྱི་དགའ་སྟོན་མྱངས། ། རིགས་ཚོགས་དྲུག་དང་བྱམས་ཆོས་སྡེ་ལྔ་སོགས། །ཤིང་རྟ་ཆེན་པོ་རྣམས་ཀྱི་གཞུང་ལུགས་ལ། །གཅིག་ཏུ་འགྲུས་པས་ཚིག་དང་དོན་གྱི་ཆ། །དཔྱིས་ཕྱིན་སྦྱང་བའི་ཚུལ་ལ་ལྷག་ཏུ་མཚར། ། ཐམས་ཅད་གསར་བརྗེ་ཡིན་པའི་ཡོ་ལང་ཁྲོད། །ཡོད་ཚད་རྙིང་གཏོར་དགོས་པའི་དུས་འགྱུར་དབུས། །རྒྱལ་བའི་བསྟན་པ་ཉི་ལྟར་གསལ་མཛད་པའི། །རྒྱལ་སྲས་དཔའ་བོའི་སྙིང་སྟོབས་བདག་གིར་བཞེས། །སྔོན་ཚེ་མགོན་པོ་ཀླུ་ཡི་མཚན་ཅན་གྱིས། །ཐེག་ཆེན་དར་སྤེལ་གནང་བར་མཚར་དོན་ཅི། །འདི་ན་ལོག་སྤྱོད་དཔུང་གི་ཚང་བརྡོལ་སྐབས། །དམ་ཆོས་སྤེལ་བའི་ཚུལ་ལ་དེས་ཀྱང་མཚར། ། ཟབ་རྒྱས་ཆོས་ཀྱི་རྒྱ་མཚོ་སྤེལ་བ་དང་། །འཕགས་པའི་དགོངས་པ་གསལ་བར་བྱ་བའི་ཕྱིར། །དབུ་མ་རིགས་པའི་ཚོགས་ལ་འགྲེལ་བཤད་མཛད། །«གངས་རིའི་མགོན་པོ་དགྱེས་པའི་མཆོད་སྤྲིན»བསྟར། །ལྟས་ངན་ཆོ་འཕྲུལ་ངན་དགུར་དབང་བསྒྱུར་བའི། །སྲིན་པོ་མི་ཡི་གཟུགས་སུ་སྤྲུལ་བ་དག །གསུང་རབ་མེ་ཡི་འུབས་སུ་བསྐྱུར་བ་ཡིས། །ནང་གི་བྱིན་རླབས་དུ་བའི་ཟོལ་གྱིས་བཞུད། ། དུས་དེར་དགའ་སྐྱོ་ཟུང་དུ་འབྲེལ་བ་ཡི། །ངོ་མཚར་ལོ་རྒྱུས་ཤིན་ཏུ་རྒྱ་ཆེ་ཡང་། །སྨྲ་ཚོད་རན་པར་སྨྲས་ན་མཛངས་པ་ཡིན། །རྟོགས་བརྗོད་དོན་མཐུན་བགྱིས་ན་བསོད་ནམས་ཡིན། །མཚམས་རེར་དད་པའི་སྤུ་ལོང་གཡོ་བྱེད་པའི། །རྗེ་བཙུན་མི་ལའི་མགུར་འདྲ་ཅི་བས་མང་། །ལན་རེར་མཚན་གུང་གཉིད་ཀྱང་གཅོག་བྱེད་པའི། །དམྱལ་གླིང་རྫོགས་པ་ཆེན་མོ་དེས་ཀྱང་སྟོབས། ། ཆེ་དགུའི་རལ་བ་ས་ལ་གདན་བྱས་ཏེ། །ལྷ་རྟེན་ཆོས་གསུམ་གདོན་དུ་ལྟ་བའི་དུས། །ཆེད་དུ་ངུར་སྨྲིག་ཟོལ་གྱིས་བྱོན་མིན་ནམ། །བསམ་བཞིན་དད་པའི་མཆི་མ་དབང་མེད་འཆོར། ། ཐུབ་བསྟན་མིང་ཙམ་ལྷག་མར་གྱུར་བའི་དུས། །ཆོས་ཀྱི་རྒྱལ་མཚན་ཕྱོགས་བཅུར་སྒྲེང་མཛད་ཅིང་། །བསྟན་པའི་མེ་རོ་གསོ་བའི་ལམ་རིམ་པ། །དུས་མཐའི་རྒྱལ་བའི་ཤིང་རྟའི་སྲོལ་འབྱེད་ཡིན། །དཔའ་སྙིང་ཁྱོད་འདྲ་རེ་གཉིས་ཡོད་གྱུར་ཀྱང་། །རྒྱ་ཆེན་བསམ་བློའི་ཆ་ཙམ་མི་བསྡོ་བས། །ཡང་དར་བསྟན་པའི་གསལ་བྱེད་ལམ་རིམ་པ། །གངས་ལྗོངས་ཁ་བ་རི་བའི་དྲིན་ཅན་ཡིན། ། སྐུ་སྲོག་ཕངས་མེད་རྒྱལ་བའི་བསྟན་པ་སྤེལ། །རང་ཚུགས་མ་ཡལ་རིགས་ཀྱི་ལ་རྒྱ་བསྐྱངས། །བར་ཆད་གཡུལ་ལས་རྒྱལ་བའི་ལམ་རིམ་པ། །ཡང་སྒོས་དགེ་ལྡན་བསྟན་པའི་དར་ཆེན་ཡིན། །གཞན་ཡང་ཁོང་གི་ཡོན་ཏན་རྒྱ་མཚོའི་གཏེར། །བདག་བློའི་སྐྲ་རྩེས་གཞལ་བར་ག་ལ་ནུས། ། འོན་ཀྱང་སྐལ་ལྡན་ལས་འཕྲོ་ཅན་རྣམས་ལ། །«རང་རྣམ་»དེ་ཀོ་མཚམས་སྦྱོར་བྱས་པ་ཡིན། ། དེ་ནས་ཅུང་ཟད་ཞོད་འཇགས་གྱུར་བ་ན། །རྒྱལ་བ་ཡབ་སྲས་བཀའ་ལུང་སྤྱི་བོར་བླངས། །སེམས་ཅན་དད་ལྡན་མང་བོའི་རེ་བ་བསྐོངས། །ཟབ་རྒྱས་ཆོས་ཀྱི་འཁོར་ལོ་རྒྱ་ཆེར་བསྐོར། །བསྟན་པ་སྤེལ་ལ་རྒྱ༷ལ་བའི་གནང་བ་ཐོབ། །བསྙེན་སྒྲུབ་མཛད་དེ་རྒྱ༷ལ་བསྟན་དག་ཐེར་མཛད། །མཛད་འཕྲིན་བྱ་བ་རྒྱ༷ལ་མཚམས་བརྒལ་ནས་རྒྱས། །སྔོན་མེད་ཆོས་ཀྱི་རྒྱ༷ལ་མཚན་གཅིག་པུར་གྲུབ། ། ལུས་ཅན་ཁམས་དང་དབང་བོར་རྗེས་མཐུན་པར། །ལེགས་བཤད་གསུང་གི་ང་རོ་བསྒྲགས་པའི་ཚེ། །སྟོན་མཆོག་མི་ཡི་སེང་གེ་འཇིག་རྟེན་དུ། །"འཚོ་ཞིང་བཞེས་པའི་དཔལ་དེ་རྗེས་སུ་དྲན། །" དེ་ལྟའི་རྫོགས་ལྡན་གསར་བའི་ལོངས་སྤྱོད་ལ། །དགའ་དགར་རོལ་བའི་སྐལ་བཟང་ཅི་ལ་སྲིད། །འབྱུང་བྱ་འུག་པ་བགོད་དང་ཁྱི་ངུ་སོགས། །མི་སྡུག་མཚན་མ་མང་བོས་རྟག་ཏུ་གཙེས། །དོན་དྲུག་བཞེས་པ་དབྱར་ཟླ་བཞི་བའི་ནང་། །དམར་ཕྱོགས་དགའ་བ་གཉིས་པའི་སྔ་དྲོའི་དུས། །གཟུགས་སྐུའི་བཀོད་པ་ཆོས་ཀྱི་དབྱིངས་སུ་བསྡུས། །ཉམ་ཐག་འགྲོ་བ་མགོན་དང་བྲལ་བར་གྱུར། ། དེའི་ཚེ་མིག་གི་མཆི་མའི་ཆར་རྒྱུན་གྱིས། །འཇིག་རྟེན་ཆར་གྱི་ཡ་མཚན་བཅོམ་བྱས་ཏེ། །སྨྲེང་བའི་ཆོ་ངེ་འབྲུག་སྒྲའི་ཟོལ་གྱིས་གྲག །སྡུག་གི་ལོ་མས་ས་གཞི་དོག་པོར་བྱས། །གཏུམ་དྲག་ལོག་པའི་ཚོགས་རྣམས་དགའ་གྱུར་ཏེ། །ཐན་སྐད་གྱ་གྱུར་སྒྲོག་ལ་བྲེལ་བ་དེར། །མ་དག་དུད་འགྲོ་རྣམས་ཀྱང་ཡིད་སྐྱོ་སྟེ། །སྐྱོ་བའི་ཟུག་སྐད་བྲག་ཅའི་གདངས་ལ་འཁྲིལ། །མགོན་ཁྱོད་དགའ་ལྡན་ཞིང་དུ་གཤེགས་པ་དེར། །ངུ་ཤོམ་བྱིས་པའི་ཚུལ་དེ་འོས་མིན་ཡང་། །སྡུག་བསྲན་མཆི་མ་ཁོང་དུ་མིད་དང་ལྷན། །སྐྱོ་བས་མ་བཟོད་ཆིག་ལབ་མང་དུ་ཤོར། ། ཞི་དུལ་ཉམས་བརྒྱས་ཕྱུག་པའི་སྐུ་གཟུགས་དྲན། །ཐུགས་རྒྱུད་བྱམས་བརྩེས་བརླན་པའི་སྤྱན་རིས་དྲན། །བསྟན་འགྲོའི་མཛད་བཟང་བསྐྱངས་པའི་ལྷག་བསམ་དྲན། །མདོར་ན་སྐུ་གསུང་ཐུགས་ཀྱི་ཡོན་ཏན་དྲན། ། བསམ་གྱིན་བསམ་གྱིན་སྙིང་གི་ཁོང་ནས་སྐྱོ། །དྲན་གྱིན་དྲན་གྱིན་ཉིན་མཚན་ཀུན་ཏུ་སྐྱོ། །བསམ་པས་མི་དཔོག་བརྗོད་ཀྱིས་མི་ལོངས་ཁྱོད། །ཁོ་བོའི་ཚེ་རབས་ལས་ཀྱི་ལྷ་སྐལ་ཡིན། ། སོང་ན་བསྡད་ན་གསོལ་བ་འདེབས་ས་ཡིན། །ལངས་ན་ཉལ་ན་སྐྱབས་འཇུག་ཞུ་ས་ཡིན། །སྐྱིད་ན་ཁྱོད་ཀྱི་ཐུགས་རྗེའི་བཀའ་དྲིན་ཡིན། །སྡུག་ན་དྭ་བུའི་འོ་དོད་འབོད་ས་ཡིན། །དེང་འདིར་སྣ་ཚོགས་ལས་ཀྱི་འདུ་འགོད་ཀྱིས། །མི་ཁོམ་སོས་དལ་བྱ་བའི་གླེགས་ཙམ་ཡང་། །རྙེད་དཀའི་དུས་ཀྱི་འགྱུར་ལྡོག་རྒོད་ན་ཡང་། །དོན་མཐུན་སུག་བྲིས་འདི་ཉིད་རྫོགས་པར་བྱས། །སྐྱེས་སྦྱངས་ཤེས་རབ་ཡོན་ཏན་ཞན་པ་དང་། །རྣམ་གཡེང་སྒྱུ་མའི་རོལ་རྩེད་ཡིད་ཆགས་པའི། །བསམ་མེད་དུད་འགྲོ་ཕྱུགས་ཀྱི་འདུ་ཤེས་ཅན། །བདག་འདྲས་དམ་པའི་ཡོན་ཏན་ཇི་ལྟར་དཔོག །དེ་ལྟ་ན་ཡང་ལྷག་བསམ་ཟླ་བའི་རིས། ། ཕྱོགས་ཞེན་ཁ་དོག་ཚོས་ཀྱིས་མ་བསྒྱུར་བར། །དད་སེམས་སོར་མོའི་འདེགས་འཇོག་ཐེངས་གཅིག་གིས། །དཔལ་ལྡན་བླ་མའི་རྟོགས་བརྗོད་འདི་ཉིད་བྱས། །འདིས་ཀྱང་དམ་པའི་ཐུགས་དགོངས་རྫོགས་གྱུར་ཅིག །རིས་མེད་རྒྱལ་བསྟན་ཕྱོགས་བཞིར་རྒྱས་གྱུར་ཅིག །མ་དག་འགྲོ་བའི་སྡུག་བསྔལ་ཞི་གྱུར་ཅིག །ཕན་དང་བདེ་བའི་བསྐལ་བ་ཚེས་གྱུར་ཅིག །དེ་ལྟར་ཡོན་ཏན་དྲི་བསུང་རབ་འཁྱིལ་ཞིང་། །མཛེས་སྡུག་མིག་དང་ཡིད་ཀྱི་དགའ་སྟོན་ཉིད། །ཤིན་ཏུ་འབྱུང་དཀའི་ཨུ་དུམ་ཝ་ར་འདི། །སྐལ་ལྡན་གཞོན་ནུའི་གསོས་སུ་ཁོ་བོས་བྱིན། །དབྱངས་ཀྱི་འདེགས་འཇོག་དུམ་བུར་གཅོད་གྱུར་ཏེ། །ཚིག་གི་ཤུན་པ་རྡོག་པས་བརྫིས་ན་ཡང་། །བསྟན་དོན་རེ་བའི་མྱུ་གུ་ཕྲ་མོ་དེ། །སླར་ཡང་སྐྱེས་སྟོབས་དཔལ་གྱིས་སྨིན་གྱུར་ཅིག །བདག་ཀྱང་ནམ་ཞིག་འཆི་བའི་དུས་ཀྱི་ཚེ། །ཡིད་ལ་བྱེད་པ་གཞན་གང་མེད་པ་དང་། །མགོན་ཁྱོད་གང་དུ་བཞུགས་པའི་ཞིང་ཁམས་དེར། །སྐྱེས་ནས་ཐེག་ཆེན་ཆོས་ལ་སྤྱོད་པར་ཤོག ། ཅེས་རྒྱལ་བའི་ལུང་རྟོགས་བསྟན་པའི་བྱེད་པོ། ཟབ་རྒྱས་ཆོས་ཚུལ་འདོམས་པ་ལ་མི་འཇིགས་པའི་སྤོབས་པ་གཟེངས་སུ་མཐོ་བ། རྒྱལ་བསྟན་གསལ་བར་བྱེད་པའི་ཉིན་བྱེད། སྙིགས་དུས་ཀྱི་སེམས་དཔའ་ཆེན་པོ། ཐེག་ཆེན་དབུ་མའི་ལམ་བཟང་སྤེལ་བ་ལ་གཞན་དྲིང་མི་འཇོག་པའི་མཁས་པའི་དབང་བོ། ཉེས་པའི་དཔུང་ཚོགས་འཇོམས་པ་ལ་ཞུམ་པ་མེད་པའི་དཔའ་བོ་ཆེན་པོ་མཚན་བརྗོད་པར་དཀའ་བ། དགོས་པ་དང་དོན་གྱི་སླད་དུ་མཚན་ནས་སྨྲོས་ན་༧ རྗེ་བཙུན་ལམ་རིམ་པ་ངག་དབང་ཕུན་ཚོགས་དཔལ་བཟང་བོ་མཆོག་ཉིད་མྱ་ངན་ལས་འདས་པའི་ཚུལ་བསྟན་ཏེ་བགྲང་བྱ་ཉེར་བདུན་སོང་བར་རྗེས་དྲན་གྱི་ཚུལ་དུ་ཚིགས་བཅད་བརྒྱ་དང་བཅུ་གསུམ་གྱི་གྲངས་ཅན་«རྟོགས་བརྗོད་ཨུ་དུམ་ཝ་ར»ཞེས་བྱ་བ་འདི་ནི། མགོན་པོ་ཁོང་གི་གསང་གསུམ་ཕྱི་ནང་གི་རྣམ་ཐར་ལ་མི་ཕྱེད་པའི་དད་པ་བརྟན་པོ་ལྡན་ཞིང་། ཁོང་གི་གསུང་རྩོམ་ལ་མི་དམན་པའི་བག་ཆགས་ཐོབ་ཏེ་བློ་གྲོས་ཀྱི་སྣང་བ་ཀུན་ནས་གསལ་བ། ཁྱད་པར་དུ་ཡང་།༢༠༢༡ནས་བཟུང་སྟེ་རྗེ་བཙུན་ལམ་རིམ་རིན་པོ་ཆེས་མཛད་པའི་«འཇིགས་བྱེད་ཀྱི་བདག་བསྐྱེད་རྒྱས་བསྡུས་རན་པ་རིག་འཛིན་དགའ་སྟོན»ཞེས་བྱ་བ་ཁ་ཏོན་མཛད་དགོས་ཞེས་དགེ་བའི་བཤེས་གཉེན་སྐུ་དྲིན་ཅན་མཁན་ཚེ་རིང་དབང་རྒྱལ་མཆོག་གིས་བཀས་སྐུལ་བཞིན་ཉིན་རེར་རྒྱུན་ཆགས་བཞིན་མ་ཆག་མ་ལུས་པར་འདོན་པའི་དགེ་བའི་ལས་འཕྲོ་ཅུང་ཟད་མཆིས་ཤིང་། ཆོས་བཞིན་འདུལ་བ་འཛིན་པ་རྣམས་ཀྱི་ཞབས་པད་གུས་པས་བསྟེན་པ་མང་དགེ་བསོད་ནམས་འབྱུང་ཞེས་བྱ་བས་ལབ་དགོན་དུང་སྒྲུབ་ཆེན་མོའི་དུས་ཆེན་དང་བསྟུན་ནས་བར་མཚམས་ཀྱི་སྐབས་ཀུན་ཏུ་བྲིས་ཏེ་རྫོགས་པར་སྦྱར་བའོ། །མཆན། རྒྱལ་བའི་ཡོངས་འཛིན་རྣམ་པ་གཉིས་ཏེ། ཁྲི་བྱང་རྡོ་རྗེ་འཆང་དང་གླིང་རིན་པོ་ཆེ་གཉིས་ལ་གོརྩོམ་སྒྲིག་པ། ཤེས་རབ་རལ་གྲི།གསལ་འདེབས།རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོགདྲ་བའི་སྦྲེལ་ཐགhttp://www.tb1025.cn

སྙན་ངག་གི་གཏམ་རིན་པོ་ཆེའི་གཏེར་ཞེས་བྱ་བ། །རྒྱ་གར་སྐད་དུ། ཀ་བེཿཤཱ་སྟྲ་རཏྣ་ནི་དྷི་ནཱམ། བོད་སྐད་དུ། སྙན་ངག་གི་གཏམ་རིན་པོ་ཆེའི་གཏེར་ཞེས་བྱ་བ། སྨྲ་བའི་སེང་གེ་ལ་ཕྱག་འཚལ་ལོ། །ཚངས་པའི་བུ་མོ་ལུས་མཛེས་མ། །ངག་གིས་སེམས་ཅན་ཀུན་ཡིད་འཕྲོག །དབྱངས་ཅན་མ་ཀྱི་དེ་རིང་འདིར། །བདག་གི་མགྲིན་པའི་དཔལ་དུ་བཞུགས། །ཞེས་བརྗོད་ནས་སྣང་བ་ཚིག་ཏུ་ཤར་བའི་རྟེན་འབྲེལ་གྱི་སྒོ་ནས་དཔལ་ལྡན་དཎྜིའི་སྙན་དངགས་ཀྱི་ལེའུ་གཉིས་པར་སྔོན་གྱི་མཁས་པའི་ལུགས་སུ་ས་བཅད་བསྡུས་པའི་དོན་རྒྱན་སོ་ལྔའི་དཔེ་བརྗོད་བློ་གསལ་རིག་པ་ལ་དགའ་བའི་ལས་དང་པོ་པ་དག་སྤྲོ་བར་བྱེད་པའི་ཕྱིར། ཤིན་ཏུ་གོ་བདེ་བར་བརྗོད་པར་བྱ་བ་ལ། དང་པོ་ཡོན་ཏན་རང་བཞིན་བརྗོད་པའི་རྒྱན་ནི་སྒྲོ་མ་བཏགས། སྐུར་པ་མ་བཏབ་པར་བརྗོད་པ་ལ་ཟེར་གྱིས། དཔེ་ནི། དེ་རིང་ཀ་བ་མིག་ལམ་དུ་མངོན་པས་རྐྱེན་སྦྱར་ནོར་འཛིན་ཡངས་པའི་ལྟོ་བ་ན། ལྗོན་པ་ཡན་ལག་རྨྱང་བ་ཡང༌། །འདི་ན་ཁང་བུ་བརྩེགས་པ་བརྒྱའི། །སྲོག་གི་ཟུངས་སུ་ཆས་ལ་ལྟོས། །ཞེས་སོ། །གཉིས་པ་དཔེའི་རྒྱན་ནི། དཔེ་དོན་གཉིས་འདྲ་ཡུལ་དང་འདྲ་ཆོས་མཚུངས་པ་ལ་སྦྱོར་བ་དཔེར་ན་སྨྱུག་མ་མཐོང་བས་མཚམས་སྦྱོར། ཆུ་ཤིང་བཞིན་དུ་ཀུན་ནས་དྲང༌། །དཱུར་ཝ་ལྟ་བུའི་ཚོགས་པ་དཀོན། །མརྒད་གསར་པའི་འདབ་མ་ཅན། །སྨྱུག་མ་ཁོ་ནའི་ཁྱད་པར་རོ། །ཞེས་པ་ལྟ་བུའམ། ཡང་ན། རྐང་པས་འཐུང་བའི་ལང་ཚོ་ནི། །པདྨོ་གཞོན་ནུར་ཤིན་ཏུ་མཚོན། །འདབ་མ་ཨུཏྤལ་སྔོན་པོར་མཚུངས། །ཚིགས་པ་མཛེས་མའི་གདུ་བུ་བཞིན། །ཞེས་པ་ལྟ་བུ་སྟེ་གོང་མ་དངོས་པོའི་དཔེ་དང༌། འོག་མ་ཆོས་དཔེར་སྦྱར་རོ། །གསུམ་པ་གཟུགས་ཅན་གྱི་རྒྱན་ནི། དཔེ་དོན་གཉིས་སྔ་མ་ལྟར་འདྲ་ཡུལ་འདྲ་ཆོས་མཚུངས་པའི་འདྲ་དཔེ་ཙམ་དུ་མ་བཀོད་པར་དོན་དེ་ཀ་དཔེའི་གཟུགས་སུ་བཀོད་པ་སྟེ་འདི་ལྟར། ཐུབ་དབང་ཁྱོད་ཀྱི་ལུང་རྟོགས་གདོང་ལྔ་པས། །སྣ་ཚོགས་ཐེག་པའི་གཡུ་རལ་སྤྲུགས་པ་ན། །འཇིག་ཚོགས་སུམ་བརྒྱར་སྨྲ་བའི་རི་དྭགས་ཀུན། །རྟག་ཆད་ཚང་ཚིང་སྟུག་པོའི་ནགས་སུ་བྲོས། །ཞེས་པ་ལྟ་བུའོ། །བཞི་པ་གསལ་བྱེད་ཀྱི་རྒྱན་ནི། གང་བརྗོད་པར་བྱ་བའི་གཙོ་བོའི་ཁྱད་གཞི་དེ་ཁྱད་ཆོས་དེའི་གནས་སྐབས་ཀྱི་བརྗོད་དོན་ཐམས་ཅད་དང་འབྲེལ་བར་སྦྱར་ཞིང༌། དེའང་ཐོག་མཐའ་བར་གསུམ་གང་དུ་ཡོད་པ་དེ་ལ་དེ་དང་དེའི་གསལ་བྱེད་ཀྱི་མིང་བཏགས་པ་སྟེ། དཔེར་ན། རྒྱལ་པོའི་མདུན་སར་བཙུན་མོ་གཞོན་ནུ་དང༌། རྨ་བྱའི་མགྲིན་པར་སྤུ་སྡུག་འཇའ་ཚོན་རིས། །སྐྱེད་མོས་ཚལ་དུ་པད་དཀར་འཛུམ་པ་རྣམས། །སྲེད་ལྡན་ཀུན་གྱི་ཡིད་ལ་ཆོམ་རྐུན་བྱེད། །ཅེས་པ་ལྟ་བུའོ། །ལྔ་པ་བསྐོར་བ་ཅན་ནི། རྐང་པ་བཞིའི་ཐོག་མཐའ་བར་གསུམ་ཅི་རིགས་པར། བརྗོད་བྱའི་དོན་འདྲ་བའི་རྗོད་བྱེད་ཀྱིས་བསྐོར་བ་སྟེ། དཔེར་མཚོན་ན། རྡོས་བཅས་ལུས་ཀྱི་འབྱུང་བ་དག་པས་དབང་པོའི་གཞུ་ཡང་འདི་ལས་གང༌། །འགྲོ་འོང་རླུང་གི་རྟེན་འབྲེལ་འགགས་པས་སྒྲ་དང་བྲག་ཅའི་ངག་མ་ཡིན། །སྣ་ཚོགས་རྟོག་པའི་དྲི་མས་ཡོངས་བཏང་དེ་ཡི་ཐུགས་ལ་གསལ་འགྲིབ་བྲལ། །མཚོ་ལས་འཁྲུངས་པའི་རྡོ་རྗེ་གཞོན་ནུའི་རྣམ་ཐར་དབང་པོའི་རྡོ་རྗེས་མིན། །ཞེས་པ་ལྟ་བུའོ། །དྲུག་པ་འགོག་པའི་རྒྱན་ནི། དགག་པའི་ཆོས་རང་བཞིན་གྱི་ཡོན་ཏན་ལྟ་བུ་ཞིག་སྔོན་དུ་བཞག་ནས་དམིགས་བསལ་དེ་ཉིད་སྐྱོན་གྱི་རྣམ་པར་འགོག་པ་སྟེ། དཔེར་ན། འཛུམ་པའི་ཞལ་གྱིས་གཞན་ཡིད་འཕྲོག་ན་བཅོས་མའི་ཟུར་མིག་ལྟ་ངེས་ཅི། །རང་བཞིན་མཛེས་པའི་སྐེད་པ་ཕྲ་ན་སྣ་ཚོགས་རྒྱན་གྱིས་ཅི་ཞིག་བྱ། །ཨུཏྤལ་ཡི་དྲི་བསུང་འཐུལ་ན་བུར་ཆུས་བཀྲུས་ལ་དོན་ཡོད་མིན། །དེ་ལ་འཁྱུད་རྒྱའི་ཞགས་པས་མི་འཆིང་ཕྱིན་ཆད་རྙིངས་པའི་ཁུར་མི་བཟོད། །ཅེས་པ་ལྟ་བུའོ། །བདུན་པ་དོན་གཞན་བཀོད་པ་ནི། བསྒྲུབ་བྱའི་དངོས་པོ་ཕྱོགས་མཚུངས་པ་ཞིག་སྔོན་ལ་སྣང་མེད་དུ་བཀོད་ནས། དེ་ནས་སྒྲུབ་བྱེད་ཀྱི་རང་བཞིན་ནུས་པ་ཆེ་བ་ཞིག་བརྗོད་པ་སྟེ། དཔེར་ན། འཇིག་རྟེན་མེས་པོ་ཚངས་པ་ཡང༌། །ལས་ཀྱི་ཕྱི་བཞིན་གཞན་དུ་སོང༌། །སྐྱེས་མཐའ་འཆི་བར་ངེས་པ་འདིར། །བྲོས་ཀྱང་ཐར་བ་མ་ཡིན་ནོ། །ཞེས་པ་ལྟ་བུའོ། །བརྒྱད་པ་ལྡོག་པ་ཅན་ནི། དང་པོའི་ཚིག་ལ་དཔེ་དོན་ཆོས་ཉིད་མཚུངས་པར་བསྟན་ནས། དོན་ལ་མི་མཚུངས་པའི་ཁྱད་ཆོས་ཀྱིས་བསྒྲུབ་ཕྱིར་གང་ཞིག་འཇིག་རྟེན་ན་གྲགས་ཆེ་བའི་རྒྱུ་འགའ་ཟློས་ནས། དེའི་རང་བཞིན་གསལ་བར་སྟོན་པ་སྟེ། དཔེར་ན། མཛེས་མའི་བཞིན་དང་ཀུན་དའི་འཛུམ། །ཤིན་ཏུ་མཛེས་པར་མཚུངས་མོད་དེ། །ཀུནྡ་ཉི་མའི་འོད་ཀྱིས་ཟུམ། །མཛེས་མ་དེ་ཚེ་ལྷག་པར་རྔོམ། །ཞེས་པ་ལྟ་བུའོ། །དགུ་པ་སྲིད་པ་ཅན་གྱི་རྒྱན་ནི། རྒྱུ་མེད་པར་ཡང་འབྲས་བུ་སྲིད་པར་སྟོན་ཕྱིར་འཇིག་རྟེན་ན་དེ་དང་ཆོས་མཚུངས་པའི་དཔེ་འགའ་ཞིག་ཟློས་ནས་བརྗོད་པ་སྟེ། འདི་སྐད་དུ། འདུ་ཤེས་མེད་པའི་གླིང་བུའི་སྒྲ་ཡིས་རི་དྭགས་རྣམས་ཀྱང་མགོ་བོ་སྐོར། །སེམས་མེད་བེམ་པོའི་པི་ཝང་དེ་ནི་གཏམ་གྱི་རྗོད་པ་སྙན་པར་སྒྲོག །སུས་ཀྱང་མ་བྲིས་རྨ་བྱའི་རི་མོས་ཚོན་རྣམས་ཀུན་གྱི་བཀྲག་མདངས་འཕྲོག །དྲི་ཟའི་ན་ཆུང་ཤིན་ཏུ་མཛེས་པ་མ་བཀུག་པར་ཡང་འདིར་བྱུང་ངོ༌། །ཞེས་པ་ལྟ་བུའོ། །བཅུ་པ་བསྡུས་པ་བརྗོད་པ་ནི།བརྗོད་དོན་གང་ཡིན་ལས་ཕྱིར་ཕྱོགས་པ་ཞིག་ཞེ་འདོད་དུ་སྦས་ནས། ངག་གིས་དངོས་པོ་དེ་ལྟར་མ་ཡིན་པ་ཞིག་གཡོ་སྒྱུའི་ཚུལ་དུ་འགོད་པ། གང་ཚེ་ཟླ་བ་བག་ལ་ཞ། །ཀུནྡའི་ཚལ་ཀྱང་ཟུམ་གྱུར་པས། །དེ་དག་དགའ་བར་མི་བྱེད་ཀྱང༌། །མཁའ་ལ་རྟ་བདུན་རྒྱལ་པོ་མཛེས། །ཞེས་སོ། །བཅུ་གཅིག་པ་ཕུལ་བྱུང་ནི། གང་ཞིག་བརྗོད་བྱར་གྱུར་པ་དེ་འཇིག་རྟེན་ན་ཡོད་པའི་དཔེ་དེ་དག་གིས་མཚོན་པར་མི་ནུས་པས། ཤིན་ཏུ་ཁྱད་པར་དུ་འཕགས་པའི་རང་བཞིན་དུ་བརྗོད་པ་སྟེ། དཔེར་ན། སྲིད་ན་ཟླ་བ་རྣམས་མཛེས་པ། །དེས་ཀྱང་ཁྱོད་ཞལ་མི་མཚོན་ཏེ། །ཁྱོད་ཀྱི་བཞིན་རས་འཛུམ་པ་དེར། །ཆགས་ནས་ཚངས་པའང་གདོང་བཞིར་གྱུར། །ཅེས་པ་ལྟ་བུའོ། །བཅུ་གཉིས་པ་རབ་རྟོག་གམ་རབ་བཏགས་ནི། དཔེར་ན་འཇིག་རྟེན་ན་བདག་པོ་དགའ་བར་བྱ་བའི་སླད་དུ་བོང་བུ་ལའང་དྲེའུའི་མིང་དུ་བརྗོད་པ་ལྟར་རྟོག་པས་རྣམ་པར་སྒྲོ་བཏགས་ནས་དོན་ལ་མི་གནས་པའི་བསྔགས་པ་བརྗོད་པ་སྟེ། དཔེ་ནི། གང་སྐུ་མཛེས་ཤིང་ཡོན་ཏན་རྨད་བྱུང་གཏམ་གྱི་ངང་ཚུལ་གསར་པ་དེ། །གླིང་བཞིའི་སྣང་བྱེད་ཉི་ཟླ་ཟུང་དང་སྤྱན་སྐྱེས་བདུད་རྩིའི་ཟས་ཅན་གྱིས། །སྲིད་པ་སུམ་ཅུ་རྩ་གཅིག་ཀུན་ཏུ་ཅ་ཅོའི་ངག་གིས་བསྒྲགས་པ་ལས། །ཚངས་པའི་བུ་མོ་དབྱངས་ཅན་མ་ཡང་འཁུན་པའི་ཞུ་བ་འབུལ་བ་བཞིན། །ཞེས་སོ། །བཅུ་གསུམ་པ་རྒྱུའི་རྒྱན་ནི། ཤེས་བྱེད་ཀྱི་རྒྱུ་ལས་བསྒྲུབ་བྱའམ། སྐྱེད་བྱེད་ཀྱི་རྒྱུ་ལས་འབྲས་བུ་དེ་འདྲ་བ་འགྲུབ་པར་སྟོན་པ་སྟེ། དཔེར་མཚོན་ན། ཁྱོད་ཞལ་མཛེས་པའི་ཟུར་མིག་ལས། །དགའ་བའི་མྱུ་གུ་གསར་པ་དང༌། །ཆུ་སྐྱེས་གཞོན་ནུའི་གེ་སར་ལས། །སྦྲང་རྩིའི་དགའ་སྟོན་ཅིར་ཡང་སྤྱིན། །ཞེས་པ་ལྟ་བུའོ། །བཅུ་བཞི་པ་ཕྲ་མོའི་དཔེ་རྒྱན་ནི། སྔོན་དུ་བློ་བཏང་བའམ། མ་གཏང་ཀྱང་རུང་སྟེ། ཐབས་ཀྱི་རྟེན་འབྲེལ་དེ་བརྡ་དང་རྣམ་འགྱུར་ཁྱད་པར་ཅན་གྱི་སྒོ་ནས་དོན་གཞན་གོ་བར་སྟོན་པའི་ངག་སྟེ། འདི་ལྟར། མཚར་སྡུག་མིག་གི་བདུད་རྩི་ཅན། །ཚངས་པའི་བུ་མོ་ལུས་མཛེས་མས། །ངག་གི་འདོད་ལ་འཇོ་བའི་ཚུལ། །རྒྱུད་མངས་ཟོལ་གྱིས་དོན་དུ་གཉེར། །ཞེས་སོ། །བཅོ་ལྔ་པ་ཆའི་རྒྱན་ནི། གང་ཞིག་བརྗོད་བྱའི་དངོས་པོ་གསལ་པོར་མི་བརྗོད་པར་ཟོལ་གྱིས་བསྒྲིབས་པའི་ངག་གིས་སྦྱོར་བ་སྟེ། དཔེར་ན། གཡོན་ཅན་ཟླ་བས་རང་གི་བཞིན། །འཛད་པའི་ཆོས་ལ་ཡིད་ཞུམ་པ། །མཛེས་པའི་ཟོལ་གྱིས་བསྒྲིབ་པའི་ཕྱིར། །གསར་དུ་ཉ་བའི་རྣམ་འགྱུར་སྟོན། །ཅེས་པ་ལྟ་བུའོ། །བཅུ་དྲུག་པ་རིམ་ཅན་གྱི་རྒྱན་ནི། རྗོད་བྱེད་སྔ་མ་སྔ་མས་གོ་ཕྱེ་ནས་ཕྱི་མ་རྣམས་རིམ་པ་བཞིན་དུ་གསལ་བར་བྱས་ནས་གོ་བར་བྱེད་པ་སྟེ། དཔེར་ན། མཛེས་མའི་གདོང་ལ་ཨུཏྤལ་མིག །མཁུར་ཚོས་ལི་ཁྲིའི་ཐིག་ལེ་ཅན། །དེ་ཡི་བཞིན་དཔལ་ཁོ་ན་ཡིས། །དཔའ་བོ་ཀུན་གྱི་བསྙེམས་པའང་འཕྲོགས། །ཞེས་པ་ལྟ་བུའོ། །བཅུ་བདུན་པ་དགའ་བའི་རྒྱན་ནི། བརྗོད་བྱ་དེའི་ངག་ཐོས་པ་ཙམ་གྱིས་ཡིད་ལ་དགའ་བ་ལྷང་གིས་འཆར་བའི་ཚིག་ཏུ་སྟོན་པ་སྟེ། དཔེར་ན། སྐྱེད་མོས་ཚལ་ན་རྨ་བྱ་གཞོན་ནུའི་གྲོགས་བྱས་ཤིང༌། །ལང་ཚོས་མྱོས་པའི་སྨིན་ལེགས་ལག་པའི་གདུ་བུ་འཁྲོལ། །ཤིན་ཏུ་ཆགས་པའི་ཟུར་མིག་གཡོ་བའི་ཞགས་པ་དེས། །འཇིག་རྟེན་མེས་པོའི་དཔའ་བའི་ངང་ཚུལ་འཕྲོགས་པ་སྙམ། །ཞེས་པ་ལྟ་བུའོ། །བཅོ་བརྒྱད་པ་ཉམས་ལྡན་གྱི་རྒྱན་ནི། གང་ཞིག་སྨྲ་བར་མཛེས་པའི་ངག་དེས་བསྙད་པ་དང་མཚུངས་པར་ཉན་པ་པོའི་བློ་ཡུལ་དུ། སྒེག་ཆོས་དང༌། དཔའ་ཉམས་དང་། དགོད་བྲོ་བ་ལ་སོགས་པའི་ཉམས་འཆར་ནུས་པ་ཞིག་སྟེ། དཔེར་ན། སྨྱོ་ཕྱེད་ཆང་གིས་སྤྲོ་བ་བསྐྱེད་པའི་བཞིན་བཟང་གིས། །དཔའ་བའི་ངང་ཚུལ་ཇི་ལྟར་བསྟན་ཀྱང་བསྙེམས་མི་དགོས། །རང་མཚང་སྟོན་པའི་མེ་ལོང་ཉིད་དུ་དེ་གྱུར་པས། །བབ་ཅོལ་གནས་ལ་རིངས་པར་ཆས་པ་བཞིན། །ཞེས་པ་ལྟ་བུའོ། །བཅུ་དགུ་པ་གཟི་བརྗིད་ཅན་གྱི་རྒྱན་ནི། རྗོད་བྱེད་ཀྱི་ངག་དེ་ཐོས་པ་དང༌། སྨྲ་བ་པོའི་གཟི་བརྗིད་ཁྱད་པར་ཅན་དུ་གོ་བར་བྱེད་པའི་གཏམ་གྱིས་སྦྱོར་བ་སྟེ། དམར་སེར་ལི་ཁྲིའི་ཚོན་གྱིས་བསྐུས་པའི་ལང་ཚོ་བདོ་དེའི་དཔལ་གྱི་མགུར། །ཇི་སྙེད་མཁྱེན་པའི་རྫ་རྔ་བརྡུང་ཞིང་རྨོངས་པའི་དྲྭ་བ་གཅོད་པའི་བརྡར། །ཤེས་རབ་རལ་གྲིའི་ཕྱག་རྒྱ་གདེངས་པ་མཐོང་བའི་མོད་ལ་དེ་ཡི་བྱིན། །བློ་གསལ་སྙིང་ལ་ཞུགས་པའི་གཟི་བྱིན་མ་བཟོད་ནག་མོའི་ཡུལ་ལྷོ་ཕྱོགས་པའི་པཎྜི་ཏ་ཁོལ་ཀྱང་བྲོས། །ཞེས་པ་ལྟ་བུའོ། །ཉི་ཤུ་པ་རྣམ་གྲངས་བརྗོད་པའི་རྒྱན་ནི། ཡིད་ལ་བསམ་པ་དེ་མངོན་གྱུར་དུ་མ་བརྗོད་པའི་སྒོ་ནས་དོན་ཡིད་ཐོག་ཏུ་འབབ་པར་བྱ་བའི་ཐབས་སུ། རྣམ་པ་གཞན་ལ་ཁ། གཡར་བ་ལྟ་བུའི་ཟོལ་གྱིས་སྒྱུ་ཐབས་སུ་སྨྲ་བའི་ངག་སྟེ། དཔེར་ན། རྟ་ལྗང་ཆུ་ལྷའི་བུ་མོ་དང༌། །དགའ་མགུར་སྤྱོད་ཕྱིར་ཕྱོགས་དེར་སོང༌། །བདག་ཀྱང་དེ་རིང་གཉིད་བྲོ་བས། །རེ་ཞིག་མལ་དུ་མནལ་བར་བྱེད། །ཅེས་པའོ། །ཉེར་གཅིག་པ་ཀུན་ཏུ་ཕན་པའི་རྒྱན་ནི། བྱ་བའི་ལས་འགའ་ཞིག་བརྩམ་པ་ལ་བསོད་ནམས་ཀྱི་མཐུའམ། །སྟོབས་ཀྱིས་འབད་པ་མེད་པར་སྒྲུབ་བྱེད་ཇི་བཞིན་པར་ཚོགས་པར་སྟོན་པའི་ངག་སྟེ། དཔེ་ནི། བསོད་ནམས་འདི་ཡི་ནུས་མཐུ་ནི། །རྩོལ་བའི་གྲོགས་ཀྱིས་མ་བྱས་ཏེ། །ཞིང་པ་གདུང་བས་ཉེན་པའི་ཚེ། །སྤྲིན་གྱི་གསེབ་ནས་ཆུ་རྒྱུན་བྱུང༌། །ཞེས་པའོ། །ཉེར་གཉིས་པ་རྒྱ་ཆེ་བའི་རྒྱན་ནི། ལྷག་པའི་བསམ་པའམ། །འབྱོར་པ་སྟོབས་ཆེ་བའི་རང་བཞིན་སྟོན་པ་སྟེ། དཔེར་ན། ཆོས་དང་འདོད་ནོར་ཐར་པ་སྟེ། །རྣམ་བཞིས་གཞན་ལ་ཕན་པའི་སེམས། །ནམ་མཁའི་ཁྱོན་ལ་འགྲན་པ་དེས། །མཐོ་རིས་བུ་མོའི་སྐས་ལ་འཛེགས། །ཞེས་པ་ལྟ་བུའོ། །ཉེར་གསུམ་པ་བསྙོན་དོར་ནི། བརྗོད་བྱའི་ངོ་བོ་དེ་འདི་ལས་མ་ཡིན་ནོ་ཞེས་པའི་ངག་གིས་བསྙོན་ནས། །དེ་ལས་ཆོས་ཉིད་གཞན་དུ་དོར་ནས་སྟོན་པ་སྟེ། དཔེར་ན། མཚན་དཔེས་འཁྱུད་པའི་ལང་ཚོ་མཛེས་པ་སངས་རྒྱས་མ་ཡིན་ཚོགས་གཉིས་རྫོགས་པའི་འབྲས་བུ་སྟེ། །རྩྭ་མཆོག་གྲོང་དུ་མྱ་ངན་འདས་པ་འགྲོངས་པ་མ་ཡིན་དགོངས་པ་དབྱིངས་སུ་འཁྱིལ་པའི་ཚུལ། །སྡེ་སྣོད་གསུང་རབ་རྒྱ་མཚོ་བཞག་པ་ཞལ་ཆེམས་མ་ཡིན་ལུང་དང་རྟོགས་པའི་བསྟན་པ་ཡིན། །ཚིག་གིས་སྦྱོར་བ་ཟབ་མོ་འདི་ནི་དྲང་དོན་མ་ཡིན་ངེས་དོན་རྟོགས་པའི་ངག་གིས་བསྔགས། །ཞེས་སོ། །ཉེར་བཞི་པ་སྦྱར་བའི་རྒྱན་ནི། རྐང་པ་གཅིག་ཉིད་ལའང་བསྟན་བྱའི་དོན་གཉིས་གཉིས་སོགས་ཡོད་པའི་ངག་སྟེ། དཔེར་ན། གང་ཚེ་མུན་པའི་དགྲ་བོ་འཇོམས་ཤིང་པདྨའི་ཚལ་ཀྱང་རབ་ཏུ་དགའ། །སྐྱེ་རྒུ་ཀུན་ལ་བལྟ་བའི་མིག་སྦྱིན་གྲང་བའི་རེག་བྱ་དེ་ཡང་བཤུས། །ཤར་ནུབ་གཉིས་ཀྱི་བྱེ་བྲག་ཕྱེ་ཞིང་ནམ་མཁའ་ལ་ཡང་རྒྱན་དུ་བྱས། །གླིང་བཞི་ཀུན་གྱི་བདག་གིར་བྱེད་པའི་སྣང་བྱེད་དྲང་སྲོང་བདུན་གྱིའང་གཙོ། །ཞེས་པའོ། །ཉེར་ལྔ་པ་ཁྱད་པར་བརྗོད་པའི་རྒྱན་ནི། རྒྱུ་འགའ་ཞིག་རྨད་དུ་བྱུང་བར་བསྟན་པའི་ཕྱིར། རྒྱུའི་ཁྱད་པར་གྱིས་ཆོས་དང༌། ཡོན་ཏན་དང༌། བྱ་བའི་རང་བཞིན་འགའ་མ་ཚང་ཡང་འབྲས་བུ་སྐྱེད་པར་སྟོན་པའི་ངག་སྟེ། འདི་ལྟར། ལུས་མེད་རྣམས་ཀྱིས་བསྔགས་པ་བརྗོད་པའི་བཞིན་བཟང་མར། ཞགས་པ་མེད་ཀྱང་ཟུར་མིག་གཡོ་བའི་ལྕགས་ཀྱུ་དེས། །འདོད་སྲེད་ཅན་གྱི་ཡིད་ལ་རྣམ་པར་བཏབ་པ་ཡི། །ནུས་པའི་ཁྱད་པར་དེ་ལ་སུས་ཀྱང་འགོངས་པ་མེད། ཅེས་པ་ལྟ་བུའོ། །ཉེར་དྲུག་པ་མཚུངས་པར་སྦྱོང་བའི་རྒྱན་ནི། གང་བརྗོད་པར་བྱ་བའི་དོན་དེ་ལས་ཆེས་འཕགས་པ་ཞིག་དང༌། མ་ཡིན་བཞིན་དུ་མཚུངས་པར་སྦྱོར་བའི་རང་བཞིན་ཏེ། །དཔེར་ན། ཁྱོད་ཐུགས་ཀློང༷་ཆེན༷་མེ་ལོང་ངོགས། །ཤེས་བྱ་རབ༷་འབྱམ༷ས་ཀུན་རྫོགས་པས། །འཛམ་གླིང་མཛེས་པའི་རྒྱན་དྲུག་དང༌། །ཁྱད་པར་འགའ་ཡང་ཡོད་མ་ཡིན། །ཞེས་པ་ལྟ་བུའོ། །ཉེར་བདུན་པ་འགལ་བའི་རྒྱན་ནི། ངོ་བོའམ། རྫས་ཀྱི་ཆོས་འགལ་བ་གཉིས་རྣམ་པ་གཅིག་ལ་མི་འགལ་བར་སྟོན་པ་སྟེ། དཔེར་ནི། ལུས་ཀྱི་རྣམ་འགྱུར་མདའ་ལྟར་དྲང་ཡང་ཡིད་ཀྱི་རྣམ་རྟོག་གཞུ་ལྟར་འཁྱོག །བཞིན་རས་ཟླ་བའི་རྗེས་སུ་འགྲོ་ཡང་སྨིན་མ་བུང་བ་བཞིན་དུ་གནག །གཡོ་སྒྱུ་སུམ་ཅུ་རྩ་གཉིས་ཤེས་ཀྱང་སྒྱུ་རྩལ་དྲུག་ཅུ་ཀུན་ལ་རྨོངས། །བདུད་ཀྱི་བུ་མོས་ཐམས་ཅད་བསླུས་ཀྱང་ཟས་གཙང་སྲས་ལ་ནུས་པ་རྡུགས། །ཞེས་པ་ལྟ་བུའོ། །ཉེར་བརྒྱད་པ་སྐབས་མིན་བསྟོད་པའི་རྒྱན་ནི། ཆོས་ཉིད་ཇི་བཞིན་པས་བསྟོད་པའི་སྐབས་མ་ཡིན་ཡང་རང་བཞིན་བསྒྱུར་ནས་བསྟོད་པ་སྟེ། དཔེ་ནི། གང་ཚེ་ཟླ་བ་གཟས་ཟིན་པ། །དེ་ཚེ་སྣང་བྱེད་གཞན་མེད་པས། །ཀུན་གྱིས་ཟླ་བའི་ཡོན་ཏན་མཐོང༌། །ཁྱོད་ལ་སྒྲ་གཅན་དྲིན་དུ་ཆེ། །ཞེས་པས་མཚོན་ནོ། །ཉེར་དགུ་པ་ཟོལ་བསྟོད་ནི། བརྗོད་བྱའི་དངོས་པོ་ལ་བསྟོད་པའི་གནས་སྐབས་ཇི་བཞིན་པ་མ་མཆིས་ཀྱང་སྐྱོན་ཡོན་ཏན་དུ་བསྒྱུར་ནས་བསྟོད་པའི་ངག་སྟེ། དཔེར་ན། ཤིན་ཏུ་མྱོས་པའི་གླང་ཆེན་མི། །དཔའ་ཡང་དེས་པ་ཡོན་མིན་ཏེ། །གཡུལ་ངོར་དགྲ་བོ་འཇོམས་པ་ལ། །ཁྱོད་ལ་འགྲན་ཟླ་འགའ་ཡང་མེད། །ཅེས་སོ། །སུམ་ཅུ་པ་ངེས་པར་བསྟན་པའི་རྒྱན་ནི། བསྟན་པར་བྱ་བའི་དོན་དེ་ལས་ངང་ཚུལ་ལྡོག་པ་ཞིག་བསྟན་ཡང༌། དེ་དང་མཚུངས་པའི་བདག་ཉིད་ཅན་དུ་གོ་བའི་ངག་སྟེ། དཔེར་ན། བུང་བ་པདྨ་ལ་དགའ་བས། སྦྲང་རྩིའི་འབྱུང་གནས་ཡིན་པར་ཤེས། །རྔོན་པ་མིན་ཡང་རི་དྭགས་གསོད། །གླ་རྩི་འདོད་པའི་རྣམ་འགྱུར་ཡིན། །ཞེས་པ་ལྟ་བུའོ། །སོ་གཅིག་པ་ལྷན་ཅིག་བརྗོད་པའི་རྒྱན་ནི། ཆོས་ཐ་དད་པ་གཉིས་ཡོན་ཏན་ནམ། ནུས་པ་ལྷན་ཅིག་ཏུ་སྨིན་པའི་ངག་སྟེ། དཔེར་ན། རིག་པ་བདག་གིས་ཤེས་པ་དང༌། །མཁས་པ་གཞན་ལའང་མོས་པ་སྐྱེ། །དམུས་ལོང་མངལ་ལས་གྲོལ་བ་དང༌། །ལྷན་ཅིག་མུན་པའི་སྣང་བ་འཆར། །ཞེས་པའོ། །སོ་གཉིས་པ་ཡོངས་བརྗེས་ཀྱི་རྒྱན་ནི། བརྗོད་པ་དང་། རང་བཞིན་དང༌། བྱ་བ་ལ་སོགས་ཕན་ཚུན་བསྣོལ་མའི་ཚུལ་དུ་བརྗོད་པའི་ངག་སྟེ། དཔེར་ན། བློ་ལྡན་ཕུར་བུས་ལྷ་དགའ་ཕྱིར། །རྒྱུ་འབྲས་མེད་པའི་བསྟན་བཅོས་བརྩམས། །རེ་ཞིག་ལྷ་ལ་ཕན་ན་ཡང༌། །མཐར་ཐུག་བདེན་གཉིས་ཆོས་ལ་གནོད། །ཅེས་པ་ལྟ་བུའོ། །སོ་གསུམ་པ་ཤིས་པ་བརྗོད་པའི་རྒྱན་ནི། བརྗོད་བྱ་རྨད་དུ་བྱུང་ཞིང་རྗོད་བྱེད་རང་བཞིན་བརླིང་བའི་ངང་ཚུལ་ལ་སྨོན་པའི་ཚིག་སྟེ། རྐང་པ་ལྔ་པར་བྱས་ན། དྲེགས་ལྡན་མི་སྡུག་ཉམས་ཀྱིས་བཞིན་རས་གསར་པའི་འཛུམ་གྱིས་བསུས་མ་ཡིན། །སྨིན་མ་ཡོན་པོའི་ལྟ་སྟངས་འཁྱོག་པོའི་གཡོ་སྒྱུའི་ཟོལ་གྱིས་བསླུས་པའང་མིན། །དཔུང་ཚོགས་ཡན་ལག་བཞི་པའི་གཡུལ་ངོས་གཞན་སྡེ་ཟིལ་གྱིས་གནོན་མིན་པར། །མཐོང་ན་མི་མཐུན་མེད་པའི་ཐུགས་རྗེས་བདུད་ཀྱི་དཔུང་ཡང་སྐྲག་བྱེད་པའི། །འགྲོ་བའི་བླ་མ་ཤཱཀྱ་སེང་གེས་ཁྱོད་ལ་བདེ་ལེགས་མཛད་པར་གྱུར། །ཅེས་སོ། །སོ་བཞི་པ་རབ་སྤེལ་གྱི་རྒྱན་ནི། ཚིགས་སུ་བཅད་པ་གཅིག་ལའང་རྒྱན་ཐ་དད་མང་པོ་ཚང་པ་སྟེ། དཔལ་ལྡན་དཎྜིས། སྙན་དངགས་མཛེས་པར་བྱེད་པ་ཡིས། །ཆོས་རྣམས་རྒྱན་ཅེས་རབ་ཏུ་བརྗོད། །དེ་ནི་ད་ལྟའང་རྣམ་རྟོག་སྟེ། །དེ་དག་མ་ལུས་སུས་འཆད་ནུས། །འོན་ཀྱང་རྣམ་རྟོག་ས་བོན་ནི། །སྔོན་གྱི་སློབ་དཔོན་རྣམས་ཀྱིས་བསྟན། །ཞེས་གསུངས་པ་ལྟར། འཁོར་འདས་ལམ་གསུམ་གྱི་ཆོས་ཐམས་ཅད་རྟོག་པས་རྣམ་པར་སྒྲོ་བཏགས་པ་ཙམ་མོ། །དེའི་ཕྱིར་སྐབས་འདིར་སྙན་དངགས་མཁན་གྱིས་རྣམ་པར་རྟོག་པས་སྒྲོ་བཏགས་ན་ཚིག་གི་སྦྱོར་བ་གང་ལའང་རྒྱན་དུ་མི་འགྱུར་བ་མེད་ཕྱིར་དམིགས་བསལ་མ་དགོས་ཀྱང༌། དང་པོའི་མགོན་པོའི་འདྲ་འབག་བཞེང་བའི་སླད་དུ་འདི་ལྟར། རང་བཞིན་རྣམ་དག་ལྟ་བའི་ངང་ཚུལ་ཤིན་ཏུ་རྨད་བྱུང་དཔེ་ལས་འདས། །འད༵ས་པ་མ་ཡིན་སྒོམ་པའི་རྒྱལ་པོ་དུས་གསུམ་ཀུན་ཏུ་ཁྲི་ལ་བཞུ༵གས། །བཞུ༵གས་ཀྱང་སྣང་བ་ཟིལ་གྱིས་གནོན་པའི་སྤྱོད་པའི་འཕྲུལ་གྱིས་འཁོར་འདས་ཀུ༵ན། །ཀུ༵ན་ཏུ་བཟང་པོའི་དབྱིངས་ལ་བཞག་ཚེ་བརྟན་གཡོའི་དངོས་པོ་རང་སར་ཞིག །ཅེས་སྨྲས་སོ། །སོ་ལྔ་པ་དགོངས་པ་ཅན་གྱི་རྒྱན་ནི། སྙན་དངགས་མཁན་གྱིས་ཇི་ལྟར་བསམ་པའི་ཡུལ་གྱི་ཡོན་ཏན་ལ་སྦྱོར་བར་ནུས་པས་དེ་ཉིད་ཀྱི་དགོངས་པ་འགྲུབ་པའི་ངག་རྒྱུན་ཡིན་པ་དོན་ལ་གནས་ཕྱིར་དཔེར་བརྗོད་ལོགས་སུ་མི་དགོས་ཏེ། མེ་ལོང་ལས་ཀྱང༌། སྙན་དངགས་མཁན་བསམ་དགོངས་པ་སྟེ། །སྙན་དངགས་འགྲུབ་པར་གང་གནས་པ། །རབ་སྦྱོར་ཡུལ་གྱིས་ཡོན་ཏན་ཅན། །དེ་ནི་དགོངས་པ་ཅན་ཞེས་བརྗོད། །ཅེས་བཤད་པའི་ཕྱིར་རོ། །མྱུར་པོར་ཕ་རོལ་འགྲོ་བའི་ཚེ། །རང་རིག་བཙན་ས་མ་ཟིན་ན། །བཅོས་མས་བྱས་པའི་སྒྲ་དོན་རྒྱན། །འདི་ལ་སྙིང་པོ་འགའ་ཡོད་མིན། །འོན་ཀྱང་ཤེས་བྱར་སྲིད་ཚད་དངོས་ནས་མ་ཡིན་ཀྱང་བརྒྱུད་ནས་སོ་ཀྱིས། །བསྟན་ལ་བྱ་བ་བྱེད་དོ་ཞེས། །དམ་པས་ཀུན་ཏུ་བསྔགས་མཐོང་ཞིང༌། །མཁས་པ་རྣམས་ལའང་རབ་ཏུ་གྲགས། །དེ་ཕྱིར་བདེན་པ་གཟིགས་པ་ཡི། །པཎ་གྲུབ་མང་པོས་འདི་ཉིད་ཀྱི། །བསྟན་བཅོས་གང་ཞིག་མཛེས་བྱས་ཤིང་། །བློ་གསལ་དགའ་བར་བྱས་པའི་ཚུལ། །མཐོང་ནས་བདག་གིས་འདི་བྱས་སོ། །སྙན་དངགས་ཀྱི་གཏམ་རིན་པོ་ཆེའི་གཏེར་ཞེས་བྱ་བ་འདབ་ལྡན་གཡུང་དྲུང་འཁྱིལ་བའི་ཚལ་ནས་སེན་ཀ་ཨ་ནནྟས་བསྐུལ་པ་ལྟར་དབྱངས་ཅན་མགྲིན་པར་ཆགས་པའི་རྣལ་འབྱོར་པ་མཁྱེན་བརྩེའི་འོད་ཟེར་གྱིས་འོད་གསལ་གཉུག་མའི་ཕོ་བྲང་པདྨ་འོད་གླིང་དུ་རྗེས་ཐོབ་ཀྱིས་སྣང་ཆ་རྟོག་པའི་དྲྭ་བར་བཀོད་པ་རྫོགས་སོ། །རྩོམ་སྒྲིག་པ། དོན་འགྲུབ་རྡོ་རྗེ།

ན་མོ་གུ་རུ་པདྨ་ཀ་ར་ཡེ། ཨེ་མ་ཧོ། བདེ་ཆེན་ཞིང་དེར་སྣང་བ་མཐའ་ཡས་མགོན། །ཐུགས་ཀའི་ཧྲཱིཿ་ཡིག་འོ་མ་རྒྱ་མཚོར་བབས། །ཡ་མཚན་བརྗོད་བྲལ་མཚན་དཔེའི་སྐུར་སྣང་བ།།གུ་རུ་མཚོ་སྐྱེས་རྡོ་རྗེ་ཞེས་སུ་གྲགས། །སྨོན་ལམ་དབང་གིས་ཨིནྡྲ་བྷོ་དྷིར་འཕྲད། །ཡུལ་དེར་བྱོན་ནས་དམ་ཆོས་སྒྲོན་མེ་སྤར། །འོད་འཆང་མ་སོགས་བཙུན་མོའི་འཁོར་གྱིས་སྐོར། །གུ་རུ་པདྨ་རྒྱལ་པོ་མཚན་མཆོག་སྣང་། །འགྲོ་དོན་ལ་དགོངས་བསིལ་བའི་ཚལ་དུ་བཞུད། །གཟུགས་ཅན་གཟུགས་མེད་ལྷ་སྲིན་བྲན་དུ་བཀོལ། །གསང་སྔགས་ཕྱི་རྒྱུད་སྡེ་གསུམ་གསན་བཞེས་མཛད། །གུ་རུ་ཉི་མ་འོད་ཟེར་སྐུ་རུ་སྤྲུལ། །ཡང་ལེ་ཤོད་དུ་ཡང་གསང་སྒྲུབ་པ་མཛད། །ཀུན་དགའ་འབུམ་སོགས་གཤེས་གཉེན་ཚུལ་བསྟེན་ནས། །ཐུགས་ཟབ་དགོངས་པ་ཨ་ཏི་གསང་སྡེ་གསན། །ཤཱཀྱ་སེང་གེས་འགྲོ་དྲུག་འདྲེན་པར་མཛད། །བདེ་བྱེད་བརྩེགས་དང་སོ་ས་གླིང་ཉིད་དུ། །ཤྲཱི་སེང་དང་བྲ་བྷ་ཧ་ཏི་བསྟེན། །རྫོགས་པ་ཆེན་པོའི་ཆོས་རྣམས་ཐུགས་སུ་ཆུད། །གུ་རུ་ཨོ་རྒྱན་རྡོ་རྗེ་འཆང་ཆེན་པོ། །ཟ་ཧོར་ཡུལ་བྱོན་གཏུལ་ཞུགས་མཛད་པ་སྐྱོང་། །མན་དཱ་ར་བ་གསང་ལམ་རྟོགས་པ་མཉེས། །འབྲེལ་ཚད་དོན་ལྡན་རྒྱལ་ཁབ་ཆོས་ལ་བཙུད། །མཁྱེན་རབ་ཐོགས་མེད་བློ་ལྡན་མཆོག་སྲེད་རྒྱལ། །ཏི་གྲོ་བྲག་དང་མཆིམས་ཕུ་གནས་རྣམས་སུ། །ཚེ་ཡི་རིག་འཛིན་སྒྲུབ་པས་གྲུབ་པ་ཐོབ། །ཟག་མེད་རྡོ་རྗེ་ལྟ་བུ་སྐུ་མཆོག་མཉེས། །རིག་འཛིན་པདྨ་ཐོད་ཕྲེང་རྩལ་དུ་གྲགས། །ཟངས་གླིང་ལ་སོགས་མུ་སྟེགས་གདུག་པའི་ཚོགས། །ཞི་དྲག་སྣ་ཚོགས་ཐབས་ཀྱིས་བཏུལ་བ་དང་། །སྣང་སྲིད་དབང་བསྒྱུར་སྲིད་གསུམ་མངའ་དབང་བསྡུས། །མཐུ་ལྡན་གུ་རུ་སེང་གེ་སྒྲ་སྒྲོག་ཅེས། །སྟག་ཚང་སེང་གེ་ལྷ་སྲིན་དམ་ལ་བཏགས། །མི་མིན་རྒྱལ་བསེན་དམ་སྲིའི་རྒྱུ་བ་བཅད། །ཀླུ་གཉན་སྡེ་བརྒྱད་མ་ལུས་ཟིལ་གྱིས་མནན།།ཆེ་མཆོག་བཛྲ་ཁྲག་འཐུང་གྲོ་བོ་ལོད། །མངའ་བདག་རྒྱལ་བོས་གུས་ཕུལ་བོད་དུ་བྱོན། །བོད་ཡུལ་དཀོན་མཆོག་གསུམ་གྱི་བསྟན་པ་བཙུགས། །རྒྱ་བོད་པཎ་གྲུབ་སྤྱན་དྲངས་མདོ་སྔགས་བསྒྱུར། །རྗེས་འབངས་ལ་སོགས་གྲུབ་མཉེས་དངོས་གྲུབ་ཐོབ། །བརྒྱ་དང་བཅུ་གཅིག་བོད་ཡུལ་འགྲོ་དོན་མཛད། །མང་ཡུལ་གུང་ཁར་ལྷ་སྲས་སྐྱེལ་མ་མཛད། །སིངྒ་ལ་རྒྱུད་ལྷོ་ནུབ་སྲིན་གླིང་བྱོན། །སྲིན་པོ་མ་རུང་ཚོགས་རྣམས་ཆོས་ལ་བཙུད། །དད་པ་ཅན་ལ་ང་ཉིད་འདུ་འབྲལ་མེད། །གསོལ་བ་ཐོབས་དང་བྱིན་རླབས་རྟག་དུ་འཇུག །ང་ཡི་རྗེས་འཇུག་བོད་འབངས་སྐལ་ལྡན་དག །ལས་འབྲས་སྲུང་ཞིང་རང་རྒྱུད་ཐུལ་བར་མཛོད། །ང་ཡི་མཚན་སྔགས་བཛྲ་གུ་རུ་བགྲངས།།རྡོ་རྗེ་ཚིག་བདུན་བླ་མའི་རྣལ་འབྱོར་སྒོམས།།འཆི་ཁ་དྲོད་རྟག་རང་མགོ་ཐོན་པར་བྱོས། །མཉམ་ལེན་ཀུན་ཀྱི་རྩ་བ་དེ་ལས་མེད། །སྐུ་དྲིན་བསམ་མི་ཡོད་ན་གསོལ་བ་ཐོབས། །ཐུགས་རྗེ་ཟེར་ཐག་ནམ་ཡང་ཆད་མི་འགྱུར། །སྙིང་རུས་བརྟན་པོས་སྒྲུབ་པ་བྱེད་ནུས་ན། །བར་ཆད་བདུད་དབང་མི་བཏང་ང་ཡིས་སྐྱོབས། །དེང་དུས་སྙིགས་མ་ལྔ་བདོ་གནས་སྐབས་འདིར།།ལས་ངན་རྒྱུ་འབྲས་རྣམ་སྨིན་མཚོ་ལྟར་བརྡོལ།།ཕྱི་རྐྱེན་འབྱུང་བཞི་འཇིགས་པས་སྐྱེ་འགྲོ་མནར། ། ནང་རྐྱེན་གཡུལ་འཁྲུག་འགྲོ་རྣམས་བདེ་སྐྱིད་བཅོམས།།དེ་དུས་འགལ་རྐྱེན་བར་ཆད་འབྱུང་ཉེ་འདིར།།དུས་གསུམ་སངས་རྒྱས་རྣམ་སྤྲུལ་འགྲོ་བའི་མགོན།།འབྱུང་བཞིར་དབང་བསྒྱུར་ཨོ་རྒྱན་པདྨ་འབྱུང་། །མོས་གུས་གསོལ་འདེབས་རྣམ་ཐར་ཀློག་འདོན་དང་། །རི་བྲག་གནས་གཙང་མཆོད་རྟེན་སྐུ་བརྙན་བཞེངས། ། བ་ཛྲ་གུ་རུའི་དར་ལྕོག་ཅི་ནུས་གྱིས། །རྣམ་དཀར་དགེ་བསགས་བྱང་ཆུབ་སེམས་མཆོག་སྒོམས། །ཐུགས་སྐྱེད་དག་པའི་སྨོན་ལམ་རྣམ་དག་ཐོབས།།དུས་འཁྲུག་ཞི་ཞིང་རྒྱལ་ཁབ་བདེ་ཞིང་སྐྱིད། །འཛམ་གླིང་ཞི་བདེ་རྫོགས་ལྡན་དཔལ་གྱིས་འཚོ། །དོན་གཉིས་ལྷུན་འགྲུབ་དགེ་ལེགས་ས་གསུམ་ཁྱབ།།དེའི་ཕྱིར་དད་ལྡན་མོས་གུས་བུ་སློབ་རྣམས། །པདྨའི་རྣམ་ཐར་ཉུང་བསྡུས་འདིར་སྒྲུབ་གནད། །ཚིག་ཉུང་དོན་བསྡུས་བྱིན་རླབས་ཟབ་ཆོས་ཡིན། །ཛཡིད་མི་ཆེས་ན་སྒྲུབ་བརྩོན་བྱེད་ལ་རག། །དམ་མེད་ལོག་ལྟ་ཅན་ལ་གསང་བའི་རྒྱ། །བཀའ་འདི་གསང་བའི་ལྷ་མོ་སྡེ་ལྔར་བཅོལ། །ལས་འཕྲོ་སྐལ་ལྡན་ཅན་དང་ཕྲད་པར་ཤོག།འཕྲད་ནས་འགྲོ་དོན་འཔག་མེད་འབྱུང་བར་ཤོག།ཕྱག་འཚལ་མཆོད་འབུལ་སྡིག་ལྟུང་མ་ལུས་བཤགས། །དགེ་ལ་ཡི་རངས་ཆོས་འཁོར་སྐོར་བར་ཞུ། །མྱ་ངན་མི་འདའ་རྡོ་རྗེ་ངོ་བོར་བཞུགས། །དུས་གསུམ་དགེ་ཚོགས་མ་ལུས་འགྲོ་ལ་བསྔོ། །བླ་མེད་ཁྱེད་ཀྱི་ཞབས་དྲུང་སྐྱེས་བར་ཤོག ། ཨཱྃ་ཨ་ཧཱ་བཛྲ་གུ་རུ་པདྨ་སིངྷི་ཧཱུཾ།ཞེས་པའང་མདང་ནུབ་རྨི་ལམ་དུ་བླ་མ་ཨོ་རྒྱན་རིན་པོ་ཆེ་མཇལ་བས་ཉམས་འཆར་བྱུང་བ་ལ་དགའ་དད་སྤྲོ་གསུམ་གྱི་དུས་ཚེས་ཁྱད་པར་བ་ཡར་ངོས་ཚེས་བཅུ་ལ་རྟགས་དང་རྟེན་འབྲེལ་གྱི་ཚུལ་དུ་མ་ཧ་ཙི་ནའི་ཡུལ་རབ་མཛེས་ཤེལ་གྱི་ཐོག་བརྩེགས་བཅུ་གསུམ་ལས་བདེ་སྟོང་འོད་གསལ་འཆར་བའི་ལྡིང་ཁང་ནས་སྙོམས་ལས་པ་ནམ་སྨྱོན་མིང་ཅན་གྱིས་སླར་ཡང་སྨོན་པ་དང་བཅས་ཕྱི་ལོ2024ཟླ4ཚེས་10ལ་ཕུལ་བའོ།།རྩོམ་སྒྲིག་པ། དོན་འགྲུབ་རྡོ་རྗེ།

ཨེ་མ་ཧོ། །ཀ་དག་གཞོན་ནུ་བུམ་སྐུ་གདོད་མ་ཡི་གཞི་ཀློང་། །ལྷུན་གྲུབ་ལོངས་སྐུ་ངེས་པ་ལྔ་ལྡན་གྱི་སངས་རྒྱས། །གང་འདུལ་སྤྲུལ་པའི་རྣམ་རོལ་མཁའ་ཁྱབ་ཏུ་སྤྲོ་བའི། །སྐུ་གསུམ་ལྷུན་གྲུབ་དྲི་མེད་འོད་ཟེར་དེ་མཁྱེན་ནོ། །གང་གི་ཡེ་ཤེས་ཆོས་སྐུས་ལན་གསུམ་དུ་རྗེས་བཟུང་། །རིག་འཛིན་རྩལ་འཆང་སྣང་བཞི་ཟད་ས་རུ་སྐྱོལ་བ། །རིག་འཛིན་རྒྱ་མཚོས་གཙུག་གི་ནོར་བུ་ལྟར་གུས་པའི། །རིགས་བརྒྱའི་ཁྱབ་བདག་འཇིགས་མེད་གླིང་པ་དེ་མཁྱེན་ནོ། །ཡབ་སྲས་བརྒྱུད་པ་གསེར་རིའི་ཕྲེང་བ་ལྟར་མཛེས་ཤིང་། །ལུང་རྟོགས་ཡོན་ཏན་རྒྱ་མཚོའི་མངའ་བདག་ཏུ་བཞུགས་པ། །བཤད་སྒྲུབ་བསྟན་པའི་རྒྱལ་མཚན་ནུབ་མེད་དུ་སྒྲེང་བའི། །མཁས་གྲུབ་ཟུང་འབྲེལ་ཇི་སྙེད་བྱོན་པ་ཀུན་མཁྱེན་ནོ། །མཁྱེན་བརྩེའི་འོད་སྟོང་ཆོས་དབྱིངས་ལྷ་ལམ་ངོས་འཆར་ཞིང་། །སྐལ་བཟང་གདུལ་བྱའི་པད་ཚལ་ཕྱོགས་མེད་དུ་རྒྱས་མཛད། །ཐབས་མཁས་ཐུགས་རྗེས་རང་སེམས་ཆོས་སྐུ་རུ་སྟོན་པའི། །བཀའ་དྲིན་འཁོར་མེད་དྲིན་ཆེན་བླ་མ་དེ་མཁྱེན་ནོ། །ངེས་འབྱུང་ཚུལ་ཁྲིམས་རྣམ་དག་སོ་ཐར་གྱི་བསླབ་སྡོམ། །ཕན་སེམས་སྙིང་རྗེས་དྲངས་བ་བྱང་སེམས་ཀྱི་ལྟ་སྒོམ། །དག་མཉམ་རྡོ་རྗེ་གསུམ་ལྡན་གསང་སྔགས་ཀྱི་འཕགས་ཆོས། །སུམ་ལྡན་རྡོ་རྗེ་འཛིན་འདུས་རིག་འཛིན་གྱི་ཚོགས་གྲལ། །ལས་སྨོན་རྟེན་འབྲེལ་ངོ་མཚར་རྨད་བྱུང་གི་སྒོ་ནས། །ཚེ་གཅིག་སངས་རྒྱས་མྱུར་ལམ་བླ་མེད་ཀྱི་རྒྱུད་སྡེ། །ནང་རྒྱུད་ཡོ་ག་གསུམ་གྱི་ལྟ་སྒོམ་གྱི་ཟབ་ཁྱད། །སྙན་ཚིག་མགྲིན་པའི་གླུ་དབྱངས་གཞོན་པ་ངས་སྒྲོག་གོ། །གཞི་རྒྱུད་ལྷུན་གྲུབ་ལྷག་པའི་བདེན་གཉིས་ཀྱི་དཀྱིལ་འཁོར། །བསྙེན་སྒྲུབ་ལན་ལག་རྣམ་བཞིས་སྒོམ་སྒྲུབ་ཀྱི་གཞུང་སྲིང་། །སྣང་གྲགས་རིགས་གསུམ་ལྷ་སྔགས་ཆོས་སྐུ་རུ་གསལ་ནས། །མ་ཧཱའི་ལམ་འབྲས་རིག་འཛིན་བཞི་ལྡན་གྱིས་བགྲོད་འཚལ། །ལས་རླུང་ཉི་ཁྲི་ཆིག་སྟོང་གཡོ་མེད་དུ་བཅིངས་ནས། །འབར་འཛག་གཏུམ་མོས་བདེ་སྟོང་ཡེ་ཤེས་ཀྱི་རྩལ་སྦྱངས། །རྩ་རླུང་ཐིག་ལེ་ལྷུན་གྲུབ་སྐུ་གསུམ་དུ་སྨིན་ཕྱིར། །རྫོགས་རིམ་ཨ་ནུའི་སྒོམ་སྒྲུབ་མཐར་ཕྱིན་ཞིག་དགོས་ངེས། ། ཐེག་དགུའི་རྩེ་རྒྱལ་ཨ་ཏི་རྫོགས་ཆེན་གྱི་ལྟ་སྒོམ། །སྣང་སྲིད་འཁོར་འདས་རིག་སྟོང་རྗེན་པ་རུ་བཀྲལ་ནས། །མ་བཅོས་རང་བབ་བཅོས་བཞག་བཞི་ལྡན་གྱི་སྒོམ་པས། །སྣང་སེམས་རང་གྲོལ་ཀ་དག་ཁྲེགས་ཆོད་ལ་འབད་འཚལ། །མི་གཡོ་སུམ་ལྡན་ལྟ་སྒོམ་གནད་སྨིན་གྱི་མན་ངག །ཐ་མལ་འཁྲུལ་སྣང་ལྔ་ལྡན་འོད་གསལ་དུ་ངོ་སྤྲད། །སྒྲོན་མ་རྣམ་བཞིས་སྣང་བཞི་ཟད་ས་རུ་སྐྱོལ་བའི། །སྐུ་གསུམ་ལམ་བྱེད་ལྷུན་གྲུབ་ཐོད་རྒལ་གང་རྨད་བྱུང་། །འདིར་འདུས་སྐལ་ལྡན་དམ་གཙང་རྡོ་རྗེ་ཡི་མཆེད་རྣམས། །གཅིག་པུར་སྲན་ཚུགས་སྙིང་རུས་སྒོམ་སྒྲུབ་ལ་གཞོལ་ནས། །ཐེག་རྩེའི་མྱུར་ལམ་འོད་གསལ་གཤོག་ཡངས་ཤིག་བརྐྱངས་ནས། །ཀུན་བཟང་དགོངས་གྲལ་འཇའ་ལུས་ཆོས་སྐུ་རུ་གཤེགས་འཚལ། །ཞེས་པའང་རྡོ་རྗེའི་མཆེད་གྲོགས་རྣམས་ཀྱི་བཀའ་གནང་བཟློག་མི་རུང་སྙམས་ནས་རྨོངས་རྟུལ་པདྨ་ཐེག་མཆོག་བློ་ལྡན་དུ་འབོད་པས་སུག་བྲིས་བགྱིས་པའོ། ། དགེའོ།། དགེའོ།། དགེའོ།།རྩོམ་སྒྲིག་པ། དོན་འགྲུབ་རྡོ་རྗེ།

དགེ་བཤེས་འཇམ་དཔལ་རིག་འཛིན་མཆོག་ནི། རབ་བྱུང་བཅུ་དྲུག་པའི་ཐུན་མོང་ཞེས་པ་སྤྱི་ལོ། 1970 ལྕགས་ཕོ་ཁྱིའི་ལོར། ཡུལ་དབང་སྟོད་དགོན་རུ་ཚོ་བའི་དར་གྱི་སྔོ་ཤུལ་ས་ཆར་སྐུ་བལྟམས། 1982 ཆུ་ཁྱི་ལོར། དགུང་གྲངས་བཅུ་གསུམ་ཐོག་སྤྲུལ་ཐུབ་བསྟན་ཀ་དག་ཡེ་ཤེས་ཀྱི་དྲུང་ནས་རབ་ཏུ་བྱུང་སྟེ་མཚན་འཇམ་དཔལ་ཡེ་ཤེས་ཞེས་གསོལ། སྡེར་ནང་བླ་མ་བློ་བཟང་སྙན་གྲགས་ཀྱི་མདུན་ནས་ཡི་གེ་འབྲི་ཀློག་སོགས་སྦྱངས་པ་མཐར་ཕྱིན་པ་མཛད།དགེ་བའི་བཤེས་གཉེན་ཆེན་མོ་མཁན་དཔལ་ལྡན་གྲགས་པ། ཨ་མདོ་དགེ་བཤེས་འཇམ་དཔལ་རོལ་བའི་བློ་ལྡན། ཨ་ལགས་སྒོ་རུ་བློ་བཟང་འཇིགས་མེད་འཇམ་དཔལ་རྒྱ་མཚོ། ཡོངས་ཀྱིས་དགེ་བའི་བཤེས་གཉེན་ཆེན་མོ་སྐུ་རྒྱབ་གྲགས་པ་རྒྱ་མཚོ་ཚང་། ཀཿ ཐོག་རྨོག་ཚ་འཇིགས་བྲལ་ཕྱོགས་ལས་རྣམ་རྒྱལ། དགེ་བའི་བཤེས་གཉེན་བློ་བཟང་ཀུན་མཁྱེན་མཆོག དགེ་བའི་བཤེས་གཉེན་མོ་རྗེ་དགེ་འདུན་རྒྱ་མཚོ། དགེ་བའི་བཤེས་གཉེན་རྗེ་འཇིགས་མེད་དཔལ་ལྡན་རྒྱ་མཚོ། སྐྱབས་རྗེ་ལཱ་མོའི་ཡོངས་འཛིན་རིན་པོ་ཆེ་སོགས་ལས་མདོ་སྔགས་གཞུང་གི་ཟབ་གནད་དང་དབང་བསྐུར་མན་ངག་གི་གདམས་བཀའ་མང་དུ་ཐོབ། 2002 ཆུ་རྟ་ལོར། རྔ་ཡུལ་སྒོ་མང་དགོན་གྱི་མདོ་སྔགས་བཤད་སྒྲུབ་གླིང་དུ་ཞུགས་ཏེ་དགེ་བའི་བཤེས་གཉེན་ཆེན་མོ་ཨ་ཁུ་དར་རྒྱས་རྒྱ་མཚོ་དང་རྒན་རྣམ་འདྲེན་རྒྱ་མཚོ་སོགས་ཀྱི་མདུན་ནས་མགོ་བསྡུས་གྲྭ་ནས་བཟུང་སྟེ་འདུལ་བའི་བར་བཀའ་པོད་ལྔས་གཙོས་པའི་ལམ་རིམ་བློ་སྦྱོང་སོགས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་རྣམས་ལ་སྦྱང་བརྩོན་ལྷོད་མེད་གནང་ནས་རྒྱལ་བའི་གསུང་རབ་ལ་ཐོས་ལོ་ཙམ་མ་ཡིན་པར་གོ་བ་གཏིང་ཟབ་རྙེད།གཞན་དཔལ་ལྡན་འབྲས་དཀར་སྤུངས་སོགས་སུ་ཕེབས་ནས་འབྲས་སྒོ་མང་གྲྭ་ཚང་གི་དགེ་བའི་བཤེས་གཉེན་ཆེན་མོ་སོག་པོ་དགེན་བསྟན་འཛིན་ཚང་དང་། ཐེ་བོ་དགེན་དཀོན་མཆོག་ཉི་མ། བིས་མདོ་དགེན་ཡེ་ཤེས་དངོས་གྲུབ་སོགས་དགེ་བའི་བཤེས་གཉེན་གནམ་གྱིས་ས་བཀབ་པ་ལྟ་བུ་མང་དུ་བསྟེན་ནས་གཞུང་ཆེན་བཀའ་པོད་ལྔ་དང་གསང་ཆེན་རྒྱུད་སྡེ་བཞི་ལ་སྦྱངས་བརྩོན་དཔྱིས་ཕྱིན་པར་མཛད།2011 ལྕགས་ཡོས་ལོར། དཔལ་སྙན་མོ་རི་རྣམ་རྒྱལ་དགེ་ལྡན་དགོན་གྱི་མཁན་པོར་མངའ་གསོལ་དང་ཁྲི་འདོན་མཛད། གཞན་ཡང་ཨ་མདོ་དགེ་བཤེས་འཇམ་དཔལ་རོལ་བའི་བློ་གྲོས་ཀྱི་གསུང་འབུམ་དང་། སྙན་དགོན་སྤྲུལ་སྐུ་གསུང་རབ་པའི་གསུང་འབུམ་སོགས་རང་དགོན་གྱི་བླ་མ་གོང་རྣམས་ཀྱིས་གསུང་རྩོམ་གང་བཞུགས་དག་བསྒྲིགས་དང་ཞུ་དག་སོགས་ཀྱི་ཕྱག་ལས་གནང་བའི་མུ་ནས། ད་ལྟ་དཔལ་སྙན་མོ་རི་རྣམ་རྒྱལ་དགེ་ལྡན་དགོན་དུ་འཛིན་གྲྭ་ཁག་གི་དགེ་རྒན་གྱི་ཐུགས་འགན་གཙོ་བོར་བཞེས་ནས་དཔེ་ཁྲིད་སོགས་ཀྱིས་ལེགས་པར་བསྐྱངས་དང་སྐྱོང་བཞིན་བཞུགས་པ་ལགས་སོ།། རྩོམ་སྒྲིག་པ། ཤེས་རབ་རལ་གྲི།གསལ་འདེབས།རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོགདྲ་བའི་སྦྲེལ་ཐགhttp://www.tb1025.cn

གདན་ཞུའི་སྐུ་མགྲོན། བསོད་ནམས་འབུམ། མཚོ་ལྷོ་བོད་རིགས་རང་སྐྱོང་ཁུལ་ཞིན་ཧེ་རྫོང་འགྲིམ་འགྲུལ་ཉེན་རྟོག་རུ་ཆེན་གྱི་ཉེན་རྟོག་པ།  མདོ་འཛིན་པ་དང་རྩོམ་སྒྲིག་པ། ཟླ་བཟང་སྒྲོལ་མ།  རྩོམ་སྒྲིག་འགན་ཁུར་པ། ལྷ་རྒྱལ་བཀྲ་ཤིས། བཀྲ་ཤིས་དོན་གྲུབ།ལྟ་སྐུལ་པ། ཕྱུག་ལོ།  སྤྱི་ཁྱབ་ལྟ་སྐུལ་པ། དབང་གྲགས་ཚེ་རིང་།ལེ་ཚན་འདི་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་མཚོ་སྔོན་ཞིང

ཉེ་དུས་དིང་རི་རྫོང་མི་དམངས་ཁྲིམས་ཁང་གིས་འཛུགས་སྐྲུན་ལས་གྲྭའི་གན་རྒྱའི་རྩོད་གཞི་ཞིག་འདུམ་འགྲིག་བྱས་ནས། ལག་བསྟར་རེ་ཞུ་བྱེད་མཁན་ངལ་ནུས་ཀུང་སི་ཞིག་ལ་ལས་གྲྭའི་དངུལ་སྒོར་ཁྲི་30དོན་འཁྱོལ་བྱས་པ་དང་། རང་སྟོབས་འགན་སྒྲུབ་ཀྱིས་ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་ལ་སྲུང་སྐྱོང་བྱས་ཡོད།གྱོད་གཞི་དེ་སྒྲུབ་འགན་འཁུར་མཁན་ཁྲིམས་དཔོན་གྱིས་ངོ་སྤྲོད་བྱས་པར་གཞིགས་ན། འཛུགས་སྐྲུན་ཀུང་སིས་གཞིས་རྩེ་དིང་རི་རྫོང་གི་གཞུང་ལམ་བསྐྱར་སྐྲུན་རྒྱས་སྐྲུན་རྣམ་གྲངས་འོས་ཐོབ་དང་སྒྲུབ་འགན་འཁུར་རྗེས་རྣམ་གྲངས་དེ་ངལ་ནུས་ཀུང་སིར་ཁྲིམས་ལས་འགལ་ཏེ་འགན་ལེན་གཞན་སྤྲོད་བྱས་པ་མ་ཟད། བསྡོམས་སྒོར་ཁྲི་2000ལྷག་ཙམ་རི་བའི《ལས་གྲྭའི་ཨར་སྐྲུན་གན་རྒྱ》ཡང་བཞག་ཡོད། ངལ་ནུས་ཀུང་སི་དེས་ཁ་ཆད་ལྟར་རྣམ་གྲངས་འཛུགས་སྐྲུན་གྱི་འོས་འགན་བསྒྲུབས་རྗེས་འཛུགས་སྐྲུན་ཀུང་སིས་ལས་གྲྭའི་དངུལ་ལྷག་མ་སྒོར་ཁྲི་48ནར་འགྱངས་བྱས་ནས་སྤྲད་མེད་པས། ངལ་ནུས་ཀུང་སི་དེ་རྒྱུན་ལྡན་ལྟར་གཉེར་སྐྱོང་བྱེད་པར་འགོག་རྐྱེན་ཆེན་པོ་བཟོས་ཡོད། གྱོད་གཞི་དེ་ཁྲིམས་ཁང་གིས་འདུམ་འགྲིག་བྱས་རྗེས་འཛུགས་སྐྲུན་ཀུང་སིས་གོ་ཆོད་ཀྱི་ཁྲིམས་དོན་ཡིག་རིགས་ཀྱི་འོས་འགན་བསྒྲུབ་རྒྱུར་ཁས་མ་བླངས་པས། ངལ་ནུས་ཀུང་སིས་བཙན་ཤེད་ངང་ལག་བསྟར་བྱ་རྒྱུའི་རེ་ཞུ་བྱེད་དགོས་བྱུང་ཡོད་པ་རེད།གྱོད་གཞི་དེ་ལག་བསྟར་བྱེད་རིང་ལག་བསྟར་ཁྲིམས་དཔོན་གྱིས“དོན་འཁྱོལ་གྱི་དབང་ཆ་ནི་ཕན་འབྲས་དང་། གསོག་ཐེབས་ཀྱི་ཐོན་ཁུངས་ནི་མི་མངོན་པའི་སྟོབས་ཤུགས། ཉམས་གསོའི་འབྲེལ་བ་ནི་རེ་བ། བརྟན་ལྷིང་གི་སྔོན་དཔག་ནི་ངལ་ནུས་བཅས”ཀྱི་གཉེར་སྐྱོང་བྱེད་པོའི་རྩོད་གཞི་ཐག་གཅོད་ཀྱི་སྒྲིག་སྲོལ་གཞིར་བཟུང་ཕྱོགས་གཉིས་སྒྲིག་འཛུགས་བྱས་ནས་འདུམ་འགྲིག་བྱས་པ་རེད།མཐར་ལག་བསྟར་ཁྲིམས་དཔོན་གྱི་རྒྱུན་བསྲིང་ལྷོད་མེད་ཀྱི་འབད་བརྩོན་འོག འཛུཌ་སྐྲུན་ཀུང་སིས་ལས་གྲྭའི་དངུལ་སྒོར་ཁྲི་30སྤྲད་པ་དང་། ངལ་ནུས་ཀུང་སིས་ཀྱང་ལས་གྲྭའི་དངུལ་ལྷག་མ་རང་འགུལ་ངང་བློས་གཏོང་བྱས་ཐོག ཕྱོགས་གཉིས་པའི་དོ་བདག་གིས་མཉམ་ལས་གཉིས་ཁེའི་རྣམ་པ་གསར་པ་བཏོད་པ་དང་ཆབས་ཅིག ཁེ་ལས་དང་འབྲེལ་བའི་གྱོད་གཞི“ཐེངས་གཅིག་ནང་སྒྲུབ་པ་དང་། ཆེད་ལས་ཐོག་ནས་སྒྲུབ་པ། ནུས་ཆེའི་ངང་སྒྲུབ་པ”བཅས་ཀྱི་ལས་ཀའི་དམིགས་ཚད་མངོན་འགྱུར་བྱུང་ཡོད་པ་རེད། འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

འདི་ནི་ཧོར་མཐའ་མཚམས་མངཌ་གཏོང་ཁང་གི་མི་དམངས་ཉེན་རྟོག་པས་ཁོངས་གཏོཌ་ཁུལ་གྱི་མང་ཚོཌ་ལ་ཡིག་ཚཌ་ཀྱི་བཅའ་ཁྲིམས་དྲིལ་བསྒྲཌ་བྱེད་བཞིན་པ།ཉེ་ཆར། མངའ་རིས་མཐའ་མཚམས་དོ་དམ་ཉིང་ལག་རུ་ཁག་ཧོར་མཐའ་མཚམས་མངགས་གཏོང་ཁང་གིས“དེང་རབས་ཅན་གྱི་ཕུགས་འདུན་གཏོད། ཡིག་ཚགས་ལས་དོན་མི་སྣས་འབད”ཅེས་པའི་བརྗོད་དོན་གཙོ་བོར་དམིགས་ནས“རྒྱལ་སྤྱིའི་ཡིག་ཚགས་ཉིན་མོའི”སྒྲོག་འགྲེལ་བྱེད་སྒོ་སྤེལ་བ་རེད།བྱེད་སྒོ་སྤེལ་ཡུལ་དུ་མངགས་གཏོང་ཁང་གི་མི་དམངས་ཉེན་རྟོག་པས་ཡིག་ཚགས་ལས་དོན་གྱི་བཅའ་ཁྲིམས་དང་ཁྲིམས་སྲོལ་གཙོ་གནད་ཐོག་དྲིལ་བསྒྲགས་བྱས་པ་དང་། མང་ཚོགས་ཀྱིས་དོ་ཁུར་བྱེད་པའི་མི་སྒེར་གྱི་ཡིག་ཚགས་དང་། དམངས་འཚོའི་ཡིག་ཚགས། ཐེམ་ཐོའི་ཡིག་ཚགས་སོགས་ཀྱི་གནད་དོན་ལ་ས་གནས་ས་ཐོག་ཏུ་ལན་བརྒྱབ་པ་དང་འབྲེལ། ཉེ་འགྲམ་གྱི་ཡིག་ཚགས་དང་འབྲེལ་ཡོད་དཔེ་མཚོན་དང་ཟུང་འབྲེལ་གྱིས་ཉེས་གསོག་ལ་རྡུང་རྡེག་གཏོང་བ་དང་མི་དམངས་ལ་ཞབས་འདེགས་ཞུ་བའི་ཁྲོད་ཡིག་ཚགས་ལས་དོན་གྱིས་བཏོན་པའི་དོན་སྙིང་དངོས་ལ་གསོན་ཉམས་ལྡན་པའི་ངང་གསལ་འགྲེལ་བྱས་ནས། རྒྱ་ཆེའི་མང་ཚོགས་ཀྱི་ཡིག་ཚགས་ཀྱི་འདུ་ཤེས་ཟབ་ཏུ་དང་མིའི་རིགས་ཀྱི་རིག་གནས་ཤུལ་བཞག་སྲུང་སྐྱོང་ལ་ཁྲིད་སྟོན་བྱས་ཡོད།ད་ཐེངས་ཀྱི་བྱེད་སྒོའི་ཁྲོད་རིམ་རྩིས་བྱས་ན་དྲིལ་བསྒྲགས་ཤོག་ལྷེ་200ལྷག་ཙམ་སྤྲད་པ་དང་མི་ཐེངས་30ལྷག་ཙམ་གྱི་བློ་འདྲིར་ལན་བརྒྱབ་པ་རེད། འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

མཚོ་སྔོན་ཞིང་ཆེན་གྱི་ཞུ་གཏུག་སྔོན་གྱི་བར་འདུམ་བྱ་བའི་ཆེད་དོན་སྐུལ་སྤེལ་གྲོས་ཚོགས་ཟི་ལིང་དུ་བསྡུས་པ།མཚོ་སྔོན་ཞིང་ཆེན་ཡོངས་ཀྱི་ཞུ་གཏུག་སྔོན་གྱི་བར་འདུམ་བྱ་བའི་ཆེད་དོན་སྐུལ་སྤེལ་གྲོས་ཚོགས་ཉེ་ལམ་ཟི་ལིང་དུ་བསྡུས། ཞིང་ཆེན་ཏང་ཨུའི་རྒྱུན་ལས་ཨུ་ཡོན། སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི་དབྱང་ཧྥ་སིན་གྲོས་ཚོགས་ལ་ཞུགས་པར་མ་ཟད་གཏམ་བཤད། ཞིང་ཆེན་མི་དམངས་ཁྲིམས་ཁང་གི་ཡོན་ཀྲང་ཀྲང་ཙིའུ་ཅུན་གྱིས་གྲོས་ཚོགས་ལ་མགོ་འཛིན་བྱས།ཚོགས་ཐོག་ནས་ནན་གྱིས་བསྟན་དོན། ཞི་ཅིན་ཕིང་གི་ཁྲིམས་སྐྱོང་དགོངས་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞུ་གཏུག་སྔོན་གྱི་བར་འདུམ་སྐོར་གྱི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ཟབ་མོ་དང་ལག་ལེན་མཐར་ཕྱིན་བྱེད་པ་དང་། དུས་རབས་གསར་བའི་ཧྥིན་ཆའོ་ཉམས་མྱོང་རྒྱུན་འཁྱོངས་དང་འཕེལ་རྒྱས་སུ་གཏོང་བ། ཞུ་གཏུག་བྱེད་མི་དགོས་པའི་གྱོད་གཞི་ཐག་གཅོད་རྐྱེན་སྲོལ་སྔོན་དུ་འཇོག་པ། ཞུ་གཏུག་བར་འདུམ་སྦྲེལ་མཐུད་བྱ་བའི་རྐྱེན་སྲོལ་འཐུས་ཚང་དུ་གཏོང་བ། བར་འདུམ་ཆེན་པོའི་བྱ་བའི་མ་ལག་མྱུར་དུ་འཛུགས་སྐྲུན་བྱེད་པ། ཞུ་གཏུག་སྔོན་གྱི་བར་འདུམ་དེ་གཞི་རིམ་དང་སྤྱི་ཚོགས། ལས་རིགས་བཅས་ཀྱི་ཐད་རྒྱུན་བསྲིང་བར་སྐུལ་འདེད་གཏོང་བ། འགོ་ཁུངས་ནས་ཞུ་གཏུག་གི་གྲངས་ཀ་ཇེ་ཉུང་དུ་བཏང་སྟེ། ཆུ་ཚད་སྔར་ལས་མཐོ་བའི་བདེ་འཇགས་མཚོ་སྔོན་དང་ཁྲིམས་སྐྱོང་མཚོ་སྔོན་འཛུགས་སྐྲུན་བྱེད་ཆེད་ཤུགས་འདོན་དགོས།ཚོགས་ཐོག་ནས། ཞུ་གཏུག་སྔོན་གྱི་བར་འདུན་བྱ་བའི་དོན་སྙིང་གལ་ཆེན་ལ་ངོས་འཛིན་གང་ལེགས་བྱེད་པ་དང་། མདུན་སྣེ་དམ་འཛིན་དང་མི་མངོན་པའི་སྐྱོན་ཆར་བཅོས་སྐྱོང་བྱེད་པ། འགལ་རྩོད་རང་འགུལ་གྱིས་གྲལ་བཤེར་དང་ཐག་གཅོད་བྱེད་པ། མི་དམངས་བར་འདུམ་གྱི་རྩ་འཛུགས་ནུས་པ་འདོན་སྤེལ་བྱས་ནས། ཞུ་གཏུག་སྔོན་གྱི་བར་འདུམ་འགོ་ཁུངས་ཀྱི་རྨང་གཞི་རྒྱུན་མ་ཆད་པར་ཇེ་བརྟན་དུ་གཏོང་དགོས། ཞུ་གཏུག་སྔོན་གྱི་བར་འདུམ་བྱ་བ་ལེགས་བཅོས་དང་ལེགས་སྒྱུར་བྱེད་པ་དང་། ཁྲིམས་ཁང་ལས་ཁུངས་ཀྱི་བར་འདུམ་ཁྲོད་ཀྱི་ཆེད་ལས་ཅན་དང་དབང་ཟིལ་རང་བཞིན། མཛུབ་སྟོན་རང་བཞིན་གྱི་དགེ་མཚན་འདོན་སྤེལ་བྱེད་པ། འགལ་རྩོད་དངོས་གནས་ཐག་གཅོད་པར་སྐུལ་འདེད་གཏོང་བ། མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་སྲུང་སྐྱོབ་བྱས་ནས། ཞིང་ཆེན་ཡོངས་ཀྱི་ཞུ་གཏུག་སྔོན་གྱི་བར་འདུམ་བྱ་བའི་རྣམ་པ་གསར་བ་ཧུར་ཐག་གིས་བསྐྲུན་དགོས།གྲོས་ཚོགས་བརྙན་རིས་ཀྱི་རྣམ་པ་བརྒྱུད་དེ་གྲོང་དང་ཁུལ་རིམ་པ་རུ་བསྡུས་པ་དང་། ཞིང་ཆེན་དང་གྲོང་ཁྱེར་རིམ་པ་གཉིས་ཀྱི་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་དང་ཁྲིམས་ཁང་། ཁྲིམས་འཛིན་ཅུའུ་ཡི་འགན་ཁུར་བློ་མཐུན། འབྲེལ་ཡོད་ལས་སྒོ་སྡེ་ཁག་གི་འགན་ཁུར་བློ་མཐུན་བཅས་སོ་སོར་ཚོགས་ར་གཙོ་བོ་དང་ཡན་ལག་ཚོགས་ར་ནས་གྲོས་ཚོགས་ལ་ཞུགས། རྩོམ་སྒྲིག་པ། ནམ་མཁའ་ཚེ་རིང་།

ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ལྗང་མདོག་རྩིས་ནུས་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ཀྱི་ཆེད་དོན་འཆད་ཁྲིད་སྤེལ་བ།ཞིང་ཆེན་ཏང་ཨུའི་ལྗང་མདོག་རྩིས་ནུས་ཐོན་ལས་འཕེལ་རྒྱས་གཏོང་བའི་སྐོར་གྱི་བཀོད་སྒྲིག་བླང་བྱ་སྔར་ལས་ལག་བསྟར་དོན་འཁྱོལ་བྱ་ཆེད། ཟླ6པའི་ཚེས24ཉིན། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ལྗང་མདོག་རྩིས་ནུས་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ཀྱི་ཆེད་དོན་འཆད་ཁྲིད་སྤེལ་ཞིང་། མཚོ་སྔོན་སློབ་གྲྭ་ཆེན་མོའི་རྩིས་འཁོར་ལག་རྩལ་དང་ཉེར་སྤྱོད་སློབ་གླིང་གི་རྒྱུན་ལས་གླིང་གཙོ་གཞོན་པ། དགེ་རྒན་ཆེན་མོ། འབུམ་རམས་པའི་སློབ་དཔོན་ཧོང་ཅན་ཆང་གདན་དྲངས་ནས་ཁ་ཡིག་ལ《ལྗང་མདོག་རྩིས་ནུས་ལ་བརྟེན་ནས་ཐོན་སྐྱེད་ནུས་ཤུགས་གསར་མའི་མ་དཔེ་གསར་གཏོད་བྱེད》ཅེས་པའི་ཟུར་ཁྲིད་སྙན་ཞུ་ཕུལ་ཏེ། མཚོ་སྔོན་གྱི་ལྗང་མདོག་རྩིས་ནུས་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་རམ་འདེགས་བྱས།ཟུར་ཁྲིད་བྱེད་སྐབས། ཧོང་ཅན་ཆང་གིས་ལྗང་མདོག་རྩིས་ནུས་ལ་གོ་བ་གཏིང་ཟབ་ལེན་པ་དང་ཁོང་དུ་ཆུད་པ་དང་། མཚོ་སྔོན་གྱིས་ལྗང་མདོག་རྩིས་ནུས་ཐོན་ལས་འཕེལ་རྒྱས་གཏོང་བའི་སྤྱིའི་བླང་བྱ་དང་ཁྱད་ཆོས། མཚོ་སྔོན་གྱིས་ཇི་ལྟར་ལྗང་མདོག་རྩིས་ནུས་ཐོན་ལས་ལ་འགན་སྲུང་དང་འདེགས་སྐྱོར་བྱེད་པ་སོགས་ཀྱི་ཐད་ནས་རྒྱུད་རིམ་ལྡན་པའི་སྒོ་ནས་འགྲེལ་བཤད་བྱས། དུས་མཚུངས་སུ་ལྗང་མདོག་རྩིས་ནུས་ཀྱིས་སྣེ་ཁྲིད་བྱེད་པའི་ཐོན་སྐྱེད་ནུས་ཤུགས་གསར་མ་འཕེལ་རྒྱས་ཇེ་མགྱོགས་སུ་གཏོང་རྒྱུ་ནི་མཚོ་སྔོན་གྱི་མདུན་དུ་ལྷགས་པའི་འཐབ་ཇུས་ཀྱི་གོ་སྐབས་གལ་ཆེན་ཞིག་ཡིན་པས། ཐོན་ཁུངས་ཀྱི་ལེགས་ཆ་དང་ཁྱད་སྟོབས་ལ་གཞི་ཚུགས་ནས། གཞི་གྲངས་ལྟེ་གནས་དང་སྤྲིན་རྩིས། གཞི་གྲངས་ཆེན་པོ་བཅས་གཞི་གཅིག་ཅན་གྱི་རྣམ་པ་གསར་བའི་རྩིས་ནུས་དྲ་རྒྱའི་མ་ལག་གི་རྒྱལ་ཁབ་ཀྱི་བཀོད་པ་དང་རྒྱལ་ཡོངས་གཞི་གཅིག་ཅན་གྱི་རྩིས་ནུས་དྲ་བའི་ཁྲོད་གཏིང་ཟབ་ཏུ་འདྲེས་པར་བྱེད་པ་དང་། ཁྲོམ་རའི་དགོས་མཁོ་དང་གཙོ་གནད་ཁྱབ་ཁོངས་ལ་དམིགས་ནས། ལྗང་མདོག་གློག་ཤུགས་དེ་ལྗང་མདོག་རྩིས་ནུས་སུ་བསྒྱུར་བར་ནུས་ཤུགས་ཡོད་རྒུས་སྐུལ་འདེད་གཏོང་བ་དང་། ལྗང་མདོག་རྩིས་ནུས་དེ་སྐྱེ་ཁམས་ཁོར་ཡུག་སྲུང་སྐྱོང་དང་། ནུས་ཁུངས་གཙང་མ། གནམ་དཔྱད་ཚན་རིག སྐྱེ་ལྡན་ཞིང་ཕྱུགས་སོགས་ཁྱད་ལྡན་ཐོན་ལས་ཀྱི་རིག་ནུས་ཁོར་ཡུག་དང་སྣོལ་ནས་བཀོལ་སྤྱོད་བྱེད་པར་སྐུལ་འདེད་ཆེན་པོ་བཏང་སྟེ། ལྗང་མདོག་རྩིས་ནུས་དེ་དངོས་ཡོད་ཀྱི་ཐོན་སྐྱེད་ནུས་ཤུགས་སུ་འགྱུར་བར་བྱེད་དགོས་ཞེས་བསྟན།ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ལས་ཁུངས་ཀྱི་ཏང་ཡོན་ལས་བྱེད་པ་ཡོངས་ཀྱིས་འཆད་ཁྲིད་ལ་ཉན་རྗེས་བཤད་རྒྱུར། དམངས་འཐུས་ཚོགས་ཆེན་གྱི་འགན་ནུས་དང་འགན་འཁྲི་གཞིར་བཟུང་ནས། ལྗང་མདོག་རྩིས་ནུས་ཀྱི་ལྟེ་བའི་ནང་དོན་དང་མངོན་འགྱུར་ཐབས་ལམ་སྔར་ལས་ཤེས་རྟོགས་དང་ཁོང་དུ་ཆུད་པར་བྱེད་པ་དང་། གསར་དར་ཐོན་ལས་དང་མ་འོངས་པའི་ཐོན་ལས་ཁྱབ་ཁོངས་ཀྱི་ཁྲིམས་འཛུགས་ལྟ་སྐུལ་ལག་ལེན་རྒྱུན་ཆད་མེད་པར་འཚོལ་ཞིབ་བྱེད་པ། རང་ས་གནས་ཀྱི་ཁྱད་ཆོས་དང་ཁྱད་སྟོབས་ལྡན་པའི་དེང་རབས་ཅན་གྱི་ཐོན་ལས་མ་ལག་གསོ་སྐྱོང་ཡག་པོ་བཅས་བྱས་ནས། མཚོ་སྔོན་གྱི་ལྗང་མདོག་རྩིས་ནུས་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་དམངས་འཐུས་ཚོགས་ཆེན་གྱི་བྱས་རྗེས་འཇོག་རྒྱུ་ཡིན་ཟེར། རྩོམ་སྒྲིག་པ། ནམ་མཁའ་ཚེ་རིང་།

འདི་ནི་མལ་གྲོ་གུང་དཀར་རྫོང་ཁྲིམས་རྩོད་པའི་ལས་དོན་ཁང་གི་ཁྲིམས་རྩོད་པས་མང་ཚོགས་ལ་བཅའ་ཁྲིམས་ཤེས་བྱ་གསལ་འགྲེལ་རྒྱག་བཞིན་པ།ཉེ་བའི་ལོ་ཤས་རིང་། ལྷ་ས་གྲོང་ཁྱེར་མལ་གྲོ་གུང་དཀར་རྫོང་གིས་ཐོག་མཐའ་བར་གསུམ་དུ་ཏང་འཛུགས་སྐྱོང་གིས་སྣེ་ཁྲིད་བྱ་རྒྱུ་མཐའ་འཁྱོངས་ཀྱིས་ཁྲིམས་རྩོད་པའི་ལས་དོན་ཁང་གི“ཕྱོགས་གསུམ་པའི”ནུས་པ་འདོན་སྤེལ་གང་ལེགས་བྱས་ཏེ། སྤྱི་པའི་བཅའ་ཁྲིམས་ཞབས་ཞུའི་ཐབས་ལམ་རྒྱུན་མཐུད་ཤར་གཏོང་བྱས་པར་མང་ཚོགས་ཀྱི་གདེང་འཇོག་བཟང་པོ་ཐོབ་པ་རེད།རྩ་འཛུགས་དོ་དམ་ལ་ཤུགས་སྣོན་བརྒྱབ་ནས་ཆེད་ལས་ཀྱི“དཔུང་ཁག་ཆུང་ཆུང”འཛུགས་སྐྱོང་ཡག་པོ་བྱས་ཤིང་། མལ་གྲོ་གུང་དཀར་རྫོང་གིས་རྫོང་ཁོངས་ཁྲིམས་རྩོད་ལས་དོན་ཁང་གི་ཏང་ཡོན་ཁྲིམས་རྩོད་པ་རྫོང་ཁྲིམས་འཛིན་ཅུས་ཀྱི་གཅིག་གྱུར་དོ་དམ་ནང་བཅུག་སྟེ། ཏང་ཙུའི་རིགས་པའི་གཞུང་ལུཊ་སློབ་སྦྱོང་ལྟེ་བའི་ཚོཊ་ཆུང་གི་སློབ་སྦྱོང་དང་ཏང་ཀྲི་པུའི“ཚོཊ་འདུ་གསུམ་དང་སློབ་ཚན་གཅིག”སོགས་ཀྱི་གཞི་རྟེན་ལ་བརྟེན་ནས་སློབ་སྦྱོང་སློབ་གསོར་ཤུགས་སྣོན་བརྒྱབ་པ་བརྒྱུད་ཆབ་སྲིད་འཚོ་བ་ཚད་ལྡན་དུ་བཏང་བ་རེད།སྤྱི་འདོམས་མཛུབ་ཁྲིད་ལ་ཤུགས་སྣོན་བརྒྱབ་ནས་དམངས་ཕན་གྱི“སྐར་ཁུང་ཆུང་ཆུང”བེད་སྤྱོད་ཡག་པོ་བྱས་ཤིང་། “1+8”སྤྱི་པའི་བཅའ་ཁྲིམས་ཞབས་ཞུའི་མ་ལག་བཙུགས་ནས་རྫོང་ཁོངས་ཁྲིམས་རྩོད་ལས་དོན་ཁང་གི་ལས་ཀའི་ཉིན་མོའི“ལས་རེས”ལམ་ལུགས་དོན་འཁྱོལ་བྱས་ཏེ། མང་ཚོགས་དང་ཁེ་ལས་ལ་དུས་ཐོག་ཏུ་དམིགས་བསལ་ཁྱད་ཆོས་ལྡན་པའི་བཅའ་ཁྲིམས་ཞབས་འདེགས་ཞུས་པ་རེད།སྤུས་དག་ཞབས་ཞུར་ཤུགས་སྣོན་བརྒྱབ་ནས་སྙིང་ཉེ་བའི“སྲུང་དམག་ཆུང་ཆུང”ཡག་པོ་བྱས་ཤིང་། ཞིང་པ་ལས་མིའི་གླ་ཕོཊ་སྤྲོད་དབང་སྲུང་སྐྱོང་ལས་གནས་བཙུགས་ཏེ་ཞིང་པ་ལས་མིའི་ངལ་རྩོལ་ཁེ་དབང་ལ་སྲུང་སྐྱོང་བྱེད་ཤུགས་ཆེ་རུ་བཏང་ནས་ཞིང་པ་ལས་མིའི་ངལ་རྩོལ་གླ་ཆ་འགྱངས་ཆད་བྱས་པའི་གྱོད་གཞིར་ཉིན་དེ་རང་ལ་བདག་སྤྲོད་དང་། ཉིན་དེ་རང་ལ་མངགས་གཏོང་། རོགས་པ་གང་ཐུབ་བཅས་བྱས་པ་དང་། མང་ཚོགས་ཀྱི་འཚོ་བ་དང་ཁེ་ལས་གཉེར་སྐྱོང་བྱེད་རིང་འཕྲད་པའི་བཅའ་ཁྲིམས་ཀྱི་གནད་དོན་ལ་དུས་ཐོག་ཏུ་བཅའ་ཁྲིམས་བློ་འདྲི་དང་། བཅའ་ཁྲིམས་ཡིག་ཆ་ཚབ་འབྲི། གཏུག་བཤེར་མ་ཡིན་པའི་ལས་དོན་སོགས་ལ་རོགས་སྐྱོར་ཞབས་འདེགས་ཞུས་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཉེ་ཆར། ལྷ་རྩེ་རྫོང་མི་དམངས་ཁྲིམས་ཁང་གིས་ཁྲིམས་འཛིན་ལས་དོན་པར་དམའ་འབེབས་གཏོང་མཁན་སྐྱེས་པ་ཞིག་ལ་ཁྲིམས་འཛིན་གྱི་ཆད་གཅོད་བསླབ་འདོམས་བྱས་པ་དེ་ལྷ་རྩེ་རྫོང་མི་དམངས་ཁྲིམས་ཁང་གིས་དམངས་དོན་འདྲི་གཅོད་དུས་མཚམས་སུ་ཁྲིམས་འཛིན་གྱི་ཆད་གཅོད་བསླབ་འདོམས་བྱེད་ཐེངས་ཐོག་མ་ཡིན་ཞིང་། ཆད་གཅོད་བསླབ་འདོམས་བྱ་ཡུལ་ལ་བཀག་ཉར་ཉིན་7དང་དངུལ་ཆད་སྒོར་1000གཅོད་པའི་ཁྲིམས་འཛིན་གྱི་ཆད་གཅོད་བསླབ་འདོམས་བྱ་ཐབས་སྤྱད་པ་རེད།གྱོད་གཞིའི་གནས་ཚུལ་མདོར་བསྡུས།ཉེ་ཆར། ལྷ་རྩེ་རྫོང་མི་དམངས་ཁྲིམས་ཁང་གིས་ཁྲིམས་ལྟར་ཞུ་སྦྱོར་སྔ་མ་ཟླ་ཆེ་གེ་མོ་དང་ཞུ་སྦྱོར་ཕྱི་མ་བསྟན་ཆེ་གེ་མོའི་གན་རྒྱའི་རྩོད་གཞིའི་སྐོར་གྱི་གྱོད་གཞི་ཞིག་ལ་ཁྲིམས་ཐག་བཅད་པ་དང་། བཅའ་ཁྲིམས་ཀྱི་ཡིག་ཆ་བསྐྱལ་བ་དང་ཆབས་ཅིག་ཁྲིམས་ཐག་བཅད་རྗེས་ཀྱི་དོགས་གཞི་སེལ་རིང་བསྟན་ཆེ་གེ་མོས་ཁ་པར་དང་སྐད་འཕྲིན་སོགས་ནས་གྱོད་སྒྲུབ་མི་སྣར་དམའ་འབེབས་དང་ཚིག་ངན་ཐེངས་མང་བརྗོད་པ་མ་ཟད། ད་དུང་ཁ་ཏ་བསླབ་བྱ་བྱས་རུང་ཉན་མེད་པ་རེད། ཁྲིམས་འཛིན་གྱི་དབང་གྲགས་ལ་སྲུང་སྐྱོང་དང་། བཅའ་ཁྲིམས་ཀྱི་ཟིལ་ཤུགས་ལ་སྲུང་སྐྱོབ། ཁྲིམས་འཛིན་ལས་དོན་པའི་རྒྱུན་གཏན་གྱི་འགན་འཁྲི་ལག་ལེན་བསྟར་བའི་ཁེ་དབང་ལ་སྲུང་སྐྱོང་བཅས་བྱ་ཆེད། ལྷ་རྩེ་ཁྲིམས་ཁང་ཁྲིམས་འཛིན་ཉེན་རྟོག་རུ་ཆེན་གྱིས་འབྲེལ་ཡོད་གནས་ཚུལ་ལ་རྒྱུས་མངའ་དང་ངོས་འཛིན་གང་ལེགས་བྱས་རྗེས། གྱོད་ཐོ་བཀོད་ནས་དུས་ཐོག་ཏུ་འབྲེལ་ཡོད་དཔང་རྟགས་བསྡུ་རུབ་བྱས་ཏེ་བསྟན་ཆེ་གེ་མོ་ཡོད་སའི་མངའ་རིས་ས་ཁུལ་རྩྭ་མདའ་རྫོང་དུ་བསྐྱོད་དེ་རྩྭ་མདའ་ཁྲིམས་ཁང་དང་རྩྭ་མདའ་སྤྱི་བདེའི་གཞོགས་འདེགས་འོག་ཁྲིམས་འཛིན་ཉེན་རྟོག་པས་བསྟན་ཆེ་གེ་མོ་བཀག་སྡོམ་བྱས་པ་དང་འབྲེལ་འདྲི་རྩད་བྱས་པ་རེད། སྒྲ་ཕབ་དང་བརྙན་ལེན་བྱས་པའི་དཔང་རྟགས་ཀྱི་མདུན་དུ་བསྟན་ཆེ་གེ་མོས་རང་ཉིད་ཀྱིས་ཁྲིམས་འཛིན་ལས་དོན་པར་དམའ་འབེབས་བཏང་བའི་དོན་དངོས་ཁས་བླངས་པ་མ་ཟད། རེ་ཞིག་བཟོད་པ་སྒོམ་མ་ཐུབ་པར་ཐལ་དྲགས་པའི་བྱེད་སྤྱོད་སྤེལ་ལུགས་ལ་འགྲེལ་བཤད་བརྒྱབ། འདྲི་རྩད་བྱེད་རིང་བསྟན་ཆེ་གེ་མོས་རང་འགུལ་ངང་འགྱོད་བཤགས་ཡི་གེ་བྲིས་པ་དང་ཆབས་ཅིག་འབྲེལ་ཡོད་ཁྲིམས་འཛིན་ལས་དོན་པར་དགོངས་དག་ཀྱང་ཞུས་པ་རེད།ཐག་གཅོད་བྱས་འབྲས།ཁྲིམས་ཁང་གིས་བསྟན་ཆེ་གེ་མོས་ཁྲིམས་འཛིན་ལས་དོན་པར་དམའ་འབེབས་དང་ཚིག་ངན་ཐེངས་མང་བཏབ་པའི་གནས་ཚུལ་ཚབས་ཆེ་ལ། དེའི་བྱེད་སྤྱོད་ཀྱིས་མི་དམངས་ཁྲིམས་ཁང་ལས་དོན་གྱི་སྒྲིག་ལམ་ལ་གཏོར་བཤིག་ཚབས་ཆེན་བཏང་བའི་ངོས་འཛིན་བྱས་ཤིང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་གཏུག་བཤེར་བཅའ་ཁྲིམས》གཞིར་བཟུང་། བསྟན་ཆེ་གེ་མོར་བཀག་ཉར་ཉིན་7དང་དངུལ་ཆད་སྒོར་1000གཅོད་པའི་ཁྲིམས་འཛིན་གྱི་ཆད་གཅོད་བསླབ་འདོམས་བྱེད་ཐབས་སྤྱད་ནས་མིག་ལྟོས་ངན་འགྲན་བྱེད་མཁན་ལ་ཕྱི་འདོམས་བྱས་པ་རེད།ཁྲིམས་དཔོན་གྱི་འགྲེལ་བཤད།གཏུག་བཤེར་ཁྲོད་ཞུགས་པའི་བརྒྱུད་རིམ་ནང་རྒྱ་ཆེའི་མི་དམངས་མང་ཚོགས་དང་གྱོད་གཞིའི་དོ་བདག་སོགས་ཀྱིས་གོང་གཏུག་དང་། བསམ་འདུན་བསྐྱར་ཞུ། ཐེར་འདོན་སོགས་ལུགས་མཐུན་གྱི་བྱ་ཐབས་བརྒྱུད་རེ་ཞུ་འདོན་དགོས་པ་དང་གཏུག་བཤེར་སྒྲིག་ལམ་ནན་པོ་སྲུང་བ་ལས་བཅའ་ཁྲིམས་ཀྱི་མཐའ་ཚད་ལས་བརྒལ་མི་རུང་། དེ་ལས་བརྒལ་ཚེ་བཅའ་ཁྲིམས་ཀྱི་ཆད་པ་ཕོག་ངེས་རེད།འབྲེལ་ཡོད་བཅའ་ཁྲིམས་ཀྱི་དོན་ཚན།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་གཏུག་བཤེར་བཅའ་ཁྲིམས》ཀྱི་དོན་ཚན་བརྒྱ་དང་བཅུ་བཞིའི་ནང་གཏན་འབེབས་བྱས་དོན། ཁྲིམས་འཛིན་ལས་བྱེད་པ་དང་། གཏུག་བཤེར་ནང་ཞུགས་མཁན། དཔང་པོ། ལོ་ཙཱ་བ། གསལ་འབྱེད་པ། རྩད་ཞིབ་པ། ལག་བསྟར་བྱེད་རོགས་བྱེད་མཁན་བཅས་ལ་དམའ་འབེབས་དང་། སྐུར་འདེབས། ཉེས་མེད་ཉེས་འགེལ། ཉེས་རྡུང་གཏོང་བ་བཅས་བྱས་པའམ་ཡང་ན་འཁོན་ལན་སློག་རིགས་ལ་མི་དམངས་ཁྲིམས་ཁང་གིས་ཉེས་ཚབས་ཆེ་ཆུང་ལ་གཞིགས་ནས་དངུལ་ཆད་གཏོང་བ་དང་བཀག་ཉར་བྱེད་ཆོག་པ་དང་ནག་ཉེས་གྲུབ་རིགས་ལ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ་རེད། དོན་ཚན་བརྒྱ་དང་བཅོ་བརྒྱད་པའི་ནང་གཏན་འབེབས་བྱས་དོན། མི་སྒེར་ལ་དངུལ་ཆད་གཅོད་པའི་དངུལ་གྲངས་མི་དམངས་ཤོག་སྒོར་ཁྲི་བཅུ་མན་ཡིན་པ་དང་ཚན་པར་དངུལ་ཆད་གཅོད་པའི་དངུལ་གྲངས་མི་དམངས་ཤོག་སྒོར་ཁྲི་ལྔ་ཡན་ནས་ཁྲི་བརྒྱ་མན་བར་ཡིན། བཀག་ཉར་བྱེད་པའི་དུས་བཀག་ཉིན་བཅོ་ལྔ་མན་ཡིན། བཀག་ཉར་བྱ་ཡུལ་མི་དམངས་ཁྲིམས་ཁང་གིས་སྤྱི་བདེ་ལས་ཁུངས་ལ་དོ་དམ་བྱ་རྒྱུར་རྩིས་སྤྲོད་པ་དང་། བཀག་ཉར་བྱེད་རིང་བཀག་ཉར་བྱ་ཡུལ་གྱིས་ནོར་འཁྲུལ་ངོས་ལེན་དང་ཡོ་བསྲང་བྱས་ཚེ་མི་དམངས་ཁྲིམས་ཁང་གིས་བཀག་ཉར་བྱེད་ཡུན་ཐུང་དུ་གཏོང་ཆོག འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཉེ་ཆར། ལྷ་ས་གྲོང་ཁྱེར་ཆུ་ཤུར་རྫོང་ཚལ་སྣེ་ཤང་ཁྲིམས་འཛིན་སུའོ་རུ་དོན་སྙིང་ཆེན་པོ་ལྡན་པའི་གྲོང་ཚོ་རེར་བཅའ་ཁྲིམས་བློ་འདྲི་རེའི་གན་འཇོག་མཛད་སྒོ་འཚོགས་པ་རེད།“གྲོང་ཚོ་རེར་བཅའ་ཁྲིམས་བློ་འདྲི་རེའི”ལས་དོན་གཏིང་ཟབ་སྤེལ་བར་སྔར་བས་སྐུལ་འདེད་བཏང་ནས། ཚལ་སྣེ་ཤང་གི་གཞི་རིམ་གྱི་དམངས་གཙོ་ཁྲིམས་སྐྱོང་འཛུགས་སྐྱོང་དང་སྤྱི་པའི་བཅའ་ཁྲིམས་ཞབས་ཞུའི་མ་ལག་འཛུགས་སྐྱོང་ལ་ཤུགས་སྣོན་རྒྱག་ཆེད། ད་ཐེངས་ཀྱི་གན་འཇོག་མཛད་སྒོར་ཀུན་གྱིས་དོ་སྣང་ཆེན་པོ་བྱས་ནས་དེ་ཉིན་གྲོང་ཚོ་ལྔས་ཐའེ་ཧོ་ཐའེ་ཁྲིམས་རྩོད་པའི་ལས་དོན་ཁང་དང་བཅའ་ཁྲིམས་བློ་འདྲིའི་གན་རྒྱ་དངོས་སུ་བཞག་པ་རེད།མཛད་སྒོར་ཚལ་སྣེ་ཁྲིམས་འཛིན་སུའོ་ཡི་སུའོ་ཀྲང་ཝང་ཞའོ་དབྱི་ཡིས“གྲོང་ཚོ་རེར་བཅའ་ཁྲིམས་བློ་འདྲི་རེའི”ལས་དོན་གྱི་དོན་སྙིང་གལ་ཆེན་བརྗོད་དེ་གཞི་རིམ་གྱི་ལས་བྱེད་པ་དང་མང་ཚོགས་ཀྱི་བཅའ་ཁྲིམས་འདུ་ཤེས་ཟབ་ཏུ་བཏང་ནས་མང་ཚོགས་ཀྱི་ཁྲིམས་མཐུན་ཁེ་དབང་ལ་འགན་ལེན་ཏན་ཏིག་བྱེད་དགོས་པ་ནན་བཤད་བྱས་པ་རེད། འདི་ནི་གན་རྒྱ་འཇོག་པའི་མཛད་སྒོ་འཚོག་ཡུལ་ཡིན་པ། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཉེ་ཆར། སྐྱིད་གྲོང་རྫོང་མི་དམངས་ཁྲིམས་ཁང་ལག་བསྟར་ཅུས་ཀྱིས་མི་གཞིའི་དབང་ཆའི་རྩོད་གླེང་གི་གྱོད་གཞི་ཞིག་བདེ་བླག་ངང་ལག་བསྟར་བྱེད་མཇུག་འགྲིལ་བ་དང་། ལག་བསྟར་བྱེད་རིང་ལག་བསྟར་ཁྲིམས་དཔོན་གྱིས་བཙན་ཤེད་བྱེད་ཐབས་རྒྱབ་རྟེན་དུ་བྱས་ནས་སྟབས་བསྟུན་གྱི་ཐག་གཅོད་བྱེད་ཐབས་སྤྱད་དེ། བྱ་སྤྱོད་དངོས་ཀྱི་ཐོག་ནས་ཁ་མཆུ་ཐོབ་པའི་དོ་བདག་གི་ཁྲིམས་མཐུན་ཁེ་དབང་སྲུང་སྐྱོང་བྱས་པ་རེད།2021ལོའི་ཟླ་9ཚེས་22ཉིན་གྱི་ཞོགས་པར། ཞུ་སྦྱོར་ཕྱི་མ་སྐྱིད་གྲོང་རྫོང་གི་ལས་གྲྭའི་རྣམ་གྲངས་ག་གེ་མོ་ཞིག་ཏུ་རྐོ་འདྲུའི་འཕྲུལ་འཁོར་བཏང་ནས་ལས་ཀ་བྱེད་སྐབས་ཀྲོའུ་ཆེ་གེ་མོ་བྱེ་སྤུངས་འགྲམ་དུ་འགྱེལ་ཡོད་པ་མཐོང་ཞིང་། ཞུ་སྦྱོར་ཕྱི་མས་འཕྲལ་མར་ལས་རོགས་འབོད་ནས་ཀྲོའུ་ཆེ་གེ་མོ་སྨན་ཁང་དུ་བསྐྱལ་བ་རེད། འོན་ཀྱང་སྟབས་མ་ལེགས་པར་ཀྲོའུ་ཆེ་གེ་མོ་ལམ་བར་དུ་རྐྱེན་ལམ་ལ་ཤོར་བ་རེད། ཕྱིས་སུ་འདས་པོའི་ནང་མིས་ཞུ་སྦྱོར་ཕྱི་མར་གྱོང་གུན་སྤྲོད་དགོས་པའི་རེ་བ་བཏོན་ཡང་ཞུ་སྦྱོར་ཕྱི་མས་དང་ལེན་གཏན་ནས་བྱས་མེད། རང་ཉིད་ཀྱི་ཁྲིམས་མཐུན་ཁེ་དབང་སྲུང་སྐྱོང་བྱ་ཆེད། འདས་པོའི་ནང་མིས་ཁོ་པ་ཁྲིམས་ཁང་ལ་ཞུ་གཏུག་བརྒྱབ་པ་རེད། གྱོད་གཞི་དེ་སྐྱིད་གྲོང་རྫོང་མི་དམངས་ཁྲིམས་ཁང་གིས་འདྲི་གཅོད་ཐེངས་དང་པོ་བྱས་པ་དང་། གཞིས་རྩེ་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གིས་འདྲི་གཅོད་ཐེངས་གཉིས་པ་བྱས་པ་བརྒྱུད། མཐར་ཞུ་སྦྱོར་ཕྱི་མས་འདས་པོའི་ནང་མིར་མི་རིན་དང་གཤིན་པོའི་རྗེས་འཇུག་གྲོན་དངུལ་བཅས་ཁྱོན་སྒོར་295872.90སྤྲོད་དགོས་པའི་ཁྲིམས་ཐག་བཅད་པ་རེད།གྱོད་གཞི་དེའི་དཔྱད་མཚམས་ཀྱི་ནུས་པ་ཐོན་རྗེས། ཞུ་སྦྱོར་ཕྱི་མས་ནུས་པ་ཐོན་པའི་བཅའ་ཁྲིམས་ཡིག་ཆའི་ནང་གཏན་འཁེལ་བྱས་པའི་འོས་འགན་ཡུན་རིང་བསྒྲུབས་མེད་པས། ལག་བསྟར་རེ་འདུན་ཞུ་མཁན་གྱིས་ཁྲིམས་ཁང་ལ་བཙན་ཤེད་ཀྱིས་ལག་བསྟར་བྱ་རྒྱུའི་རེ་བ་བཏོན་པ་རེད།ཁྲིམས་ཁང་གིས་བདག་སྤྲོད་བྱས་རྗེས་ལག་བསྟར་ཚོགས་པས་ཁྲིམས་ལྟར་ལག་བསྟར་བྱ་ཡུལ་ལ་ལག་བསྟར་བརྡ་ཐོ་དང་རྒྱུ་ནོར་སྙན་ཞུའི་བཀའ་རྒྱ་སོགས་འབྲེལ་ཡོད་བཅའ་ཁྲིམས་ཡིག་ཆ་བཏང་མོད། འོན་ཀྱང་ལག་བསྟར་བྱ་ཡུལ་གྱིས་གནད་དོན་དེ་གོ་མེད་ཚོར་མེད་དུ་བཏང་། དེ་རྗེས་སྒྲུབ་འགན་འཁུར་མཁན་ཁྲིམས་དཔོན་གྱིས་དུས་ཐོག་ཏུ་ལག་བསྟར་བྱ་ཡུལ་དང་འབྲེལ་བ་བྱས་པ་དང་འབྲེལ་ཁྲིམས་ཁང་དུ་སྐད་བཏང་ནས། འབྲེལ་ཡོད་ཁེ་དབང་དང་འོས་འགན་དང་ལག་བསྟར་ཉེན་ཁ་བཅས་གསལ་བཤད་བྱས་པ་དང་། ལྷག་པར་དུ་ལག་བསྟར་མི་བྱེད་པའམ་ལག་བསྟར་བྱེད་པར་འགོག་རྒོལ་བྱས་ན་བཅའ་ཁྲིམས་ཀྱི་མཇུག་འབྲས་གང་ཞིག་ཡོད་པ་གསལ་བཤད་བྱས་པས། མཐར་ལག་བསྟར་བྱ་ཡུལ་གྱིས་ཁྲིམས་ཁང་ལ་མིག་སྔ་དང་ལག་བསྟར་བརྡ་ཐོ་འབྱོར་ཉིན་ནས་བརྩིས་པའི་ལོ་གཅིག་གོང་གི་རྒྱུ་ནོར་གནས་ཚུལ་ཇི་མ་ཇི་བཞིན་སྙན་སེང་ཞུས་པ་མ་ཟད། དངུལ་ཁང་ནས་དངུལ་བུན་གཡར་ཏེ་ཁྲིམས་བཀོད་འོས་འགན་ལག་བསྟར་བྱེད་རྒྱུའི་ཁས་ལེན་བྱས་པ་དང་སྦྲགས། ཁོ་པས་ཁྲིམས་ཁང་ལ་འཛད་སྤྱོད་མཐོན་པོར་ཚོད་འཛིན་དང་ཡིད་རྟོན་ཤོར་བའི་མིང་ཐོར་བཅུག་པ་སོགས་བཙན་ཤེད་ཀྱི་བྱེད་ཐབས་མ་སྤྱད་རོགས་ཞེས་རེ་བ་ཞུས།ལག་བསྟར་ཁྲིམས་དཔོན་གྱིས་སེམས་བཟང་དང་ཤེས་དཔལ་གྱི་ལག་བསྟར་འདུ་ཤེས་ལ་བརྟེན་ནས་གནས་སྐབས་ལག་བསྟར་བྱ་ཡུལ་ལ་བཙན་ཤེད་ཀྱི་བྱེད་ཐབས་གང་ཡང་སྤྱད་མེད། ཟླ་བ་གཅིག་ཀྱང་མ་འགོར་བར་ལག་བསྟར་བྱ་ཡུལ་གྱིས་རང་འགུལ་ངང་སྒྲུབ་འགན་འཁུར་མཁན་ཁྲིམས་དཔོན་བཙལ་ནས་གྱོད་གཞི་དེའི་ལག་བསྟར་འགྲོ་གྲོན་ཚང་མ་ཁྲིམས་ཁང་གི་རྩིས་ཐོར་བསྒྱུར་ཟིན་པ་ཡིན་ཞེས་བཤད། དེ་རྗེས་ལག་བསྟར་བྱ་ཡུལ་གྱིས་ཁྲིམས་ཁང་ལ་རང་ཉིད་ཞུ་སྦྱོར་སྔ་མ་ཡིན་པའི་གྱོད་དོན་ཞིག་ད་དུང་ཐག་གཅོད་བྱས་མ་བྱུང་ཞེས་བརྗོད་པ་ལག་བསྟར་ཁྲིམས་དཔོན་གྱིས་ཐོས་རྗེས། ལག་བསྟར་བྱ་ཡུལ་ལ་གཏུག་བཤེར་གྱི་བརྒྱུད་རིམ་དང་གཏུག་བཤེར་གྱི་ཉེན་ཁ་འགྲེལ་བཤད་གསལ་པོ་བརྒྱབ་པ་དང་ཆབས་ཅིག ལག་བསྟར་བྱ་ཡུལ་ལ་རྒྱུ་ནོར་སྲུང་སྐྱོང་རེ་ཞུ་འབུལ་དགོས་པའི་མངགས་བྱ་བྱས་པ་རེད། ཉིན་གསུམ་ནང་། གྱོད་གཞི་འདིའི་ལག་བསྟར་བྱ་ཡུལ་དེ་ཞུ་སྦྱོར་སྔ་མ་ཡིན་པའི་ཆ་ནས་གེགས་སྲུང་གཞིའི་སྒོར་ཁྲི་40ལྷག་ཙམ་གེགས་སྲུང་དམིགས་སར་འབྱོར་བས། ལག་བསྟར་བྱ་ཡུལ་གྱིས་སྙིང་ཐག་པ་ནས་ཐུགས་རྗེ་ཆེ་ཞུས་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

འདི་ནི་དམངས་དོན་ཁྲིམས་གཞུང་དྲིལ་བསྒྲགས་ཟླ་བའི་རིང་། ཕུ་མ་བྱང་ཐང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་མང་ཚོགས་ལ་དམངས་དོན་ཁྲིམས་གཞུང་དྲིལ་བསྒྲགས་བྱེད་བཞིན་པ།2024ལོའི་ཟླ་ལྔ་པ་ནི་དམངས་དོན་ཁྲིམས་གཞུང་དྲིལ་བསྒྲགས་ཟླ་བ་ཐེངས་བཞི་པ་ཡིན། ཉིན་ཤས་བསྟུད་མར། ལྷོ་ཁ་མཐའ་མཚམས་དོ་དམ་ཉིང་ལག་རུ་ཁག་གིས“བཅའ་ཁྲིམས་ཁྱབ་གདལ+N”བྱེད་སྟངས་དམ་འཛིན་བྱ་གཞིར་བྱས་ཐོག“བཅའ་ཁྲིམས་བདུད་རྩིས་གངས་ལྗོངས་མཐའ་མཚམས་བརླན་པར་བྱེད”པའི་བྱེད་སྒོ་དང་ཟུང་འབྲེལ་བྱས་ནས་དམངས་དོན་ཁྲིམས་གཞུང་དྲིལ་བསྒྲགས་ལས་དོན་དེ་ཁྲིམས་སྒྱུར་ལས་སྒྲུབ་དང་། མི་རིགས་མཐུན་སྒྲིལ། ཁོངས་གཏོགས་སུ་ཞབས་འདེགས་སོགས་ཀྱི་ལས་དོན་ཁྲོད་ཁྱབ་པར་བྱས་པ་དང་སྦྲགས། བྱེད་སྟངས་སྣ་ཚོགས་སྤྱད་དེ་ཁྲིམས་སྐྱོང་དྲིལ་བསྒྲགས་སློབ་གསོའི་བྱེད་སྒོ་སྤེལ་བ་རེད།“བཅའ་ཁྲིམས་ཁྱབ་གདལ+ཁྲིམས་སྒྱུར་ལས་སྒྲུབ”ཀྱི་བྱེད་སྟངས་སྤྱད་དེ་ཁྲིམས་སྐྱོང་མཐའ་སྲུང་གི་བདེ་འཇགས་སྲུང་རགས་བསྐྲུན་པ། ཉིང་ལག་རུ་ཁག་གིས་མི་དམངས་ཉེན་རྟོག་པ་ཡོངས་སྒྲིག་འཛུགས་བྱས་ནས་དྲ་ཐོག་ཏུ་དམངས་དོན་ཁྲིམས་གཞུང་སྦྱོང་བའི་ལན་འདེབས་བྱེད་སྒོ་སྤེལ་བ་དང་། རིམ་པ་ཁག་གི་མི་དམངས་ཉེན་རྟོག་པར་ཁྲིམས་སྒྱུར་ལས་སྒྲུབ་བྱེད་སྐབས་དམངས་དོན་ཁྲིམས་གཞུང་ལག་ལེན་བསྟར་རྒྱུ་དྲིལ་བསྒྲགས་དང་། སྐུལ་འདེད། འགན་ལེན་བཅས་བྱེད་པར་ཁྲིད་སྟོན་བྱས་པ་དང་། དམངས་དོན་ཁྲིམས་གཞུང་སློབ་སྦྱོང་དང་། བརྩི་སྲུང་། སྲུང་སྐྱོང་བཅས་བྱེད་པའི་མིག་དཔེ་ཧུར་ཐག་འདོན་པ། དམངས་དོན་ཁྲིམས་གཞུང་ལ་བརྟེན་ནས་མཐའ་མཚམས་དོ་དམ་ལས་དོན་ལ་མཛུབ་ཁྲིད་དང་མཐའ་མཚམས་མང་ཚོགས་ལ་ཞབས་འདེགས་དེ་བས་ཡག་པོ་ཞུ་ཐུབ་པ་བཅས་བྱས་ནས། ཉིང་ལག་རུ་ཁག་གི་མི་དམངས་ཉེན་རྟོག་པའི་བཅའ་ཁྲིམས་ཤེས་རྒྱ་རྒྱུན་ཆད་མེད་པར་ཆེ་རུ་བཏང་སྟེ། རང་ངོས་ཀྱི་འགན་སྒྲུབ་ནུས་པ་ཆེ་རུ་གཏོང་བར་ཁྲིད་སྟོན་བྱས་པ་རེད། ཡུལ་སྨད་མཐའ་མཚམས་མངགས་གཏོང་ཁང་གིས་གྲལ་བཤེར་ལས་དོན་སྤེལ་སྐབས་དབྱར་རྩྭ་དགུན་འབུ་སྔོག་མཁན་མང་ཚོགས་ལ་ས་མཚམས་བརྒལ་ནས་སྔོག་པའམ་བརྐུས་ནས་སྔོག་པ། བཙན་པོ་དབང་ཡོད་ཀྱིས་སྔོག་པ་སོགས་ཁྲིམས་འགལ་བྱེད་སྤྱོད་ཀྱི་ཚབས་ཆེའི་རང་བཞིན་དང་གནོད་འཚེའི་རང་བཞིན་གསལ་བཤད་བྱས་པ་དང་ཆབས་ཅིག མང་ཚོགས་ལ་བཅའ་ཁྲིམས་ཀྱི་འདུ་ཤེས་སྔར་བས་བརྟན་པོ་འཛུགས་པ་དང་། གལ་སྲིད་གནད་དོན་འཕྲད་ཚེ་ཁྲིམས་ལྟར་ལུགས་མཐུན་གྱི་རེ་བ་བཏོན་ཏེ་བཅའ་ཁྲིམས་ཀྱི་ཐབས་ལམ་ལ་བརྟེན་ནས་འགལ་རྩོད་ཐག་གཅོད་ཀྱིས་མི་ལུས་དང་རྒྱུ་ནོར་གྱི་བདེ་འཇགས་འགན་ལེན་བྱེད་པར་ཁྲིད་སྟོན་བྱས་པ་རེད།“བཅའ་ཁྲིམས་ཁྱབ་གདལ+མི་རིགས་མཐུན་སྒྲིལ”གྱི་བྱེད་སྟངས་སྤྱད་དེ་མི་རིགས་མཐུན་སྒྲིལ་གྱི་བདེ་སྐྱིད་མེ་ཏོག་བཞད་པར་བྱས་པ། ལེགས་པོ་དང་མདོ་ཡུལ་མཐའ་མཚམས་མངགས་གཏོང་ཁང་གིས་བཅའ་ཁྲིམས་ཁྱབ་གདལ་གྱི་སྣེ་ཁྲིད་ནུས་པ་འདོན་སྤེལ་ཧུར་ཐག་བྱས་ནས་བཅའ་ཁྲིམས་ཁྱབ་གདལ་ཡན་ལག་རུ་ཆུང་ཞིག་བཙུགས་ཏེ་ཁོངས་གཏོགས་ཀྱི་ཚོང་དུད་དང་ཞིང་འབྲོག་པའི་ཁྱིམ་དུ་འཚམས་འདྲི་དང་བཅའ་ཁྲིམས་ཁྱབ་གདལ་ལ་མངགས་པ་དང་། ཁོང་ཚོས་གོ་སླ་བའི་སྐད་ཆའི་ལམ་ནས་མཐའ་མཚམས་མང་ཚོགས་དང་འབྲེལ་བ་དམ་ཟབ་ཡོད་པའི་བྱེད་ཕྱོགས་དང་དམངས་ཕན་སྲིད་ཇུས་སྣ་ཚོགས་ལ་འགྲེལ་བཤད་བརྒྱབ་ནས། མཐའ་མཚམས་བརྟན་ལྷིང་ལ་ཐུན་མོང་ཐོག་སྲུང་སྐྱོང་བྱེད་པའི་ཁྲིམས་སྐྱོང་རྣམ་པ་ཧུར་ཐག་བཏོད་དེ་དམངས་དོན་ཁྲིམས་གཞུང་མཐའ་མཚམས་མང་ཚོགས་ཀྱི་སེམས་སུ་དངོས་འབྲེལ་ཟུག་པར་བྱས་པ་རེད། ལྷོ་བྲག་མཐའ་མཚམས་དོ་དམ་རུ་ཆེན་དང་ཕུ་མ་བྱང་ཐང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་ཁྲོམ་གཞུང་དང་ཁོངས་གཏོགས་སུ“སྐོར་སྐྱོད་རྣམ་པའི”བཅའ་ཁྲིམས་ཁྱབ་གདལ་དྲིལ་བསྒྲགས་བྱེད་སྟངས་སྤྱད་དེ་མང་ཚོགས་དང་བར་ཐག་མེད་པར་བཅའ་ཁྲིམས་ཁྱབ་གདལ་བཏང་བ་རེད།“བཅའ་ཁྲིམས་ཁྱབ་གདལ+ཁྱིམ་མཚེས་དུད་ཚང་གཅིག”གི་བྱེད་སྟངས་སྤྱད་དེ་དམངས་ཀྱི་དཀའ་ངལ་སེལ་བ། ཀོང་རི་མཐའ་མཚམས་མངགས་གཏོང་ཁང་གིས“རྗེས་འདེད་ཐག་གཅོད་དང་། སློབ་གསོ་དྲིལ་བསྒྲགས། མཐུན་སྦྱོར་འབྲེལ་མཐུད”བཅས་དམིགས་ཚད་དུ་བཟུང་ནས་ཞིང་པ་ལས་མིའི་གླ་ཕོགས་འགྱངས་ཆད་བྱས་པ་ལས་ཐོན་པའི་འགལ་རྩོད་ཅིག་ཐག་གཅོད་ཡག་པོ་བྱས་ནས། ཞིང་པ་ལས་མི་2ལ་གླ་ཕོགས་སྒོར་12400བླངས་ནས་སྤྲད་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ལྷོ་ཁ་ཞིབ་དཔྱོད་ལས་ཁུངས་ཀྱི“12309ཞིབ་དཔྱོད་ཞབས་ཞུའི་ལྟེ་གནས”བཙུགས་པ་ནས་བཟུང་། གྲོང་ཁྱེར་ཡོངས་ཀྱི་ཞིབ་དཔྱོད་ལས་ཁུངས་ཀྱིས་ཞུ་གཏུག་རིགས་ཀྱི་གྱོད་གཞི་13དང་། ཉེས་དོན་བསྐྱར་ཞུའི་རིགས་ཀྱི་གྱོད་གཞི་17 དམངས་དོན་ལྟ་སྐུལ་རིགས་ཀྱི་གྱོད་གཞི་49 མི་གྲངས་105ཡི་ཁྲིམས་འཛིན་རོགས་སྐྱོབ་རིགས་ཀྱི་གྱོད་གཞི་105བཅས་ཐག་གཅོད་བྱས་ཡོད། རིམ་རྩིས་བྱས་ན། ཁྲིམས་འཛིན་རོགས་སྐྱོབ་མ་དངུལ་སྒོར་ཁྲི་137.476སྤྲད་ནས་འགལ་བ་དང་རྩོད་གཞི་ནུས་ལྡན་ངང་སེལ་བར་སྐུལ་འདེད་བཏང་བས་སྤྱི་ཚོགས་ཀྱི་ཞི་མཐུན་བརྟན་ལྷིང་ལ་སྲུང་སྐྱོང་ཐུབ་ཡོད།འབྱུང་རྩ་ནས་སྔོན་འགོག་དང་སྣེ་ལེན་གྱི་སྤུས་ཚད་དང་ཕན་འབྲས་ཆེ་རུ་བཏང་བས་སྔར་བས་སྟབས་བདེ་བྱུང་བ།རིག་ལྡན་ཡིག་འབུལ་ཞུ་བཅར་གྱི་ཕན་འབྲས་ཆེར་གཏོང་དང་དམངས་ལ་སྟབས་བདེ་ཡོང་བར་བྱས་ཤིང་། གཞི་གཅིག་ཅན་གྱི་གཏུག་བཤེར་འབྱུང་རྩ་ནས་བཅོས་སྒྲིག་བྱེད་པར་སྐུལ་འདེད་བཏང་ནས་ཡིག་འབུལ་དང་། ཞུ་བཅར། 12309ཡི་ཐད་གཏོང་ཁ་པར། དྲ་རྒྱ། བརྙན་བརྒྱུད་ཞུ་ཉན་བཅས“ཕྱོགས་ལྔ་གཞི་གཅིག”གི་ཞུ་ཉན་ལམ་སྲོལ་མཐའ་འཁྱོངས་བྱས་ཏེ། ཁྲིམས་འཛིན་རོགས་སྐྱོབ་ཀྱི་གོ་ཆོད་པའི་བཅའ་ཁྲིམས་ལྟ་སྐུལ་བྱེད་སྟངས་ཞིབ་འཇུག་དང་སྦྲགས་བཟོས་པའི་ཐོག་རྒྱུན་རྣམ་ཅན་གྱི་སྒོ་ནས་བཅའ་ཁྲིམས་བློ་འདྲི་དང་། རྒྱང་རིང་བརྙན་བརྒྱུད་ཞུ་ཉན། ཡོངས་བསྒྲགས་དཔང་ཉན། ཁྲིམས་འཛིན་རོགས་སྐྱོབ་བཅས་ཀྱི་ལས་དོན་སྤེལ་བ་དང་། ཁོངས་གཏོགས་ཁུལ་གྱི་གཞི་རིམ་ཁང་དང་མཉམ་དུ“ཟླ་རེར་ཐེངས་རེའི”དུས་མཉམ་ངང་ཞིབ་དཔྱོད་དཔོན་གྱི་དྲ་ཕྱིའི་སྣེ་ལེན་གྱི“གཏན་འཁེལ་བྱེད་སྟངས”ལག་ལེན་བསྟར་བ་དང་། “གཅིག་འཐུས་རྣམ་པའི”བྱེད་སྟངས་ཀྱིས་ཡིག་འབུལ་ཞུ་བཅར་བྱེད་མཁན་མང་ཚོགས་ལ་ཞིབ་དཔྱོད་ཞབས་འདེགས་ཞུ་བར་སྔར་བས་དུས་ཐོག་དང་། སྟབས་བདེ། སྤུས་ཚད་ལེགས་པ་བཅས་བྱུང་ཡོད།བཟོ་བོའི་སྙིང་སྟོབས་ཀྱིས་སྣེ་ཁྲིད་དེ་མི་རྩ་བར་བཟུང་ཞིང་། “མི་དམངས་ལ་བྱ་བ་དངོས་སྒྲུབ་པའི”ཞུ་གཏུག་དང་བསྐྱར་ཞུའི་ལག་ལེན་བྱེད་སྒོར་སྐུལ་འདེད་གཏིང་ཟབ་བཏང་ནས་སྔར་བས་ཤེས་དཔལ་དང་ཚད་དང་ལྡན་པའི་སྣེ་ལེན་གྱི་སྐར་ཁུང་ཧུར་ཐག་བཏོད་དེ་12309ཞིབ་དཔྱོད་དངོས་ཚན་ཚོམས་ཆེན་13བསྐྲུན་པའམ་ཡང་ན་སྒྱུར་བཀོད་བྱས་ནས་བཅའ་ཁྲིམས་ཞབས་ཞུ་སླར་ཡང་རིམ་སྤོར་ཡོང་བར་སྐུལ་འདེད་བཏང་ཡོད། གྲོང་ཁྱེར་མི་དམངས་ཞིབ་དཔྱོད་ཁང་གིས་དམངས་གཉེར་ཁེ་ལས་ལ་ཆེད་སྤྱོད་ཀྱི་སྣེ་ལེན་སྐར་ཁུང་བཙུགས་ནས་དམངས་གཉེར་ཁེ་ལས་ལ་ཐོགས་མེད་འགྲོ་ལམ་བཏོད་དེ། ཡིག་འབུལ་ཞུ་བཅར་སྣེ་ལེན་དང་། སྐར་ཁུང་ཞབས་ཞུ། ཁྲིམས་རྩོད་པར་སྣེ་ལེན། གྲངས་འཛིན་ཞིབ་དཔྱོད་བཅས་གཞི་གཅིག་ཅན་དང“ཞུ་གཏུག་དང་བསྐྱར་ཞུ་བདེ་བླག་ཡོང་བའི”སྤུས་རྟགས་ཀྱི་ནང་དོན་མངོན་པའི“12309ཞིབ་དཔྱོད་ཞབས་ཞུའི་ལྟེ་གནས”བཏོད་པ་དེས་འདུན་པ་ཞུ་བ་དང་དོན་གནད་སྒྲུབ་པ་གཅིག་ཏུ་མངོན་པར་སྟབས་བདེ་པོ་བྱུང་ཡོད།ཞབས་འདེགས་གནད་འཁེལ་ཞུས་པས་ཞིབ་དཔྱོད་ལས་དོན་གྱི་བརྩེ་བ་མངོན་ནས་དྲོ་སྐྱིད་སྔར་བས་ཚོར་ཐུབ་པ་བྱུང་བ།བདེ་འཇགས་ཀྱི་ཞབས་ཞུ་ཚད་ལྡན་ཡོང་བར་བྱས་ཤིང་། ཐོ་མི་ནོར་བར་བཀོད་པ་དང་རྩིས་ཁྲའི་ཆ་འཕྲིན་བཟོས་ནས་ཡིག་འབུལ་ཞུ་མཁན་ལ་བདེ་འཇགས་ངང་ཞིབ་བཤེར་དང་ལེན་ཡོང་བར་སྣེ་ཁྲིད་དང་བརྒྱུད་རིམ་ཧྲིལ་པོར་སྒྲ་ཕབ་དང་བརྙན་ལེན་གྱིས་མི་ལུས་ཀྱི་བདེ་འཇགས་ལ་འགན་སྲུང་བྱས་ཡོད།སྣེ་ལེན་ཞབས་ཞུ་ཚད་ལྡན་ཡོང་བར་བྱས་ཤིང་། ཡ་རབས་ཀྱི་སྐད་ཆ་ཤོད་པ་དང་། སེམས་རྩ་འཁོལ་པོས་ཞབས་འདེགས་ཞུ་བ། ངང་རྒྱུད་རིང་པོས་ལན་འདེབས་པ་བཅས་བྱས་ནས་ཁོངས་གཏོགས་ཁུལ་དུ་ཐེ་རིགས་ལ་ཐེངས་གཅིག་ཏུ་ཤེས་སུ་འཇུག་པ་དང་། བདག་སྤྲོད་ཁྱབ་ཁོངས་སུ་མི་ཐེ་བའི་རིགས་ལ་ཁྲིམས་ནས་གནས་ལུགས་མང་ཙམ་བཤད་ཡོད།ངོ་ཐུག་གདོང་འཕྲད་བྱས་ནས་ལན་འདེབས་པ་ཚད་ལྡན་དུ་བཏང་ཞིང་། ཐོག་མའི་ཡིག་འབུལ་ཞུ་བཅར་དང་འཚམས་འདྲི་བྱེད་རིང་གི་ཞིབ་དཔྱོད་དཔོན་ངོ་ཐུག་གདོང་འཕྲད་ཀྱི་ལམ་ལུགས་ཕྱོགས་ཡོངས་ནས་ཁྱབ་སྤེལ་བཏང་སྟེ་ཡིག་འབུལ་ཞུ་བཅར་གྱི་ཡིག་ཆ་བདག་སྤྲོད་ཐོ་འགོད་དང་། ཁག་བགོས་སྒྲུབ་གཉེར། ལན་ཚད་ལྡན་འདེབས་པ་བཅས་བྱེད་དགོས་ངེས་ཀྱི་བླང་བྱ་ཁ་གསལ་བཟོས་ཡོད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

རྩོམ་སྒྲིག  དོན་འགྲུབ་མཚོ།    ཡོང་ཁུངས།  འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།     བཤེར་འབེབས།  རིན་ཆེན་ཚེ་རིང་།ཀུན་ལ་གྲགས་པའི་ཀྲུང་གོའི“ནོར་བུའི་གཏེར་གཞོང”ཡིན་པའི་ཆ་ནས། མཚོ་སྔོན་གྱི་ཚྭ་འདམ་གཞོང་ས་རུ། དོན་དམ་པར་ཧ་ལས་པའི“ནོར་བུ”ཅི་ཞིག་སྦས་ཡོད་དམ།མདོག་ནག་པོའི་སྣུམ་རླངས་ཀྱི་ངག་རྒྱུན།གསར་སྐྱེས་དུས་རབས་ཚུན་གྱི་ལོ་ངོ་སྟོང་ཕྲག་མང་པོའི་རིང་ལ། ཚྭ་འདམ་གཞོང་

དབྱར་གནང་གི་གུང་གསེང་ལ་སླེབས་ཤིང་། ངེས་སྦྱོང་བསླབ་ཚན་མིན་པའི་སློབ་ཕྱིའི་གསབ་སྦྱོང་གི་ཚ་རླབས་འཕྱུར་གྱིན་འདུག རྒྱལ་ཁབ་ཀྱི་སློབ་མའི་ལས་བྱའི་གནོན་ཤུགས་དང་སློབ་ཕྱིའི་གསབ་སྦྱོང་གི་གནོན་ཤུགས་ཇེ་ཆུང་དུ་གཏོང་བའི་སྲིད་ཇུས་དོན་འཁྱོལ་ཏན་ཏིག་གཏོང་བ་དང་། རྒྱུན་མཐུད་སྒོས་རིག་གནས་སྒྱུ་རྩལ་རིགས་དང་ཞིབ་སློབ་རིགས་ཀྱི་སློབ་ཕྱིའི་གསབ་སྦྱོང་བྱེད་སྟངས་ཚད་ལྡན་དུ་གཏོང་ཆེད། མཚོ་སྔོན་ཞིང་ཆེན་རིག་གནས་ཡུལ་སྐོར་ཐིན་གྱིས་བྱེད་ཐབས་སྣ་མང་སྤྱད་དེ་ལས་རིགས་ཀྱི་ལྟ་སྐུལ་དོ་དམ་ལ་ཤུགས་བསྣན་ཞིང་། དོ་དམ་ཞབས་ཞུ་ལེགས་པོར་སྒྲུབ་སྟེ། ཞིང་ཆེན་ཡོངས་ཀྱི་རིག་གནས་སྒྱུ་རྩལ་རིགས་དང་ཞིབ་སློབ་རིགས་ཀྱི་སློབ་ཕྱིའི་གསབ་སྦྱོང་ཁྲོམ་ར་བརྟན་བརླིང་ཡོང་བ་དང་གོ་རིམ་ལྡན་པར་ཁག་ཐེག་བྱས། མིག་སྔའི་བར་དུ། ཞིང་ཆེན་ཡོངས་ཀྱི་ཁྲིམས་བསྟར་མི་སྣ་མི་ཐེངས་སྟོང་གཅིག་དང་དྲུག་བརྒྱ་བརྒྱད་ཅུ་མངགས་གཏོང་བྱས་ནས། ཞིང་ཆེན་ཡོངས་ཀྱི་རིག་གནས་སྒྱུ་རྩལ་རིགས་ཀྱི་སློབ་ཕྱིའི་གསབ་སྦྱོང་ལས་ཁུངས་གཉིས་བརྒྱ་བཅུ་དགུ་ལ་ཡུལ་དངོས་ཞིབ་བཤེར་བྱས་པ་དང་། དེའི་གནད་དོན་དང་མི་མངོན་པའི་ཉེན་ཁར་དུས་ཐོག་ཏུ་དག་ཐེར་ལེགས་བཅོས་བྱེད་པར་སྐུལ་འདེད་བཏང་། ཞིང་ཆེན་རིག་གནས་ཡུལ་སྐོར་ཐིན་གྱིས་གནད་དོན་གྱི་ཁྲིད་ཕྱོགས་རྒྱུན་འཁྱོངས་བྱས་ཤིང་། དྲང་ཕྱོགས་ཁྲིད་སྟོན་ལ་ཤུགས་བསྣན་པ་དང་། རང་འགུལ་གྱིས་ཞབས་ཞུ་ལེགས་པོ་སྒྲུབ་ལ། སྔོན་ལ་ཆོག་མཆན་དཔང་ཡིག་ལེན་པ་དང་དེ་ནས་ཚོང་གཉེར་ལག་ཁྱེར་ལེན་པ་དང་། ས་གནས་རེ་རེར་ཞིབ་བཤེར་བྱེད་པའི་རྩ་དོན་ལྟར། མཚོ་སྔོན་ཞིང་ཆེན་གྱི་རིག་གནས་སྒྱུ་རྩལ་རིགས་ཀྱི་སློབ་ཕྱིའི་གསབ་སྦྱོང་ལས་ཁུངས་བཀོད་སྒྲིག་གི་ཚད་གཞི་དང་མཚོ་སྔོན་ཞིང་ཆེན་གྱི་ཞིབ་སློབ་རིགས་ཀྱི་སློབ་ཕྱིའི་གསབ་སྦྱོང་ལས་ཁུངས་བཀོད་སྒྲིག་གི་ཚད་གཞི་སོགས་ཀྱི་ཡིག་ཆའི་བླང་བར་གཞིགས་ནས། འཛུལ་སྒོ་དམ་འཛིན་བྱས་པ་དང་། རྒྱུ་ཆ་དང་སྤུས་ཀ་སོགས་ལ་ཞིབ་བཤེར་ཆོག་མཆན་འགོད་པའི་བྱ་བ་ནན་འཛིན་བྱས། མིག་སྔའི་བར་དུ། སྔ་ཕྱིར་སྐོར་ཐེངས་བཞི་ལ་རིག་གནས་སྒྱུ་རྩལ་རིགས་ཀྱི་སློབ་ཕྱིའི་གསབ་སྦྱོང་ལས་ཁུངས་སུམ་བརྒྱ་སོ་གསུམ་དང་ཞིབ་སློབ་རིགས་ཀྱི་སློབ་ཕྱིའི་གསབ་སྦྱོང་ལས་ཁུངས་བཞི་ལ་ཞིབ་བཤེར་ཆོག་མཆན་བཀོད།མི་དམངས་འགོག་སྲུང་དང་། ལག་རྩལ་འགོག་སྲུང་། དངོས་པོའི་འགོག་སྲུང་བཅས་འགོག་སྲུང་གསུམ་ཟུང་འབྲེལ་བྱེད་པའི་བྱ་བའི་རྩ་དོན་རྒྱུན་འཁྱོངས་བྱས་ཤིང་། རྒྱལ་ཁབ་དང་ལས་རིགས་ཀྱིས་གསབ་སྦྱོང་ལས་ཁུངས་ལ་གཏན་འཁེལ་བྱས་པའི་མི་སྣའི་བདེ་འཇགས་དང་། དགེ་རྒན་ཐོན་ཁུངས་ཀྱི་བདེ་འཇགས། རྒྱུ་ནོར་བདེ་འཇགས། གནས་ཡུལ་གྱི་བདེ་འཇགས། གསབ་སྦྱོང་རྒྱུ་ཆའི་བདེ་འཇགས་སོགས་བདེ་འཇགས་ཉེན་ཁ་འགོག་ཟོན་བླང་བྱར་གཞིགས་ཏེ། ལས་ཁུངས་གཙོ་བོར་བདེ་འཇགས་སྐོར་བཤེར་དང་འདེམ་བཤེར་བྱས། དེ་དང་མཉམ་དུ། ཁྲིམས་འགལ་སྲོལ་འགལ་བྱ་སྤྱོད་ཀྱི་ཞུ་གཏུག་ཐག་གཅོད་དང་། རྗེས་འདེད་རྩད་ཞིབ། མཇུག་འབྲས་ཕྱིར་ལྡོག་བཅས་ཀྱི་རྒྱུ་ལམ་བཀག་མེད་དུ་བཏང་བ་དང་། འབྲེལ་ཡོད་སྡེ་ཁག་དང་མཉམ་དུ་མང་ཚོགས་ཀྱིས་ཚུར་སྣང་ཆེན་པོ་བྱས་པའི་གནད་དོན་མངོན་གསལ་ཅན་ཕྱོགས་ཡོངས་ནས་གསེད་བཀྲོལ་བྱས་ཏེ། ཉེན་ཁ་ཆེ་བ་དང་མཇུག་འབྲས་མི་ལེགས་པ་ཚབས་ཆེན་བཟོ་སྲིད་པར་ལྟ་སྐུལ་དོ་དམ་དང་ཁྲིམས་བསྟར་སྐོར་བཤེར་ནན་མོ་བྱས་ཏེ། གནད་དོན་གྱི་འབྱུང་ཁུངས་ནས་སྔོན་འགོག་བྱས་པ་དང་ཁྲིམས་འགལ་ཉེན་ཁ་སེལ་ཐབས་བྱས། འབྲེལ་ཡོད་སྡེ་ཁག་དང་མཉམ་འབྲེལ་སྒོས་ཚད་ལྡན་མིན་པའི་ལས་ཁུངས་དང་། མངོན་མེད་འགྱུར་་ལྡོག ཁྱབ་ཁོངས་ལས་བརྒལ་ནས་ཚོང་གཉེར་བྱེད་པ་སོགས་ཀྱི་བྱ་སྤྱོད་ལ་དག་ཐེར་ལེགས་བཅོས་ནན་མོ་བྱས།ལྷ་མོ་འཚོས་བསྒྱུར།

འདི་ནི་2024ལོའི་ཟླ་7ཚེས་12ཉིན། ཕྱིར་ཚོང་མི་སྣས་ཆིང་ཏའོ·ཧྲང་ཧའེ་མཉམ་ལས་རྩ་འཛུགས་མུ་ཏིག་རྒྱལ་སྤྱིའི་དངོས་མང་འགྲེམས་སྟོན་ལྟེ་གནས་སུ་སྐུ་མགྲོན་ལ་ཐོན་རྫས་ངོ་སྤྲོད་བྱེད་པའི་རྣམ་པ་ཡིན་པ།འདི་ནི་2024ལོའི་ཟླ་7ཚེས་12ཉིན། བྱེད་སྒོར་ཞུགས་མཁན་སྐུ་མགྲོན་ཚོ“2024—2025ཧྲང་ཧའེ་མཉམ་ལས་རྩ་འཛུགས་ཀྱི་ཡུལ་སྐོར་དང་རིག་གནས་གྲོང”གི་བྱེད་སྒོའི་འགོ་ཚུགས་མཛད་སྒོར་ཞུགས་པའི་རྣམ་པ་ཡིན་པ།ཟླ་7ཚེས་12ཉིན། “2024—2025ཧྲང་ཧའེ་མཉམ་ལས་རྩ་འཛུགས་ཀྱི་ཡུལ་སྐོར་དང་རིག་གནས་གྲོང”གི་བྱེད་སྒོའི་འགོ་ཚུགས་མཛད་སྒོ་ཆིང་ཏའོ·ཧྲང་ཧའེ་མཉམ་ལས་རྩ་འཛུགས་མུ་ཏིག་རྒྱལ་སྤྱིའི་དངོས་མང་འགྲེམས་སྟོན་ལྟེ་གནས་སུ་འཚོགས་པ་རེད། “ཧྲང་ཧའེ་མཉམ་ལས་རྩ་འཛུགས་ཀྱི་དབྱར་ཁའི”བྱེད་སྒོའི་དུས་ཚིགས་སྐབས་རིག་གནས་ལས་བརྒལ་བའི་གླེང་མོལ་དང་། ཡུལ་སྐོར་ལས་རིགས་འཕེལ་རྒྱས། གཞོན་ནུའི་སྤེལ་རེས། སྨྱན་སྦྱོར་མཉམ་ལས། ལོ་རྒྱུས་དང་རིག་གནས་ཤུལ་བཞག་སོགས་ཁྱབ་ཁོངས་ལ་གཙོ་གནད་ཐོག་དམིགས་ནས། ཆིང་ཏའོ་གྲོང་ཁྱེར་དང་ཧྲང་ཧའེ་མཉམ་ལས་རྩ་འཛུགས་ཀྱི་རྒྱལ་ཁབ་ཁག་གཅིག་གི་གྲོང་ཁྱེར་དུ་རིགས་20ལྷག་ཙམ་གྱི་ཁྱད་ལྡན་བྱེད་སྒོ་བརྒྱ་ཙམ་སྤེལ་རྒྱུ་དང་། 2024ལོའི“ཧྲང་ཧའེ་མཉམ་ལས་རྩ་འཛུགས་ཀྱི་དབྱར་ཁའི”བྱེད་སྒོའི་དུས་ཚིགས་ཟླ་དགུ་པ་བར་རྒྱུན་མཐུད་སྤེལ་རྒྱུ་ཡིན་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

གནའ་སྔ་མོ་ནས་བཟུང་ཀོང་རྩེད་ར་ནི་ཡུན་བོད་འགྲིམ་འགྲུལ་གྱི་མིད་པའི་འགག་མདོ་ཡིན་པས་ཚོང་དོན་དར་རྒྱས་དང་དཔལ་འབྱོར་འཁྲུག་ཆ་དོད་པོ་ཡོད། བོད་ཀྱི་དུས་སྐབས་ནས་བཟུང་ཀོང་རྩེད་ར་ནི་ལྷོ་ནུབ་བོད་སྐྱོད་གནའ་ལམ་དང་ཡུན་བོད་ཇ་རྟའི་གནའ་ལམ་བརྒྱུད་དགོས་ངེས་ཀྱི་ས་ཆ་ཞིག་ཡིན་པ་དང་ཚོང་འགྲུལ་གྲངས་ལས་འདས་པའི་དཀའ་ཚེགས་དང་བློ་བརྟན་འགྱུར་མེད་ཀྱི་དཔང་པོ་བྱས་ཡོད། འདི་གའི་ལོ་རྒྱུས་དང་རིག་གནས་ཀྱི་ནང་དོན་ནི་ལོ་རྒྱུས་ཀྱི་དེབ་ཐེར་གསོན་ཉམས་ལྡན་པ་ཞིག་དང་འདྲ་བར་ང་ཚོས་རྒྱང་ཐག་རིང་བའི་དུས་རབས་ཀྱི་ཉམས་འགྱུར་དེ་དག་དངོས་སུ་མྱོང་ཚོར་བྱེད་ཐུབ། ཀོང་རྩེད་ར་གྲོང་རྡལ་དུ་ཁྱེད་རང་ཧོ་ལུང་ཟམ་པའི་སྟེང་དུ་འཆམ་འཆམ་དུ་སོང་ནས་གསར་བརྗེའི་རྐང་རྗེས་ཀྱི་གཟབ་ནན་དང་བླ་ན་མེད་པ་ཚོར་ཐུབ་པ་དང་། ཁྱེད་རང་པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དུ་འཆམ་འཆམ་དུ་སོང་ནས་ཀྲུང་གོའི་ཆེས་མཛེས་སྡུག་ལྡན་པའི་ནགས་ཚལ་ཆེན་པོ་བཅུའི་ཡ་གྱལ་གྱི་པད་མ་རི་བོའི་སྟག་མའི་ནགས་ཚལ་གྱི་མཛེས་སྡུག་ལ་རོལ་མྱོང་བྱས་ཆོག་པ། ཁྱེད་རང་ད་དུང་འབྲི་ཆུའི་ཟླ་འོད་མཚོ་ཁུག་གི་ལྗོངས་ལྟ་སྟེགས་བུའི་སྟེང་དུ་ལངས་ནས་བརྗིད་ཉམས་ལྡན་པའི་འབྲི་ཆུ་ལ་ཐུར་ལྟ་བྱེད་ཆོག ཡངས་ཤིང་རྒྱ་ཆེ་བའི་ནགས་ཚལ་འདིའི་ཁྲོད་དུ་བེ་ཤ་དང་ཀུ་ཀུ་ཤ་མོ་སོགས་རྩ་ཆེའི་རི་སྐྱེས་ཤ་མོ་དང་ཧྥུ་ལིན། དྭ་བ་སོགས་རྩ་ཆེའི་སྨན་རྒྱུ་འཆམ་མཐུན་མཉམ་གནས་བྱས་ནས་རང་བྱུང་ཁམས་ཆེན་མོའི་རིན་པོ་ཆེར་གྱུར། འདི་ཡི་ལྗང་མདོག་གི་ལོ་མ་རེ་རེ་དང་རི་སྐྱེས་མེ་ཏོག་རེ་རེ་ཡིས་རང་བྱུང་ཁམས་ཀྱི་ངོ་མཚར་དང་མཛེས་སྡུག་བཤད་བཞིན་པ་དང་འདྲ། གཞན་ཡང་ཀོང་རྩེད་རའི་སྲོལ་རྒྱུན་ཤིང་བཟོས་ལག་ཤེས་བཟོ་རྩལ་ཡང་དེའི་རིག་གནས་ཀྱི་ཡིད་དབང་འཕྲོག་ཤུགས་ཀྱི་མཚོན་ཚུལ་ཞིག་རེད། འདི་གའི་མེ་ཏོག་བརྐོས་པའི་སྒྲོག་ཙེ་དང་། ཤིང་ཕོར། རྩམ་པའི་སྒམ། མར་སྒམ་སོགས་བཟོ་རྩལ་གྱི་ཐོན་རྫས་རྣམས་རི་མོ་འབྲི་བ་དང་། མེ་ཏོག་བརྐོས་པ། བཀྲག་རྩི་བྱུགས་པ་སོགས་ཀྱི་ཐད་བཟོ་རྩལ་ཞིབ་འཇུག་དང་བསམ་བཀོད་དཔེ་གསར་ཡིན་ཞིང་། སྤྱོད་གོ་ཆོད་ལ་མཛེས་སྡུག་ཀྱང་ལྡན་པ་རེད། ལག་ཤེས་བཟོ་རྩལ་ཐོན་རྫས་དེ་དག་ལས་བོད་རིགས་མི་དམངས་ཀྱི་བློ་གྲོས་དང་འཇོན་ཐང་མངོན་པ་མ་ཟད་ལོ་ངོ་སྟོང་གི་རིག་གནས་ཀྱི་ནང་དོན་དང་ལོ་རྒྱུས་ཀྱི་དྲན་ཤེས་དེ་བས་རྒྱུན་འཛིན་ཐུབ་ཡོད། ས་གནས་འདི་གར་ཁྱེད་ཀྱིས་ད་དུང་ཚགས་ཤ་སྐམ་པོ་དང་བོད་ཀྱི་ཕག་ཤ། མར་དང་ཐུད་སོགས་ཟས་མཆོག་ལ་རོལ་མྱོང་བྱེད་ཐུབ་པ་དང་ཁྱེད་ཀྱི་རོ་འཛིན་འབུར་མ་ཡང་ཕ་ཡུལ་གྱི་གནས་ཚུལ་ཟབ་མོ་དེའི་ནང་བཟི་རུ་འཇུག་ཐུབ།

པར་འདི་གཉིས་ནི་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་གོར་མོ་གྲོང་ཁྱེར་ཚྭ་མཚོ་དཀར་མོའི་མཛེས་ལྗོངས་ཁུལ་ཡིན་པ། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

གསར་འགོད་པ་བོད་ལྗོངས་ཆབ་མདོ་གྲོང་ཁྱེར་འཇོ་མདའ་རྫོང་ནས་རྒྱལ་ལམ་317བརྒྱུད་སི་ཁྲོན་དཀར་མཛེས་བོད་རིགས་རང་སྐྱོང་ཁུལ་སྡེ་དགེ་རྫོང་དུ་བསྐྱོད་སྐབས་ཐོག་མར་སླེབས་པ་ནི་འབྲི་ཆུའི་ངོགས་སུ་ཆགས་པའི་སྡེ་དགེ་རྫོང་ལྕང་ར་གྲོང་རྡལ་གྱི་གཡུ་ཐོག་གྲོང་ཚོ་རེད། གྲོང་ཚོ་དེར་སླེབས་མ་ཐག་ང་ཚོའི་མིག་ལམ་དུ་འཆར་བ་ནི་མཛེས་ཤིང་སྟར་དུ་ཆགས་པའི་བོད་བཟོའི་ཁང་པ་དང་། ཁོད་སྙོམས་པའི་གྲོང་ཚོའི་ལམ་བུ། ད་དུང་དུད་ཁྱིམ་སོ་སོའི་རྒྱབ་མདུན་གཡས་གཡོན་གྱི་ར་བའི་ནང་བཏབ་པའི་འབྲས་ཤིང་དང་། སྔོ་ཚལ། མེ་ཏོག་སོགས་ཡིན་ལ། དེ་བས་ཀྱང་ཡིད་དུ་འོང་བ་ནི་གྲོང་ཚོའི་རྒན་རྒོན་རྣམས་གྲོང་མདོར་འཛོམས་ནས་སྔ་རྒྱུས་ད་རྒྱུས་གླེང་བཞིན་བཞུགས་པའི་དགའ་སྐྱིད་བག་ཕེབས་ཀྱི་རྣམ་པ་དེ་རེད། ཡིན་ནའང་དེ་སྔའི་གཡུ་ཐོག་གྲོང་ཚོའི་དུད་ཁྱིམ་ཁག་ས་བབ་མཐོ་ཚད་སྨི་3700ཙམ་གྱི་རི་ཁྲོད་དུ་ཐ་རེ་ཐོར་རེར་གནས་པས། གྲོང་ཚོ་དེ་དེ་སྔ་ལྕང་ར་གྲོང་རྡལ་གྱི་ལྔ་མེད་དབུལ་ཕོངས་གྲོང་ཚོ་གཅིག་པུ་དེ་ཡིན་པ་སྟེ། དེ་ཡང་གྲོང་ཚོ་དེར་གཞུང་ལམ་དང་། གློག དྲ་བ། རླུང་འཕྲིན་བརྙན་འཕྲིན། རང་འབབ་ཆུ་ཀ་ལ་བཅས་མེད་པས། ཕྱུག་འགྱུར་ལྟ་ཅི་འཚོ་ཚིས་དང་འགྲུལ་སྐྱོད་ལ་ཡང་དཀའ་ངལ་ཆེན་པོ་ཡོད། གནས་ཚུལ་དེར་འགྱུར་ལྡོག་གཏོང་ཆེད། 2017ལོར་སྡེ་དགེ་རྫོང་གིས་གྲོང་ཚོ་ཧྲིལ་པོ་གནས་སྤོའི་ལས་གྲྭ་ལག་བསྟར་བྱས་ནས། གྲོང་ཚོ་དེའི་ཐེམ་དུད་ཁག་ས་བབ་དམའ་ཞིང་ས་ཆ་ཅུང་ཁོད་སྙོམས་པའི་རྒྱལ་ལམ་317གྱི་འགྲམ་རྒྱུད་དེར་སྤོས་ཤིང་། སྲིད་གཞུང་ནས་གྲོང་མི་ཚོར་སྡོད་ཁང་བསྐྲུན་པ་མ་ཟད། གྲོང་ཚོའི་རྨང་གཞིའི་སྒྲིག་བཀོད་ཆ་ལག་ཆ་ཚང་བསྐྲུན་པས། དུས་དེ་ནས་བཟུང་གྲོང་མི་རྣམས་ཀྱི་འཚོ་བར་རྩ་བའི་རང་བཞིན་གྱི་འགྱུར་ལྡོག་བྱུང་ནས། རྫོང་དེའི་གྲོང་ཚོ་གཞན་དང་འདྲ་བར་འབྱོར་འབྲིང་གི་ལམ་བཟང་ཐོག་བདེ་བླག་ངང་བསྐྱོད་ཐུབ་ཡོད། ད་ཆ་གྲོང་ཚོར་གཞུང་ལམ་དང་། རང་འབབ་ཆུ་ཀ་ལ། གློག དྲ་བ། རླུང་འཕྲིན་བརྙན་འཕྲིན་བཅས་ཤར་གཏོང་ཐུབ་པ་དང་། གྲོང་ཚོ་རིམ་པའི་བྱེད་སྒོ་ཁང་དང་། རིག་གནས་ཁང་། འཕྲོད་བསྟེན་ཁང་། བུ་བཅོལ་ཁང་སོགས་ཡོད་པ་ཕུད། མུའུ་30ལྷག་ཙམ་གྱི་གྲོང་ཚོའི་མཉམ་སྡེབ་ཐོན་ལས་གོང་སྤེལ་གླིང་ཁུལ་ཡོད་ཅིང་། དེར་གྲོང་མི་རྣམས་ལ་ཕྱི་ཕྱོགས་སུ་འཚོང་བྱེད་ཀྱི་འབྲས་ཤིང་དང་། སྔོ་ཚལ། མེ་ཏོག་སོགས་འདེབས་འཛུགས་བྱེད་དུ་བཅུག་པ་དང་། ད་དུང་2018ནས་བཟུང་གྲོང་ཚོ་མཉམ་སྡེབ་ཀྱིས་བསྐྲུན་པའི་ཞིང་ཁྱིམ་སྤྲོ་སྐྱིད་གླིང་དང་མགྲོན་ཁང་སོགས་ཕྱི་ཕྱོགས་ནས་ཡོང་བའི་ཚོང་དུད་ལ་བོགས་མར་བཏང་ནས། སྤྲོ་གསེང་དང་། རོལ་རྩེད། ཞིམ་ཟས་བཅས་གཞི་གཅིག་ཏུ་འདུས་པའི་“འབྲི་ཆུའི་ངོགས་ཀྱི་གྲོང་ཚོ་དང་པོ”ཞེས་པའི་སྤུས་རྟགས་བཏོད་པས། གྲོང་ཚོ་དེའི་གསོན་ཤུགས་དང་མིང་གྲགས་ཇེ་ཆེར་ཕྱིན་པ་དང་། དེ་དག་གི་མཐར་ཐུག་དམིགས་འབེན་ཏེ། གྲོང་ཚོ་མཉམ་སྡེབ་དང་གྲོང་མིའི་དུད་ཚང་ཁག་ལ་གཏན་འཇགས་ཀྱི་ཡོང་འབབ་བྱུང་ཡོད་པ་རེད། ད་ཆ་གྲོང་ཚོ་དེའི་ཐོན་ལས་འཕེལ་ཁ་དར་ཞིང་། འབྱུང་ཁམས་མི་འཚོ་སྡོད་བྱ་རྒྱུར་འཚམ་པ། གྲོང་ཚོའི་གྲོང་སྲོལ་ཡ་རབས་ཤེས་དཔལ་ལྡན་པ། གྲོང་ཚོའི་བཅོས་སྐྱོང་ཕན་འབྲས་ལྡན་པ། གྲོང་མིའི་འཚོ་བ་འབྱོར་ཕྱུག་ལྡན་པ་བཅས་ཀྱི་གྲོང་གསར་ཞིག་ཏུ་གྱུར་ཡོད་པས། སི་ཁྲོན་ཞིང་ཆེན་ནས་ཀྱང་གྲོང་ཚོ་དེ་ཤང་གྲོང་དར་རྒྱས་ཀྱི་དཔེ་སྟོན་གྲོང་གསར་དང་། གྲོང་གསེབ་བཅོས་སྐྱོང་ཀྱི་དཔེ་སྟོན་གྲོང་ཚོ་དང་གྲོང་རྡལ་དུ་བདམས་པ་མ་ཟད། གྲོང་གསེབ་དར་རྒྱས་གཏོང་བའི་གཙོ་གནད་རོགས་སྐྱོར་བྱ་ཡུལ་གྲོང་ཚོར་ཡང་བདམས་ཡོད་པ་རེད། དེ་ལྟ་བུའི་འཕོ་འགྱུར་ཆེད་གཡུ་ཐོག་གྲོང་ཚོར་གནས་གཏན་འཁེལ་གྱིས་རོགས་སྐྱོར་བྱེད་མཁན་སི་ཁྲོན་ཞིང་ཆེན་ཏུའུ་ཅང་ཡན་ཆུ་བེད་གོང་སྤེལ་ལྟེ་གནས་ཀྱིས་ཀྱང་ནུས་པ་ཆེན་པོ་བཏོན་ཡོད་པ་སྟེ། 2023ལོར་ཁྱོན་མ་དངུལ་སྒོར་ཁྲི་190ལྷག་ཙམ་བཏང་ནས་གྲོང་ཚོའི་གཞི་རིམ་ཏང་རྩ་འཛུགས་འཛུགས་སྐྱོང་དང་། རྣམ་གྲངས་འཛུགས་སྐྲུན། མི་སྣ་འཇོན་ཐང་ཅན་གསོ་སྐྱོང་སོགས་ཐད་ནས་རོགས་རམ་ཆེན་པོ་བྱས་ཡོད་པ་རེད།

པར་འདི་གཉིས་ནི་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་གོར་མོ་གྲོང་ཁྱེར་ཚྭ་མཚོ་དཀར་མོའི་མཛེས་ལྗོངས་ཁུལ་ཡིན་པ།

ཟླ7ཚེས14ཉིན། 2024ལོའི“ཀྲུང་གོ་བཟོ་ཚོང་དངུལ་ཁང་རྟགས་མའི”མཚོ་སྐོར་རྒྱལ་སྤྱིའི་གཞུང་ལམ་ལྕགས་རྟའི་འགྲན་སྡུར་སྐབས23པ་མཚོ་བྱང་བོད་རིགས་རང་སྐྱོང་ཁུལ་མོན་ཡོན་ཧོས་རིགས་རང་སྐྱོང་རྫོང་གི་སྤྱི་ལེ་བརྒྱའི་ལོག་དཀར་མེ་ཏོག་གི་ཞིང་ཁམས་མཛེས་ལྗོངས་ཁུལ་ནས་མཇུག་སྒྲིལ་བའི་མཛད་སྒོ་བསྡུས་པ་མ་ཟད་བྱ་དགའ་སྟེར་བའི་མཛད་སྒོ་བསྡུས་ཤིང་། ཧྲིན་ཀྲང་གཞོན་པ་ཝང་ཧའེ་ཧུང་མཛད་སྒོར་ཞུགས་པ་མ་ཟད་བྱ་དགའ་ཡང་གནང་།སྐབས་འདིའི་མཚོ་སྐོར་ལྕགས་རྟའི་འགྲན་སྡུར་མགོ་བརྩམས་པ་ནས་བཟུང་། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱིས་མགོ་རྩོམ་མཛད་སྒོ་དང་འགྲན་མཚམས་ཁག་གི་བརྒྱུད་རིམ་ཧྲིལ་པོ་ཐད་གཏོང་བྱས་པ་དང་། ཞིང་ཆེན་གྱི་སྨྱན་བྱད་དང་སྒེར་གྱི་སྨྱན་བྱད་ཀྱིས་མཉམ་དུ་ཤུགས་བསྣན་ནས“ཚགས་པར་དང་། སྟེགས་བུ། དྲ་རྒྱ། སྐད་འཕྲིན། དྲ་གནས། བརྙན་རིས”བཅས་གཞི་གཅིག་ཏུ་འདུས་པའི་སྨྱན་སྦྱོར་མཉམ་འདྲེས་ཀྱི་བརྒྱུད་སྤེལ་རྣམ་པ་ཞིག་ཆགས་པ་དང་། མཚོ་སྔོན་གྱིས་སྐྱེ་ཁམས་དཔལ་ཡོན་གྱི་མཐོ་ས་སྐྲུན་པ་དང་ཐོན་ལས“གནས་བཞི”འཛུགས་སྐྲུན་བྱེད་པའི་དམིགས་བསལ་དགེ་མཚན་གང་ལེགས་ཀྱིས་མངོན་པར་བྱས་ཤིང་།“མཛེས་པའི་མཚོ་སྔོན”གྱི་ཤུགས་རྐྱེན་ནུས་པ་དང་མཚན་སྙན་སྔར་ལས་མཐོ་རུ་བཏང་། འགྲན་སྡུར་དེ་སྐྱེ་ཁམས་སྲུང་སྐྱོབ་དང་། གྲོང་གསེབ་དར་སྤེལ། ཞིང་ཕྱུགས་ཐོན་རྫས། རིག་གནས་ཡུལ་སྐོར། ཉོ་ཚོང་འཁོར་རྒྱུག་སོགས་དང་འབྲེལ་ཏེ་མཉམ་འདྲེས་འཕེལ་རྒྱས་ཀྱི་སྟེགས་བུ་གསར་པ་ཞིག་ཧུར་ཐག་གིས་སྐྲུན་པ་དང་། མུ་མཐུད་དུ་ཐོན་ལས་སྦྲེལ་ཐག་གི་རྒྱུན་བསྲིངས་ལ། མཚོ་སྐོར་འགྲན་སྡུར་གྱི་དགའ་སྤྲོའི་དུས་སྟོན་རྩ་འཛུགས་བྱས་ཏེ། ལམ་རྒྱུད་ཀྱི་འགྲན་མཚམས་སོ་སོ་རུ་གཟུགས་འདས་ཤུལ་བཞག་རིག་གནས་གསར་སྐྲུན་དང་ཞིང་ལས་ཁྱད་ལྡན་ཐོན་རྫས་འགྲེམ་སྟོན་ཁུལ126བཀོད་སྒྲིག་བྱས་ནས་འགྲན་སྡུར་གྱི་བྱེད་སྒོ་དེ་དཔལ་འབྱོར་འཕར་གཞི་ཞིག་ཏུ་བསྒྱུར་ཡོད་པ་རེད།སྐབས་འདིའི་འགྲན་སྡུར་ནང་འགྲན་ཞུགས་དཔུང་ཁག་གི་ཆུ་ཚད་མུ་མཐུད་དུ་མཐོ་རུ་ཕྱིན་ཡོད་པ་དང་། འགྲན་སྡུར་གྱི་རྒྱལ་སྤྱིའི་རང་བཞིན་དང་། རོལ་མྱོང་རང་བཞིན། ཆེད་ལས་རང་བཞིན་བཅས་མངོན་གསལ་དོད་པོས་མཐོ་རུ་ཕྱིན་ཡོད། འགྲན་སྡུར་གྱི་ལམ་ཐིག་དེ་ས་དབྱིབས་མང་པོ་བརྒྱུད་ཡོད་ཅིང་། དེ་སྐྱེ་ཁམས་ཡུལ་སྐོར་བྱེད་སའི་གནས་མཆོག་མང་པོར་ཐོན་པར་མ་ཟད། མི་རིགས་རང་སྐྱོང་ས་ཁུལ་མང་པོ་བརྒྱུད་ཡོད། མཚོ་སྔོན་དྲིལ་སྒྲོག་བྱེད་པའི་སྒེའུ་ཁུང་གལ་ཆེན་དང་ཀྲུང་གོའི་ལྕགས་རྟའི་ལུས་རྩལ་གྱི་བཀྲག་མདངས་འཚེར་བའི་གསེར་གྱི་མིང་བྱང་ལྟ་བུ་ཞིག་ཡིན་པའི་ངོས་ནས་འགྲན་སྡུར་གྱི་རྩ་འཛུགས་དང་། སྤྱོད་ཚུལ། ཚད་གཞི་བཅས་ཚང་མའི་ཐོག་ནས་ཆུ་ཚད་ཧ་ཅང་མཐོན་པོ་མངོན་པ་དང་། ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ཕྱོགས་ཡོངས་ནས་ལག་བསྟར་དོན་འཁྱོལ་དང་རིགས་སོ་སོའི་རྩེར་སོན་འགྲན་སྡུར་བཟང་པོར་སྒྲུབ་པ་དང་ལེགས་པོར་སྒྲུབ་པར་རྩ་ཆེའི་ཉམས་མྱོང་དང་གཞི་འཛིན་ས་ནུས་ལྡན་མཁོ་འདོན་བྱས་ཡོད།ཚེ་རིང་སྒྲོལ་མས་བསྒྱུར།

མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། འདི་ལོའི་ལོ་སྟོད་དུ། མཚོ་སྔོན་ཞིང་ཆེན་གྱིས་ཡུལ་སྐོར་བ་མི་ཐེངས་ཁྲི་2200ལ་སྣེ་ལེན་ཞུས་པ་དང་ཡུལ་སྐོར་འགྲོ་སོང་ཁྱོན་སྒོར་དུང་ཕྱུར་191ཟིན་ཏེ་དུས་མཚུངས་ལས་23.7%དང་20%སོ་སོར་འཕར་བ་རེད། མཚོ་སྔོན་དུ་ཡུལ་སྐོར་བ་ཡོང་མང་བའི་དུས་སྐབས་སླེབས་པ་དང་བསྟུན་ནས། ཡུལ་སྐོར་བ་སྐྱིད་སྣང་དོད་པ་དང་། བློ་བདེ་བ། བདེ་འཇགས་ལྡན་པ་བཅས་ཡོང་ཆེད། ཞིང་ཆེན་རིག་གནས་དང་ཡུལ་སྐོར་ཐིང་གིས་ཁྱོན་ཡོངས་ནས་བཀོད་སྒྲིག་དང་། དུས་བདེའི་རིག་གནས་ཡུལ་སྐོར་ལས་དོན་དོན་འཁྱོལ་ཞིབ་ཕྲ་བྱ་རྒྱུར་སྐུལ་འདེད་བཏང་ནས་དུས་བདེ་དང་། ཞི་མཐུན། ཡ་རབས། རིམ་ལྡན་བཅས་ཀྱི་རིག་གནས་ཡུལ་སྐོར་ཁྲོམ་རའི་ཁོར་ཡུག་བཏོད་པ་རེད།མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིང་གིས་ཞིང་ཆེན་ཡོངས་ཀྱི་རིག་གནས་དང་ཡུལ་སྐོར་ལས་རིགས་ཀྱི་བདེ་འཇགས་ཐོན་སྐྱེད་དང་། ཁྲོམ་ར་བཅོས་སྒྲིག་དང་ཞབས་ཞུའི་སྤུས་ཚད་མཐོར་གཏོང་ལས་དོན་ཚོགས་འདུ་སོགས་སྔ་རྗེས་སུ་ཆེད་དོན་ཚོགས་འདུ་ཐེངས་7འཚོགས་ནས་གྲལ་བཤེར་བཅོས་སྒྲིག་ལས་འགན་དོན་འཁྱོལ་བྱས་ཏེ། ཡུལ་སྐོར་དང་འབྲེལ་བའི་ཉེན་ཡོད་གནད་དོན་གྲལ་བཤེར་བཅོས་སྒྲིག་བྱེད་པར་སྐུལ་འདེད་བཏང་བ་རེད། བདེ་འཇགས་ཐོན་སྐྱེད་ཀྱི་ཉེན་ཁ་དང་མངོན་མེད་རྐྱེན་ངན་གྲལ་བཤེར་བྱེད་པའི་གཙོ་གནད་ལས་དོན་ཕྱོགས་ཡོངས་ནས་བཀོད་སྒྲིག་བྱས་པ་དང་འབྲེལ། དུས་ཆེན་དང་གུང་གསེང་སོགས་དུས་ཚོད་ཀྱི་མཚམས་ཚིགས་གལ་ཆེན་ལ་དམིགས་ནས་ཞིང་ཆེན་ཡོངས་ཀྱི་རིག་གནས་ཡུལ་སྐོར་ལས་རིགས་ལ་དུས་ཐོག་ཏུ་བདེ་འཇགས་ཐད་ཀྱི་ཉེན་ཁ་དང་མངོན་མེད་རྐྱེན་ངན་འགོག་ཟོན་བྱེད་དགོས་པའི་དྲན་སྐུལ་དང་། སྤྱི་ཚོགས་ལ་བདེ་འཇགས་ཐོན་སྐྱེད་ཀྱི་ཐེར་འདོན་ཁ་པར་ཁྱབ་བསྒྲགས། རིག་གནས་ཡུལ་སྐོར་ཁེ་ལས་51གི་འགན་འཁུར་བར་གཅིག་སྡུད་ཐོག་ཉེན་གཏོང་དྲན་སྐུལ་གྱི་གླེང་མོལ་བཅས་བྱས་པ་རེད། གནས་གཏན་འཁེལ་གྱིས་ཞིབ་བསྡུར་དང་རེ་རེ་བཞིན་གྲལ་བཤེར་བྱས་པ་བརྒྱུད། ས་ཁུལ་ཁག་གི་ཕྱོགས་14ཐད་ཀྱི་ཐུན་མོང་གི་གནད་དོན་དང་ཡུལ་སྐོར་དང་འབྲེལ་བའི་ཉེན་ཁ་དང་མངོན་མེད་རྐྱེན་ངན་ཁག་127གཅིག་བསྡུས་ཐོག་གསེད་བཀྲོལ་བྱས་ཤིང་། ཞིང་ཆེན་ཡོངས་ཀྱི་གྲོང་ཁྱེར་དང་ཀྲོའུ་སྲིད་གཞུང་8དང་གཙོ་གནད་ཡུལ་སྐོར་རྫོང་23གྱི་འགན་འཁུར་བར“ལས་ཀའི་དྲན་སྐུལ་ཡི་གེ”བཏང་ནས་དུས་ཐོག་ཏུ་དྲན་སྐུལ་ཡག་པོ་བྱས་པ་རེད།རྒྱུན་རྣམ་ཅན་གྱི་ལྟ་སྐུལ་མཛུབ་ཁྲིད་དང་ཞིབ་བཤེར་བྱས་ཏེ་ཞིབ་བཤེར་རྩིས་ཐོ་དང་མངོན་མེད་རྐྱེན་ངན་གྱི་ལས་ཐོ་བཟོས་ཤིང་། “མི་བྱེད་པ་བཞི་དང་ཐད་སྐྱོད་གཉིས”དང་། མངོན་གསལ་དུ་རྟོག་ཞིབ་དང་མངོན་ཆུང་དུ་རྩད་གཅོད་སོགས་ཀྱི་རྣམ་པ་བརྒྱུད། མི་མང་པོ་འདུས་པའི་རིག་གནས་ཡུལ་སྐོར་བྱ་ཡུལ་གྱི་བདེ་འཇགས་ཐོན་སྐྱེད་འགན་འཁྲི་དོན་འཁྱོལ་དང་རིག་གནས་ཡུལ་སྐོར་ཁྲོམ་ར་བཅོས་སྒྲིག་སོགས་ཀྱི་གནས་ཚུལ་ལ་ཞིབ་བཤེར་བྱས་པས་ཉེན་ཁ་དང་མངོན་མེད་རྐྱེན་ངན་97ཤེས་རྟོགས་བྱུང་བར་དུས་ཐོག་ཏུ་ལན་སྤྲད་དེ་འཕྲལ་དུ་དག་ཐེར་བྱེད་དགོས་པའི་བླང་བྱ་བཏོན་པ་རེད། དེ་དང་ཆབས་ཅིག གཙོ་གནད་ས་ཁུལ་དང་གཙོ་གནད་གནས་ཡུལ་ལ་དམ་པོར་བསྡིགས་ཏེ་ཁྲོམ་རའི་གནས་ཚུལ་གཞིར་བཟུང་མཚོ་སྔོན་པོ་དང་། ཚྭ་ཁའི་ཚྭ་མཚོ། སྐུ་འབུམ་དགོན་སོགས་གཙོ་གནད་Aརིམ་པའི་ཡུལ་སྐོར་མཛེས་ལྗོངས་ཁུལ་གྱི་ཁྲོམ་རའི་འཁོར་སྐྱོད་གནས་ཚུལ་དུས་ཐོག་ཏུ་བརྙན་ལམ་བཀོད་གཏོང་བྱས་ཏེ། ཉེན་ཁ་དང་མངོན་མེད་རྐྱེན་ངན་གྲལ་བཤེར་དང་དག་ཐེར་བྱེད་པའི་ཐད་སླར་ཡང་དྲན་སྐུལ་དང་སླར་ཡང་ལྟ་སྐུལ་མཛུབ་ཁྲིད་བྱས་པ་རེད།ཞིང་ཆེན་ཡོངས་ཀྱི་རིག་གནས་ཡུལ་སྐོར་ལས་རིགས་ཀྱི་ཐོལ་བྱུང་སྤྱི་པའི་དོན་རྐྱེན་ཕྱོགས་བསྡུས་འཕྲལ་སྡོམ་ནང་སྦྱོང་བྱས་ཐོག རིག་གནས་ཡུལ་སྐོར་ལས་རིགས་ཀྱི་ལྟ་ཞིབ་ཚད་ལེན་དང་སྔོན་ཚུད་ཉེན་བརྡ་གཏོང་བ་དང་བཀོད་འདོམས་བཀོད་གཏོང་སོགས་ཚན་པ་8དང་ཟུང་འབྲེལ་དམ་ཟབ་བྱས་ནས། མཛེས་ལྗོངས་ཁུལ་གྱི་མི་ཚོགས་ཁ་འགྲེམས་དང་། འཇིགས་རྒོལ་གཏུམ་འགོག དམིགས་བསལ་སྒྲིག་ཆས་རོགས་སྐྱོབ། མེ་ཟོན་མེ་གསོད་སོགས་ཀྱི་ནང་དོན་ནང་སྦྱོང་བྱས་ཤིང་། ཞིང་ཆེན་ཡོངས་ཀྱི་རིག་གནས་ཡུལ་སྐོར་ལས་རིགས་ཀྱི་བདེ་འཇགས་ཐོན་སྐྱེད་གསོ་སྦྱོང་འཛིན་གྲྭ་གཉེར་ནས་སྡེ་ཚན་གྱི་ལྟ་འདོམས་འགན་འཁྲི་དང་ཁེ་ལས་ཀྱི་བྱེད་པོའི་འགན་འཁྲིའི་འདུ་ཤེས་ཟམ་མི་ཆད་པར་ཟབ་ཏུ་བཏང་བ་དང་། “མི་ཚང་མས་བདེ་འཇགས་ལ་སྣང་ཆེན་དང་། འཕྲལ་སྡོམ་བྱེད་ཤེས་པ་ནས་ཚེ་སྲོག་གི་བགྲོད་ལམ་ཤར་གཏོང་ཐུབ་པར་བྱེད”ཅེས་པ་བརྗོད་དོན་གཙོ་བོར་བྱས་ནས་རིག་གནས་ཡུལ་སྐོར་ལས་རིགས་ཀྱི་བདེ་འཇགས་ཐོན་སྐྱེད་ཟླ་བའི་དྲིལ་བསྒྲགས་བྱེད་སྒོ་སྤེལ་ཏེ་ཉེན་ཁ་སྔོན་འགོག་དང་ཚོད་འཛིན་གྱི་འདུ་ཤེས་ཟབ་ཏུ་བཏང་བ་རེད། བདེ་འཇགས་ཡུལ་སྐོར་དང་ཡ་རབས་ཡུལ་སྐོར་གྱི་ཤ་ཚའི་དྲན་སྐུལ་དུས་ཐོག་ཏུ་བྱས་པ་དང་འབྲེལ། ཞིང་ཆེན་གནམ་གཤིས་ཅུས་དང་མཉམ་འབྲེལ་བྱས་ནས་དུས་ཆེན་དང་གུང་གསེང་སྐབས་ཀྱི་གནམ་གཤིས་སྔོན་བརྡ་བཏང་སྟེ། རྒྱ་ཆེའི་ཡུལ་སྐོར་བར་ཉེན་ཁ་འགོག་ཟོན་ཐད་ཤུགས་སྣོན་རྒྱག་དགོས་པའི་དྲན་སྐུལ་བྱས་པ་རེད། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

ད་ཕན་ལོ་ཤས་རིང་། ཤིས་ཅི་རྫོང་གིས་ཧྥུའུ་ཅན་ཞིང་ཆེན་ཧྥུའུ་ཆིང་གྲོང་ཁྱེར་གྱི་ཁ་གཏད་མཉམ་སྒྲུབ་ཀྱི་རོགས་རམ་འོག མིན་ཉིང་གྲོང་རྡལ་ཧྥུའུ་ཆིང་གྲོང་གསེབ་ཀྱི་ཁྱིམ་ཚང་མགྲོན་ཁང་ཚོགས་དང་། མིན་ཉིང་ས་ཕུག་གི་ཁྱིམ་ཚང་མགྲོན་ཁང་། མིན་ཉིང་སིལ་ཟས་ཁྲོམ་གཞུང་སོགས་ཁྱད་ལྡན་གྱི་རིག་གནས་དང་ཡུལ་སྐོར་བྱ་ཡུལ་བསྐྲུན་པ་དང་འཐུས་སྒོ་ཚང་དུ་བཏང་ནས། གྲོང་གསེབ་ཀྱི་རིག་གནས་ཡུལ་སྐོར་དང་ཞིང་ལས་མཉམ་འདྲེས་འཕེལ་རྒྱས་ལ་སྐུལ་འདེད་ནུས་ལྡན་བཏང་བ་རེད། ཟླ་6ཚེས་22ཉིན་ཉིང་ཞ་ཧུད་རིགས་རང་སྐྱོང་ལྗོངས་ཀུའུ་ཡོན་གྲོང་ཁྱེར་ཤིས་ཅི་རྫོང་ཅིས་ཆང་གྲོང་རྡལ་ལུང་ཝང་པ་གྲོང་ཚོར་གྲོང་ཚོ་དང་། ནགས་ཚལ། སྐས་ཞིང་གི་མཛེས་ལྗོངས། ས་ཕུག་གི་ཁྱིམ་ཚང་མགྲོན་ཁང་སོགས་ཕན་ཚུན་གཅིག་ལ་གཅིག་རྒྱན་དུ་གྱུར་ནས་དབྱར་དུས་གྲོང་གསེབ་ཡུལ་སྐོར་གྱི་མཛེས་ལྗོངས་ཤིག་ཆགས་ཡོད། འགན་འཁུར་རྩོམ་སྒྲིག་པ། བསོད་ནམས་དབང་འདུས།

འདས་པའི་ལོ་སུམ་ཅུའི་རིང་ལ་མདོ་དབུས་མཐོ་སྒང་གི་མཚེའུའི་རྒྱ་ཁྱོན་རྒྱ་བསྐྱེད་ཚད་སྤྱི་ལེ་གྲུ་བཞི་མ་ཁྲི1ལས་བརྒལ།        ཀྲུང་གོ་ཚན་རིག་གླིང་མདོ་དབུས་མཐོ་སྒང་ཞིབ་འཇུག་སུའོ་ཡི་ཁོར་ཡུག་འགྱུར་ལྡོག་དང་བསྐོར་རིམ་མང་པོའི་གོ་རིམ་ཞིབ་འཇུག་རུ་ཁག་གི་ཞིབ་འཇུག་པ་ཀྲང་ཀུའོ་ཆིང་སོགས་ཀྱིས་ཞིབ་འཇུག་བྱས་པ་ལྟར་ན། འདས་པའི་ལོ་ངོ་སུམ་ཅུ་ཡི་རིང་ལ་མདོ་དབུས་མཐོ་སྒང་གི་མཚེའུའི་རྒྱ་ཁྱོན་རྒ

ཟླ7པའི་ཚེས15ཉིན། ཞིང་ཆེན་ཞིང་ལས་ཞིང་སྡེ་ཐིན་གྱིས་བསྒྲགས་པའི་གནས་ཚུལ་ལྟར་ན། རང་ཞིང་གི་དར་ལག་རྫོང་དང་མདའ་བཞི་རྫོང་གཉིས་ཉེ་ལམ་རྒྱལ་ཁབ་ཀྱི་རྩྭ་སའི་ཕྱུགས་ལས་ཚུལ་སྒྱུར་རིམ་སྤོར་ཚོད་ལྟའི་རྫོང་གི་ཁྲོད་ཚུད། ལས་གཞི་དེ་ལག་བསྟར་བྱེད་པའི་དུས་ཡུན་ལོ་བཞི་ཡིན་ལ། རྒྱལ་ཁབ་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་དང་ཞིང་ལས་ཞིང་སྡེ་པུའུ་ཡིས2022ལོར་ལག་བསྟར་བྱེད་འགོ་བརྩམས་པ་དང་། ཁྲོད་ཚུད་ལས་གཞི་རྫོང་ལ་ལོ་རེར་ཀྲུང་དབྱང་གི་སྔོན་རྩིས་ནང་གི་དངུལ་གཏོང་ཁ་གསབ་སྒོར་བྱེ་བ་བཞི་བཀོད་སྒྲིག་བྱེད་རྒྱུ་ཡིན་ལ། ཐོན་མཐོ་ཐོན་བརྟན་གྱི་གཟན་རྩྭའི་རྟེན་གཞི་དང་དེང་རབས་ཅན་གྱི་རྩྭ་ཐང་གི་སྐྱེ་ཁམས་ཕྱུགས་ར་དང་ཡང་ན་ཚད་གཞི་ཅན་གྱི་གཞི་ཁྱོན་གསོ་སྤེལ་ར་བ། སྤུས་ལེགས་ཕྱུགས་རིགས་རྒྱུད་སྤེལ་དང་གཟན་རྩྭའི་ས་བོན་གསོ་སྤེལ་རྒྱ་སྐྱེད་རྟེན་གཞི། གནོད་འགོག་གནོད་སྐྱོབ་གཟན་རྩྭའི་ཉར་གསོག་སྐྱེལ་འདྲེན་མ་ལག་སོགས་འཛུགས་སྐྲུན་བྱེད་པ་བརྒྱུད་དེ། རྩྭ་སའི་ཕྱུགས་ལས་ཚུལ་སྒྱུར་རིམ་སྤོར་བྱེད་པར་སྐུལ་འདེད་གཏོང་རྒྱུ་རེད།ཐེངས་འདིར་ཚོད་ལྟའི་རྫོང་གི་ཁྲོད་ཚུད་པའི་དར་ལག་རྫོང་གིས་རྨང་གཞི་ཇེ་བརྟན་དུ་གཏོང་བ་དང་ཞན་ཆ་ཁ་གསབ་བྱེད་པ། ཚན་རྩལ་མཐོར་འདེགས་གཏོང་བ། ཕྲེང་འབྲེལ་རྒྱུན་བསྲིང་བྱེད་པར་བརྟེན་ནས་རྩྭ་སའི་ཕྱུགས་ལས་ཚུལ་སྒྱུར་རིམ་སྤོར་བྱེད་པར་སྐུལ་འདེད་བཏང་བ་དང་། མདོ་དབུས་མཐོ་སྒང་གི་སྐྱེ་ཁམས་གཙོར་འཛིན་པའི་གནོད་སྐྱོབ་གནོད་འགོག་ཕྱུགས་ལས་ཀྱི་དར་ལག་གི་ཉམས་མྱོང་འཚོལ་ཞིབ་བྱས། མདའ་བཞི་རྫོང་གིས་གཟན་ཆས་མཁོ་འདོན་ཕྲེང་འབྲེལ་ཆ་ཚང་བ་དང་ཁོངས་ཡོངས་ཐོན་ལས་ཕྲེང་འབྲེལ་འཐུས་ཚང་དུ་གཏོང་བ། ཐོན་སྐྱེད་ལག་རྩལ་ཕྲེང་འབྲེལ་གྱི་ཕན་འབྲས་མཐོར་འདེགས་གཏོང་བ། ཐོན་རྫས་ཀྱི་རིན་ཐང་ཕྲེང་འབྲེལ་མཐོར་འདེགས་གཏོང་བའི་དེང་རབས་ཞིང་ལས་མ་ལག་འཛུགས་པ་རྒྱུན་འཁྱོངས་བྱས་པ་དང་། གྲང་ངར་ཆེ་བའི་འབྲོག་ཁུལ་གྱི་རྩྭ་ཕྱུགས་སྤུས་ཚད་མཐོ་བའི་ངང་དོ་སྙོམས་དཔེ་མཚོན་ལྡན་པའི་སྒོ་ནས་འཕེལ་རྒྱས་སུ་གཏོང་བའི་མདའ་བཞིའི་མ་དཔེ་འཚོལ་ཞིབ་བྱས།2022ལོར། རང་ཞིང་གི་གུང་ཧོ་དང་རྩེ་ཁོག་རྫོང་གཉིས་རྒྱལ་ཡོངས་ཀྱི་རྩྭ་སའི་ཕྱུགས་ལས་ཚུལ་སྒྱུར་རིམ་སྤོར་ཚོད་ལྟ་བྱེད་ས་འཛུགས་སྐྲུན་བྱེད་པའི་ཁྲོད་ཚུད། ལོ་གསུམ་རིང་གི་འཚོལ་ཞིབ་བརྒྱུད་དེ། རྩྭ་སའི་སྐྱེ་ཁམས་ཕྱུགས་ལས་འཁོར་རྒྱུག་འཕེལ་རྒྱས་ཀྱི་བདུན་སྣོན་ལྔའི་མ་དཔེ་དང་མཉམ་ལས་ཁང་དང་སྡེ་བའི་ཐུན་མོང་དཔལ་འབྱོར་རྩ་འཛུགས་མཉམ་བསྲེས་སྒོས་འཕེལ་རྒྱས་སུ་གཏོང་བ། ཐོན་ལས་ཕྲེང་འབྲེལ་རྒྱུན་བསྲིང་མཉམ་བསྲེས་ངང་འཕེལ་རྒྱས་སུ་གཏོང་བ་ནང་དོན་དུ་བྱས་པའི་རྩེ་ཁོག་གི་མ་དཔེ་སྤྱི་སྡོམ་བྱས་པ་དང་། རང་ཞིང་གི་རྩྭ་སའི་ཕྱུགས་ལས་དང་རྩྭ་སའི་སྐྱེ་ཁམས་མཐུན་སྦྱོར་འཕེལ་རྒྱས་དང་འཚམ་པའི་བསྐྱར་བཀོལ་ཁྱབ་གདལ་བཏང་ཆོག་པའི་དཔེ་མཚོན་ཉམས་མྱོང་གྲུབ་པར་བྱས་ལ། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་བྱེད་ས་འཛུགས་སྐྲུན་བྱེད་པའི་ཐད་ཕན་ནུས་དང་ལྡན་པའི་ལམ་བུ་གསར་བ་བཏོད།རིན་ཆེན་མཚོས་བསྒྱུར།

ཟླ7པའི་ཚེས15ཉིན། མཚོ་སྔོན་ཚོང་གཏམ་གྲོས་ཚོགས་ལག་བསྟར་ཨུ་ཡོན་ལྷན་ཁང་གིས་གསར་འགྱུར་སྒྲོག་སྤེལ་ཚོགས་འདུ་བསྡུས་ནས། མཚོ་སྔོན་ཚོང་གཏམ་གྲོས་ཚོགས་སྐབས་ཉེར་ལྔ་པའི་ཐད་ནས་བླངས་པའི་འབྲེལ་ཡོད་གྲུབ་འབྲས་རབ་དང་རིམ་པ་ཁྱབ་བསྒྲགས་བྱས།ཀྲུང་གོ་མཚོ་སྔོན་ལྗང་མདོག་འཕེལ་རྒྱས་དངུལ་གཏོང་ཉོ་ཚོང་གྲོས་ཚོགས་སྐབས་ཉེར་ལྔ་པས་སྤྱི་ཚོགས་ལས་རིགས་སོ་སོའི་དོ་སྣང་དང་རྒྱབ་སྐྱོར་འོག ཟི་ལིང་ནས་རྒྱལ་ཁའི་ངང་མཇུག་སྒྲིལ། ཐེངས་འདིའི་གྲོས་ཚོགས་ཐད་ནས་མཚོ་སྔོན་གྱི་ལྗང་མདོག་འཕེལ་རྒྱས་ཀྱི་བགྲོད་ལམ་སྟེང་གི་གོམ་སྟབས་བརྟན་པོ་མཚོན་ཡོད་པ་དང་། རྒྱལ་ཁབ་ཕྱི་ནང་གི་དཔལ་འབྱོར་ཉོ་ཚོང་མཉམ་ལས་དང་བརྗེ་རེས་ལ་སྔར་ལས་སྐུལ་འདེད་བཏང་།སྐབས་འདིའི་ཚོང་གཏམ་གྲོས་ཚོགས་ཀྱིས་སྒོ་འབྱེད་མཉམ་ལས་དང་ལྗང་མདོག་འཕེལ་རྒྱས་བརྗོད་དོན་དུ་བྱས་པ་དང་། མཚོ་སྔོན་གྱི་ཆེས་ཆེ་བ་གསུམ་གྱི་ཞིང་ཆེན་གྱི་ངེས་གནས་དང་སྔར་ལས་གལ་ཆེ་བ་གསུམ་གྱི་འཐབ་ཇུས་གོ་གནས་ལ་རྐང་བཙུགས་ནས། རྒྱུན་འཁྱོངས་གསུམ་གྱི་བླང་བྱ་གལ་ཆེན་ཕྱོགས་ཡོངས་ནས་ལག་བསྟར་བྱས་པ་དང་། ཕན་ལྡན་དངོས་གཉེར་གྱི་དངུལ་གཏོང་ཉོ་ཚོང་བྱ་འགུལ་རབ་དང་རིམ་པ་བརྒྱུད་དེ། ཆུ་ཚད་མཐོ་བའི་སྒོ་འབྱེད་རྒྱ་སྐྱེད་པ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྟེགས་བུ་གལ་ཆེན་བཙུགས་པ་དང་། སྔོན་དཔག་གི་དམིགས་འབེན་ལས་བརྒལ་པ་མངོན་འགྱུར་བྱས།ཐེངས་འདིའི་མཚོ་སྔོན་ཚོང་གཏམ་གྲོས་ཚོགས་ཀྱིས་ཚད་གཞི་མཐོ་བའི་སྐུ་མགྲོན་མང་པོ་ཟབ་ཞུགས་བྱེད་པར་ནང་འགུག་བྱས་པ་དང་། རྒྱལ་ཁབ་ཀྱི་འབྲེལ་ཡོད་པུའུ་དང་ཨུ་ཡོན་ལྷན་ཁང་། ཞིང་ཆེན་སྲིད་གཞུང་། ཀྲུང་གོར་སྡོད་པའི་གཞུང་ཚབ་ཆེན་མོ། རྒྱལ་སྤྱིའི་རྩ་འཛུགས། ཁེ་ལས་མིང་གྲགས་ཅན་དང་ཚོང་ལས་མཐུན་ཚོགས་བཅས་ནས་ཡོང་བའི་འཐུས་ཚབ་པ་སྟོང་དྲུག་དང་གོ་དྲུག་ལྷན་འཛོམས་བྱས་ནས། ལྗང་མདོག་འཕེལ་རྒྱས་ཀྱི་ཇུས་ཆེན་བཀོད་པ་དང་། མཚོ་སྔོན་ཚོང་གཏམ་གྲོས་ཚོགས་ཀྱི་རྒྱལ་སྤྱིའི་ཤན་ཤུགས་དང་མཚན་མིང་མཐོར་འདེགས་བཏང་།མཚོ་སྔོན་ཚོང་གཏམ་གྲོས་ཚོགས་སྐབས་སུ། བསྡོམས་པས་ལས་གཞི་བརྒྱ་དང་བཞིས་གྲོས་མཐུན་བཀོད་པ་དང་། བསྡོམས་པས་མ་དངུལ་སྒོར་ཐེར་ཆེན་དགུ་དང་ཐེར་འབུམ་གཅིག་དུང་ཕྱུར་དྲུག་བཏང་ལ། ནུས་ཁུངས་གསར་བ་དང་རྒྱུ་ཆས་གསར་བ། རིག་གནས་ཡུལ་སྐོར་སོགས་ཁྱབ་ཁོངས་མང་པོར་ཁེབས་ཡོད། ལྷག་པར་དུ་ལྗང་མདོག་རྩིས་ནུས་ཁྱབ་ཁོངས་ནས། ལས་གཞི་ཉེར་ལྔའི་གྲོས་མཐུན་བཀོད་པ་དང་། གྲོས་བཀོད་མ་དངུལ་སྒོར་ཐེར་ཆེན་གཉིས་དང་ཐེར་འབུམ་བརྒྱད་དུང་ཕྱུར་བརྒྱད་ལ་སླེབས་ལ། མཚོ་སྔོན་གྱིས་གསར་དར་ཐོན་ལས་འཕེལ་རྒྱས་སུ་གཏོང་བའི་ཕྱོགས་ཀྱི་སྒུལ་ཤུགས་ཆེན་པོ་མངོན་པར་བྱས། དངུལ་གཏོང་གསལ་བཤད་གྲོས་ཚོགས་སོགས་ཀྱི་བྱ་འགུལ་བསྡུ་བ་བརྒྱུད་དེ། རྒྱལ་ཁབ་ཕྱི་ནང་གི་མིང་དུ་གྲགས་པའི་ཁེ་ལས་མཚོ་སྔོན་དུ་ཡོང་ནས་དངུལ་གཏོང་ལྟ་ཞིབ་བྱེད་པར་ནང་འགུག་བྱས་ནས། མཚོ་སྔོན་གྱི་དཔལ་འབྱོར་འཕེལ་རྒྱས་ཐད་གསོན་ཤུགས་གསར་བ་བསྣན།སྐབས་འདིའི་མཚོ་སྔོན་ཚོང་གཏམ་གྲོས་ཚོགས་ཀྱིས། ཐོག་མར་ཚོང་ར་ཅན་གྱི་འཁོར་རྒྱུག་ལག་བསྟར་བྱས་པ་དང་། ཆེད་ལས་འགྲེམ་སྟོན་ཀུང་ཟི་འགྲེམ་སྟོན་བསྒྲུབ་པའི་ཁྲོད་ཞུགས་པར་ནང་འགུག་བྱས་ལ། འགྲེམ་ཁུལ་གྱི་རྒྱ་ཁྱོན་རྨིད་གྲུ་བཞི་མ་ཁྲི་ལྔ་ཡོད་པ་དང་། ཕྱོགས་ཡོངས་ནས་མཚོ་སྔོན་གྱི་སྐྱེ་ཁམས་དཔལ་ཡོན་གྱི་མཐོ་ས་འཛུགས་སྐྲུན་བྱེད་པ་དང་ཐོན་ལས་གནས་བཞི་འཛུགས་སྐྲུན་བྱེད་པ་སོགས་ཕྱོགས་ནས་བླངས་པའི་གྲུབ་འབྲས་གསར་བ་འགྲེམ་སྟོན་བྱས། འགྲེམ་ཁང་ནང་ལྗང་མདོག་རྩིས་ནུས་འགྲེམ་ཁུལ་དང་གྲོང་ཁྱེར་དང་ཁུལ་སོ་སོའི་ཁྱད་ལྡན་འགྲེམ་ཁུལ་སོགས་བཀོད་སྒྲིག་བྱས་ཡོད་པ་དང་། ཐེངས་འདིའི་འགྲེམ་ཚོགས་ཀྱི་ཁྱད་ཆོས་གྲས་ཀྱི་གཅིག་ཏུ་གྱུར། དྲ་ཐོག་དང་ཡུལ་དངོས་ཟུང་འབྲེལ་བྱེད་པའི་འགྲེམ་སྟོན་རྣམ་པ་བརྒྱུད་དེ། ཚོང་རྫས་ཉོ་ཚོང་འཁོར་རྒྱུག་ལ་སྐུལ་འདེད་བཏང་བར་མ་ཟད། ད་དུང་ལྟད་མོ་བ་ཚོའི་ཟབ་ཞུགས་བྱེད་ཚད་དང་མྱོང་ཚོར་ཇེ་མཐོར་བཏང་།མཚོ་སྔོན་ཚོང་གཏམ་གྲོས་ཚོགས་སྐབས་སུ། འཁྱག་གླིང་གཙོ་མགྲོན་རྒྱལ་ཁབ་ཏུ་བྱས་ནས་ཚོང་གཏམ་གྲོས་ཚོགས་ལ་ཞུགས་པ་དང་། རྒྱལ་ཁབ་གཉིས་ཀྱི་སྲིད་གཞུང་དང་ཁེ་ལས་ཀྱི་འཐུས་ཚབ་པས་དཔལ་འབྱོར་ཉོ་ཚོང་མཉམ་ལས་ལ་དམིགས་ནས་བརྗེ་རེས་གཏིང་ཟབ་བྱས། དེ་ལས་གཞན། མཚོ་སྔོན་གྱིས་ད་དུང་ཅིར་ཅི་སི་ཐན་སྤྱི་མཐུན་རྒྱལ་ཁབ་དབྱི་སའེ་ཁི་ཧུའུ་མངའ་སྡེ་སོགས་སྤུན་ཟླ་ཞིང་ཆེན་དང་མངའ་སྡེ་བར་མཉམ་ལས་གྲོས་མཐུན་བཀོད་དེ། རྒྱལ་སྤྱིའི་མཉམ་ལས་བརྗེ་རེས་ཀྱི་གྲོགས་པའི་ཚོགས་པ་སྔར་ལས་རྒྱ་སྐྱེད་པ་དང་། རྒྱུད་གཅིག་ལམ་གཅིག་ལམ་རྒྱུད་ཀྱི་རྒྱལ་ཁབ་དང་རྒྱལ་སྤྱིའི་རྩ་འཛུགས་བར་བརྗེ་རེས་དམ་ཟབ་བྱས་པ་བརྒྱུད་དེ། མཚོ་སྔོན་ཚོང་གཏམ་གྲོས་ཚོགས་ཀྱི་རྒྱལ་སྤྱིའི་ཅན་གྱི་ཆུ་ཚད་དང་ཤན་ཤུགས་མངོན་གསལ་སྒོས་ཇེ་མཐོར་བཏང་།ཐེངས་འདིའི་མཚོ་སྔོན་ཚོང་གཏམ་གྲོས་ཚོགས་ལ་སྨྱན་བྱད་མང་པོས་དོ་སྣང་ཐོབ་པ་དང་དྲིལ་སྒྲོག་བྱས་ལ། དྲ་ཐོག་ཡུལ་དངོས་ཀྱི་དྲིལ་སྒྲོག་བྱེད་ཚད་ཧ་ཅང་མཐོ། ཕྱོགས་ཡོངས་དང་ལངས་གཟུགས་ཅན་གྱི་དྲིལ་སྒྲོག་བརྒྱུད་དེ། མཚོ་སྔོན་ཚོང་གཏམ་གྲོས་ཚོགས་ཀྱི་མཚན་མིང་དང་ཤན་ཤུགས་ཇེ་མཐོར་བཏང་བར་མ་ཟད། མཚོ་སྔོན་གྱི་ལྗང་མདོག་འཕེལ་རྒྱས་ཀྱི་ལམ་བུའི་ཐད་གླེང་ཕྱོགས་ཀྱི་སྣང་ཚུལ་བཟང་བོ་བསྐྲུན།རིན་ཆེན་མཚོས་བསྒྱུར།

ཉེ་བའི་ལོ་ཤས་རིང་། ཧུའུ་ནན་ཞིང་ཆེན་ཁྲེན་ཀྲོའུ་གྲོང་ཁྱེར་གྱིས་ནུས་རྒྱུ་གཙང་མའི་ཐོན་ལས་འཕེལ་རྒྱས་ཧུར་ཐག་བཏང་ནས་རླུང་ཤུགས་གློག་གཏོང་དང་འོད་ཤུགས་གློག་གཏོང་རྣམ་གྲངས་མང་པོ་སྤྱོད་འགོ་ཚུགས་ཏེ། ས་གནས་དེ་གའི་ནུས་རྒྱུའི་གྲུབ་ཆ་ཕྱོགས་སྒྱུར་ལ་སྐུལ་འདེད་ནུས་ལྡན་བཏང་བ་རེད། འདི་ནི་རི་རྩེར་སྟར་ཆགས་སུ་ཡོད་པའི་ཁྲེན་ཀྲོའུ་གྲོང་ཁྱེར་ཀུའེ་དབྱང་རྫོང་པའེ་ཧྲུའེ་ཡའོ་རིགས་ཤང་གི་རླུང་ཤུགས་གློག་གཏོང་འཕྲུལ་ཚན་ཡིན་པ། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

རྩོམ་སྒྲིག ཀླུ་མོ་མཚོ། ཡོང་ཁུངས། མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།ཟླ6འི་ཚེས15ཉིན། དབྱར་གྱི་དུས་དཀྱིལ་དུ་མཚོ་སྔོན་ཞིང་ཆེན་མདའ་བཞི་རྫོང་ཝ་མགྱོགས་སོག་རིགས་ཡུལ་ཚོ་ཚ་ཀོར་ཐང་རྩྭ་ཐང་དུ་པར་རིས་སྒྱུ་རྩལ་པ་ཞིག་གིས་རྩྭ་གཡི་ཡིས་ཕྲུ་གུ་ཁྲིད་དེ་རྩྭ་ཐང་དུ་རྩེད་འཇོ་རོལ་བའི་པར་རིས་ཁྱད་མཚར་ཅན་འགའ་བླངས་ཡོད།པར་མིག་ཁྲོད་དུ་རྩྭ་གཡི་ཡི་ཕྲུ་གུ་ཨ་མ་དང་ལྷན་དུ་རྩེད་འཇོ་རོལ་བ་དང་ཕྲུ་གུ་སྤུན་གསུམ་འཛིང་རེས་བྱེད་པ།ཁ་ཟས་འཚོལ་བའི་ཐབས་རྩལ་སློབ་པ་སོགས་ཀྱི་སྣང་བརྙན་ཡིད་དུ་འོང་བ་པར་མིག་ཏུ་འཁྲུངས་ཡོད།རྩྭ་གཡི་ནི་མཚོ་བོད་མཚོ་སྒང་གི་ཤར་ཕྱོགས་སུ་གནས་ཤིང་།དེ་ནི་ཀྲུང་གོ་ཁོ་ནར་ཡོད་པའི་ཞི་ལའི་རིགས་ཀྱི་སྲོག་ཆགས་ཡིན་པ་དང་། རྒྱལ་ཁབ་ཀྱི་རིམ་པ་དང་པོའི་གཙོ་གནད་སྲུང་སྐྱོབ་རི་སྐྱེས་སྲོག་ཆགས་ཡིན།རྩྭ་གཡི་ཡི་ཕྲུ་གུས་ཨ་མ་དང་ལྷན་དུ་ཁ་ཟས་འཚོལ་བ།རྩྭ་གཡི་ཡི་ཕྲུ་གུས་ཚང་ལས་ཕྱིར་རོལ་ལ་བལྟ་བ།རྩྭ་གཡི་ཡི་ཕྲུ་གུས་ཨ་མའི་ནུ་མ་ནུ་བཞིན་པ། རྩྭ་གཡི་ཡི་ཕྲུ་གུས་གད་རྩེད་བྱེད་བཞིན་པ།རྩྭ་གཡི་ཡི་ཕྲུ་གུ་ཨ་མ་དང་ལྷན་དུ་རྩྭ་ཐང་དུ་འགྲོ་བཞིན་པ། རྩྭ་གཡི་ཡི་ཕྲུ་གུ་ཨ་མ་དང་ལྷན་དུ་རྩེད་འཇོ་རོལ་བ། སྐབས་སྔོན་མ། མཚོ་སྔོན་གྱི་མཐོ་རྒྱུགས་སྐར་གྲངས་ཟླ6པའི་ཚེས25ཉིན་ཡས་མས་སུ་ཁྱབ་བསྒྲགས་བྱ་རྒྱུ་རེད། སྐབས་རྗེས་མ། མེད།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་6པའི་ཚེས་8ཉིན།ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པས་ཡུན་ནན་ལ་མང་ཚོགས་ཀྱི་ཞུ་གཏུག་རེ་འདོན་འབོར་ཐེངས་སུམ་ཅུའི་ཡིག་ཆ་ཁག་107རྩིད་སྤྲོད་བྱས་པ།དེའི་ནང་བདེ་ཆེན་ཁུལ་དང་འབྲེལ་བ་1（འཕྲིན་ཡིག་ཐེར་འདོན་1）། ཡིག་སྐུར་ཞུ་གཏུག་ཡིག་ཆའི་སྣོད་བཅུད་ཁོར་ཡུག་གནད་དོན་གྱི་རིགས་ལ་བལྟས་ན། སྐྱེ་ཁམས་དང་འབྲེལ་བ་1ཡོད། ས་རྒྱུ་དང་འབྲེལ་བ་1། ས་ཁོངས་ཁྱབ་ཚུལ་ལ་བལྟས་ན། སེམས་ཀྱི་ཉི་ཟླ་གྲོང་ཁྱེར་དང་འབྲེལ་བ་1ཡོད། ཉིན་དེའི་བར། བདེ་ཆེན་ཁུལ་ལ་རིམ་རྩིས་ལྟར་ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་གིས་སྒྲུབ་རྒྱུར་སྤྲད་པའི་ཡིག་སྐུར་ཐེར་འདོན་ཡིག་ཆ་ཁག་31འབྱོར་བས། ཐེར་འདོན་ཡིག་ཆ་ཚང་མ་དུས་ཐོག་ཏུ་འབྲེལ་ཡོད་རྫོང་（གྲོང་ཁྱེར）གིས་ཐག་གཅོད་བྱེད་རྒྱུར་སྤྲོད་ཡོད། མང་ཚོགས་ཀྱི་ཡིག་སྐུར་ཐེར་འདོན་སྒྲུབ་རྒྱུར་སྤྲོད་པའི་ཡིག་ཆའི་སྒྲུབ་ཚུལ་འབྲེལ་ཡོད་བླང་བྱར་གཞིགས་ནས་ལྟ་ཞིབ་ཚོ་ཆུང་ལ་ཚུར་ལེན་བྱེད་རྒྱུ་དང་བཅོས་སྒྲིག་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ཐོག་ཁྱབ་བསྒྲགས་བྱེད་རྒྱུ་ཡིན། ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པའི་ཡུན་ནན་ལ་ལྟ་བཤེར་བཅའ་སྡོད་དུས་ཚོད་ནི་ཟླ་བ་གཅིག་ཡིན་ཏེ། བཅའ་སྡོད་བྱེད་རིང་（2024ལོའི་ཟླ་5པའི་ཚེས་9ཉིན་ནས་ཟླ་6པའི་ཚེས་9ཉིན་）ཆེད་མངགས་ལས་རེས་ཁ་པར་བཙུགས་ཏེ་ཁ་པར་ཨང་གྲངས་ནི་0871-63189600ཡིན།ཆེད་མངགས་སྦྲག་སྲིད་ཡིག་སྒམ་བཙུགས་ཏེ་ཡུན་ནན་ཞིང་ཆེན་ཁུན་མིང་གྲོང་ཁྱེར་A614སྦྲག་སྲིད་ཡིག་སྒམ།ལྟ་ཞིབ་ཚོ་ཆུང་གིས་ཐེར་འདོན་ཁ་པར་བདག་སྤྲོད་བྱེད་པའི་དུས་ཚོད་ནི་ཉིན་རེའི་8:00ནས་20:00བར་ཡིན།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་6པའི་ཚེས་10ཉིན།ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པས་ཡུན་ནན་ལ་མང་ཚོགས་ཀྱི་ཞུ་གཏུག་རེ་འདོན་འབོར་ཐེངས་སུམ་སོ་གཉིས་ཡིག་ཆ་ཁག་89རྩིད་སྤྲོད་བྱས་པ།དེའི་ནང་བདེ་ཆེན་ཁུལ་དང་འབྲེལ་བ་2（འཕྲིན་ཡིག་ཐེར་འདོན་1ཁ་པར་བཏང་ནས་ཐེར་འདོན་1）། ཡིག་སྐུར་ཞུ་གཏུག་ཡིག་ཆའི་སྣོད་བཅུད་ཁོར་ཡུག་གནད་དོན་གྱི་རིགས་ལ་བལྟས་ན། ཆུ་དང་འབྲེལ་བ་1ཡོད།རླུང་ཁམས་ཆེན་པོ་དང་འབྲེལ་བ་1 ས་རྒྱུ་དང་འབྲེལ་བ་1། འཛེར་སྒྲ་དང་འབྲེལ་བ་1ཡོད། ས་ཁོངས་ཁྱབ་ཚུལ་ལ་བལྟས་ན། སེམས་ཀྱི་ཉི་ཟླ་གྲོང་ཁྱེར་དང་འབྲེལ་བ་2ཡོད། ཉིན་དེའི་བར། བདེ་ཆེན་ཁུལ་ལ་རིམ་རྩིས་ལྟར་ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་གིས་སྒྲུབ་རྒྱུར་སྤྲད་པའི་ཡིག་སྐུར་ཐེར་འདོན་ཡིག་ཆ་ཁག་37འབྱོར་བས། ཐེར་འདོན་ཡིག་ཆ་ཚང་མ་དུས་ཐོག་ཏུ་འབྲེལ་ཡོད་རྫོང་（གྲོང་ཁྱེར）གིས་ཐག་གཅོད་བྱེད་རྒྱུར་སྤྲོད་ཡོད། མང་ཚོགས་ཀྱི་ཡིག་སྐུར་ཐེར་འདོན་སྒྲུབ་རྒྱུར་སྤྲོད་པའི་ཡིག་ཆའི་སྒྲུབ་ཚུལ་འབྲེལ་ཡོད་བླང་བྱར་གཞིགས་ནས་ལྟ་ཞིབ་ཚོ་ཆུང་ལ་ཚུར་ལེན་བྱེད་རྒྱུ་དང་བཅོས་སྒྲིག་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ཐོག་ཁྱབ་བསྒྲགས་བྱེད་རྒྱུ་ཡིན། ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པའི་ཡུན་ནན་ལ་ལྟ་བཤེར་བཅའ་སྡོད་དུས་ཚོད་ནི་ཟླ་བ་གཅིག་ཡིན་ཏེ། བཅའ་སྡོད་བྱེད་རིང་（2024ལོའི་ཟླ་5པའི་ཚེས་9ཉིན་ནས་ཟླ་6པའི་ཚེས་9ཉིན་）ཆེད་མངགས་ལས་རེས་ཁ་པར་བཙུགས་ཏེ་ཁ་པར་ཨང་གྲངས་ནི་0871-63189600ཡིན།ཆེད་མངགས་སྦྲག་སྲིད་ཡིག་སྒམ་བཙུགས་ཏེ་ཡུན་ནན་ཞིང་ཆེན་ཁུན་མིང་གྲོང་ཁྱེར་A614སྦྲག་སྲིད་ཡིག་སྒམ།ལྟ་ཞིབ་ཚོ་ཆུང་གིས་ཐེར་འདོན་ཁ་པར་བདག་སྤྲོད་བྱེད་པའི་དུས་ཚོད་ནི་ཉིན་རེའི་8:00ནས་20:00བར་ཡིན།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་6པའི་ཚེས་7ཉིན།ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པས་ཡུན་ནན་ལ་མང་ཚོགས་ཀྱི་ཞུ་གཏུག་རེ་འདོན་འབོར་ཐེངས་ཉེར་དགུ་པའི་ཡིག་ཆ་ཁག་104རྩིད་སྤྲོད་བྱས་པ།དེའི་ནང་བདེ་ཆེན་ཁུལ་དང་འབྲེལ་བ་5ཡོད་ལ་ཁ་པར་བཏང་ནས་ཐེར་འདོན་བྱས་པ། ཡིག་སྐུར་ཞུ་གཏུག་ཡིག་ཆའི་སྣོད་བཅུད་ཁོར་ཡུག་གནད་དོན་གྱི་རིགས་ལ་བལྟས་ན། ཆུ་དང་འབྲེལ་བ་1ཡོད།རླུང་ཁམས་ཆེན་མོ་དང་འབྲེལ་བ་1།ས་རྒྱུ་དང་འབྲེལ་བ་1།རྩིབས་འཕྲོ་དང་འབྲེལ་བ་1ཡོད། ས་ཁོངས་ཁྱབ་ཚུལ་ལ་བལྟས་ན། སེམས་ཀྱི་ཉི་ཟླ་གྲོང་ཁྱེར་དང་འབྲེལ་བ་5ཡོད། ཉིན་དེའི་བར། བདེ་ཆེན་ཁུལ་ལ་རིམ་རྩིས་ལྟར་ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་གིས་སྒྲུབ་རྒྱུར་སྤྲད་པའི་ཡིག་སྐུར་ཐེར་འདོན་ཡིག་ཆ་ཁག་30འབྱོར་བས། ཐེར་འདོན་ཡིག་ཆ་ཚང་མ་དུས་ཐོག་ཏུ་འབྲེལ་ཡོད་རྫོང་（གྲོང་ཁྱེར）གིས་ཐག་གཅོད་བྱེད་རྒྱུར་སྤྲོད་ཡོད། མང་ཚོགས་ཀྱི་ཡིག་སྐུར་ཐེར་འདོན་སྒྲུབ་རྒྱུར་སྤྲོད་པའི་ཡིག་ཆའི་སྒྲུབ་ཚུལ་འབྲེལ་ཡོད་བླང་བྱར་གཞིགས་ནས་ལྟ་ཞིབ་ཚོ་ཆུང་ལ་ཚུར་ལེན་བྱེད་རྒྱུ་དང་བཅོས་སྒྲིག་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ཐོག་ཁྱབ་བསྒྲགས་བྱེད་རྒྱུ་ཡིན། ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པའི་ཡུན་ནན་ལ་ལྟ་བཤེར་བཅའ་སྡོད་དུས་ཚོད་ནི་ཟླ་བ་གཅིག་ཡིན་ཏེ། བཅའ་སྡོད་བྱེད་རིང་（2024ལོའི་ཟླ་5པའི་ཚེས་9ཉིན་ནས་ཟླ་6པའི་ཚེས་9ཉིན་）ཆེད་མངགས་ལས་རེས་ཁ་པར་བཙུགས་ཏེ་ཁ་པར་ཨང་གྲངས་ནི་0871-63189600ཡིན།ཆེད་མངགས་སྦྲག་སྲིད་ཡིག་སྒམ་བཙུགས་ཏེ་ཡུན་ནན་ཞིང་ཆེན་ཁུན་མིང་གྲོང་ཁྱེར་A614སྦྲག་སྲིད་ཡིག་སྒམ།ལྟ་ཞིབ་ཚོ་ཆུང་གིས་ཐེར་འདོན་ཁ་པར་བདག་སྤྲོད་བྱེད་པའི་དུས་ཚོད་ནི་ཉིན་རེའི་8:00ནས་20:00བར་ཡིན།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་6པའི་ཚེས་9ཉིན། ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པས་ཡུན་ནན་ལ་མང་ཚོགས་ཀྱི་ཞུ་གཏུག་རེ་འདོན་འབོར་ཐེངས་སོ་གཅིག་པའི་ཡིག་ཆ་ཁག་91རྩིད་སྤྲོད་བྱས་པ།དེའི་ནང་བདེ་ཆེན་ཁུལ་དང་འབྲེལ་བ་4།（འཕྲིན་ཡིག་ཐེར་འདོན་3དང་ཁ་པར་བཏང་ནས་ཐེར་འདོན་1ཡོད） ཡིག་སྐུར་ཞུ་གཏུག་ཡིག་ཆའི་སྣོད་བཅུད་ཁོར་ཡུག་གནད་དོན་གྱི་རིགས་ལ་བལྟས་ན། སྐྱེ་ཁམས་དང་འབྲེལ་བ་2ཡོད། ས་རྒྱུ་དང་འབྲེལ་བ་2།རླུང་ཁམས་ཆེན་པོམདང་འབྲེལ་བ་1། འཛེར་སྒྲ་དང་འབྲེལ་བ་2ཡོད། ས་ཁོངས་ཁྱབ་ཚུལ་ལ་བལྟས་ན། སེམས་ཀྱི་ཉི་ཟླ་གྲོང་ཁྱེར་དང་འབྲེལ་བ་4ཡོད། ཉིན་དེའི་བར། བདེ་ཆེན་ཁུལ་ལ་རིམ་རྩིས་ལྟར་ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་གིས་སྒྲུབ་རྒྱུར་སྤྲད་པའི་ཡིག་སྐུར་ཐེར་འདོན་ཡིག་ཆ་ཁག་31འབྱོར་བས། ཐེར་འདོན་ཡིག་ཆ་ཚང་མ་དུས་ཐོག་ཏུ་འབྲེལ་ཡོད་རྫོང་（གྲོང་ཁྱེར）གིས་ཐག་གཅོད་བྱེད་རྒྱུར་སྤྲོད་ཡོད། མང་ཚོགས་ཀྱི་ཡིག་སྐུར་ཐེར་འདོན་སྒྲུབ་རྒྱུར་སྤྲོད་པའི་ཡིག་ཆའི་སྒྲུབ་ཚུལ་འབྲེལ་ཡོད་བླང་བྱར་གཞིགས་ནས་ལྟ་ཞིབ་ཚོ་ཆུང་ལ་ཚུར་ལེན་བྱེད་རྒྱུ་དང་བཅོས་སྒྲིག་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ཐོག་ཁྱབ་བསྒྲགས་བྱེད་རྒྱུ་ཡིན། ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་བདུན་པའི་ཡུན་ནན་ལ་ལྟ་བཤེར་བཅའ་སྡོད་དུས་ཚོད་ནི་ཟླ་བ་གཅིག་ཡིན་ཏེ། བཅའ་སྡོད་བྱེད་རིང་（2024ལོའི་ཟླ་5པའི་ཚེས་9ཉིན་ནས་ཟླ་6པའི་ཚེས་9ཉིན་）ཆེད་མངགས་ལས་རེས་ཁ་པར་བཙུགས་ཏེ་ཁ་པར་ཨང་གྲངས་ནི་0871-63189600ཡིན།ཆེད་མངགས་སྦྲག་སྲིད་ཡིག་སྒམ་བཙུགས་ཏེ་ཡུན་ནན་ཞིང་ཆེན་ཁུན་མིང་གྲོང་ཁྱེར་A614སྦྲག་སྲིད་ཡིག་སྒམ།ལྟ་ཞིབ་ཚོ་ཆུང་གིས་ཐེར་འདོན་ཁ་པར་བདག་སྤྲོད་བྱེད་པའི་དུས་ཚོད་ནི་ཉིན་རེའི་8:00ནས་20:00བར་ཡིན།

ཁྲུང་ཁྲུང་སྐེ་ནག་ནི་རྒྱལ་ཁབ་ཀྱི་རིམ་པ་དང་པོའི་གཙོ་གནད་སྲུང་སྐྱོང་རི་སྐྱེས་སྲོག་ཆགས་ཤིག་ཡིན་པ་དང་། ས་མཐོར་དམིགས་བསལ་དུ་ཡོད་པའི་ཁྲུང་ཁྲུང་རིགས་ཀྱི་ཁོངས་སུ་གཏོགས། གཙོ་བོ་རྒྱ་མཚོའི་ངོས་ལས་མཐོ་ཚད་སྨི་2500ནས་5000བར་གྱི་ས་མཐོར་འཚོ་སྡོད་བྱེད་ཀྱི་ཡོད། རྒྱུན་པར་ན་འདམ་དང་། མཚེའུ། ཆུ་འགྲམ་སོགས་འདམ་རའི་ཁོར་ཡུག་ཏུ་འཚོ་བ་སྐྱེལ་གྱི་ཡོད། ལོ་ལྟར་གྱི་དུས་སྐབས་འདིར་ཁྲུང་ཁྲུང་སྐེ་ནག་ཆ་རེ་རེ་བཞིན་བོད་ལྗོངས་ནག་ཆུས་གྲོང་ཁྱེར་ཤན་རྩྭ་རྫོང་དུ་གནས་སྤོ་བྱས་ནས། ཕྱོགས་བཞི་ཆུ་བསྐོར་བའི་འདམ་རའི་རྩྭ་གདན་དུ་སྒོ་ང་རུམ་གྱི་ཡོད། ཁྲུང་ཁྲུང་སྐེ་ནག་ཚང་རེར་རྟག་ཏུ་སྒོ་ང་1ནས་2གཏོང་བ་དང་། སྒོ་ང་རུམ་པའི་དུས་ཡུན་ཉིན་30ཡས་མས་རེད། ཉེ་བའི་ལོ་ཤས་རིང་། བོད་ལྗོངས་ཀྱིས་ཁྲུང་ཁྲུང་སྐེ་ནག་འཚོ་སྡོད་བྱ་ཡུལ་སྲུང་སྐྱོང་བྱེད་ཤུགས་རྒྱུན་ཆད་མེད་པར་ཆེ་རུ་བཏང་ནས། ཁྲུང་ཁྲུང་སྐེ་ནག་འཚོ་གནས་ཁོར་ཡུག་ལེགས་སུ་ནུས་ལྡན་ཕྱིན་ཏེ། ཤན་རྩྭ་རྫོང་གི་འདམ་རའི་ནང་ཁྲུང་ཁྲུང་སྐེ་ནག་འབོར་ཆེན་གྱིས་སྒོ་ང་དང་བྱ་ཕྲུག་གསོ་སྐྱོང་བྱེད་པའི་ཡིད་དབང་བཀུག་ཡོད།【1】 【2】 【3】 【4】 【5】

ཉེ་ཆར། 2024ལོ་ནས་2025ལོའི་བར་གྱི“ཀྲུང་ཨུའི་རིག་གནས་ལོའི”ཧའེ་ནན་གླིང་ཕྲན་གྱི་སྤྲོ་སྐྱིད་དུས་ཆེན་གྱི་ཨུ་རུ་སུའི་སྒྱུ་རྩལ་ཚོགས་པའི་སྐོར་སྐྱོད་འཁྲབ་སྟོན་ཧའེ་ཁོའུ་གྲོང་ཁྱེར་དུ་གཉེར་བ་དང་ཨུ་རུ་སུའི་ཐན་པོ་ཧྥུའུ་ཀྲོའུ་ཡི“དབྱི་ཧྥུའུ་ཧྲི་ཁཱ”རྒྱལ་བཙུགས་དཔེ་སྟོན་གླུ་གར་ཚོགས་པས་ལྟད་མོ་བ་ཚོར་ཨུ་རུ་སུའི་མི་རིགས་ཀྱི་ཁྱད་ཆོས་ལྡན་པའི་འཁྲབ་སྟོན་བྱས་པ་རེད། འདི་ནི་ཨུ་རུ་སུའི་འཁ

ཉེ་ཆར། སི་ཁྲོན་ཞིང་ཆེན་རིག་གནས་ཡུལ་སྐོར་ཐིང་གི་གཞུང་ཕྱོགས་དྲྭ་ཚུགས་ནས་ཤེས་རྟོགས་བྱུང་བར་གཞིགས་ན། ཉེ་ཆར་རིག་གནས་དང་ཡུལ་སྐོར་ཐིང་གིས“གཟུགས་མེད་རིག་གནས་ཤུལ་བཞག་སི་ཁྲོན· གྲོང་ཁྱེར་མང་པོ་དང་སྒྱུ་རྩལ་སྣ་མང”ཞེས་པའི་སི་ཁྲོན་གྱི་གཟུགས་མེད་རིག་གནས་ཤུལ་བཞག་སྤུས་རྟགས་ཞིབ་དཔྱད་ལས་དོན་ཁག་གཉིས་པ་སྒྲིག་འཛུགས་བྱས་ནས་སྤེལ། དེའི་ནང་དུ་རང་ཁུལ་གྱི་འབའ་གཞས་དང་གསེར་རྟ་ཟློས་གར་གཉིས་སྤུས་རྟགས་གྲོས་འགོའི་མིང་ཐོའི་ནང་ཚུད་ཡོད། མིང་ཐོ་ཡོངས་བསྒྲགས་བྱེད་པའི་དུས་ཚོད་ནི2024ལོའི་སྤྱི་ཟླ7པའི་ཚེས9ཉིན་ནས་སྤྱི་ཟླ7པའི་ཚེས15ཉིན་བར་ཡིན།འབའ་གཞས། ལོ་ངོ་སྟོང་ལྷག་གི་ལོ་རྒྱུས་ཡུན་རིང་ལྡན་པའི་འབའ་གཞས་ནི་བོད་རིགས་ཀྱི་ཞབས་བྲོ་ཆེན་པོ་གསུམ་གྱི་ཡ་གྱལ་ཞིག་ཡིན།2000ལོར་འབའ་ཐང་ལ་རྒྱལ་ཁབ་རིག་གནས་པུའུ་ཡིས་ཀྲུང་གོའི་དམངས་ཁྲོད་སྒྱུ་རྩལ་གཞས་ཀྱི་འབྱུང་ཡུལ་ཞེས་མིང་བཏགས་པ་དང2006ལོར་འབའ་གཞས་དེ་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་གི་བརྒྱུད་འཛིན་ཁག་དང་པོའི་མིང་ཐོའི་ནང་བཅུག། དེ་ནི་འབའ་ཐང་མི་དམངས་ཀྱིས་མི་རབས་ནས་མི་རབས་བར་བརྒྱུད་འཛིན་བྱས་པའི་བརྩེ་སེམས་དང་བློ་གྲོས་ཡིན་པར་མ་ཟད་ཀྲུང་ཧྭ་མི་རིགས་ཀྱི་སྣ་མང་གཞི་གཅིག་ཏུ་གྱུར་བའི་རིག་གནས་ཆགས་སྟངས་ཁྲོད་མེད་དུ་མི་རུང་བའི་ཆ་ཤས་ཤིག་ཀྱང་ཡིན།གསེར་རྟ་ཟློས་གར། གསེར་རྟ་ཟློས་གར་ནི་ཨ་མདོ་ཟློས་གར་གྱི་རྨང་གཞིར་ཐོག་གསེར་རྟའི་ཡུལ་སྐད་དང་དེ་བཞིན་ས་གནས་དམངས་ཁྲོད་གླུ་གར་འཁྲབ་སྟོན་གྱི་གཞི་རྒྱུ་ལྡན་པའི་ས་གནས་ཟློས་གར་གྱི་གྲས་ཤིག་ཡིན། དར་ཁྱབ་ཆེ་བའི་ས་ཁུལ་ནི་དཀར་མཛེས་ཁུལ་གསེར་རྟ་རྫོང་ཡིན་པས་མིང་དེ་ལྟར་ཐོགས། གསེར་རྟ་ཟློས་གར་ནི་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་གི་ལས་གཞིའི་ཁོངས་སུ་གཏོགས། གསེར་རྟ་ཟློས་གར་ནི་གེ་སར་ཟློས་གར་དང་མི་རིགས་དཀྲོལ་ལེན། མི་རིགས་གཞས་མ་གཏམ། རྒྱན་གོས་འགྲེམས་སྟོན། མི་རིགས་གླུ་གར་བཅས་ཁག་བརྒྱད་ལས་གྲུབ་པ་རེད། དུས་རབས་མང་པོའི་འཕེལ་རྒྱས་དང་འཕོ་འགྱུར་ཁྲོད་གནའ་བོའི་ཏི་ཆང་རིག་གནས་དང་། མི་ཉག་རིག་གནས། སོག་འབྲོག་རིག་གནས། རྒྱའི་རིག་གནས་བཅས་དང་ས་གནས་དེའི་གཞས་རྩལ་དང་གླུ་གར་སོགས་མཉམ་དུ་འདྲེས་ནས་བོད་ལྗོངས་དང་མཚོ་སྔོན། དེ་བཞིན་ས་ཁུལ་གཞན་དག་བཅས་དང་མི་འདྲ་བའི་བོད་ཀྱི་ཟློས་གར་རིགས་ཤིག་ཏུ་གྱུར་ཡོད།

འདི་ནི《ཁ་བཏཊ་ལྗང་ཁུ》འཁྲབ་སྟོན་བྱེད་བཞིན་པ།ཟླ་7ཚེས་14ཉིན་གྱི་དགོང་མོར། བོད་ཀྱི་རིག་གནས་སྒྱུ་རྩལ་དུས་ཆེན་སྐབས་གཉིས་པའི་ལྗོངས་ཡོངས་ཀྱི་ཕུལ་བྱུང་ཟློས་གར་འཁྲབ་སྟོན་གྱི་གྲས་ཤིག་ཡིན་པའི《ཁ་བཏགས་ལྗང་ཁུ》ལྷ་མོའི་སྒྱུ་རྩལ་ལྟེ་གནས་སུ་འཁྲབ་སྟོན་བྱེད་འགོ་ཚུགས་པ་རེད། ཟློས་གར་དེ་ནི་སྐྱེ་ཁམས་ཁོར་ཡུག་སྲུང་སྐྱོང་བརྗོད་དོན་གཙོ་བོ་དང་དོན་དངོས་བརྗོད་བྱར་བྱས་པའི་གསར་རྩོམ་གྱི་ལྷ་མོའི་འཁྲབ་ཚན་ཞིག་ཡིན་ཞིང་། དེའི་ནང་བྱེ་རླུང་གི་མནར་གཅོད་ཚད་མེད་ཕོག་པའི་ཡར་ཀླུང་གཙང་པོའི་ངོཊ་ཀྱི་མི་རབས་མང་པོས་རང་བྱུང་ཁོར་ཡུག་ངན་པ་དང་ཞུམ་མེད་འཐབ་རྩོད་ཡང་ཡང་བྱས་མཐར། ཡར་ཀླུང་གཙང་པོའི་ངོཊ་གཉིས་ཤིང་ནཊ་ཀྱིས་སྔོ་ཐིང་ངེར་གནས་པའི“ཁ་བཏཊ་ལྗང་ཁུ”གཡོཊ་པ་དང་མཚུངས་པའི་གཏམ་རྒྱུད་བརྗོད་ཡོད་ཅིང་། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

དགའ་སྤྲོ་རྒྱས་པར་བྱེད་པའི་ངོ་མཚར་གཏམ། །བློ་གྲོས་སྐྱེད་པར་མཁས་བའི་ངག་གི་རྩལ། །དོགས་གཞི་རྣམ་པར་གཅོད་པའི་སྨྲ་བའི་མཚོན། །བརྗོད་བྱ་སྟོན་པའི་ཚིག་གི་ཁྱད་པར་ཡིན། །ཞེས་དེང་རབས་བོད་ཀྱི་བརྡ་སྤྲོད་སྨྲ་བའི་ཁྱུ་མཆོག རྒྱ་བོད་སྐད་གཉིས་ཀྱི་ལོ་ཙཱ་ལ་གཞན་དྲིང་མི་འཇོག་པའི་དོན་གྱི་མཁས་པ་ཆེན་པོ་དཔའ་རིས་སངས་རྒྱས་ཀྱིས་དཔའ་རིས་དམངས་གླུའི་བརྗོད་བྱ་དང་ཡོན་ཏན་གྱི་ཆེ་བ་བརྗོད་པ་ཇི་བཞིན། ཟླ7པའི་ཚེས13ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རིག་གནས་བསམ་བློ་ལག་བསྟར་དོན་འཁྱོལ་གཏིང་ཟབ་བྱ་ཆེད། དུས་རབས་གསར་བའི་གཟུགས་མེད་རིག་གནས་རྒྱུན་འཛིན་གོང་སྤེལ་དང་། རིག་གནས་ཡུལ་སྐོར་གྱིས་རྫོང་ཁུལ་གསོན་ཉམས་ལྡན་པའི་བྱེད་སྒོ་གཏིང་ཟབ་ཏུ་སྤེལ་བར་སྐུལ་འདེད་གཏོང་བ་ལ། དཔའ་རིས་ཨ་མྱེས་ཀ་དྲོད་གུར་སྒར་ནས་དཔའ་རིས་རྫོང་རིག་གནས་ཡུལ་སྐོར་ཅུའུ་དང་། རྫོང་བོད་སྐད་ཡིག་ཁྲིད་སྟོན་ལྟེ་བ། རྫོང་རིག་གནས་ཁང་བཅས་ཀྱིས་མཉམ་འབྲེལ་སྒོས་རྒྱལ་ཁབ་རིམ་པའི་གཟུགས་མེད་རིག་གནས་དཔའ་རིས་དམངས་གླུའི་འགྲན་སྡུར་ཆེན་མོ་སྤེལ། ཐེངས་འདིའི་འགྲན་ཚོགས་སུ་དཔའ་རིས་དཀར་པོའི་ཡུལ་ཚོ་སོ་སོ་ནས་ཡོང་བའི་གླུ་བ་གླུ་མ་ཚོས་མེས་པོའི་ངག་གི་སྒོ་མོ་ནས་དར་ཡོང་བའི་གདོད་མའི་དབྱངས་རྟ་མགྲིན་པའི་འཁོར་ལོར་བསྐོར་ནས་སྙན་པའི་ཚིག་གི་སྡེབ་སྦྱོར་ལས་འདས་མ་ད་གསུམ་གྱི་ལོ་རྒྱུས་དང་རེ་སྙེག་ལ་མངོན་པར་བསྟོད་པ་དང་ཏང་གི་བཀའ་དྲིན་རྗེས་སུ་དྲན་པ། དུས་རྒྱུན་དུ་ཀྲུང་ཧྭ་མི་རིགས་ཐུན་མོང་བསམ་པའི་དཔལ་ཡོན་གྱི་ཁྱིམ་གཞིས་སྐྲུན་རྒྱུར་སྐུལ་སྤེལ། ཀྲུང་ཧྭ་མི་རིགས་ཀྱི་རིགས་སོ་སོར་ཕན་ཚུན་འགྲོ་འོང་མཉམ་སྤེལ་མཉམ་འདྲེས་བྱ་རྒྱུ་བརྗོད་བྱ་གཙོ་བོ་བཟུང་ཞིང་། ཀྲུང་ཧྭ་མི་རིགས་དེང་རབས་ཅན་གྱི་ཤེས་རིག་འཛུགས་སྐྲུན་ལ་ངར་ཤུགས་ཆེར་བསྐྱེད་བྱ་རྒྱུ་དེའོ། ། འགྲན་སྡུར་ཁྲོད། ང་ཚོས་འགྲན་ཞུགས་མི་སྣ་རྒན་པའི་ཚོ་ཁག་དང་། དར་མའི་ཚོ་ཁག་བཅས་གཉིས་སུ་བགོས། རྒན་པའི་ཚོ་ཁག་གི་གླུ་བ་པད་མ་དབང་ཆེན་དང་དར་མའི་ཚོ་ཁག་གི་གླུ་མ་མེ་ཏོག་གཉིས་ལ་གླུ་དར་གྱི་དང་བོ་ཐོབ་པ་དང་གཟེངས་རྟགས་སུ་མི་རེར་སྒོར1000ཕུལ་པས་མེས་པོའི་སྲོལ་བཟང་མི་ནུབ་པའི་རྒྱལ་མཚན་འདུ་ཚོགས་ཁྲོམ་པར་བསྒྲེངས། འགྲན་སྡུར་ལས་རྒན་པའི་ཚོ་ཁག་གི་གླུ་བ་སྐར་མ་ཚེ་རིང་དང་གླུ་མ་ལྷ་དཔལ་སྐྱིད། དར་མའི་ཚོ་ཁག་གི་གླུ་བ་དཔལ་ཆེན་ནོར་བུ་དང་ཀུན་དགའ་རྒྱལ་མཚན་གཉིས་ལ་གླུ་དར་གྱི་གཉིས་པ་ཐོབ་པ་དང་གཟེངས་རྟགས་སུ་སྒོར800ཕུལ་པས་སྙན་གྲགས་ཀྱི་བ་དན་དགུང་ལ་གཡོ། འགྲན་པའི་དོ་ར་རུ་གླུ་མ་དཔལ་མཚོ་སྐྱིད་སོགས་མི6ལ་གླུ་དར་གྱི་གསུམ་པ་ཐོབ་པ་དང་གཟེངས་རྟགས་སུ་སྒོར500ཕུལ་པས་ཡིད་ཆེས་དང་བརྩོན་འགྲུས་ཀྱི་གོ་ཆ་ལུས་ལ་བསྐོན། ཡུལ་ཚོ་སོ་སོ་ནས་ཡོང་བའི་འགྲན་ཞུགས་གླུ་བ་གླུ་མ་བྱ་དགའ་ཡི་གྲལ་དུ་ཚུད་མེད་པ་རྣམས་ལ་གླུ་དར་རྟིང་སྐུལ་རི་མོ་ཕབ་པར་སྒོར200གཟེངས་རྟགས་སུ་བཏབ་པས་སྐུལ་བྱེད་ཀྱི་རྟ་ལྕག་ལག་ལ་སྤྲད། འགྲན་ཚོགས་ཆེན་མོ་འདི་སྤེལ་བ་ལས། སྔར་ལས་ལྷག་པའི་ནང་དོན་ཕུན་སུམ་ཚོགས་པ་དང་། བརྗོད་བྱ་ཁྱད་པར་ཅན་གྱི་དཔའ་རིས་གནའ་གླུ་གནའ་ངག་སྔོག་འདོན་དང་། རྒྱུན་འཛིན། སྲུང་སྐྱོབ་བཅས་བྱ་རྒྱུ་དང་། རིག་གནས་ཀྱི་ཡིད་ཆེས་བརྟན་པོར་བསྐྲུན་པ། རིག་གནས་ཀྱི་འགྲོ་འོང་མཉམ་འདྲེས་མཉམ་སྤེལ་བཅས་ལ་སྐུལ་སྤེལ། གཟུགས་མེད་རིག་གནས་སྲུང་སྐྱོབ། ཀྲུང་ཧྭའི་སྲོལ་རྒྱུན་ཕུལ་བྱུང་རིག་གནས་གོང་སྤེལ་གཏོང་རྒྱུ་དེ་དམིགས་སུ་གལ་ཆེན་ཏུ་བཟུང་ཡོད་དོ། །

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས18ཉིན། མཚོ་ནུབ་སོག་རིགས་བོད་རིགས་རང་སྐྱོང་ཁུལ་མཉམ་འདྲེས་སྨྱན་སྦྱོར་ལྟེ་གནས་དང་སེའུ་འབྲུ་གློག་བརྙན་རིག་གནས་སྨྱན་བྱད་ལས་སྒྲུབ་ཁང་གཉིས་ཀྱིས་མཉམ་འབྲེལ་སྒོས་བཏོན་པའི་དམངས་སྲོལ་དངོས་བཤུས་གློག་བརྙན《ང་ཡི་རྟ་མཆོག》ལ། སྐབས21པའི་འཛམ་གླིང་མི་རིགས་གློག་བརྙན་དུས་ཆེན་སྟེང་རྒྱལ་སྤྱིའི་དངོས་བཤུས་གློག་བརྙན་འགྲན་བསྡུར་སྡེ་ཁག་གི་ཕུལ་བྱུང་དངོས་བཤུས་གློག་བརྙན་ཐུང་གི་བྱ་དགའ་ཐོབ། འཛམ་གླིང་མི་རིགས་གློག་བརྙན་དུས་ཆེན་དེ་ལོ་རེར་ཨ་མེ་རི་ཁའི་ལའོ་ཧྲན་ཅི་ནས་སྤེལ་བ་དང་། འཛམ་གླིང་ས་གནས་སོ་སོའི་མི་རིགས་བརྗོད་དོན་ཡིན་པའི་གློག་བརྙན་ཐད་བརྗེ་རེས་དང་གློག་བརྙན་གཏོང་བའི་སྟེགས་བུ་མཁོ་འདོན་བྱེད་པར་འབད་བཞིན་ཡོད། 2023ལོའི་ལོ་མཇུག་ཏུ། གློག་བརྙན་དུས་ཆེན་དེ་བདེ་བླག་ངང་སྐབས20ལ་སྤེལ་ཞིང་། འཛམ་གླིང་སྟེང་གི་རྒྱལ་ཁབ་དང་ས་ཁུལ30ལྷག མི་རིགས352ཀྱི་གློག་བརྙན་བརྩམས་ཆོས་དང་གློག་བརྙན་པ་དེའི་ཁྲོད་དུ་ཞུགས་བཞིན་ཡོད་ཅིང་། མི་རིགས་གློག་བརྙན་ཁྱབ་ཁོངས་ཀྱི་ཤན་ཤུགས་ནུས་པ་དང་བྱས་རྗེས་འབུར་ཐོན་བཞག་ཡོད་པ་དང་། ལས་རིགས་གཅིག་པའི་མི་སྣས“མི་རིགས་གློག་བརྙན་གྱི་ཨོ་སི་ཁཱ”རུ་འབོད་ཀྱིན་ཡོད། དམངས་སྲོལ་དངོས་བཤུས་གློག་བརྙན《ང་ཡི་རྟ་མཆོག》ཅེས་པ་དེས་མཚོ་ནུབ་ཁུལ་ཐེམ་ཆེན་རྫོང་གི་འབྲོག་པ་གསེར་བཟང་སྐྱབས་ཀྱི་རྟ་གསོས་པའི་གོ་རིམ་མཐོང་སྣེར་བཟུང་སྟེ། ཚན་པ་ལྔ་རུ་བགོས་ཏེ་རྟའི་རིག་གནས་ཀྱི་འགྱུར་བའི་གོ་རིམ་ཞིབ་བརྗོད་དང་། རྟའི་སྨན་བཅོས་བྱེད་ཐབས། རྟ་བཏུལ་བའི་ཐབས་ཤེས་དང་རྟ་རྒྱུག་ཁྲོད་ཞུགས་པའི་ནང་དོན་ཞིབ་བརྗོད་བྱས་ཡོད་པ་དང་། བརྙན་ཐུང་དེས་ཐེམ་ཆེན་རྫོང་གི་རྟའི་རིག་གནས་རྒྱུ་མང་ཅན་དང་ཐུན་མིན་མངོན་པར་བཏོད་པ་མ་ཟད། ས་གནས་འབྲོག་པ་མང་ཚོགས་ཀྱི་དཔའ་ངར་ཞུམ་མེད་ཀྱི་བསམ་བློའི་སྙིང་སྟོབས་མངོན་པར་མཚོན། བརྙན་ཐུང་འདིས་རྒྱལ་སྤྱིའི་གར་སྟེགས་སྟེང་བྱ་དགའ་ཐོབ་པ་དེས། སྔར་ལས་མང་པོའི་མིས་མཚོ་ནུབ་ལ་དོ་སྣང་དང་། དེའི་མཚན་སྙན་གྲགས་རྒྱས་སུ་འཇུག་ཐུབ། བརྙན་ཐུང་དེས་རྟའི་རིག་གནས་ཀྱང་སྔར་ལས་མང་པོའི་མིས་ས་གནས་ཀྱི་རིག་གནས་ལ་སྤྲོ་བ་བསྐྱེད་པ་དང་། རྟའི་རིག་གནས་རྒྱུན་འཛིན་དང་སྲུང་སྐྱོང་ལ་སྐུལ་འདེད། སྔར་ལས་མང་པོའི་ཡུལ་སྐོར་བས་ས་གནས་ཀྱི་རང་བྱུང་མཛེས་ལྗོངས་དང་དམངས་སྲོལ་རིག་གནས་ལ་མྱོང་རོལ་བྱས་ནས། ཡུལ་སྐོར་ལས་རིགས་འཕེལ་རྒྱས་ལ་སྐུལ་འདེད་གཏོང་རྒྱུ་རེད། །

ཉེ་ཆར། འཛམ་གླིང་མི་རིགས་གློག་བརྙན་དུས་ཆེན་སྐབས་ཉེར་གཅིག་པའི་བྱ་དགའ་གནང་བའི་མཛད་སྒོའི་སྟེང་། མཚོ་ནུབ་ཁུལ་མཉམ་འདྲེས་སྨྱན་སྦྱོར་ལྟེ་གནས་དང་སེ་འབྲུ་རིག་གནས་སྨྱན་བྱད་ལས་སྒྲུབ་ཁང་གིས་མཉམ་དུ་ཕབ་སྐྲུན་བྱས་པའི་དམངས་སྲོལ་དངོས་བཤུས་གློག་བརྙན«བདག་གི་རྟ་ཕོ»ལ་འཛམ་གླིང་མི་རིགས་གློག་བརྙན་དུས་ཆེན་སྐབས་ཉེར་གཅིག་པའི་རྒྱལ་སྤྱིའི་དངོས་བཤུས་གློག་བརྙན་འགྲན་སྡུར་ཁྲོད་དངོས་བཤུས་གློག་བརྙན་ཐུང་གྲས་ཀྱི་བྱ་དགའ་ཐོབ། «བདག་གི་རྟ་ཕོ»ཞེས་པའི་གློག་བརྙན་འདི་ནི་ཐེམ་ཆེན་རྫོང་གི་འབྲོག་དམངས་གསེར་བཟང་སྐྱབས་ཀྱི་རྟ་གསོ་བའི་བརྒྱུད་རིམ་དེར་བརྟེན་ནས། རྟ་ཡི་རིག་གནས་ཀྱི་འགྱུར་ལྡོག་གོ་རིམ་དང་རྟ་ཡི་སྨན་བཅོས་བྱེད་ཐབས་སོ་སོ་དང་འདུལ་ཐབས་ཀྱི་མན་ངག དེ་མིན་རྟ་རྒྱུག་འགྲན་ཚོགས་ནང་ཞུགས་པ་སོགས་ཀྱི་ནང་དོན་ལྔར་བགོས་ནས་རྟ་ཡི་རིག་གནས་ཀྱི་སྣ་མང་རང་བཞིན་དང་ཁྱད་འཕགས་རང་བཞིན་གསལ་བོར་བསྟན་ཏེ། རྟ་ཡིས་ས་གནས་དེ་གའི་མང་ཚོགས་ཀྱི་ཐོན་སྐྱེད་དང་འཚོ་བའི་ཁྲོད་གོ་གནས་གལ་ཆེན་ཟིན་པས། ས་གནས་དེ་གའི་འབྲོག་པ་མང་ཚོགས་ཀྱིས་འབད་བརྩོན་ལྷོད་མེད་དང་དཀའ་སྤྱད་སྡུག་རུས། ཞུམ་མེད་མདུན་སྐྱོད་བཅས་ཀྱི་སྙིང་སྟོབས་མངོན་མཚོན་བྱས་ཡོད། མཚོ་ནུབ་ཁུལ་ལ་ཕུན་སུམ་ཚོགས་པའི་ཡུལ་སྐོར་གྱི་ཐོན་ཁུངས་མངའ་ཞིང་། གློག་བརྙན་འདི་ལ་རྒྱལ་སྤྱིའི་སྟེང་བྱ་དགའ་ཐོབ་པ་དེ་ཡུལ་སྐོར་དྲིལ་སྒྲོག་གི་རྒྱུ་ཆ་གལ་ཆེན་ཞིག་ཏུ་བརྩིས་ཏེ། ཡུལ་སྐོར་བ་མང་པོས་ས་གནས་དེ་གའི་རང་བྱུང་མཛེས་ལྗོངས་དང་དམངས་སྲོལ་རིག་གནས་ལ་ཉམས་ལེན་བྱེད་དུ་ཡོང་བར་མིག་དབང་བཀུག་ནས། ཡུལ་སྐོར་ལས་རིགས་ཀྱི་འཕེལ་རྒྱས་ལ་སྐུལ་འདེད་བྱེད་ངེས་ཡིན།

ལུས་ལྟེ་ཁྲག་འཕོས་སའི་རི་སྡེ་ན།ཡིད་དུང་ཞེན་ཟབ་པའི་ཕ་ཡུལ་ན། །སྐྲ་ལན་བུར་གངས་དཀར་རྡུལ་གོས་མར། །ཚིག་གཡེར་ཁར་ཚོར་རླུང་འདི་ལྟར་བསྒུལ། །སྤྲིན་གོས་དཀར་མདངས་ཆགས་མོད་ས་སྟེ། །སེམས་དུང་མདོག་དབུས་ཀྱི་ཕ་ས་ན། །མ་དྲིན་གྱི་བརྩེས་སྐྱོང་དད་གུས་ཅན། །དུས་དེང་སང་སྐུ་ཁམས་བདེ་འམ་ཀྱེ། །དགུན་ཟླ་གསུམ་མགྲོན་པོ་འབྱོར་འཕྲིན་གྱི། །གཏམ་རྣ་བའི་བུ་གར་ལྷུངས་ནས་བྱུང་། །ཆུ་ཤང་ཤང་འབབ་པའི་སྡེ་འདབས་ན། །འཁྱག་དར་ཡུག་འདྲ་སྟེ་ཨེ་བཤམ་ཐལ། །གྲང་ལྷགས་པའི་མཆེ་གཙིགས་ཇེ་རྣོར་སོང་། །ཞོགས་ཉིན་མའི་མཚན་ཁ་ཇེ་ཞན་རེད། །ནམ་སྐྱ་རེངས་གསར་བའི་འཛུམ་ཞལ་ལྷན། །འབྲུ་ཐོད་དཀར་ལྟོ་འོག་ཨེ་བསིལ་ལམ། །དབྱིངས་སྐར་ཕྲན་མཐའ་སྐོར་ཟླ་བའི་འོད། །ཤག་སྒེའུ་ཁུང་ནང་དུ་དལ་དཔྱངས་ཚེ། །སྙན་སྨྲ་བའི་དབང་འབྱོར་ཚངས་དབྱངས་བཞིན། །སྙིང་དཔྲལ་མིག་འདང་གཅེས་མ་ཁྱེད་དྲན། །མཚོ་དངུལ་དཀར་མེ་ལོང་མཛེས་པ་རུ། །དགོང་ཟླ་བའི་གཟུགས་རིས་འཕོས་ན་སྐྱིད། །གངས་རི་བོའི་ཟོམ་གྱི་ཉི་ཟླ་བཞིན། །བྱམས་བརྩེ་བའི་དྲོད་ཀྱི་མཚན་ཁ་མ། །སེམས་གངས་དཀར་རི་བོར་བྱམས་བརྩེ་ཡི། །དབྱིངས་བསིལ་ཟེར་དཀྱིལ་འཁོར་འཁྱུད་པའི་ཤུལ། །གྲོང་ཁྱིམ་མཚེས་ཀུན་གྱིས་དགའ་མགུ་ནས། །ཚིག་བསྟོད་པའི་རོལ་མོ་འཁྲོལ་བའི་མ། །ཞེ་དུང་ཞེན་སྐུད་པ་འཁེལ་ས་ཡི། །མ་སེམས་ཀྱི་ལྷ་མོ་དོན་འགྲུབ་མ། །ཡིད་དད་གུས་གངས་དཀར་བརྟན་ས་ནས། །ཁྱེད་མགོན་སྲུང་ལྷ་ཚོགས་བྱོན་ནས་ཤོག །

ཉེ་ཆར། ལྷ་ས་གྲོང་ཁྱེར་མལ་གྲོ་གུང་དཀར་རྫོང་སློབ་འབྲིང་གིས《ང་ཚོས་རི་མོའི་ལམ་ནས་སེམས་གཏམ་བརྗོད》ཅེས་པ་བརྗོད་དོན་གཙོ་བོར་བྱས་པའི་དགེ་སློབ་ཀྱི་རི་མོའི་འགྲེམས་སྟོན་བྱེད་སྒོ་སྤེལ་ཞིང་། བརྩམས་ཆོས་200ལྷག་ཙམ་གྱི་ནང་དོན་མི་རིགས་མཐུན་སྒྲིལ་དང་། ཁོར་ཡུག་སྲུང་སྐྱོང་སོགས་ཀྱི་སྐོར་ཡིན་པ་དང་། དེ་དག་གི་ཚོན་མདོག་རྣམ་པར་བཀྲ་ཞིང་བསམ་བཀོད་ངོ་མཚར་ལྡན་པ་ལས་དགེ་སློབ་ཚོས་མེས་རྒྱལ་ལ་བཅངས་པའི་བརྩེ་སེམས་ཟབ་མོ་མཚོན་ཡོད།འདི་ནི་སློབ་མས་རང་ཉིད་ཀྱི་བརྩམས་ཆོས་ལ་འགྲེལ་བཤད་རྒྱག་བཞིན་པ།འདི་ནི་རི་མོའི་འགྲེམས་སྟོན་གྱི་ཟུར་ཞིག་ཡིན་པ། འགན་འཁུར་རྩོམ་སྒྲིག་པ། བསོད་ནམས་དབང་འདུས།

ས་མི་ཡུལ་ན་ཡོད་པའི་བུ་ཆུང་ཞིག་གིས་རྒྱང་ས་མཐའ་ན་གནས་པའི་ཕ་ཡུལ་དྲན།ཞོགས་མཚམས་སུ།སྐད་འཕྲིན་ན་འཕྲིན་གྲོགས་ཚོས་ཕ་ཡུལ་ན་ཁ་བ་འབབ་པའི་བརྙན་དེ་མཐོང་དུས།ཕ་ཡུལ་ནི་ལྷག་ཏུ་དྲན།བརྙན་དང་པར་རིས་དེ་དག་རེ་རེ་ནས་ལྟ་དུས་བྱ་ཞིག་ཡིན་ན་བསམ་བྱུང་།དྲན་གདུང་གི་ངལ་བ་དོར་ཏེ་ཕ་ཡུལ་ལ་འཕུར་འགྲོ།བྱེའུ་ཞིག་ཡིན་ན་བསམ་བྱུང་།ཕ་ཡུལ་གྱི་ལྗོན་ཤིང་ཐོག་ཏུ་བབས་ནས་གླུ་ཞིག།ལེན་ན་འདོད་བྱུང་།ཧེ་་་ཧེ་་་སྟོང་བསམ་ལས་གཞན་ཐབས་ཤེས་ནི་མ་རྙེད་པས།སྙན་ངག་ལམ་ནས་ཁྱེད་ལ་འཕྲིན་བརྡ་ཞིག།བསྐུར་ན་འདོད།ཕ་ཡུལ་ལགས།ང་ནི་ཁྱེད་ཀྱི་གཙང་ཆུའི་འོ་ཞོ་འཐུང་མཁན་དེ་ཡིན།ང་ནི་ཁྱེད་ཀྱི་པང་དུ་འཚར་ལོངས་བྱུང་བའི་བུ་ཆུང་བསམ་མེད་དེ་ཡིན།དེ་རིང་།ཁྱེད་ཀྱི་དབུ་རྩེ་ན་དཀར་པོ་དངུལ་གྱི་དབུ་ཞྭ་གྱོན་ཡོད་ལ།རྒྱ་ཆེའི་ས་གཞི་རུ་དངུལ་གྱི་ས་གདན་སྟེང་།ཡོད་པ་མཐོང་དུས།བུ་ཆུང་བསམ་མེད་ང་།སླར་ཡང་ཁྱེད་ཀྱི་པང་ཐོག་ཏུ་ཐེངས་གཅིག་ཉལ་ན་འདོད་བྱུང་།ཁ་བ་འབབ་ཐེངས་འདི་ནི།སུམ་ཅུ་གནས་ན་བཞུགས་པའི་ལྷ་ཚོས།ཕ་ཡུལ་གྱི་བཙོག་སྒྲིབ་དག་བའི་ཁྲུས་ཆུའི་བདུད་རྩི་དེ་ཡིན།སྔོན་པོ་གཡུ་མདོག་ཅན་གྱི་མྱུ་གུ་ལ།ལོ་ལེགས་རྒྱས་པའི་རྟེན་འབྲེལ་ཡིན།སྐྲ་དཀར་དུང་སོ་ཅན་གྱི་རྒན་པོ་ཚེ་ཐག་རིང་བ་དང་།གཞོན་ནུ་བློ་རིག་བཀྲ་བ་སོགས་ཀྱི་རྟེན་འབྲེལ་ཡིན།ཐེངས་འདིར།ཕ་ཡུལ་ན་ཁ་བ་འབབ་པ་རྟེན་འབྲེལ་ལེགས།རྒྱང་ན་ཡོད་པའི་བུ་དང་བུ་མོ་ཚོས།མཛེས་སྡུག་གསར་བ་བསྐྲུན་པའི་ཕ།ཡུལ་མཐོང་བ་རྟེན་འབྲེལ་བཟང་ལ།བསོད་ནམས་ཆེ།ད་དུང་ཕ་ཡུལ་དྲན་པའི་འདུན་པ་ནི་ནམ་ཡང་འགོག་ཐབས་མི་འདུག།ཕ་ཡུལ་ནི།ཀུན་གྱི་སེམས་ཕྱོགས་དང་ཐག་མི་རིང་།བའི་གནས་མཆོག་ཞིག་ཡིན།ཕ་ཡུལ་ལགས།དེ་རིང་ཁ་བ་འབབ་པ་ནི་རྟགས་དང་རྟེན་འབྲེལ་ལེགས།དེ་ནི།ཁ་ལས་རླུང་རྟ་དར་བའི་རྟེན་འབྲེལ་ཡིན།ཕ་ཡུལ་ལགས།ངས་ཁྱེད་རང་དྲན་པ་ནི་ངས་ངའི་ཨ་མ་ཚེ་རིང་ལོ་བརྒྱ་དྲན་པ་དང་གཉིས་སུ་མ་མཆིས།

གྲོང་མི་ལུས་རྩལ་འགྲན་བསྡུར་ནང་ཞུགས་པ།གྲོང་མི་ཚོས་སྟོབས་འགྲན་པ།གྲོང་མི་ཚོས་རིག་རྩལ་འཁྲབ་སྟོན་ལ་ལྟ་བ།བུད་མེད་ཅིག་གིས་འགྱོག་རྡོ་འགྱོག་བཞིན་པ།གྲོང་མི་ཚོ་ལུས་རྩལ་འགྲན་བསྡུར་ནང་ཞུགས་པ།གྲོང་མི་ཚོས་ཐག་པ་འཐེན་བཞིན་པ།གྲོང་མི་ཚོས་སྟོབས་འགྲན་པ།གྲོང་མི་ཞིག་གིས་གྱོན་གོས་འཁྲབ་སྟོན་བྱེད་བཞིན་པ། རྩོམ་སྒྲིག་པ། དཔལ་གཡང་།

ཀྲུང་གོའི་བོད་ལྗོངས་དྲ་བའི་འཕྲིན། ཟླ6པའི་ཚེས22ཉིན་གྱི་སྔ་དྲོར། ལྷ་སའི་ཞིང་འབྲོག་མང་ཚོགས་ཀྱི་ལུས་རྩལ་འགྲན་ཚོགས་སྐབས་དང་པོ་ལྷ་སའི་མང་ཚོགས་རིག་གནས་ལུས་རྩལ་ལྟེ་གནས་སུ་འགོ་ཚུགས་པ་རེད། ཐེངས་འདིའི་ལུས་རྩལ་འགྲན་ཚོགས་ནི་ལྷ་སའི་ལོ་རྒྱུས་ཐོག་ཚད་གཞི་མཐོ་ཤོས་དང་གཞི་ཁྱོན་ཆེ་ཤོས་ཀྱི་ལུས་རྩལ་འགྲན་ཚོགས་གཟབ་རྒྱས་ཤིག་ཡིན་པ་མ་ཟད། མི་རིགས་ཁག་གི་མང་ཚོགས་དབར་འགྲོ་འོང་དང་། སྤེལ་རེ

ཟླ7པའི་ཚེས1ཉིན། བོད་ལྗོངས་འཐུས་ཚབ་ཚོགས་པའི་ལུས་རྩལ་པ་རིན་ཆེན་ལྷུན་གྲུབ་ཀྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐབས་བཅུ་གཉིས་པའི་གྲངས་ཉུང་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་ལས་སྨི3000གི་རྟ་རྒྱུག་འགྲན་སྡུར་རྣམ་གྲངས་ཁྲོད་བྱ་དགའ་ཨང་དང་པོ་བླངས་པ་དང་བཀྲ་ཤིས་ཕུན་ཚོགས་ཀྱིས་བྱ་དགའ་ཨང་གཉིས་པ་བླངས་འདུག ཟླ7པའི་ཚེས10ཉིན། བོད་ལྗོངས་འཐུས་ཚབ་ཚོགས་པའི་ལུས་རྩལ་པ་བསྟན་འཛིན་ཉི་མ་དང་བསྟན་འཛིན་བློ་ལྡན་གཉིས་ཀྱིས་རྟ་རྒྱུག་མདའ་འཕེན་གྱི་རྣམ་གྲངས་ལས་བྱ་དགའ་ཨང་གཉིས་པ་བླངས་འདུག དེ་མིན་བསྟན་འཛིན་ཉི་མ་དང་བསྟན་འཛིན་བློ་ལྡན། བསྟན་འཛིན་བློ་གྲོས་སོགས་མི་གསུམ་གྱིས་རྟ་རྒྱུག་མདའ་འཕེན་གྱི་རྣམ་གྲངས་ལས་ཚོགས་པའི་བྱ་དགའ་ཨང་གཉིས་པ་བླངས་འདུག ད་དུང་རིན་ཆེན་ལྷུན་གྲུབ་ཀྱིས་མི་རིགས་རྟ་རྒྱུག་འགྲན་སྡུར་གྱི་སྨི1000གི་རྟ་རྒྱུག་འགྲན་སྡུར་རྣམ་གྲངས་ལས་བྱ་དགའ་ཨང་གཉིས་པ་བླངས་ཤིང་། བཀྲ་ཤིས་ཕུན་ཚོགས་དང་ལུའུ་ཅང་ཧྥུང་གཉིས་ཀྱིས་མི་རིགས་རྟ་རྒྱུག་འགྲན་སྡུར་གྱི་སྨི1000གི་རྟ་རྒྱུག་འགྲན་སྡུར་རྣམ་གྲངས་ལས་བྱ་དགའ་ཨང་གསུམ་པ་རེ་བླངས་འདུག

རྩོམ་སྒྲིག སངས་དོན། ཡོང་ཁུངས། མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།ཟླ7ཚེས4ཉིན། ཀྲུང་གོའི་མཆོང་རྒྱུག་འཕེན་གསུམ་མཐུན་ཚོགས་ཀྱིས་མཆོང་རྒྱུག་འཕེན་གསུམ་རྣམ་གྲངས་ཀྱི་ཕ་རི་སིའི་ཨོ་རྩལ་འགྲན་ཚོགས་ནང་ཞུགས་མཁན་གྱི་མིང་ཐོ་སྤྱི་བསྒྲགས་བྱས། མིང་ཐོ་ལས་ཤེས་པ་ལྟར་ན། མཆོང་རྒྱུག་འཕེན་གསུམ་རྣམ་གྲངས་ཀྱིས་ལུས་རྩལ་པ་མི54མངགས་ནས་ཕ་རི་སིའི་ཨོ་རྩལ་འགྲན་ཚོགས་ལ་ཞུགས་རྒྱུ་ཡིན་པ་དང་། དེའི་ནང་། མཚོ་སྔོན་ཞིང་ཆེན་མཚོ་བྱང་ཁུལ་མདའ་བཞི་རྫོང་གི་ལུས་རྩལ་པ་ཆོས་དབྱིངས་སྐྱིད་བདམས་ཐོན་བྱུང་འདུག སྐབས་སྔོན་མ། བྲག་ཕུག་རི་མོ་འདི་ནི་འཛམ་གླིང་ཐོག་ཆེས་སྔ་ཤོས་དེ་རེད། སྐབས་རྗེས་མ། མཚོ་བྱང་ཁུལ་གྱི་རང་ཁྱིམ་དང་གཞིས་ཁུལ་གྱི་གཞི་རྩའི་རྒན་གསོ་ཞབས་ཞུ་དེ་ནུབ་རྒྱུད་ས་ཁུལ་གྱི་ཨང་གཉིས་པར་སླེབས་འདུག

འགྲན་བསྡུར་ཡུལ་དངོས། ནོར་གནག་ལ་“ས་མཐོའི་གྲུ་གཟིངས”ཞེས་བརྗོད་པ་དང་། གཡག་རྒྱུག་འགྲན་བསྡུར་ནི་བོད་ཀྱི་སྲོལ་རྒྱུན་ལུས་རྩལ་གྱི་རྣམ་གྲངས་ཤིག་ཡིན། ཟླ་6ཚེས་23ཉིན་ལྷ་སའི་ཞིང་འབྲོག་པའི་ལུས་རྩལ་འགྲན་ཚོགས་སྐབས་དང་པོའི་གཡག་རྒྱུག་འགྲན་བསྡུར་ནང་། འགྲན་བསྡུར་བ་ཚོས་གཡག་ཞོན་ནས་མགྱོགས་མྱུར་ངང་རྒྱུག་པ་རེད། འདི་ནི་འགྲན་བསྡུར་ཡུལ་དངོས་རེད། འགྲན་བསྡུར་ཡུལ་དངོས།འགྲན་བསྡུར་ཡུལ་དངོས།འགྲན་བསྡུར་ཡུལ་དངོས།འགྲན་བསྡུར་ཡུལ་དངོས།འགྲན་བསྡུར་ཡུལ་དངོས།

ཟླ6པའི་ཚེས18ཉིན་གྱི་སྔ་དྲོར། ཀྲུང་གོའི་མཚོ་སྔོན་རྒྱལ་སྤྱིའི་རྨ་ཆུ་འཕྲེད་ཀྱིས་གཅོད་པའི་ཚད་མཐའི་འགྲན་སྡུར་སྐབས་བཅོ་བརྒྱད་པ་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྨ་ཆེན་རྫོང་ར་རྒྱ་གྲོང་རྡལ་ནས་མགོ་བརྩམས་པ་དང་། རྒྱལ་ཁབ་ཕྱི་ནང་གི་འགྲན་ཞུགས་པ 101གིས་ཕྱི་དྲོའི་དུས་ཚོད4སྟེང་དངོས་སུ་འགྲན་སྡུར་བྱས།རྨ་ཆེན་ས་ཚིགས་ཀྱི་འགྲན་སྡུར་དེ་འགྲན་ཞུགས་པའི་ལོ་ཚད་ལྟར་སྐྱེས་པ་དང་། བུད་མེད་བཅས་བསྡོམས་པས་ཚོ་ཆུང6བཙུགས་ཡོད་པ་དང་། གྲ་སྒྲིག་འགྲན་བསྡུར་བྱེད་སྐབས་ཀྱི་ཆུའི་དྲོད་གྲང་ཏུའུ12.9ཡིན་ཞིང་། ཆེས་ཆེ་བའི་ཆུ་རྒྱུན་གྱི་མྱུར་ཚད་ནི་སྐར་ཆ་གཅིག་གི་ནང་མུས2.62ཡིན་ལ། འགྲན་ཞུགས་པས་ཛ་དྲག་གི་འགྲན་སྡུར་བརྒྱུད་དེ་ར་རྒྱ་དུམ་མཚམས་ཀྱི་མུས500ཡི་འགྲན་རིམ་ཡོངས་འགྲུབ་བྱས།ད་ལོ་ནི་ར་རྒྱ་གྲོང་རྡལ་གྱིས་འགྲན་སྡུར་དེ་འགན་སྒྲུབ་བྱས་པའི་ལོ་གསུམ་པ་ཡིན་པ་དང་། དེ་དང་ཆབས་ཅིག ར་རྒྱ་དུམ་མཚམས་ཀྱི་འགྲན་སྡུར་དེ་ཡང་འགྲན་སྡུར་ཧྲིལ་པོའི་ནང་གི་ཆེས་འགྲན་རྩོད་རང་བཞིན་ལྡན་པ་དང་དཀའ་ཚེགས་ཆེས་ཆེ་བའི་ས་ཚིགས་ཤིག་རེད། སྤྱིའི་ཤན་འབྱེད་པ་ཀྲིག་ཡུས་ཁྲིན་གྱིས་ངོ་སྤྲོད་བྱས་པ་ལྟར་ན། ར་རྒྱ་དུམ་མཚམས་ཀྱི་མཚོ་འཕང་ལ་མུས་སྟོང་གསུམ་དང་བརྒྱ་ཡོད་པ་དང་། ཆུའི་དྲོད་ཚད་དམའ་བའི་ཁར། ཆར་བབས་པའི་དབང་གིས་ཆུ་རྒྱུན་ཇེ་དྲག་ཏུ་སོང་བས། རྨ་ཆུར་འགྲན་རྩོད་བྱེད་པའི་དཀའ་ངལ་ཇེ་ཆེར་སོང་ཡོད་ལ། མཚོ་འཕང་མཐོ་བས་རུ་མིའི་ལུས་ཕུང་དང་སེམས་ཁམས་ལ་རེ་བ་སྔར་ལས་ཆེན་པོ་བཏོན་ཡོད། དེ་བས་འགྲན་རིམ་དེ་ནི་རྨ་ཆུ་འཕྲད་ཀྱིས་གཅོད་པའི་ཚད་མཐའི་འགྲན་སྡུར་ཁྲོད་མཚོ་འཕང་ཆེས་མཐོ་བ་དང་དཀའ་ངལ་ཆེས་ཆེ་བའི་འགྲན་རིམ་ཞིག་ཡིན་ཞིང་། འཛམ་གླིང་དུ་ཡོངས་བསྒྲགས་བྱས་པའི་ཆུ་ཁོངས་རྐྱལ་རྩལ་འགྲན་བསྡུར་ཁྲོད་ཀྱི་ཨང་དང་པོའི་འགྲན་སྡུར་བར་མཚམས་ཞིག་ཀྱང་རེད། འགྲན་བསྡུར་དེ་མཚོ་འཕང་ལ་མུས1800ཡོད་པའི་ཞོང་ཧྭ་ཡི་དུམ་མཚམས་དང་། མཚོ་འཕང་ལ་མུས2200ཡོད་པའི་ཁྲི་ཀའི་དུམ་མཚམས། དེ་ནས་མིག་སྔར་གྱི་མཚོ་འཕང་མུས3100ཡོད་པའི་ར་རྒྱ་དུམ་མཚམས་བཅས་ཡིན་ཞིང་། སྐས་རིམ་ལྟར་འཕར་བ་དེ་ནི་འགྲན་ཞུགས་རུ་མི་རྣམས་རིམ་བཞིན་མཚོ་འཕང་མཐོ་སར་འཚམ་པོ་ཡོང་བའི་ཆེད་ཡིན་པར་མ་ཟད། བདེ་འཇགས་ལ་ཁག་ཐེག་བྱེད་པའི་གནས་ཚུལ་འོག་ཆེས་བཟང་བའི་རྣམ་པས་ཆེས་དཀའ་ཁག་ཆེ་བའི་འགྲན་རྩོད་ཡོངས་འགྲུབ་བྱེད་པ་ཞིག་ཡིན་ཟེར།རྒྱུས་ལོན་བྱུང་བའི་གནས་ཚུལ་ལྟར་ན། ཉེ་བའི་ལོ་འགའི་རིང་ལ། རྨ་ཆེན་རྫོང་གིས་ཁྱད་ཆོས་ལྡན་པའི་ལུས་རྩལ་དང་རིག་གནས། ཐོན་ལས་བཅས་ཧུར་ཐག་གིས་སྐྱེད་བསྲིང་བྱས་ནས་ལུས་རྩལ་དང་སྐྱེ་ཁམས། ཡུལ་སྐོར། རིག་གནས་བཅས་དང་མཉམ་འདྲེས་ཟབ་མོ་ཡོང་བར་སྐུལ་འདེད་གཏོང་རྒྱུ་དེ་རིག་གནས་ཡུལ་སྐོར་ཐོན་ལས་གསོ་སྐྱོང་དང་མཐོར་འདེགས་གཏོང་བའི་ཐབས་ལམ་གལ་ཆེན་ཞིག་ཏུ་བརྩིས་པ་དང་། 2014ལོ་ནས2019ལོའི་བར་ཨ་མྱེས་རྨ་ཆེན་རྒྱལ་སྤྱིའི་རྐང་ཐང་འགྲན་སྡུར་བདེ་བླག་ངང་སྤེལ་ཞིང་། ད་ལོ་ནི་ཀྲུང་གོའི་མཚོ་སྔོན་རྒྱལ་སྤྱིའི་རྨ་ཆུ་འཕྲེད་ཀྱིས་གཅོད་པའི་ཚད་མཐའི་འགྲན་སྡུར་བསྟུད་མར་སྤེལ་བའི་ལོ་གསུམ་པ་ཡིན། འདི་དག་ཚང་མ་ནི་རྨ་ཆེན་རྫོང་རང་འགུལ་ངང་ཞིང་ཆེན་ཡོངས་ཀྱི་ལུས་རྩལ་གྱི་ཁྱོན་ཡོངས་ཁྲོད་ཞུགས་པ་དང་ལུས་རྩལ་བྱ་གཞག་འཕེལ་རྒྱས་ལ་སྐུལ་འདེད་གཏོང་བའི་བདེན་དཔང་ཆེས་ཡག་ཤོས་ཤིག་རེད།ཚེ་རིང་སྒྲོལ་མས་བསྒྱུར།

ཀྲུང་གོ་བོད་ཀྱི་དྲ་བའི་འཕྲིན། ཉིན་གཉིས་ཀྱི་ཛ་དྲག་གི་འགྲན་སྡུར་བརྒྱུད། ཟླ6པའི་ཚེས17ཉིན་གྱི་སྔ་དྲོར། ཀྲུང་གོའི་མཚོ་སྔོན་རྒྱལ་སྤྱིའི་རྨ་ཆུར་རྐྱལ་བའི་རྩེར་སོན་འགྲན་སྡུར་སྐབས་བཅོ་བརྒྱད་པའི་ཁྲི་ཀའི་འགྲན་ཁུལ་གྱི་རྟིང་རྩོད་འགྲན་སྡུར་བདེ་ལེགས་ངང་མཇུག་རྫོགས་པ་དང་། ཆུ་རྐྱལ་རུ་ཁག་མཚོ་འཕགས་སྨི3100ཡོད་པའི་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་རྭ་རྒྱ་གྲོང་རྡལ་འགྲན་ཁུལ་དུ་སྤར། འགྲན་ཞུགས་པས་ཚེས18ཉིན་ཆུ་རྐྱལ་ཚོད་ལྟ་བྱ་རྒྱུ་དང་། སྨི300ཅན་གྱི་སྔོན་འགྲན་ལ་གཞུག་པ། ཚེས19ཉིན་གྱི་ཆུ་ཚོད9པའི་ཐོག་རྟིང་རྩོད་འགྲན་སྡུར་སྤེལ་རྒྱུ་རེད།ཉིན་དེར་ཁྲི་ཀའི་འགྲན་དུམ་དུ་ལུས་རྩལ་པ117སྨི500ཅན་གྱི་མྱུར་རྐྱལ་རྟིང་རྩོད་འགྲན་སྡུར་ལ་ཞུགས་པ་དང་། མཐའ་མཇུག་མི67ལ་བྱ་དགའ་ཐོབ། དེའི་ཁྲོད་ཧྥུ་ཅན་ཧུའེ་ཨན་ཆུ་རྐྱལ་མཐུན་ཚོགས་ནས་ཡོང་བའི་ལན་ཀྲོའུ་ཧུང་གིས་སྐར་མ2དང་སྐར་ཆ35.77གྱི་གྲུབ་འབྲས་ལ་བརྟེན་ནས་བུད་མེད་ཚན་ཁག་གི་གྲུབ་འབྲས་ལེགས་ཤོས་བླངས། ཧང་ཀྲོའུ་ཆུ་རྐྱལ་མཐུན་ཚོགས་ནས་ཡོང་བའི་ཝའེ་ཧྥུ་ཆང་གིས་སྐར་མ2དང་སྐར་ཆ07.82ཀྱི་གྲུབ་འབྲས་ལ་བརྟེན་ནས་སྐྱེས་པའི་ཚན་ཁག་གི་གྲུབ་འབྲས་ལེགས་ཤོས་བླངས།སྤྱིའི་ཤན་འབྱེད་དཔོན་ཀྲོའུ་ཡུའུ་ཁྲེན་གྱིས་ངོ་སྤྲད་པ་ལྟར་ན། འགྲན་དུམ་གསུམ་ལ་རང་རང་སོ་སོའི་ཁྱད་ཆོས་ལྡན། ཞོན་ཧྭ་འགྲན་ཁུལ་ནི་མཚོ་འཕགས་སྨི1800ཡིན་པ་དང་། ཆུའི་བཞུར་ཚད་སྐར་ཆ་གཅིག་ལ་སྨི2.56བཞུར་བ། ཆུའི་དྲོད་གྲང་གི་སེའེ་དྲོད་ཚད10ཡིན་པས། མཐོ་སྒང་གི་མཚོ་འཕགས་དང་ཆུའི་དྲོད་གྲང་། བཞུར་ཚད་བཅས་ལ་གོམས་རྒྱུ་ནི་ཞོན་ཧྭ་འགྲན་ཁུལ་གྱི་དཀའ་ཁག་ཆེ་ཤོས་རེད། ཞོན་ཧྭ་འགྲན་ཁུལ་དང་བསྡུར་ན། ཁྲི་ཀའི་འགྲན་ཁུལ་གྱི་མཚོ་འཕགས་མཐོ་བ་དང་། ཆུ་རྒྱུན་བཞུར་ཚད་སྔར་ལས་མགྱོགས་ལ་མྱུར། ཆུའི་དྲོད་གྲང་དམའ་བ་བཅས་ཀྱིས། ལུས་རྩལ་པར་འགྲན་སློང་དང་ཚོད་བགམ་སྔར་ལས་ལྷག་པ་སྤྲད་ཡོད། རྨ་ཆེན་འགྲན་ཁུལ་གྱི་དཀའ་ཁག་སྔར་ལས་ཆེ། ལུས་རྩལ་པ་མཚོ་འཕགས་སྨི3100ཡི་མཐོ་སྒང་དུ་སླེབས་པ་དང་། འགྲན་སློང་རང་བཞིན་རྩེར་སོན་མཚོ་འཕགས་མཐོན་པོ་ཡོད། འགྲན་ཁུལ་གསུམ་གཅིག་ཏུ་སྦྲེལ་ན། འགྲན་སྡུར་གྱི་རོལ་མྱོང་རང་བཞིན་ཇེ་དྲག་ཏུ་ཕྱིན་ཡོད་པར་མ་ཟད། ལུས་རྩལ་པའི་རྩལ་ནུས་ཆུ་ཚད་ལའང་སྔར་ལས་མཐོ་བའི་བླང་བྱ་བཏོན་ཡོད།རྒྱུས་ལོན་པ་ལྟར་ན། འགྲན་སྡུར་སྐབས་སུ་རྨ་ཆེན་རྫོང་རྭ་རྒྱ་གྲོང་རྡལ་དུ་ཡུལ་སྐོར་འོས་སྦྱོར་བྱེད་སྒོ་དང་ཁྱད་ལྡན་ཞིང་ཕྱུགས་ཐོན་རྫས། ཡུལ་སྐོར་དྲན་རྟེན། ཁྱད་ལྡན་ཟས་མཆོག་བཅས་བྲིན་ཚོང་བྱེད་སྒོ་སྤེལ་རྒྱུ་རེད། དུས་མཚུངས་སུ། འགྲན་ཞུགས་པ་དང་སྐུ་མགྲོན་མགོ་ལོག་ཁུལ་གེ་སར་རྟེན་རྫས་ཤམ་མཛོད་ཁང་དུ་བཅར་འདྲིར་འགྲོ་བར་རྩ་འཛུགས་བྱེད་པ་དང་། རྨ་ཆེན་རྫོང་ཁྱད་ལྡན་ཐོན་ལས་རྟེན་གཞི་དང་ཞིང་ཕྱུགས་ཐོན་རྫས་ཁེ་ལས། གངས་རིའི་འོ་རྫས་བཟོ་གྲྭ་བཅས་སུ་ལྟ་སྦྱོང་བྱེད་སྒོ་སྤེལ་རྒྱུ་རེད། །

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས15ཉིན་མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་བསྡུར་སྐབས་ཉེར་གསུམ་པའི་དམངས་ཡོངས་ཀྱི་ལྕགས་རྟ་འགྲན་བསྡུར་གྱི་བྱེད་སྒོ་སྤེལ་ཞིང་། ལྕགས་རྟ་འགྲན་བསྡུར་ལ་དགའ་ཞེན་ཆེ་མཁན200ལྷག་མཚོ་སྔོན་པོའི་འགྲམ་དུ་འཛོམས་ནས། ལྕགས་རྟ་འགྲན་བསྡུར་སྤེལ་ནས་སྐབས་ཉེར་གསུམ་པའི་མཚོ་སྔོན་པོ་སྐོར་བའི་ལྕགས་རྟ་འགྲན་བསྡུར་སྤེལ་བར་བསུ་བ་བྱས།ཐེངས་འདིའི་འགྲན་བསྡུར་ནི་མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་བསྡུར་རྩ་འཛུགས་ཨུ་ལྷན་གཞུང་དོན་ཁང་དང་མཚོ་སྔོན་ཞིང་ཆེན་ལུས་རྩལ་ཅུའུ། མཚོ་སྔོན་ཞིང་ཆེན་མཚོ་སྔོན་པོ་སྲུང་སྐྱོང་བེད་སྤྱོད་དོ་དམ་ཅུའུ། མཚོ་སྔོན་ཞིང་ཆེན་འགྲིམ་འགྲུལ་མ་རྐང་ཚོད་འཛིན་ཚད་ཡོད་ཀུང་སི་བཅས་ཀྱིས་གཙོ་སྒྲུབ་བྱས། ཚེས15ཉིན་གྱི་ཆུ་ཚོད11ཙམ་ལ་བཀའ་རྒྱ་སྒྲ་གྲགས་པ་དང་བསྟུན། ལྕགས་རྟ་ལ་དགའ་ཞེན་ཆེ་མཁན་རྣམས་མཚོ་སྔོན་པོའི་བཀོད་སྒྲིག་ཞིང་རའི་སྒོ་ཁ་ནས་ལམ་ལ་ཆས་ཏེ། མཚོ་སྔོན་པོའི་མཛེས་ལྗོངས་ཁུལ(ཤར་སྒོ)བརྒྱུད་མཚོ་སྔོན་པོའི་མཛེས་ལྗོངས་ཁུལ་གྱི་སྐོར་ལམ་ནས་མཚོ་སྔོན་པོའི་གླེང་ཆེན་མཆེ་བ་མཛེས་ལྗོངས་ཁུལ་བར་བསྐྱོད་ཅིང་། ལམ་ཐག་ཧྲིལ་པོར་སྤྱི་ལེ19ཡོད། ལྕགས་རྟ་ཞོན་པའི་བརྒྱུད་རིམ་ནང་ལྕགས་རྟ་ལ་དགའ་ཞེན་ཆེ་མཁན་ཚོས་མགྱོགས་མྱུར་ངང་མཆོང་རྒྱུག་བྱེད་པའམ་ཡང་ན་བློ་གྲོས་ལ་བརྟེན་ནས་སྐོར་བ་བྱེད་པ། ཡང་ན་བརྟན་བརླིང་ངང་རི་ལྡེབས་སུ་འཛེགས་ནས་ཁྱད་དུ་འཕགས་པའི་ཐབས་རྩལ་མངོན་པ་དང་། ལྕགས་རྟ་ཞོན་མཁན་གྱི་མི་ཚོགས་ཁྲོད་ལོ85ལ་སླེབས་པའི་བགྲེས་པོ་ཡོད་ལ། ལོ10ལ་སླེབས་པའི་གྲོགས་པོ་ཆུང་ཆུང་ཡང་ཡོད་པས། ཐུན་མོང་གི་དགའ་ཕྱོགས་དང་ལྕགས་རྟ་ཞོན་པའི་སྤྲོ་སྣང་དེ་ཁོ་ཚོའི་ཐུན་མོང་གི་གླེང་གཞི་ཞིག་ཏུ་གྱུར་ཡོད།ཐེངས་འདིའི་བྱེད་སྒོས་ལྕགས་རྟ་ལ་དགའ་ཞེན་ཆེ་མཁན་ཚོར་རྩལ་འགྲན་གྱི་མདུན་གྲལ་དང་། ཉམས་འགྱུར་མངོན་པ། མཉམ་གཅིག་ཏུ་མཐོར་འདེགས་སུ་འགྲོ་བའི་སྟེགས་བུ་ཞིག་བསྐྲུན་ནས། དམངས་ཡོངས་ཀྱི་ལུས་རྩལ་དར་སྤེལ་དང་རང་བྱུང་མཛེས་ལྗོངས་ཉམས་སུ་རོལ་བར་སྐུལ་འདེད་བྱས་པ་བརྒྱུད། བྱེད་སྒོ་ལ་བརྟེན་ནས“ཞིང་ཕྱུགས་ལུས་རྩལ་དང་རིག་གནས་ཡུལ་སྐོར་ཚོང་ལས”མཉམ་འདྲེས་འཕེལ་རྒྱས་སུ་འགྲོ་བར་སྒུལ་ཤུགས་བསྩལ་བ་དང་དུས་མཚུངས་སུ། ཐཱན་ཉུང་ཕྱིར་སྐྱོད་ཀྱི་འདུ་ཤེས་སྔར་ལས་ཁྱབ་སྤེལ་བཏང་བ་མ་ཟད། རྒྱ་ཆེའི་ལྕགས་རྟ་ལ་དགའ་ཞེན་ཆེ་མཁན་ཚོར་མཚོ་སྔོན་གྱིས་མཚོ་སྔོན་པོའི་རྒྱལ་ཁབ་སྤྱི་གླིང་དང་རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་མཚོ་སྔོན་དཔེ་སྟོན་ཁུལ་གསར་སྐྲུན་བྱ་རྒྱུར་སྐུལ་འདེད་བཏང་བའི་གྲུབ་འབྲས་གཡུར་དུ་ཟ་བ་བླངས་པ་བདེན་དཔང་བྱས། །

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས16ཉིན། དུས་ཡུན་ཉིན3རིང་གི་སྐབས་དང་པོའི་རྒྱལ་ཡོངས་དམངས་ཡོངས་ལུས་སྦྱོང་འགྲན་བསྡུར་ཆེན་མོའི（ནུབ་བྱང་འགྲན་ཁུལ）གྱི་མདའ་འཕེན་འགྲན་བསྡུར་དེ་ཧྲན་ཞི་པའོ་ཅི་གྲོང་ཁྱེར་དུ་མཇུག་སྒྲིལ། མཚོ་སྔོན་གྱི་ལུས་རྩལ་བས་ནུས་རྩལ་གང་ཅིའི་བཏོན་ནས། ནུས་རྩལ་ལེགས་པོ་དང་སེམས་ཁམས་སྤུས་ཚད། དེ་མིན་ཚོགས་པའི་མཐུན་འགྲིག་སྙིང་སྟོབས་ཀྱིས། གསེར་གྱི་རྟགས་མ5དང་དངུལ་གྱི་རྟགས་མ3། ཟངས་ཀྱི་རྟགས་མ2བཅས་བླངས་པ་དང་། གསེར་གྱི་རྟགས་མའི་གྲངས་ཀས་ཞིང་ཆེན་དང་ཁུལ་ཡོངས་ཀྱི་མདུན་གྲས་ཟིན། ཐེངས་འདིའི་འགྲན་བསྡུར་ལ་རྒྱལ་ཁབ་ལུས་རྩལ་སྤྱི་ཁྱབ་ཅུའུ་དང་། ཀྲུང་ཧྭ་ལུས་རྩལ་སྤྱི་ཁྱབ་ཚོགས་པའི་གཙོ་སྒྲུབ་དང་། ནུབ་བྱང་འགྲན་ཁུལ་གྱི་མདའ་འཕེན་འགྲན་བསྡུར་དེ་ཟླ6པའི་ཚེས14ཉིན་ནས་ཚེས16ཉིན་བར་ཧྲན་ཞི་པའོ་ཅི་གྲོང་ཁྱེར་ལུང་རྫོང་ཀོན་ཧྲན་རྩྭ་ཐང་མཛེས་ལྗོངས་ཁུལ་དུ་མཇུག་སྒྲིལ། མཚོ་སྔོན་ཞིང་ཆེན་མདའ་འཕེན་ལུས་རྩལ་མཉམ་འབྲེལ་ལྷན་ཚོགས་ཀྱིས་ལེགས་འདེམས་འགྲན་བསྡུར་བྱས་པ་བརྒྱུད། མཇུག་མཐར་ལུས་རྩལ་བ48ཀྱིས་གྲུབ་པའི་མཚོ་སྔོན་རུ་ཁག་གིས་སྐྱེས་པ་དང་སྐྱེས་མའི་སྲོལ་རྒྱུན་གཞུ་དང་ལྕགས་གཞུ་ལེབ་མོ། སྐྱེས་པའི་ལྕགས་གཞུ་འཁོར་ལོ་མའི་འགྲན་བསྡུར་བཅས་ལ་ཞུགས། ཞིང་ཆེན་མདའ་འཕེན་ལུས་རྩལ་མཉམ་འབྲེལ་ལྷན་ཚོགས་ཀྱི་འབྲེལ་ཡོད་འགན་ཁུར་བས་མཚམས་སྦྱོར་བྱས་པ་ལྟར་ན། མདའ་འཕེན་ལུས་རྩལ་དེ་མཚོ་སྔོན་དུ་མང་ཚོགས་ཀྱི་རྨང་གཞི་ཆེ། ཆེས་གསར་བའི་བསྡོམས་རྩིས་བྱས་པ་ལྟར་ན། ད་ལྟ་ཞིང་ཆེན་ཡོངས་སུ་རྒྱུན་ལྡན་རང་བཞིན་གྱི་མདའ་འཕེན་ལུས་རྩལ་ཁྲོད་ཞུགས་མཁན་མི་ཁྲི30ཡོད་པ་དང་། ལོ་རེར་མདའ་འཕེན་འགྲན་བསྡུར་ཆེ་མ་ཆུང་གསུམ་སྟོང་གཅིག་རེ་སྤེལ་དགོས་པ་མ་ཟད། ཞིང་ཆེན་ཡོངས་ཀྱི་མང་ཚོགས་རང་བཞིན་གྱི་མདའ་འཕེན་ལུས་རྩལ་འཕེལ་རྒྱས་ལ་སྐུལ་འདེད་བཏང་བ་དང་། མང་ཚོགས་ཀྱི་འཚོ་བ་ཕུན་ཚོགས་སུ་བཏང་བ་དང་། མདའ་འཕེན་དེ་མཚོ་སྔོན་ཞིང་ཆེན་གྱི་དམངས་ཡོངས་ལུས་རྩལ་སྦྱོང་བརྡར་ཁྲོད་མང་ཚོགས་རང་བཞིན་ཆེས་ཆེ་བའི་ལུས་རྩལ་རྣམ་གྲངས་གྲས་ཀྱི་གཅིག་ཏུ་གྱུར་ཡོད་ཅེས་བཤད། །

འདི་ནི་གཉའ་ཐག་འཐེན་པའི་འགྲན་བསྡུར་བྱེད་བཞིན་པ།འདི་ནི་ཐའེ་ཅི་དྲག་རྩལ་འགྲན་བསྡུར་བྱེད་བཞིན་པ།ཟླ་6ཚེས་11ཉིན་ནས་ཚེས་14ཉིན་བར། རྒྱལ་ཡོངས་ཀྱི་དམངས་ཡོངས་ལུས་སྦྱོང་འགྲན་བསྡུར་ཆེན་པོའི(ལྷོ་ནུབ་ཁུལ)གཉའ་ཐག་འཐེན་པ་དང་ཐའེ་ཅི་དྲག་རྩལ་གྱི་འགྲན་བསྡུར་ལྷ་སར་གཉེར་བ་རེད། སི་ཁྲོན་དང་། ཁྲུང་ཆིང་། ཡུན་ནན། ཀུའེ་ཀྲོའུ། བོད་རང་སྐྱོང་ལྗོངས་བཅས་ཀྱི་ལུས་རྩལ་པ་ལྷན་དུ་འཛོམས་ནས་འགྲན་བསྡུར་འཁྲུག་པོ་བྱས་ཡོད།ཤེས་རྟོགས་བྱུང་བར་གཞིགས་ན། འདེམས་སྒྲུག་བྱས་པ་བརྒྱུད་རང་ལྗོངས་ཀྱི་གྲོང་ཁྱེར་དང་ས་ཁུལ་ཁག་གི་བདམས་ཐོན་པ་73ལས་གྲུབ་པའི་བོད་ལྗོངས་རུ་ཁག་གི་གཉའ་ཐག་འཐེན་མཁན་17དང་ཐའེ་ཅི་དྲག་རྩལ་རྩེ་མཁན་56འགྲན་བསྡུར་ནང་ཞུགས་ཡོད་པ་རེད། འགན་འཁུར་རྩོམ་སྒྲིག་པ། ཉི་མ་ཚེ་རིང་།

རྩོམ་སྒྲིག དོན་འགྲུབ་མཚོ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།མཚོ་བྱང་མདོ་ལ་རི་བོ་བོད་ལུག་རུ་ཁགVSམཚོ་ལྷོ་ཚལ་རྔ་རུ་ཁགརང་སའི་རུ་ཁགམཚོ་བྱང་མདོ་ལ་རི་བོ་བོད་ལུག་རུ་ཁགརུ་རྟགས།མཚོ་བྱང་ཁུལ་མདོ་ལ་རི་བོ་བོད་ལུག་རུ་ཁག་གི་རུ་རྟགས་དེ་ཕྱི་ནང་རིམ་པ་གཉིས་ཀྱིས་གྲུབ་ཡོད་ལ། ནང་གི་རིམ་པ་དེ་མདོ་ལའི་བོད་ལུག་དང་རྐང་གྲུག་གཉིས་ཀྱིས་གྲུབ་ཡོད་པ་དང་། ཕྱིའི་རིམ་པ་ནས་ཀྱི་སྙེ་མས་བཏུམས་ཡོད། རུ་རྟགས་དེས་མཚོ་བྱང་ཁུལ་གྱི་ཞིང་ཕྱུགས་ཐོན་ལས་དབྱར་མཚོ་རྒྱས་པ་ལྟར་འཕེལ་རྒྱས་སུ་འགྲོ་བཞིན་ཡོད་པ་དང་། རུ་རྟགས་ཀྱི་ལྷུ་ལག་ཚང་མ་དམ་དུ་འབྲེལ་ཡོད་པ་དེས་མཚོ་བྱང་ཁུལ་གྱི་རིགས་སོ་སོའི་བུ་དང་བུ་མོ་ཚོ་སེ་འབྲུ་བཞིན་དམ་དུ་སྦྲེལ་ཏེ་ཁྲག་རྒྱུན་རྒྱུན་མཐུད་དང་ཞུམ་མེད་མདུན་སྐྱོད་བྱེད་པ་མཚོན་ཡོད། རུ་རྟགས་ཀྱི་དཀྱིལ་དུ་ཀྲུང་གོའི་ལུག་གྲགས་ཅན་དྲུག་གི་ཡ་ཀྱལ་ཡིན་པའི་མདོ་ལའི་ལུག་གཙོ་བོ་བྱས་ནས་བཟོས་ཡོད། མདོ་ལའི་བོད་ལུག་ནི་མཚོ་བྱང་ཁུལ་གྱི་མདོ་ལ་རིང་མོའི་འདབས་ཀྱི་འབྲོག་རའི་ས་ཁོངས་སྤྱི་བའི་མིང་བྱང་འོག་གི་ཁྱད་ལྡན་མིང་བྱང་གཙོ་བོ་ཞིག་ཡིན་པའི་ཆ་ནས། གཙོ་བོ་མདོ་དབུས་མཐོ་སྒང་གི་མདོ་ལ་རི་རྒྱུད་དུ་འཚོ་སྡོད་བྱས་ཡོད། དེའི་འཚོ་གནས་ཀྱི་ཁོར་ཡུག་ནི་ཐུན་མིན་ཁྱད་དུ་འཕགས་ཤིང་ས་བབ་ཅུང་མཐོ་བ་དང་གནམ་གཤིས་ལ་གྲང་ངར་ཆེ་ནའང་སྔར་བཞིན་གསོན་ཤུགས་ཀྱིས་ཁེངས་ཡོད་པ་མཚོན། རུ་མིའི་དཔའ་ཉམས། ཆེས་ངོ་མཚར་བའི་ལྟད་མོ།སྐུ་མགྲོན་རུ་ཁགམཚོ་ལྷོ་ཚལ་རྔ་རུ་ཁགརུ་རྟགས།མཚོ་ལྷོ་ཁུལ་ཚལ་རྔ་རུ་ཁག་གི་རུ་རྟགས་ནི་ཕུབ་དབྱིབས་ཤིག་ཡིན་པ་དང་། བར་གྱི་བོད་ཡིག་གི་ནང་དོན་ནི་མཚོ་ལྷོའི་དོན་ཡིན། དབྱིན་ཡིག་གི་གསལ་བྱེད་ནི་མཚོ་ལྷོ་རྐང་གྲུག་མཐུན་ཚོགས་ཀྱི་གསལ་བྱེད་ཡི་གེ་ཐོག་མ་དག་གི་བསྡུས་བྲིས་ཡིན། རུ་རྟགས་དཀྱིལ་གྱི་རི་དེ་ནི་བློན་པོ་གསེར་ཆེན་ཡིན་པ་དང་། ལྗང་མདོག་གིས་སྤང་ལྗང་དང་ལང་ཚོ་མཚོན་པ་དང་། སྔོན་པོ་ཡིས་རྨ་ཆུ་མཚོན་ཡོད་ལ། གྲོ་སྙེ་ཡིས་གྲུབ་འབྲས་མཚོན་ཡོད།རུ་མིའི་དཔའ་ཉམས།ཆེས་ངོ་མཚར་བའི་ལྟད་མོ། སྐབས་སྔོན་མ། ཞོགས་པའི་ཇ་ཡུན་གསར་འགྱུར། སྐབས་རྗེས་མ། མེད།

འདི་ནི་གྲ་ནང་རྫོང་མི་དམངས་ཞིབ་དཔྱོད་ཁང་གི་ཁྲིམས་སྒྱུར་མི་སྣས་ཁོངས་གཏོགས་ཁུལ་གྱི་སྒོ་རྩིས་ཚོང་ཁང་དུ་ཞིབ་བཤེར་བྱེད་བཞིན་པ།“ཕྲུ་གུ་ཁྱུ་གཅིག་ས་ཐོག་ཏུ་ཁ་སྦུབ་ཏུ་བསྡད་དེ་ཐ་མག་སྒམ་ཆུང་ཞིག་ནས་སྤུས་རྟགས་མི་འདྲ་བའི‘ཐ་མག་གཱ’བཏོན་ནས་ས་ཐོག་ཏུ་བརྡབས་འགོ་ཚུགས” ཉེ་དུས་སློབ་ཆུང་སློབ་མའི་ཁྱུ་ཚོགས་སུ་རྩེད་ཆས་གསར་པ“ཐ་མག་གཱ”ཞེས་པ་དར་ཁྱབ་ཆེན་པོ་བྱེད་ཀྱི་ཡོད་པ་རེད། “ཐ་མག་གཱ”དེ་ཚོ

ཟླ་7ཚེས་3ཉིན་མངའ་རིས་ས་ཁུལ་དུག་འགོག་ཉིང་ལག་རུ་ཁག་གིས་ས་ཁུལ་གྱི་སྨན་བཅོས་སྒྲིག་གཞི་དང་སྨན་རྫས་ཚོང་ཁང་དུ་སྦྲིད་སྨན་དང་ཀླད་རྩའི་སྨན་རྫས་ལ་ཆེད་དོན་ཞིབ་བཤེར་བྱས་པ་རེད།ཆེད་དོན་ཞིབ་བཤེར་བྱེད་རིང་། མི་དམངས་ཉེན་རྟོག་པས་ས་ཁུལ་གྱི་སྨན་བཅོས་སྒྲིག་གཞི་དང་སྨན་རྫས་ཚོང་ཁང་གི་སྦྲིད་སྨན་དང་ཀླད་རྩའི་སྨན་རྫས་ཀྱི་བདེ་འཇགས་དོ་དམ་ལམ་ལུགས་དང་། གསོག་ཉར། མཛོད་དུ་འཇུག་པ་དང་འདོན་པ། བྲིན་ཚོང་རྩིས་ཁྲ་བཅས་བདེ་འཇགས་དོ་དམ་གྱི་ཚད་གཞི་དང་མཐུན་མིན་ཞིབ་བཤེར་ནན་པོ་བྱས་པ་རེད།ད་ཐེངས་ཀྱི་ཆེད་དོན་ཞིབ་བཤེར་ནང་ཁྱོན་བསྡོམས་སྨན་བཅོས་སྒྲིག་གཞི་4དང་སྨན་རྫས་ཚོང་ཁང་4ལ་ཞིབ་བཤེར་བྱས་ཤིང་། ཞིབ་བཤེར་བྱེད་རིང་གནད་དོན་2ཤེས་རྟོགས་ཐུབ་པ་དེ་འཕྲལ་མར་དག་ཐེར་བྱེད་དགོས་པའི་བཀའ་བཏང་བ་རེད། ཆེད་དོན་ཞིབ་བཤེར་བྱས་པ་བརྒྱུད། སྨན་རྫས་ཚོང་གཉེར་བྱེད་མཁན་གྱི་འགན་འཁྲིའི་འདུ་ཤེས་སྔར་བས་ཟབ་ཏུ་སོང་བ་དང་། སྨན་བཅོས་སྒྲིག་གཞི་དང་སྨན་རྫས་ཚོང་ཁང་གིས་སྦྲིད་སྨན་དང་ཀླད་རྩའི་སྨན་རྫས་ལ་དོ་དམ་ཚོད་འཛིན་གྱི་བྱ་ཐབས་དོན་འཁྱོལ་བྱེད་ཤུགས་ཆེ་རུ་ཕྱིན་ཏེ་སྦྲིད་སྨན་དང་ཀླད་རྩའི་སྨན་རྫས་ཁྲིམས་དང་མ་མཐུན་པར་སྤྱོད་རྒྱུ་སྔོན་འགོག་ནུས་ལྡན་ཐུབ་ཡོད། འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

རྩོམ་སྒྲིག དོན་འགྲུབ་མཚོ། ཡོང་ཁུངས། འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས། བཤེར་འབེབས། རིན་ཆེན་ཚེ་རིང་།མི་ལ་ལ་བལྟས་ཚོད་ཀྱིས་སྐམ་པོ་ཡོད་པར་མ་ཟད་གཟུགས་པོའི་ལྗིད་ཚད་ཀྱང་རྒྱུན་ལྡན་ཡིན་ནའང་། གསུས་པ་མངོན་གསལ་གྱིས་ཆེ་བ་ཡིན། སྣང་ཚུལ་འདི་ནི་མངོན་མེད་ཀྱི་བདེ་ཐང་ཉེན་ཁ་གང་རུང་གིས་བསྐྱེད་པ་ཡིན་སྲིད་དེ། དཔེར་ན་གཤམ་གྱི་རྒྱུ་རྐྱེན་འདི་དག་ལྟ་བུའོ།1ཕོ་རྒྱུའི་འཇུ་ནུས་རྒྱུན་ལྡན་མིན་པ། མི་ལ་ལར་ཟ་མ་ཟོས་རྗེས་ཕོ་བ་དང་གསུས་པ་སྦོས་པའི་སྣང་ཚུལ་ཡོད་ལ། དེ་དང་མཉམ་དུ་ཕོ་བ་ན་བ་དང་ཞེན་ཁ་ལོག་པ། སྐྱུག་པ། སྐྱིགས་བུ་བྱེད་པ་སོགས་ཀྱང་བྱེད། དེ་ནི་ཕོ་རྒྱུའི་འཇུ་ནུས་ལེགས་པོ་མེད་པའི་རྟགས་ཡིན། ཕོ་རྒྱུའི་འཇུ་ནུས་ལེགས་པོ་མེད་པ་ལ་ཡང་རྒྱུ་རྐྱེན་སྣ་ཚོགས་ཡོད་དེ། དཔེར་ན་ཟ་མ་མགྱོགས་པོར་ཟ་བ་དང་མང་ཟ་མང་འཐུང་བྱེད་པ། ཕོ་རྒྱུའི་སྒུལ་ཤུགས་མ་འདང་བ། རྒྱུ་འགག་བྱུང་བ། ཕོ་བ་མར་བབས་པ། བད་ཀན་སྨུག་པོ་སོགས་སོ། དེ་བས་ང་ཚོས་ངེས་པར་དུ་བཟའ་བཏུང་གི་གོམས་གཤིས་ངན་པ་བསྒྱུར་དགོས་ཤིང་། ཟས་ཐུན་གསུམ་གྱི་དུས་ཚོད་དང་མང་ཉུང་གཏན་ཁེལ་བྱ་དགོས་ཏེ། ཐུན་རེར་ཕོ་བའི་བཅུ་ཆའི་བརྒྱད་ཙམ་རྒྱགས་ན་ཆོག གཞན་ཟ་མ་ཉུང་ལ་ཟས་ཐུན་མང་བར་བྱ་དགོས་ཤིང་། གཉིད་མ་ལོག་པའི་སྔོན་ལ་གསུས་པར་འཕུར་མཉེད་བྱས་ན་ཕོ་རྒྱུའི་ནུར་འགུལ་ལ་སྐུལ་འདེད་དང་གསུས་པ་མི་སྦོས་པར་བྱེད་ཐུབ།2ནང་ཁྲོལ་ཚིལ་ཚད་ལས་བརྒལ་བ། གསུས་ཁོག་ཏུ་ཚིལ་མང་པོ་བསོགས་པ་ནི་ནང་ཁྲོལ་ཚིལ་ཅུང་མང་བའི་རྟགས་ཡིན་ལ། མི་འདིའི་རིགས་ཀྱི་དོན་སྣོད་ཆེ་བར་མ་ཟད་དོན་སྣོད་ཀྱི་ནུས་པ་ཇེ་ཞན་དུ་གྱུར་ཏེ་ནད་རིགས་སྣ་ཚོགས་བསྐྱེད་སླ་བ་ཡིན། དཔེར་ན་སྙིང་ཚིལ་ནད་དང་མཆིན་ཚིལ་ནད་ལྟ་བུའོ། ཚིལ་མང་པོ་ཁྲག་ནང་དུ་ཕྱིན་ཚེ་འཕར་རྩ་སྲ་འགྱུར་དང་སྙིང་རྩ་འགག་པ་སོགས་བསྐྱེད་སླ། མི་འདི་དག་གིས་ཉིན་རེར་སྐར་མ30ཡི་རིང་གི་འགུལ་སྐྱོད་བྱ་འོས་ཏེ། དཔེར་ན་ཐག་ལྡིང་དང་གན་རྐྱལ་རྩལ། ཆུ་རྐྱལ། ལྕགས་རྟ་སྐོར་བ་སོགས་ལྟ་བུ་སྟེ། ལུས་རྩལ་འདི་དག་ནང་ཁྲོལ་ཚིལ་དབྱེ་འབྱེད་དང་ཞུ་བ་ལ་ཕན། 3མཆིན་པ་སྲ་འགྱུར། མཆིན་པ་རྒྱུན་ལྡན་མིན་པའི་སྐབས་སུ། མཁྲིས་ཁུ་ཟགས་ཐོན་བྱེད་སྟངས་དོ་མི་མཉམ་པར་གྱུར་ཏེ། མཁྲིས་ཁུ་མང་པོ་ཕོ་བར་སྤུང་གསོག་བྱས་ནས་གསུས་པ་སྦོས་ཤིང་རྒྱུ་སྨད་མངོན་གསལ་གྱིས་ཕྱི་རུ་འབུར་ངེས། གཞན་མཁྲིས་ཁུ་ཟགས་ཐོན་བྱེད་སྟངས་རྒྱུན་ལྡན་མིན་ཚེ་གཤེར་རྨེན་ཟགས་ཐོན་བྱེད་པར་ཤུགས་རྐྱེན་ཐེབས་ནས། ལུས་ནང་གི་འཇུ་རྩབས་མི་འདང་བ་དང་། དེས་སྤྲི་དཀར་རྫས་དང་ཚིལ་འཇུ་བར་འགོག་རྐྱེན་བཟོས་ཏེ་གསུས་པ་སྦོས་པའི་སྣང་ཚུལ་འབྱུང་སྲིད། མི་འདིའི་རིགས་ལ་མཁྲིས་པ་ན་བ་དང་ཡི་ག་ཞན་པ། སྡོམ་སྨེ་འབུད་པ་སོགས་ཀྱི་སྣང་ཚུལ་ཡོད་པས། དུས་ཐོག་ཏུ་སྨན་ཁང་ལ་སོང་ནས་བརྟག་དཔྱད་བྱ་དགོས། སྐབས་སྔོན་མ། མཚོ་སྔོན་པོའི་འགྲམ་ངོགས་སུ་རྒྱུ་བའི་ཁྲུང་ཁྲུང་སྐེ་ནག སྐབས་རྗེས་མ། རྒྱལ་ཡོངས་བོད་རིག་པའི་རིག་གཞུང་དུས་དེབ་མཐུན་སྦྱོར་ཚོགས་འདུ་འཚོགས།

“ངས་ཚད་ཡོད་ཀྱི་དུས་ཚོད་ནང་བྱ་བ་དངོས་དེ་བས་མང་བ་བསྒྲུབས་ནས་འབྲོག་ཁུལ་གྱི་ཕྲུ་གུ་དེ་བས་མང་བར་བདེ་ཐང་དང་སྤྲོ་སྣང་སྦྱིན་གྱི་ཡིན”མངའ་རིས་སུ་སླེབས་ནས་ལོ་གཉིས་སོང་རིང་། ཧོ་པེ་ཞིང་ཆེན་གྱི་སྨན་བཅོས་བོད་སྐྱོར་ལས་བྱེད་པ་ཁག་བཅུ་པའི་རུ་མི་ཚའོ་རུའུ་མེ་ཡིས་རང་ཉིད་ཀྱི་བྱ་སྤྱོད་དངོས་ལ་བརྟེན་ནས་བོད་དུ་ཡོང་སྐབས་བཞག་པའི་དམ་བཅའ་ལག་ལེན་བསྟར་བཞིན་ཡོད།2022ལོར་ཚའོ་རུའུ་མེ་ཡིས་ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པའི་ཁོངས་མི་ཞིག་གི་ངོས་ནས་མངའ་རིས་ས་ཁུལ་མ་བུ་བདེ་སྲུང་སྨན་ཁང་ལ་ཁ་གཏད་རོགས་སྐྱོར་བྱེད་པར་འོང་བ་དང་གཙོ་བོ་བྱིས་ནད་ཚན་ཁག་གི་ལས་ཀའི་འགན་འཁུར་གྱི་ཡོད། མངའ་རིས་ས་ཐག་རིང་ཞིང་ལུང་ཁུག་ཏུ་གནས་པར་བརྟེན་འབྲོག་པ་མང་ཚོགས་སྨན་པ་བསྟེན་པར་དཀའ་ངལ་ཡོད། བོད་དུ་ལས་ཀ་བྱས་ནས་ལོ་གཉིས་ལྷག་ཙམ་སོང་རིང་། ཁོང་གིས་སྨན་ཁང་གི་ལས་ཀ་ལེགས་པར་སྒྲུབ་ཞོར་དུ་ལ་ཀླུང་བརྒལ་ནས་ས་བབ་དེ་བས་མཐོ་བ་དང་རང་བྱུང་ཁོར་ཡུག་དེ་བས་ཞན་པའི་ཤང་དང་གྲོང་རྡལ། གྲོང་ཚོ་བཅས་ཀྱི་མི་སེར་ལ་སྨན་བཅོས་བྱེད་པར་ཐེངས་མང་བསྐྱོད།2023ལོའི་ཟླ་12པར། རྩྭ་མདའ་རྫོང་བསྟི་ཡག་ཤང་ལ་སྐོར་སྐྱོད་སྨན་བཅོས་བྱེད་དགོས་ཀྱི་ཡོད། བསྟི་ཡག་ཤང་ནི་མཐའ་མཚམས་ཤང་ཞིག་ཡིན་ཞིང་། སེང་གེ་ཁ་འབབ་གྲོང་རྡལ་བར་རླངས་འཁོར་ཆུ་ཚོད་7ལྷག་ཙམ་གཏོང་དགོས་ཀྱི་ཡོད། བསྟི་ཡག་ཤང་དུ་སླེབས་པའི་ཉིན་གཉིས་པར་འབྲོག་ཁུལ་དུ་སྐོར་སྐྱོད་སྨན་བཅོས་བྱེད་པར་འགྲོ་གྲབས་ཡོད་པའི་ཁོང་ལ་བསྟི་ཡག་ཤང་འཕྲོད་བསྟེན་ཁང་གི“ལོ་གཅིག་ལ་སླེབས་པའི་བུ་ཞིག་ལུས་ཁམས་མི་བདེ་བས་ལམ་སེང་མྱུར་སྐྱོབ་བྱེད་དགོས་ཀྱི་འདུག”ཅེས་པའི་རོགས་སྐྱོར་རེ་ཞུའི་ཁ་པར་འབྱོར། ཁ་པར་བཞག་མ་ཐག་ཚའོ་རུའུ་མེས་འཕྲལ་མར་འཕྲོད་བསྟེན་ཁང་དུ་བསྐྱོད། ཤང་དེར་འབྲེལ་ཡོད་ཞིབ་བཤེར་སྒྲིག་ཆས་ཀྱི་རམ་འདེགས་མེད་པས། ནད་གཞི་བརྟག་པར་སྨན་པའི་སྨན་བཅོས་ལག་རྩལ་དང་ནད་ཐོག་ཉམས་མྱོང་ལ་བརྟེན་དགོས། ཚའོ་རུའུ་མེས་བྱིས་པ་ནད་པའི་ལུས་ཕུང་ལ་བརྟག་དཔྱད་བྱེད་ཞོར་དུ་ན་ལུགས་ན་སྟངས་སྐད་ཆ་ཞིབ་ཕྲ་དྲིས། མཐར་ཁོང་གིས་གློ་ཡུའི་གཉན་ཚད་ལྕི་པོ་ཕོག་པའི་ནད་ངོས་འཛིན་པ་རེད། དེ་རྗེས་ས་གནས་དེ་གའི་སྨན་པ་དང་མཉམ་དུ་ལག་ལེན་དུ་འཁྱོལ་ཐུབ་པའི་སྨན་བཅོས་ཇུས་གཞི་ཏན་ཏིག་བཟོས་པ་དང་བྱིས་པ་དེར་སྨན་བཅོས་བྱས་རྗེས། ནད་རྟགས་ལྕི་པོ་མགྱོགས་མྱུར་ངང་ཞི་འཇགས་སུ་བཏང་བ་རེད།བྱིས་པ་དེར་སྨན་བཅོས་བྱེད་པའི་བར་གསེང་དུ་ཚའོ་རུའུ་མེས་ངལ་གསོ་ཕྲན་ཙམ་ཡང་བརྒྱབ་མེད། ཁོང་གིས་ནད་དཔེ་དངོས་ལ་བརྟེན་ནས་འཕྲོད་བསྟེན་ཁང་གི་སྨན་དོན་མི་སྣ་གཅིག་ཏུ་སྐོང་སྟེ་ས་ཆ་དངོས་སུ་གློ་ཡུའི་གཉན་ཚད་སྐོར་གྱི་འབྲེལ་ཡོད་ཤེས་བྱ་དང་དེ་བཞིན་སྨན་བཅོས་བརྒྱུད་རིམ་ཁྲོད་ཀྱི་གཙོ་གནད་དང་དཀའ་གནད་གསལ་བཤད་བརྒྱབ་པ་རེད།ཉིན་དེར་གྲོང་གསེབ་ཏུ་སྐོར་སྐྱོད་སྨན་བཅོས་བྱེད་པའི་ལས་འགན་ལེགས་སྒྲུབ་བྱ་ཆེད། བྱིས་པ་དེ་སྲོག་ཉེན་ལས་ཐར་མ་ཐག་ཚའོ་རུའུ་མེ་དེ་མུར་འབྲོག་ཁུལ་དུ་བསྐྱོད་པ་རེད། དེ་ནས་འབྲོག་ཁུལ་གྱི་བྱིས་པ་20ལྷག་ཙམ་ལ་གཟུགས་པོ་ནད་བརྟག་སྨན་བཅོས་བྱས་ཟིན་དུས་ནི་དགོང་མོའི་ཆུ་ཚོད་8པ་ལྷག་ཙམ་ཡིན་མོད། འོན་ཀྱང་ཤང་འཕྲོད་བསྟེན་ཁང་གི་བྱིས་པ་ནད་པ་དེར་སེམས་ཁྲལ་བྱུང་ནས་ཁོང་གིས་ངལ་གསོ་ཡང་མ་བརྒྱབ་པར་ཤང་འཕྲོད་བསྟེན་ཁང་དུ་ཕྱིར་ལོག་བྱས།འདི་ནི་ཚའོ་རུའུ་མེས་བོད་སྐྱོར་ལས་དོན་སྒྲུབ་རིང་གི་རྒྱུན་གཏན་གྱི་ཉིན་མོ་ཞིག་རེད། ཁོང་གིས་བྱ་སྤྱོད་དངོས་ལ་བརྟེན་ནས་གང་འདྲ་ཞིག་ལ་སྨན་པ་བྱམས་སེམས་ཅན་ཟེར་བ་གསལ་བཤད་བྱས་པ་མ་ཟད། ད་དུང་བོད་སྐྱོར་ལས་བྱེད་པ་ཞིག་གི་འགན་འཁྲི་ཁུར་སེམས་ཀྱང་མཚོན་པར་བྱས་ཡོད།ལས་ཀ་དང་འཚོ་བ་གང་ཡིན་རུང་ཚའོ་རུའུ་མེས་ཧ་ཅང་གཟབ་ནན་དང་ནན་ཏན་བྱེད་ཀྱི་ཡོད། བོད་དུ་སླེབས་རྗེས་ནད་པ་དང་གོ་བརྡ་འཕྲོད་ཆེད་ཁོང་གིས་ལས་ཞོར་དུས་ཚོད་སྤྱད་དེ་བོད་སྐད་སྟབས་བདེ་འགའ་སྦྱངས། ས་མཐོའི་ས་ཁུལ་གྱི་བྱིས་པའི་རྒྱུན་མཐོང་གི་ནད་གཞི་དང་། ཐོན་མང་བའི་ནད་གཞི། བརྟག་དཀའ་བའི་ནད་གཞི་བཅས་ལ་དམིགས་ཏེ་ལས་སྒོ་སློབ་སྦྱོང་ལ་རྒྱུན་ཆད་མེད་པར་ཤུགས་སྣོན་བརྒྱབ་ཁར། བྱིས་ནད་ཚན་ཁག་གི་སྨན་པ་དཀའ་བཅུ་པའི་སྣེ་ཁྲིད་དེ་ཆེད་ལས་ཀྱི་ཚད་ལྡན་ཡིག་ཆར་བརྒྱུད་རིམ་ལྡན་པའི་སྒོ་ནས་སློབ་སྦྱོང་བྱས་ཏེ“བརྒྱུད་རོགས་ཁྲིད”གསུམ་གྱི་ནུས་པ་ཧུར་ཐག་བཏོན་པ་རེད། “སྨན་པའི་འགན་འཁྲི་ནི་ནད་བཅོས་སྲོག་སྐྱོབ་བྱ་རྒྱུ་དེ་རེད། དེ་གར་སྨན་བཅོས་ཐོན་ཁུངས་བལྟོས་བཅས་མི་འདང་བས་ངས་བྱེད་དགོས་པའི་ལས་ཀ་ད་དུང་མང་པོ་ཡོད” ཚའོ་རུའུ་མེ་ལ་དད་སེམས་ཡོད་སྟབས་བོད་སྐྱོར་ལམ་བུའི་ཐོག་སྔར་བས་བློ་བརྟན་འགྱུར་མེད་ངང་སྐྱོད་ཐུབ་ངེས་རེད། འགན་འཁུར་རྩོམ་སྒྲིག་པ། བསོད་ནམས་དབང་འདུས།

གཅིག། གནོད་པ་གཙོ་བོ། ཐུམ་འབུའི་ནད་ལ་ཚེར་ཟླུམ་འབུ་ཕྲུག་ནད་ཀྱང་ཟེར། དེ་ནི་ཚེར་ཟླུམ་རྒྱུ་སྲིན་ལེབ་མོའི་འབུ་ཕྲུག་དེ་ནོར་གནག་དང་ལུག་སོགས་སྲོག་ཆགས་དང་མིའི་རིགས་ཀྱི་མཆིན་པ་དང་། གློ་བ་སོགས་ལ་གནས་ཏེ་མི་དང་སྒོ་ཕྱུགས་གཉིས་ཀར་འབྱུང་པའི་གཞན་བརྟེན་སྲིན་འབུའི་ན་ཚ་ཞིག་ཡིན། ཐུམ་འབུ་ལ་ངོ་བོའི་སྒོ་ནས་རིགས་གཉིས་མཆིས་ཏེ། དེ་ནི་ཤ་སྐྲན་གྱི་ཐུམ་འབུ་དང་ཆུ་སྐྲན་གྱི་གྱི་ཐུམ་འབུ་གཉིས་ཡིན། ཐུམ་འབུའི་ནད་འབྱུང་ཡུལ་གཙོ་བོ་ནི་འབྲོག་ཁུལ་ཡིན་པ་རེད། མཚོ་སྔོན་ཞིང་ཆེན་ལ་མཚོན་ན་བབས་ས་གནས་ཀྱི་དབང་གིས་མཆིན་པའི་ཐུམ་འབུ་དང་གསུས་ཁོག་ཐུམ་འབུ་གཉིས་ཤིན་ཏུ་མང་། མི་ལ་མཆིན་པའི་ཐུམ་འབུའི་ན་ཚ་བྱུང་པ་ན། མཆིན་པའི་རྩ་བོ་ཆེར་བཙན་གནོན་ཐེབས་པ་དང་། མཆིན་པ་དང་མཚེར་བ་ཆེར་རྒྱས་ཤིང་ཟུངས་ཉམས་ནས་ལུས་རིད་པ་རེད། མཆིན་ནུས་ཉམས་ཤིང་རྒུད་པ་དང་། ཚབས་ཆེ་ན་དམུ་ཆུ་རུའང་འགྲོ་ཞིང་ཚེ་སྲོག་འཕྲོག་པའི་ཉེན་ཁ་ཤིན་ཏུ་ཆེའོ། །གཉིས། འགོས་མཆེད་བརྒྱུད་ལམ། ཁྱི་ནི་གཞན་བརྟེན་ཚེར་ཟླུམ་རྒྱུ་སྲིན་ལེབ་མོའི་རྟེན་ཡུལ་གཙོ་བོ་དང་ནད་དེ་འགོས་མཆེད་ཀྱི་འབྱུང་ཁུངས་ཡིན་པ་མ་ཟད། ད་དུང་སྤྱང་ཀི་དང་ཝ་སོགས་གཅན་གཟན་ཤ་གཟན་གྱི་རིགས་ཀྱང་སྲིན་བུ་འདིའི་རྟེན་ས་དང་མཆེད་ཁུངས་ཡིན། ཐུམ་འབུའི་ནད་འབྱུང་མང་པའི་འབྲོག་ཁུལ་ལ་ལ་རུ་རིམས་འགོག་ཆེད་ལས་པས་ཨ་བྲ་བཤས་ཏེ་རྒྱུ་མའི་ནང་དུ་བལྟས་ན་ཡང་ཐུམ་འབུའི་སྲིན་བུ་མཐོང་རྒྱུ་འདུག་ཟེར་བ་ཐོས་མྱོང་། གནག་མོ་ནོར་དང་གཡང་མོ་ལུག་ནི་ཐུམ་འབུའི་བར་གྱི་རྟེན་ཡུལ་ཡིན། ད་དུང་སྒོ་ཟོག་ཕག་དང་རི་དྭགས་རྩྭ་གཟན་གྱི་རིགས་ཀྱང་ཐུམ་འབུའི་གཞན་རྟེན་སྲིན་བུའི་རྟེན་ས་ཡིན། ཚེར་ཟླུམ་རྒྱུ་སྲིན་ལེབ་མོ་དེ་ཁྱི་ཡི་རྒྱུ་མ་རུ་གཞན་བརྟེན་བྱས་ཏེ་གནས་པ་དང་། ཟུངས་ཤུགས་སྨིན་ནས་འབུ་སྒོང་ཁྱི་སྐྱག་དང་བསྡོངས་ཏེ་ཁྱི་ཡི་ཁོང་ནས་ཕྱིར་འཕུད་པར་བྱེད། ཁྱི་སྐྱག་ལས་བརྡོལ་བའི་ཐུམ་འབུའི་འབུ་སྒོང་དེ་དག་ནོར་གནག་གི་རྩིད་པགས་དང་། ལུག་གི་བལ་པགས། རྟ་དང་བོང་བུའི་སྤུ་པགས།ཁྱིམ་གསོས་བྱི་ལ་དང་སྒོ་ཁྱིའི་སྤུ་པགས་སོགས་སུ་འགོས་ནས་མཆེད་པར་བྱེད་པ་མ་ཟད། ད་དུང་ཁྱི་སྐྱག་དང་འབུ་སྒོང་དེ་ཁྱབ་ཡུལ་གྱི་ཁོར་ཡུག་ལའང་འབོག་བཙོག་ཐེབས་པ་རེད། ཐུམ་འབུའི་ན་ཚ་འགོས་ཕོག་མང་པའི་འབྲོག་ཁུལ་ཁ་ཤས་སུ་འགོས་རིམས་ཆེད་མཁས་པས་བརྟག་པ་ལྟར་ན་ས་དེ་གའི་གྲོ་ལྷས་དང་ནོར་ལྷས་ལུག་ལྷས་བཅས་ཀྱི་ས་ནག་སློགས་ན་ཡང་ཐུམ་འབུའི་འབུ་སྒོང་རྙེད་ཐུབ་པར་འདུག་ཟེར་བ་ཐོས་མྱོང་ཡོད། བདེན་མིན་ཕྱིས་སུ་དཔྱད་བྱ་ཞིག་རེད། དེ་ལྟར་མིས་སྒོ་ཁྱི་ལ་བྱིལ་བྱིལ་བྱེད་པའམ་ཡང་ན་བཏགས་ཁྱི་བཏགས་འདོགས་བྱེད་པ་ལས་ཐུག་རེག་བྱས་པ་བརྒྱུད། སྒོ་ཁྱིའི་སྤུ་པགས་ལ་འགོས་པའི་ཐུམ་འབུའི་འབུ་སྒོང་དེ་མིའི་ལག་པ་དང་མཛུབ་མོ་ལ་ཤེས་མེད་ཚོར་མེད་དུ་འགོས་ཏེ། ལག་པ་མ་བཀྲུས་པར་ཟ་མ་ཟ་བ་སོགས་དང་སྦྲགས་ཏེ་མིའི་ཁ་ནང་དུ་སོང་ནས། ཕོ་ཁ་དང་རྒྱུ་སོར་བཅུ་གཉིས། མཆིན་པའི་རྩ་བོ་ཆེ་བཅས་བརྒྱུད་དེ་མཆིན་པའི་གནས་སུ་སོང་ནས་མཆིན་པའི་ཐུམ་འབུའི་ནད་འབྱུང་བ་མ་ཟད། ད་དུང་གློ་བ་དང་ཀླད་པ་བཅས་སུའང་ཐུམ་འབུའི་ནད་མཆེད་པར་བྱེད། ཁྱི་སྐྱག་ལས་ཐུམ་འབུའི་འབུ་སྒོང་བརྡོལ་བའི་རྩྭ་ཐང་གི་རྫ་ཆུ་དང་གཡའ་ཆུ། ཁྲོན་པའི་ཆུ། གྲམ་ཆུ་བཅས་མིའི་བཏུང་བ་བརྒྱུད་དེ་མི་ལ་འགོས་མཆེད་འབྱུང་། འབྲོག་པའི་རྩྭ་ཐང་དུ་ཁྱི་ལྡོམ་མང་པ་དང་ཁྱི་སྡོམ་དེ་དག་གིས་རྩྭ་ཐང་གི་དྭངས་ཤིང་གཙང་པའི་རྫ་ཆུ་སོགས་སུ་ཁྱི་སྐྱག་བཏང་པ་ལས་ཐུམ་འབུའི་འབུ་སྒོང་ཆུ་རུ་འདྲེས་པ་མིས་བཏུང་པས་ད་གཟོད་མི་ལ་འགོས་མཆེད་འབྱུང་། ནོར་ལུག་གིས་ཐུམ་འབུའི་འབག་བཙོག་ཐེབས་པའི་རྩྭ་ཆུ་རོལ་བ་བརྒྱུད་དེ་འགོ་བ་དང་། ཁྱི་དང་སྤྱང་ཀི་ཝ་བཅས་ཤ་གཟན་རིགས་ཀྱིས་རྟ་ནོར་ལུག་གསུམ་དང་ཨ་བྲ་བྱི་བ་སོགས་ཐུམ་འབུའི་འབུ་སྲིན་འགོས་པའི་རྩྭ་གཟན་གྱི་ནང་ཁྲོལ་དང་མཆིན་པ་གློ་བ་སོགས་ཟོས་པས་ཕན་ཚུན་ལ་འགོ་བ་རེད།གསུམ། སྔོན་འགོག། ༡ ས་གནས་ཀྱི་ནད་རིམས་ཚོད་འཛིན་ལྟེ་གནས་དང་གྲོང་རྡལ་འཕྲོད་བསྟེན་ཁང་། ཁྱད་པར་དུ་སྡེ་བའི་སྨན་པས་རང་རང་ལས་བགོས་ཀྱི་འབྲོག་སྡེ་སོ་སོར་ཐུམ་འབུའི་ན་ཚ་སྔོན་འགོག་གི་ཤེས་བྱ་ནན་ཏན་ངང་གསལ་བསྒྲགས་བྱེད་དགོས། ༢ འབྲོག་ཁུལ་གྱི་སྐྱེས་ཕོ་མོ་ཁ་རྒན་གཞོན་སུ་ཞིག་ཡིན་ཡང་སྒོ་ཁྱི་ལ་ཐུག་རེག་བྱུང་མ་ཐག་ལག་པ་གཙང་མར་བཀྲུ་བ་དང་། བཏགས་ཁྱི་དང་བཏང་ཁྱི་ཧྭ་ཁྱི་གང་ཡིན་ཡང་དེ་དག་གི་ཁྱི་སྐྱག་གང་སར་ཁྱབ་ཏུ་མི་འཇུག་པར་ཆེད་ལས་སྨན་པར་བཀའ་འདྲིའི་སྒོ་ནས་དུག་སེལ་གྱིས་གཏན་འཁེལ་གྱི་ས་གནས་ཤིག་ཏུ་སྦ་བར་བྱེད་དགོས། ༣ རྫ་ཆུ་དང་གྲམ་ཆུ་ཆུ་མིག་གི་ཆུ་སོགས་གང་ལྟར་མིའི་བཏུང་ཆུ་རུ་ཁྱི་ལྡོམ་དང་བཏང་ཁྱིས་ཁྱི་སྐྱག་མི་གཏོང་བར་བྱ་དགོས། ༤ དུས་ལྟར་སྒོ་ཁྱི་ལ་སྲིན་འཇོམ་གསོ་བཅོས་ཆེད་ལས་སྨན་པས་མངག་བཅོལ་ལྟར་བྱེད་དགོས། ༥ སྒོ་ཟོག་ནད་ཅན་གྱི་གློ་མཆིན་སྒོ་ཁྱི་ལ་ཟ་རུ་འཇུག་མི་ཉན། ༦ འབྲོག་ཁུལ་ལ་ལ་ནས་ཤ་རབ་ཅིག་ཟ་ན་རློན་པ་ཟོ་ཞེས་ནོར་ལུག་གི་ཤ་རྗེན་པ་མ་བཙོས་པར་འཁེངས་སུ་བཅུག་ནས་ཟ་བའི་གོམས་གཤིས་མཆིས་པ་དང་། ལྟོས་ས་ལྟོས་འཇོག་གིས་བཤད་ན་ཐུམ་འབུའི་ན་ཚ་འབྱུང་ཡུལ་གཙོ་བོ་ཤ་རྗེན་ཟ་ས་དེ་དག་ཡིན་འདུག་པས།ད་ནས་བཟུང་ཤ་རྗེན་ཟ་བའི་སྲོལ་དེ་དོར་ནས་ཤ་བཙོ་བའི་གོམས་སྲོལ་ཆགས་པར་བྱ་དགོས། ༦ ཡང་འབྲོག་ཁུལ་ཁ་ཤས་སུ་སྡིག་པ་འཛེམས་ནས་ནོར་ལུག་ཤ་ཤེད་ཅན་བཤས་པའི་ཤ་འཚོ་བཅུད་ཅན་མི་ཟ་བར་སྒོ་ཕྱུགས་ནད་ཀྱིས་ཤི་བའི་ཤ་ཟ་མཁན་ཡང་ཤིན་ཏུ་མང་བ་རེད། ཁོ་ཁོས་འདིར་གལ་བོ་ཆེ་ལ་ནན་ཏན་གྱིས་སྨྲ་འདོད་པ་ནི། བཤས་ཤ་འཚོ་བཅུད་ཅན་མི་ཟ་ན། ཤི་ཤ་ཤ་རྗུད་ནད་ཅན་དེ་གཏན་ནས་ཟ་མི་རུང་སྟེ་དེ་ལ་གཅིག་ནས་ལུས་ཟུངས་གསོ་བའི་བཅུད་མེད་པ་ཟད། དེ་ནད་ཤ་ཡིན་པས་དེ་ཟ་མཁན་གྱི་མི་ལ་ཐུམ་འབུའི་ནད་སོགས་འགོ་བ་གོར་མ་ཆག ༧ ལོ་རེ་རེ་བཞིན་ས་གནས་ཚད་ལྡན་སྨན་ཁང་དུ་སོང་ནས་ཐུམ་འབུའི་ན་ཚ་མཆིས་མིན་ལ་བརྟག་དཔྱད་བྱེད་པའི་གོམས་གཤིས་ཆགས་དགོས།

ང་རང་ལོ་ན་བརྒྱད་ལ་སོན་པའི་དུས་དེར། ངས་ད་གཟོད་ཨ་ཕའི་བརྩེ་སེམས་དེ་ཧ་གོ་བ་ཡིན་ལ། ཨ་ཕའི་བརྩེ་སེམས་དེ་ནི་ངེད་མིང་སྲིང་བདུན་གྱི་ནང་ནས་ཆེས་ཟབ་པའི་བརྩེ་བ་ནི་བུ་ཆུང་ང་ལ་ཐོབ་ཡོད་པའང་ཧ་གོ་བ་ཡིན། དེ་ནི་ངས་དང་ཐོག་ཕུ་བོའི་ཁ་ནས་ཐོས་པ་ཡིན་ཏེ། ཕུ་བོས་ངུ་ཤུམ་དང་བཅས་ཨ་མ་ལ་བཤད་རྒྱུར། “ཨ་ཕ་ལ་ངེད་མིང་སྲིང་ཚོར་ཕྱོགས་ཞེན་ཆེ་ཆུང་འདུག། ནུ་བོ་ལ་ཕྱོགས་ཞེན་ཆེ་བ་དེ་འདྲ་ཞིག་ངེད་ཚོ་ལ་མི་འདུག”ཅེས་འཆད་ཀྱིན་པ་སྐབས་ཤིག་ངས་ཐོས་བྱུང་། དྲང་མོར་བཤད་ན་ངེད་མིང་སྲིང་བདུན་གྱི་ནང་ནས། ཨ་ཕས་ཆེས་སྙིང་ཉེ་ཞིང་གཅེས་འཛིན་ཆེ་ས་དེ་ནི་ང་ཡིན་པ་འདྲ་སྟེ། ཨ་ཕ་ནམ་རྒྱུན་རྫོང་ཐོག་དང་དེ་ལས་ཀྱང་ཐག་རིང་གི་ཕྱོགས་ལ་སོང་ནས་ཕྱིར་ཡུལ་ལ་ལོག་སྐབས། ང་ལ་ནམ་རྒྱུན་ཆེས་བཟང་བའི་ལྷམ་དང་གྱོན་པ་སོགས་ཉོས་ནས་ཡོང་བ་ཡིན་ལ། ཐག་ཉེ་སའི་དགོན་པ་དང་གྲོང་ཚོའི་ནང་དུ་སོང་དུས་ཀྱང་ང་རང་ཁྲིད་ནས་མི་འགྲོ་བ་ཆེར་མེད། སྐབས་ཤིག་ཨ་ཕ་དགོན་ནང་ལ་སོང་ནས་ཕྱིར་ཁྱིམ་ལ་ལོག་སྐབས། ཨ་ཕས་ང་ལ་ཀ་ར་འགའ་སྟེར་གྱིན། “བུ་འདི་ཁྱོད་གཅིག་པུས་ཟོ་གཞན་ལ་སྟེར་མི་དགོས”ཞེས་ཟེར་ཀྱིན་ངའི་མགོ་ལ་བྱིལ་བྱིལ་ཞིག་བྱས་པ་དང་། སྲིང་ཆུང་མས་ངའི་ཟུར་ཁ་ནས་ཨ་ཕ་ལ་ཅེར་ནས་ངུ་ཉམས་ཀྱི་བཟོ་ལྟ་ཞིག་ཨ་ཕར་བསྟན་པ་དེ་ཡང་། ད་དུང་ཡང་ངའི་ཡིད་ལ་ཝ་ལེར་ཤར་གྱིན་འདུག།ཨ་ཕ་ནི་ནམ་རྒྱུན་འཛུམ་གྱི་སོ་ཕྲེང་ཕྱི་ལ་མངོན་ནས་འདུག་པར་དགའ་པོ་མེད་པས། ཕུ་བོ་དང་ཨ་ཅེ་གཙོ་བྱས། ཁྱིམ་མཚེས་བྱིས་པ་དེ་དག་ཨ་ཕ་ལ་སྐྲག་ནས་ཨ་ཕའི་ཉེ་ས་ལ་བཏུད་ཐུབ་མཁན་གཅིག་ཀྱང་མེད་ན་ཡང་། ང་ནམ་རྒྱུན་ཨ་ཕའི་ཉེ་ས་ནས་འདུག་རྒྱུར་དགའ་པོ་ཡོད་པས་མ་ཚད། ཨ་ཕའི་ཁྲོ་ཉམས་ཀྱིས་ང་ལ་བལྟས་པ་ཡང་ངའི་ཡིད་ལ་གཅིག་ཀྱང་འཁོར་རྒྱུ་མི་འདུག། གཅིག་བྱས་ན་ཁྲོ་ཉམས་དེ་འདྲ་ཞིག་ཨ་ཕས་ང་ལ་གཏན་དུ་བསྟན་མ་མྱོང་ཡང་སྲིད། ཨ་ཕ་ཁྱིམ་ནས་འདུག་སྐབས། ངས་ནམ་རྒྱུན་ཨ་མས་བསྐོལ་བའི་འོ་ཇ་དེ་ལག་ཏུ་བཟུང་སྟེ། ཨ་ཕ་གར་འགྲོ་གར་སྡོད་ཟུར་ནས་འགྲེངས་ཏེ་ཇ་འདྲེན་པ་ཡིན་པས། ཨ་མས་ནམ་རྒྱུན”གཅེས་ཕྲུག་ཁྱོད་རྗེས་ཕྱོགས་ནར་སོན་པའི་ཚེ་ན་ཕ་མའི་དྲིན་ལན་དྲན་མཁན་ཞིག་ཡིན་ས་འདུག”ཅེས་ཟེར་ནས་བསྟོད་བསྔགས་ཀྱི་མཐེ་བོང་བསྲིངས་པ་ཡིན་ལ། ཡང་སྐབས་རེར”ཁྱོད་ནི་ཁྱོད་ཀྱི་ཨ་ཕའི་རྔ་མ་ཡིན་ནམ། ཁོ་གར་འགྲོ་གར་སྡོད་ལ་ཁྱོད་ཀྱང་རྔ་མ་བཞིན་རྗེས་ལ་འབྱར་ནས་འདུག”ཅེས་ཟེར་ནས་ཁོང་དགོད་ཀྱང་བྱེད་པ་ཡིན། ད་སྐབས་ཕྱིར་འདང་ཞིག་བརྒྱབ་ན། ངས་ཨ་ཕ་ལ་དྲིན་ལན་ཞིག་འཇལ་བ་ནི་ཨ་ཕར་ལྷག་བསམ་རྣམ་དག་གིས་འོ་ཇ་དྲངས་མྱོང་བ་དེ་རེད་འདུག། ཐེངས་བཅུ། ཐེངས་བརྒྱ། དེ་ལས་ཀྱང་ཐེངས་མང་པོ་དྲངས་མྱོང་ཡོད་ཀྱང་སྲིད། དྲང་མོར་བཤད་ན་དེ་དྲིན་ལན་ཞིག་གི་གྲས་སུ་མི་འགྲོ་ཡང་སྲིད་མོད། ང་ལ་མཚོན་ནས་བཤད་ན། དེ་ནི་ཨ་ཕའི་བརྩེ་སེམས་ལ་བཀའ་དྲིན་མཚོན་པའི་དྲིན་ལན་བཟང་པོ་ཞིག་ཡིན་ནམ་སྙམ་བྱུང་། རྒྱུ་མཚན། ངས་ཨ་ཕ་ལ་དྲིན་ལན་དེ་ཡི་བཟང་ཞིག་འཇལ་མ་མྱོང་བས་ཡིན་ཡང་སྲིད།ཨ་ཕ་འདས་ནས་ལོ་འཁོར་བཅུ་ལྷག་སོང་བའི་རིང་ལ། ངས་ཨ་ཕ་ཡིད་ནས་དོར་མྱོང་མེད་ལ། ཨ་ཕས་ང་རང་ཐོག་མར་ཁྲིད་མྱོང་སའི་ས་ཆ་དེ་དག་ཀྱང་ངའི་སེམས་ལ་ཝ་ལེར་ཤར་སོང་། ཨ་ཕས་ང་རང་ཁྲིད་མྱོང་སའི་ས་ཆ་དེ་རུ། ཨ་ཕ་ངེད་གཉིས་ཁོ་ན་ལ་དབང་བའི་ལྷིང་འཇགས་ཀྱི་འཇིག་རྟེན་གཞན་ཞིག་ཡོད། འོན་ཀྱང་། ད་སྐབས་གནས་དེ་རུ་ཨ་ཕའི་མག་མོག་གི་ཕྱིར་དྲན་ཙམ་ལས་ཅི་ཡང་མི་འདུག། ཐ་ན་མག་མོག་གི་ཕྱིར་དྲན་དེ་ཡང་ད་ལྟ་ང་དང་རིང་སར་གྱེས་ཏེ་རབ་རིབ་ཀྱི་སྣང་བ་ཙམ་ལས་ཅི་ཡང་མི་འདུག། ཨ་ཕ་ང་དང་བྲལ་ནས་ལོ་འཁོར་བཅུ་ལྷག་གི་རིང་ལ། ངའི་མི་ཚེའི་ནང་དུ་ཨ་ཕ་དང་འདྲ་བའི་ཚབ་མཚོན་གྱི་མི་སྣ་ཞིག་ངའི་མཐོང་ལམ་དུ་མངོན་མ་མྱོང་ལ། ཐ་ན་ཨ་ཕའི་སྒམ་ཚུགས་ཀྱི་སྤྱོད་པ་དང་། ཐོར་ཅོག་ཏུ་བཞག་པའི་སྐྲ་ཚུགས་འཇོག་སྟངས། དགའ་སྡུག་གི་ཚོར་བ་གཡོ་འགུལ་ཆུང་བ་སོགས་ཀྱང་། ཨ་ཕ་ལགས་ང་དང་ཁ་གྱེས་པ་ནས། ངས་བཟོ་ལྟ་དེ་དག་ལྡན་པའི་སྒམ་ཚུགས་ཀྱི་ཨ་ཕ་ཞིག་ཅིས་ཀྱང་མཐོང་ལམ་དུ་མངོན་ཐུབ་མ་བྱུང་།ད་སྐབས་ཨ་ཕ་ལགས་འཇིག་རྟེན་མི་ཡུལ་དུ་ཡོད་ན། ངའི་འཚོ་བ་ཡང་འདི་འདྲ་ཞིག་ཡིན་སྲིད་དམ། ཨ་ཕས་རེ་འདུན་གང་ཞིག་གི་ཕྱོགས་ལ་མཛུབ་མོ་བཙུགས་ནས་ང་རང་གནས་དེ་རུ་འགྲོ་བཞིན་ཡོད་ངེས། གཅིག་བྱས་ན་ཨ་ཕའི་ལེགས་ལམ་གྱི་རེ་འདུན་དེ་ནི། ང་རང་སློབ་གྲྭ་ཆེན་པོ་ཞིག་ལ་རྒྱུགས་འཕྲོད་རྒྱུ་དེ་ཡིན་ཡང་སྲིད། ངས་ད་སྐབས་རྒྱུགས་འཕྲོད་ནས་ཨ་ཕའི་ཕུགས་བསམ་གྱི་རྨི་ལམ་ཞིག་མངོན་གྱུར་བྱས་ཡོད་ཀྱང་སྲིད། ཡང་ན་དེ་ལས་གཞན་ཞིག་ཨ་ཕས་ང་ལ་རེ་འདུན་ཅི་ཞིག་བཅོལ་ཡོད་སྲིད། ཨ་མའི་རེ་འདུན་དང་འདྲ་བར། ང་རང་སྒམ་ཚུགས་ཀྱི་མི་ཞིག་བྱ་རྒྱུ་ནི་ཨ་ཕའི་རེ་འདུན་ཡིན་ཨང་།མདང་ནུབ་ངའི་རྨི་ལམ་དུ་ཨ་ཕའི་རྒྱབ་གཟུགས་མཐོང་བྱུང་། ཨ་ཕའི་རྒྱབ་གཟུགས་དང་སྐྲ་ལོ་འཇོག་སྟངས་སྔར་བཞིན་སོ་ན་གནས་འདུག། ངས་གནག་ཅིང་སྣུམ་པའི་ཨ་ཕའི་སྐྲ་ལོ་ལ་བྱིལ་བྱིལ་བྱས་པ་རྨིས་སོང་། ཨ་ཕ་འཇིག་རྟེན་དཀར་ངོགས་ན་བཞུགས་དུས། ངས་ཨ་ཕའི་སྐྲ་ལོ་ལ་བྱིལ་བྱིལ་བྱས་མྱོང་མེད། མགོ་བོ་ཨ་ཕའི་བྲང་ཁ་ལ་བཞག་ནས”ཨ་ཕ་ང་ཁྱོད་ལ་དགའ”ཟེར་ནས་བཤད་མྱོང་མེད། རྨི་ལམ་གྱི་ནང་ནས་ངས་ཨ་ཕ་ལ་བཤད་མ་ཐུབ་པའི་སྐད་ཆ་མང་པོ་ཞིག་འཆད་ཀྱིན་པ་རྨིས་བྱུང་། དེའི་ནང་གི་སྐད་ཆ་གཅིག་ནི་འདི་ལྟ་སྟེ། “ཨ་ཕ་ལགས་ད་ནི་ངས་སླར་ཡང་ཁྱེད་རང་འཇིག་རྟེན་འདིར་སྐྱེས་ནས་ང་དང་འདུ་འཛོམས་བྱུང་བར་རེ་མི་ཕོད་ལ། ངེད་མིང་སྲིང་ཚོའི་ཁ་ཟས་རྒྱབ་གོས་ཀྱི་ཆེད་དུ། རང་ཉིད་ནད་ཀྱིས་མནར་ཡང་ཅི་མི་སྙམ་པར་བཞག་པའི་བཟོ་ལྟ་དེ་སླར་ཡང་མཐོང་ན་མི་འདོད། ཨ་ཕ་ལགས་ཁྱེད་རང་བདེ་ལྡན་གང་ཞིག་ནས་ལུས་སེམས་ཀྱི་ངལ་བ་མཐའ་དག་བསལ་ནས་བཞུགས་དགོས་པ་ཡིན་ཏེ། ཁྱེད་ཉིད་འཇིག་རྟེན་དཀར་ངོགས་སུ་བཞུགས་དུས། ངེད་མིང་སྲིང་ཚོའི་ཆེད་དུ་བློས་བཏང་བྱས་པ་མང་དྲགས་སོང་། མང་དྲགས་པས་གདོས་བཅས་ཀྱི་ཕུང་པོ་ལ་ཡང་དྲག་སྐྱེད་མི་ཐུབ་པའི་ནད་ཀྱིས་བཟུང་བ་མ་ཡིན་ནམ། ད་ནི་ཁྱེད་རང་སླར་ཡང་འཇིག་རྟེན་འདིར་མ་ཡོང་རོགས། ལན་ལ་མི་རེ་བའི་བུ་ཕྲུག་གི་ཆེད་དུ་འཁོར་བའི་ཁྲི་མུན་ལ་སླར་ཡང་མ་ལྕེབས་རོགས།”ཞེས་རྨི་ལམ་གྱི་ནང་གི་ཨ་ཕའི་གདོང་ལ་བལྟས་ནས་དེ་ལྟར་བཤད་པ་ཡིན། འོན་ཀྱང་ཨ་ཕས་ངས་བཅོལ་བའི་རེ་འདུན་ལ་ཡ་ལན་གང་ཡང་མ་གནང་བར་ང་ལ་འདི་ལྟར་བཤད་སོང་།“བུ་ཆུང་ཁྱོད་ཉིད་རྨི་ལམ་ལས་སད་དུས་ཨ་ཕ་ཁྱོད་དང་གཏན་དུ་བྲལ་འགྲོ། མ་གཞི་འཚོ་བ་ནི་རྨི་ལམ་དང་འདྲ་བས། ཡོད་ཚད་སྐད་ཅིག་གིས་ཡལ་འགྲོ། ནང་སེམས་ལ་རེ་དོགས་ཀྱི་སྨུག་སྤྲིན་ཅི་ཙམ་མང་ན། བདེ་སྐྱིད་ཀྱི་སྣང་བའང་དེ་ཙམ་གྱིས་བསལ་འགྲོ། ཁྱེད་རང་རང་གི་སེམས་པ་ལས་རྣམ་པར་རྒྱལ་དགོས། དེ་ནི་ཨ་ཕ་ངའི་སྙིང་གཏམ་ཡིན” ཞེས་བཤད་བྱུང་།ཨ་ཕ་ལགས་འཇིག་རྟེན་མི་ཡུལ་དང་གྱེས་ཏེ་དམིགས་པ་བདེ་ཞིང་ལ་གཏད་ནས་རིང་ཞིག་འགོར་ཡང་། ཨ་ཕ་ལགས་ཀྱིས་ད་དུང་ཡང་། ཐལ་རྡུལ་གྱི་འཁོར་བའི་ཀློང་ན་མཆིས་པའི་བུ་ཆུང་ངའི་སེམས་པ་རྟོགས་ཀྱིན་འདུག། རེ་དོགས་ཁྲི་ཕྲག་གིས་བཙིར་བའི་ངའི་སེམས་པ་འདི་སྐྱོ་སྣང་གི་འོབས་སུ་ལྷུང་བའང་ཧ་གོ་བཞིན་འདུག། ཨ་ཕ་ལགས་ང་དང་གཏན་དུ་གྱེས་རྗེས། ང་ནི་གཤོག་ཡ་ཆད་པའི་བྱིའུ་ཞིག་དང་མཚུངས། ཁེར་རྐྱང་གི་གཟེབ་ཏུ་ལྷུངས་ཏེ། ཤིན་ཏུ་འཁྱག་པའི་འཚོ་བ་རེ་རེ་ལ་རང་ཉིད་ཀྱི་ངོ་གདོང་འཁྱག་པ་དེ་བརླན་དགོས་ཐུག་སོང་། ཨ་ཕས་ངའི་ན་ཚོད་ཀྱི་བསམ་པའི་དགའ་སྐྱོ་དག་མཐོང་བས། ང་ལ་ལེགས་ལམ་གྱི་ཁ་ཕྱོགས་བསྟན་བྱུང་། དེ་ནི”ཡོད་ཚད་རྨི་ལམ་དང་མཚུངས་པས་ཡིད་རྟོན་མ་བྱེད”ཅེས་པ་དེའོ། ། དེ་ནི་ཡ་ཧུ་དཱ་པའི་རྒྱལ་པོ་སོ་ལོ་མོན་མཆོག་གི་ཁྱད་པར་གྱི་མཛུབ་དཀྲིས་སྟེང་དུ་བྲིས་པའི”ཡོད་ཚད་འདས་འགྲོ”ཞེས་པའི་ཚིག་གཅིག་བརྐོས་ཡོད་པ་དེ་དང་ནང་དོན་ཤིན་ཏུ་མཚུངས་པོ་འདུག་གོ།

རྩོམ་སྒྲིག སངས་དོན། ཡོང་ཁུངས། མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།ཁ་ལ་གཞས་ལེན་ན་ལ་གཞས་ལེན།ཁ་ལ་གཞས་མཐོན་པོ་སྒང་ནས་ལེན།།ཟླ་དྲུག་པ་ཨ་སྔོན་གནམ་སྔོན་རེད།།འབུ་བུང་བས་སྙན་དབྱངས་སྒྲོག་དུས་རེད།།བུ་བུ་མོའི་སྣང་བ་སྐྱིད་དུས་རེད།།... ... ... ... ... ... ...སྤྱི་ཟླ6པའི་ཚེས28ཉིན་ནས་སྤྱི་ཟླ7པའི་ཚེས3ཉིན་བར་ཞིང་ཆེན་ཡོངས་ཀྱི་ལ་གཞས་འགྲན་སྡུར་ཆེན་མོ་སྐབས8པ་དེ་མཚོ་བྱང་ཁུལ་མདའ་བཞི་རྫོང་སྨོན་ལམ་མཐོན་པོ་སྒར་འདེབས་རྟེན་གཞི་ནས་འཚོག་རྒྱུ་ཡིན་པས་ཕྱོགས་ཡོངས་ཀྱི་གླུ་བ་གླུ་མ་དང་རྒྱ་ཆེའི་ལྟ་མཁན་རྣམས་དུས་ལྟར་ཕེབས་པར་དགའ་བསུ་ཞུ།། སྐབས་སྔོན་མ། སོ་བལ་རྗེས་ཤུལ་སྟོང་བར་བསྐྱུར་ན་མི་བཟང་། སྐབས་རྗེས་མ། མེད།

རྩོམ་སྒྲིག དོན་འགྲུབ་མཚོ། ཡོང་ཁུངས། འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས། བཤེར་འབེབས། རིན་ཆེན་ཚེ་རིང་།ལོ་ཇེ་ཆེར་ཕྱིན་པ་དང་འགྲོགས་ནས། ང་ཚོ་རྒྱུ་རྐྱེན་སྣ་ཚོགས་ལ་རྐྱེན་བྱས་ཏེ་སོ་འབལ་དགོས་པའི་གནས་ཚུལ་ལ་འཕྲད་སྲིད། འོ་ན་སོ་བལ་རྗེས་ཇི་ལྟར་བྱས་ན་འགྲིག་གམ། སྨན་པས་ནམ་རྒྱུན་ནད་པར་སོ་ཤུལ་གསབ་དགོས་པར་བསྐུལ་ནའང་། མི་མང་པོ་ཞིག་གིས་རྒྱུ་རྐྱེན་སྣ་ཚོགས་ལ་རྐྱེན་བྱས་ཏེ་སོ་ཤུལ་སྟོང་བར་བསྐྱུར་སྲིད། དུས་ཡུན་རིང་བོར་སོ་ཤུལ་སྟོང་བར་བསྐྱུར་ན་གནོད་པ་གང་དག་ཡོད་དམ། ང་ཚོས་རེ་རེ་བཞིན་རྒྱུས་ལོན་ཞིག་བྱ།01 སོ་གཞན་དག་གི་གནས་ས་འཆོལ་འགྲོ་ངེས། སོ་ཤུལ་སྟོང་བའི་གཡས་གཡོན་གྱི་སོ་རྣམས་སོ་ཤུལ་སྟོང་བའི་ཕྱོགས་སུ་ནུར་ཏེ་སོ་ཕྲེང་གྲལ་མི་འགྲིག་པར་འགྱུར་ངེས། 02 ཁ་གཏད་ཀྱི་སོ་ཇེ་རིང་ལ་འགྲོ་ངེས། སོ་ཤུལ་སྟོང་བའི་ཁ་གཏད་ཀྱི་ཡ་སོ་དང་མ་སོ་གང་རུང་ཇེ་རིང་དུ་སོང་སྟེ་སོ་འདེབས་པར་ཤུགས་རྐྱེན་ཐེབས་ངེས།03 ཟས་ལྡད་པར་ཤུགས་རྐྱེན་ཐེབས་ངེས། སོ་ཤུལ་སྟོང་བ་མང་དྲགས་ན་ཟས་ལྡད་པར་ཤུགས་རྐྱེན་མངོན་གསལ་ཐེབས་ངེས།04 སོ་ཚང་རུས་པ་ཤ་གསེང་ལ་ཐིམ་ངེས། ཡུན་རིང་བོར་སོ་ཤུལ་སྟོང་བར་བསྐྱུར་ན་སོ་ཚང་རུས་པར་ལུས་ཁམས་རང་བཞིན་གྱི་ཟུག་སློང་འབྱུང་མི་ཐུབ་པས། ཡུན་རིང་འགོར་ན་སོ་ཚང་རུས་པ་ཤ་གསེང་ལ་ཐིམ་སྟེ་མེད་པར་འགྱུར་ངེས་ལ། དེ་ལྟར་གྱུར་ན་སོ་གཞན་རྣམས་ཀྱང་འཐོར་སླ་བ་ཡིན། 05 མཛེས་པར་གནོད་པ། དུས་ཡུན་རིང་བོར་གཞོགས་གཅིག་གི་སོ་ཡིས་ཟས་ལྡད་དེ། གཞོགས་གཅིག་ཡོངས་སུ་མ་སྤྱད་ན་དུས་རྒྱུན་སྤྱད་པའི་གཞོགས་དེའི་ཤ་གནད་དེ་ཅིག་ཤས་ལས་རྒྱས་དྲགས་ཏེ། ངོ་གདོང་ཆ་མི་འགྲིག་པར་གྱུར་ནས་མཛེས་པར་གནོད་ངེས། 06 བདེ་ཐང་ལ་གནོད་པ། སོ་ཤུལ་སྟོང་བ་ནས་ཕྲ་སྲིན་འཚར་སྐྱེ་དང་རྒྱུད་སྤེལ་བྱེད་སླ་བར་མ་ཟད། དེ་རུ་ཟ་མ་ལྡད་པའི་སྙིགས་རོ་སྤུངས་སླ་བས། སོ་རྙིལ་གཉན་ཚད་དང་སོ་འཁོར་གཉན་ཚད་སོགས་བསྐྱེད་དེ་སོ་ཡི་བདེ་ཐང་ལ་གནོད་པ་ཐེབས་ངེས། སྐབས་སྔོན་མ། ཧོ་ནན་གྱི་གྲང་འཁྱག་རླངས་འཁོར་གཅིག་གིས་སྒྲིག་འགལ་བྱས་པས་མི8རྐྱེན་ལམ་དུ་ཤོར་འདུག སྐབས་རྗེས་མ། “མཚོ་སྔོན་པོ་སྨོན་ལམ་མཐོན་པོ”རྟགས་མའི་སྡེ་ཆེན་རྩེད་རའི་ཞིང་ཆེན་ཡོངས་ཀྱི་ལ་གཞས་འགྲན་སྡུར་སྐབས་བརྒྱད་པ་སྨོན་ལམ་མཐོན་པོ་སྒར་འདེབས་རྟེན་གཞི་ནས་འཚོག་རྒྱུ་རེད།

འཛམ་གླིང་འབྲས་སྐྲན་ཞིབ་འཇུག་ཐེབས་རྩ་ལྷན་ཚོགས་པ་དང་ཨ་མེ་རི་ཁའི་འབྲས་སྐྲན་ཞིབ་འཇུག་སའོ་ཡིས་བསྒྲགས་པའི《བཟའ་བཏུང་དང་འཚོ་བཅུད། ལུས་ཕུང་སྦྱོང་བརྡར་བཅས་དང་འབྲས་སྐྲན་སྔོན་འགོག་ཐད་ཀྱི་འཛམ་གླིང་ཡོངས་ཀྱི་སྙན་ཞུ》ནི་ཞིབ་འཇུག་པ་མང་པོས་ཞིབ་འཇུག་བྱས་པའི་འབྲས་བུ་ཡིན་ལ། ཚོད་ཞུགས་མི་སྣ་བྱེ་བ་ལྔ་དང་ས་ཡ་གཅིག (དེའི་ཁྲོད་འབྲས་སྐྲན་གྱི་ནད་པ་ཁྲི350ཡོད)དང་འབྲེལ་ཡོད། ཆེད་མཁས་པས་བཤད་པ་ལྟར་ན། གལ་ཏེ་མི་རྣམས་ཀྱིས་འཚོ་བ་རོལ་སྟངས་བསྒྱུར་ཏེ། འབྲས་སྐྲན་གྱི་འབྱུང་རྐྱེན་འདི་དག་དང་གཡོལ་ཐུབ་ཚེ། 30%ནས50%ཡི་འབྲས་སྐྲན་སྔོན་འགོག་བྱེད་ཐུབ།གཅིག ལུས་པོ་ལྗིད་དྲགས་པ་དང་ཚོ་དྲགས་པ།《སྙན་ཞུ》ལས་བསྟན་དོན། ལུས་པོ་ཚོ་དྲགས་ན་ཆེས་ཉུང་མཐའ་ཡང་འབྲས་སྐྲན་ནད་རིགས་བཅུ་འབྱུང་བའི་ཉེན་ཁ་ཇེ་ཆེར་འགྲོ་བ་སྟེ། དཔེར་ན་མིད་པའི་འབྲས་སྐྲན་དང་ཕོ་བའི་འབྲས་སྐྲན། མཆིན་པའི་འབྲས་སྐྲན། མཁལ་མའི་འབྲས་སྐྲན། རྒྱུ་མའི་འབྲས་སྐྲན། བསམ་སེའུ་འབྲས་སྐྲན་སོགས་འབྲས་སྐྲན་གྱི་རིགས་མང་པོ་ཞིག་ལུས་པོར་ཚོ་རྒྱས་པ་དང་འབྲེལ་བ་དམ་པོ་ཡོད་མོད། འོན་ཀྱང་ནུ་མའི་འབྲས་སྐྲན་གྱི་འབྱུང་ཚད་ནི་དེ་དག་དང་ཅུང་ཙམ་མི་མཐུན་པ་རེད། ཞིབ་འཇུག་ལས་མངོན་པ་ལྟར་ན། ཨ་མའི་མངལ་ལས་སྐྱེ་དུས་ལུས་པོའི་ལྗིད་ཚད་ཇི་ལྟར་མཐོ་ན། ནུ་མའི་འབྲས་སྐྲན་འབྱུང་ཚད་དེ་ལྟར་མཐོ་ལ། ན་གཞོན་གྱི་སྐབས་སུ(ལོ18ནས30བར)ལུས་པོར་ཚོ་ཅུང་ཙམ་རྒྱས་ན་ནུ་མའི་འབྲས་སྐྲན་འབྱུང་ཚད་དེ་ལས་ལྡོག་སྟེ་ཇེ་དམའ་རུ་འགྲོ་བ་རེད།ཀྲུང་གོ་ཞིང་ལས་སློབ་ཆེན་བཟའ་བཏུང་ཚན་རིག་དང་འཚོ་བཅུད་བཟོ་འགོད་སློབ་གླིང་གི་དགེ་རྒན་ཆེན་མོ་ཧྥན་ཀྲི་ཧང་གིས་བཤད་རྒྱུར། ཞིབ་འཇུག་འདིའི་མཇུག་འབྲས་ནི་གནས་ལུགས་དང་མཐུན་པ་ཞིག་རེད། ལུས་པོའི་ལྗིད་ཚད་ཀྱིས་མོ་གཤིས་སྐུལ་རྩིའི་ཟགས་ཐོན་ལ་ཤུགས་རྐྱེན་ཐེབས་པ་དང་། མོ་གཤིས་སྐུལ་རྩི་ནི་ནུ་མའི་འབྲས་སྐྲན་དང་འབྲེལ་བ་དམ་པོ་ཡོད། མོས་ན་གཞོན་བུད་མེད་རྣམས་ལ་དྲན་སྐུལ་བྱས་པ་སྟེ། ན་གཞོན་གྱི་སྐབས་སུ་འཚོ་བཅུད་ཀྱིས་མ་འདང་ན་བརྗེ་ཚབ་འཁྲུགས་པའི་མཇུག་འབྲས་ངན་པ་འབྱུང་ངེས་པས།རྨོངས་ཚོད་ཀྱིས་ཚོ་བྱང་དུ་འཇུག་མི་རུང་ལ། ནུ་མའི་འབྲས་སྐྲན་འགོག་ཆེད་ཚོ་རྒྱས་སུའང་འཇུག་མི་རུང་། ལུས་པོ་ཚོ་དྲགས་ནའང་དེ་བཞིན་དུ་བདེ་ཐང་ཐད་ཀྱི་གནད་དོན་གཞན་དག་འབྱུང་ངེས་པས། བུད་མེད་རྣམས་ཀྱིས་ལུས་པོའི་ལྗིད་ཚད་ལ་ཚོད་འཛིན་བྱེད་དགོས།གཉིས། ཆང་འཐུང་བ།ཁ་སྦུག་གི་འབྲས་སྐྲན་དང་མིད་པའི་འབྲས་སྐྲན། ཕོ་བའི་འབྲས་སྐྲན། མཆིན་པའི་འབྲས་སྐྲན། རྒྱུ་མའི་འབྲས་སྐྲན། ནུ་མའི་འབྲས་སྐྲན་སོགས་ཀྱི་འབྲས་སྐྲན་རིགས་དྲུག་གི་འབྱུང་རྐྱེན་ནི་ཆང་འཐུང་བ་དང་འབྲེལ་བ་དམ་པོ་ཡོད། ཝུ་ཆང་དང་རྒུན་ཆང་། ཆང་དཀར་སོགས་དང་གཞན་ད་རུང་ཆང་བཅུད་འདུས་པའི་སྐོམ་ཆུ་གང་ཞིག་ཡིན་རུང་འབྲས་སྐྲན་འབྱུང་བར་ཐེབས་པའི་ཤུགས་རྐྱེན་ནི་གཅིག་མཚུངས་ཡིན། མི་ཁ་ཤས་ཤིག་གིས་ཉིན་རེར་ཆང་ཉུང་ཙམ་རྒྱུན་མ་ཆད་པར་འཐུང་ན་མཁམ་མའི་འབྲས་སྐྲན་འབྱུང་བའི་ཚད་ཇེ་དམའ་རུ་འགྲོ་བར་བཤད་མོད། འོན་ཀྱང་པེ་ཅིན་སློབ་ཆེན་སྨན་ཁང་དང་པོའི་གཅིན་ཟགས་ཕྱི་བཅོས་ཚན་ཁག་གི་ཀྲུའུ་རེན་གཞོན་པ་ཀྲའོ་ཀྲེང་གིས་དེ་ཁས་མི་ལེན་པ་རེད། ཁོས་བཤད་རྒྱུར། ནད་ཐོག་ལག་ལེན་ཁྲོད་ཆང་འཐུང་ན་མཁའ་མའི་འབྲས་སྐྲན་འགོག་ཐུབ་པའི་གནས་ཚུལ་དང་འཕྲད་མ་མྱོང་ལ། དེ་ལས་ལྡོག་སྟེ་ཆང་བཅུད་ཀྱི་གཅིན་འབེབ་བྱེད་ནུས་ཀྱིས་མཁལ་མས་རྒྱུན་ལྡན་ངང་ལུས་གཤེར་འཁོར་རྒྱུག་བྱེད་དུ་འཇུག་པར་ཤུགས་རྐྱེན་བཟོས་ཏེ། ལུས་སྟེང་གི་གློག་འབྱེད་རྫས་དོ་མཉམ་ཡོང་བར་གནོད་འཚེ་ཐེབས་པ་རེད། དེ་བས་དུས་རྒྱུན་གྱི་འཚོ་བའི་ཁྲོད་ཆང་མི་འཐུང་བ་དང་ཡང་ན་ཉུང་འཐུང་བྱེད་རྒྱུ་ནི་ཤིན་ཏུ་གལ་ཆེའོ། །གསུམ། ལས་སྣོན་བྱས་པའི་ཤ་བཟའ་བ།“ཀོང་ཏུང་གི་ཉ་ཚྭ་བྲོ”ནི《སྙན་ཞུ》ལས་སྣ་གྲེ་འབྲས་སྐྲན་གྱི་འབྱུང་རྐྱེན་དང་འབྲེལ་བ་དམ་པོ་ཡོད་པར་བཤད་ཡོད་པ་བཞིན། ཕག་ཤ་བསྙལ་མ་དང་ཕག་ཤའི་ཤ་རྒྱུ་སོགས་ནི་རྒྱུ་མའི་འབྲས་སྐྲན་དང་ཕོ་བའི་འབྲས་སྐྲན། གཤེར་མའི་འབྲས་སྐྲན་སོགས་ཀྱི་འབྱུང་རྐྱེན་གཙོ་བོར་གྱུར་ཡོད། དེ་བས་ལས་སྣོན་བྱས་ཡོད་པའི་ཤའི་རིགས་ཆེས་བཟང་ན་མི་བཟའ་བ་དང་ཡང་ན་ཉུང་བཟའ་བྱེད་དགོས། དེ་ལས་གཞན་ད་རུང་ཤ་གཙང་མའི་རིགས(སྐམས་ཤ་དང་ལུག་ཤ་ལྟ་བུ)ཀྱིས་ཀྱང་ཕོ་བ་དང་རྒྱུ་མའི་འབྲས་སྐྲན་གྱི་འབྱུང་ཚད་ཇེ་མཐོར་གཏོང་ངེས་པས། ཉིན་རེར་ཤའི་རིགས་ཁེ75ཡན་བཟའ་མི་རུང་ལ། ཤའི་རིགས་ཀྱི་བཟའ་ཚད་ཇེ་ཉུང་དུ་བཏང་ནས། སྒོ་ངའི་རིགས་དང་ཆུ་ཐོན་དངོས་པོའི་རིགས་ཟོས་ཏེ་སྤྲི་དཀར་ཁ་སྣོན་བྱས་ཆོགབཞི། ཁ་གསབ་རྫས་བཟའ་བ།《སྙན་ཞུ》ལས་བསྟན་དོན། ཉིན་རེར་ཐ་མག་རྐང20ཡན་འཐེན་པའི་མིས་གལ་ཏེ་ལ་སེར་གྱི་བཅུད་ཁ་སྣོན་བྱས་ན། གློ་བའི་འབྲས་སྐྲན་འབྱུང་བའི་ཉེན་ཁ25%ཇེ་མཐོར་གཏོང་ཐུབ་པ་དང་། ཉིན་རེར་ཆང་བཅུད་ཁེ11ཡན་འཐུང་བའི་མིས་གལ་ཏེ་ལ་སེར་གྱི་བཅུད་ཁ་གསབ་བྱས་ན། གློ་བའི་འབྲས་སྐྲན་འབྱུང་བའི་ཚད་ཇེ་མཐོར་འགྲོ་བ་རེད། ཞིབ་འཇུག་དེ་ལས་ང་ཚོས་ཤེས་ཐུབ་པ་ནི། དམིགས་བསལ་མི་ཚོགས་ཀྱིས་ལ་སེར་གྱི་བཅུད་ཁ་གསབ་བརྒྱབ་ན་ཕན་པ་མེད་པའི་ཁར། ད་རུང་འབྲས་སྐྲན་གྱི་འབྱུང་ཚད་ཇེ་མཐོར་འགྲོ་བ་རེད། མདོག་རྒྱུ་ནག་པོའི་སྐྲན་གྱི་འབྱུང་རྐྱེན་ཡང་ཁ་གསབ་རྫས་ལ་འབྲེལ་བ་ཡོད།ཧྥན་ཀྲི་ཧང་གིས་གསར་འགོད་པར་བཤད་རྒྱུར། ལ་སེར་གྱི་བཅུད་འཐུང་ན་འབྲས་སྐྲན་འབྱུང་བའམ་ཡང་ན་སྔོན་འགོག་བྱེད་པའི་ཐད་བཤད་ཚུལ་མི་མཐུན་པ་མང་པོ་ཡོད། ཕྱོགས་གཅིག་ནས་བཤད་ན། ལ་སེར་གྱི་བཅུད་ནི་དབྱང་འགྱུར་འགོག་རྫས་ཡིན་པས། ཕྲ་ཕུང་ལ་གནོད་འཚེ་ཐེབས་ཚད་ཇེ་ཉུང་དུ་བཏང་སྟེ། འབྲས་སྐྲན་སྔོན་འགོག་བྱེད་ཐུབ་པ་དང་། ཡང་ཕྱོགས་གཞན་ཞིག་ནས་བཤད་ན། ལ་སེར་གྱི་བཅུད་འཐུང་ན་པགས་པའི་འབྲས་སྐྲན་སོགས་ཀྱི་ནད་རིགས་ཁ་ཤས་ཀྱི་འབྱུང་ཚད་ཇེ་མཐོར་གཏོང་སྲིད་པ་ཞིབ་འཇུག་ལས་གསལ་པོར་བསྟན་ཡོད། དེ་བས་མི་རྣམས་ཀྱིས་ཁ་གསབ་རྫས་བསྟེན་སྐབས་མཉམ་འཇོག་བྱེད་དགོས་པ་དང་། ཟས་རིགས་ཀྱིས་ལུས་ཕུང་གསོ་བ་ནི་སྨན་རྫས་ཀྱིས་གསོ་བ་ལས་ལྡབ་འགྱུར་གྱིས་བཟང་བ་ཤེས་དགོས། སྤྱིར་སྔོ་ཚོད་སོགས་ཀྱི་རང་བྱུང་ཟས་རིགས་ཁྲོད་ལ་སེར་གྱི་བཅུད་མང་པོ་འདུས་པས། སྨན་འཐུང་ནས་ཁ་སྣོན་བྱེད་དགོས་དོན་གཏན་ནས་མེད་དོ། །ལྔ། སེན་འདུས་པའི་ཆུ་འཐུང་བ།《སྙན་ཞུ》ལས་བསྟན་དོན། དུས་ཡུན་རིང་པོར་སེན་འདུས་པའི་ཆུ་འཐུང་བའམ་ཡང་ན་ཆུ་དེའི་རིགས་བཀོལ་སྤྱོད་བྱས་ན། གློ་བའི་འབྲས་སྐྲན་དང་མཆིན་པའི་འབྲས་སྐྲན། པགས་པའི་འབྲས་སྐྲན། ལྒང་བུའི་འབྲས་སྐྲན་སོགས་འབྱུང་བའི་ཉེན་ཁ་ཆེན་པོ་ལྡན། སེན་ནི་ལྕགས་རིགས་ཀྱི་མ་རྒྱུ་ཞིག་ཡིན་ལ། དེའི་དབྱང་འགྱུར་རྫས་ནི་ཀུན་ལ་ཆ་རྒྱུས་ཡོད་པའི་ཕེ་ཧྲུང་ཡིན། དེང་སྐབས་རྒྱལ་ཁབ་མང་པོ་ཞིག་སེན་གྱི་སྦགས་བཙོག་ཐེབས་པའི་གནད་དོན་དང་འཕྲད་ཡོད། རང་རྒྱལ་གྱི་ཞིན་ཅང་དང་ནང་སོག ཧྲན་ཞི་སོགས་ཀྱི་ས་ཆ་ནི་སྦགས་བཙོག་ཐེབས་ཚད་ཆེས་མཐོ་ས་ཡིན། ལྟོས་བཅས་ཀྱིས་བཤད་ན། རང་རྒྱལ་གྲོང་ཁྱེར་གྱི་འཐུང་ཆུ་ལ་སེན་གྱི་སྦགས་བཙོག་ཐེབས་ཚད་ཉུང་མོད། འོན་ཀྱང་རྒྱ་ཆེའི་ཞིང་སྡེ་ས་ཁུལ་གྱི་འཐུང་ཆུའི་བདེ་འཇགས་ལ་མཐོང་ཆེན་བྱེད་དགོས། ཞིང་སྡེ་ས་ཁུལ་གྱིས་ལུགས་མཐུན་མིན་པའི་སྒོ་ནས་ཞིང་ནང་དུ་རྫས་ལུད་གཏོར་བའི་དབང་གིས་ས་གཞི་ལ་སྦགས་བཙོག་ཐེབས་པ་དང་དེ་ནས་ས་འོག་གི་ཆུ་ལ་སྦགས་བཙོག་ཐེབས་པ་རེད།དྲུག ཐ་མག་འཐེན་པ།《སྙན་ཞུ》ལས་བསྟན་དོན། ཐ་མག་འཐེན་པ་ནི་ཕལ་ཆེར་འབྲས་སྐྲན་ཡོངས་ཀྱི་འབྱུང་རྐྱེན་དུ་གྱུར་ཡོད། ཞི་ཨན་འགྲིམ་འགྲུལ་སློབ་ཆེན་ཟུར་གཏོགས་སྨན་ཁང་དང་པོའི་སྐྲན་ནད་ཚན་ཁག་གི་ཀྲུའུ་རེན་གཞོན་པ་ཝང་ཅན་ཧྲིན་གྱིས་བཤད་རྒྱུར། ཐ་མག་འཐེན་པ་ཡིས་ལུས་པོར་ཐེབས་པའི་གནོད་འཚེ་ནི་ཧ་ཅང་མངོན་གསལ་རེད། དེས་ཐད་ཀར་དང་ཡང་ན་གཞན་བརྒྱུད་ཀྱི་སྒོ་ནས་ཕྲ་ཕུང་ལ་འགྱུར་ལྡོག་བཟོ་པས། འབྲས་སྐྲན་གྱི་ནད་འབྱུང་བའི་ཉེན་ཁ་ཇེ་མཐོར་གཏོང་བ་རེད། ཐ་མག་བཅད་ན་ད་རུང་སྙིང་ནད་དང་ཀླད་པའི་གཟའ་གྲིབ་སོགས་ཀྱི་ནད་འབྱུང་བའི་ཉེན་ཁའང་མངོན་གསལ་གྱིས་ཇེ་དམའ་རུ་འགྲོ་བ་ཡིན་ནོ། །རྩོམ་སྒྲིག་པ། འབྲུག་མོ།

ཁ་དཔེར་ལ།ཉིན་རེར་སིལ་ཏོག་ཀུ་རེ་གཅིག་རེ་ཟོས་ན་སྨན་པ་འཚོལ་མི་དགོས་ཞེས་བདེ་ཐང་ལ་ཕན་པའི་སྐད་ཆ་ཞིག་བཤད་སྲོལ་ཡོད། ཞིབ་འཇུག་གསར་ཤོས་ཤིག་ལས་ཤེས་རྟོགས་བྱུང་བར་གཞིགས་ན། ཁྲག་ཤེད་མཐོ་བའི་ནད་པའི་ངོས་ནས་བརྗོད་ན། སིལ་ཏོག་རིགས་གཉིས་མང་ཙམ་ཟོས་ན་ཁྲག་ཤེད་མཐོ་བའི་ཉེན་ཁ་ཆུང་དུ་འགྲོ་ཐུབ་ཀྱི་ཡོད་པ་ཤེས་ཡོད། 2024ལོར་ཏ་ལེན་གསོ་རིག་སློབ་ཆེན་གྱི་ཞོར་གཏོགས་སྨན་ཁང་གཉིས་པ་སོགས་སྒྲིག་གཞི་མང་པོའི་ཞིབ་འཇུག་མི་སྣས་《འཚོ་བཅུད་རིག་པའི་མདུན་ལམ》ཞེས་པའི་དུས་དེབ་ཐོག་བཀོད་པའི་ཞིབ་འཇུག་ཅིག་ལས་ཤེས་རྟོགས་བྱུང་བ་ལྟར་ན། སིལ་ཏོག་ངང་ལག་དང་ཀུ་ཤུ་མང་ཙམ་ཟོས་ན་ཁྲག་ཤེད་མཐོ་བའི་ནད་པའི་རྐྱེན་ངན་གྱི་ཉེན་ཁ་ཇེ་ཆུང་དུ་གཏོང་ཐུབ་པ་དང་། སིལ་ཏོག་རིགས་གཉིས་མཉམ་དུ་ཟོས་ན་ལྷག་པར་ཕན་ཐོགས་ཆེ་བ་ཤོས་ཡོད་པ་རེད།ཞིབ་འཇུག་དེ་ནི་ཨ་རིའི་རྒྱལ་ཁབ་ཀྱི་བདེ་ཐང་དང་འཚོ་བཅུད་ཞིབ་བཤེར་བརྟག་དཔྱད（NHANES）གཞི་གྲངས་མཛོད་ནང་གི་ཁྲག་ཤེད་མཐོ་བའི་ནད་པ་2480ལ་གཞིགས་ནས་ལོ་10ཡི་རིང་རྗེས་འདེད་འདྲི་གཅོད་ཞིབ་འཇུག་བྱས་པ་ལས་ཤེས་རྟོགས་བྱུང་བ་ཞིག་རེད། ཞིབ་འཇུག་དང་འབྲེལ་བའི་སིལ་ཏོག་ལ་ཀུ་ཤུ་དང་། ལི། ངང་ལག པོ་ལོ་དང་རྒུན་འབྲུམ་བཅས་འདུས་ཡོད། ཞིབ་ཕྲའི་གནས་ཚུལ་ཐོག་ནས་བཤད་ན། ཀུ་ཤུ་ཟ་རྒྱུ་ཉུང་ཉུང་ཡིན་པའི་མི་དང་བསྡུར་ན། གཟའ་འཁོར་རེར་ཀུ་ཤུ་ཐེངས་3ནས་6བར་ཟོས་ན་ཁྲད་ཚད་ཀྱིས་འཚི་བའི་ཉེན་ཁ་40%ཇེ་དམའ་རུ་འགྲོ་བ་དང་འབྲེལ་བ་ཡོད། ངང་ལག་ཟ་རྒྱུ་ཉུང་བའི་མི་དང་བསྡུར་ན། གཟའ་འཁོར་རེར་ངང་ལག་ཐེངས་3ནས་6བར་ཟོས་པའི་མི་དང་བསྡུར་ན། ཁྲད་ཚད་ཀྱི་འཆི་ཉེན24%ཇེ་དམའ་རུ་སོང་བ་དང་འབྲེལ་བ་ཡོད། ངང་ལག་དང་ཀུ་ཤུ་ཟ་རྒྱུ་ཤིན་ཏུ་ཉུང་བའི་མི་དང་བསྡུར་ན། གཟའ་འཁོར་རེར་ངང་ལག་དང་ཀུ་ཤུ་ཐེངས་3ནས་6བར་ཟ་བའི་མི་དང་བསྡུར་ན་ཁྲད་ཚད་ཀྱི་འཆི་ཉེན43%ཇེ་ཆུང་དུ་ཕྱིན་པ་དང་འབྲེལ་བ་ཡོད་པ་རེད། གཞན་ཡང་ལི་དང་། པོ་ལོ། རྒུན་འབྲུམ་བཅས་ཟ་བ་དེ་ཁྲག་ཤེད་མཐོ་བའི་ནད་པའི་འཚི་ཚད་དང་འབྲེལ་བ་མངོན་གསལ་མེད་པ་རེད། དེ་བས་ཁྲད་ཚད་མཐོ་བའི་ནད་པས་རྒྱུན་པར་ཀུ་ཤུ་དང་ངང་ལག་གམ་ཞང་ཅོ་མང་དུ་ཟོས་ན་མངོན་གསལ་གྱི་བདེ་ཐང་ཐོན་གྱི་ཡོད་པ་རེད།

ཟླ7པའི་ཚེས8ཉིན། མཚོ་ལྷོ་ཁུལ་ཨུའི་རྩ་འཛུགས་པུའུ་དང་ཁུལ་མི་རིགས་སྐད་ཡིག་བྱ་བའི་ལྟེ་གནས་ཀྱིས་མཉམ་སྒྲུབ་དང་ཁུལ་ཨུའི་ཏང་གི་སློབ་གྲྭས་འགན་སྒྲུབ་བྱས་པའི2024ལོའི་མཚོ་ལྷོ་ཁུལ་གྱི་གཞི་རིམ་རྒྱ་བོད་ལོ་ཙཱའི་རྐང་འཛིན་གསོ་སྦྱོང་འཛིན་གྲྭ་ཁུལ་ཨུའི་ཏང་གི་སློབ་གྲྭའི་ནང་བསྡུས། དུས་ཡུན་ཉིན5རིང་ཁུལ་དང་རྫོང་མི་རིགས་སྐད་ཡིག་བྱ་བའི་ལྟེ་གནས། དེ་མིན་ཁུལ་ཐད་གཏོགས་འབྲེལ་ཡོད་སྡེ་ཚན་དང་ར

ཟླ7པའི་ཚེས12ཉིན། མཚོ་སྔོན་ཞིང་ཆེན་ཞིང་ལས་ཞིང་སྡེ་ཐིན་གྱིས་བསྒྲགས་པའི་གནས་ཚུལ་ལྟར་ན། མིག་སྔར། ཞིང་ཆེན་ཡོངས་ཀྱི་དབུལ་ཐར་མི་གྲངས་ཀྱི་ངལ་རྩོལ་གཞི་ཁྱོན་མི་འབུམ་གཉིས་དང་སྟོང་དགུ་བཞི་བརྒྱར་སླེབས་ནས། རྒྱལ་ཁབ་ཀྱིས་བཀོད་སྒྲིག་བྱས་པའི་ལོ་ཧྲིལ་བོའི་དམིགས་འབེན་ལས་འགན་གྱི་བརྒྱ་ཆའི་བཅུ་བདུན་ཡོངས་འགྲུབ་བྱས་པ་དང་། ཞིང་ཆེན་གྱིས་གཏན་ཁེལ་བྱས་པའི་དམིགས་འབེན་ལས་འགན་གྱི་བརྒྱ་ཆའི་བརྒྱ་དང་བཞི་ལྷག་ཡོངས་འགྲུབ་བྱས། ཡུལ་གཞན་གནས་སྤོར་བྱས་པའི་དབུལ་ཐར་མི་གྲངས་ཀྱི་ངལ་རྩོལ་ལས་ཞུགས་བྱེད་ཚད་མི་གྲངས་ཁྲི་ལྔ་དང་བརྒྱད་བརྒྱར་སླེབས་པ་དང་། དམིགས་འབེན་ལས་འགན་གྱི་བརྒྱ་ཆའི་བརྒྱ་དང་བཅོ་བརྒྱད་ཡོངས་འགྲུབ་བྱས།ད་ལོའི་ཚུན་དུ། ཞིང་ཆེན་ཞིང་ལས་ཞིང་སྡེ་ཐིན་གྱིས་གསོག་ཚད་བརྟན་འཇགས་དང་འཕར་ཚད་རྒྱ་སྐྱེད། སྤུས་ཚད་མཐོར་འདེགས་གཏོང་བའི་སྤྱི་ཁོག་གི་རེ་བ་གཞིར་བཟུང་ནས། དབུལ་ཐར་མི་གྲངས་ཀྱི་ལས་ཞུགས་ཐད་ཀྱི་སྐོར་གཅིག་ཅན་དྲུག་གི་བྱེད་ཐབས་ལག་བསྟར་བྱེད་པ་གཙིགས་འཛིན་བྱས་པ་དང་། སྟོབས་ཤུགས་ཡོད་རྒུས་དབུལ་ཐར་མི་གྲངས་ཀྱི་ལས་རྐང་བརྟན་འཇགས་དང་ལས་ཞུགས་བྱ་བར་སྐུལ་འདེད་བཏང་ལ། དབུལ་ཐར་མི་གྲངས་ཀྱི་ལས་ཞུགས་གཞི་ཁྱོན་རྒྱུན་མཐུད་ངང་རྒྱ་སྐྱེད་པ་དང་ལས་ཞུགས་ཡོང་སྒོ་རྒྱུན་མཐུད་ངང་འཕར་སྣོན་བྱུང་ལ། ལས་ཞུགས་ཀྱི་བརྟན་འཇགས་རང་བཞིན་རྒྱུན་མཐུད་ངང་ཇེ་དྲག་ཏུ་སོང་། ལོ་སྟོད་ལ། ཞིང་ཆེན་ཡོངས་ཀྱི་དབུལ་ཐར་མི་གྲངས་ཀྱི་ངལ་རྩོལ་ལས་ཞུགས་ཀྱི་ཆ་སྙོམས་ཀྱི་དུས་ཡུན་ཉིན་བརྒྱ་དང་བཅོ་བརྒྱད་ཡིན་པ་དང་། ཆ་སྙོམས་ཟླ་རེའི་ཟླ་ཕོགས་ཡོང་སྒོ་སྒོར་སྟོང་གཉིས་དང་ཉིས་བརྒྱ་དང་གསུམ་ཡིན་ལ། དེ་གཉིས་ཀ་ལོ་སྔོན་མའི་དུས་མཉམ་དང་བསྡུར་ན་འཕར་སྣོན་བྱུང་། ཞིང་ཆེན་ཡོངས་ཀྱི་ལས་ཞུགས་རོགས་སྐྱོར་འཁོར་ཁང་བདུན་བརྒྱ་དང་ང་གསུམ་གྱིས་ལས་ཞུགས་མི་གྲངས་ཁྲི་གཉིས་དང་སྟོང་གཉིས་བསྡུ་རུབ་བྱས་པ་དང་། དེའི་ཁྲོད་དབུལ་ཐར་མི་གྲངས་སྟོང་དྲུག་དང་དྲུག་བརྒྱ་ཉེར་གཅིག་ཡོད། མི་རེར་ཆ་སྙོམས་ཀྱིས་སྒོར་སྟོང་གཅིག་སྟེར་བའི་ཚད་གཞི་ལྟར། ཞིང་ཆེན་ཕྱི་ནས་ཡོང་བའི་ངལ་རྩོལ་དབུལ་ཐར་མི་གྲངས་སྟོང་བདུན་དང་བརྒྱད་བརྒྱ་ང་བཞི་ལ་ཐེངས་གཅིག་རང་བཞིན་གྱི་འགྲིམ་འགྲུལ་ཁ་གསབ་བྱིན། སྐོར་ཁག་དང་པོའི་ཞིང་ཆེན་རིམ་པའི་གྲོང་གསེབ་ཀྱི་ལག་ཤེས་པ་དང་གྲོང་གསེབ་ཀྱི་ལག་ཤེས་དགེ་རྒན་གོ་གཉིས་ངོས་འཛིན་བྱས་པ་དང་། རོང་འབྲོག་མང་ཚོགས་སྟོང་བཞི་དང་དོན་ལྔས་ལས་སྐྲུན་ལས་ཞུགས་བྱེད་པར་སྣེ་ཁྲིད་བྱས་ལ། དེའི་ཁྲོད་དབུལ་ཐར་མི་གྲངས་བརྒྱད་བརྒྱ་དང་དོན་བཞི་ཡོད་པ་མ་ཟད། 2024ལོའི་དབུལ་ཐར་ཁྱིམ་ཚང་གི་མཐར་ཕྱིན་སློབ་མར་གྲལ་བཤེར་བྱས་པ་དང་། སྔོན་དཔག་ལྟར་ན་ད་ལོར་མཐར་ཕྱིན་སློབ་མ་སྟོང་བདུན་སུམ་བརྒྱ་རེ་གསུམ་ཡོད་ལ། དེའི་ཁྲོད་འབྲིང་རིམ་དང་མཐོ་རིམ་ཆེད་སྦྱོང་ལས་རིགས་སློབ་གྲྭའི་མཐར་ཕྱིན་སློབ་མ་སྟོང་ལྔ་དང་བདུན་བརྒྱ་ཞེ་དགུ་ཡོད་པ་དང་། དངོས་གཞིའི་ཚན་ཁག་གི་མཐར་ཕྱིན་སློབ་མ་སྟོང་གཅིག་དང་བཞི་བརྒྱ་བརྒྱད་ཅུ་ཡོད་ལ། གྲ་སྒྲིག་འཛིན་གྲྭའི་སློབ་མ་བརྒྱ་དང་ཉེར་བཞི་ཡོད་པ་དང་། ས་ཆ་སོ་སོས་མཐར་ཕྱིན་སློབ་མའི་ལས་ཞུགས་རོགས་སྐྱོར་བྱ་བ་བཟང་བོ་བསྒྲུབ་པར་མཛུབ་སྟོན་བྱེད་ཆེད་སྔོན་དུས་ཀྱི་གྲ་སྒྲིག་བཟང་བོར་བསྒྲུབས།རིན་ཆེན་མཚོས་བསྒྱུར།

ཉེ་ཆར། ཆར་ཆུ་རིམ་བཞིན་འབེལ་བ་དང་བསྟུན་ནས་རང་ཁུལ་གྱི་ས་གནས་ཁག་ཏུ་རི་སྐྱེས་ཤ་མོ་སྣ་ཚོགས་སྐྱེ་བའི་དུས་ལ་སླེབས། མི་སེར་ཚོ་རི་སྟེང་དུ་ཤ་མོ་འཐུ་སར་སོང་བ་དང་ལོ་གཅིག་དུས་གཅིག་གི་ཤ་མོ་ཟ་བའི་དུས་ཚིགས་དངོས་སུ་འགོ་ཚུགས་པ་རེད། དར་མདོ་གྲོང་ཁྱེར་ཞིང་ཚོང་ཁྲོམ་རར་བཟའ་ཆོག་པའི་རི་སྐྱེས་ཤ་མོ་སྣ་ཚོགས་ཁྲོམ་རའི་ཟུར་ལ་འཚོང་བཞིན་ཡོད་དེ། ཚོང་པ་ཚོས་གསར་དུ་བཏུས་པའི་ཤ་མོ་སྣ་ཚོགས་རིགས་ཕྱེ་ནས་བཤམས་ཤིང་ཡུལ་སྐོར་བ་དང་ཡུལ་མི་མང་པོ་འཛོམས་ནས་རིན་གོང་འདྲི་རྩད་བྱེད་ཀྱི་ཡོད། ཤེས་རྟོགས་བྱུང་བར་གཞིགས་ན། དཔལ་ཡུལ་རྫོང་གི་ད་ལོའི་རི་སྐྱེས་ཤ་མོ་ཁྲོམ་རར་ཐོན་པའི་དུས་ཚོད་དེ་ན་ནིང་ལས་ཉིན་བཅུ་ལྷག་སྔ་ཡོད་ལ། ཆར་ཆུ་འབེལ་བའི་དབང་གིས་རི་སྐྱེས་ཤ་མོའི་སྤུས་ཚད་ཇེ་མཐོ་དང་གྲངས་འབོར་མང་དུ་ཕྱིན་ཡོད། ཤ་མོ་བྲོ་བ་ཞིམ་ཡང་འཐུ་ནོར་དང་བཟའ་ནོར་སོང་ན་དུག་ཕོག་སྲིད་པས་ཡིད་གཟབ་བྱ་དགོས་པ་སྟེ། རང་གིས་བཟའ་མ་མྱོང་པ་དང་ངོ་མི་ཤེས་པ། ཞིང་སྨན་དང་ལུས་རྫས་འདྲེས་པའི་ཤ་མོ། ཁ་དོག་ཚོན་མདངས་རྣམ་པར་བཀྲ་བའི་ཤ་མོ། སྨིན་ནས་རུལ་བའི་ཤ་མོ་བཅས་བཟའ་མི་རུང་བ་དང་དེ་ལས་རི་སྐྱེས་ཤ་མོ་ཟ་དུས་ཆང་གཏན་ནས་འཐུང་མི་ཉན་པའོ། །

ཨ་ཧྥུའུ་ཧན་གྱི་དཔོན་རིགས་ཀྱིས་ཚེས15ཉིན་བཤད་རྒྱུར། ཨ་ཧྥུའུ་ཧན་ལྷོ་ཕྱོགས་ཀྱི་ནན་ཀི་ཧཱ་ཨར་ཞིང་ཆེན་དང་ཁུའུ་ནཱ་ཨར་ཞིང་ཆེན་དུ་ཉིན་དེར་དྲག་ཆར་བབས་པའི་དབང་གིས་ཆུ་ལོག་གི་གནོད་འཚེ་བྱུང་སྟེ། ཉུང་མཐར་ཡང་མི40རྐྱེན་ལམ་དུ་ཤོར་བ་དང་། མི230ལ་རྨས་ཕོག་ཡོད་ཟེར།ནན་ཀི་ཧཱ་ཨར་ཞིང་ཆེན་གྱི་བརྡ་འཕྲིན་དང་རིག་གནས་སྡེ་ཁག་གི་འགན་ཁུར་བ་ཁུའུ་ལོས་ཞེ་པཱ་ཏི་ལོན་གྱིས་ཞིན་ཧྭ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས་བཤད་རྒྱུར། ཞིང་ཆེན་དེའི་ལྟེ་གནས་གྲོང་ཁྱེར་ཅཱ་ལཱ་ལཱ་པཱ་ཏི་དང་སུའུ་ཨར་ཧི་ལོ་ཏི། དེ་མིན་ཉེ་འཁོར་ས་ཁུལ་དུ་ཚེས15ཉིན་གྱི་ཕྱི་དྲོར་ཆུ་ལོག་གི་གནོད་འཚེ་བྱུང་སྟེ། མི35རྐྱེན་ལམ་དུ་ཤོར་བ་དང་། མི230ལ་རྨས་ཕོག་ཡོད་ཟེར། གནོད་འཚེ་ཐེབས་པའི་ས་ཁུལ་དུ་སྔར་བཞིན་ཆར་བ་འབབ་བཞིན་ཡོད་ཀྱང་། ཆར་འབབ་ཚད་ཇེ་ཆུང་དུ་སོང་ཡོད། ཚོད་དཔག་བྱས་ན་ཤི་རྨས་ཐེབས་པའི་མི་གྲངས་སྔར་ལས་ཇེ་མང་དུ་འགྲོ་སྲིད་ཟེར།ཁུའུ་ནཱ་ཨར་ཞིང་ཆེན་གྱི་གནོད་འཚེ་དོ་དམ་སྡེ་ཁག་གི་འགན་ཁུར་བ་དབྱེ་ཧི་སཱ་ནོའུ་ལཱ་དབྱེ་ཧི་སིང་གིས་བཤད་རྒྱུར། ཞིང་ཆེན་དེར་ཚེས15ཉིན་གྱི་སྔ་དྲོར་ཆུ་ལོག་བྱུང་སྟེ། བྱིས་པ་གཉིས་དང་བཅས་པའི་མི་ལྔ་རྐྱེན་ལམ་དུ་ཤོར་ཟེར།ཟླ་གསུམ་པའི་ཟླ་སྨད་ཚུན་ལ། ཨ་ཧྥུའུ་ཧན་གྱི་ས་ཁུལ་མང་བོར་ཆར་བ་དྲག་པོ་འབབ་པའི་ནམ་ཟླ་བྱུང་སྟེ། ཆུ་ལོག་དང་རི་ཉིལ་བ་སོགས་ཀྱི་གནོད་འཚེ་བྱུང་ནས། མི400ལྷག་རྐྱེན་ལམ་དུ་ཤོར་ཡོད།བསོད་ནམས་ཚེ་རིང་གིས་བསྒྱུར།

ཉེ་ཆར། ནག་ཆུ་གྲོང་ཁྱེར་གྱི“གྲོང་གསེབ་དར་རྒྱས། ནག་ཆུ་མདུན་སྐྱོད”བྱེད་སྒོའི་ལས་དོན་ལ་སྐུལ་སྤེལ་གཏོང་བའི་ས་ཡུལ་དངོས་ཀྱི་ཚོགས་འདུ་འབྲི་རུ་རྫོང་དུ་འཚོགས་པ་རེད། ད་ཐེངས་ཀྱི་ཚོགས་འདུ་ནི“གྲོང་གསེབ་དར་རྒྱས། ནག་ཆུ་མདུན་སྐྱོད”བྱེད་སྒོའི་གྲུབ་འབྲས་སྙན་སེང་ཞུ་བའི་དགོང་ཚོགས་དང་། ཉམས་མྱོང་སྤེལ་རེས་ཚོགས་འདུ། ས་ཡུལ་དངོས་སུ་ལྟ་སྐོར་བཅས་ཁག་གསུམ་ལས་གྲུབ་ཡོད་པ་རེད།ཤེས་རྟོགས་བྱུང་བར་གཞིགས་ན། 2022ལོར་བྱེད་སྒོ་སྤེལ་འགོ་ཚུགས་པ་ནས་བཟུང་། ནག་ཆུ་གྲོང་ཁྱེར་གྱི་རིམ་ཁག་ཏང་རྩ་འཛུགས་ཀྱིས་སྒྲིག་འཛུགས་ཞིབ་ཚགས་བྱས་པ་དང་རྒྱ་ཆེའི་ལས་བྱེད་པ་དང་མང་ཚོགས་ཀྱིས་ཧུར་ཐག་ཞུགས་ཏེ། ཁྱོན་རིགས་ཁག་གི་འགྲན་བསྡུར་ཐེངས་ཁྲི་5.46གཉེར་བར་འགྲན་ཞུགས་མི་ཐེངས་ཁྲི་84.98ལྷག་ཙམ་དང་བྱེད་སྒོར་ཞུགས་མཁན་མི་ཐེངས་ཁྲི་756.18ལྷག་ཙམ་ཟིན་ཡོད་པ་རེད། བྱེད་སྒོ་སྤེལ་རིང་བྱེད་སྒོ་དེ་2022ལོའི་རྒྱལ་ཡོངས་ཀྱི་རིག་གནས་ཚན་རྩལ་འཕྲོད་བསྟེན“གཤམ་སྐྱོད་གསུམ”གྱི་བྱེད་སྒོའི་དཔེ་སྟོན་རྣམ་གྲངས་གྲས་སུ་བདེ་བླག་ངང་ཚུད་པ་དང་འབྲེལ། ཀྲུང་དབྱང་དྲིལ་བསྒྲགས་པུའི་དྲིལ་བསྒྲགས་དང་བསམ་བློ་རིག་གནས་ལས་དོན་གྱི་དཔེ་མཚོན་གྲས་སུའང་བདམས་པ་རེད།ལོ་གསུམ་རིང་། བྱེད་སྒོས་ཐོན་ལས་དར་རྒྱས་དང་། ཤེས་ལྡན་པ་འཕེལ་རྒྱས། རིག་གནས་དར་རྒྱས། སྐྱེ་ཁམས་དར་རྒྱས། རྩ་འཛུགས་དར་རྒྱས། “མིའི”ཕྱོགས་ཡོངས་ཀྱི་འཕེལ་རྒྱས་བཅས་ལ་དམིགས་ནས་བྱ་དགའ་ཐོབ་པའི་ཕུལ་བྱུང་བརྩམས་ཆོས་རྫོང་ཁོངས་ཀྱི་ཁྱད་ལྡན་ཐོན་ལས་93ལ་བསྒྱུར་བ་དང་། མང་ཚོགས་2538ལས་ཞུགས་ལས་གཏོད་ལ་སྐུལ་ཁྲིད་བྱས་པ། རིམ་རྩིས་བྱས་ན“གྲོང་གསེབ་དར་རྒྱས། ནག་ཆུ་མདུན་སྐྱོད”ཅེས་པའི་བྱེད་སྒོའི་ཚོང་འདུས་ཐེངས་794གཉེར་ཏེ་མང་ཚོགས་ལ་ཡོང་འབབ་སྒོར་ཁྲི་2452འཕར་བར་སྐུལ་ཁྲིད་བྱས་པ་དང་། རང་ཡུལ་གྱི་ཤེས་ལྡན་པ་སྣ་ཚོགས་ཁྲི་6.4སྔོག་འདོན་དང་། མང་ཚོགས་ཁྲི་6.8ལྷག་ཙམ་ལ་གསོ་སྦྱོང་། ཕུལ་བྱུང་ལས་བྱེད་པ་417འོས་སྦྱོར་དང་གནས་སྤར་བཀོལ་སྤྱོད། མང་ཚོགས་3347ཏང་ཡོན་ལ་འཕེལ་རྒྱས་བཏང་བ། ཧོར་སྒོ་རྩེ་གྲུ་བཞི་དང་། སོག་རྫོང་གི་རྡོ་བརྐོས། སྦྲ་ཆེན་གྱི་ཀོ་ཆས་བཟོ་རྩལ་སོགས་ཁྱད་ལྡན་རིག་གནས་ཐོན་ཁུངས་ཁག་465སྔོག་འདོན་བྱས་ནས་མངོན་མིན་རིག་གནས་ཤུལ་བཞག་གི་ཡོང་འབབ་སྒོར་ཁྲི་402བཏོད་པ། ཏང་འཛུགས་སྐྱོང་ལ་བརྟེན་ནས་མདུན་སྐྱོད་བྱེད་སྒོར་ཁྲིད་སྟོན་བྱས་ཏེ་ཏང་ཡོན་ལས་བྱེད་པ་ཁྲི་2.4དང་དང་བླངས་པ་ཁྲི་10དེའི་ནང་ཞུགས་རྒྱུའི་སྐུལ་སློང་བྱས་ནས་རིམ་རྩིས་བྱས་ན་དང་བླངས་ཞབས་ཞུའི་དཔུང་ཁག་5470བཙུགས་པ་དང་མང་ཚོགས་མི་ཐེངས་ཁྲི་220ལྷག་ཙམ་ལ་ཞབས་འདེགས་ཞུས་པ། སྐྱེ་ཁམས་སྲུང་སྐྱོང་གི་བྱེད་སྒོ་ཐེངས་ཁྲི་1.9སྤེལ་བ་དང་དུས་རབས་གསར་པའི་དང་བླངས་ཞབས་འདེགས་ཐེངས་4260ལྷག་ཙམ་ཞུས་པ་བཅས་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཉིན་ཤས་གོང་། ཀྲུང་གོའི་འཛད་རྫས་(ཨོ་སི་ཁྲུ་ལི་ཡ)སྤུས་རྟགས་འགྲེམས་སྟོན་འོས་སྦྱོར་ངོ་སྤྲོད་ཚོགས་འདུ་སྐབས་དང་པོ་ཨོ་སི་ཁྲུ་ལི་ཡའི་ཤིས་ཉི་རུ་འཚོགས་ཤིང་། ཀྲུང་གོ་དང་ཨོ་སི་ཁྲུ་ལི་ཡའི་སྲིད་ཕྱོགས་དང་ཚོང་དོན་ལས་རིགས་ཀྱི་འཐུས་མི་དང་སྨྱན་སྦྱོར་མི་སྣ་100ཙམ་ཚོགས་འདུར་ཞུགས་ཡོད་པ་རེད།ཀྲུང་གོ་ཚོང་དོན་པུའི་ཕྱི་ཕྱོགས་ཚོང་དོན་འཕེལ་རྒྱས་ཅུས་ཀྱི་ཅུས་ཀྲང་ལིའུ་ཏེན་ཤུན་གྱིས་འོས་སྦྱོར་ངོ་སྤྲོད་ཚོགས་འདུའི་ཐོག་ཤིས་ཚིག་བསྒྲོན་ནས་ཨོ་སི་ཁྲུ་ལི་ཡའི་འཛད་སྤྱོད་པས་ད་ཐེངས་ཀྱི་སྤུས་རྟགས་འགྲེམས་སྟོན་བརྒྱུད་སྤུས་ཀ་དག་པའི་ཀྲུང་གོའི་ཐོན་རྫས་དེ་བས་མང་བ་ཤེས་རྟོགས་བྱེད་ཐུབ། དེ་དང་ཆབས་ཅིག་ཀྲུང་གོའི་ཁེ་ལས་ཀྱིས་ཀྱང་ཨོ་སི་ཁྲུ་ལི་ཡའི་ཁྲོམ་རའི་དགོས་མཁོ་ཤེས་རྟོགས་གཏིང་ཟབ་ཐུབ་ནས་ཚོང་ལས་ཀྱི་གོ་སྐབས་དེ་བས་མང་པོ་རྙེད་ངེས་རེད། ཀྲུང་གོ་དང་ཨོ་སི་ཁྲུ་ལི་ཡ་རྒྱལ་ཁབ་གཉིས་པོའི་འཛད་རྫས་ཁྱབ་ཁོངས་ཀྱི་མཉམ་ལས་སྐས་རིམ་གསར་པ་ཞིག་ཏུ་སླེབས་ནས་རྒྱལ་ཁབ་གཉིས་པོའི་མི་དམངས་ལ་དེ་བས་མང་བའི་དངོས་དངོས་རྗེན་རྗེན་གྱི་ཁེ་ཕན་ཐོབ་རྒྱུ་རེད་ཅེས་གསུངས་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཉེ་ཆར“རྩྭ་ཐང་དུ་མཉམ་དུ་འཛོམས་ནས་ནཱ་ཏ་མུའི་ངོ་མཚར་ལ་ལྟ་བ”ཞེས་པའི་ནང་སོག་རྩྭ་ཐང་གི་ནཱ་ཏ་མུ་སྐབས་34པ་ཤིས་ལིན་ཀུའོ་ལེ་མོང་དུ་འགོ་ཚུགས་པ་རེད། སྐབས་འདིའི་ནཱ་ཏ་མུའི་འགོ་ཚུགས་མཛད་སྒོ“རྩྭ་ཐང་དུ་མཉམ་འཛོམས་བྱེད”དང་།“ཉམས་དགའ་བའི་བྱང་རྒྱུད”“ཕན་ཚུན་ལྟ་སྐྱོང”བཅས་ཁག་གསུམ་ལས་གྲུབ་ཅིང་། རོལ་དབྱངས་དང་གླུ་གར་སོགས་ངོ་མཚར་ཆེ་བའི་འཁྲབ་སྟོན་ལ་བརྟེན་ནས་ཡུལ་སྐོར་བ་རྩྭ་ཐང་གི་རིག་གནས་ཉམས་ལེན་བྱེད་པར་ཡོང་རྒྱུའི་ཡིད་དབང་བཀུག་ཡོད། འདི་ནི་སྦེ་ག་འགྲན་མཁན་གྱིས་འགོ་ཚུགས་མཛད་སྒོར་འཁྲབ་སྟོན་བྱེད་པ། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

2019ལོར་རྒྱལ་ཁབ་ཀྱིས་གནས་རྟགས་སྲུང་སྐྱོང་འདུ་འགོད་རྣམ་གྲངས་ལག་བསྟར་བྱེད་འགོ་བཙུགས་པ་ནས་བཟུང་། རང་ལྗོངས་ཀྱིས་རིམ་རྩིས་བྱས་ན་རྒྱལ་ཁབ་ཀྱི་གནས་རྟགས་ཞིང་ལས་ཐོན་རྫས་སྲུང་སྐྱོང་འདུ་འགོད་6ལག་ལེན་བསྟར་ཏེ། རང་ལྗོངས་ཀྱི་གནས་རྟགས་ཞིང་ལས་ཐོན་རྫས་ཀྱི་ཁྱད་ཆོས་དང་སྤུས་ཚད་མཐོ་རུ་ནུས་ལྡན་བཏང་བ་དང་ཞིང་ལས་ཐོན་རྫས་ཀྱི་གནས་རྟགས་སྤུས་རྟགས་ལ་གཅེས་སྤྲས་བྱས་ནས་ཁྱད་ལྡན་ཞིང་འབྲོག་ལས་ཐོན་ལས་འཕེལ་རྒྱས་དང་ཞིང་འབྲོག་མང་ཚོགས་ཀྱི་འབབ་འཕར་ལ་སྐུལ་འདེད་བཏང་བས། གནས་རྟགས་ཀྱི་ཞིང་ལས་ཐོན་རྫས་དང་ཐོན་ལས་མྱུར་ཚད་དང་། སྤུས་ཚད། ཕན་འབྲས་བཅས་མཐོ་པོ་དུས་གཅིག་ཏུ་འཕེལ་རྒྱས་ཕྱིན་ཡོད་ལ། ས་ཁོངས་ཀྱི་ཁྱད་ཆོས་མངོན་གསལ་དོད་པའི་ཞིང་ལས་ཐོན་རྫས་ཀྱི་གནས་རྟགས་ཀྱི་མ་དཔེ་ཡང་རིམ་བཞིན་འཚོལ་ཞིབ་བྱུང་ནས་གྲུབ་ཡོད།མིག་སྔའི་བར། ལྗོངས་ཡོངས་ཀྱི“ཕག་རིའི་འབྲི་གཡག”དང་། “རུ་ཐོག་གི་ཁུ་ལྡན་ར་དཀར་པོ”“ལྷུན་རྩེའི་ནས་ནག” “རྫ་ཡུལ་གྱི་ཁམ་བུ་སྨི་ཧོའུ” “སྨར་ཁམས་ཀྱི་རྒུན་འབྲུམ”སོགས་ཁྱད་ལྡན་ཐོན་རྫས་35ཞིང་ལས་གྲོང་གསེབ་པུས་ཐོ་རུ་བཀོད་ནས་སྲུང་སྐྱོང་བྱེད་འགོ་ཚུགས་པ་རེད།གནས་རྟགས་སྲུང་སྐྱོང་ལ་སྐུལ་འདེད་གཏོང་བའི་བརྒྱུད་རིམ་ནང་། རང་ལྗོངས་ཀྱིས《གནས་རྟགས་ཞིང་ལས་ཐོན་རྫས་སྲུང་སྐྱོང་འདུ་འགོད་རྣམ་གྲངས་ལག་བསྟར་ཇུས་གཞི》བཀོད་དེ། ཞིང་ལས་ཐོན་རྫས་ཀྱི་གནས་རྟགས་ལག་ཁྱེར་སྤྲད་པའི་རྗེས་ལ་ལྟ་སྐུལ་དོ་དམ་ནན་པོ་བྱེད་པ་དང་། ལོ་ལྟར་ཆེད་དོན་ལྟ་སྐུལ་དང་འཐེན་བཤེར་བྱེད་པ། ཞིང་ལས་ཐོན་རྫས་ཀྱི་གནས་རྟགས་སྤུས་རྟགས་ཀྱི་དབང་གྲགས་རང་བཞིན་དང་ཀུན་གྱིས་ཡིད་ཆེས་བྱེད་ཚད་ལ་སྲུང་སྐྱོང་ཏན་ཏིག་བཅས་བྱས་ནས་ལྗང་མདོག་སྤུས་ལེགས་ཀྱི་ཞིང་ལས་ཐོན་རྫས་མཁོ་སྤྲོད་ནུས་ལྡན་ཡོང་བའི་འགན་ལེན་བྱས་ཡོད། གནས་རྟགས་ཀྱི་སྤུས་ལེགས་ཞིང་ལས་ཐོན་རྫས་གསར་སྤེལ་དང་སྲུང་སྐྱོང་བྱ་རྒྱུ་དེ་ཞིང་ལས་ཐོན་རྫས་ཚད་ལྡན་ཅན་གྱི་མ་ལག་འཛུགས་སྐྱོང་དང་ཁ་འབྲལ་ཐབས་མེད། “གནས་རྟགས་ཡོད་པར་གནས་རྟགས་སྦྱོར་བ་དང་། གནས་རྟགས་མེད་པར་གནས་རྟགས་བཟོ་བ། ཕྱོགས་ཡོངས་ནས་གནས་རྟགས་མཐོ་རུ་གཏོང་བ”བཅས་ཀྱི་བླང་བྱ་གཞིར་བཟུང་། རང་ལྗོངས་ཀྱིས་ཚད་ལྡན་ཅན་གྱི་མཛུབ་ཁྲིད་དང་། དྲིལ་བསྒྲགས། ལག་བསྟར། གསོ་སྦྱོང་བཅས་བྱེད་ཤུགས་རྒྱུན་ཆད་མེད་པར་ཆེ་རུ་བཏང་སྟེ། གནས་རྟགས་ཀྱི་ཞིང་ལས་ཐོན་རྫས་ཐོན་སྐྱེད་ཁེ་ལས་དང་། ཞིང་པའི་ཆེད་ལས་མཉམ་ལས་ཁང་། ཞིང་དུད་བཅས་ཀྱིས་ཚད་གཞི་ལྟར་ཐོན་སྐྱེད་ཀྱི་འདུ་ཤེས་ཟབ་ཏུ་དང་ཆུ་ཚད་མཐོ་རུ་ཏན་ཏིག་བཏང་ཡོད། ཀོང་པོ་རྒྱ་མདའ་རྫོང་གིས་རྒྱལ་ཁབ་ཀྱི་ཚད་གཞི་གཙོ་རྐང་དང་ས་གནས་ཀྱི་ཚད་གཞི་དང་ཚོགས་པའི་ཚད་གཞི་ཕན་ཚུན་རྟ་སྒ་ཆ་སྒྲིག་གིས“ཀོང་པོ་རྒྱ་མདའི་བོད་ཕག”གསོ་ཚགས་མ་བྱས་གོང་དང་། བྱེད་རིང་། བྱས་རྗེས་བཅས་ཀྱི་བརྒྱུད་རིམ་ཧྲིལ་པོའི་ཁེ་ལས་ཀྱི་ཚད་གཞིའི་མ་ལག་བཙུགས་པ་དང་འཐུས་སྒོ་ཚང་དུ་བཏང་སྟེ། “ཀོང་པོ་རྒྱ་མདའི་བོད་ཕག”གི་སྤུས་ཚད་མཐོ་རུ་གཏོང་རྒྱུར་སྐུལ་འདེད་ནུས་ལྡན་བཏང་ཡོད། “རྫ་ཡུལ་གྱི་ཁམ་བུ་སྨི་ཧོའུ”ཡི་གནས་རྟགས་རྣམ་གྲངས་ལ་བརྟེན་ནས་ཞིང་ལས་ཚད་ལྡན་ཅན་འཛུགས་སྐྲུན་མངོན་གསལ་དོད་དུ་བཏང་བ་དང“རྫ་ཡུལ་གྱི་ཁམ་བུ་སྨི་ཧོའུ”ཐོན་སྐྱེད་ཀྱི་བརྒྱུད་རིམ་ཚད་ལྡན་དུ་བཏང་བ་བརྒྱུད། གནས་རྟགས་ཡོད་པའི་ཞིང་ལས་ཐོན་རྫས་ཐོན་ལས་ཁྱུ་ཚོགས་ཆགས་ནས་དཔེ་མཚོན་རང་བཞིན་ལྡན་པའི་མཐའ་མཚམས་ཀྱི་ལེགས་ལྡན་ཀ་རྟེན་ཐོན་ལས་སུ་གྱུར་ཡོད།ཁྱད་ལྡན་ཐོན་ལས་ཀྱི་ཐོན་སྐྱེད་ནུས་ཤུགས་ཆེ་རུ་ཕྱིན་ཞིང་། རྣམ་གྲངས་ལག་བསྟར་བྱས་པ་བརྒྱུད། གནས་རྟགས་ཞིང་ལས་ཐོན་རྫས་ཐོན་སྐྱེད་རྟེན་གཞིའི་སྒྲིག་བཀོད་ཆ་རྐྱེན་སྔར་བས་ལེགས་སུ་གཏོང་བ་དང་། གནོད་མེད་ཀྱི་སྔོན་འགོག་ཚོད་འཛིན་སོགས་ལག་རྩལ་བེད་སྤྱོད་ཁྱབ་གདལ་ཤུགས་ཆེན་གཏོང་བ། མཛོད་ཉར་དང་ལས་སྣོན་སྒྲིག་ཆས་སྒྱུར་བཀོད་རིམ་སྤོར་བྱེད་སྟངས་ལེགས་སུ་གཏོང་བ་བཅས་ཀྱི་ཐོག་ནས་ཐོན་རྫས་ཐོན་སྐྱེད་དང་ཕྱིར་ཚོང་གཞི་གཅིག་ཅན་གྱི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་བཏང་ཡོད། སྤོ་བོ་རྫོང་དུ་ནགས་གསེབ་རི་སྐྱེས་སྐྱེད་སྲིང་འདེབས་འཛུགས་དང་། སོན་བཟང་གསོ་སྤེལ། སྡོང་ཕུང་སྲེག་སྲོ་སོགས་ལག་རྩལ་གསར་པ་གསར་གཏོད་བྱས་ནས་ཆགས་པ་དང་འབྲེལ་ཁེ་ལས་ཀྱི་ཚད་གཞི་ཁག་35བཟོས་ཡོད། “རྫ་ཡུལ་གྱི་ཁམ་བུ་སྨི་ཧོའུ”འདེབས་འཛུགས་རྒྱ་ཁྱོན་མུའུ་3200ལྷག་ཙམ་ཟིན་པ་དང་། ལོ་རེའི་ཐོན་ཚད་རྒྱ་མ་ཁྲི་200ཡན་ཟིན་པ་མ་ཟད།“བོད”རྟགས་ཅན་གྱི་ཁམ་བུ་སྨི་ཧོའུ་ལྗོངས་ཕྱིར་བྲིན་ཚོང་བྱས་པར་བསྔགས་བརྗོད་ཐོབ་ནས་བག་ཆགས་ཡག་པོ་བྱུང་ཡོད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

མཚོ་བྱང་བོད་རིགས་རང་སྐྱོང་ཁུལ་ཆི་ལེན་རྫོང་གིས“ཏང་འཛུགས་སྐྲུན+ཐོན་ལས”རྩ་འཛུགས་ཀྱི་དར་སྤེལ་མ་དཔེ་ཇེ་དྲག་ཏུ་བཏང་བ་དང་། ཏང་འཛུགས་སྐྲུན་སྣེ་ཁྲིད་ཀྱི་སྒུལ་ཤུགས་ཇེ་ཆེར་བཏང་བ་དང་གཅིག་འདོམས་ཐོན་ཁུངས་ལ་གསོན་ཤུགས་བསྩལ་བ། སྐུལ་ལྕག་ཁེ་སྤོགས་ཀྱི་འགུག་ཤུགས་ཇེ་ཆེར་བཏང་བ་བརྒྱུད། སྡེ་བའི་ཐུན་མོང་དཔལ་འབྱོར་འཕེལ་རྒྱས་གཏོང་བར་སྒུལ་ནུས་དྲག་པོ་བསྩལ།“འཐབ་ཡུལ་གཙོ་བོ”བརྟན་པོར་བཏང་སྟེ། “མཉམ་ཤུགས་གསར་པ”གོང་བུར་བསྒྲིལ། རྩ་འཛུགས་འཛུགས་སྐྲུན་འབུར་དུ་དོད་པ་དང་། རོང་འབྲོག་ཁུལ་དེ་གྲོང་གསེབ་དར་སྤེལ་གྱི་འཐབ་ཡུལ་གཙོ་བོར་བརྩིས་ཤིང་། རྫོང་དང་ཞང་གི་མགོ་ཁྲིད་ལས་བྱེད་པ་དང་སྡེ་བའི་ཏང་ཀྲི་པུའུ་ཧྲུའུ་ཅི་རྩ་འཛུགས་བྱས་ནས་ཆ་སྒྲིག་རོགས་སྐྱོར་བྱས་ཏེ། སྡེ་བའི་ཐུན་མོང་དཔལ་འབྱོར་འཕེལ་རྒྱས་གཏོང་བར་མཛུབ་སྟོན་བྱས། སྡེ་བའི་ལས་བྱེད་པ49རྩ་འཛུགས་བྱས་ཏེ་རྒྱལ་ཁབ་སྒོ་འབྱེད་སློབ་ཆེན་དུ་སློབ་སྦྱོང་བྱེད་དུ་བཅུག་པ་དང་། སློབ་ཆེན་སློབ་མ45སྡེ་བར་སོང་ནས་ལས་འགན་འཁུར་བ། རིགས་སོ་སོའི་གསོ་སྦྱོང་འཛིན་གྲྭ་སྐབས8དང་མི་ཐེངས810བསྒྲུབས་པ་དང་། སྡེ་བའི་ལས་བྱེད་པ་དང་རོང་འབྲོག་པའི་ཏང་ཡོན་གྱི་ནུས་པའི་ཆུ་ཚད་རྒྱུན་ཆད་མེད་པར་ཇེ་མཐོར་བཏང་སྟེ། སྡེ་བའི་ཐུན་མོང་དཔལ་འབྱོར་འཕེལ་རྒྱས་བཏང་།“དབྱངས་རྟ་གཙོ་བོ”གྱེར་ཏེ། “སྒུལ་ནུས་གསར་པ”བསྐྲུན། གཙོ་ཁྲིད་ཐོན་ལས་གསོ་སྐྱོང་བྱས་ཏེ། སྡེ་བའི་ཐུན་མོང་དཔལ་འབྱོར་འཕེལ་རྒྱས་གཏོང་བ་དེ་གྲོང་གསེབ་དར་སྤེལ་གྱི“སྒུལ་ཤུགས་འབྱུང་ཡུལ”དུ་བརྩིས། ཀྲུང་དབྱང་ནོར་སྲིད་དང་ཧྲན་ཏུང་རོགས་སྐྲུན། གྲོང་གསེབ་དར་སྤེལ་སོགས་ཀྱི་མ་དངུལ་སྒོར་ཁྲི2140དོན་འཁྱོལ་བྱས་པ་དང་། དཔེ་སྟོན་སྣེ་ཁྲིད་དང་སྟོབས་ལྡན་སྡེ་བའི་སྐུལ་ཁྲིད། མཉམ་གཉེར་མཉམ་ལས་སོགས“རིགས་བདུན”མ་དཔེ་སྤྱད་པ། སྡེ་བའི་ཐུན་མོང་དཔལ་འབྱོར་གྱི“སྟོབས་ལྡན་སྡེ་བའི”བཟོ་འགོད་ལ་སྐུལ་འདེད་གཏོང་བ། རྩྭ་ས་དང་ཚོང་ཁང་བོགས་གཏོང་། ཚན་རིག་དང་མཐུན་པའི་སྒོ་ནས་འདེབས་གསོ་བྱེད་པ། སྐྱེ་ཁམས་ཁ་གསབ་སོགས་དངོས་གཞི་ཐོན་ལས་འཕེལ་རྒྱས་གཏོང་བ་བཅས་བྱས་ཏེ། སྡེ་བ་རིམ་པའི་ཐུན་མོང་དཔལ་འབྱོར་འཕེལ་རྒྱས་དང་སྤུས་འདེགས་ནུས་འཕར་ལ་སྐུལ་འདེད་བྱས།“ཐབས་ལམ་གཙོ་བོ”རྒྱ་བསྐྱེད་དེ། “བཀོད་སྟངས་གསར་པ”བསྐྲུན། ཞིང་འབྲེལ་ཞིང་ཁྲིད་ནང་རྐྱེན་འཐུས་ཚང་དུ་བཏང་སྟེ། ཞིང་ཕྱུགས་འདེབས་གསོ་རྨང་གཞི་དང་སྲིད་ཇུས་ལས་གཞི་རོགས་སྐྱོར། ཡུལ་སྐོར་ཞབས་ཞུ་སྣེ་འདྲེན། ཐོན་ཁུངས་བེད་སྤྱོད་སྒྲོག་ཐག་བྱེད་པ་བཅས་ཀྱི་འཁོར་སྐྱོད་འཕེལ་རྒྱས་བཀོད་སྟངས་བསྐྲུན་ཏེ། སྡེ་བ་རིམ་པའི་ཡོང་སྤར་དང་མང་ཚོགས་ཕྱུག་བསྒྱུར་བྱེད་པར་སྐུལ་འདེད་བྱས། སྡེ་བའི་ཐུན་མོང་དཔལ་འབྱོར་ཁེ་ཕན་བགོ་བཤའ་རྒྱག་པའི་དོ་དམ་ཞིབ་སྲོལ་སྒྲིག་བཟོ་གཏན་འབེབས་དང་། “དངུལ་བཞི”ལེན་པ་དང“བགོ་སྟངས་བདུན”འཚོལ་ཞིབ་སོགས་ཀྱི་རྣམ་པ་བརྒྱུད། ཚད་ལྡན་ངང་ཡོང་སྒོ་བགོ་བཤའ་རྒྱག་པ་དང་། སྡེ་བའི་ལས་བྱེད་པའི་ལས་གཏོད་ལས་སྒྲུབ་ཀྱི་སྤྲོ་སེམས་བསླངས་ཏེ། རོང་འབྲོག་མང་ཚོགས་ལ་འཕེལ་རྒྱས་ཀྱི་གྲུབ་འབྲས་མཉམ་རོལ་བྱེད་དུ་བཅུག །

ཉིན་འདི་དག་ལ། ང་ཧ་ཅང་བླུན་པོ་ཡིན།ཕ་མ་ཡོད་དེ།ཁ་ཏ་ཞིག་གནང་བར་རེ་བཞིན་མེད།དགེ་རྒན་ཡོད་དེ།ཆེད་དུ་རང་གི་གཏམ་རྒྱུད་བཤད་ཀྱིན་མེད།གྲོགས་པོ་ཡོད་དེ།སྡུག་གཏམ་མོལ་གྱིན་མེད།ཆར་བ་དང་བསིལ་རླུང་།མེ་ཏོག་ཀྱང་ཡོད་དེ།སེམས་ཁམས་མཚོན་བྱེད་ཀྱི་སྐོམ་སོད་དུ་ཁྱེར་གྱིན་མེད།ད་ཆ་གནའ་མཁར་ཞིག་ཏུ་གནས་སྤོས་ཡོད།ལན་རེར་རི་ཀླུང་དང་ནགས་ཚལ།ཆུ་འགྲམ་བཅས་ལ།འཆམ་འཆམ་དུ་འགྲོ་བཞིན་ཡོད།འགྲོ་ཐེངས་རེ་དང་།ཡང་ན་གྱེས་ཐེངས་རེ་རེར།ཅི་ཞིག་བརྗེད་སོང་བ་དང་།ཅི་ཞིག་བོར་སོང་བ་ལྟ་བུའི་ཚོར་བ་ཞིག་གིས་གཙེས་འགྲོཉིན་འདི་དག་ལ། ང་ཧ་ཅང་ཕྱུག་པོ་ཡིན།སྔོན་ཆད་རོལ་མྱོང་མེད་པའི་འཚོ་བ་ཞིག་རོལ་ཞིང་།སྔོན་ཆད་གོན་མྱོང་མེད་པའི་ཞྭ་ཞིག་གོན་ནའང་།ཆེད་དུ་གཏམ་རྒྱུད་ཀྱི་གོ་རིམ་དགཡི་གེར་ཕབ་པར་སྐྲག་ཡོད།གཞན་ལ་བཤད་རྒྱུ་དེ་ཡང་སེམས་ཁྲལ་ཞིགཉིན་འདི་དག་ལ།ང་ལ་གཉིད་ཞིམ་པོ་ཞིག་དཀོན་ནའང་།ཆེད་དུ་སྨན་ལ་བསྟེན་གྱིན་མེད།ལུས་ཕུང་ཇེ་ཞན་དུ་སོང་ནའང་།ཆེད་དུ་མངར་ཟས་རོལ་གྱིན་མེད།ཉིན་འདི་དག་ལ།ཟས་ཀྱི་ཡི་ག་དང་སྐད་ཆ།སེམས་ཁམས་ནི་རང་གི་མིན་པ་འདྲ།དེ་དག་ཅི་ཡིན་ནམ་སྙམ་བཞིན་ཡོད།ཉིན་འདི་དག་ལ།གནས་འགངས་ཆེན་ཁག་ཅིག་ལ་སོང་མྱོང་།ཡིན་ནའང་།འགྱུར་ལྡོག་ཅི་ཞིག་ཡོད་པ་ཤེས་མ་སོང་།ནགས་ཚལ་དང་རྩྭ་ཐང་མཐོང་ཐེངས་རེར།གཏིང་ཟབ་པ་དང་ཡིད་འཕྲོག་པ་ཞིག་ཡིན་པའང་ཤེས་མ་སོང་།འགྲོ་ཞོར་འདུག་ཞོར་དུ།སེམས་ཁམས་རིག་པའི་དཔེ་ཆ་ཐེངས་གཅིག་བཀླགས་མྱོང་།གནས་ལུགས་དང་བསླབ་བྱ་མང་བས་མགོ་ཉོག་པར་བྱས།ཉིན་འདི་དག་ལ་སྟོན་ཁ་ཚེས་བྱུང་།སྟོན་གྱི་དྲི་མ་དེས······

ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་ཤས་རིང་། མཚོ་ཤར་གྲོང་ཁྱེར་དཔའ་ལུང་ཧུའེ་རིགས་རང་སྐྱོང་རྫོང་གིས་བློ་བརྟན་འགྱུར་མེད་ངང་འཇོན་མིའི་སྟོབས་ལྡན་རྫོང་གི་འཐབ་ཇུས་ལག་བསྟར་བྱས་ཏེ། སྒྲིག་སྲོལ་འཛུགས་པ་དང་སྟེགས་བུ་སྐྲུན་པ། ནང་འདྲེན་གསོ་སྐྱོང་གཙིགས་སུ་འཛིན་པ། སྤུས་ལེགས་ཞབས་ཞུའི་ཐད་ཤུགས་བསྣན་ཏེ། འཇོན་མི་འཛུགས་སྒྲུབ་དང་། འཇོན་མིའི་སྟེགས་བུ་སྤྱད་ནས། ཐོན་ལས་གཅིག་འདུས་འཇོན་མིའི་ཕན་འབྲས་མུ་མཐུད་ནས་རྒྱ་བསྐྱེད་དེ། འཇོན་མི་འཕེལ་རྒྱས་ཀྱི་གཤིན་ས་ཇེ་ལེགས་སུ་བཏང་། ལྗང་མདོག་རྩིས་ནུས་འཕེལ་རྒྱས་གོ་སྐབས་དང“ས་མུའུ་ཁྲི་བཅུ་ཅན་ལྔ་ཡི”ཐོན་ལས་དགེ་མཚན་དང་དམ་དུ་འབྲེལ་ཏེ། འཇོན་མིའི་བྱ་བའི་ཁྱད་ཆོས་སྔོག་འདོན་བྱས་ནས། “རྨ་ཙོང་གི་འཇོན་མི་མཚོ་ཤར་དུ་འཛོམས་པའི”འཇོན་མིའི་བྱ་འགུལ་སྤེལ་བ་དང་། “བགྲོ་གླེང་དང་ལས་ཞུགས། མ་དངུལ་བྱ་དགའ། ཚན་རྩལ་གཞི་རིམ་དུ་བསྐྱོད་པའི”རྣཔ་པ་སྤྱད་ནས། “1+1+N”འཇོན་འགུག་ཟོང་རྟགས་གསར་སྐྲུན་བྱས་ཤིང་། འཇོན་མིའི་བྱ་དགའི་མཛད་སྒོ་སྤེལ་བ་བརྒྱུད་དེ། བྱ་དགའི་ཐོན་ལས་གཟེངས་རྟགས་དང་། གྲོང་གསེབ་དར་སྤེལ་སོགས་རིགས4ཡི་ས་གནས་འཐུས་ཚབ་རང་བཞིན་གྱི་འཇོན་མི9ལ་གཟེངས་རྟགས་གནང་བ་དང་། བྱ་དགའི་མ་དངུལ་སྒོར་ཁྲི5.2བྱིན་པ་དང་། “ལྗང་མདོག་རྩིས་ནུས”གླེང་སྟེགས་སྤེལ་བ་དང་། ཀྲུང་གོའི་གློག་འཕྲིན་མ་རྐང་ཚད་ཡོད་ཀུང་སི་མཚོ་སྔོན་ཡན་ལག་ཀུང་སིའི་མཐོ་རིམ་བློ་འདྲི་བས་ཐན་ཉུང་གྲོང་རྡལ་ཆུང་བ་འཛུགས་སྐྲུན་དང་། དག་གཙང་ནུས་ཁུངས་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་ཁ་ཕྱོགས་བསྟནཔ་དང་། ཐབས་ཇུས་བཏོན། རྫོང་ཐད་གཏོགས་ལས་ཁུངས་སྡེབ་སྒྲིག་བྱ་འགུལ་སྤེལ་བ་དང་། རྫོང་ལས་ཞུགས་ཅུའུ་ཡིས་དྲ་ཐོག་དང་ཡུལ་དངོས་ཟུང་འབྲེལ་གྱི་རྣམ་པས་འཇོན་མི་བསྡུ་ལེན་བྱ་འགུལ་སྤེལ། བྱ་འགུལ་སྐབས་སུ་ཁྱོན་ཞིང་ཆེན་ཕྱི་ནང་གི་འབྲེལ་ཡོད་ཁེ་ལས42ཞུགས་ཤིང་། ལས་གནས1620མཁོ་འདོན་བྱས། འདོད་བློའི་གྲོས་གཞི124བྱུང་། གུང་གཞོན་ཚོགས་པ་རྫོང་ཨུའི་ལོ་ཆུང་རྩལ་ནུས་གསོ་སྦྱོང་རྩ་འཛུགས་བྱས་པ་དང་། མེ་ཏོག་གསེབ་པ། རོལ་དབྱངས། པར་ལེན། སེན་མོའི་མཛེས་བཟོ་སོགས་སྤྱི་ཕན་རང་བཞིན་གྱི་སློབ་ཁྲིད10ལྷག་བྱས་ནས། ལོ་ཆུང་གཞོན་ནུའི་འཚར་ལོངས་ལ་སྒུལ་ཤུགས་བསྩལ། རྫོང་སློབ་གསོ་ཅུའུ་དང་འཕྲོད་བསྟེན་བདེ་ཐང་ཅུའུ། ཞིང་ལས་ཚན་རྩལ་ཅུའུ་ཡིས་ཆེད་མཁས་འཇོན་མི46རྩ་འཛུགས་བྱས་ནས་ཆེད་མཁས་པའི་ལག་རྩལ་གཞི་རིམ་དུ་བསྐྱོད་པ་དང་། ཚན་རྩལ་འཇོན་མིའི་རྩལ་ནུས་སྒོ་ཁར་སྐྱེལ་བའི་བྱ་འགུལ་སྤེལ། མང་ཚོགས600ལྷག་ལ་ཞབས་ཞུ་སྒྲུབ་ནས། རྫོང་ཁོངས་ཀྱི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ཐད་རིག་ནུས་རྒྱབ་སྐྱོར་དང་འཇོན་མིའི་འགན་སྲུང་མཁོ་འདོན་བྱས། །