ས་གནས་དེ་གའི་དུས་ཚོད་ཟླ་4ཚེས་17ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཆེད་གཏོང་གནམ་གྲུར་བཞུགས་ཏེ་ཕ་ནོམ་ཕེན་དུ་ཕེབས་འབྱོར་ཟིན་ཞིང་། ཁམ་ཕུ་ཁྲེའི་རྒྱལ་པོ་ཤིས་ཧཱ་མུའུ་ཉི་ཡི་གདན་ཞུས་ལྟར་ཁམ་ཕུ་ཁྲེར་རྒྱལ་དོན་འཚམས་འདྲི་གནང་བ་རེད། རྒྱལ་པོ་ཤིས་ཧཱ་མུའུ་ཉི་ཡིས་ཆིན་ཝང་ཤཱ་ཁཱ་ཕེང་དང་ཨ་ལུན་ཀོང་ཇོ་སོགས་རྒྱལ་རྒྱུད་ཀྱི་ཁོངས་མི་དང་། མི་དམངས་ཏང་གི་ཀྲུའུ་ཞི་དང་གྲོས་ཁང་

ཉེ་ཆར། ཀོང་ཀྲོའུ་ཚོང་འདུས་སྐབས་137པ་འགོ་ཚུགས་པ་རེད། སྐབས་འདིའི་ཀོང་ཀྲོའུ་ཚོང་འདུས་ལ་ཁེ་ལས་ཁྲི་3.1ལྷག་ཙམ་ཞུགས་ཤིང་། དེའི་ནང་ཕྱིར་གཏོང་འགྲེམས་ཚོགས་ལ་ཞུགས་མཁན་ཁེ་ལས་ཁྲི་3ལས་ཐོག་མར་བརྒལ་བ་དང་། ཕྱི་རྒྱལ་གྱི་ཉོ་སྒྲུབ་ཚོང་པ་ཁྲི་20ལྷག་ཙམ་ཐོ་འགོད་བྱེད་པའི་ཡིད་དབང་བཀུག་ཡོད། འདི་ནི་ཚོང་འགྲུལ་པས་ཀོང་ཀྲོའུ་ཚོང་འདུས་སུ་ཉོ་ཚོང་བྱེད་བཞིན་པ།

སྤྱི་ཟླ་4པའི་ཚེས་16ཉིན། གསར་འགོད་པས་དཀར་མཛེས་ཁུལ་རིག་གནས་རླུང་འཕྲིན་ཡུལ་སྐོར་ཅུས་ནས་ཤེས་རྟོགས་བྱས་པར་གཞིགས་ན། འདི་ལོའི་ལོ་འགོར་རྒྱལ་ཁབ་རིག་དངོས་ཅུས་ཀྱིས“ཐང་བོད་གནའ་ལམ་གྱི་སི་ཁྲོན་དུམ་བུ།(སེར་ཤུལ་རྫོང་གི་མ་ཎི་རྡོ་འབུམ་ཚུད།)”དང་། “ཀྲུང་གོའི་སྣ་མང་རིགས་ཚོགས་ཀྱི་སྲོལ་རྒྱུན་འདུས་སྡོད།(རོང་བྲག་གི་མཁར་རྫོང་དང་བོད་སྡེ)” “ཇ་རྟའི་གནའ་ལམ་གྱི་སི་ཁྲོན་དུམ་བུ།” “མཚོ་བོད་

ཀྲུང་གོ་བོད་ཀྱི་དྲ་བའི་འཕྲིན། 2025ལོའི་བོད་བརྒྱུད་ནང་བསྟན་དགེ་ལུགས་པའི་དགེ་བཤེས་ལྷ་རམས་པའི་དམ་བཅའ་འཇོག་པ་དང་ལག་ཁྱེར་འབུལ་བའི་མཛད་སྒོ་ཟླ4པའི་ཚེས15ཉིན་ལྷ་ལྡན་གཙུག་ལག་ཁང་དུ་འཚོགས་པ་རེད། ཐེངས་འདིའི་བྱ་འགུལ་ནི་བོད་རང་སྐྱོང་ལྗོངས་དབུ་བརྙེས་ནས་ལོ་འཁོར60ལོན་པ་དང་དགེ་བཤེས་ལྷ་རམས་པའི་རྒྱུགས་ལེན་ལམ་ལུགས་སླར་གསོ་བྱས་ནས་ལོ་འཁོར20ལོན་པའི་དུས་སུ་འཁེལ་ཡོད། 2025ལོའི་བོད་བརྒ

ལིའུ་ཧུའེ་ཀྲེན་གྱིས་པར་བརྒྱབ། འདི་ནི་ཕིན་ཀེ་རུའེ་སློབ་གྲྭའི་སློབ་མ་དང་ཆུས་ཀྲོའུ་སློབ་འབྲིང་གཉིས་པའི་སློབ་མས་དྲན་རྟེན་པར་རྒྱག་བཞིན་པ།ལིའུ་ཧུའེ་ཀྲེན་གྱིས་པར་བརྒྱབ། འདི་ནི་ཆུས་ཀྲོའུ་སློབ་འབྲིང་གཉིས་པའི་སློབ་མས་ལྟ་སྐོར་ལ་ཡོང་བའི་ཕིན་ཀེ་རུའེ་སློབ་གྲྭའི་སློབ་མར་སློབ་གྲྭའི་ལོ་རྒྱུས་ངོ་སྤྲོད་བྱེད་བཞིན་པ།ཀྲེ་ཅང་ཆུས་ཀྲོའུ་གྲོང་ཁྱེར་ཆུས་ཀྲོའུ་གནམ་ཐང་དུ་ཨ་རིའི་དགེ་སློབ

སློབ་སྦྱོང་སློབ་གསོ་དེ་སྔར་ལས་གཞི་རིམ་དང་དོན་དངོས་ལ་དམ་དུ་འབྲེལ་ཆེད། མཚོ་སྔོན་ཞིང་ཆེན་གྱིས་ཞིང་ཆེན་རིམ་པའི་ལས་བྱེད་པའི་བརྟག་དཔྱད་དང་མགོ་ཁྲིད་སྡེ་ཁག་གི་ཆེད་དོན་བརྟག་དཔྱད། སློབ་སྦྱོང་སློབ་གསོའི་ཆེད་དོན་འཛིན་གྲྭའི་འབྲེལ་གནས་བརྟག་དཔྱད་སོགས་ཀྱི་བྱེད་ཐབས་སྤྱད་དེ། ཞིང་ཆེན་ཡོངས་ཀྱི་གྲོང་ཁྱེར་དང་ཁུལ་བརྒྱད་དང་རྫོང་ཞེ་ལྔ། ཁེ་ལས་སོ་དགུ་བཅས་ལ་སོང་ནས། གནད་དོན་ཞིབ་བཤེར་ཐག་གཅོད་བྱས་པ་དང་། གཞི་རིམ་མང་ཚོགས་ཀྱིས་དོ་ཁུར་བྱེད་པའི་དཀའ་གནད་དང་གནད་དོན་གཙོ་བོར་རྒྱུས་ལོན་ཟབ་མོ་བྱས་ཏེ། སློབ་སྦྱོང་སློབ་གསོ་གཏིང་ཟབ་ཏུ་སྤེལ་བར་རྒྱུན་མཐུད་སྒོས་སྐུལ་འདེད་བཏང་།ཞིང་ཆེན་ཏང་ཨུས་ཏང་ལ་དོ་དམ་དང་ཏང་བཅོས་སྐྱོང་བྱེད་པའི་ཆབ་སྲིད་ཀྱི་འགན་འཁྲི་ཕྲག་ཏུ་བླངས་ནས། རིམ་པ་སོ་སོའི་ཏང་ཨུ་དང་ཏང་ཙུའུ་ཡི་འགན་ཁུར་བློ་མཐུན་གཙོ་བོས་མགོ་ཁྲིད་གཙོ་བོའི་ལས་འགན་ལག་བསྟར་ནན་མོ་བྱེད་པ་དང་། ཁོངས་གཏོགས་མི་སྣས་ལས་གནས་གཅིག་ལ་འགན་འཁྲི་གཉིས་འཁུར་བའི་བླང་བྱ་ལྟར། འགན་བགོས་སྡེ་ཁག་གི་སློབ་སྦྱོང་སློབ་གསོ་དམ་འཛིན་ལེགས་པོ་བྱས། ཞིང་ཆེན་རིམ་པའི་མགོ་ཁྲིད་ལས་བྱེད་པས་གྲོང་གསེབ་དར་སྤེལ་དང་སྦྲེལ་ཞིང་། འབྲེལ་གཏུག་བྱེད་སའི་ཁེ་ལས་གཙོ་བོའི་བྱ་བའི་བཀོད་སྒྲིག་དང་སྦྲེལ། ཞིང་ཆེན་རིམ་པའི་མགོ་ཁྲིད་ལས་བྱེད་པ་སོ་ལྔས་གྲོང་གསེབ་དར་སྤེལ་དང་ཁེ་ལས་ལ་ཕན་པའི་སྲིད་ཇུས་དོན་འཁྱོལ་བྱེད་པར་ལྟ་སྐུལ་མཛུབ་སྟོན་བྱེད་པའི་བརྒྱུད་རིམ་ཁྲོད། སོ་སོར་རྫོང་གཅིག་དང་ཁེ་ལས་གཙོ་བོ་གཅིག་ལ་འབྲེལ་གཏུག་མཛུབ་སྟོན་བྱས་ཏེ། སློབ་སྦྱོང་སློབ་གསོའི་བརྗོད་དོན་ལ་དམིགས་ནས། སིམ་འཐིམ་རྣམ་པའི་བརྟག་དཔྱད་བྱས་ལ། གཞི་རིམ་གྱི་བསམ་འཆར་གྲོས་གཞི་དང་རེ་འདུན་ལ་ཉན་ཞིང་། ས་ཁུལ་དང་ཁེ་ལས་ལ་མཛུབ་སྟོན་དང་བརྟག་དཔྱད་བྱས་ཏེ་གནད་དོན་ཞིབ་བཤེར་ཐག་གཅོད་བྱས་པ་དང་། བསམ་འཆར་དང་གྲོས་གཞི་བསྡུ་ལེན་བྱས་ནས། སློབ་སྦྱོང་སློབ་གསོའི་གནས་ཚུལ་ལ་རྒྱུས་ལོན་བྱས།ཞིང་ཆེན་ཏང་ཨུའི་རྩ་འཛུགས་པུའུ་ཡིས་སློབ་སྦྱོང་སློབ་གསོའི་བྱ་བའི་ཆེད་དོན་བརྟག་དཔྱད་འཆར་འགོད་ཞིབ་མོར་བཟོས་པ་དང་། འབྲེལ་ཡོད་ལས་རིགས་སྡེ་ཁག་དང་མཐུན་སྦྱོར་བྱས་ཤིང་། ལས་སྒྲུབ་སྟོབས་ཤུགས་གཙོ་བོ་བཀོད་སྒྲིག་བྱས་ནས། བརྟག་དཔྱད་བྱ་བའི་ཚན་ཆུང་བརྒྱད་བཙུགས་ཏེ། ཟི་ལིང་གྲོང་ཁྱེར་དང་མཚོ་ལྷོ་བོད་རིགས་རང་སྐྱོང་ཁུལ། མཚོ་བྱང་བོད་རིགས་རང་སྐྱོང་ཁུལ། རྨ་ལྷོ་བོད་རིགས་རང་སྐྱོང་ཁུལ། ཞིང་ཆེན་གྱི་ཐད་གཏོགས་ལས་ཁུངས་ཁག་གཅིག་དང་མཐོ་རིམ་སློབ་གྲྭ། སྨན་ཁང་། ཁེ་ལས་སོགས་ཀྱི་ཁྱབ་ཁོངས་སུ་སོང་ནས་ཡུལ་དངོས་བརྟག་དཔྱད་བྱས་པ་དང་། བཞུགས་མོལ་བརྗེ་རེས་ཀྱི་བྱེད་ཐབས་སྤྱད་དེ། སྡེ་བའི་ཏང་ཀྲི་པུའུ་ཧྲུའུ་ཅི་དང་སྡེ་དམངས་ཨུ་ཡོན་ལྷན་ཁང་གི་ཁོངས་གཏོགས་མི་སྣ། ཡུལ་ཚོ་དང་གྲོང་རྡལ་ལས་ཁུངས་ཀྱི་ལས་བྱེད་མི་སྣ་དཀྱུས་མ། ཏང་ཡོན་དང་མང་ཚོགས། རང་ཁྱབ་ཁོངས་དང་རང་ཁོངས་གཏོགས་ཀྱི་ལས་བཟོ་པ་དཀྱུས་མ། ཞབས་ཞུ་བྱ་ཡུལ་སོགས་སུ་ཐེངས་བཅུ་གཅིག་ལ་བཞུགས་མོལ་བརྗེ་རེས་བྱས་ཤིང་། གཞི་རིམ་གྱི་ཏང་ཡོན་མང་ཚོགས་དྲུག་བརྒྱ་ལྷག་ལ་གནས་ཚུལ་དྲིས་ཤིང་། ཞིབ་བཤེར་འདྲི་ཤོག་བཞི་བརྒྱ་བཀྲམ་ནས། གཙོ་བོ་ཁྱབ་ཁོངས་སོ་སོའི་མངོན་གསལ་གྱི་གནད་དོན་དང་དེའི་ཞིབ་ཕྲའི་མངོན་ཚུལ་ལ་རྒྱུས་ལོན་བྱས་པ་དང་། རིམ་པོ་སོ་སོའི་མགོ་ཁྲིད་དང་ཏང་ཡོན་ལས་བྱེད་པའི་འབུར་ཐོན་གནད་དོན་ལ་ཐོག་མའི་རྒྱུས་ལོན་བྱས་ཤིང་། གཞི་རིམ་མང་ཚོགས་ཀྱི་བསམ་ཚུལ་དང་རེ་འདུན་ལ་རྒྱུས་ལོན་གསལ་བོ་བྱས་ཏེ། སློབ་སྦྱོང་སློབ་གསོ་གཏིང་ཟབ་ཏུ་སྤེལ་བར་གཞི་རིམ་གྱི་ལས་ཡུལ་དང་པོའི་ཆ་འཕྲིན་འདོན་སྤྲོད་བྱས། ཞིང་ཆེན་ཏང་ཨུའི་སློབ་སྦྱོང་སློབ་གསོའི་བྱ་བའི་ཆེད་ཚན་གྱིས་ཆ་འཕྲིན་འགག་རྩའི་བྱེད་ནུས་འདོན་སྤེལ་ལེགས་པོ་བྱས་པ་དང་། ལས་རིགས་མི་འདྲ་བ་དང་ཁྱབ་ཁོངས་མི་འདྲ་བའི་ཁྱད་ཆོས་ལ་དམིགས་ནས། བྱེད་ཐབས་སྣ་མང་སྤྱད་དེ་མཛུབ་སྟོན་དེ་བརྒྱུད་རིམ་ཡོངས་ལ་ཁྱབ་པར་བྱས། ཞིང་ཆེན་རིམ་པའི་མགོ་ཁྲིད་ལས་བྱེད་པ་མེད་སའི་གྲོང་ཁྱེར་དང་ས་ཁུལ། རྫོང་བཅས་སུ་ཆེད་ཚན་བཀོད་སྒྲིག་བྱས་ནས་འབྲེལ་གཏུག་མཛུབ་སྟོན་བྱས། འབྲེལ་གཏུག་མཛུབ་སྟོན་ལས་རིམ་རི་མོ་དང་སློབ་སྦྱོང་སློབ་གསོའི་བྱ་བའི་སྐུལ་འདེད་རེའུ་མིག་གཏན་འབེབས་ཞིབ་མོ་བྱས་ཏེ། ཐིན་རིམ་པའི་མགོ་ཁྲིད་བཞི་ཡིས་སྣེ་ཁྲིད་མཛུབ་སྟོན་བྱས་པ་དང་། འབྲེལ་གཏུག་མི་སྣ་བཅུ་བཞིས་རྗེས་འདེད་སྤྱི་འདོམས་བྱས་ལ། ཞིང་ཆེན་ཐད་གཏོགས་ལས་ཁུངས་དང་ཁེ་ལས་ལས་དོན་སྡེ་ཁག་གྱ་གཉིས་དང་། ཁུལ་དང་གྲོང་ཁྱེར་བརྒྱད་དུ་གཅིག་གཏད་གཅིག་གི་འབྲེལ་གཏུག་མཛུབ་སྟོན་གྱི་བྱ་བའི་རྐྱེན་སྲོལ་བཙུགས། ཞིང་ཆེན་རིམ་པའི་ཆེད་ཚན་དང་ལྟ་ཞིབ་ཚད་འཇལ་བྱེད་ཡུལ་གྱི་འབྲེལ་གཏུག་མཛུབ་སྟོན་རྐྱེན་སྲོལ་ལ་བརྟེན་ནས། གཞི་རིམ་གྱི་ལྟ་ཞིབ་ཚད་འཇལ་བྱེད་ཡུལ་བཅོ་ལྔ་བཙུགས་པ་དང་། སྐབས་དང་བསྟུན་ནས་སློབ་སྦྱོང་སློབ་གསོའི་བྱ་བའི་ཆེད་དོན་བརྟག་དཔྱད་མཛུབ་སྟོན་སྤེལ། ཟླ་བཞི་པའི་ཟླ་དཀྱིལ་བར་དུ། ལྟ་ཞིབ་ཚད་འཇལ་བྱེད་ཡུལ་གྱིས་གནད་དོན་གྱི་ཁུངས་སྣེ་སོ་དྲུག་ཕྱིར་ལྡོག་བྱས་པ་དང་། དེའི་ཁྲོད་ཀྱི་དོན་ཚན་སོ་གཅིག་དུས་ཐོག་ཏུ་བརྒྱུད་སྤྲོད་བྱས་ནས་ཐག་གཅོད་བྱས་ལ། དོན་ཚན་ལྔ་ནི་གསར་དུ་བསྣན་པའི་ཁུངས་སྣེ་རེད། བྱ་བའི་གསལ་འདེབས་དང་བྱ་བའི་དྲིས་ལན་བསམ་འཆར་འགྲེམ་སྤེལ་བྱས་པ་དང་། ཞིང་ཆེན་ཐད་གཏོགས་ཀྱི་ལས་རིགས་ཁོངས་གཏོགས་སོ་སོའི་གཙོ་གཉེར་སྡེ་ཁག་བཀོད་སྒྲིག་བྱས་ནས་ལས་རིགས་ཁོངས་གཏོགས་ཀྱི་རང་ངོས་དགེ་མཚན་འདོན་སྤེལ་བྱས་ཤིང་། ཁོངས་གཏོགས་ཀྱི་སློབ་སྦྱོང་བགྲོ་གླེང་དང་གནད་དོན་ཞིབ་བཤེར། གཅིག་སྡུད་ལེགས་བཅོས། སྒོ་འབྱེད་སློབ་གསོ་བཅས་ཀྱི་བརྒྱུད་རིམ་ཧྲིལ་བོར་མཛུབ་སྟོན་བྱས་ཏེ། ལས་རིགས་སོ་སོ་དང་ཁོངས་གཏོགས་སོ་སོས་ནུས་ལྡན་མཉམ་འགུལ་དང་། ཐོན་ཁུངས་མཉམ་སྤྱོད། མཐུན་སྦྱོར་སྐུལ་འདེད་བྱེད་པ་བཅས་མངོན་འགྱུར་བྱུང་།

བསྟུད་མར་ཉིན་འགའི་རིང་ལ། ཐེན་ཅིན་དང་ཁྲུང་ཆིན། ཅི་ལིན། ཧི་པེ་སོགས་ཀྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་སྤེལ་ནས། སློབ་སྦྱོང་དང་ཞིབ་བཤེར། བཅོས་སྒྱུར་བཅས་ལ་གཞི་གཅིག་ཏུ་སྐུལ་འདེད་བཏང་། སྤྱོད་ཚུལ་འཛུགས་སྐྲུན་རྒྱུན་རྣམ་ཅན་དང་ལམ་ལུགས་ཅན་དུ་འགྱུར་བར་སྐུལ་འདེད་བཏང་སྟེ། སློབ་སྦྱོང་སློབ་གསོའི་གྲུབ་འབྲས་དེ་འཕེལ་རྒྱས་ལ་སྐུལ་འདེད་གཏོང་བའི་དོན་དངོས་ཕན་འབྲས་སུ་བསྒྱུར།ཐེན་ཅིན་གྲོང་ཁྱེར་ཏང་ཨུས་སྣེ་ཁྲིད་དེ་མི་སྒེར་གྱི་རང་སྦྱོང་དང་ཆེད་དོན་ཟུར་ཁྲིད། བརྗེ་རེས་དང་གྲོས་སྡུར་བཅས་ཟུང་འབྲེལ་བྱེད་སྟངས་སྤྱད་དེ། ཏང་ཡོན་ལས་བྱེད་པས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་གི་སྤྱོད་ཚུལ་འཛུགས་སྐྲུན་སྐོར་གྱི་རྒྱས་བཤད་གལ་ཆེན་དང་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པར་སྐུལ་ཁྲིད་བྱས་ཏེ། མང་ཚོགས་ཀྱི་བྲེལ་དཀའ་ཁྲལ་སྒུག་དང་གཞི་རིམ་གྱིས་མྱུར་དུ་ཐག་གཅོད་བྱེད་དགོས་པའི་འབུར་ཐོན་གནད་དོན་བཙལ་ནས། སློབ་སྦྱོང་དང་ཞིབ་བཤེར། བཅོས་སྒྱུར་བཅས་ལ་གཞི་གཅིག་ཏུ་སྐུལ་འདེད་བཏང་།ཁྲུང་ཆིན་གྲོང་ཁྱེར་ཏང་ཨུས་རིམ་པ་སོ་སོའི་ཏང་ཡོན་ལས་བྱེད་པ་རྩ་འཛུགས་བྱས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་གི་སྤྱོད་ཚུལ་འཛུགས་སྐྲུན་ལ་ཤུགས་སྣོན་པའི་སྐོར་གྱི་རྒྱས་བཤད་གལ་ཆེན་སློབ་སྦྱོང་གཏིང་ཟབ་བྱས་ཏེ། ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་ལག་བསྟར་མཐའ་འཁྱོལ་བྱས་པ་དང་། འགན་འཁྲི་ནན་དཀྲི་དང་སྤྱོད་ངན་བཞི་བཅོས་སྒྱུར་བྱས་ནས། བྱ་བ་མི་སྒྲུབ་པ་དང་གང་འདོད་དུ་སྒྲུབ་པ། འགོར་འགྱངས་བྱས་ནས་སྒྲུབ་པ། དངོས་གནས་མི་སྒྲུབ་པ་བཅས་ཀྱི་གནད་དོན་མཐའ་གཅིག་ཏུ་བཅོས་སྐྱོང་བྱས།ཅི་ལིན་ཞིང་ཆེན་གྱིས་སློབ་སྦྱོང་སློབ་གསོ་ཕྱོགས་ཡོངས་ནས་བཀོད་སྒྲིག་བྱེད་མགོ་བརྩམས་པ་དང་། གཞི་རིམ་ཏང་རྩ་འཛུགས་ཁྲི9ལྷག་ཙམ་ལ་ཁྱབ་ཡོད། ས་གནས་སོ་སོ་དང་སྡེ་ཁག་སོ་སོ། ལས་ཁུངས་སོ་སོས་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་དོན་འཁྱོལ་བྱེད་པའི་ཐད་གནས་པའི་གནད་དོན་མ་ལག་ལྡན་པའི་སྒོ་ནས་གསེད་བཀྲོལ་བྱས་ཏེ། མང་ཚོགས་ཀྱི་བསམ་འཆར་དང་གྲོས་འགོ་རྒྱ་ཁྱབ་ངང་བསྡུ་ལེན་བྱས་པ་དང་། མངོན་གསལ་དུ་སློབ་གསོ་བཏང་སྟེ་ཕན་འབྲས་ཐོབ་པར་བྱས།ཧི་པེ་ཞིང་ཆེན་གྱིས་ཞིང་ཆེན་ཡོངས་ཀྱི་ཏང་ཡོན་ལས་བྱེད་པ་རྩ་འཛུགས་བྱས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་གི་སྤྱོད་ཚུལ་འཛུགས་སྐྲུན་ལ་ཤུགས་སྣོན་པའི་སྐོར་གྱི་རྒྱས་བཤད་གལ་ཆེན་སློབ་སྦྱོང་ནན་ཏན་བྱས་པ་དང་། སློབ་སྦྱོང་གཏིང་ཟབ་བྱེད་པ་དང་གོ་བ་ཟབ་མོ་ལེན་པ། ལག་ལེན་ནན་ཏན་བྱེད་པ་བཅས་ཀྱི་ཐད་འབད་བརྩོན་བྱས་ཏེ། ཕྱོགས་ཡོངས་ནས་ནན་ཏན་སྒོས་གནད་དོན་འཚོལ་ཞིབ་བྱས་ནས། གཅིག་བསྡུས་བཅོས་སྒྲིག་ལ་སྐུལ་འདེད་ཏན་ཏིག་བཏང་སྟེ་སྤྱོད་ངན་དང་རུལ་སུངས་ཀྱི་མཉམ་བཤེར་མཉམ་བཅོས་ལ་སྐུལ་འདེད་བཏང་།ཤ་བོ་རིན་མཚོས་བསྒྱུར།

དྭངས་གཙང་གི་བརྩེ་སེམས་ཀྱིས་མི་ཚེའི་རིན་ཐང་འཚོལ་བ། «བརྩེ་བའི་སློབ་གསོ»ཡི་དཔེ་ཀློག་ཟིན་བྲིས་དང་མྱོང་ཚོར་ཕྲན་བུ།གཅིག དཔེ་དེབ་ངོ་སྤྲོད། ༡ དཔེ་ཆའི་མིང་། «བརྩེ་བའི་སློབ་གསོ» ༢ རྩོམ་པ་པོ། དྷེ་ཨ་མི་ཆི་སིས་བརྩམས། སྟག་འབུམ་རྒྱལ་གྱིས་བསྒྱུར། ༣ ཡིག་གྲངས། ཁྲི༤༠ ༤ དཔེ་སྐྲུན་ཁང་། ཀན་སུའུ་མི་རིགས་དཔེ་སྐྲུན་ཁང་། ༥ ཀློག་ཡུན། སྤྱི་ལོ༢༠༢༢ལོའི་ཟླ༡༢པའི་ཚེས༢༦ཉིན་ཀློག་མགོ་བརྩམས་ཤིང་སྤྱི་ལོ༢༠༢༤ལོའི་ཟླ༡༢པའི་ཚེས༩ཉིན་ལ་ཐེངས་གཉིས་བཀླགས་གྲུབ། ༦ རྩོམ་པ་པོ་ངོ་སྤྲོད། དྷེ་ཨ་མི་ཆི་སི་ནི་དབྱི་ཐ་ལིའི་མི་རིགས་བསྐྱར་དར་ལས་འགུལ་དུས་ཀྱི་རྒྱལ་གཅེས་མི་སྣ་དང་། གྲགས་ཅན་རྩོམ་པ་པོ་ཡིན། ཁོང་སྤྱི་ལོ༡༨༤༦ལོའི་ཟླ༡༠ཚེས༣༡ཇིན་དབྱི་ཐ་ལིའི་ལི་ཀུ་ལི་ཡ་ས་ཁུལ་གྱི་མཚོ་འགྲམ་གྲོང་ཁྱེར་ཞིག་ཏུ་འཁྲུངས། སྤྱི་ལོ༡༩༠༨ལོའི་ཟླ༣པའི་ཚེས༡༡ཉིན་སྐུ་གཤེགས། སྤྱི་ལོ༡༨༨༨ལོར་ཁོང་གི་བྲིན་ཁ་རྒྱུགས་ཤོག་ཀྱི་རྩོམ་དེབ«བརྩེ་བའི་སློབ་གསོ»སྒྱུར་ཚུལ་གཞན་ལ་སེམས་ཞེས་པ་དེ་བྲིས་སྣང་མཛད། དེབ་འདི་ནི་འཛམ་གླིང་གསུང་རབས་གྲགས་ཅན་དང་སློབ་གསོ་པུའུ་ཡི་འོས་སྦྱོར་ཀློག་དེབ་ཏུ་གྲགས། ༧ བསྒྱུར་མཁན་ངོ་སྤྲོད། སྟག་འབུམ་རྒྱལ། དུས་རབས་སྔོན་མའི་ལོ་རབས་བརྒྱད་ཅུ་བའི་མཇུག་ཏུ་གསར་རྩོམ་གྱི་ལས་ལ་ཞུགས་ཤིང་སྔ་གཞུག་ཏུ་ཞིང་ཆེན་ཕྱི་ནང་གི་དུས་དེབ་དང་ཚགས་པར་སྟེང་དུ་སྒྲུང་གཏམ་ཚིག་བརྒྱ་ལྷག་སྤེལ་ཞིང་། དེའི་ཁྲོད་དུ་སྒྲུང་གཏམ་ཁ་ཤས་སློབ་གྲྭ་ཆེ་འབྲིང་ཁག་གི་བསླབ་དེབ་ཏུ་བདམས་ཡོད་ལ། བརྩམས་ཆོས་སྐོར་ཞིག་རྒྱ་ཡིག་དང་དབྱིན་ཇི། འཇར་མན། ཧྥ་རན་སི། ཧི་ལན། འཇར་པན་སོགས་ཀྱི་ཡིག་རིགས་སུ་བསྒྱུར་ཡོད། འཐུས་ཚབ་བརྩམས་ཆོས་ལ་སྒྲུང་རིང«ལྷིང་འཇགས་ཀྱི་རྩྭ་ཐང»དང«རྒུད» སྒྲུང་འབྲིང་ཕྱོགས་བསྒྲིགས«ཁ་བ་མེད་པའི་དགུན་ཁ»དང«སྟག་འབུམ་རྒྱལ་གྱི་སྒྲུང་འབྲིང་ཕྱོགས་བསྒྲིགས» སྒྲུང་ཐུང་ཧྲག་བསྒྲིགས«མི་རབས་གསུམ་གྱི་རྨི་ལམ»དང«བགྲས་པོ་དང་ནོར་ཁྱུ» རྒྱ་འགྱུར་མའི་སྒྲུང་གཏམ་ཕྱོགས་བསྒྲིགས«མི་ཚེའི་གླུ་དབྱངས»དང«སྟག་འབུམ་རྒྱལ་གྱི་སྒྲུང་གཏམ་ཕྱོགས་བསྒྲིགས» ཉི་ཧོང་སྐད་སུ་བསྒྱུར་བའི་སྒྲུང་གཏམ་ཕྱོགས་བསྒྲིགས«ཧཱ་པ་གསོས་པའི་ཟིན་བྲིས»སོགས་ཡོད། ༨ ནང་དོན་མདོར་བསྡུས། དཔེ་ཆ་འདིའི་ནང་ཉིན་ཐོའི་འབྲི་ཐབས་བཀོལ་ནས་ལོ་རིམ་གསུམ་པའི་སློབ་ཆུང་སློབ་མ་ཨེན་རི་ཁོ་ཡི་འཚོ་བ་དང་ཉེ་འཁོར་གྱི་མི་དང་བྱ་བ། དངོས་པོ་སོགས་ཟིན་ཐོར་བཀོད་ཡོད། འདིའི་ནང་གཉེན་ཉེའི་བརྩེ་སེམས་དང་། དགེ་སློབ་ཀྱི་བརྩེ་སེམས། གྲོགས་པོའི་མཛའ་བརྩེ། སྤྱི་ཚོགས་ལ་བཅངས་པའི་གདུང་སེམས་བཅས་ཟབ་མོ་བྲིས་ཡོད་པ་དང་། ད་དུང་ལོ་ཆུང་བྱིས་པའི་རྒྱལ་གཅེས་ཀྱི་བསམ་པ་དང་། མི་སྣ་གཙོ་བོ་ཨེན་རི་ཁོ་བརྩེ་བའི་ཁོར་ཡུག་ཁྲོད་དུ་རིམ་བཞིན་འཚར་ལོངས་བྱུང་བའི་བརྒྱུད་རིམ་བྲིས་ཡོད།གཉིས། བཀླགས་རྗེས་ཀྱི་མྱོང་ཚོར། རྩོམ་རིག་གི་ལྟ་ཚུལ། བརྩེ་བའི་སློབ་གསོ་ཞེས་པའི་དཔེ་ཆ་འདི་ནི་བྱིས་པའི་རྩོམ་རིག་གི་མིག་དཔེ་དང་ཕུན་སུམ་ཚོགས་པའི་བརྩེ་དུང་གིས་ཕྱུག་པ། དུས་རབས་བཅུ་དགུ་པའི་དུས་མཇུག་གི་དབྱི་ཐ་ལིའི་སྤྱི་ཚོགས་ཀྱི་སློབ་གསོའི་འདུ་ཤེས་དང་ཁྱིམ་ཚང་གི་རིན་ཐང་ལྟ་བ་མངོན་པར་བྱས་ཡོད། དཔེ་ཆ་འདི་ནི་བྱིས་པའི་རྩོམ་རིག་གི་མིག་དཔེ་ཡིན་པ་མ་ཟད། དར་མའི་ཀློག་པ་པོས་སློབ་གསོ་དང་བརྩེ་དུང་གི་རིན་ཐང་ལ་བསམ་ཞིབ་བྱེད་པའི་རྩ་ཆེའི་དེབ་ཅིག་ཀྱང་ཡིན་པར་སྙམ།༡ དཔེ་དོན་ཇི་བཞིན་བརྗོད་པའི་ཐབས་དང་གྲུབ་ཚུལ། རྩོམ་རིག་གི་ཕྱོགས་ནས་བལྟས་ན། «བརྩེ་བའི་སློབ་གསོ»ཞེས་པའི་དེབ་ནང་དོན་བརྗོད་ཀྱི་ཐབས་དང་གྲུབ་ཚུལ་ནི་དེབ་འདི་ལེགས་འགྲུབ་བྱུང་བའི་འགག་རྩ་ཡིན་པར་སྙམ། རྩོམ་པ་པོ་དྷེ་ཨ་མི་ཆི་སིས་ཉིན་ཐོའི་གཟུགས་སུ་བཀོད་པའི་རྣམ་པས། མིང་དང་པོ་བ་སྤྱོད་དེ་མི་སྣ་གཙོ་བོ་ཨེན་རི་ཁོ་ཡི་སེམས་ཀྱི་དགའ་སྡུག་མཚོན་པའི་གཏམ་རྒྱུད་དེ་མཐོང་ཐུབ་པར་བྱས། དཔེ་ཆའི་ནང་གི་ལེའུ་རེ་རེ་ནི་སྒེར་ཚུགས་ཀྱི་གཏམ་རྒྱུད་ཅིག་ཡིན་མོད། འོན་ཀྱང་ཕན་ཚུན་འབྲེལ་བ་ཡོད་པས། སྤྱི་ཚོགས་ཀྱི་ངོས་ཆ་ཚང་ཞིག་གྲུབ་པ་རེད།༢ མི་སྣ་བཞེངས་སྐྲུན་དང་བརྩེ་དུང་མཚོན་པ། དཔེ་ཆའི་ནང་གི་མི་སྣའི་གཟུགས་བརྙན་མངོན་གསལ་ཡིན་པས། བརྩེ་དུང་ཟོལ་མེད་ཡིན་པ། ཨན་རི་ཁོ། ཁཱ་ལུང་། ཏེ་ལོ་ཞི་སོགས་མི་སྣའི་གཤིས་ཀའི་ཁྱད་ཆོས་དང་འཚར་ལོངས་ཀྱི་བརྒྱུད་རིམ་ཚང་མ་ཞིབ་ཅིང་ཕྲ་བའི་སྒོ་ནས་བྲིས་ཡོད། ཀློག་པ་པོས་ཁོང་ཚོར་ཐུན་མོང་གི་ངོས་འཛིན་བྱེད་ཐུབ། རྩོམ་པ་པོས་མི་སྣ་འདི་དག་བཞེངས་སྐྲུན་བྱས་པར་བརྒྱུད་ནས་མིའི་རིགས་ཀྱི་བརྩེ་དུང་དང་། མཛའ་བརྩེ། བརྩི་འཇོག་དང་འགན་འཁྲི་ལ་གོ་བ་གཏིང་ཟབ་བླངས་པ་དང་མི་སྣ་འདི་དག་གི་བརྩེ་དུང་མཚོན་ཡོད་པ་མ་ཟད། སྐབས་དེའི་སྤྱི་ཚོགས་ཀྱི་བརྩེ་བའི་སློབ་གསོའི་ཚུར་སྣང་ཡང་ཡིན།༣ བརྗོད་བྱའི་བསམ་བློ་དང་རྩོམ་རིག་གི་རིན་ཐང་། བརྩེ་བའི་སློབ་གསོ་ཞེས་པའི་བརྗོད་བྱའི་བསམ་བློ་ནི་བརྩེ་སེམས་དང་སློབ་གསོ་ཡིན་པ་མ་ཟད། དཔེ་ཆའི་ནང་དུ་མི་སེམས་འགུལ་བའི་གཏམ་རྒྱུད་རབ་དང་རིམ་པ་བརྒྱུད་ནས་བརྩེ་དུང་གི་སྟོབས་ཤུགས་དང་སློབ་གསོའི་གལ་ཆེའི་རང་བཞིན་ཡང་མངོན་པ་རེད། དེས་ང་ཚོར་སློབ་གསོ་ནི་ཤེས་བྱའི་སློབ་ཁྲིད་ཙམ་མིན་པར། བརྩེ་དུང་དང་ཀུན་སྤྱོད་ཀྱི་གསོ་སྐྱོང་ཡིན། དཔེ་ཆ་འདིའི་རིན་ཐང་ནི་དུས་ཚོད་དང་བར་སྟོང་ལས་བརྒལ་ཐུབ་པ་དང་། རིག་གནས་རྒྱབ་ལྗོངས་མི་འདྲ་བའི་འོག་གི་ཀློག་པ་པོའི་བསམ་པར་ཕོག་ཐུག་གཏོང་ཐུབ་པའི་དྲན་སྐུལ་བྱས།༤ སྐད་ཆའི་ཉམས་འགྱུར་དང་བརྩེ་དུང་གཅིག་མཐུན་ཡིན་པ། དྷེ་ཨ་མི་ཆི་སིའི་སྐད་ཆའི་ཉམས་འགྱུར་ནི་རྩོམ་རིག་བརྩམས་ཆོས་ཤིག་ཡིན་པ་མ་ཟད། ཁོས་དྲང་བདེན་གྱི་སྐད་ཆའི་ཐོག་ནས་བརྩེ་དུང་དང་རྙོག་འཛིང་ཆེ་བའི་སྤྱི་ཚོགས་ཀྱི་སྣང་ཚུལ་ཞིག་བྲིས་ཡོད། དེས་ང་ཚོར་ཅི་ལྟར་དགའ་བ་དང་། ཅི་ལྟར་མི་གཞན་ལ་དང་ལེན་དགོས་པ་དང་། དཀའ་ཁག་དང་འགྲན་སློང་གི་མདུན་དུ་སྙིང་སྟོབས་དང་རེ་བ་རྒྱུན་འཁྱོངས་བྱེད་དགོས་པའི་སློབ་སྟོན་གནང་ཡོད་པ་མཐོང་། མདོར་ན། བརྩེ་བའི་སློབ་གསོ་ཞེས་པ་ནི་ཡང་ཡང་ཀློག་རིན་ཡོད་པ་དང་བསམ་གཞིགས་ཟབ་པོ་བྱེད་རིན་ཡོད་པའི་རྩོམ་རིག་བརྩམས་ཆོས་ཤིག་ཡིན། དེས་ཐུན་མོང་མ་ཡིན་པའི་དོན་བརྗོད་ཀྱི་ཐབས་རྩལ་དང་། མི་སྣའི་གཟུགས་བརྙན་གསོན་པོ། བརྗོད་བྱའི་བསམ་བློ། མི་སེམས་འགུལ་བའི་སྐད་ཆའི་ཉམས་འགྱུར་བཅས་ལ་ཤུགས་རྐྱེན་ཟབ་མོ་ཐེབས་ཡོད་པར་སྙམ།

གསར་འགོད་པས་ཞིང་ཆེན་སློབ་གསོ་ཐིན་ནས་རྒྱུས་ལོན་བྱུང་བ་ལྟར་ན། སྐོར་ཁག་དང་པོའི་སློབ་གྲྭ་ཆུང་འབྲིང་གི་སློབ་ཕྱིའི་ཚན་རིག་སློབ་གསོའི་ལག་ལེན་རྟེན་གཞི་བཙུགས་པ་དང་། སྡེ་ཁག་ང་གསུམ་ཞིང་ཆེན་ཡོངས་ཀྱི་སློབ་གྲྭ་ཆུང་འབྲིང་གི་ཚན་རིག་སློབ་གསོའི་ལག་ལེན་སྟེགས་བུ་ཡིན་པའི་ཆ་ནས། མཉམ་དུ་མི་གསོ་སྐྱོང་བྱེད་པའི་རྣམ་པ་གསར་བ་བཙུགས་པ་དང་། ཚན་རིག་སློབ་གསོའི་སྒུལ་ནུས་གསར་བ་ཆེར་བསྐྱེད།ཐེངས་འདིར་བདམས་ཐོན་བྱུང་བའི་སྡེ་ཁག་ཁྲོད་རང་བྱུང་ཚན་རིག་དང་བཟོ་སྐྲུན་ལག་རྩལ། དེང་རབས་ཞིང་ཕྱུགས་ལས། སྐྱེ་ཁམས་ཁོར་ཡུག་སྲུང་སྐྱོབ་སོགས་ཁྱབ་ཁོངས་མང་པོ་འདུ་ལ། ཞིང་ཆེན་རིམ་པའི་ཚན་རྩལ་ཁང་དང་རྒྱལ་ཁབ་རིམ་པའི་གཙོ་གནད་ཚོད་ལྟ་ཁང་། དེང་རབས་ཞིང་ལས་དཔེ་སྟོན་ར་བ། སྐྱེ་ཁམས་སྲུང་སྐྱོབ་ཁུལ་ལག་ལེན་ལྟེ་གནས་སོགས་རིགས་སྣ་མང་པོ་ནང་དུ་འདུ་བ་དང་། གྲོང་ཁྱེར་དང་གྲོང་གསེབ་ཏུ་ཁེབས་ཤིང་བསླབ་ཚན་བསྣོལ་འདྲེས་ཀྱི་ལག་ལེན་དྲ་རྒྱ་གྲུབ་པར་བྱས་ནས། ཞིང་ཆེན་ཡོངས་ཀྱི་སློབ་གྲྭ་ཆུང་འབྲིང་གི་སློབ་མ་ཚོར་སྔོན་གྲལ་ཚན་རྩལ་ལ་རྒྱུས་ལོན་བྱེད་པ་དང་རང་བྱུང་ཁམས་ཀྱི་གསང་བ་ཤེར་ཚོར་བྱེད་པའི་སྟེགས་བུ་གལ་ཆེན་འདོན་སྤྲོད་བྱས།ཞིང་ཆེན་ཡོངས་ཀྱི་ས་ཆ་སོ་སོའི་སློབ་གསོ་སྲིད་འཛིན་སྡེ་ཁག་གིས་རང་འགུལ་གྱིས་རང་གི་ཁུལ་ཁོངས་ནང་གི་འབྲེལ་ཡོད་སྡེ་ཁག་དང་ཁེ་ལས། སྤྱི་གླིང་། རྟེན་མཛོད་ཁང་། ཐོན་ལས་དཔེ་སྟོན་ར་བ་སོགས་ཚན་རིག་ལག་ལེན་གྱི་བྱེད་ནུས་ལྡན་པའི་སྡེ་ཁག་དང་འབྲེལ་མཐུད་བྱས་པ་དང་། བརྗེ་རེས་ཀྱི་སྟེགས་བུ་བཙུགས་ལ། རང་ས་ཆའི་ཚན་རིག་སློབ་གསོའི་ཐོན་ཁུངས་དཀོན་པའི་གནད་དོན་ཐག་བཅད་དེ། སློབ་གྲྭ་ཆུང་འབྲིང་གི་སློབ་ཕྱིའི་ཚན་རིག་སློབ་གསོའི་ལག་ལེན་བྱེད་སྒོའི་ཐད་ཐབས་ལམ་འདོན་སྤྲོད་བྱས།སློབ་གྲྭ་ཆུང་འབྲིང་སོ་སོས་སློབ་སྒྲུབ་ཁྱད་ཆོས་དང་སློབ་མའི་དགོས་མཁོ་ལ་ཟུང་འབྲེལ་བྱས་ཏེ། ཉུང་མཐར་ཡང་རྟེན་གཞི་གཅིག་བདམས་ནས་མཉམ་ལས་ཀྱི་གྲོས་མཐུན་བཀོད་པ་དང་། ཚན་དང་ལྡན་པའི་སྒོ་ནས་སློབ་ཕྱིའི་ཚན་རིག་སློབ་གསོའི་ལག་ལེན་བྱེད་སྒོ་སྤེལ་ནས། སློབ་གྲྭ་ཆུང་འབྲིང་གི་ཚན་རིག་སློབ་གསོའི་བྱ་བའི་ཕན་འབྲས་སྔར་ལས་ཇེ་མཐོར་བཏང་། སྐོར་ཁག་དང་པོའི་སློབ་གྲྭ་ཆུང་འབྲིང་གི་ཚན་རིག་སློབ་གསོའི་ལག་ལེན་རྟེན་གཞི་ངོས་མཐའ་གཅིག་ཏུ་འཛིན་རྒྱུ་ནི། རང་ཞིང་གིས་ཚན་རིག་སློབ་གསོའི་བཅོས་བསྒྱུར་ཟབ་སྤེལ་བྱེད་པའི་གནད་འགག་གི་བྱེད་ཐབས་ཡིན་པ་དང་། སློབ་གྲྭ་ཕྱི་ནང་གི་མཉམ་ལས་དང་གླིང་སློབ་ཟུང་འབྲེལ་བྱས་པ་བརྒྱུད་དེ། ཁོངས་ཡོངས་ཀྱི་ཚན་རྩལ་ཁྱབ་གདལ་དང་བརྒྱུད་རིམ་ཧྲིལ་བོའི་ལག་ལེན། མི་ཡོངས་ཟབ་ཞུགས་ཀྱི་ཚན་རིག་སློབ་གསོའི་སྐྱེ་ཁམས་གསར་བ་གྲུབ་པར་བྱས།རིན་ཆེན་མཚོས་བསྒྱུར།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཁྱིམ་ཚང་གི་ཁྱིམ་གྱི་སློབ་གསོ་དང་ཁྱིམ་སྲོལ་འཛུགས་སྐྱོང་ལ་མཐོང་ཆེན་བྱ་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱས་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། གྲོང་གསེབ་ཀྱི་ཁྱིམ་ཚང་སློབ་གསོའི་མཛུབ་ཁྲིད་ལ་སྔར་བས་ཤུགས་སྣོན་བརྒྱབ་ནས་ཁྱིམ་བདག་ལ་ཕྲུ་གུ་འཚར་ལོངས་ཡོང་རོགས་དེ་བས་ལེགས་པ་བྱེད་ཆེད།ཟླ4པའི་ཚེས16ཉིན་གྱི་དགོང་མོར།ཁུལ་ཨུའི་དཔལ་ཡོན་གཞུང་དོན་ཁང་གིས་གཙོ་གཉེར་བྱས་པའི་བདེ་ཆེན་ཁུལ་གྲོང་གསེབ་ཀྱི“ཁྱིམ་བདག་གི་མཚན་མོའི་སློབ་གྲྭ”ཞེས་པའི་དུས་རབས་གསར་པའི་དཔལ་ཡོན་ལག་ལེན་བྱེད་སྒོ（སེམས་ཀྱི་ཉི་ཟླ་གྲོང་ཁྱེར་གྱི་སློབ་ཚན་དང་པོ）དེ་རྒྱལ་ཐང་གྲོང་རྡལ་ཉི་ཤར་གྲོང་ཚོའི་མཚོ་མགོ་ཡུལ་མིའི་ཚོ་ཆུང་དུ་སྤེལ་འགོ་ཚུགས་པ་རེད།བྱེད་སྒོ་དེ་སེམས་ཁམས་བདེ་ཐང་སྒྲོག་འགྲེལ་དང་། ཡུལ་རྣམ་ཟློས་གར་འཁྲབ་སྟོན། ནར་མ་སོན་པའི་མིའི་སྲུང་སྐྱོབ་བཅའ་ཁྲིམས་འགྲེལ་བཤད་སོགས་ཀྱི་རྣམ་པ་བརྒྱུད་ནས། མང་ཚོགས་ལ་གསོན་ཉམས་ལྡན་པ་དང་གོ་ཆོད་པའི་ཁྱིམ་ཚང་སློབ་གསོའི་སློབ་ཚན་ཞིག་ཁྱེར་ཡོང་བ་རེད། བྱེད་སྒོའི་ཐོག་བདེ་ཆེན་ཁུལ་གྱི་ནར་མ་སོན་པའི་མིའི་སེམས་ཁམས་སྐྱོན་བྲལ་ངང་འཚར་ལོངས་ཡོང་བའི་ཟུར་ཁྲིད་ལྟེ་གནས་དང་རྒྱལ་ཁབ་ཀྱི་རིམ་པ་གཉིས་པའི་སེམས་ཁམས་བློ་འདྲི་དགེ་རྒན་དབྱི་དབྱི་ཧོ་ཡིས་“ཕ་མས་ཇི་ལྟར་བཤད་ན་ཕྲུ་གུས་གཞི་ནས་ཉན་སྲིད”ཅེས་པར་དམིགས་ནས་སྒྲོག་འགྲེལ་བྱས་པ་དང་། གྱོད་དཔེ་དབྱེ་ཞིབ་དང་ཡུལ་དངོས་སུ་མཉམ་འགུལ་བྱེད་པ་སོགས་ཀྱི་རྣམ་པ་བརྒྱུད་ནས་ཁྱིམ་བདག་གིས་ཕྲུ་གུའི་སེམས་ཁམས་བདེ་ཐང་ལ་དོ་ཁུར་བྱེད་དགོས་པ་དང་བྱིས་པར་སྐྱོན་བྲལ་གྱི་འཚར་ལོངས་ཁོར་ཡུག་མཁོ་འདོན་བྱ་རྒྱུའི་འབོད་སྐུལ་བྱས་པ་རེད། བདེ་ཆེན་ཁུལ་གླུ་གར་ཚོགས་པ་དང་བདེ་ཆེན་ཁུལ་མཉམ་འདྲེས་སྨྱན་སྦྱོར་ལྟེ་གནས་ཀྱི་དཔལ་ཡོན་ལག་ལེན་དང་བླངས་པས་ངོ་མཚར་ཆེ་བའི་སྒོ་ནས་ཡུལ་རྣམ་གྱི་ཟློས་གར་འཁྲབ་སྟོན་བྱས་ལ། དགོད་སྤྲོ་བ་དང་གསོན་ཉམས་ལྡན་པའི་ཐོག་ནས་ཁྱིམ་ཚང་སློབ་གསོའི་ཁྲོད་ཀྱི་རྒྱུན་མཐོང་གི་འགལ་བ་བསྐྱར་དུ་མངོན་པ་དང་།ཁྱིམ་བདག་གི་མཉམ་སྒྲོག་སློང་བས་ཡུལ་དངོས་སུ་ཐལ་མོའི་རྡེབ་སྒྲ་རྒྱུན་མི་ཆད་པ་རེད། བྱེད་སྒོའི་ཐོག་ད་དུང་བདེ་ཆེན་ཁུལ་མི་དམངས་ཞིབ་དཔྱོད་ཁང་གི་དཔལ་ཡོན་ལག་ལེན་དང་བླངས་པ་གདན་འདྲེན་ཞུས་ནས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ནར་མ་སོན་པའི་མིའི་སྲུང་སྐྱོབ་བཅའ་ཁྲིམས་》ཀྱི“ཁྱིམ་ཚང་སྲུང་སྐྱོང་”གི་ལེའུ་དྲིལ་བསྒྲགས་བྱས་པ་དང་ཕ་མའི་ལྟ་སྐྱོང་འགན་འཁྲི་དང་ཁྱིམ་ཚང་གི་གཏུམ་སྤྱོད་སྔོན་འགོག་སོགས་ཐད་ཀྱི་བཅའ་ཁྲིམས་འགན་འཁྲི་ནན་བཤད་བྱས་པ་རེད། རྒྱུས་ལོན་བྱུང་བ་ལྟར་ན།བདེ་ཆེན་ཁུལ་གྲོང་གསེབ་ཀྱི་"ཁྱིམ་བདག་གི་མཚན་མོའི་སློབ་གྲྭ"ཞེས་པ་གནས་རྒྱུད་ཟུང་འབྲེལ་གྱི་རྣམ་པས་ཁུལ་ཡོངས་ཀྱི་གྲོང་རྡལ་ཁག་ལ་རིམ་བཞིན་ཁྱབ་རྒྱུ་དང་། “སྒྲོག་འགྲེལ་+མཉམ་འགུལ”གྱི་བྱེད་སྟངས་སྤྱད་དེ་དཔལ་ཡོན་ལྡན་པའི་ཁྱིམ་སྲོལ་ཆགས་རྒྱུར་སྐུལ་འདེད་གཏོང་བ་དང་གྲོང་གསེབ་དར་རྒྱས་ཡོང་བར་རོགས་རམ་བྱ་རྒྱུ་ཡིན་པ་རེད།

བོད་སྐད་ཡིག་གི་སློབ་ཁྲིད་སྤུས་ཚད་མཐོ་རུ་གཏོང་དགོས་ན་ཐོག་མར་དགེ་རྒན་གྱི་སློབ་ཚན་ཁྲིད་སྟངས་ལ་འགྱུར་ལྡོག་གཏོང་དགོས། དེས་ན་འདིར་གུས་པས་སློབ་ཆུང་སློབ་མའི་བོད་ཡིག་གི་རྨང་གཞི་ལེགས་སུ་གཏོང་ཐབས་སྐོར་རགས་ཙམ་གླེང་བར་བྱའོ།དང་པོ། དགེ་རྒན་གྱི་སློབ་ཁྲིད་ཐབས་ལམ་ལ་འགྱུར་ལྡོག་བཏང་ནས་བོད་ཡིག་སྦྱོང་བའི་སྤྲོ་སྣང་འཕེལ་བར་བྱེད་དགོས།1. སློབ་ཁྲིད་ཀྱི་ཚད་གཞིའམ་རྩ་འཛིན་གྱི་བླང་བྱ་གཞིར་བཟུང་སློབ་མའི་བོད་ཡིག་རྨང་གཞི་ལེགས་སུ་གཏོང་དགོས།དེ་ཡང་དགེ་རྒན་ལ་ལས་བསླབ་གཞི་ཁོ་ནར་དམིགས་ནས་སློབ་ཁྲིད་ཀྱི་དུས་འདའ་བར་བྱེད་པ་ལས། སྐད་ཡིག་བསླབ་ཚན་གྱི་ཚད་གཞིར་རྒྱུས་ལོན་མེད་པ་དང་། བླང་བྱ་གང་ཞིག་ལ་གཞི་འཛིན་དགོས་པ་དང་དམིགས་ཚད་གང་ཞིག་བསྒྲུབ་དགོས་པའི་ཁ་ཕྱོགས་དེ་ཙམ་ཡག་པོ་མ་ཤེས་པའི་གནད་འགག་དེ་བསྒྲོལ་ཐུབ་པར་བྱེད་དགོས། སློབ་ཆུང་བོད་སྐད་ཡིག་བསླབ་ཚན་གྱིས་སློབ་མའི་སྐད་ཡིག་གི་ཡོན་ཚད་སྔར་བས་ཇེ་མཐོར་བཏང་སྟེ། སློབ་མར་སྐད་ཡིག་ཉེར་སྤྱོད་ཀྱི་ནུས་པ་ཅུང་ཟད་མཐོ་རུ་གཏོང་བར་ཐོག་མར་དགེ་རྒན་རང་ངོས་ནས་སྐད་ཡིག་བསླབ་ཚན་གྱི་ཚད་གཞིར་སློབ་སྦྱོང་གང་མང་བྱེད་དགོས་ལ་ཁྱོན་ཡོངས་ནས་རྒྱུས་ལོན་པ་བྱེད་དགོས། དེ་རྗེས་གཙོ་ཕལ་དབྱེ་འབྱེད་གསལ་པོ་ཡོད་པའི་སྒོ་ནས་སློབ་ཁྲིད་ལ་སྤྲོ་བས་འཇུག་པར་བྱས་ཏེ་སློབ་མའི་བོད་སྐད་ཡིག་གི་རྨང་གཞི་ལེགས་སུ་གཏོང་ཐབས་བྱེད་དགོས། དེའང་སློབ་མའི་སྦྱོང་འདོད་ཀྱི་བློ་སྒོ་འཕེལ་བའི་ཐབས་ལམ་གང་མང་སྤེལ་དགོས་པ་ལས་ཀློག་འདོན་བྱེད་སྐབས་གཅོད་མཚམས་ལ་རྟགས་བཀོད་པ་ཙམ་གྱི་ཁྲིད་ཐབས་ཁོ་ནར་བརྟེན་ན། སློབ་མས་ཀྱང་དགེ་རྒན་གྱི་གཅོད་མཚམས་རྟགས་འགོད་རྒྱུར་རེ་སྒུག་བྱེད་པ་ལས་རང་འགུལ་ཀློག་འདོན་བྱེད་པའི་གོམས་གཤིས་འཇག་ཐབས་བྲལ་བས། དུས་ཐུང་ནང་ཀློག་འདོན་ཐུབ་ཐབས་ཀྱི་ཁྲལ་ངན་སླ་བཅོས་བྱེད་མི་རུང་བ་ཞིག་རེད། དེར་བརྟེན་དགེ་རྒན་རང་ངོས་ཀྱི་སློབ་ཁྲིད་གོམས་གཤིས་ཇེ་བཟང་དུ་བཏང་སྟེ་སློབ་མའི་རྨང་གཞི་འཛུགས་པའི་རྨང་རྡོ་བརྟན་པོ་ཞིག་འདིང་དགོས།2. སློབ་ཆུང་སློབ་མར་མིང་དང་ཚིག་མང་པོ་གསོག་འཇོག་བྱེད་དུ་བཅུག་པ་དང་འབྲེལ་དེ་དག་བེད་སྤྱོད་གཏོང་སྟངས་བསླབ་དགོས།དེའང་དགེ་རྒན་གྱི་སློབ་ཁྲིད་ཐབས་ལམ་ལ་འགྱུར་ལྡོག་བཏང་ནས། སློབ་མའི་ཤེས་ཚད་ལ་ཡང་ནས་བསྐྱར་དུ་བརྟག་པར་བྱས་ཏེ། མིང་དང་ཚིག་དེ་དག་བེད་སྤྱོད་གང་འདྲ་གཏོང་གི་ཡོད་མེད་ལ་སྐད་ཆ་འདྲི་བ་དང་ངག་ཐོག་ནས་རྗོད་པ་བཟོ་བ་དང་ཕན་ཚུན་གོ་བརྡ་སྤྲོད་ཐབས་ལ་སོགས་་སྤེལ་རེས་གང་མང་བྱེད་དུ་བཅུག་དགོས། ཇི་སྐད་དུ་ཤེས་བྱ་གང་ཞིག་བེད་སྤྱོད་གཏོང་ཤེས་ན་རང་བཞིན་གྱིས་ཁོང་དུ་ཆུད་ཐུབ་ཅེས་པའི་སྐད་ཆ་དེར་གནས་ལུགས་གལ་ཆེན་ཞིག་ལྡན་ཡོད་པ་བརྗོད་མི་དགོས་པ་ཞིག་རེད། དེས་ན། སྐད་ཡིག་སློབ་ཁྲིད་བྱེད་མཁན་དགེ་རྒན་ཚོས་མྱུར་ཚད་གཙོ་བོར་མ་འཛིན་པར་ཤེས་ཚད་དང་བེད་སྤྱོད་གཏོང་ཐབས་གཙོ་གནད་དུ་བཟུང་ནས་སློབ་ཁང་ནང་སློབ་མར་སྦྱོང་བརྡར་གང་མང་སྤྲོད་དགོས། དེ་ལྟར་རྒྱུན་མཐུད་ནས་སྦྱོང་བརྡར་དང་ལག་ལེན་དུ་འཁྱོལ་བ་ནས་སྐད་ཡིག་བེད་སྤྱོད་གཏོང་མཁན་གྱི་གོམས་འདྲིས་འཇགས་པར་དོ་སྣང་གང་ལེགས་བྱེད་དགོས། དགེ་རྒན་གྱིས་བསླབ་གཞི་རྙིང་པ་ཡིན་ཀྱང་སློབ་ཐབས་གསར་པར་འཚོལ་སྙེག་ཐུབ་པ་བྱུང་ཚེ། སློབ་མའི་བོད་ཡིག་གི་རྨང་གཞི་རིམ་བཞིན་ལེགས་སུ་གཏོང་ཐུབ།3. སློབ་མའི་རྨང་གཞིར་གཞིགས་ནས་དཔེ་ཀློག་ནུས་པ་གང་ལེགས་གསོ་སྐྱོང་བྱེད་དགོས།སློབ་མའི་ལྟ་ཀློག་གི་ནུས་པ་དབྱེ་ཞིབ་དང་བསྡུར་བ་བྱས་པ་བརྒྱུད་སློབ་མ་མང་ཆེ་བས་ལྟ་ཀློག་གི་གཅོད་མཚམས་ལ་རྟགས་བཀོད་པ་མ་ཟད། རྟགས་བཀོད་མེད་པའི་སློབ་ཚན་ནང་དོན་གྱི་ཀློག་བརྡར་ལ་ཡང་དཀའ་ངལ་མང་པོ་འཕྲད་ཀྱི་འདུག་པས་དེ་ལས་ང་ཚོར་སློབ་ཆུང་སྐབས་ཀློག་བརྡར་གྱི་ནུས་པ་གསོ་སྐྱོང་བྱ་རྒྱུ་དེ་གལ་འགངས་ཆེན་པོ་ཡིན་པ་གསལ་པོ་རྟོགས་ཐུབ། གོམས་གཤིས་ངན་པ་དེ་དག་སྒྱུར་བཅོས་གཏོང་དགོས་པ་ཞིག་ཡིན་པས་དགེ་རྒན་རང་ངོས་ནས་ཀློག་བརྡར་བྱེད་ཐབས་གསར་པ་འཚོལ་ཞིབ་དང་སྟབས་བདེ་ཞིང་དགའ་སྣང་སྐྱེས་ཐུབ་པའི་ཐབས་ལམ་འཚོལ་ཞིབ་བྱེད་དགོས། ཀློག་བརྡར་འགྲན་སྡུར་གྱི་བྱེད་སྒོ་གང་མང་སྤེལ་ནས་དཔེ་ཀློག་གི་སྤྲོ་བ་སྔར་ལས་ལྷག་པ་འཕེལ་བར་བྱས་ཐོག་སློབ་ཆུང་སློབ་མའི་དཔེ་ཀློག་གི་མྱུར་ཚད་དང་། བསམ་གཞིག་གི་ནུས་པ། སྐད་ཆ་ཤོད་པའི་སྤོབས་པ། སྐད་བརྡ་གསལ་པོར་སྤྲོད་པའི་ནུས་པ་སོགས་ལ་སྦྱོང་བརྡར་གང་མང་སྤྲོད་དགོས།དེའང་སློབ་ཆུང་སློབ་མའི་དཔེ་ཀློག་གི་ནུས་པ་ཆེ་རུ་གཏོང་བར་ཐོག་མར་སྐད་ཆ་ཤོད་པའི་ནུས་རྩལ་གསོ་སྐྱོང་དང་སྦྱོང་བརྡར་གནད་ལ་འཕིགས་པ་ཞིག་བྱེད་དགོས། སྐད་ཆ་ནི་བསམ་བློ་བརྗེ་རེས་ཀྱི་ཡོ་བྱད་ཅིག་དང་རང་གི་འཇོན་ནུས་སྔོག་འདོན་གྱི་ལག་ཆ་ཞིག་ཡིན་པས། སྐད་ཆ་ཤོད་པའི་ནུས་པ་ཆེ་རུ་འགྲོ་བ་དང་བསྟུན་ནས་བྱིས་པ་འཚར་ལོངས་ཡོང་གི་ཡོད་པས། སློབ་ཆུང་བོད་ཡིག་དགེ་རྒན་ཚོས་སློབ་མའི་སྐད་ཆ་ཤོད་པའི་ནུས་རྩལ་ལ་སྦྱོང་བརྡར་གང་མང་སྤྲོད་དགོས་ལ་རྒྱུན་མཐུད་ཐུབ་པ་བྱུང་ཚེ་སློབ་མའི་དཔེ་ཀློག་འཇོན་ནུས་རང་བཞིན་གྱིས་ཇེ་ལེགས་སུ་གཏོང་ཐུབ།གཉིས་པ། སློབ་མའི་བོད་སྐད་ཡིག་སྦྱོང་འདོད་ཀྱི་དགའ་སྣང་སྐྱེད་སྲིང་བྱེད་དགོས།1. སློབ་མའི་བོད་སྐད་ཡིག་གི་རིག་ཚན་ལ་དགའ་སྣང་དང་སྦྱོང་འདོད་ཀྱི་བློ་སྒོ་འབྱེད་ཐུབ་པ་བྱེད་དགོས།བོད་སྐད་ཡིག་སློབ་ཁྲིད་ཀྱི་ཁྲོད་དུ་རང་ཚུགས་ཐུབ་པའི་སློབ་སྦྱོང་བྱེད་སའི་ཁོར་ཡུག་ལེགས་པོ་ཞིག་བསྐྲུན་དགོས། ཐོག་མར་དགེ་རྒན་གྱིས་སློབ་མའི་དགའ་སྣང་གསོ་སྐྱོང་ལེགས་པར་བྱས་ནས་ཁོ་ཚོར་བོད་ཡིག་སྦྱོང་འདོད་ཀྱི་བློ་སྒོ་འཕེལ་ཐུབ་པའི་ཐབས་ལམ་གང་ལེགས་སྤེལ་དགོས། སྦྱོང་མཁན་སློབ་མའི་དགའ་སྣང་སྐྱེད་སྲིང་དང་རྨང་གཞི་འཛུགས་རྒྱུ་དེ་ང་ཚོ་དགེ་རྒན་གྱི་འགན་འཁྲི་ཞིག་ཏུ་གྱུར་པས། ང་ཚོས་སྐད་ཡིག་བེད་སྤྱོད་ཀྱི་རིན་ཐང་གསལ་པོ་མཁྱེན་པར་བྱས་ནས། ལག་ལེན་དུ་འཁྱོལ་དགོས་པའི་དམིགས་ཡུལ་ཅུང་ཟད་མངོན་ཐུབ་པར་བྱེད་དགོས།2. སློབ་མས་བོད་ཡིག་གི་རྒྱུན་སྤྱོད་ཐ་སྙད་ལ་རྒྱུས་ལོན་དང་བེད་སྤྱོད་རིན་ཐང་རྟོགས་ཐུབ་པ་བྱེད་དགོས།སློབ་ཆུང་སློབ་མའི་ངོས་ནས་གླེང་ཚེ། མིང་དང་ཚིག་གསོག་འཇོག་བྱེད་མི་ཐུབ་པ་ནི་བེད་སྤྱོད་ཀྱི་རིན་ཐང་དང་ལག་ལེན་དུ་འཁྱོལ་བར་རག་ལུས་སྟབས། སློབ་ཆུང་གི་ལོ་རིམ་ལྔ་པ་དྲུག་པར་སླེབས་པའི་སློབ་མ་ཚོས་ཀྱང་སློབ་ཚན་གྱི་ཀློག་བརྡར་ལ་དཀའ་ངལ་མི་ཉུང་བ་འཕྲད་ཀྱི་འདུག་པས། ང་ཚོས་ཁོ་ཚོའི་དཀའ་ངལ་སེལ་བའི་ཐབས་ལམ་བགྲོ་གླེང་བྱས་ཏེ། སློབ་མ་རང་ངོས་ཀྱི་སྐྱོན་ལ་ངོས་འཛིན་དང་དགེ་རྒན་གྱི་ཁྲིད་ཐབས་ལ་འགྱུར་ལྡོག་གཏོང་དགོས་པ་ནི་དུས་རབས་དང་སྤྱི་ཚོགས་ཀྱི་རེ་བ་ཡིན།དེའང་སྐད་ཡིག་བསླབ་ཚན་གྱི་ཚད་གཞིའི་ནང་དུ་སློབ་ཆུང་སྐད་ཡིག་སློབ་ཚན་འཚོགས་སྐབས་ཐུན་མོང་མ་ཡིན་པའི་དགེ་མཚན་ལེགས་པར་བཏོན་ནས། མི་རིགས་ཀྱི་སྙིང་སྟོབས་གསོ་སྐྱོང་དང་དར་སྤེལ་བཏང་སྟེ། སློབ་མར་ཕུལ་བྱུང་རིག་གནས་ཀྱི་བག་ཆགས་འཇོག་པ་དང་། མེས་རྒྱལ་དང་བོད་ཀྱི་རིག་གནས་ལ་དགའ་ཞེན། མི་རིགས་ཡར་ཐོན་བྱ་གཞག་ལ་རང་ནུས་འབུལ་བའི་བསམ་བློ་གསོ་སྐྱོང་བྱེད་པ་དང་། ཡ་རབས་ལྷད་མེད་ཀྱི་བསམ་པ་དང་ཡར་ཐོན་ཧུར་ལེན་གྱི་མི་ཚེའི་ལྟ་བ་ཆགས་སུ་འཇུག་དགོས་ཞེས་གསུངས་པ་ལྟར་ང་ཚོས་ངེས་པར་དུ་སྐད་ཡིག་གི་ཉེར་སྤྱོད་ཀྱི་ནུས་པ་གསོ་སྐྱོང་གང་ལེགས་བྱེད་དགོས། དེས་ན་སླད་ཕྱིན་དགེ་རྒན་གྱིས་བོད་སྐད་ཡིག་གི་རྒྱུན་སྤྱོད་མིང་དང་ཚིག་སོགས་བེད་སྤྱོད་བྱེད་སྟངས་དང་དེའི་དགེ་མཚན་གང་དག་ལྡན་པ་རེ་རེ་བཞིན་ཞིབ་ཚགས་ངང་སློབ་མ་ཚོར་གསལ་པོར་བསླབ་དགོས།མདོར་ན། དཔྱད་རྩོམ་འདིར་སློབ་ཆུང་སློབ་མའི་བོད་ཡིག་གི་རྨང་གཞི་ལེགས་སུ་གཏོང་ཐབས་སྐོར་རགས་ཙམ་གླེང་བ་ལས་ཕྱིས་འབྱུང་དགེ་རྒན་རང་ངོས་ཀྱི་ཁྲིད་ཐབས་ལ་འགྱུར་ལྡོག་གཏོང་བའི་བློ་སྒོ་འབྱེད་པར་ཕན་པ་ཏོག་ཙམ་ཐོན་སྲིད་སྙམ།(བོད་ལྗོངས་ལྷོ་ཁ་གྲོང་ཁྱེར་ཆུ་གསུམ་རྫོང་སློབ་གསོ་ཅུས་ཀྱི་པ་སངས་ནོར་བུ) འགན་འཁུར་རྩོམ་སྒྲིག་པ། ཉི་མ་ཚེ་རིང་།

ཟླ་4ཚེས་15ཉིན། བོད་ལྗོངས་ལྷོ་ཁ་གྲོང་ཁྱེར་འཕྱོངས་རྒྱས་རྫོང་གིས་དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོ་ཐེངས་10པའི་དྲིལ་བསྒྲགས་བྱེད་སྒོ་རབ་དང་རིམ་པ་སྤེལ་ཞིང་། འདི་ནི་འཕྱོངས་རྒྱས་རྫོང་མེ་ཟོན་རོགས་སྐྱོབ་རུ་ཆེན་གྱི་ལས་དོན་པས་མང་ཚོགས་ལ་དྲིལ་བསྒྲགས་དཔྱད་ཡིག་སྤྲོད་བཞིན་པ།ཉེ་ཆར། བོད་ལྗོངས་ནག་ཆུ་གྲོང་ཁྱེར་སོག་རྫོང་གིས་བྱེད་ཐབས་སྣ་མང་སྤྱད་དེ་རྒྱལ་ཁབ་བདེ་འཇགས་སློབ་གསོའི་དྲིལ་བསྒྲགས་བྱེད་སྒོ་སྤེལ་ཞིང་། འདི་ནི་ནག་ཆུ་གྲོང་ཁྱེར་སོག་རྫོང་སྤྱི་བདེ་ཅུས་མི་དམངས་ཉེན་རྟོག་པས་ཕར་འགྲོ་ཚུར་འོང་བྱེད་མཁན་མང་ཚོགས་ལ་རྒྱལ་ཁབ་ཀྱི་བདེ་འཇགས་ཤེས་བྱར་འགྲེལ་བཤད་རྒྱག་བཞིན་པ།དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོ་ཐེངས་10པ་འཆར་ཉེའི་མཚམས་སུ། ཉིན་ཤས་བསྟུད་མར་བོད་ཀྱི་ས་ཁུལ་ཁག་གིས་སྣ་མང་ཕུན་སུམ་ཚོཌ་པའི་བརྗོད་དོན་གཙོ་བོའི་དྲིལ་བསྒྲཌ་སློབ་གསོའི་བྱེད་སྒོ་སྤེལ་ནས། དམངས་ཡོངས་ཀྱི་རྒྱལ་ཁབ་བདེ་འཇགས་འདུ་ཤེས་ཟབ་ཏུ་གཏོང་བ་དང་རྒྱལ་ཁབ་བདེ་འཇགས་ཀྱི་འགོག་སྲུང་འཛིང་རགས་མཉམ་དུ་བསྐྲུན་ཡོད།ཉེ་ཆར། གཞིས་རྩེ་གྲོང་ཨུད་རྒྱལ་ཁབ་བདེ་འཇགས་ཨུ་ལྷན་གཞུང་ལས་ཁང་གིས་འབྲེལ་ཡོད་གྲོང་ཁྱེར(ཀྲུང་དབྱང་དང་ལྗོངས)ཐད་གཏོགས་ཚན་པ་སྒྲིག་འཛུགས་བྱས་ནས་དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོའི་གཅིག་སྡུད་དྲིལ་བསྒྲགས་བྱེད་སྒོ་སྤེལ་བ་རེད། ས་གནས་ས་ཐོག་ཏུ་ཚན་པ་ཁག་གིས་འགྲེམས་པང་འཛུགས་པ་དང་། འཕྲེད་འགེལ་སྦྱར་ཡིག་འགེལ་བ། ས་གནས་ས་ཐོག་ཏུ་གསལ་འགྲེལ་བྱེད་པ། དྲིལ་བསྒྲགས་དཔྱད་ཡིག་དང་དྲིལ་བསྒྲགས་དངོས་རྫས་སྤྲོད་པ་སོགས་བརྒྱུད་རྒྱལ་ཁབ་ཀྱི་བདེ་འཇགས་ཤེས་བྱ་ཁྱབ་གདལ་དང་དམངས་ཡོངས་ཀྱི་རྒྱལ་ཁབ་བདེ་འཇགས་འདུ་ཤེས་ཟབ་ཏུ་བཏང་ནས་རྒྱལ་ཁབ་ཀྱི་བདེ་འཇགས་སྲུང་བའི་མི་དམངས་ཀྱི་འགོག་སྲུང་འཛིང་རགས་རྒྱུན་ཆད་མེད་པར་བརྟན་དུ་བཏང་ཡོད།ནག་ཆུ་གྲོང་ཁྱེར་སོག་རྫོང་གི་ཚན་པ་མང་པོ་ཞིག་གིས་རྒྱལ་ཁབ་བདེ་འཇགས་སློབ་གསོའི་དྲིལ་བསྒྲགས་བྱེད་སྒོ་གཅིག་སྡུད་ངང་སྤེལ་བ་རེད། བྱེད་སྒོ་སྤེལ་ཡུལ་དུ་ཚན་པ་ཁག་གིས་དྲིལ་བསྒྲགས་འགྲེམས་པང་འཛུགས་པ་དང་། དྲིལ་བསྒྲགས་དཔྱད་ཡིག་སྤྲོད་པ། ས་གནས་ས་ཐོག་ཏུ་གསལ་འགྲེལ་བྱེད་པ་སོགས་བརྒྱུད་ཕར་འགྲོ་ཚུར་འོང་བྱེད་མཁན་མང་ཚོགས་ལ་རྒྱལ་ཁབ་ཀྱི་བདེ་འཇགས་བཅའ་ཁྲིམས་དང་། གསང་ཉུལ་ལ་རྒོལ་བའི་བཅའ་ཁྲིམས། འཇིགས་སྐུལ་རིང་ལུགས་ལ་རྒོལ་བའི་བཅའ་ཁྲིམས་སོགས་བཅའ་ཁྲིམས་དང་ཁྲིམས་སྲོལ་དྲིལ་བསྒྲགས་བྱས་ཏེ། ཆབ་སྲིད་ཀྱི་བདེ་འཇགས་དང་། རྒྱལ་ཁབ་ས་ཆའི་བདེ་འཇགས། རིག་གནས་ཀྱི་བདེ་འཇགས་སོགས་ཁྱབ་ཁོངས་ཀྱི་རྒྱལ་ཁབ་བདེ་འཇགས་ཤེས་བྱ་ཁྱབ་གདལ་བཏང་ནས་མང་ཚོགས་ལ“རྒྱལ་ཁབ་ཀྱི་བདེ་འཇགས་མི་ཚང་མར་འགན་འཁྲི་ཡོད་པའི”འདུ་ཤེས་འཛུགས་རྒྱུར་ཁྲིད་སྟོན་གྱིས་རང་རྟོགས་ངང་རྒྱལ་ཁབ་བདེ་འཇགས་སྲུང་སྐྱོང་བྱས་ཡོད།ལྷོ་ཁ་གྲོང་ཁྱེར་སྤྱི་བདེ་ཅུས་ཀྱིས་འགན་ནུས་སྡེ་ཚན་ཁག་སྒྲིག་འཛུགས་བྱས་ནས“དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོ་གཏིང་ཟབ་དང་ཏན་ཏིག་སྤེལ་བའི་ལོ་བཅུའི”བརྗོད་དོན་གཙོ་བོའི་དྲིལ་བསྒྲགས་བྱེད་སྒོ་མཉམ་དུ་སྤེལ་བ་རེད།ཉིང་ཁྲི་གྲོང་ཁྱེར་མཐའ་མཚམས་མངགས་གཏོང་ཁང་ཁག་གི་མི་དམངས་ཉེན་རྟོག་པས་ཁོངས་གཏོགས་ཁུལ་དང་། སློབ་གྲྭ མཛེས་ལྗོངས་ཁུལ་བཅས་སུ་བསྐྱོད་དེ“བཅའ་ཁྲིམས་ཁྱབ་གདལ་གྱི་དྲིལ་བསྒྲགས་པའི”མིང་ཐོག་ནས། གོ་བདེ་ཤེས་སླའི་སྐད་ཆའི་ཐོག་ནས་མང་ཚོགས་ལ་རྒྱལ་ཁབ་ཀྱི་བདེ་འཇགས་བཅའ་ཁྲིམས་སོགས་བཅའ་ཁྲིམས་དང་ཁྲིམས་སྲོལ་ཁྱབ་གདལ་བཏང་ནས་རྒྱལ་ཁབ་ཀྱི་བདེ་འཇགས་ཤེས་བྱ་མང་ཚོགས་ཀྱི་ཉེ་འགྲམ་དུ་ཁྱབ་གདལ་བཏང་སྟེ་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བའི་འདུ་ཤེས་མང་ཚོགས་ཀྱི་སེམས་སུ་ཟུག་པར་བྱས་ཡོད།ཉེ་ཆར། ལྷ་ས་འགག་སྒོ་ལས་ཁུངས་ཀྱིས་བོད་རང་སྐྱོང་ལྗོངས་ཀྱི་ལྐོག་འདྲེན་རྡུང་རྡེག་གཞུང་དོན་ཁང་དང་དམངས་སྤྱོད་མཁའ་འགྲུལ་བོད་ལྗོངས་གནམ་ཐང་ཚོགས་པ་དང་མཉམ་དུ་ལྷ་སའི་གོང་དཀར་རྒྱལ་སྤྱིའི་གནམ་ཐང་དུ་དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོའི་བརྗོད་དོན་གཙོ་བོའི་དྲིལ་བསྒྲགས་བྱེད་སྒོ་སྤེལ་བ་རེད།ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཏང་ཨུད་ཀྱིས“སྲུང་སྐྱེལ+རྒྱལ་ཁབ་ཀྱི་བདེ་འཇགས་སྲུང་བའི”བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་ནས་་ཏང་ཡོན་སྒྲིག་འཛུགས་བྱས་ཏེ་ལྷ་ས་གྲོང་ཁྱེར་གྱི་རྒྱལ་ཁབ་བདེ་འཇགས་སློབ་གསོའི་རྟེན་གཞིར་ལྟ་སྐོར་སློབ་སྦྱོང་བྱེད་པར་བསྐྱོད་པ་རེད། ཚང་མས་རྒྱལ་ཁབ་ཀྱི་བདེ་འཇགས་སྲུང་སྐྱོང་བྱེད་པའི་འགན་འཁྲི་ཁུར་སེམས་དང་རང་རྟོགས་རང་བཞིན་སྔར་བས་ཆེ་རུ་གཏོང་བ་དང་དམར་ཐིག་གི་འདུ་ཤེས་དང་མཐའ་ཚད་ཀྱི་འདུ་ཤེས་བརྟན་པོ་བཙུགས་ནས་ལྟ་སྐོར་སློབ་སྦྱོང་གི་གྲུབ་འབྲས་དེ་རྒྱལ་ཁབ་ཀྱི་བདེ་འཇགས་སྲུང་བའི་བྱ་སྤྱོད་དངོས་ལ་ཏན་ཏིག་བསྒྱུར་བར་བྱས་ནས་དུས་རབས་གསར་པའི་གསང་སྲུང་བདེ་འཇགས་ཀྱི་འགོག་སྲུང་འཛིང་རགས་བརྟན་དུ་གཏོང་ཆེད་སྟོབས་ཤུགས་སྐྱེས་སུ་འབུལ་གྱི་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།མངའ་རིས་ས་ཨུད་རྒྱལ་ཁབ་བདེ་འཇགས་ཨུ་ལྷན་གཞུང་ལས་ཁང་གིས་སྣེ་ཁྲིད་དེ་ས་ཁུལ་གྱི་ཚན་པ་49སྒྲིག་འཛུགས་ཀྱིས། དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོའི་གཅིག་སྡུད་དྲིལ་བསྒྲགས་བྱེད་སྒོ་སྤེལ་ནས། མང་ཚོགས་ཚོས་ཁྲིམས་ཤེས་ཁྲིམས་སྲུང་གིས་རྒྱལ་ཁབ་ཀྱི་བདེ་འཇགས་ལ་གཏོར་བཤིག་དང་གནོད་འཚེ་གཏོང་བའི་བྱེད་སྤྱོད་རང་རྟོགས་ངང་གཏན་འགོག་བྱེད་པ་དང་། རྒྱལ་ཁབ་ཀྱི་བདེ་འཇགས་སྲུང་བའི་མང་ཚོགས་ཀྱི་འགན་འཁྲི་ཁུར་སེམས་དང་ལས་འགན་སྒྲུབ་སེམས་སྔར་བས་ཆེ་རུ་གཏོང་བ། སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་བརྟན་པོ་འཛུགས་པ། དམངས་ཡོངས་ཀྱི་རྒྱལ་ཁབ་བདེ་འཇགས་འདུ་ཤེས་ཟབ་ཏུ་དང་བྱང་ཚད་མཐོ་རུ་གཏོང་བ་བཅས་བྱས་ཏེ། རང་རྟོགས་ངང་རྒྱལ་ཁབ་ཀྱི་བདེ་འཇགས་སྲུང་རྒྱུར་ཁྲིད་སྟོན་ཧུར་ཐག་བྱས་པ་རེད། འགན་འཁུར་རྩོམ་སྒྲིག་པ། ཉི་མ་ཚེ་རིང་།

རང་རྒྱལ་གྱི་སྤྱི་ལོ་2025ལོའི་སློབ་ཆུང་ལུས་རྩལ་སྲིད་ཇུས་གསར་པའི་བླང་བྱར་བརྡ་ལན་ཞུ་ཆེད་བོད་རང་སྐྱོང་ལྗོངས་ལུས་རྩལ་ཅུད་ཀྱིས་གཙོ་གཉེར་བྱས་པ་དང་བོད་ལྗོངས་རི་འཛེག་སྣེ་ཤན་ཀུང་སིས་སྒྲུབ་གཉེར་བྱས་པའི་བྲག་འཛེག་ལུས་རྩལ་རྣམ་གྲངས་སློབ་གྲྭར་སྤེལ་ཞེས་པའི་བྱེད་སྒོ་ལྷ་སར་སྤེལ་བཞིན་ཡོད་པ་རེད།སློབ་མ་རྣམས་ཀྱིས་བྲག་འཛེག་སློབ་བཞིན་པ།བྲག་འཛེལ་རྩལ་ཁྲིད་དགེ་རྒན་དང་སློབ་མ་རྣམས་ཀྱི་མཉམ་པར། སྲིད་ཇུས་ནང་སློབ་མའི་གཟུགས་གཞི་དང་ལུས་རྩལ་གོམས་གཤིས་གཙོ་གནད་ཐོག་ལེགས་སུ་བཏང་ནས་ལུས་སྟོབས་ཞན་པ་དང་སློབ་ཕྱིའི་ལུས་རྩལ་མི་འདང་བའི་གནད་དོན་ཐག་གཅོད་བྱ་ཆེད་སློབ་གྲྭ་ཆུང་བར་གཟའ་འཁོར་རེར་ལུས་རྩལ་སློབ་ཚན་4ལས་མི་ཉུང་བ་གཏན་འཁེལ་བྱས་ནས་སློབ་གྲྭ་དང་། ཁྱིམ་ཚང་། སྤྱི་ཚོགས་བཅས་མཉམ་ལས་ཀྱིས་ལུས་རྩལ་སློབ་ཚན་གྱི་ལག་ལེན་རང་བཞིན་དང་སྤྲོ་སྣང་རང་བཞིན་ལ་མཐོང་ཆེན་བྱ་དགོས་པའི་ནན་བཏོན་བྱས་ཡོད། སྲིད་ཇུས་ཀྱི་རྒྱབ་ལྗོངས་འོག་བོད་ལྗོངས་ལྷ་ས་གྲོང་ཁྱེར་ཁྲེང་ཀོན་ཆུས་སློབ་ཆུང་གཉིས་པ་སོགས་སུ་གཟའ་འཁོར་རེའི་རེས་གཟའ་ཕུར་བུའི་ཉིན་བོད་ལྗོངས་རི་འཛེག་སྣེ་ཤན་ཀུང་སིར་ཆེད་ལས་བྲག་འཛེག་དགེ་རྒན་གྱི་མཛུབ་ཁྲིད་འོག་བྲག་འཛེག་ལུས་རྩལ་རྣམ་གྲངས་སྣ་ཚོགས་ལ་འབྲེལ་འདྲིས་དང་ཉམས་ལེན་གྱིས་སློབ་མའི་ཕྱོགས་བསྡུས་བྱང་ཚད་མཐོ་རུ་གཏོང་བཞིན་ཡོད་པ་རེད། སློབ་མ་བསྟན་འཛིན་དཔལ་མཛེས་ཀྱིས་ང་རང་བྱེད་སྒོ་དེར་ཧ་ཅང་དགའ་པོ་ཡོད་ཅེས་བརྗོད་པ་དང་། སློབ་མ་བདེ་ལྡན་བློ་བཟང་གིས་བྱེད་སྒོ་དེས་རང་ཉིད་སྔར་བས་དཔའ་ངར་ལྡན་ཞིང་གཟུགས་གཞིར་སྦྱོང་བརྡར་ཡག་པོ་བྱེད་ཐུབ་པའི་ངོས་འཛིན་བྱེད་ཀྱི་ཡོད་པ་རེད། བྲག་འཛེག་ལུས་རྩལ་བྱེད་སྒོའི་འགན་འཁུར་བ་བསྟན་འཛིན་གྱིས། རྣམ་གྲངས་དེ་དག་གིས་སློབ་མའི་ལུས་པོའི་བྱང་ཚད་དང་ཚོགས་པའི་མཉམ་ལས་ནུས་པ་ཆེ་རུ་འགྲོ་ཐུབ་པ་མ་ཟད། རྒྱུན་གཏན་གྱི་འཚོ་བའི་ཁྲོད་ལུས་རྩལ་གྱི་གོམས་གཤིས་ཆགས་རྒྱུར་ཕན་ཐོགས་ཡོད་ཅེས་བརྗོད་པ་རེད། དེ་ལྟར་བྲག་འཛེག་ལུས་རྩལ་གྱི་བྱེད་སྒོ་འདི་བཞིན་འཆར་ཅན་ངང་གཉེར་བ་དེས་བོད་ལྗོངས་ཀྱི་ས་ཁུལ་དང་གྲོང་ཁྱེར་ཁག་གི་སློབ་ཆུང་སློབ་མར་སྲིད་ཇུས་ཀྱི་བླང་བྱ་བཞིན་སློབ་གྲྭ་དང་། ཁྱིམ་ཚང་། སྤྱི་ཚོགས་བཅས་མཉམ་ལས་ཀྱིས་ལུས་རྩལ་སློབ་ཚན་གྱི་ལག་ལེན་རང་བཞིན་དང་སྤྲོ་སྣང་རང་བཞིན་ཆེ་རུ་གཏོང་ཆེད་གཞི་འཛིན་སའི་དཔྱད་གཞི་མཁོ་འདོན་བྱས་ཡོད། རྩོམ་སྒྲིག་པ། རིག་གྲོལ།

【སློབ་གསོ་མཁས་བརྒྱའི་དཔྱད་གླེང་།】ལེ་ཚན་འདིའི་ནང་དུ༼ང་ཡི་དངོས་སྦྱོང་འཚོ་བ༽ཞེས་པའི་གླེང་གཞི་ཞིག་བཀོད་སྒྲིག་བྱས་ཡོད་པ་དང་། མཚོ་སྔོན་མི་རིགས་སློབ་ཆེན་གྱི་དངོས་སྦྱོང་སློབ་མ་ཁྲོ་ལྷ་དང་ལྷ་མཁར་དོན་འགྲུབ་གཉིས་ཀྱིས་ཁ་བརྡ་བྱས་ཡོད།【བློ་རིག་འགྲན་པའི་སྡིངས་ཀ】ཚན་པ་འདིའི་ནང་དུ་ཉན་མཁན་གང་རུང་གི་ཁ་པར་སྣེ་ལེན་བྱས་ཏེ་དྲི་བ་དྲིས་ལན་གྱི་ཚུལ་དུ་མི་རེར་ཤེས་བྱ་སྣ་འཛོམས་ཀྱི་དྲི་བ་ལྔ་རེ་བཀོད་སྒྲིག་བྱས་ཡོད།ཞིབ་འཇུག་སློབ་མ། མཁའ་འགྲོ་ཚེ་རིང་།རྩོམ་སྒྲིག་པ། གནམ་སྐྱབས་རྒྱལ།མདོ་འཛིན་པ། གནམ་སྐྱབས་རྒྱལ།རྩོམ་སྒྲིག་འགན་འཁུར་བ། བསོད་ནམས་དོན་འགྲུབ། ནོར་བུ་མཚོ།ལྟ་སྐུལ་བ། ཕྱུག་ལོ།སྤྱི་ཁྱབ་ལྟ་སྐུལ་བ། དབང་གྲགས་ཚེ་རིང་།

ཉེ་ཆར། འཛད་རྫས་དངོས་མང་སྟོན་ཚོགས་སྐབས་ལྔ་པས་སྤྱི་དམངས་ལ་སྒོ་དབྱེའི་ཉིན་མོའི་བྱེད་སྒོ་སྤེལ་ནས། ཚན་རྩལ་དང་། ལུས་གསོ། རིག་གནས། ཡུལ་སྐོར། ལུས་རྩལ་སོགས་ཁྱབ་ཁོངས་ཀྱི་སྤུས་ལེགས་ཐོན་རྫས་དང་ཞབས་ཞུའི་ཐོན་རྫས་སྤྱི་དམངས་ལ་ཉམས་ལེན་བྱེད་དུ་བཅུག་ཡོད། འདི་ནི་འཛད་རྫས་དངོས་མང་སྟོན་ཚོགས་སྐབས་ལྔ་པ་འཚོག་ཡུལ་དུ་ལྟད་མོ་བ་ཚོས་འཕྲུལ་ཁྱིའི་འཁྲབ་སྟོན་ལ་ལྟ་བཞིན་པ།

ཉེ་ཆར། སི་ཁྲོན་ཞིང་ཆེན་དབྱི་པིན་གྲོང་ཁྱེར་སན་ཅང་ཁུལ་གསར་དབྱི་པིན་ཁའེ་དབྱི་རླངས་འཁོར་ཚད་ཡོད་ཀུང་སིའི་ཐོན་སྐྱེད་བརྒྱུད་རིམ་ཁག་ཐོན་སྐྱེད་ལས་ལ་གཞོལ་བཞིན་ཡོད་ལ། མི་རིང་བར་རླངས་འཁོར་ཁག་གཅིག་ཡོ་རོབ་དང་དབུས་ཤར་སོགས་ས་ཁུལ་དུ་ཕྱིར་གཏོང་བྱེད་རྩིས་ཡོད། ཉེ་བའི་ལོ་ཤས་རིང་། དབྱི་པིན་གྲོང་ཁྱེར་གྱིས་ནུས་རྒྱུ་གསར་པའི་རླངས་འཁོར་ཐོན་ལས་ཚོགས་པ་གང་མགྱོགས་བཙུགས་ནས་རླངས་འཁོར་གྱི་ལྷུ་ལག་སྒྲིག་སྦྱོར་ཐོན་ལས་ཀྱི་རྟེན་གཞི་སྐྲུན་པ་དང་རླངས་འཁོར་གྱི་མཁོ་སྤྲོད་འཁོར་འབྲེལ་གྱི་འབྲེལ་ཡོད་ཁེ་ལས་ནང་འདྲེན་གྱིས་ཐོན་ལས་འཁོར་འབྲེལ་གྱི་སྐྱེ་ཁམས་མ་ལག་སྔར་བས་འཐུས་སྒོ་ཚང་དུ་བཏང་ཡོད། འདི་ནི་ཀུང་སིའི་ཚ་ལ་རྒྱག་ཁང་དུ་ལས་དོན་པས་འཁོར་རིགས་ཀྱི་ལྷུ་ལག་ལ་ཚ་ལ་རྒྱག་བཞིན་པ། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

འཛད་ཟོག་དངོས་མང་སྟོན་ཚོགས་ཐོག་གི་གནའ་མིའི་གྱོན་ཆས་གྱོན་པའི་འཕྲུལ་མི་ཡིན་པ།འཛད་ཟོག་དངོས་མང་སྟོན་ཚོགས་ཐོག་འགྲེམས་སྟོན་བྱས་པའི་འཕྲུལ་མིས་ཨ་རག་སྡེབ་སྦྱོར་བྱེད་བཞིན་པ།ཀྲུང་གོ་རྒྱལ་སྤྱིའི་འཛད་ཟོག་དངོས་མང་སྟོན་ཚོགས་སྐབས་ལྔ་པས་འབྱུང་འགྱུར་ཚན་རྩལ་ལ་དམིགས་ཏེ། འཕྲུལ་མི་འདྲ་མིན་སྣ་ཚོགས་གཅིག་རྗེས་གཉིས་མཐུད་དུ་འགྲེམས་སྟོན་བྱས་པ་དང་ཚན་རྩལ་གསར་ཤོས་ཀྱི་སྟོབས་ཤུགས་དང་གསར་གཏོད་བཀོལ་སྤྱོད་ལ་བརྟེན་ནས་འབྱུང་འགྱུར་གྱི་འཚོ་བའི་རྣམ་པ་གསར་པ་མངོན་པར་བྱས་པ་རེད། འགན་འཁུར་རྩོམ་སྒྲིག་པ། སྐལ་བཟང་གྲགས་པ།

གསར་འགོད་པ་ཞིག་གིས། དབྱིན་ཇི་སྲིད་གཞུང་གིས་ཀྲུང་གོས་བཟོས་པའི་མི་མེད་གནམ་གྲུ་སྤྱད་དེ་དབྱིན་ཇིའི་རྨང་གཞིའི་སྒྲིག་བཀོད་གལ་ཆེན་པར་ལེན་པར་སེམས་ཁྲལ་བྱེད་ཀྱི་ཡོད་པས། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ། ལིན་ཅན་གྱིས་ཀྲུང་གོ་སྲིད་གཞུང་གིས་ཁེ་ལས་ལ་ཁྲིམས་འགལ་གྱི་རྣམ་པའི་ཐོག་ནས་གཞི་གྲངས་འཚོལ་བསྡུའམ་ཡང་ན་གསོག་ཉར་བྱེད་དགོས་པའི་བླང་བྱ་གཏན་ནས་བཏོན་མེད་ལ་འདོན་ཡང་མི་སྲིད། འབྲེལ་ཡོད་ཕྱོགས་ཀྱིས་དོན་དངོས་ཀྱི་གཞི་འཛིན་ས་མེད་པའི་གནས་ཚུལ་འོག ཀྲུང་གོར་རྒྱུ་མཚན་མེད་པའི་དོགས་པ་དང་དམའ་འབེབས་བྱས་པར་ཀྲུང་གོ་ཕྱོགས་ཀྱིས་ངོ་རྒོལ་མཐའ་གཅིག་ཏུ་བྱེད་ཀྱི་ཡོད། དབྱིན་ཇི་ཕྱོགས་ཀྱི་འབྲེལ་ཡོད་སྡེ་ཁག་གིས་དཔལ་འབྱོར་ཚོང་དོན་གྱི་གནད་དོན་ཆབ་སྲིད་ཅན་དང་བདེ་འཇགས་ཁྱབ་འགྱུར་ཅན་བྱེད་མཚམས་འཇོག་དགོས་པ་དང་། ཀྲུང་གོའི་ཚན་རྩལ་མཐོ་བའི་ཁེ་ལས་ལ་གནས་ལུགས་མེད་པའི་སྐྱོན་བརྗོད་དང་གནོན་ཤུགས་གཏོང་མཚམས་འཇོག་དགོས་པ། ཀྲུང་གོ་དང་དབྱིན་ཇིའི་འབྲེལ་བ་སྐྱོན་བྲལ་དང་བརྟན་ལྷིང་ངང་འཕེལ་རྒྱས་འགྲོ་བར་ཕན་པའི་བྱ་བ་མང་ཙམ་བསྒྲུབ་དགོས་པ་བསྟན།

ཀྲུང་གོ་བོད་ཀྱི་དྲ་བའི་འཕྲིན། ཚེས15ཉིན་གསར་འགོད་པས་ཤེས་གསལ་ལྟར་ན། བཟོ་ལས་དང་ཆ་འཕྲིན་ཅན་པུའུ་ཡིས་བཟོས་པའི་བཙན་ཤེད་རང་བཞིན་གྱི་རྒྱལ་ཁབ་ཀྱི་ཚད་གཞི《གློག་སྒུལ་རླངས་འཁོར་གྱི་སྒུལ་ཤུགས་གློག་གསོག་གློག་རྫས་ཀྱི་བདེ་འཇགས་བླང་བྱ》(GB38031-2025)ཉེ་ལམ་ཁྱབ་བསྒྲགས་བྱས་ཤིང་། 2026ལོའི་ཟླ7པའི་ཚེས1ཉིན་ནས་བཟུང་ལག་བསྟར་བྱ་རྒྱུ་རེད།ཐེངས་འདིའི་བཟོ་བཅོས་བྱས་པའི་ནང་དོན་གཙོ་བོ་ནི་ཚ་ཁྱབ་མཆེད་ཚད་ལེན་ཚོད་ལྟ་བཟོ་བཅོས་བྱེད་པ་དང་། ཚད་ལེན་བྱ་རྒྱུར་སྒུག་པའི་གློག་གཡིས་ཀྱི་དྲོད་ཚད་བླང་བྱ་དང་། གློག་གོང་འོག་གི་རྣམ་པ། ལྟ་ཞིབ་དུས་ཚོད། རླངས་འཁོར་ཧྲིལ་པོའི་ཚད་ལེན་ཆ་རྐྱེན་བཅས་སྔར་ལས་གསལ་བོར་བཟོས་ཡོད། ལག་རྩལ་གྱི་བླང་བྱ་ནི་དེ་གོང་མེ་ཤོར་བ་དང་འབར་གས་མ་བྱས་གོང་གི་སྐར་མ་ལྔ་སྔོན་གྱི་ཚ་བའི་དོན་རྐྱེན་གྱི་ཉེན་བརྡ་བརྡ་རྟགས་མཁོ་འདོན་བྱེད་པ་སོགས་ནས་མེ་མི་འབར་བ་དང་འབར་གས་མི་བྱེད་པ(སྔར་བཞིན་ཉེན་བརྡ་གཏོང་དགོས)། དུ་བས་སྡོད་མཁན་ལ་གནོད་འཚེ་མི་བཟོ་བ་སོགས་སུ་ལེགས་སྒྲིག་བྱེད་དགོས། ཞབས་ཀྱི་རྡེག་རྡེབ་ཚོད་ལྟ་གསར་དུ་བསྣན་ནས་གློག་གཡིས་ཀྱི་ཞབས་ལ་རྡེག་རྡེབ་ཐེབས་རྗེས་ཀྱི་འགོག་སྲུང་ནུས་པར་ཞིབ་བཤེར་བྱེད་པ། མགྱོགས་མྱུར་གློག་གསོག་འཁོར་སྐྱོད་བྱས་རྗེས་ཀྱི་བདེ་འཇགས་ཚད་ལེན་གསར་དུ་བསྣན་པ། མགྱོགས་མྱུར་གློག་གསོག་འཁོར་སྐྱོད་ཐེངས300བྱས་རྗེས་ཕྱི་རོལ་གྱི་ཉེ་ལམ་ཚད་ལེན་ཚོད་ལྟ་བྱས་ཏེ། མེ་མི་འབར་བ་དང་འབར་གས་མི་བྱེད་པའི་རེ་བ་བཏོན།གཞན་ཡང་བཟོ་བཅོས་བརྒྱབ་པའི་པར་གཞི་ཐོག་ཚད་གཞི་འདི་གློག་སྒུལ་རླངས་འཁོར་ལ་སྤྱོད་པའི་སྒུལ་ཤུགས་གློག་རྫས་ལ་སྤྱད་འཐུས་པ་སྟེ། སྐུལ་སྒུལ་མིན་པའི་གློག་གཡིས་ལ་སྤྱད་འཐུས་མེད་པ་དང་། འབྲེལ་གཅོད་གློག་འགོག་གི་བླང་བྱ་འཐུས་ཚང་དུ་བཏང་ནས་སྤེལ་རེས་གློག་ལམ་གློག་སྨན་མ་ལག་གི་འབྲེལ་གཅོད་གློག་འགོག་གི་བླང་བྱ་ཇེ་མང་དུ་གཏོང་དགོས། བཙིབ་གནོན་ཚད་ལེན་གྱི་བླང་བྱ་མཐོར་འདེགས་སུ་གཏོང་བ་དང་འབྲེལ་གཅོད་གློག་འགོག་གི་འབྲེལ་ཡོད་ཐག་གཅོད་ཆ་རྐྱེན་ཇེ་མང་དུ་གཏོང་དགོས། །

འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོ་རླངས་འཁོར་བཟོ་ལས་མཐུན་ཚོགས་ཀྱིས་ཁྱབ་བསྒྲགས་བྱས་པའི་གྲངས་གཞི་ལས་མངོན་པར། རླངས་འཁོར་འཛད་སྤྱོད་ལ་སྐུལ་མ་གཏོང་བའི་སྲིད་ཇུས་དང་བྱེད་ཐབས་རབ་དང་རིམ་པ་རྒྱུན་མཐུད་པ་དང་འབྲེལ། དོན་འཁྱོལ་མགྱོགས་མྱུར་བྱེད་པ་དང་། འཛད་སྤྱོད་ཁྲོམ་རའི་སྤུས་ཚད་ལེགས་སུ་གཏོང་བ། ཁེ་ལས་ཀྱི་ཐོན་རྫས་གསར་པ་ཡང་ཡང་བརྗེ་བ། འཛད་སྤྱོད་པའི་ཡིད་ཆེས་ཆེ་རུ་ཕྱིན་པ་བཅས་ལས་ཕན་པ་ཐོབ་ནས། དུས་ཚིགས་དང་པོར་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་གྲངས་གནས་གཉིས་འཕར་ཏེ་འགོ་ཚུགས་བཀྲ་ཤིས་བྱུང་ཡོད།དུས་ཚིགས་དང་པོར་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་ཁྲི་756.1དང་ཁྲི་747སོ་སོར་ལེགས་གྲུབ་བྱུང་བ་དེ་དུས་མཚུངས་ལས་14.5%དང་11.2%སོ་སོར་འཕར་བའི་ནང་། ནུས་རྒྱུ་གསར་པའི་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་ཁྲི་318.2དང་ཁྲི་307.5སོ་སོར་ལེགས་གྲུབ་བྱུང་བ་དེ་དུས་མཚུངས་ལས་50.4%དང་47.1%སོ་སོར་འཕར་ཡོད། ནུས་རྒྱུ་གསར་པའི་རླངས་འཁོར་གསར་པ་ཕྱིར་ཚོང་བྱེད་ཚད་རླངས་འཁོར་གསར་པའི་ཕྱིར་ཚོང་བསྡོམས་འབོར་གྱི་41.2%ཟིན་ཡོད།（པད་ཆོས་ཀྱིས་བསྒྱུར། བདེ་སྐྱིད་ཀྱིས་ཞུས）

འཚོ་བ་ནི་པར་མིག་མི་འདྲ་བ་མང་པོས་བཟུང་བའི་གཟུགས་ཀྱི་ཕྱི་མ་ཁོ་ན་མ་ཡིན་ལ།མེ་ཏོག་སྣ་ཚོགས་ཀྱིས་གྲུབ་པའི་སྤང་ཐང་གི་པར་རིས་སྙིང་རྗེ་བོ་དེ་ཁོ་ནའང་ལྷག་ཏུ་མ་ཡིན།འཚོ་བ་ནི་པར་དེ་དག་ལས།ལས་སླ་བོར་མཐོང་མི་ཐུབ་པ་དང་།མ་ཐུབ་པའི་རྩྭ་གསེང་གི་ས་རྡུལ་དང་།རླུང་།ཆར་བ་སོགས་ཀྱིས་བཟུང་བའི་མཛེས་པ་དང་།འུ་ཅག་འགྲོ་མྱོང་ཞིང་།རྐང་མཐིལ་གྱིས་ཚོར་མ་ནུས་པའི་རྩྭ་རྩེའི་ནམ་མཁའ་དང་།ས་གཞི།མིང་མ་རྙེད་པ་དང་།མིའི་རིགས་ཀྱིས་བདག་གིར་མ་བཟུང་བའི་མ་འདྲ་བ་དང་མི་འདྲ་བའི《ཅོ་ཡི་སུ་དང་སྙིང་ཉེ་བའི་བྱིའུ་ཆུང》དེ་ཨེ་ཡིན།རྒྱུན་ལྡན་གྱི་འཚོ་བས་མ་མཐོང་བ་དང་མ་རིག་པའི་བར་སྟོང་རེ་རེ་ན་ལུས་པའི་མིའི་སེམས་ཁམས་དང་།རེད་དང་མ་རེད་ཀྱི་མཚམས་ན་ཡོད་པ་དང་།ཤ་དང་རུས་པའི་ཕྱི་ནང་གཉིས་ཀྱི་ཆག་འཇིག འཇིག་རྟེན་གྱི་བདེ་བ་མ་ལུས་པའི་རྩ་བ་དེ་ཨེ་ཡིན་ཞེས《ཅོ་ཡི་སུ་དང་སྙིང་ཉེ་བའི་བྱིའུ་ཆུང》དེ་ལ་ཡང་དང་ཡང་དུ་འདྲི་དགོས་སོང་།འདི་ཡང་ནམ་མཁའ་བཀྲ་ཤིས་ལགས་ཀྱི་བརྩམས་སྒྲུང་གིས་ང་རང་ཅི་བྱ་གཏོལ་མེད་དུ་བཏང་བའི་རྒྱུ་མཚན་དང་།བརྩམས་སྒྲུང་འདི་བཀླགས་ཚར་དུས་སྐད་ཆ་འགའ་བཤད་འདོད་པའི་རྒྱུ་འབྲས་ཀྱི་དམ་ཚུགས་གཙང་མ་ཞིག་ལུས་ངག་ཡིད་གསུམ་དུ་ཐིམ་པར་ཤིན་ཏུ་ནས་དགའ་སོང་ངོ་།།ཕྱི་ནང་ཀུན་ཏུ་མིའི་རིགས་ཀྱི་བསམ་བློ་གཏོང་ཕྱོགས་འཕྲུལ་ཆས་ཅན་ནམ་ཨང་ཀི་ཅན་དུ་གྱུར་དང་འགྱུར་བཞིན་ཡོད་པ་འདིས།མིའི་རིགས་ཀྱི་བསམ་བློ་གཏོང་ཕྱོགས་ལ་འཆར་སྣང་དང་དྲན་པའི་ནང་གི་དགེ་བའི་ཕྱོགས་གང་ཞིག་མཐོང་གི་མེད་པ་དང་།བསམ་བློ་ག་འདྲ་ཞིག་གཏོང་དགོས་པ་དང་།ཇི་ལྟར་བསམ་བློ་བཏང་ན་དེ་ལྟར་ལས་གང་ཞིག་སྒྲུབ་པར་ཕན་ཐོགས་པ་སོགས་ཀྱི་གཏམ་གྱི་ཚེར་མ་མང་པོས་བློ་དང་རིག་པའི་བདེན་པ་མེད་པར་གཏོང་བཞིན་ཡོད་པ་འདིས།འཛམ་གླིང་རྩོམ་རིག་གི་འཆར་སྣང་དང་དྲན་པ་མེད་པར་བཟོ་བ་མཚོན་ཐུབ།འོན་ཀྱང་འདི་ཡང་བོད་རང་གི་རྩོམ་རིག་གིས་ད་དུང་རྒྱུན་འཛིན་བྱས་ཡོད་པའི་འཛམ་གླིང་རྩོམ་རིག་གི་ཆ་ཤས་ཤིག་གམ།ང་ཚོའི་ལེགས་ཆ་ཞིག་མིན་པའི་ངེས་པ་མེད།འདི་ཡང་རིག་གཞུང་གི་ལྕགས་ཐག་རིང་པོ་ཞིག་མིན་པའི་ངེས་པ་མེད་ལ།རིག་གཞུང་གི་ལག་པ་རིང་ཐུང་ཤོར་ནས་མ་འོངས་པའི་རྩོམ་རིག་ལ་བཞག་པའི་ཆག་སྒོ་ཆེན་པོ་ཞིག་ཀྱང་ཡིན་སྲིད།རྩོམ་རིག་ནི་མྱངས་པ་དང་ཚོར་བ་དང་འཆར་སྣང་སོགས་ཀྱིས་གྲུབ་པའི་འཇིག་རྟེན་ཞིག་ཡིན་པས།འདི་དག་ཡོད་ཚད་ཚིག་མཛོད་ཀྱིས་བཤད་ནུས་པ་ཞིག་གམ།ཡང་ན་འདི་རེད་ཅེས་ཟེར་ཆོག་པ་ཞིག་ཏུ་འགྱུར་བར་མི་འདོད་ཚེ།རྩོམ་རིག་ལ་འཕྲུལ་ཆས་དགོས་པ་མེད་པ་དང་།འཕྲུལ་ཆས་ཀྱིས་བྲིས་པའི་རྩོམ་ཡིག་དང་མིས་བྲིས་པའི་རྩོམ་ཡིག་གི་དབྱེ་བ་དང་དབྱེ་བ་ཇི་ལྟར་ཡོད་པ་དང་གང་ན་ཡོད་པའང་གསལ་པོར་ཧ་གོ་དགོས་པ་དང་།ཧ་གོ་དགོས་པའི་རྒྱུ་མཚན་ཡང་ཡིན། །དོན་དུ་བྱིའུ་འཕུར་བ་མགྱོགས་དྲགས་པས་ཤེལ་སྒོ་མ་མཐོང་བ་ཡིན་ནམ།ཡང་ན་ཕྱིར་མིག་ལྟ་བ་དང་གདོང་ཐུག་པ་ཡིན་ནམ།བྱིའུ་ལ་ལག་པ་འཆང་དྲགས་ན་བྱ་བྱིའུ་གཞན་པས་མི་དྲི་འཐུལ་བ་ཚོར་ནས་ཁ་ཡ་བྱེད་མི་སྲིད་དམ།བྱ་ཁྱུ་དང་བྲལ་སྲིད་དམ།གལ་ཏེ་མི་ཞིག་ཡིན་ཚེ་ལམ་སང་སྨན་ཁང་དུ་སོང་ཆོག་མོད།བྱིའུ་བཟུང་ནས་ལུས་སྟེང་དུ་ཚོན་གསར་བསྐུས་ན་བྱིའུ་གཞན་པས་རྡུང་རྡེག་བྱེད་དམ།སྐད་ཆ་འདི་དག་གི་གསེང་ན་ཅི་ཞིག་ལྷག་འདུག ཅི་ཡང་ལྷག་པའི་དབང་དུ་བྱས་ན།རྒན་ཞོགས་ཉི་ལགས་ཅེས་སྐད་གཏོང་མཁན་གྱི་མི་དང་མི་དེའི་རྨི་ལམ་གྱིས་ཁྱོད་ལ་སྐད་ཆ་ཞིག་བཤད་འདུག་གམ།དེས་ཀྱང་བཤད་མི་འདུག་པའི་དབང་དུ་བྱས་ན།གཙང་པོ་གང་དེའི་དྭངས་ཆ་ལ་ཆགས་པའི་སེམས་པ་དང་།བྱིའུ་གསུམ་གྱི་ཚེ་སྲོག་གིས་ཅི་ཞིག་བཤད་འདུག་གམ།ད་ཅི་ཡང་མ་བཤད་པའི་ཉམས་མྱོང་དང་།མི་བཤད་པའི་སྐད་ཆ།མི་སེམས་ནས་མ་སྨིན་པའི་སྐད་ཆའི་ནང་གི་རུ་མ།རྒྱ་མཚོའི་ངོས་ཀྱི་རླངས་པ་འཛིན་པ་ལྟ་བུའི་ཚོར་བ།ཕྱི་གསལ་ནང་གསལ་གྱི་སེམས་པ།འཚོ་གནས་ཀྱི་མ་འོངས་པ།བརྩེ་བ།མཐོང་རྒྱ།ཤེས་ཚོར།སྙིང་རུས།དྲན་པ་སོགས་ནི་ད་ལྟ་བའི་འཚོ་བའི་ལོ་རྒྱུས་ལྟ་བུ་ཡིན་པས།ནམ་མཁའ་བཀྲ་ཤིས་ལགས་ཀྱི་སྒྲུང་ཐུང《ཅོ་ཡི་སུ་དང་སྙིང་ཉེ་བའི་བྱིའུ་ཆུང》ཞེས་པ་འདིས།རྩོམ་མཁན་ཁོང་གི་སེམས་རྒྱ་དང་མིག་རྒྱང་།སྙིང་རྗེ་ལ་རང་གཞན་མེད་པ་སོགས་མཚོན།སྤྱིར་བརྩམས་སྒྲུང་ནི་གཏམ་རྒྱུད་གཅིག་པུ་བཤད་རྒྱུ་ཙམ་ཞིག་མིན་པར།འཚོ་བའི་བར་གསེང་རེ་རེ་ན་འགྱུར་དང་འགྱུར་བཞིན་པའི་མི་རེ་ངོ་རེའི་ནང་སེམས་ཀྱི་བདེ་སྡུག་དང་ཕྱི་དངོས་པོའི་ཧམ་པ་སོགས་གཅིག་ཀྱང་མ་ལུས་པར་བཤད་བཞིན་ཡོད་པ་རེད།བརྩམས་སྒྲུང་ཞིག་གི་མི་སྣ་གཅིག་གིས་དུས་ཚོད་གང་རུང་གི་མིའི་རིགས་ཀྱི་འགྱུར་བ་གང་རུང་ཞིག་མཚོན་ཐུབ་པ་དང་།ཐུབ་པས་མི་ཚད་དེ་ཉིད་ཀྱི་ཉིན་མཚན་དུས་དྲུག་དང་།བྱ་བྱེད་ལས་གསུམ་དང་།འདས་མ་ད་གསུམ་ཡང་ཞར་དང་ཞོར་ནས་ཚོར་ཐུབ་ཀྱང་དགོས་པ་རེད། །མེ་ཤེལ་ཞིག་ཁྱེར་ནས་ཆུ་ཐིགས་གཅིག་ལས་རི་མོ་སྣ་ཚོགས་པ་ཞིག་བཙལ་བའི་ངལ་བར་བཟོད་སྲན་དང་།ངང་རྒྱུད་རིང་པོ་ཅན་ཞིག་ཡིན་དགོས།དེ་མིན་ལོ་འདི་ཚོར་དྲ་བའི་རིག་གནས་ཤུགས་ཆེ་བ་དང་།མི་སེམས་ལ་ངང་རྒྱུད་མེད་པ།ལས་ཅི་ཞིག་བྱས་ཀྱང་ལས་སླ་མོའི་རིགས་ལ་དགའ་བ།བདེན་རྫུན་ལ་དབྱེ་བ་མེད་པ།མི་ཁ་གཏོང་ལ་མཁས་པ།སྐབས་འདི་འདྲ་ཞིག་ལ།བརྩམས་ཆོས་འདི་འདྲར་མཇལ་ཐུབ་དུས།ས་སྐྱ་པན་ཆེན་གྱིས“གང་ཞིག་གསེར་གྱི་རི་ལ་གནས་གྱུར་ན། །དེ་ཡིས་འདབ་ཆགས་ཐམས་ཅད་གསེར་དུ་འགྱུར། །གང་ཞིག་དུག་གི་རི་ལ་གནས་གྱུར་ན། །དེ་ཡིས་འདབ་ཆགས་ཐམས་ཅད་དུག་ཏུ་འགྱུར། །”ཞེས་གསུངས་པའི་གསུང་ཤེས་རབ་ཀྱི་བདུད་རྩི་ལྟ་བུ་འདི་ངག་ནས་ཐེངས་ཤིག་གྱེར་དགོས་སོང་།འདི་ཡང་།རྩོམ་མཁན་དང་ཀློག་མཁན་བར་གྱི་འབྲེལ་བ་ཡིན་ལ།ཤེས་འདོད་མཁན་དག་ལ་དགོས་པའི་སྙིང་རུས་ཀྱང་ཡིན།འོན་ཀྱང་བརྩམས་ཆོས་ཡག་པོ་ཞིག་བཀླག་པར་དགོས་པ་ནི་བརྩོན་པ་ཡང་ཡིན་པ་ས་སྐྱ་པན་ཆེན་གྱིས“རིག་པ་ནང་པར་འཆི་ཡང་བསླབ། །ཚེ་འདིར་མཁས་པར་མ་གྱུར་ཀྱང་། །སྐྱེ་བ་ཕྱི་མར་བཅོལ་བ་ཡི། །ནོར་ལ་རང་ཉིད་ལེན་པ་འདྲ། །”ཞེས་གསུངས་པའི་རང་ནུས་ལ་དད་པ་བྱེད་པ་དང་།བརྩོན་པ་ཆེན་པོས་ཤེས་པར་འདོད་པ་དག་ཤེས་པར་བྱེད་པ་ནི་ལྷོད་མི་རུང་བའི་ཚུགས་ཐུབ་དེའང་ཡིན་པར་འདོད་དོ། །འུ་ཅག་གི་བརྩམས་སྒྲུང་མཁན་དག་གིས་བློ་དང་རིག་པ།སེམས་ཁམས་དང་ཚོར་བ།དྲན་ཤེས་དང་མིག་རྒྱང་ག་འདྲ་ཞིག་ཁྱེར་ནས་རྩོམ་རིག་གི་ལས་ལ་འབད་དམ།སྒོས་སུ་བོད་ཀྱི་རྩོམ་རིག་གིས་ཅི་ཞིག་ནུས་སམ།ཅི་ལྟར་ནུས་སམ་ཞེས་དྲི་བ་ཞིག་ཀྱང་འདོན་དགོས་སོང་།དེས་ན་ཕྱོགས་གང་མང་གི་མཐའ་ནས་མ་བསྡད་པར་ནང་སེམས་ཀྱི་སྙིང་རྗེ་གཙོ་བོར་འཛིན་རྒྱུ་དང་།ཕྱོགས་རིས་དང་ཆགས་སྡང་གི་ངན་སྐུལ་ལྟ་བུའི་རྩོམ་དང་།བུ་ཕྲུག་ལ་ཤ་ཚ་བ་ལྟ་བུའི་ཁ་ཕོ།གྲོགས་དང་གྲོགས་མོ་ཚོར་སྙིང་བསྟན་པ་ལྟ་བུའི་ཁ་ལ་མེ་ཏོག་བཞད་པ་ཙམ་མི་བྱེད་པ་དང་།ལས་གང་མཐོང་ལྷོད་ཀྱིས་འཇུག་པར་ཞུའོ་ཞེས་སྐྱབས་འཇུག་ཅིག་ཀྱང་ཞུ་དགོས་སོང་ངོ་། །རྗེ་ཙོང་ཁ་པ་ཆེན་པོས“བསམ་པ་བཟང་ན་ས་དང་ལམ་ཡང་བཟང་། །བསམ་པ་དམན་ན་ས་དང་ལམ་ཡང་ངན། །ཐམས་ཅད་བསམ་པ་དག་ལ་རག་ལས་པས། །རྟག་པར་བསམ་པ་བཟང་ལ་འབད་པར་བྱ། །”ཞེས་གསུངས་པ་ལྟར།རྩོམ་མཁན་ཁོང་རང་གི་རང་རྒྱུད་ལ་འཇགས་པའི་འཚོ་བའི་ལྟ་ཚུལ་དང་།སེམས་ཀྱི་ཞི་བ།རིག་པའི་མཐོང་རྒྱ་གང་ཡིན་ཡང་།བྱམས་དང་སྙིང་རྗེ་དགོས་པ་ལས་རྒྱ་ཡན་དུ་བཏང་མེད་པ་དང་།རིག་པ་གསལ་བ།དགེ་བའི་ལས་ལ་དགའ་བ་སོགས་ནི་བོད་ཀྱི་རིག་གནས་དང་།མིའི་རིགས་ཀྱི་ལས་དབང་གཅིག་མཐུན་ཚོགས་པ་ཞེས་པའམ་མིའི་རིགས་ཐུན་མོང་གི་ལས་དབང་ཞེས་པའི་རྩ་དོན་དང་།བོད་ཀྱི་འགྲོ་ཀུན་མཉམ་གནས་ཀྱི་ལྟ་ཚུལ་དང་མཐུན་པ།མཐུན་པའི་རྒྱུད་ནི་ཤེས་རིག་གི་རྒྱུད་དང་།ཤེས་རིག་གིས་ཅི་ལྟར་ཕན་འདོགས་པའི་དོན་སོགས་ཀྱིས་གྲུབ་པ་ཞིག་ཏུ་འདོད་ལ།འདི་ཡང་ངས་བརྩམས་སྒྲུང་འདི་བཀླགས་པའི་དགའ་བ་དང་།རང་ལ་ཐེབས་པའི་དགེ་བའང་ཡིན་ནོ་ཞེས་ཞུ་རྒྱུ་ཡིན།སྐད་ཆ་གོང་མ་དག་ལ་ཕྱི་མ་ཕྱི་མའི་གཏམ་ཞིག་བཤད་ན།བྱིའུ་གཅིག་གི་དོན་ལ་བྱིའུ་གཉིས་བསད་པ་རེད་དམ།ཡང་ན་རང་བཞིན་གྱིས་ཤི་བ་རེད་དམ།ཡང་ན་བྱིའུ་དེ་འཛིན་པའི་སྐབས་སུ་ཤུགས་ཀྱིས་བཙིར་དྲགས་པས་རེད་དམ།ཡང་ན་ཤོག་སྒམ་དེ་ཆུང་དྲགས་པའམ་གཤོག་པ་ལུས་སྟེང་ནས་བཀོག་ཟིན་པས་ཡིན་ནམ།ཡིན་པའི་དབང་དུ་བྱས་ན།ཡང་ན་མ་ཡིན་ཚེ།ཡོད་ཚད་རང་བཞིན་གྱིས་གྲུབ་པ་ཞིག་ཡིན་ནམ།མིན།མ་རེད།ཡང་ན་ཡིན་ཡང་སྲིད།ད་ནི་གཏན་གྱི་བདེ་བ་བསྒྲུབ་པའི་ཕྱིར་ཤེས་རབ་ཀྱི་སྟོབས་བསྐྱེད་པར་བྱེད་དོ། །

ཟླ་4པའི་ཚེས་5ཉིན། བོད་ལྗོངས་ཉིང་ཁྲིའི་ཁམ་བུའི་མེ་ཏོག་གི་ཡུལ་སྐོར་རིག་གནས་དུས་སྟོན་སྐབས་ཉེར་གཉིས་པའི་རིང་ལ་ཁ་ལོ་བ་མེད་པའི་མི་སྡོད་རིག་ནུས་གནམ་གྲུ་ཞིག་མཚོ་འཕགས་3000ཡན་གྱི་མཐོ་ཚད་དུ་འཕུར་ཐེངས་ཐོག་མ་ལམ་ལྷོང་བྱུང་། ཐོག་མར་འཕུར་སའི་ཡུལ་དངོས་ནས་ཁ་ལོ་བ་མེད་པའི་གནམ་གྲུ་དེ་བར་སྣང་དུ་དལ་བུར་ཇེ་མཐོར་འཕུར་དུས་ཡུལ་སྐོར་བ་རྣམས་ངོ་མཚར་ཆེན་པོ་བྱུང་སྟེ་ནམ་མཁར་ལྟ་བཞིན་ཡོད་ལ། ས་ལ་འབབ་དུས་ཚང་མ་གནམ་གྲུའི་མཐའ་འཁོར་དུ་འདུས་ནས་ལྟད་མོར་ལྟ་བ་དང་འདྲ་པར་ལེན་པ་སོགས་བྱེད་བཞིན་ཡོད། ཁ་ལོ་བ་མེད་པའི་མི་སྡོད་རིག་ནུས་གནམ་གྲུ་ནི་ཧོ་ཧྥེ་དང་ཧང་ཀྲོའུ་སོགས་ནས་བར་སྣང་དམའ་ས་རུ་ཡུལ་སྐོར་ལྟད་མོའི་རིགས་སུ་བཀོལ་སྤྱོད་བྱེད་བཞིན་ཡོད་པ་མ་ཟད། འཛམ་གླིང་ཐོག་རྒྱལ་ཁབ་བཅུ་དགུ་རུ་བདེ་འཇགས་ངང་འཕུར་ཐེངས་6500བྱས་ཟིན་པ་རེད།

འདི་ག་ལས་ཁུངས་ནས་སྤེལ་བའི་གནས་ཚུལ། མིག་སྔར་ལྷ་གྲུ་བཅུ་དགུ་པ་རྟགས་ཅན་གྱི་མཁའ་སྐྱོད་ཚོ་ཆུང་ཀྲུང་གོའི་བར་སྣང་ས་ཚིགས་སུ་བཅའ་སྡོད་བྱས་ནས་ཉིན་150ལྷག་ཙམ་ཟིན་པ་དང་། མཁའ་སྐྱོད་པ་ཚའེ་ཞུས་ཀྲེ་དང་། སུང་ལིང་ཏུང་། ཝང་ཧའོ་ཙེ་བཅས་ཀྱི་ལུས་སེམས་བདེ་ཐང་ཡིན་པ་དང་། བར་སྣང་གི་ཚན་རིག་ཚོད་ལྟ་དང་ཚོད་ལྟའི་ལས་འགན་ཁག་བདེ་བླག་བྱུང་ཡོད། འཆར་གཞི་ལྟར་ན། མཁའ་སྐྱོད་ཚོ་ཆུང“ལྔ་གཅིག”གི་སྔ་རྗེས་སུ་སའི་གོ་ལའི་ཁྱིམ་གཞིས་སུ་ཕྱིར་ལོག་བྱ་རྒྱུ་ཡིན་པ་རེད། ཀྲུང་གོའི་མི་ཞུགས་མཁའ་སྐྱོད་ལས་གྲྭའི་གཞུང་དོན་ཁང་གིས་ཟླ་4ཚེས་6ཉིན་ཁྱབ་བསྒྲགས་བྱས་པའི་འཁོར་ལམ་ཐོག་གི་བརྙན་ལམ་ལས་མངོན་པར། འཕྲུལ་ཆས་དཔུང་པའི་རྒྱབ་སྐྱོར་འོག མཁའ་སྐྱོད་ཚོ་ཆུང་གིས་ལྷུ་ལག་དང་སྒྲིག་ཆས་གྲུ་ཚང་ཕྱི་རོལ་གྱི་ཀུན་སྤྱོད་ཚོད་ལྟའི་སྒྲིག་ཆས་གྲུ་ཚང་ནང་དུ་བསྐྱོད་པ་དང་། མ་དཔེ་ཕྱིར་བསྡུ། སྒྲིག་སྦྱོར་ཚོད་ལྟ། དེ་བཞིན་གྲུ་ཚང་ནས་ཐེངས་གཉིས་པ་ཐོན་པའི་བྱེད་སྒོ་སོགས་ཀྱི་ལས་དོན་ལེགས་གྲུབ་བྱས་པ་དང་། རྣམ་གྲངས་དེར་ཐོབ་པའི་དཔྱད་གྲངས་དང་འཁོར་ལམ་ཐོག་གི་ཁྱད་ཆོས་གྲངས་གཞིས་ནུས་མཐོའི་བར་སྟོང་ཉེར་སྤྱོད་ལྷུ་ལག་ཞིབ་འཇུག་གསར་སྤེལ་ལ་འགག་རྩའི་གྲངས་གཞིའི་རྒྱབ་སྐྱོར་མཁོ་འདོན་བྱ་རྒྱུ་ཡིན་པ་རེད། གཞན་ཡང་། མཁའ་སྐྱོད་པས་འཆར་གཞི་ལྟར་བར་སྣང་ས་ཚིགས་ཀྱི་སྦུབས་ལམ་ཞིབ་དཔྱད་ཚད་ལེན་འཕྲུལ་མིའི་འཁོར་ལམ་ཐོག་གི་ཚོད་ལྟ་ར་སྤྲོད་ལས་དོན་སྤེལ་ནས། རླུང་རྒྱུག་སྦུབས་ལམ་ནང་གི་པར་རིས་ཞིབ་དཔྱད་ཚད་ལེན་ཐུབ་པ་བྱས་ཏེ། བར་སྣང་ས་ཚིགས་ཀྱི་སྦུབས་ལམ་རང་འགུལ་ཞིབ་དཔྱད་ཚད་ལེན་བྱ་རྒྱུར་ལག་རྩལ་གྱི་རྨང་གཞི་བཏིང་ཡོད། མཁའ་སྐྱོད་གསོ་རིག་ཚོད་ལྟའི་ཁྱབ་ཁོངས་སུ། མཁའ་སྐྱོད་ཚོ་ཆུང་གིས་ཁྲག་འཚོལ་བསྡུ་དང་ལྟེ་བྲལ་ཐག་གཅོད་སོགས་ཀྱི་བཀོལ་སྤྱོད་ལས་འགན་ལེགས་གྲུབ་བྱུང་བ་དང་། ས་ངོས་ཚན་ཞིབ་མི་སྣས་ཁྲག་གི་མ་དཔེ་སྤྱད་དེ་རུས་པའི་བརྗེ་ཚབ་ཕན་ཚུན་སྙོམས་སྒྲིག་དང་བར་སྟོང་མཚམས་ཚིགས་དང་གཉིད་སོགས་ཚོད་ལྟའི་ཞིབ་འཇུག་མང་པོ་བྱ་རྒྱུ་ཡིན་པ་རེད། མཁའ་སྐྱོད་པས་ད་དུང་མིག་འགུལ་དཔྱད་ཆས་སོགས་སྒྲིག་ཆས་བརྒྱུད་མིག་འགུལ་གྲངས་གཞི་བླངས་ནས། བར་སྟོང་གི་ལྗིད་ཤུགས་ཕྲ་མོའི་ཁོར་ཡུག་ཁྲོད་མིའི་རིགས་ཀྱི་འབྲེལ་བའི་ཤེས་རྟོགས་ཆོས་ཉིད་དང་དེའི་དབང་རྩའི་རྨང་གཞིར་ཞིབ་འཇུག་བྱ་རྒྱུ་ཡིན་པ་རེད། བར་སྣང་ས་ཚིགས་སུ་བཅའ་སྡོད་བྱས་ཚུན། མཁའ་སྐྱོད་པ་གསུམ་གྱིས་གྲུ་ཚང་ནས་ཕྱིར་ཐོན་པའི་བྱེད་སྒོ་ཐེངས་གསུམ་ལེགས་གྲུབ་བྱུང་ཡོད། མིག་སྔར། བར་སྣང་ཚན་རིག་གི་ཚོད་ལྟ་དང་ཚོད་ལྟའི་ལས་འགན་ཁག་བདེ་བླག་བྱུང་ཡོད།

འདི་ལོའི་ཚུན་དུ་འཛད་སྤྱོད་དངོས་རྫས་རྙིང་ཚབ་གསར་བརྗེའི་རྒྱབ་སྐྱོར་མ་དངུལ་སྒོར་དུང་ཕྱུར་3000བར་མང་དུ་བཏང་ཡོད་པ་དང་། རྒྱབ་སྐྱོར་བྱེད་པའི་ཐོན་རྫས་དང་ཁ་གསབ་ཁྱབ་ཁོངས་ཀྱང་དེ་བསྟུན་གྱིས་རྒྱ་ཆེར་བཏང་ཡོད། ཁྱིམ་སྤྱོད་གློག་ཆས་ཀྱི་ཅ་དངོས་རེར་ཁ་གསབ་དངུལ་མཐོ་ཤོས་སྒོར་2000ཡོད་པ་དང་། ལག་ཐོགས་ཁ་པར་ལ་ཁ་གསབ་དངུལ་མཐོ་ཤོས་སྒོར་500ཡོད་པ་རེད། གཞན་ཡང་རླངས་འཁོར་རྙིང་པ་བཙོངས་རྗེས་ནུས་རྒྱུ་གསར་པའི་རླངས་འཁོར་ཉོས་ཚེ། རླངས་འཁོར་རེར་ཁ་གསབ་དངུལ་མཐོ་ཤོས་སྒོར་15000ཡོད་ཅིང་། ད་དུང་གློག་སྒུལ་སྦག་སྦག་ལའང་ཁ་གསབ་ཡོད་པས་འཛད་སྤྱོད་དངོས་རྫས་རིགས་ད་ལྟ་གསར་པ་བརྗེས་ན་བརྗེ་རིན་ཡོད།1༽ལག་ཐོགས་ཁ་པར་དང་ངོས་ལེབ་གློག་ཀླད་སོགས་གྲངས་འཛིན་ཐོན་རྫས་དང་། ཁྱིམ་སྤྱོད་གློག་ཆས་རིགས་གསར་པ་བརྗེ་མཁན་ཚོས་འདིར་གཟིགས་དང་། གོང་གི་བྱ་རིམ་ཆུང་གྲས་འདིའི་ནང་འཛུལ་ན་གཟིགས་ཐུབ།རེ་ཞུ་བྱེད་སྟངས།1-རང་ཉིད་ཀྱི་དགོས་མཁོ་ལྟར་ལག་ཐོགས་ཁ་པར་སོགས་གྲངས་འཛིན་ཐོན་རྫས་བདམས་ནས་གསར་པ་ཉོ་བའམ་ཡང་ན་ཁྱིམ་སྤྱོད་གློག་ཆས་རྙིང་པ་གསར་པར་བརྗེ་དགོས།2- ཁྱེད་རང་གནས་སའི་གྲོང་ཁྱེར་བདམས་ནས་ཕྱོགས་སྟོན་ལྟར་ས་གནས་དེ་གའི་སྲིད་ཇུས་འདྲི་རྩད་དང་འབྲེལ་ཡོད་གཟིགས་སྐྱོང་བླངས་ཆོག2༽རླངས་འཁོར་གསར་པ་བརྗེ་དགོས་ན་འདིར་གཟིགས། གོང་གི་བྱ་རིམ་ཆུང་གྲས་ནང་འཛུལ་ན་གཟིགས་ཐུབ།རེ་ཞུ་བྱེད་སྟངས།1-སྤྱི་ལོ་2025ལོའི་བེད་མེད་དུ་བཏང་སྟེ་རེ་ཞུ་བྱེད་ས་ཞེས་པ་གནོན་ཏེ་དེའི་ནང་ཞུགས་དགོས།2-ཁ་གསབ་བདག་སྤྲོད་བྱ་ཡུལ་བདམས་ཏེ་ཕྱོགས་སྟོན་ལྟར་མི་སྒེར་གྱི་ཆ་འཕྲིན་དེའི་ནང་བཅུག་ནས་གོམ་སྟབས་རྗེས་མ་གནོན་དགོས།3-བྱ་རིམ་ནང་གི་དྲན་སྐུལ་གཞིར་བཟུང་རེ་ཞུ་བྱེད་མཁན་གྱི་ཆ་འཕྲིན་དང་། རླངས་འཁོར་བེད་མེད་དུ་བཏང་བའི་ཆ་འཕྲིན། རླངས་འཁོར་གསར་པ་ཉོ་སྒྲུབ་ཀྱི་ཆ་འཕྲིན་བཅས་བྲིས་ཚེ། རླངས་འཁོར་རྙིང་པ་གསར་པར་བརྗེ་བའི་ཁ་གསབ་རེ་ཞུ་བྱེད་ཆོགཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

འདི་ནི་སི་རི་ལན་ཁའི་རྒྱལ་ས་ཁོ་ལོན་པོར་གནས་པའི་པི་ཡ་ཏི་ཚོང་ཁང་དུ་འཛད་སྤྱོད་པས་རླངས་འཁོར་ཉོ་བཞིན་པ།འདི་ནི་སི་རི་ལན་ཁའི་རྒྱལ་ས་ཁོ་ལོན་པོར་པི་ཡ་ཏི་སི་རི་ལན་ཁའི་བརྒྱུད་ཚོང་པ་དང་གཡོད་ཧན་ཅིར་སི་CGརླངས་འཁོར་ཚད་ཡོད་ཀུང་སིའི་རླངས་འཁོར་སྡེ་ཚན་གྱི་སྤྱི་ཁྱབ་ཅིང་ལི་ཆ་ལི་ཐེ·ཕན་ཏི་ཐེ་ལ་ཐེ་ན་ཡིས་གསར་འགོད་པའི་བཅར་འདྲི་དང་ལེན་བྱེད་བཞིན་པ།འདི་ནི་སི་རི་ལན་ཁའི་རྒྱལ་ས་ཁོ་ལོན་པོ་ནས་པར་བརྒྱབ་པའི་པི་ཡ་ཏི་ཚོང་ཁང་ཡིན་པ།སི་རི་ལན་ཁའི་རྒྱལ་ས་ཁོ་ལོན་པོ་གྲོང་ཁྱེར་ལྟེ་བའི་ལམ་བཞི་མདོ་ཁ་ཞིག་ཏུ་ཉིན་ལྟར་གྱི་ཞོགས་པ་དང་དགོང་མོ་རླངས་འཁོར་མང་བའི་དུས་སུ་སྲོལ་རྒྱུན་གྱི་སྣུམ་སྤྱོད་སྤྱི་སྤྱོད་རླངས་འཁོར་དང་། སྦག་སྦག “ཐུའུ་ཐུའུ་རླངས་འཁོར”བཅས་ཀྱིས་འབུད་པའི་མཇུག་རླངས་ཡུན་རིང་ཡལ་གྱི་མེད། གཞུང་ལམ་སྒྲོལ་མཁན་མི་རྣམས་ཀྱིས་རྟག་ཏུ་ལམ་འགྲམ་གྱི་ཚོང་ཁང་གསར་པ་ཞིག་ལ་ལྟ་བཞིན་མཆིས།འདི་ནི་སི་རི་ལན་ཁར་བཙུགས་པའི་ཀྲུང་གོའི་ནུས་རྒྱུ་གསར་པའི་རླངས་འཁོར་གྱི་སྤུས་རྟགས་པི་ཡ་ཏི་ཚོང་ཁང་དང་པོ་དེ་རེད། སི་རི་ལན་ཁའི་ཕྱི་དངུལ་གསོག་འཇོག་གི་གཞི་ཁྱོན་བསྐྱར་དུ་འཕར་བ་དང་བསྟུན་ནས། འདི་ལོའི་ཟླ་2པར་སི་རི་ལན་ཁ་སྲིད་གཞུང་གིས་སྒེར་གྱི་རླངས་འཁོར་ནང་འདྲེན་བཀག་རྒྱ་དངོས་སུ་གློད་ཡོད། ཚོང་ཁང་འདི་སྒོ་ཕྱེ་བ་ནས་བཟུང་སྐུ་མགྲོན་རྒྱུན་མཐུད་མང་དུ་ཕྱིན་པ་མ་ཟད། ཐ་ན་མི་ཚོགས་ཀྱིས་ཁེངས་པའི་རྣམ་པ་ཐོན་ཡོད།ན་ནིང་ཟླ་བརྒྱད་པར་སྒོ་ཕྱེ་ཚུན། ཁོ་ལོན་པོ་རུ་པི་ཡ་ཏི་ལྟེ་གནས་ཚོང་ཁང་དེའི་ཚོང་ཧ་ཅང་ཡག་པོ་བྱུང་ཞིང་། པི་ཡ་ཏི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་སི་རི་ལན་ཁ་རྒྱལ་ཁབ་ཀྱི་ཅིང་ལི་ཧུའུ་ཙི་ཡུས་ཀྱིས། སྤུས་རྟགས་དེའི་ཕྱིར་ཚོང་ཁང་གྲོང་ཁྱེར་ཁོ་ལོན་པོ་དང་། དབུས་རྒྱུད་ཀྱི་གྲོང་ཁྱེར་ཁང་ཐི། ལྷོ་རྒྱུད་ཀྱི་གྲོང་ཁྱེར་ཅ་ལི་བཅས་གྲོང་ཁྱེར་གསུམ་དུ་བཙུགས་པ་དང་། མིག་སྔར་མངག་ཐོ་སྟོང་ཕྲག་ཁ་ཤས་འབྱོར་ཡོད། དེའི་ནང་ཟླ་3ཚེས་14ཉིན་ཁག་དང་པོའི་རླངས་འཁོར་462ཧན་པན་ཐོ་ཐ་གྲུ་ཁར་འབྱོར་བ་དང་། ཚེས་27ཉིན་དངོས་སུ་རྩིས་སྤྲད་པ་རེད།པི་ཡ་ཏི་སི་རི་ལན་ཁའི་བརྒྱུད་ཚོང་པ་དང་གཡོད་ཧན་ཅིར་སི་CGརླངས་འཁོར་ཚད་ཡོད་ཀུང་སིའི་རླངས་འཁོར་སྡེ་ཚན་གྱི་སྤྱི་ཁྱབ་ཅིང་ལི་ཆ་ལི་ཐེ·ཕན་ཏི་ཐེ་ལ་ཐེ་ན་ཡིས། སི་རི་ལན་ཁས་སྒེར་གྱི་རླངས་འཁོར་ཉོ་བའི་སྲིད་ཇུས་ཀྱི་བཀག་རྒྱ་གློད་ཚུན། ཁྲོམ་རའི་དགོས་མཁོ་ཆེ་རུ་ཕྱིན་པ་དང་། དམངས་ཚོགས་ཀྱིས་རླངས་འཁོར་ཉོ་སྐབས་རིག་ནུས་ཚན་རྩལ་དང་། བདེ་པོ། བཟོ་དབྱིབས་བཅས་ཀྱི་ཐད་ཀྲུང་གོའི་ནུས་རྒྱུ་གསར་པའི་རླངས་འཁོར་ལ་ལེགས་ཆ་ལྡན་པ་ཤེས་རྟོགས་ཐུབ་ཡོད། “ན་ནིང་ཟླ་12པའི་ཁོ་ལོན་པོའི་རླངས་འཁོར་འགྲེམས་སྟོན་ཐོག་པི་ཡ་ཏི་དང་། མིང་ཅུའེ། སའེ་ལི་སི་སོགས་ཀྲུང་གོའི་རླངས་འཁོར་སྤུས་རྟགས་གཅིག་རྗེས་གཉིས་མཐུད་ངང་འགྲེམས་སྟོན་ལ་ཞུགས་པས་དགའ་བསུ་ཆེན་པོ་ཐོབ་ཡོད། ལོ་འདི་དག་རིང‘ཀྲུང་གོས་བཟོས་པ’ང་ཚོའི་སེམས་ནང‘ཀྲུང་གོའི་རིག་སྐྲུན’ལ་གྱུར་ནས་ནུས་པ་ཆེ་བ་དང་། ཚན་རྩལ་མཐོ་བ། སྤུས་ཚད་མཐོ་བ་བཅས་ཀྱི་རླུང་ཕྱོགས་སྟོན་རྟགས་ལ་གྱུར་ཡོད”ཅེས་ངོ་སྤྲོད་བྱས་པ་རེད། འགན་འཁུར་རྩོམ་སྒྲིག་པ། ཉི་མ་ཚེ་རིང་།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ད་ལོ་ནི་རྒྱལ་ཁབ་བདེ་འཇགས་བཅའ་ཁྲིམས་ཁྱབ་བསྒྲགས་ལག་བསྟར་བྱས་ནས་ལོ་འཁོར10ལོན་པའི་ལོ་ཡིན་པ་དང་། ཟླ4པའི་ཚེས15ཉིན་ནི་དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོ་ཐེངས་བཅུ་པ་ཡིན། ཁྲིམས་འཛིན་པུའུ་དང་རྒྱལ་ཡོངས་ཁྲིམས་ལུགས་ཁྱབ་གདལ་གཞུང་ལས་ཁང་གིས་ཉེ་སྔོན་བརྡ་ཐོ་དཔར་འགྲེམས་བྱས་ནས། རྒྱལ་ཡོངས་སུ2025ལོའི་དམངས་ཡོངས་ཀྱི་རྒྱལ་ཁབ་བདེ་

གློག་འཕྲིན་དྲ་རྒྱའི་ཁ་བསླུས་ཉེས་གསོག་ལ་རྡུང་རྡེག་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་གཏིང་ཟབ་བྱ་ཆེད། ལྷ་ས་གྲོང་ཁྱེར་ཁ་བསླུས་ངོ་རྒོལ་ལྟེ་གནས་ཀྱིས“ཆེད་ལས་དང་ལམ་སྲོལ། གཞི་གྲངས་ཆེན་པོ་ཟུང་དུ་འབྲེལ་བ”ཡི་བཀོད་སྒྲིག་གི་བླང་བྱ་གཞིར་བཟུང་སྟེ། “བྱང་བུ་འགོག་པའི”བྱ་སྤྱོད་དང་ཟུང་འབྲེལ་དམ་ཟབ་བྱས་ནས། ཆེད་ལས་རིམ་སྤོར་དང་། ལམ་སྲོལ་འཐུས་ཚང་དུ་གཏོང་བ། གཞི་གྲངས་ཞིབ་འཇུག་བརྡར་གཅོད་སོགས་ཀྱི་ཐད་མུ་མཐུད་དུ་ནུས་ཤུགས་བཏོན་ཏེ། གློག་འཕྲིན་དྲ་རྒྱའི་ཁ་བསླུས་ཉེས་གསོག་ལ་རྡུག་རྡེག་ཚ་ནན་བཏང་། ཉེ་ཆར། ལྷ་ས་གྲོང་ཁྱེར་ཁ་བསླུས་ངོ་རྒོལ་ལྟེ་གནས་ཀྱིས་ལྷ་ས་གྲོང་ཁྱེར་གྱི་དངུལ་ཁང་ག་གེ་མོ་ཞིག་དང་མཉམ་འབྲེལ་བྱས་ཏེ་མི་སྒེར་གྱི་དངུལ་ཁང་བྱང་བུ་སྤྱད་དེ་ཁ་བསླུས་རྒྱག་པའི་ཉེས་གསོག་ཚོགས་པ་ཞིག་བདེ་བླག་ངང་མེད་པར་བཟོས་ནས། དོགས་ཡོད་མི་སྣ2འཛིན་བཟུང་བྱས། ད་ལོའི་ཟླ3པར། ལྷ་ས་གྲོང་ཁྱེར་གྱིས་ཁ་བསླུས་ངོ་རྒོལ་ལྟེ་གནས་དང་གྲོང་ཁྱེར་གྱི་དངུལ་ཁང་ཡན་ལག་སྒྲིག་གཞི་ཚང་མར་མགྱོགས་མྱུར་མཉམ་འགུལ་གྱི་ལས་ཀའི་ལམ་སྲོལ་བཙུགས་པ་རེད།ཟླ3པའི་ཚེས19ཉིན། ལྷ་ས་གྲོང་ཁྱེར་གྱི་དངུལ་ཁང་ག་གེ་མོ་ཞིག་གིས་ལྷ་ས་གྲོང་ཁྱེར་ཁ་བསླུས་ངོ་རྒོལ་ལྟེ་གནས་ལ་ཁུངས་སྣེ་གལ་ཆེན་ཞིག་སྤྲད་པ་སྟེ། ཧྲེན་ཆེ་གེ་མོས་བྱང་བུའི་ནང་ཉིན་དེར་བཞག་མ་ཐག་པའི་སྒོར་ཁྲི10ཉིན་དེར་འདོན་དགོས་པའི་རེ་བ་བཏོན། ཁུངས་སྣེ་འབྱོར་རྗེས་སུ། ཁ་བསླུས་ངོ་རྒོལ་ལྟེ་གནས་ཀྱི་ཉེན་རྟོག་པས་མགྱོགས་མྱུར་བརྟག་དཔྱད་བྱས་པ་བརྒྱུད། ཉེན་རྟོག་པས་ཧྲེན་ཆེ་གེ་མོ་དང་དེ་སྔོན་ཤེས་རྟོགས་བྱུང་བའི་དོགས་ཡོད་མི་སྣའི་ཁྱད་ཆོས་དང་ཕལ་ཆེར་འདྲ་མཚུངས་ཡིན་པ་ཤེས་རྟོགས་བྱུང་ཞིང་། འཕྲལ་མར་དངུལ་ཁང་དུ་བསྐྱོད་དེ་ཧྲེན་ག་གེ་མོ་དང་དེའི་རོགས་པ་ཞའོ་ཆེ་གེ་མོར་བརྟག་དཔྱད་བྱས། བརྟག་དཔྱད་བྱས་པ་བརྒྱུད། ད་ལོའི་ཟླ2པར་ཧྲེན་ཆེ་གེ་མོ་དང་ཞའོ་ཆེ་གེ་མོ་གཉིས་ཀྱིས་ཕྱི་རྒྱལ་གྱི་མི་སྣ་དང་འབྲེལ་བ་བྱས་ཏེ། “དངུལ་ཁ་བསླུས་རྒྱག་པའི་ཆ་འཕྲིན་ཤེས་པ་མ་ཟད། ལྷ་སར་གཞུང་དོན་གྱི་ཐོ་ཁོངས་དང་མི་སྒེར་གྱི་གཱ་རིགས་དང་པོའི་ཐོ་ཁོངས་དབྱེ་བ་ཕྱེ་ནས། དྲ་རྒྱའི་དངུལ་ཁང་གི་དངུལ་བསྒྱུར་བར་བརྟེན་ནས་རྒྱན་པོ་འགྱེད་པ་དང་མགོ་སྐོར་དང་འབྲེལ་བའི་མ་དངུལ་རྩིས་སྒྱུར་བྱས་འདུག དེའི་རིང་ལ་ཧྲེན་ཆེ་གེ་མོ་དང་ཞའོ་ཆེ་གེ་མོ་གཉིས་ཀྱིས་ཕྱི་རྒྱལ་གྱི་མི་སྣར་རོགས་རམ་བྱས་ནས། དྲ་ཐོག་རྒྱན་འཛུགས་དང་མགོ་སྐོར་དང་འབྲེལ་བའི་དངུལ་བསྡོམས་འབོར་སྒོར་ཁྲི80ལྷག་ཙམ་ཧམ་བཟུང་བྱས་པ་དང་། ཁྲིམས་འགལ་ངང་སྒོར3000དང1200གཡོ་ལེན་བྱས། མིག་སྔར།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཉེས་ཁྲིམས》ཀྱི་འབྲེལ་ཡོད་གཏན་འབེབས་ལྟར་ན། མི་གཉིས་སྤྱི་བདེ་ལས་ཁུངས་ཀྱིས་ཁྲིམས་ལྟར་ཉེས་དོན་བཀག་ཉར་བྱས་ཡོད། ལྷ་ས་གྲོང་ཁྱེར་ཁ་བསླུས་ངོ་རྒོལ་ལྟེ་གནས་ཀྱི་འགན་འཁུར་བས་གྱོད་གཞིར་བརྟག་དཔྱད་དང་རྡུང་རྡེག་གི་ལས་དོན་མུ་མཐུད་སྤེལ་ནས། མི་དམངས་མང་ཚོགས་ཀྱི་རྒྱུ་ནོར་བདེ་འཇགས་སྲུང་སྐྱོང་བྱེད་ཀྱི་ཡིན་ཞེས་བཤད། ཉེན་རྟོག་པའི་ཤ་ཚའི་དྲན་སྐུལ། རྒྱ་ཆེའི་མང་ཚོགས་ཀྱི་མི་སྒེར་གྱི་ཆ་འཕྲིན་སྲུང་སྐྱོང་གི་འདུ་ཤེས་མཐོ་རུ་གཏོང་དགོས་པ་ལས། ཁེ་སྤོགས་ཆུང་ཆུང་གི་ཆེད་དུ་དངུལ་ཁང་གཱ་དང་ཁ་པར་གཱ་ཕྱི་ལ་གཡར་བ་དང་བརྒྱུད་འཚོང་གཏན་ནས་བྱེད་མི་རུང་། གལ་ཏེ་མི་གཞན་གྱིས་དེ་བེད་སྤྱོད་བྱས་ནས་བྱ་ངན་སྤྱོད་ངན་སྤེལ་ཚེ། ཡིད་རྟོན་ལ་ཤུགས་རྐྱེན་ཐེབས་སྲིད་པར་མ་ཟད། ད་དུང་བཅའ་ཁྲིམས་ཀྱི་འགན་འཁྲི་བདའ་འདེད་གཏོང་སྲིད་པས། ངེས་པར་དུ་ཡིད་གཟབ་གནང་རོགས་ཞུ།

བོད་རང་སྐྱོང་ལྗོངས་གཞིས་རྩེ་གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཀྲང་ཡུན་པའོ་ལ་སྒྲིག་འགལ་ཁྲིམས་འགལ་ཚབས་ཆེན་བྱས་པའི་དོགས་གཞི་ཡོད་པས། ཉེ་ལམ་བོད་རང་སྐྱོང་ལྗོངས་སྒྲིག་ཨུ་ལྟ་ཞིབ་ཨུ་ལྷན་གྱི་སྒྲིག་ཁྲིམས་ཞིབ་བཤེར་དང་ལྟ་ཞིབ་བརྟག་དཔྱད་དང་ལེན་བྱེད་བཞིན་ཡོད་པ་རེད།

ཚེས་4ཉིན། ཨན་ཧུའེ་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ལྷན་ཁོངས་ལྟ་ཞིབ་ཨུ་ལྷན་གྱིས་གནས་འཕྲིན་སྤེལ་བར་གཞིགས་ན། ཨན་ཧུའེ་ཞིང་ཆེན་ཧོ་ཧྥེ་གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཟུར་པ་ཏུའུ་ཕིང་ཐའེ་ལ་སྒྲིག་ཁྲིམས་དང་ཁྲིམས་འགལ་ཚབས་ཆེན་གྱི་དོགས་པ་ཡོད་པས། ད་ཆ་ཞིབ་བཤེར་བརྟག་དཔྱད་དང་ལེན་བྱེད་བཞིན་ཡོད་པ་རེད། ཡོངས་བསྒྲགས་དཔྱད་གཞིའི་ཡིག་རིགས་ལས་མངོན་པ་ལྟར་ན། ཏུའུ་ཕིང་ཐའེ་ནི་1953ལོའི་ཟླ་4པར་སྐྱེས་པ་དང་། ཨན་ཧུའེ་ཏིང་ཡོན་ནས་རེད། ཁོ་པས་ཡུན་རིང་ཧོ་ཧྥེ་གྲོང་ཁྱེར་དུ་ལས་ཀ་བྱས་པ་དང་། ཧོ་ཧྥེ་གྲོང་ཁྱེར་ཨུ་ལྷན་གྱི་རྒྱུན་ལས་ཨུ་ཡོན་དང་། ཧོ་ཧྥེ་དཔལ་འབྱོར་ལག་རྩལ་གསར་སྤེལ་ཁུལ་གྱི་ཏང་གི་ལས་དོན་ཨུ་ལྷན་གྱི་ཧྲུའུ་ཅི། དོ་དམ་ཨུ་ལྷན་གྱི་ཀྲུའུ་རེན། ཧོ་ཧྥེ་གྲོང་ཁྱེར་ཨུ་ལྷན་གྱི་རྒྱུན་ལས་ཨུ་ཡོན་དང་གྲོང་དཔོན་གཞོན་པ་སོགས་ཀྱི་འགན་འཁུར་མྱོང་ཡོད། 2012ལོར་ཧོ་ཧྥེ་གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པའི་འགན་ཁུར།

ཚེས་16ཉིན་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཏང་ཙུའི་ཧྲུའུ་ཅི་དང་ཀྲུའུ་རེན་ཡན་ཅིན་ཧའེ་ཡིས་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཏང་ཙུའི་2025ལོའི་ཚོགས་འདུ་ཐེངས་6པ(རྒྱ་ཆེ)གཙོ་སྐྱོང་གནང་སྟེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་། རྟེན་འབྲེལ་འཕྲིན་ཡིག་གལ་ཆེན། མཆན་འགོད་མཛུབ་སྟོན་གལ་ཆེན་བཅས་ཀྱི་དགོངས་དོན་བརྒྱུད་བསྒྲགས་སློབ་སྦྱོང་དང་། རང་སྐྱོང་ལྗོངས་ཏང་ཨུད་ཀྱི་འབྲེལ་ཡོད་ཚོགས་འདུའི་དགོངས་དོན་བརྒྱུད་བསྒྲགས་སློབ་སྦྱོང་། ལག་བསྟར་དོན་འཁྱོལ་གྱི་ལས་དོན་བཀོད་སྒྲིག་བཅས་གནང་བ་རེད།ཡན་ཅིན་ཧའེ་ཡིས། “མི་དམངས་འཐུས་ཚོགས་ཀྱི་སྟོབས་ཤུགས”ལ་བརྟེན་ནས་ཕྱི་དོན་ལས་དོན་གྱི“གཡུལ་ས་གཙོ་བོར”རོགས་རམ་བྱེད་དགོས་ཤིང་། ཁྲིམས་སྐྱོང་བྱེད་སྟངས་དང་། ཁྲིམས་སྐྱོང་བྱེད་ཐབས། ཁྲིམས་སྐྱོང་སྟོབས་ཤུགས་བཅས་ལ་བརྟེན་ནས་ཏང་དང་མི་དམངས་ཀྱི་ཐུན་མོང་གི་འདོད་བློ་སྲུང་སྐྱོང་བྱས་ཏེ། དུས་རབས་གསར་པའི་བོད་ཀྱི་མི་དམངས་འཐུས་ཚོགས་ཀྱི་གཏམ་རྒྱུད་བརྩེ་བ་ཟབ་མོས་ཡག་པོ་བཤད་ནས་དམངས་གཙོ་ཁྲིམས་སྐྱོང་གི་དྲང་ནུས་བརྒྱུད་སྤྲོད་བྱེད་དགོས། “མི་དམངས་འཐུས་ཚོགས་ཀྱི་ནུས་སྤྱོད”ལ་བརྟེན་ནས་འདུ་ཤེས་འཛིན་སྟངས་ཀྱི“གཡུལ་ས་གཙོ་བོར”རམ་འདེགས་བྱེད་དགོས་ཤིང་། དྲ་རྒྱའི་འདུ་ཤེས་འཛིན་སྟངས་ལས་དོན་གྱི་འགན་འཁྲི་ནན་དུ་གཏོང་བ་དང་། “ལས་གནས་གཅིག་ལ་འགན་འཁྲི་གཉིས”ཀྱི་བླང་བྱ་དོན་འཁྱོལ་ནན་པོ་བྱས་ནས་མི་དམངས་འཐུས་ཚོགས་ཀྱི་འདུ་ཤེས་འཛིན་སྟངས་ཀྱི་གཡུལ་ས་འཛུགས་སྐྲུན་ལ་སྐུལ་འདེད་ནན་པོ་གཏོང་དགོས། “མི་དམངས་འཐུས་ཚོགས་ཀྱི་ཕན་འབྲས”ལ་བརྟེན་ནས་སྐྱེ་ཁམས་སྲུང་སྐྱོང་གི“བརྗོད་དོན་གཙོ་བོར”རོགས་རམ་བྱེད་དགོས་ཤིང་། སྐྱེ་ཁམས་སྲུང་སྐྱོང་ཁྱབ་ཁོངས་ཀྱི་ཁྲིམས་འཛུགས་དང་ལྟ་སྐུལ་ལས་དོན་གཏིང་ཟབ་སྤེལ་བ་དང་། སྐྱེ་ཁམས་ཁྱབ་ཁོངས་ཀྱི་ས་གནས་རང་བཞིན་གྱི་ཁྲིམས་སྲོལ་མ་ལག་འཐུས་སྒོ་ཚང་དུ་བཏང་སྟེ། ཁྲིམས་སྐྱོང་བྱེད་སྟངས་ལ་བརྟེན་ནས་བོད་ལ་སྔོ་ལྗང་སྐྲུན་པ་དང་སྔོ་འགྱུར་ལས་དོན་ལ་སྟོབས་ཤུགས་སྦྱིན་དགོས། མི་དམངས་འཐུས་ཚོགས་ལས་ཁུངས་སུ་སློབ་སྦྱོང་སློབ་གསོའི“རྩ་བའི་དགོངས་གཞི”དོན་འཁྱོལ་བྱས་ཏེ་སློབ་སྦྱོང་སློབ་གསོའི་འགན་འཁྲི་ཕྲག་ཏུ་འཁུར་བ་དང་དམ་འཛིན་ནན་པོ་བྱེད་པ་དང་། འགན་འཁྲི་ནན་དུ་གཏོང་བ་དང་རང་འགུལ་ངང་རང་འགན་ཐེག་པ་འཁུར་ལེན་བྱས་ནས་ལས་འགན་ཁག་ལ་གོ་རིམ་ལྡན་པའི་ངང་སྐུལ་འདེད་གཏོང་ཐུབ་པའི་འགན་ལེན་བྱེད་དགོས་ཞེས་ནན་བཤད་གནང་བ་རེད།ཚོགས་འདུའི་ཐོག་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཏང་ཙུའི་ལས་དོན་གྱི་སྒྲིག་སྲོལ་དང་། རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་སྒྲིག་སྲོལ། རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་2025ལོའི་ཆེད་དོན་སློབ་སྦྱོང་འཆར་གཞི་དང་ཀྲུའུ་རེན་ཚོགས་འདུའི་དོན་གྲོས་སྒྲིག་སྲོལ་སོགས་ཀྱི་དོན་གནད་ལ་ཞིབ་འཇུག་བྱས་པ་རེད།ཡན་ཅིན་ཧའེ་ཡིས། དམ་པ་དོན་གཉེར་མཐའ་འཁྱོངས་བྱས་ཏེ་མཉམ་སྡེབ་ཞིབ་འཇུག་སློབ་སྦྱོང་དང་། མི་སྒེར་གྱི་རང་སྦྱོང་། བརྟག་ཞིབ་སློབ་སྐུལ། གཞི་རྟེན་སློབ་རོགས། རིགས་གཅིག་མཁས་ཅན་གྱིས་སློབ་སྟོན་སོགས་ཟུང་འབྲེལ་བྱས་ནས་སློབ་སྦྱོང་གི་ཕན་འབྲས་རྒྱུན་ཆད་མེད་པར་ཆེ་རུ་གཏོང་དགོས། དོ་དམ་ནན་པོ་མཐའ་འཁྱོངས་བྱས་ཏེ་ལས་འབྱོར་ཟིན་ཐོའི་ལམ་ལུགས་ནན་དུ་གཏོང་བ་དང་། སློབ་སྦྱོང་གི་ཡིག་ཚགས་བཟོ་བ། སློབ་སྦྱོང་གི་གནས་ཚུལ་ཟིན་ཐོར་འགོད་པ། སློབ་སྦྱོང་གི་རང་རྟོགས་ཆེ་རུ་གཏོང་བ་བཅས་བྱེད་དགོས། གྲུབ་འབྲས་གཞན་སྒྱུར་མཐའ་འཁྱོངས་བྱས་ཏེ་སློབ་སྦྱོང་དེ“དོན་ཆེན་བཞིར”སྐུལ་འདེད་གཏོང་བ་དང་ཟུང་འབྲེལ་བྱས་ནས་སློབ་སྦྱོང་གི་ཕན་འབྲས་དེ་སྒྱུར་བཅོས་འཕེལ་རྒྱས་ཀྱི་གྲུབ་འབྲས་སུ་སྒྱུར་དགོས་ཞེས་ནན་བཤད་གནང་བ་རེད། འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

ཤུལ་འཛིན་བྱེད་དབང་དོར་རྗེས་བློ་འགྱོད་སྐྱེ་ན་ཇི་ལྟར་བྱ།གྱོད་དཔེ།ཨ་ཁུ་འབུམ་རྒྱལ་དང་ཨ་ནེ་མཚོ་མོ་གཉིས་བཟའ་ཟླ་ཡིན་ལ། ཁོ་གཉིས་ལ་བུ་གཉིས་ཡོད་པའི་མིང་ལ་སོ་སོར་ཚེ་རྒྱལ་དང་གཅོད་པ་ཟེར། ཁོ་གཉིས་ཀྱི་ལུས་ཕུང་མ་གཞི་ནས་བཟང་རྒྱུ་མེད་པའི་ཁར་ནད་གཞི་ལྕི་མོ་ཞིག་གིས་གཙེས་ཏེ། ཨ་ཁུ་འབུམ་རྒྱལ་དང་ཨ་ནེ་མཚོ་མོ་གཉིས་སྔ་གཞུག་ཏུ་ཚེ་ལས་འདས། ཁོ་བཟའ་ཟླ་གཉིས་འཚོ་བཞུགས་སྐབས་སུ། ཚེ་རྒྱལ་གྱིས《ཤུལ་ནོར་འདོར་བའི་གསལ་བསྒྲགས》ཅིག་གི་སྟེང་མིང་རྟགས་བཀོད། གསལ་བསྒྲགས་དེའི་ནང་དུ“ཚེ་རྒྱལ་གྱིས་ཕྱི་ལོགས་སུ་ལས་ཀ་གཉེར་བཞིན་ཡོད་པས། ཕ་མ་གཉིས་ཀར་སྲི་ཞུ་སྒྲུབ་པའི་འོས་འགན་གཅོད་པ་གཅིག་པུས་འཁུར་རྒྱུ་དང་། ཆབས་ཅིག་ཕ་མ་གཉིས་ཚེ་ལས་འདས་རྗེས། ཚེ་རྒྱལ་གྱིས་ཕ་མའི་ཤུལ་ནོར་རྒྱུན་འཛིན་བྱེད་དབང་འདོར་རྒྱུ་དང་། ཤུལ་ནོར་ཡོངས་རྫོགས་གཅོད་པ་གཅིག་པུས་རྒྱུན་འཛིན་བྱ་རྒྱུ། ཕ་མ་གཉིས་འཚོ་བཞུགས་སྐབས་ཀྱི་སྲི་ཞུ་དང་སྨན་བཅོས་འགན་སྲུང་དང་འདས་ཆོས་བཅའ་བ་སོགས་ཀྱི་འབྲེལ་ཡོད་བྱ་བ་ཡོངས་རྫོགས་གཅོད་པ་གཅིག་པུས་འགན་འཁུར་རྒྱུ”ཞེས་གསལ་པོར་བཀོད་ཡོད། ཕ་མ་གཉིས་ཚེ་ལས་འདས་པའི་ཉིན་གཉིས་པར། ཚེ་རྒྱལ་དང་གཅོད་པ་སྤུན་མཆེད་གཉིས་མཉམ་དུ་སྤྱི་དཔང་ཁྲུའུ་རུ་རྒྱུན་འཛིན་བྱེད་དབང་འདོར་བའི་སྤྱི་དཔང་རེ་ཞུའི་འགྲོ་ལུགས་བསྒྲུབ་པར་སོང་སྟེ། ཁོ་གཉིས་ཀྱིས་རེ་འདུན་ཞུ་ཡིག་སྟེང་མིང་རྟགས་བཀོད། ཡིན་ཡང་སྐབས་ཐོག་དེར་གཉེན་ཉེའི་འབྲེལ་བ་བདེན་དཔང་བྱེད་ཐུབ་པའི་ཡིག་ཆ་ཞིག་ཆད་པས། ཉིན་དེར་སྤྱི་དཔང་འགྲོ་ལུགས་ཡོངས་སུ་སྒྲུབ་མ་ཚར། དུས་ཡུན་ཟླ་ངོ་གཅིག་ཙམ་འགོར་རྗེས། ཚེ་རྒྱལ་བློ་འགྱོད་སྐྱེ་ནས་སྤྱི་དཔང་བྱེད་མཚམས་འཇོག་རྒྱུ་ཐག་བཅད་པ་དང་། རང་གིས་ཀྱང་ཤུལ་ནོར་རྒྱུན་འཛིན་བྱེད་འདོད་བསྟན།གྱོད་དོན་དབྱེ་ཞིབ།ཚེ་རྒྱལ་གྱིས་ཤུལ་འཛིན་བྱེད་དབང་འདོར་བའི་གསལ་བསྒྲགས་སྟེང་མིང་རྟགས་བཀོད་རྗེས་བློ་འགྱོད་སྐྱེ་ཆོག་གམ། ཤུལ་འཛིན་བྱ་ཡུལ་ཚེ་ལས་འདས་རྗེས། ཤུལ་འཛིན་མཁན་གྱིས་ཤུལ་ནོར་བགོ་བཤའ་མ་བརྒྱབ་སྔོན་ལ་ཉིད་ཀྱི་ཤུལ་འཛིན་དབང་ཆ་དོར་ཆོག འདི་ནི་ཤུལ་འཛིན་མཁན་ཕྱོགས་གཅིག་པུས་ཤུལ་འཛིན་འདོར་བའི་བཅའ་ཁྲིམས་བྱ་སྤྱོད་ཡིན། 《དམངས་དོན་ཁྲིམས་གཞུང》གི་དོན་ཚན1124པ་དང་ཆེས་མཐོའི་མི་དམངས་ཁྲིམས་ཁང་གི《〈ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཤུལ་འཛིན་བཅའ་ཁྲིམས〉ལག་ལེན་དུ་བསྟར་བའི་གནད་དོན་འགའི་སྐོར་གྱི་བསམ་འཆར》གྱི་དོན་ཚན47པའི་གཏན་འབེབས་ལྟར་ན། ཤུལ་འཛིན་འདོར་བ་དེར་དུས་ཚོད་དང་རྣམ་པའི་ཐད་ཀྱི་ཚོད་འཛིན་ཐེབས་པ་ཡིན། དུས་ཚོད་ཀྱི་ངོས་ཐད་ནས་བལྟས་ན། ཤུལ་འཛིན་འདོར་བ་དེ་ཤུལ་འཛིན་བྱེད་མགོ་བརྩམས་རྗེས་དང་། ཤུལ་ནོར་ཐག་གཅོད་མ་བྱས་སྔོན་ལ་འདོན་དགོས། ཤུལ་འཛིན་བྱེད་མགོ་བརྩམས་པའི་དུས་ཚོད་ནི་ཤུལ་འཛིན་བྱ་ཡུལ་ཚེ་ལས་འདས་པའི་དུས་ནས་བཟུང་མགོ་བརྩམས་པ་ཡིན། གྱོད་དོན་འདིའི་ནང་དུ། ཚེ་རྒྱལ་གྱིས་ཕ་མ་གཉིས་འཚོ་བཞུགས་སྐབས་སུ《ཤུལ་ནོར་འདོར་བའི་གསལ་བསྒྲགས》སྟེང་མིང་རྟགས་བཀོད་ཡོད་མོད། འོན་ཀྱང་སྐབས་དེར་ཨ་ཁུ་འབུམ་རྒྱལ་དང་ཨ་ནེ་མཚོ་མོ་གཉིས་ཀ་ཚེ་ཐོག་འདིར་ཡོད་པས། ཤུལ་འཛིན་བྱེད་མགོ་བརྩམས་མེད། དེའི་ཕྱིར་ཁྲིམས་ཁང་གིས་གསལ་བསྒྲགས་དེས་ཤུལ་འཛིན་དབང་ཆ་དོར་བའི་སྣང་ཚུལ་གྲུབ་མེད་པར། དེ་ནི་རྗེས་ཕྱོགས་ཕ་མར་སྲི་ཞུ་སྒྲུབ་པའི་ཐད་ཀྱི་བཀོད་སྒྲིག་ཅིག་ཡིན་པར་ངོས་བཟུང་། ཚེ་རྒྱལ་གྱིས་སྤྱི་དཔང་ཁྲུའུ་ནས་བསྒྲུབས་པའི་ཤུལ་འཛིན་དབང་ཆ་འདོར་བའི་རེ་ཞུ་དེས་ཤུལ་འཛིན་དབང་ཆ་དོར་བའི་ནུས་པ་ཐོན་ཡོད་དམ་ཞེ་ན། ཤུལ་འཛིན་དབང་ཆ་འདོར་བའི་སྤྱི་དཔང་ཡི་གེ་ལ་མི་འདང་ས་ཡོད་པར་མ་ཟད་ཡོངས་སུ་གྲུབ་མེད་ན་ཡང་། ཟུར་དུ་མིང་རྟགས་བཀོད་ཡོད་པའི་རེ་འདུན་ཞུ་ཡིག་དེས་ཀྱང་དོ་བདག་གིས་ཤུལ་འཛིན་དབང་ཆ་དོར་བའི་འདོད་བློ་བསྟན་ཡོད་པ་བདེན་དཔང་བྱེད་ཐུབ། དེའི་ཕྱིར་ཤུལ་འཛིན་དབང་ཆ་དོར་བའི་འདོད་བློའི་བསྟན་དོན་ནུས་ལྡན་དུ་ངོས་བཟུང་ཆོག དེར་བརྟེན་གྱོད་དོན་འདི་ནི་སྤྱི་དཔང་སུའོ་རུ་བསྒྲུབས་པའི་ཤུལ་འཛིན་དབང་ཆ་འདོར་བའི་རེ་ཞུ་ལྟར་ཤུལ་འཛིན་དབང་ཆ་དོར་བ་ནུས་ལྡན་དུ་རྩི་བ་ཡིན།ཚེ་རྒྱལ་གྱིས་དོན་དག་བྱུང་རྗེས་ཤུལ་འཛིན་དབང་ཆ་དོར་བར་བློ་འགྱོད་སྐྱེ་ན་བཅའ་ཁྲིམས་ཀྱིས་ཁས་ལེན་མིན་དེ་ནི་ཤུལ་འཛིན་བྱེད་དབང་དོར་བའི་འདོད་བློའི་བསྟན་དོན་ཕྱིར་འཐེན་བྱེད་པའི་གནད་དོན་དང་འབྲེལ་ཡོད། རང་རྒྱལ་གྱི་བཅའ་ཁྲིམས་ཀྱིས་ཤུལ་འཛིན་དོར་བའི་བསྟན་དོན་ཕྱིར་འཐེན་བྱེད་པར་ཅུང་གཟབ་ནན་གྱི་ལྟ་སྟངས་བཟུང་ཡོད་དེ། ཤུལ་ནོར་བགོ་བཤའ་བརྒྱབ་ཚར་རྗེས་ཕྱིར་འཐེན་བྱེད་མི་རུང་། ཤུལ་ནོར་བགོ་བཤའ་མ་བརྒྱབ་སྔོན་ལ། ཁྲིམས་ཁང་གིས་དོ་བདག་གིས་བཏོན་པའི་རྒྱུ་རྐྱེན་ལ་གཞིགས་ཏེ་ཕྱིར་འཐེན་བྱེད་རུང་མིན་ཐག་གིས་གཅོད་དགོས། གྱོད་དོན་འདིའི་དཔྱད་མཚམས་ནི་ཤུལ་འཛིན་མཁན་གཞན་པའི་ཁེ་ཕན་ལ་སྲུང་སྐྱོབ་བྱེད་པའི་རྨང་གཞིའི་སྟེང་བྱུང་བ་ཡིན་ཏེ། བཅའ་ཁྲིམས་ཀྱི་འབྲེལ་བའི་གཟབ་ནན་རང་བཞིན་དང་བརྟན་བརླིང་རང་བཞིན་ལ་སྲུང་སྐྱོང་བྱེད་པ་དང་། དབང་ཆ་དོར་བའི་ཕྱོགས་གཅིག་གི་བཅའ་ཁྲིམས་བྱ་སྤྱོད་ཀྱི་ངོ་བོ་བཅས་ལ་གཞིགས་ཏེ། མཇུག་མཐར་ཚེ་རྒྱལ་བློ་འགྱོད་སྐྱེ་བར་ངོས་ལེན་མ་བྱས། །

ཅང་སུའུ་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ལྷན་མི་རིགས་ཆོས་ལུགས་ཕྱིར་སྡོད་རང་མིའི་ལས་དོན་ཨུ་ལྷན་གྱི་དེ་སྔའི་ཀྲུའུ་རེན་ཀྲུའུ་ཞའོ་མིང་ལ་སྒྲིག་འགལ་ཁྲིམས་འགལ་ཚབས་ཆེན་བྱས་པའི་དོགས་པ་ཡོད་པས་མིག་སྔར་ཅང་སུའུ་ཞིང་ཨུ་ལྟ་ཞིབ་ཨུ་ལྷན་གྱི་སྒྲིག་ཁྲིམས་ཞིབ་བཤེར་དང་ལྟ་ཞིབ་བརྟག་དཔྱད་དང་ལེན་བྱེད་བཞིན་ཡོད་པ་རེད།

ཟླ3པའི་ཚེས31ཉིན་དང་ཟླ4པའི་ཚེས1ཉིན། མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཐེམ་ཆེན་རྫོང་སྤྱི་བདེ་ཅུས་ཀྱི་མི་དམངས་ཉེན་རྟོག་པས་སྔ་རྗེས་སུ་ཧྲན་ཏུང་ཞིང་ཆེན་ཕིང་ཏུའུ་གྲོང་ཁྱེར་དང་མཚོ་སྔོན་ཞིང་ཆེན་མང་ནེ་གྲོང་ཁྱེར་ནས་མི་བསད་པའི་དོགས་ཡོད་ཉེས་ཅན2འཛིན་བཟུང་བྱས་ཏེ། ལོ20སྔོན་གྱི་མི་བསད་གྱོད་དོན་དེ་བདེ་བླག་ངང་རྩད་ཆོད།2005ལོའི་ཟླ5པའི་ཚེས19ཉིན། མཚོ་ནུབ་ཁུལ་ཐེམ་ཆེན་རྫོང་གི་ཚོང་འདུས་ཁྲོམ་ར་ག་གེ་མོ་ཞིག་ཏུ་སྲོག་གྱོད་ཅིག་བྱུང་ཞིང་། གྱོན་གོས་ཚོང་ཁང་ཞིག་གི་སྦྱིན་བདག་ཚོང་ཁང་དུ་ཤི་བ་དང་ཚོང་ཁང་གི་རྒྱུ་ནོར་ཁ་ཤས་བརྐུས་པ་ཤེས་རྟོགས་བྱུང་། ཉེན་རྟོག་ཕྱོགས་ཀྱིས་འདྲི་རྩད་དང་བརྟག་དཔྱད་གཏིང་ཟབ་བྱས་རྗེས། གྱོད་དོན་དེ་འཕྲོག་བཅོམ་མི་བསད་ཀྱི་སྲོག་གྱོད་ཅིག་ཡིན་པ་ངོས་འཛིན་རགས་ཙམ་བྱས་པར་མ་ཟད། འབྲེལ་ཡོད་རྗེས་ཤུལ་གྱི་དངོས་དཔང་ཡང་བདེ་བླག་ངང་བླངས། འོན་ཀྱང་། ཡུལ་དངོས་སུ་ལུས་པའི་ཁུངས་སྣེ་ཅུང་ཉུང་བའི་ཁར་སྐབས་དེའི་ལག་རྩལ་གྱི་ཆ་རྐྱེན་ཅུང་ཞན་པས་གྱོད་དོན་རྩད་ཞིབ་ཐེངས་དུ་མར་བྱས་ཀྱང་འཕེལ་རྒྱས་མ་བྱུང་།ཉེ་བའི་ལོ་འགའི་རིང་ཉེས་དོན་ཚན་རིག་ལག་རྩལ་རྒྱུན་ཆད་མེད་པར་འཕེལ་རྒྱས་སུ་སོང་བ་དང་ཆབས་ཅིག གྱོད་དོན་རྩད་ཞིབ་བྱ་བར་ཡང་འགྱུར་ལྡོག་བྱུང་། 2020ལོར་སྲོག་གྱོད་དེའི་དངོས་དཔང་ཆ་ཚང་ཅང་སུའུ་ཞིང་ཆེན་སུའུ་ཀྲོའུ་གྲོང་ཁྱེར་ཝུའུ་ཅང་ཆུའུ་སྤྱི་བདེ་ཡན་ལག་ཅུས་ཉེས་དོན་ཚན་རིག་ལག་རྩལ་ཞིབ་འཇུག་སའོ་རུ་ཞིབ་བཤེར་གསལ་འབྱེད་བྱེད་པར་བསྐྱལ་ཏེ་དོགས་ཡོད་ཉེས་ཅན་གྱིDNAསོགས་གཞི་རྩའི་ཆ་འཕྲིན་བདེ་བླག་ངང་ལག་སོན་བྱུང་བ་དང་། ཁུངས་སྣེ་ལ་རྗེས་འདེད་བྱས་པ་བརྒྱུད། གྱོད་སྒྲུབ་མི་དམངས་ཉེན་རྟོག་པས་མངའ་ཁུལ་གྱི་སྤྱི་བདེ་ལས་ཁུངས་ཀྱི་གཞོགས་འདེགས་འོག སྔ་རྗེས་སུ་ཧྲན་ཏུང་དང་མཚོ་སྔོན་ས་གནས་གཉིས་ནས་ལིན་ཆེ་གེ་མོ་དང་ཆི་ཆེ་གེ་མོ་གཉིས་འཛིན་བཟུང་བྱས་ཤིང་། འདྲི་རྩད་བྱས་པ་བརྒྱུད། ཁོ་གཉིས་ཀྱིས་ཉེས་གསོག་དོན་དངོས་སྦ་གསང་མེད་པར་ཁས་ལེན་བྱས།མིག་སྔར། དོགས་ཡོད་ཉེས་ཅན་ལིན་ཆེ་གེ་མོ་དང་ཆི་ཆེ་གེ་མོ་གཉིས་ཐེམ་ཆེན་རྫོང་སྤྱི་བདེ་ཅུས་ཀྱིས་ཁྲིམས་ལྟར་ཉེས་དོན་བཙན་ཤེད་ཀྱི་བྱེད་ཐབས་སྤྱད་པ་དང་། གྱོད་དོན་མུ་མཐུད་དུ་རྩད་ཞིབ་བྱེད་བཞིན་པའི་སྒང་རེད། རྩོམ་སྒྲིག་པ། སངས་བཀྲ།

གསར་འགོད་པར་ཆེས་མཐོའི་མི་དམངས་ཞིབ་དཔྱོད་ཁང་ནས་ཤེས་རྟོགས་བྱུང་བར་གཞིགས་ན། ཧའེ་ནན་ཞིང་ཆེན་སྒྲིག་ཨུའི་དེ་སྔའི་ཧྲུའུ་ཅི་གཞོན་པ་དང་ཞིང་ཆེན་ལྟ་ཞིབ་ཨུ་ལྷན་གྱི་དེ་སྔའི་ཀྲུའུ་རེན་གཞོན་པ་ཁྲེན་ཞའོ་པའོ་ལ་ལྐོག་རྔན་བླངས་པའི་དོགས་གཞི་ཡོད་པའི་གྱོད་གཞི་དེ་རྒྱལ་ཁབ་ལྟ་ཞིབ་ཨུ་ལྷན་གྱིས་བརྟག་དཔྱད་མཇུག་བསྒྲིལ་ནས། ཞིབ་དཔྱོད་ལས་ཁུངས་ལ་ཞིབ་བཤེར་དང་ཞུ་གཏུག་བྱ་རྒྱུར་ཕུལ་བ་རེད། ཉིན་ཤས་གོང་། ཧྲང་ཧའེ་གྲོང་ཁྱེར་མི་དམངས་ཞིབ་དཔྱོད་ཁང་གིས་ཁྲིམས་ལྟར་ལྐོག་རྔན་བླངས་པའི་ཉེས་གསོག་དོགས་ཡོད་ཀྱི་ཐོག་ནས་ཁྲེན་ཞའོ་པའོ་འཛིན་རྒྱུའི་ཐག་བཅད། གྱོད་དོན་འདི་སྒྲུབ་བཞིན་པའི་སྒང་རེད།

18.ཁྲིམས་ཁང་གིས་རང་འགུལ་ངང་གཏུག་བཤེར་གྱི་གོ་ཆོད་དུས་ཡུན་ནང་དོ་བདག་གི་གཏུག་བཤེར་རེ་འདུན་སྒྲུབ་ཆོག་གམ།ལན། མི་ཆོག19.ཁེ་དབང་འཛིན་མཁན་གྱིས་འོས་འགན་འཁུར་མིར་ལག་བསྟར་བྱ་རྒྱུའི་རེ་འདུན་ཞུས་ན་གཏུག་བཤེར་གྱི་གོ་ཆོད་དུས་ཡུན་གྱི་མཚམས་ཆད་སྲིད་དམ།ལན། ཆད་སྲིད།20.གཏན་འཇགས་རྒྱུ་ནོར་གྱི་རྒྱུ་དངོས་བདག་དབང་འཛིན་མཁན་གྱིས་རྒྱུ་ནོར་ཕྱིར་སློག་རྒྱུའི་རེ་འདུན་ཞུས་པའི་རིགས་ལ་གཏུག་བཤེར་གྱི་གོ་ཆོད་དུས་ཡུན་སྤྱད་ན་འཐུས་སམ།ལན། མི་འཐུས།21.གསོ་རྟེན་སྤྲོད་རྒྱུའི་རེ་འདུན་ཞུ་བའི་དབང་ཆར་གཏུག་བཤེར་གྱི་གོ་ཆོད་དུས་ཡུན་སྤྱད་ན་འཐུས་སམ།ལན། མི་འཐུས།22.གན་རྒྱའི་ནང་དུ་ཕྱོགས་གཅིག་གིས་གཏུག་བཤེར་གྱི་གོ་ཆོད་དུས་ཡུན་གྱི་ཁེ་ཕན་འདོར་བའི་གྲོས་དན་བཞག་ཆོག་གམ།ལན། དོ་བདག་གིས་གཏུག་བཤེར་གྱི་གོ་ཆོད་དུས་ཡུན་གྱི་ཁེ་ཕན་སྔོན་ཚུད་ནས་དོར་ན་གོ་ཆོད་ཀྱི་མེད།23.སྔོན་བརྡའི་ཐོ་འགོད་བྱས་ན་ཕན་ཐོགས་གང་ཞིག་ཡོད་དམ།ལན། སྔོན་བརྡའི་ཐོ་འགོད་བྱས་རྗེས་སྔོན་བརྡའི་ཐོ་འགོད་བྱེད་དབང་ཡོད་མཁན་གྱི་མོས་མཐུན་མ་ཐོབ་པར་གཏན་འཇགས་རྒྱུ་ནོར་ཐག་གཅོད་བྱས་པའི་རིགས། དངོས་རྫས་བདག་དབང་གི་ནུས་པ་ཐོན་གྱི་མེད།24.དོ་བདག་ཨུ་ཡོན་ལྷན་ཁང་གིས་གཏན་འབེབས་བྱས་པ་དེས་ལས་སྒོའི་ཐད་ཚོད་འཛིན་ཕོག་གམ།ལན། ཕོག་པ་ཡིན། འོན་ཀྱང་གཏན་འབེབས་དེ་ལས་དོ་བདག་གི་ཁྲིམས་མཐུན་ཁེ་དབང་ལ་གནོད་འཚེ་ཕོག་པའི་རིགས་ལ། གནོད་འཚེ་ཕོག་མཁན་དོ་བདག་གིས་ཁྲིམས་ཁང་ལ་གཏན་འབེབས་ཕྱིར་འཐེན་བྱ་རྒྱུའི་རེ་འདུན་ཞུ་ཆོག25.བོར་དངོས་འཚོལ་བའི་རྔན་སྤྲོད་བརྡ་ཁྱབ་ཀྱི་ཁས་ལེན་ལ་གོ་ཆོད་ནུས་པ་ལྡན་ནམ།ལན། ནུས་པ་ལྡན་པ་སྟེ། ཁེ་དབང་འཛིན་མཁན་གྱིས་རྔན་སྤྲོད་བརྡ་ཁྱབ་བཏང་སྟེ་བོར་དངོས་བཙལ་ཚེ་བོར་དངོས་ལེན་སྐབས་ཁས་བླངས་པའི་འོས་འགན་སྒྲུབ་དགོས་ཀྱི་ཡོད།26.ས་ཞིང་འགན་གཙང་གཉེར་སྐྱོང་དབང་ཆའི་ཐད་འགན་གཙང་གཏོང་རིང་འགན་གཙང་གཏོང་མཁན་གྱིས་ས་ཞིང་ཚུར་བསྡུས་ན་འགྲིག་གམ།ལན། མི་འགྲིག བཅའ་ཁྲིམས་ནང་གཏན་འབེབས་གཞན་དག་ཡོད་པ་ཕུད།27.ས་ཞིང་གཉེར་སྐྱོང་དབང་ཆ་མི་གཞན་ལ་བརྒྱུད་བཤུག་བྱེད་ཆོག་གམ།ལན། ས་ཞིང་འགན་གཙང་གཉེར་སྐྱོང་དབང་ཆ་ཡོད་མཁན་གྱིས་རང་བདག་ངང་ཁྲིམས་ལྟར་བོགས་གཏོང་དང་། མ་རྐང་ནང་ཞུགས་པའམ་ཡང་ན་བྱེད་ཐབས་གཞན་དག་བརྒྱུད་མི་གཞན་ལ་ས་ཞིང་གཉེར་སྐྱོང་དབང་ཆ་བརྒྱུད་བཤུག་བྱེད་ཆོག28.སྡོད་ཁང་འཛུགས་སྐྲུན་གྱི་ས་ཆ་སྤྱོད་དབང་གི་དུས་ཚད་ཐིམ་རྗེས་ཇི་ལྟར་ཐག་གཅོད་བྱེད་དགོས་སམ།ལན། རང་འགུལ་ངང་ཡུན་ཚད་རིང་དུ་གཏོང་དགོས། ཡུན་སྲིང་གི་འགྲོ་གྲོན་འཇལ་བའམ་ཡང་ན་ཆག་ཡང་དང་རྩ་ཆག་གཏོང་བར་བཅའ་ཁྲིམས་དང་སྲིད་འཛིན་ཁྲིམས་སྲོལ་གྱི་གཏན་འབེབས་ལྟར་ལག་བསྟར་བྱེད་དགོས།29.སྡོད་གནས་དབང་ཆའི་བཅའ་ཁྲིམས་ཀྱི་གོ་ཆོད་ནུས་པ་ཇི་ལྟར་ཐོན་ནམ།ལན། དོ་བདག་གིས་དང་ཐོག་ཡིག་ཐོག་ནས་སྡོད་གནས་དབང་ཆའི་གན་རྒྱ་འཇོག་དགོས་པ་མ་ཟད་ཐོ་འགོད་ལས་ཁུངས་ལ་སྡོད་གནས་དབང་ཆ་ཐོ་འགོད་རེ་ཞུ་བྱེད་པ་དང་སྡོད་གནས་དབང་ཆ་ཐོ་འགོད་བྱས་པའི་ཉིན་ནས་ལྡན་ཡོད།30.སྡོད་གནས་དབང་ཆ་ཡོད་པའི་ཁང་པ་མི་གཞན་ལ་བོགས་མར་གཏོང་ཆོག་གམ།ལན། དོ་བདག་ལ་ཁ་ཆད་གཞན་དག་ཡོད་པ་ཕུད་མི་གཞན་ལ་བོགས་མར་གཏོང་མི་ཆོག31.ཁག་ཐེག་གན་རྒྱའི་ནང་གན་རྒྱ་གང་དག་ཚུད་ཡོད་དམ།ལན། ཁག་ཐེག་གན་རྒྱའི་ནང་གཏའ་འཇོག་གན་རྒྱ་དང་། རྒྱུ་འཛིན་གཏའ་འཇོག་གན་རྒྱ། ཁག་ཐེག་བྱེད་ནུས་ལྡན་པའི་གན་རྒྱ་གཞན་དག་བཅས་ཚུད་ཡོད།32.གཏའ་འཇོག་དངོས་དབང་གི་ཁྲིམས་གཏན་འཁེལ་བའི་ཁག་ཐེག་ཁྱབ་ཁོངས་གང་དག་ཡོད་དམ།ལན། གཏའ་འཇོག་དངོས་དབང་གི་ཁག་ཐེག་ཁྱབ་ཁོངས་ནང་བུན་དབང་གཙོ་བོ་དང་དེའི་སྐྱེད་ཁ་དང་། གན་དོན་ལས་འགལ་བའི་དངུལ་ཆད། གནོད་འཚེའི་སྐྱིན་ཚབ་དངུལ། གཏན་འཇོག་རྒྱུ་ནོར་བདག་སྐྱོང་དང་གཏའ་འཇོག་བུན་དབང་གྲུབ་པའི་འགྲོ་གྲོན་བཅས་ཚུད་ཡོད།33.ཁང་སའི་སྤྱོད་དབང་གཏའ་མར་འཇོག་ཆོག་གམ།ལན། བཅའ་ཁྲིམས་ཀྱི་གཏན་འབེབས་ལྟར་གཏའ་མར་འཇོག་ཆོག་པ་ཕུད་ཁང་སའི་སྤྱོད་དབང་གཏའ་མར་འཇོག་མི་ཆོག34.ཁེ་གཉེར་མིན་པའི་ཁྲིམས་མིའི་སློབ་གསོའི་སྒྲིག་བཀོད་དང་། སྨན་བཅོས་དང་འཕྲོད་བསྟེན་གྱི་སྒྲིག་བཀོད། སྤྱི་ཕན་སྒྲིག་བཀོད་གཞན་དག་བཅས་གཏའ་མར་འཇོག་ཆོག་གམ།ལན། འཇོག་མི་ཆོག35.ས་ཞིང་བདག་དབང་གཏའ་མར་འཇོག་ཆོག་གམ།ལན། འཇོག་མི་ཆོག36.སྒོ་ཐེལ་བརྒྱབ་པའི་རྒྱུ་ནོར་གཏའ་མར་འཇོག་ཆོག་གམ།ལན། འཇོག་མི་ཆོག37.གཏའ་མར་འཇོག་རིང་གཏའ་མ་འཇོག་མཁན་གྱིས་གཏའ་འཇོག་རྒྱུ་ནོར་བརྒྱུད་བཤུག་བཏང་ཆོག་གམ།ལན། བཏང་ཆོག གཏའ་འཇོག་རྒྱུ་ནོར་བརྒྱུད་བཤུག་བཏང་ཡང་གཏའ་འཇོག་དབང་ཆར་ཤུགས་རྐྱེན་ཐེབས་ཀྱི་མེད།38.གཏའ་མ་ལེན་མཁན་གྱིས་ཁྲིམས་ཁང་བརྒྱུད་མི་དགོས་པར་ཐད་ཀར་གཏའ་མ་འཇོག་མཁན་དང་རིན་གཅོག་གྲོས་མཐུན་འཇོག་ཆོག་གམ།ལན། འཇོག་ཆོག གཏའ་འཇོག་དབང་ཆ་ཡོད་པའི་གནས་ཚུལ་ཐོན་སྐབས་གཏའ་མ་ལེན་མཁན་གྱིས་གཏའ་མ་འཇོག་མཁན་དང་གཏའ་འཇོག་རྒྱུ་ནོར་རིན་ཕབ་བམ་ཡང་ན་ཕམ་ཚོང་དང་ཚོང་སྒྱུར་བྱས་པ་ལས་ཐོབ་པའི་རིན་གོང་གིས་སྔོན་ལ་སྐྱིན་ཚབ་འཇལ་ཆོག གལ་ཏེ་གྲོས་མཐུན་དེས་བུན་བདག་གཞན་དག་གི་ཁེ་ཕན་ལ་གནོད་འཚེ་བཟོས་ཚེ་བུན་བདག་གཞན་དག་གིས་ཁྲིམས་ཁང་ལ་གྲོས་མཐུན་དེ་ཕྱིར་འཐེན་བྱེད་དགོས་པའི་རེ་བ་འདོན་ཆོག39.གང་འདྲ་ཞིག་ལ་རྣམ་གཞག་དོན་ཚན་ཟེར་རམ།ལན། རྣམ་གཞག་དོན་ཚན་ཞེས་པ་ནི་དོ་བདག་གིས་ཡང་ཡང་སྤྱོད་ཆེད་སྔོན་ཚུད་ནས་གཏན་འཁེལ་བྱེད་པ་དང་འབྲེལ་གན་རྒྱ་འཇོག་སྐབས་ཕ་རོལ་པོ་དང་གྲོས་མཐུན་མ་བཞག་པའི་དོན་ཚན་ལ་ཟེར། རྒྱུན་དུ་མཐོང་རྒྱུ་ཡོད་པའི་རྣམ་གཞག་གན་རྒྱ་དཔེར་ན་འགན་བཅོལ་གན་རྒྱ་དང་ཚོང་ཟོག་ཉོ་ཚོང་གན་རྒྱ་སོགས་ཡོད།40.ཁྲིམས་གཏན་འཁེལ་བའི་འཐུས་མིས་དབང་ཚད་ལས་བརྒལ་ནས་གན་རྒྱ་བཞག་པར་ནུས་པ་ཐོན་ནམ།ལན། བལྟོས་བཅས་ཀྱི་མིས་ཁྲིམས་གཏན་འཁེལ་བའི་མིས་དབང་ཚད་ལས་བརྒལ་ནས་གན་རྒྱ་བཞག་པ་ཤེས་པའམ་ཡང་ན་ཤེས་འོས་པ་ཕུད། གན་རྒྱ་དེར་ནུས་པ་ཐོན་པའི་ངོས་འཛིན་དགོས་པ་མ་ཟད་ཁྲིམས་མིར་ཡང་ནུས་པ་ཐོན་གྱི་ཡོད།41.འགྱུར་རྟེན་དང་གན་དོན་ལས་འགལ་བའི་དངུལ་གཉིས་ཀའི་རེ་བ་འདོན་ཆོག་གམ།ལན། སྤྱིར་བཏང་དུ་འདོན་མི་ཆོག་པར། གན་དོན་ལས་འགལ་བའི་དངུལ་ལམ་ཡང་ན་འགྱུར་རྟེན་དོན་ཚན་ལས་གཅིག་འདེམས་དགོས། གལ་ཏེ་དོ་བདག་གིས་འགྱུར་རྟེན་གྱི་དོན་ཚན་སྤྱོད་རྒྱུ་བདམས་རུང་། འགྱུར་རྟེན་གྱིས་ཕྱོགས་གཅིག་གི་གན་དོན་ལས་འགལ་བའི་གྱོང་གུན་གསབ་མི་ཐུབ་ཚེ་ཕ་རོལ་པོས་འགྱུར་རྟེན་གྱི་གྲངས་འབོར་ལས་བརྒལ་བའི་གྱོང་གུན་སྐྱིན་ཚབ་འཇལ་རྒྱུའི་རེ་ཞུ་འདོན་ཆོག དེར་བརྟེན་དོན་དམ་པའི་ཐོག་ནས་བཤད་ན་དེ་གཉིས་པོ་ལས་གཅིག་མ་གཏོགས་འདེམས་མི་ཆོག འགན་འཁུར་རྩོམ་སྒྲིག་པ། བསོད་ནམས་དབང་འདུས།

ཉེ་ཆར། ཁྲེང་ཀོན་སྤྱི་བདེ་ཡན་ལག་ཅུས་ཀུན་བདེ་གླིང་མངགས་གཏོང་ཁང་དུ་བཅའ་སྡོད་ལྷ་ས་གྲོང་ཁྱེར་སྤྱི་བདེ་ཅུས་ཉེས་དོན་ཉེན་རྟོག་རུ་ཁག་གི་ཉེན་རྟོག་པས་ཁང་པའི་ནང་འཛུལ་ནས་རྐུ་རྒྱག་པའི་གྱོད་གཞི་མང་དག་ཅིག་རྩད་ཆོད་ནས་དོགས་ཡོད་ཉེས་ཅན་གཅིག་བཟུང་ཐུབ་པ་རེད། ཤེས་རྟོགས་བྱུང་བར་གཞིགས་ན། 2025ལོའི་ཟླ་1ཚེས་20ནས་23ཉིན་བར་ལྷ་ས་གྲོང་ཁྱེར་དུ་བོགས་གཏོང་ཁང་པའི་ནང་འཛུལ་ནས་རྐུ་རྒྱག་པའི་གྱོད་གཞི་གསུམ་བསྟུད་མར་ཐོན་ཡོད། ཉེན་རྟོག་པས་བརྟག་དཔྱད་རགས་ཙམ་བྱས་པ་བརྒྱུད། དོགས་ཡོད་མི་སྣས་ཆེད་དུ་སྒེའུ་ཁུང་བརྒྱབ་མེད་པའི་ཁང་པར་ལྡིར་ནས་ཁྱིམ་དུ་མི་སྡོད་མཁན་མེད་པ་ཤེས་རྗེས་སྒེའུ་ཁུང་ནས་འཛུལ་ཏེ་རྐུ་རྒྱག་གི་ཡོད་པ་ཤེས། གནས་ཚུལ་ཤེས་རྟོགས་བྱས་རྗེས། གྱོད་སྒྲུབ་ཉེན་རྟོག་པས་ས་གནས་ས་ཐོག་ཏུ་གྲལ་བཤེར་དང་བརྙན་ལམ་ལྟ་བ་སོགས་བྱས་མཐར་དོགས་ཡོད་མི་སྣ་དབང་ཆེ་གེ་མོ་གཏན་འཁེལ་ཐུབ་པ་དང་འབྲེལ་ཟླ་3ཚེས་27ཉིན་ལྷ་ས་གྲོང་ཁྱེར་ལྷ་ཀླུ་སྡེ་ཁུལ་གྱི་ཇ་ཁང་ཞིག་ནས་བཟུང་བ་རེད། ཉེན་རྟོག་པས་བརྟག་དཔྱད་དང་འདྲི་རྩད་བྱས་པ་བརྒྱུད། ད་ལོའི་ཟླ་1ཚེས་20ནས་23ཉིན་བར་དོགས་ཡོད་ཉེས་ཅན་དབང་ཆེ་གེ་མོས་སྔ་རྗེས་སུ་ལྷ་ས་གྲོང་ཁྱེར་འདམ་ར་སྡེ་ཁུལ་གྱི་བོགས་གཏོང་ཁང་པ་ཞིག་དང་། རྒྱ་མཚོ་སྡེ་ཁུལ་གྱི་སྤྱི་ཤག་ཅིག དགའ་སྐྱིད་ལམ་གྱི་བོགས་གཏོང་ཁང་པ་ཞིག་བཅས་སུ་སྒེའུ་ཁུང་ནས་འཛུལ་ཏེ་གསེར་གྱི་སྐེ་ཕྲུག་1དང་། ཐ་མག་རྡར་ཚན་7ལག་ཐོགས་ཁ་པར་1 དངུལ་སྨར་སྒོར་3200བཅས་བརྐུས་པར་ཁྱོན་གྱོད་འབྲེལ་དངུལ་སྒོར་ཁྲི་2ལྷག་ཟིན་གྱི་ཡོད་པ་ཤེས་རྟོགས་བྱུང་། དཔང་རྟགས་ཁུངས་བཙན་གྱི་མདུན་དུ་དབང་ཆེ་གེ་མོས་རང་ཉིད་ཀྱི་ཉེས་གསོག་དོན་དངོས་སྦ་གསང་མེད་པར་ཁས་བླངས་པ་རེད། མིག་སྔར། དོགས་ཡོད་ཉེས་ཅན་དབང་ཆེ་གེ་མོ་ཁྲིམས་ལྟར་ཉེས་དོན་བཀག་ཉར་བྱས་པ་དང་གྱོད་གཞི་དེ་སྔར་བས་ཐག་གཅོད་བྱེད་བཞིན་ཡོད།

འཐུས་མཆན་འགོད་མི་དགོས་པའི་སྲིད་ཇུས་ཀྱི་སྟབས་བདེ་དང་བསྟུན་ནས་ཀྲུང་གོར་ཡུལ་སྐོར་དུ་ཡོང་མཁན་ཕྱི་རྒྱལ་བ་རྒྱུན་ཆད་མེད་པར་མང་དུ་ཕྱིན་ཡོད། རྒྱལ་ཁབ་གནས་སྤོས་དོ་དམ་ཅུད་ཀྱི་གྲངས་གཞིར་གཞིགས་ན། དུས་ཚིགས་དང་པོར་རྒྱལ་ཡོངས་ཀྱི་འགག་སྒོ་ཁག་ནས་འགྲོ་འོང་བྱེད་མཁན་མི་ཐེངས་དུང་ཕྱུར་1.63ཟིན་ནས་15.3%འཕར་ཡོད་པ་དང་། རྒྱལ་ཁོངས་སུ་ཡོང་མཁན་གྱི་ཕྱི་རྒྱལ་བ་མི་ཐེངས་ཁྲི་921.5ཟིན་པ་དེ་40.2%

ཀྲུང་གོ་བོད་ཀྱི་དྲ་བའི་འཕྲིན། ཟླ4པའི་ཚེས19ཉིན། མཚོ་བྱང་བོད་རིགས་རང་སྐྱོང་ཁུལ་གྱིས་གཙོ་སྒྲུབ་དང་། ཧྲན་ཏུང་ཞིང་ཆེན་རིག་གནས་དང་ཡུལ་སྐོར་ཐིང་། ཡན་ཐའེ་གྲོང་ཁྱེར་སྲིད་གཞུང་། ཧྲན་ཏུང་ཞིང་ཆེན་ཁ་གཏད་རོགས་སྐྱོར་མཚོ་སྔོན་ལས་བྱེད་པའི་དོ་དམ་ཚན་ཆུང་གི་མཛུབ་སྟོན་བྱས་པ་དང་། མཚོ་བྱང་ཁུལ་ཁོངས་གཏོགས་རྫོང་བཞིའི་ཏང་ཨུ། རྫོང་སྲིད་གཞུང་། མཚོ་བྱང་ཁུལ་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཅུས། མཚོ་བྱང་ཁུལ་མཁོ་འཚོང་མཉམ་ལས་ཁང་། ཡན་ཐའེ་གྲོང་ཁྱེར་རིག་གནས་དང་ཡུལ་སྐོར་ཅུས་བཅས་ཀྱིས་འགན་སྒྲུབ་བྱས་པའི་ཧྲན་ཏུང་དང་མཚོ་སྔོན་མཉམ་བསྐྱོད་ཀྱི2025ལོའི“མི་ཁྲི་ཉི་ཤུས་མཚོ་བྱང་དུ་ཡུལ་སྐོར”བྱེད་པའི་ཧྲན་ཏུང་གདན་ཞུ་དང“མཚོ་བྱང་གཟུགས་འདས་ཤུལ་བཞག་གི་སྤུས་ལེགས་དངོས་རྫས་ཧྲན་ཏུང་དུ་བསྐྱོད་པའི”བྱ་འགུལ་དེ་ཧྲན་ཏུང་ཞིང་ཆེན་ཡན་ཐའེ་གྲོང་ཁྱེར་དུ་སྤེལ། བྱ་འགུལ་ཁྲོད། མཚོ་བྱང་ཁུལ་གྱི་ཐད་གཏོགས་ལས་ཁུངས་དང་། མིན་ཡོན། མདོ་ལ། རྐང་ཚ། མདའ་བཞི་རྫོང་བཞིའི་སྲིད་གཞུང་དང་། མཚོ་བྱང་རྒྱལ་ཁབ་དངུལ་གཏོང་མཚོ་སྔོན་རྡུལ་ཕྲན་མཁར་རྟེན་གཞིའི་གསོ་སྦྱོང་ཚད་ཡོད་ཀུང་སིའི་ཡན་ལག་འགན་ཁུར་བས། ཁྱོན་ཡོངས་ནས་རང་རང་གི་ཁྱད་ཆོས་ལྡན་པའི་རིག་གནས་ཡུལ་སྐོར་ཐོན་ཁུངས་དང་། གསར་བརྗེའི་རྟོག་ཞིབ་སློབ་སྦྱོང་སློབ་ཁྲིད། ལམ་ཐིག་བཅས་འོས་སྦྱོར་བྱས། ས་གནས་གཉིས་ཀྱི་ཡུལ་སྐོར་སྐུ་མགྲོན་གྱིས་ཧྲན་ཏུང་དང་མཚོ་སྔོན་གྱི་རིག་གནས་ཡུལ་སྐོར་ཚོང་རའི་མཉམ་སྐྲུན་གླེང་མོལ་བྱས་པ་དང་། “ཧྲན་ཏུང་དུ་འཛོམས་པ་དང་། མཚོ་བྱང་དུ་ལྷན་འཛོམས་བྱུང་བའི”མདུན་ལྗོངས་ལ་གླེང་བ་དང་། བྱ་འགུལ་སྐབས་སུ་ད་དུང་གཟུགས་འདས་ཤུལ་བཞག་འགྲེམ་སྟོན་དང་། སྐྱེ་ལྡན་ཞིང་ཕྱུགས་ཐོན་རྫས། རིག་གནས་གསར་སྐྲུན་ཐོན་རྫས་སོགས་ཀྱི་བྱ་འགུལ་འགྲེམ་སྟོན་བྱས་ཤིང་། མཚོ་བྱང་གི་ཁྱད་ལྡན་ཐོན་རྫས་རིགས་སྣ200ལྷག་དང་། དཔེར་ན་ནོར་ཤ་དང་། མཐོ་སྒང་གི་སྦྲང་རྩི་སོགས་ལ་ས་གནས་མང་ཚོགས་ཀྱིས་དགའ་བསུ་ཆེན་པོ་ཐོབ། རྒྱུས་ལོན་བྱུང་བ་ལྟར་ན། “མི་ཁྲི་ཉི་ཤུས་མཚོ་བྱང་དུ་ཡུལ་སྐོར་བྱེད་པའི”བྱ་འགུལ་སྤེལ་བའི་རིང་ལ། ཧྲན་ཏུང་དང་མཚོ་སྔོན་ས་གནས་གཉིས་ཀྱི་རིག་གནས་ཡུལ་སྐོར་བརྗེ་རེས་མཉམ་ལས་ཀྱི་ཟོང་རྟགས་གལ་ཆེན་ཞིག་ཏུ་གྱུར་ཡོད། ཧྲན་ཏུང་ཡུལ་སྐོར་བ་མཚོ་བྱང་དུ་ཡུལ་སྐོར་བྱེད་པར་རྩ་འཛུགས་བྱེད་པ་དེས། སྔར་ལས་མང་པོའི་མིས་མཚོ་བྱང་གི་མཛེས་ལྗོངས་དང་ཕུན་སུམ་ཚོགས་པའི་རིག་གནས་ལ་མྱོང་རོལ་བྱེད་ཐུབ་པ་མ་ཟད། མཚོ་བྱང་གི་རིག་གནས་ཡུལ་སྐོར་ཐོན་ལས་འཕེལ་རྒྱས་ལ་སྐུལ་འདེད་བཏང་། ད་ལོར། མཚོ་བྱང་ཁུལ་གྱིས་ཡུལ་སྐོར་དྲིལ་སྒྲོག་ཁྱབ་གདལ་ཤུགས་ཚད་ཆེ་རུ་གཏོང་བ་དང་། དམིགས་བསལ་སྲིད་ཇུས་དང་ཁྱད་ལྡན་ཡུལ་སྐོར་ལམ་ཐིག་མང་པོ་བཏོན་ནས། ཧྲན་ཏུང་གི་ཡུལ་སྐོར་བ་མཚོ་བྱང་དུ་ཡུལ་སྐོར་ལྗོངས་རྒྱུ་བྱེད་པ་དང་སོས་དལ་ཁམས་གསེང་བྱེད་པར་ཡིད་དབང་བཀུག ཐེངས་འདིའི་བྱ་འགུལ་གྱིས་ཧྲན་ཏུང་དང་མཚོ་སྔོན་ས་གནས་གཉིས་ཀྱི་རིག་གནས་བརྗེ་རེས་དང་། ཡུལ་སྐོར་མཉམ་ལས། དཔལ་འབྱོར་ཉོ་ཚོང་འགྲོ་འོང་སྟེགས་བུ་འཛུགས་སྐྲུན་བྱས་པ་དང་། ས་གནས་གཉིས་ཀྱིས་ཁྱབ་ཁོངས་མང་པོའི་མཉམ་ལས་ལ་སྐུལ་འདེད་བཏང་ནས། མཉམ་དུ་འཕེལ་རྒྱས་སུ་གཏོང་བའི་ལེའུ་གསར་བ་འབྲི་རྒྱུ་རེད། །

ཉིན་ཤས་བསྟུད་མར། བོད་ལྗོངས་ཉིང་ཁྲིའི་ཁམ་བུའི་མེ་ཏོག་ཡུལ་སྐོར་རིག་གནས་དུས་ཆེན་སྐབས་ཉེར་གཉིས་པའི་ཚོགས་ར་གཙོ་བོར་མི་ཚོགས་ཀྱིས་ཁེངས་པ་དང་མི་མེད་གནམ་གྲུ་ཁམ་བུའི་དུས་ཆེན་གྱི་བཀྲག་མདངས་འཚེར་ཤོས་ཀྱི་ཚན་རྩལ་གྱི་ཡུལ་ལྗོངས་སུ་གྱུར་ཡོད། གསར་འགོད་པས་ཤེས་རྟོགས་བྱས་པར། དེ་ནི་དབྱི་ཧང་ཁེ་ལས་ནས་རྒྱལ་ཡོངས་ཀྱི་དམངས་སྤྱོད་ཁ་ལོ་བ་མེད་པའི་མི་ཞུགས་མཁའ་འགྲུལ་འཕྲུལ་ཆས་ཀྱི་གཉེར་སྐྱོང་ལག་ཁྱེར་ཐོག་མ་རག་རྗེས་EH216—Sཁ་ལོ་བ་མེད་པའི་མི་ཞུགས་མཁའ་འགྲུལ་འཕྲུལ་ཆས་ས་བབ་མཐོ་ཚད་སྨི་3000ལྷག་ཙམ་གྱི་ས་མཐོར་སྤྱོད་ཐེངས་ཐོག་མ་ཡིན་པ་རེད།སྐབས་འདིའི་ཉིང་ཁྲིའི་ཁམ་བུའི་མེ་ཏོག་དུས་ཆེན་གྱི་བྱེད་སྒོ་སྤེལ་སར་གསར་འགོད་པས་དམའ་དབྱིངས་དཔལ་འབྱོར་དེ་རིག་གནས་དང་ཡུལ་སྐོར་ཐོན་ལས་དང་མཉམ་འདྲེས་གཏིང་ཟབ་ཐུབ་སྟེ་ཡུལ་སྐོར་བས་ཚན་རྩལ་གྱི་ཚོར་སྣང་དང་སྟབས་བདེའི་རང་བཞིན་གྱི་ཡུལ་སྐོར་རྣམ་པ་མྱོང་རོལ་ཐུབ་པ་མཐོང་ཡོད། ཁམ་བུའི་མེ་ཏོག་དུས་ཆེན་གྱི་འགོ་ཚུགས་མཛད་སྒོའི་དགོང་མོ་མི་མེད་གནམ་གྲུ་མཁའ་དབྱིངས་སུ་འཕུར་ནས་གློག་སྒྲོན་ངོམ་སྟོན་བྱས་པར་ས་གནས་ས་ཐོག་ཏུ་ཡོད་པའི་ལྟད་མོ་བ་ཁྲི་2ཡན་དང་དྲ་ཐོག་ནས་ལྟ་མཁན་ལྟ་མོ་བ་ཁྲི་190ཡན་ལ་མིག་གིས་སྟོན་མོ་བཤམས་ཡོད།ཉིང་ཁྲི་གྲོང་ཁྱེར་ཀ་ལ་གྲོང་ཚོ་དང་རྡོ་ཐང་གྲོང་ཚོ་སོགས་ཁམ་བུའི་མེ་ཏོག་གི་བྱེད་སྒོ་སྤེལ་སར་གསར་འགོད་པས་མཁའ་དབྱིངས་སུ་འཕུར་བའི་མི་མེད་གནམ་གྲུས་བྱེད་སྒོའི་གནས་ཚུལ་ཡང་ཡང་པར་ལེན་བྱེད་པ་མཐོང་། ལེ་ལག་ཚང་བའི་སྒྲིག་ཆས་སྣ་ཚོགས་ཉིན་བཞིན་འཐུས་སྒོ་ཚང་དུ་ཕྱིན་པ་བརྒྱུད“སྤྲིན་རུམ་པར་རྒྱག་པ”གངས་ལྗོངས་ས་མཐོར་དར་ཁྱབ་ཆེན་པོ་བྱུང་ཡོད། “ང་དང་གྲོགས་པོས་མི་མེད་གནམ་གྲུ་སྤྱོད་ཤེས་ཀྱི་མེད། རླངས་འཁོར་མེད་ན་འཁྱེར་ཁག་པོ་འདུག ད་ཆ་མཛེས་ལྗོངས་ཁུལ་ནས་མི་མེད་གནམ་གྲུ་མཁོ་འདོན་བྱས་པས་ང་ཚོས་པར་རྒྱག་པའི་དགའ་སྣང་གསར་པ་རྙེད་བྱུང”ཅེས་པེ་ཅིང་ནས་ཡིན་པའི་ཡུལ་སྐོར་བ་ཐང་ལགས་ཀྱིས་བཤད།（2025ལོའི་ཟླ་4ཚེས་7ཉིན་གྱི《འོད་ཟེར་ཉིན་རེའི་ཚགས་པར》གྱི་པར་ངོས་བཅུ་པ་ལས་དྲངས） འགན་འཁུར་རྩོམ་སྒྲིག་པ། སྐལ་བཟང་གྲགས་པ།

དཔྱིད་དུས་ཀྱི་ཡར་ལུང་ས་གཞི་ཆེན་པོར་རྩྭ་རྩི་ཤིང་གི་མྱུ་གུ་རབ་ཏུ་འབུས་ཤིང་སྐྱེ་དངོས་སྣ་ཚོགས་ལ་གསོན་ཤུགས་རབ་ཏུ་རྒྱས་པས། ག་ས་གང་དུ་མི་དང་རང་བྱུང་ཁམས་འཆམ་མཐུན་མཉམ་འདྲེས་ཀྱི་རི་མོ་མངོན་པར་བཀྲ་ཡོད། ཀྱག་ཀྱོག་གི་རི་ལམ་ཞིག་བརྒྱུད་ནས་ལྷོ་ཁ་གྲོང་ཁྱེར་སྣེ་གདོང་ཆུས་རྡོ་ཕོ་བྲང་ཞང་གི་ལྷོ་རིའི་སྟེང་གི་ཁོད་སྙོམས་པའི་ས་སྟོང་ཞིག་ཏུ་སླེབས། དེ་གར། སྔོན་ཆད་ཀྱི་རི་རྒོད་དག་གིས་སྔོ་ལྗང་གིས་གོས་ཆེན་མནབས་འདུག ལྷ་སའི་ལྷོ་བྱང་རི་བོ་སྔོ་འགྱུར་ལས་གྲྭ་དེས་མཐོ་སྒང་གི་སྐྱེ་ཁམས་མངའ་ཁོངས་བཟོ་བཅོས་བྱས་པར་མ་ཟད། མཐོ་གྲང་ས་ཁུལ་གྱི་སྐྱེ་ཁམས་བཅོས་སྐྱོང་དང་དམངས་འཚོ་ལེགས་བཅོས་མཐུན་སྦྱོར་ངང་འཕེལ་རྒྱས་གཏོང་བའི་གསར་གཏོད་ཐབས་ལམ་ཞིག་འཚོལ་ཞིབ་ཀྱང་བྱས་ཡོད། ཉེ་བའི་ལོ་ཤས་ཀྱི་རིང་ལ། སྣེ་གདོང་ཆུས་ཀྱི་རི་ཆུ་ནགས་ཞིང་མཚེའུ་རྩྭ་བྱེ་མ་གཞི་གཅིག་ཅན་གྱི་སྲུང་སྐྱོང་དང་མ་ལག་བཅོས་སྐྱོང་གཅིག་གྱུར་འཆར་འགོད་བྱས་ཏེ། ལྗང་མདོག་ལ་བརྟེན་ནས་སྐྱེ་ཁམས་ཀྱི་རྨང་གཞི་སྲུང་སྐྱོང་མཐའ་འཁྱོངས་བྱས་ཏེ། ཚན་རིག་དང་མཐུན་པའི་སྒོ་ནས་རྒྱལ་ཁབ་ས་ཆ་སྔོ་ལྗང་གི་བྱ་སྤྱོད་སྤེལ་བ་དང་ལྷ་སའི་ལྷོ་བྱང་རི་རྒྱུད་སྔོ་ལྗང་ལས་གྲྭ་སོགས་གཙོ་གནད་སྐྱེ་ཁམས་རྣམ་གྲངས་ལ་དམིགས་ནས། སྣེ་གདོང་ཆུས་ཀྱི་ལྗང་མདོག་སྐྱེ་ཁམས་བདེ་འཇགས་ཀྱི་བཀག་རྒྱ་རྒྱུན་ཆད་མེད་པར་སྲ་བརྟན་དུ་བསྐྲུན་ཡོད། ས་ཁོངས་ཀྱི་སྐྱེ་ཁམས་བཏོད་པ། དེ་སྔ་སྣེ་གདོང་ཆུས་སུ་སྔོ་ཁེབས་ཉུང་ཞིང་། དཔྱིད་ཀར་བྱེ་རླུང་ལྡང་མང་ལ་དབྱར་ཁར་དྲག་ཆར་བབས་ནས་ཆུ་ལོག་མང་པོ་བྱུང་གིན་ཡོད། འདམ་རྡོ་ཆུ་རུད་དང་རི་ཉིལ་བ་སོགས་ས་གཤིས་གནོད་འཚེ་ཡང་ཡང་བྱུང་ནས། རང་བྱུང་ཁོར་ཡུག་ངན་པའི་དབང་གིས་མང་ཚོགས་ལ་བྱེ་རླུང་མང་བའི་སྡུག་བསྔལ་ཡོང་གི་ཡོད། “སྔོ་ལྗང་གང་སར་བཏབ་ནས་རི་སྔོན་དུ་འགྱུར་རྒྱུ”དེ་ས་གནས་དེ་གའི་མང་ཚོགས་ཀྱི་ཆེས་ཁ་ཚ་དགོས་གཏུག་གི་རེ་འདུན་ཞིག་ཏུ་གྱུར་ཡོད། རི་སྔོན་ཆུ་དྭངས་ནི། གསེར་རི་དངུལ་རི་ཡིན། རྒྱལ་ཁབ་ས་ཆ་སྔོ་འགྱུར་གྱི་བྱས་རྗེས་དེང་འདིར་འཇོག ཕན་འབྲས་སྐལ་བརྒྱར་ཐོབ། བྱེ་རླུང་བཀག་འགོག་དང་སྐྱེ་ཁམས་ལེགས་སུ་གཏོང་ཆེད། སྣེ་གདོང་ཆུས་ཀྱིས་དམིགས་འབེན་དང་ལས་འགན་ལ་དོ་སྣང་ཆེན་པོ་བྱས་ནས། ལྟ་སྐུལ་དོ་དམ་གྱི་འགན་འཁྲི་ལག་བསྟར་ནན་པོ་བྱས་ཏེ། དཔྱིད་དུས་ཀྱི་དུས་ཚོད་བཟང་པོ་དམ་འཛིན་བྱས་ཤིང་། ལས་ཡུན་ལྡོག་སྒྲིག་དང་། བཀོད་གཏོང་ལ་ཤུགས་སྣོན་རྒྱག་པ། མི་སྣ་བཀོད་སྒྲིག འཕྲུལ་ཆས་དུས་ཐོག་ཏུ་ཐོན་པ། ཆུ་ཚོད་ལྟ་བ་དང་། དྲ་ར་སྒྲིག་པ། ཆུ་འདྲེན་སྦུག་ལམ། ཆུ་གསོག་དོང་ཞིབ་བཅོས། ལྗང་ཤིང་སྐམ་པོ་གཙང་སེལ་སོགས་ཀྱི་ལས་དོན་ལ་དུས་ཐོག་ཏུ་སྐུལ་འདེད་བཏང་ཡོད། གསར་འགོད་པས་རྒྱུས་ལོན་བྱུང་བ་ལྟར་ན། ལྷ་སའི་ལྷོ་བྱང་རི་བོའི2024ལོའི་ལོ་འཁོར(ལྷོ་རི་དུམ་བུ)གྱི་སྣེ་དགོང་ཆུས་ཀྱི་ནགས་བཟོ་སྔོན་ལ་བསྐྲུན་རྗེས་ཁ་གསབ་བྱེད་པའི་ལས་གྲྭའི་དུས་རིམ་གཉིས་པ2024ལོའི་ཟླ5པར་ཁྱོན་ཡོངས་ནས་འཛུགས་སྐྲུན་བྱེད་འགོ་ཚུགས་པ་དང་། དེའི་ནང་དུ2024ལོར་ནགས་བཟོ་སྔོ་ལྗང་ཁྱོན་ཁུལ4བྱས་ཡོད་པ་དང་། སྤྱིའི་རྒྱ་ཁྱོན་མུའུ5893.8ཡིན་པ་དང་། ལས་གྲྭའི་རགས་རྩིས་མ་དངུལ་སྒོར་ཁྲི18623.38བཏང་ཞིང་། 2025ལོའི་སྔོ་ལྗང་ནགས་བཟོ་ལས་གྲྭའི་རྣམ་གྲངས་ནི་ཤར་ཁུལ་དུ་ཁྱོན་བསྡོམས་ཁུལ་ཁག7ཡིན་ལ། སྔོ་ལྗང་ལས་འགན་མུའུ14240.4ཡིན་པ་དང་། རགས་རྩིས་མ་དངུལ་སྒོར་ཁྲི36253.47བཏང་བ་དང་། སྔོ་ལྗང་ནགས་བཟོ་ལས་གྲྭའི་རྣམ་གྲངས་མུ་མཐུད་སྤེལ་བཞིན་ཡོད། སྣེ་གདོང་ཆུས་ལ་བལྟས་ཚེ། གསར་དུ་བཙུགས་པའི་སྡོང་ཕྲུག་དང་རྒྱང་རིང་གི་གངས་རི་གཉིས་ཕན་ཚུན་རྒྱན་དུ་གྱུར་ནས་ཡོད། དཔྱིད་ཀྱི་རླུང་བུ་འཇམ་པོ་ཡར་ལུང་གཙང་པོའི་གྲོག་རོང་བརྒྱུད་ནས་ལྡང་དུས། ལྗང་ལོའི་དྲི་ཞིམ་ཡུན་གྱིས་གང་སར་འཐུལ་ཡོང་། འཚོ་རྟེན་ལས་སྤྲོད་བྱས་ཏེ་ད་ཆ་རི་མགོར་ལྗང་མདོག་གིས་ཁེངས། ད་ལོ་ལོ42ལ་སླེབས་པའི་སྣེ་གདོང་སོ་དྲུག་ཞང་ཆ་ཐང་གྲོང་ཚོའི་གྲོང་མི་ཆུང་བདག་གིས་གསར་དུ་མྱུ་གུ་འབུས་པའི་གླ་ཚེར་གྱི་མྱུ་གུར་ལྟ་བཞིན་གདོང་ལས་བདེ་སྐྱིད་ཀྱི་འཛུམས་མདངས་འཕྱུར། དེ་སྔའི་སྨན་རྩྭ་འཐུ་མཁན་དེ་ད་ཆ་མཐའ་འཁོར་གྱི་གྲོང་མི་དང་འདྲ་བར་ཐུན་མོང་ཐོག“སྐྱེ་ཁམས་སྲུང་མཁན”དུ་གྱུར་ཡོད། 2024ལོ་ནས་བཟུང་སྟེ། སྣེ་གདོང་ཆུས་ཀྱི་འཚོ་རྟེན་ལས་སྤྲོད་བྱེད་པའི་རྣམ་པ་ཁྱབ་གདལ་ཤུགས་ཆེན་བཏང་ནས་མཐའ་འཁོར་གྱི་ཞིང་འབྲོག་མང་ཚོགས་ནགས་བཟོའི་ནང་ཞུགས་རྒྱུར་ཁྲིད་སྟོན་ཧུར་ཐག་བྱས་ཏེ། ལྷ་སའི་ལྷོ་བྱང་རི་རྒྱུད་སྔོ་འགྱུར་ལས་གྲྭའི་ནང་ཞུགས་ཚད་ས་གནས་དེ་གའི་ལས་མི70%ལས་མི་དམའ་བ་འགན་ལེན་བྱས་ཡོད། ཆུང་བདག་བཟའ་ཚོ་གཉིས་ནགས་བཟོ་ལས་གྲྭ་དང་ཨར་འདམ་བཟོ་གྲྭའི་ནང་ཞུགས་ནས་ཁྱིམ་ཚང་གི་ཡོང་འབབ་སྒོར་ཁྲི6ལས་བརྒལ་ཞིང་། དེ་སྔོན་ཆད་ལས་ལྡབ་གཉིས་འཕར་ཡོད། ལས་ཀ་བྱེད་པའི་བརྒྱུད་རིམ་ནང་ཆུང་བདག་གིས་ལྕང་སོན་གདམ་གསེས་དང་། ས་ཞིང་ལེགས་བཅོས། ཚན་རིག་དང་མཐུན་པའི་འདེབས་འཛུགས། དོ་དམ་སྲུང་སྐྱོང་བྱ་ཐབས། ནད་འབུ་འགོག་བཅོས་བཅས་ཀྱི་ཤེས་བྱ་བསླབས་པ་རེད། སྣེ་གདོང་ཆུས་སུ་ཆུང་བདག་བཟའ་ཚོ་དང་འདྲ་བའི“སྐྱེ་ཁམས་ལས་ཞུགས”མངོན་འགྱུར་བྱུང་བའི་ཞིང་འབྲོག་པ་མང་པོ་ཡོད། གསར་འགོད་པས་རྒྱུས་ལོན་བྱས་པ་ལྟར་ན། སྐྱེ་ཁམས་ལས་གྲྭས་སྣེ་གདོང་ཆུས་ས་གནས་ཁག་གི་མང་ཚོགས་ལ་ཡོང་འབབ་སྒོར་ཁྲི624བྱུང་བ་དང་འཕྲུལ་ཆས་ལས་ཡོང་འབབ་སྒོར་ཁྲི105འཕར་ཡོད། སྐྱེ་ཁམས་ནགས་བཟོའི་རྣམ་གྲངས་ཀྱིས་རི་རྒོད་ལྗང་མདོག་སུ་གྱུར་བར་བྱས་པ་མ་ཟད། མི་སེར་གྱི་དངུལ་ཁུག་ཀྱང་ལྗིད་ཐིག་ཐིག་ཏུ་གྱུར་ཡོད། ཆུང་བདག་གིས་གསར་འགོད་པར་བཤད་དོན། “ས་རྒོད་དེ་རིམ་བཞིན་ལྗང་མདོག་ཏུ་གྱུར་བ་དང་། སྐྱེ་ཁམས་ཁོར་ཡུག་ཇེ་བཟང་དུ་ཕྱིན་ནས་ང་ཚོ་མི་སེར་ལའང་དངོས་གནས་ཀྱི་བདེ་སྐྱིད་ཚོར་སེམས་ཆེན་པོ་བྱུང་” ལམ་སྲོལ་གསར་གཏོད་བྱས་ནས་ལྗང་མདོག་གི་འཆར་འགོད་ཚན་རིག་དང་མཐུན་པའི་སྒོ་ནས་བྲིས་ཡོད། ལྷ་སའི་ལྷོ་བྱང་རི་བོ་སྔོ་འགྱུར་ལས་གྲྭ་སྐུལ་འདེད་གཏོང་བའི་ཁྲོད་ཚན་རྩལ་གྱིས་འགག་རྩའི་ནུས་པ་འདོན་སྤེལ་བྱས་ཡོད། སྣེ་གདོང་ཆུས་རྡོ་ཕོ་བྲང་ཞང་སྤུ་སྨད་གྲོང་ཚོར་གནས་པའི་སྔོ་འགྱུར་ལས་ཡུལ་དུ་བསྐྱོད་སྐབས། གསར་འགོད་པས་ཞིང་སྤྱོད་རྩི་ཤིང་སྲུང་སྐྱོབ་མི་མེད་གནམ་གྲུ་ཡིས་སྐར་མ་གཅིག་ནང་ས་དང་སྡོང་ལྗང་རི་ལྡེབས་སུ་སྐྱེལ་འདྲེན་བྱེད་བཞིན་པ་མཐོང་བྱུང་། ལྷོ་ཁ་གྲོང་ཁྱེར་ནོར་གསུམ་སྐྱེད་ཚལ་སྔོ་ལྗང་ཚད་ཡོད་ཀུང་སིའི་རྣམ་གྲངས་འགན་འཁུར་བ་ཨ་ཀྲུང་གིས་གསར་འགོད་པར་བཤད་དོན། “ས་ཆ་ཁ་ཤས་ཀྱི་ས་བབ་གཟར་བས་མི་མེད་གནམ་གྲུ་སྤྱད་ན་སྟབས་བདེ་ལ་བདེ་འཇགས་ཀྱང་ཡོད། མི་མེད་གནམ་གྲུའི་རོགས་རམ་ཡོད་པས་ང་ཚོས་འདེབས་འཛུགས་ལ་བློ་རྩེ་གཅིག་ཏུ་སྒྲིལ་དགོས་ལ། ཉེན་ཁར་མ་ལྟོས་པར་དུས་ཚོད་མང་པོ་སྤྱད་དེ་དཀའ་ངལ་ཆེན་པོ་བརྒྱབ་ནས་ས་དང་སྡོང་ལྗང་རི་བོའི་སྟེང་དུ་སྐྱེལ་མི་དགོས”ཞེས་བཤད། སྣེ་གདོང་ཆུས་ཀྱིས་མི་མེད་གནམ་གྲུའི་ལྟ་ཞིབ་ཚད་ལེན་དང་། རྒྱང་ཚོར་ལག་རྩལ། ས་ཁམས་ཆ་འཕྲིན་མ་ལག་སོགས་དེང་རབས་ཚན་རྩལ་བྱ་ཐབས་སྤྱད་དེ་ལྗང་མདོག་ལས་གྲྭ་ལ་གནད་ལ་འཁེལ་བའི་འཆར་འགོད་དང་། ཚན་རིག་དང་མཐུན་པའི་ལས་སྐྲུལ། དོ་དམ་ནུས་ལྡན་བཅས་མངོན་འགྱུར་བྱས་པ་མ་ཟད། ས་གནས་ཀྱི་གནས་ཚུལ་དང་བསྟུན་ནས་ཚན་རིག་དང་མཐུན་པའི་འདེབས་འཛུགས་བྱས་ཏེ། གདོད་མའི་སྔོ་ཁེབས་སྲུང་སྐྱོང་སྔོན་ལ་མིས་བཟོས་ཉམས་གསོ་དང་རང་བྱུང་ཉམས་གསོ་དང་ཟུང་འབྲེལ་བྱེད་པ་རྒྱུན་འཁྱོངས་བྱས་ཏེ། ཚན་རིག་དང་གོ་རིམ་ལྡན་པའི་སྔོ་ལྗང་འདེབས་འཛུགས་སྔར་བས་མངོན་འགྱུར་བྱུང་ཡོད། ས་མཐོའི་ཉི་འོད་ཀྱི་ཚ་གདུང་ཁྲོད་ནས། ལས་བཟོ་པ་ཚོས་དཀའ་ལས་མང་པོ་བརྒྱབ་ནས་ལྗང་མདོག་གི་འགྲུལ་བཞུད་བྱེད་འགོ་བརྩམས་ཡོད། ཁོང་ཚོས་ད་ལྟ་བཏབ་པའི་སྡོང་ཕྲུག་ཆུང་ཆུང་དག་མ་འོངས་པར་སྐྱེ་སྟོབས་འབར་བའི་སྡོང་པོ་ཆེན་པོ་ཤ་སྟག་ལ་གྱུར་རྒྱུ་གཏན་འཁེལ་རེད། སྣེ་གདོང་ཆུས་སྐྱེ་ཁམས་སྲུང་སྐྱོང་དེ་ལྗང་མདོག་འཕེལ་རྒྱས་ཁྲོད་དུ་བཅུག་པ་དང་མི་དང་རང་བྱུང་ཁམས་ཕྱོགས་གཉིས་སུ་བསྐྱོད་པའི་ཐད་འབྱུང་འགྱུར་གྱི་སྣེ་གདོང་ཆུས་ནི་དཔལ་འབྱོར་དར་རྒྱས་དང་། སྐྱེ་ཁམས་མཛེས་པ། བསམ་པའི་དཔལ་ཡོན་ལྡན་པ། འཚོ་སྡོད་ལ་འཚམ་པའི་སྙན་ངག་གི་གནས་ཡུལ་ཞིག་ཏུ་གྱུར་ངེས་རེད།

འདི་ནི་གྲི་གུ་རྩྭ་ཐང་དུ་རྩྭ་ཆུར་རོལ་བའི་མ་མོ་དང་ལུ་གུའི་ཁྱུ་ཚོགས་ཡིན་པ།ཟླ་བཞི་པའི་མཚོ་སྨད་ལ་དཔྱིད་ཀྱི་གྲང་ངད་ཅུང་ཆེ་བ་དང་། རྩྭ་ཐང་ད་དུང་ཡང་སྔོ་ཐིང་ཐིང་ཆགས་མེད་པར། དཔྱིད་ཀའི“གཅེས་ནོར”གཅིག་རྗེས་གཉིས་མཐུད་ངང་སྐྱེས་པ་ལས་གྲི་གུ་རྩྭ་ཐང་དུ་དཔྱིད་དུས་ཀྱི་ལུ་གུ་སྐྱེ་བའི་དུས་ཚིགས་འཆར། གསར་སྐྱེས་ལུ་གུའི་འབའ་སྒྲས་དགུན་གཞུང་རིང་མོ་གཉིད་དུ་ཡུར་བའི་ལྷིང་འཇགས་ཀྱི་རྩྭ་ཐང་ལ་གསོན་ཤུགས་གསར་པ་ཞིག་སྦྱིན།གྲི་གུ་སྡེ་ཁུལ་གྱི་འབྲོག་པ་ཆོས་གྲགས་ཀྱིས་ནམ་ལངས་མ་ཐག་ལམ་སེང་འཇིབ་རུ་འཁྱེར་ཏེ་ལྷས་རར་བསྐྱོད་ནས་གསར་སྐྱེས་ལུ་གུར་འོ་མ་སྟེར་བ་མ་ཟད། ལུ་གུ་སྐྱེས་མ་ཐག་པའི་མ་མོ་ལའང་ལྟོ་སྟེར་འགོ་ཚུགས། “ཁྱིམ་དུ་ལུག་མགོ་གྲངས་230ལྷག་ཙམ་ཡོད། ཉེ་ཆར་ལུ་གུ་30ལྷག་ཙམ་སྐྱེས་སོང་། ཕལ་ཆེར་ཟླ་4པའི་ཟླ་དཀྱིལ་ཙམ་ལ་ལུ་གུ་ཚང་མ་སྐྱེས་ཚར་གྱི་རེད། ལུ་གུ་སྐྱེ་བསུ་དང་གསོན་ཐུབ་པ་བྱ་རྒྱུ་ནི་ལོ་གཅིག་གི་ལས་ཀ་གལ་ཆེ་ཤོས་ཡིན་པས། དཀའ་ངལ་ག་ཚོད་ཆེ་རུང་འབྲོག་ལས་ཀྱི་ཐོན་འཕར་ལ་བསམ་བློ་བཏང་ན་དཀའ་ལས་རྒྱག་རིན་ཡོད”ཅེས་ཆོས་གྲགས་ཀྱིས་བཤད།ལུ་གུ་སྐྱེ་བསུ་དང་གསོ་ཚགས་ལས་དོན་ནི་འབྲོག་ལས་ཐོན་སྐྱེད་ཀྱི་ལྷུ་ཚིགས་གཙོ་བོ་ཞིག་རེད། ད་ལོ་མཚོ་སྨད་རྫོང་གིས་སྔ་ས་ནས་བཀོད་སྒྲིག་བྱས་ཏེ། གཟན་རྩྭ་གསོག་འཇོག་དང་རིམས་ནད་འགོག་བཅོས་བྱེད་ཤུགས་ཆེ་རུ་བཏང་ཞིང་། ཞིང་འབྲོག་ཞབས་ཞུའི་ལྟེ་གནས་ཀྱི་ལག་རྩལ་མི་སྣ་སྒྲིག་འཛུགས་ཀྱིས་གྲོང་ཚོ་དང་དུད་ཚང་དང་འབྲོག་པ་མང་ཚོགས་ཀྱི་ཁྱིམ་དུ་བསྐྱོད་ནས་ཞིང་འབྲོག་པར་ཚད་དང་ལྡན་པའི་སྒོ་ནས་ལུ་གུ་སྐྱེ་བསུ་བྱེད་སྟངས་དང་། ཚན་རིག་དང་མཐུན་པའི་ངང་ལུ་གུ་གསོ་ཚགས་བྱེད་སྟངས། རིམས་ནད་འགོག་བཅོས་བྱེད་སྟངས། ཕྱུགས་རིགས་གསོ་ཚགས་བདག་སྐྱོང་བྱེད་སྟངས་སོགས་བསླབས་ནས་ཕྱུགས་རིགས་ཀྱི་ནད་འགོག་ནུས་པ་ཆེ་རུ་དང་ལུ་གུ་གསོན་ཚད་མང་དུ་བཏང་སྟེ། ལོ་གསར་པར་འབྲོག་པར་ཐོན་འཕར་འབབ་འཕར་ཡོང་བར་རྨང་གཞི་བཏིང་ཡོད།སྒོ་བསྡུས་ཤང་བཀྲ་ཤིས་གསུམ་མདོ་གྲོང་ཚོའི་སྐལ་བཟང་ཟླ་བའི་ཁྱིམ་གྱི་ལྷས་རར་ལག་རྩལ་པ་བཀྲ་ཤིས་ཀྱིས་ལུ་གུའི་སྐྱེ་འཚར་ལ་ལྟ་ཞོར་དུ་སྐལ་བཟང་ཟླ་བར་ལུ་གུ་ཚད་ལྡན་ངང་སྐྱེ་བསུ་བྱེད་སྟངས་དང་ཚན་རིག་དང་མཐུན་པའི་གསོ་ཚགས་བྱེད་སྟངས་སོགས་ལག་རྩལ་གྱི་གནད་འགག་འགྲེལ་བཤད་བརྒྱབ་ཅིང་། ཁོང་གིས“ལྷས་རའི་ཁོར་ཡུག་གཙང་སྦྲ་བྱེད་སྟངས་ནས་ལུ་གུ་བདག་སྐྱོང་བྱེད་པའི་བར་དང་། དེ་ནས་གཟན་ཆག་སྦྱོར་རྟ་བྱེད་པའི་བར་གྱི་ལས་ཀ་ཚང་མར་ལྷོད་གཡེང་གཏོང་མི་རུང་། དེ་ལྟར་བྱས་ན་གཞི་ནས་ལུ་གུ་གསོན་ཚད་འགན་ལེན་བྱེད་ཐུབ”ཅེས་ས་གནས་ས་ཐོག་ཏུ་ལུ་གུ་སྐྱེ་བསུ་བྱེད་སྟངས་དང་འོ་མ་སྟེར་སྟངས་སོགས་བསླབས་པ་སྐལ་བཟང་ཟླ་བས་གཟབ་ནན་གྱིས་སྦྱངས་པ་རེད།ཉེ་བའི་ལོ་ཤས་རིང་། མཚོ་སྨད་རྫོང་གིས་ཡུལ་བབ་ཀྱི་ལེགས་ཆ་དང་ཐོན་ཁུངས་ཀྱི་ལེགས་ཆ་གང་ལེགས་བཏོན་ཏེ། ནོར་ལུག་གི་ཁྱད་ལྡན་ཐོན་ལས་གཙོ་གནད་ཐོག་འཕེལ་རྒྱས་དང་། ཕྱིར་ཚོང་ཐབས་ལམ་རྒྱ་སྐྱེད། ཕྱིར་ཚོང་ཁྲོམ་ར་རྒྱ་སྐྱེད་བཅས་བཏང་ནས། ཞིང་འབྲོག་ལས་ཀྱི་ཕན་འབྲས་ཆེ་རུ་དང་ཞིང་འབྲོག་པར་འབབ་འཕར་ཡོང་བར་སྐུལ་འདེད་ནུས་ལྡན་བཏང་ཡོད། གྲི་གུ་ཤང་གི“ལུག་སྟོང་གི་རྒྱུད་སྤེལ་རྟེན་གཞི”དང་། “འབྲི་གཡག་བརྒྱ་གྲངས་ཀྱི་གསོ་སྤེལ་རྟེན་གཞི” དེ་བཞིན་གྲི་གུ་འབྲོག་ལས་སྒྱུར་བཅོས་ཚོད་ལྟའི་འཛུགས་སྐྲུན་རྣམ་གྲངས་བཅས་ཀྱིས་འབྲོག་ལས་ཚབ་གཉེར་ལག་བསྟར་བྱས་པ་དང་གཞི་ཁྱོན་ཅན་གྱི་གསོ་སྤེལ་བྱས་པས། ངལ་རྩོལ་ནུས་ཤུགས་ལ་བཅིངས་འགྲོལ་ཐོབ་པ་དང་མང་ཚོགས་ལ་ཕྱུག་འགྱུར་གྱི་ཐབས་ལམ་རྙེད་པ་མ་ཟད། ད་དུང་སྒོ་བསྡུས་ཀྱི་ལུག་དང་གྲི་གུའི་ལུག་ཀྱང་ལྗོངས་ཕྱི་ནང་དུ་སྐད་གྲགས་ཅུང་ཟད་ཆོད་ཡོད།གསར་འགོད་པས་མཚོ་སྨད་རྫོང་ཞིང་འབྲོག་སྡེ་ཚན་ནས་ཤེས་རྟོགས་བྱས་པར། མིག་སྔའི་བར། རྫོང་ཡོངས་སུ་ཁྱོན་བསྡོམས་གཟན་ཆག་ཏུན་1170.36དང་གཟན་རྩྭ་ཏུན་324.8གསོག་འཇོག་བྱས་ཡོད་པ་དང་། རྫོང་ཡོངས་སུ་ཕྱུགས་རིགས་མགོ་གྲངས་136259གསོས་པ་དང་ལུ་གུ་ཁྲི་3.01ལྷག་ཙམ་སྐྱེས་པར་གསོན་ཚད་ཁྲི་2.83ལྷག་ཙམ་94%ཟིན་ཡོད། སྔོན་དཔག་བྱས་ན། ཟླ་4ཚེས་20ཉིན་ལུ་གུ་སྐྱེ་བསུ་དང་གསོ་ཚགས་ལས་ཀ་ཚང་མ་ལེགས་གྲུབ་ཟིན་རྒྱུ་རེད། འགན་འཁུར་རྩོམ་སྒྲིག་པ། ཉི་མ་ཚེ་རིང་།

སྤྱི་ཟླ་4པའི་ཚེས་17ཉིན། ཀྲུང་གུང་དཀར་མཛེས་ཁུལ་ཨུད་དང་དཀར་མཛེས་བོད་རིགས་རང་སྐྱོང་ཁུལ་མི་དམངས་སྲིད་གཞུང་གིས་གཙོ་གཉེར་བྱས་པའི“སི་ཁྲོན་གྱི་རི་རྒྱལ། གངས་དཀར་ཞལ་སྟོང་”ཞེས་པའི་རིག་གནས་ཡུལ་སྐོར་འོས་སྦྱོར་ཚོགས་འདུ་ཁྲེང་ཏུའུ་རུ་བདེ་བླག་ངང་འཚོགས་ཡོད། འོས་སྦྱོར་ཚོགས་འདུའི་ཐོག་གངས་དཀར་རྒྱུད་ཀྱི་རང་བྱུང་བཀོད་པ་དང་། རིག་གནས་སྣ་མང་དང་ཡུལ་སྐོར་ཉམས་ལེན་འགྲེམས་སྟོན་བྱས་པ་བརྒྱུད། དྲ་ཐོག་དང་དྲ་འོག་ནས་གངས་དཀར་རི་རྒྱུད་ཀྱི་འབྱུང་ཁམས་དང་མི་ཆོས་ཀྱི་རིན་ཐང་ཕྱོགས་ཡོངས་ནས་མངོན་པར་བྱས་ཏེ། འཛམ་གླིང་ལ་སྣ་མང་དང་ཡིད་དབང་འཕྲོག་པའི་དྭངས་གཙང་དཀར་མཛེས་ཤིག་མངོན་པར་བྱས་ཡོད། ཅི་ལིན་ཞིང་ཆེན་རིག་གནས་དང་ཡུལ་སྐོར་ཐིང་དང་། སི་ཁྲོན་ཞིང་ཆེན་རིག་གནས་དང་ཡུལ་སྐོར་ཐིང་དང་། ཚོང་དོན་ཐིང་། ལུས་རྩལ་ཅུས་སོགས་འབྲེལ་ཡོད་ཞིང་ཆེན་རིམ་པའི་སྡེ་ཁག་དང་། དེ་བཞིན་ཀྲེ་ཅང་དང་ཅང་སུའུ། ཧུའུ་ནན། ཁྲུང་ཆིང་སོགས་ཀྱི་སྒེར་འཁོར་བཏང་ནས་ཡུལ་སྐོར་འགྲོ་བའི་མཐུན་ཚོགས། སི་ཁྲོན་དང་ཁྲུང་ཆིང་ས་གནས་གཉིས་ཀྱི་ཡུལ་སྐོར་ལས་དོན་ཁང་དང་ཡུལ་སྐོར་མ་འཇོག་ཚོང་པ། དེ་བཞིན་དྲ་གྲགས་སོགས་མི་300ཙམ་ཐེངས་འདིའི་འོས་སྦྱོར་ཚོགས་འདུར་ཞུགས་ཡོད། དཀར་མཛེས་ཁུལ་ཨུད་ཀྱི་ཧྲུའུ་ཅི་ཧྲེན་དབྱང་གིས་ཁུལ་ཨུད་དང་ཁུལ་སྲིད་གཞུང་གི་ཚབ་ཞུས་ནས་འོས་སྦྱོར་ཚོགས་འདུར་ཞུགས་མཁན་ཕྱོགས་ཁག་གི་སྐུ་མགྲོན་ལ་དགའ་བསུ་ཞུས་པ་དང་། དཀར་མཛེས་ཀྱི་གོང་འཕེལ་ལ་དོ་ཁུར་དང་རྒྱབ་སྐྱོར་བྱེད་མཁན་ལས་རིགས་ཁག་གི་མི་སྣ་ཡོངས་ལ་ཐུགས་རྗེ་ཆེ་ཞུས་པ་དང་འབྲེལ་དཀར་མཛེས་ཁུལ་གྱི་གཞི་རྩའི་གནས་ཚུལ་ངོ་སྤྲོད་མདོར་བསྡུས་གནང་ཡོད། ཁོང་གིས། དཀར་མཛེས་ཁུལ་ནི་མཚོ་བོད་ས་མཐོའི་ཤར་ལྷོའི་མཐའ་མཚམས་དང་འཕྲེད་རྒྱུག་རི་བོའི་ལྟེ་བའི་ཁུལ་དུ་གནས་ཤིང་། མངའ་ཁོངས་རྒྱ་ཁྱོན་ལ་སྤྱི་ལེ་ངོས་གྲུ་ཁྲི་15.3ཟིན་པ་དེ་ནི་ཀྲུང་གོ་གསར་པས་བཙུགས་པའི་ཀྲོན་ཆུས་རིམ་པའི་གྲངས་ཉུང་མི་རིགས་ཀྱི་རང་སྐྱོང་ཁུལ་དང་པོ་དེ་ཡིན། ལྷག་བསམ་ཟོལ་མེད་ངང་ཚང་མ་དཀར་མཛེས་སུ་ཡུལ་སྐོར་དང་ལས་གཏོད་བྱེད་པར་ཡོང་བར་དགའ་བསུ་ཞུ་རྒྱུ་ཡིན་ཞེས་གསུངས་པ་རེད། ཚོགས་འདུའི་ཐོག དཀར་མཛེས་ཁུལ་ཨུད་ཀྱི་ཧྲུའུ་ཅི་གཞོན་པ། ཁུལ་དཔོན་ཧྥེང་ཧྥ་ཀུའེ་ཡིས་སི་ཁྲོན་གྱི་རི་རྒྱལ། གངས་དཀར་ཞལ་སྟོང་ཞེས་པ་བརྗོད་གཙོར་བྱེད་པའི་འོས་སྦྱོར་གནང་བ་དང་། གངས་དཀར་རི་བོའི་བརྗིད་ཆགས་མཛེས་སྡུག་ལྡན་པའི་རང་བྱུང་མཛེས་ལྗོངས་དང་སྣ་མང་རིག་གནས་ཀྱི་ཡིད་དབང་འཕྲོག་ཤུགས་ཕྱོགས་ཡོངས་ནས་གསལ་སྟོན་གནང་ཡོད། དེ་རྗེས་སི་ཁྲོན་གྱི་རི་རྒྱལ། གངས་དཀར་ཞལ་སྟོང་ཞེས་པའི་ཡུལ་སྐོར་འོས་སྦྱོར་པ་བརྒྱ་ལྷག་གིས་མཉམ་དུ་བཏོད་པའི་ང་གངས་དཀར་དུ་ཡོད། ཁྱེད་གང་དུ་ཡོད་དམ་ཞེས་པའི་བརྙན་ཐུང་འགྲེམས་སྟོན་བྱས་ཏེ། འོས་སྦྱོར་ཚོགས་འདུའི་མཚར་སྡུག་དང་སྤྲོ་སྣང་སླར་ཡང་མངོན་པར་བྱས་ཡོད། དཀར་མཛེས་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ། དཀར་མཛེས་ཁུལ་རིག་གནས་རླུང་འཕྲིན་བརྙན་འཕྲིན་ཡུལ་སྐོར་ཅུས་ཀྱི་ཅུས་ཀྲང་ལིའུ་ཧུང་གིས་དཀར་མཛེས་ཁུལ་གྱིས་ཆེད་མངག་བཙུགས་པའི་སྨྱན་སྦྱོར་གསར་པའི་དྲ་གྲགས་ཀྱིས་རིག་གནས་ཡུལ་སྐོར་དྲིལ་བསྒྲགས་ཐད་གཏོང་བྱེད་པའི་བྱ་དགའ་སྒོར་ཁྲི་300ཡི་གཟེངས་བསྟོད་སྤྲོད་ཐབས་ཐད་ངོ་སྤྲོད་གནང་ཡོད། ཚོགས་འདུའི་ཐོག དཀར་མཛེས་བོད་རིགས་རང་སྐྱོང་ཁུལ་མི་དམངས་སྲིད་གཞུང་དང་ཅི་ལིན་ཞིང་ཆེན་རིག་གནས་ཡུལ་སྐོར་ཐིང་བར་འཐབ་ཇུས་མཉམ་ལས་ཀྱི་གྲོས་ཆོད་ལ་མིང་རྟགས་བཀོད་ཡོད། ད་ཐེངས་ཀྱི་སི་ཁྲོན་གྱི་རི་རྒྱལ། གངས་དཀར་ཞལ་སྟོང་ཞེས་པའི་འོས་སྦྱོར་ཚོགས་འདུའི་ཐོག་གན་རྒྱ་བཞག་པའི་རྣམ་གྲངས་13ཡོད་པ་དང་གྲོས་ཆོད་བྱུང་བའི་སྤྱིའི་མ་འཇོག་སྒོར་དུང་ཕྱུར་48.96ཟིན་ཡོད། དེའི་ཁྲོད་ཡུལ་དངོས་སུ་གན་རྒྱ་བཞག་པའི་རྣམ་གྲངས་6ཡོད་པ་དང་གྲོས་ཆོད་བྱུང་བའི་སྤྱིའི་མ་འཇོག་ཁྱོན་སྒོར་དུང་ཕྱུར་11.02ཟིན་ཡོད། འོས་སྦྱོར་ཚོགས་འདུའི་ཡུལ་དངོས་སུ་ད་དུང་སྐྱེ་ལྡན་ཁུལ། དཀར་མཛེས་ཀྱི་བྲོ་བ་ཞེས་པས་བརྗོད་གཙོ་བྱས་པའི་སྤུས་རྟགས་ཉམས་ལེན་ཁུལ་བཙུགས་ཡོད་པ་དང་། གངས་འདབས་ཀྱི་འབྲོག་ར་ལས་ཐོན་པའི་ཚགས་ཤ་དང་། ཆར་ནགས་སྦས་ཡུལ་གྱི་བེའུ་ཤ ས་མཐོའི་ཉི་འོད་འོག་སྨིན་པའི་ནས་ཀྱི་ཐོན་རྫས་སོགས་སྐྱེ་ལྡན་བཟའ་བཅའ་མྱོང་རོལ་བྱེད་ཆོག་ཁར། ད་དུང་“གདོད་མའི་འབྱུང་ཁམས་རྟེན་རྫས་བཤམ་མཛོད་ཁང་”ཞེས་པའི་རྣམ་པའི་ཐོག་ནས་མངོན་མིན་རིག་གནས་ཤུལ་བཞག་རྒྱུན་འཛིན་པའི་ལག་ཤེས་བརྩམས་ཆོས་འགྲེམས་སྟོན་བྱས་ཡོད།

གནས་མཆོག་ཁྲི་ཀའི་ཁམ་སྡོང་གི་མེ་ཏོག ཉེ་ཆར། མཚོ་སྔོན་ཞིང་ཆེན་མཚོ་ཤར་གྲོང་ཁྱེར་ཡ་རྫི་ས་ལར་རིགས་རང་སྐྱོང་རྫོང་ཅི་ཧྲི་གྲོང་རྡལ་ཀ་པེད་ལེགས་གྲོང་ཚོའི་ཁམ་བུའི་མེ་ཏོག་རབ་ཏུ་བཞད་དེ་ཡུལ་སྐོར་བའི་ཡིད་དབང་བཀུག་ཡོད་པ་རེད།རྩོམ་སྒྲིག་པ། རིག་གྲོལ།

མཁའ་དབྱིངས་ནས་པར་བརྒྱབ་པའི་ཡར་ཉང་རྒྱལ་ཁབ་འདམ་རའི་སྤྱི་གླིང་།ཡུལ་སྐོར་བས་ཡར་ཉང་རྒྱལ་ཁབ་འདམ་རའི་སྤྱི་གླིང་གི་ལྗོངས་གཟིགས་སྒང་དུ་དྲན་རྟེན་པར་རྒྱག་བཞིན་པ།ཡར་ཉང་རྒྱལ་ཁབ་འདམ་རའི་སྤྱི་གླིང་གི་མཛེས་ལྗོངས། བོད་ལྗོངས་ཉིང་ཁྲིའི་ཁམ་བུའི་མེ་ཏོག་དུས་ཆེན་དང་ཏག་ཏག་འཁེལ་བས། བོད་ལྗོངས་ཀྱི་ཡར་ཉང་འདམ་རའི་སྤྱི་གླིང་དུ་ཡུལ་སྐོར་བ་མང་པོ་སླེབས་ཡོད་པ་རེད། རྒྱ་མཚོའི་ངོས་ལས་ཆ་སྙོམས་ས་བབ་མཐོ་ཚད་སྨི་2920ཟིན་པའི་བོད་ལྗོངས་ཀྱི་ཡར་ཉང་རྒྱལ་ཁབ་འདམ་རའི་སྤྱི་གླིང་གི་སྤྱིའི་རྒྱ་ཁྱོན་ལ་སྤྱི་ཆིང་8738ཡོད་པའི་ནང་འདམ་ར་ཁག་གི་རྒྱ་ཁྱོན་ལ་སྤྱི་ཆིང་5373.10ཡོད་པ་དེར་ཆུ་འབེལ་བ་དང་། སྐྱེ་དངོས་སྣ་མང་རང་བཞིན་ཕུན་སུམ་ཚོགས་པ། སྲོག་ཆགས་དང་རྩི་ཤིང་གི་རིགས་ཧ་ཅང་མང་པོ་ཡོད་པ་རེད། ཉེ་བའི་ལོ་ཤས་རིང་། རྒྱལ་ཁབ་ཀྱིས་རིམ་རྩིས་བརྒྱབ་ན་མ་དངུལ་སྒོར་དུང་ཕྱུར་1.76བཏང་ནས་ཡར་ཉང་རྒྱལ་ཁབ་འདམ་རའི་སྤྱི་གླིང་གི་རྨང་གཞིའི་སྒྲིག་བཀོད་འཛུགས་སྐྲུན་དང་། སྐྱེ་ཁམས་ཉམས་གསོའི་ལས་གྲྭ ཚན་རིག་ཁྱབ་གདལ་དྲིལ་བསྒྲགས་སློབ་གསོ། ཚན་ཞིབ་སྐྱེ་ཁམས་ལྟ་ཞིབ་ཚད་ལེན། སྲུང་སྐྱོང་སྐོར་སྲུང་ཞིབ་བཤེར་སོགས་ཀྱི་ལས་དོན་སྤེལ་བ་རེད། མིག་སྔར། འདམ་རའི་དོ་དམ་སྲུང་སྐྱོང་བ་70ཡིས་རྒྱུན་རྣམ་ཅན་གྱི་སྒོ་ནས་སྐོར་སྲུང་ལས་དོན་སྤེལ་ཏེ་སྐྱེ་ཁམས་སྲུང་སྐྱོང་དང་ཡུལ་སྐོར་འཕེལ་རྒྱས་དོ་སྙོམས་ཡོང་བའི་འགན་ལེན་བྱེད་ཀྱི་ཡོད། ཡུལ་སྐོར་བ་ཚོས་དེ་གར་གངས་རི་དང་ཁམ་བུའི་མེ་ཏོག་ཕན་ཚུན་གཅིག་ལ་གཅིག་འགྲན་གྱི་མཛེས་ལྗོངས་ལ་མྱོང་རོལ་བྱེད་ཐུབ་ལ། ས་མཐོའི་འདམ་རའི་སྐྱེ་དངོས་སྣ་མང་རང་བཞིན་གྱི་ཡིད་དབང་འཕྲོག་ཤུགས་ཀྱང་མྱོང་ཚོར་ཐུབ་ཀྱི་ཡོད། 2024ལོར་འདམ་རའི་སྤྱི་གླིང་གིས་ཡུལ་སྐོར་བ་མི་ཐེངས་ཁྲི་22.3ལ་སྣེ་ལེན་ཞུས་པར་ཡུལ་སྐོར་ཡོང་འབབ་སྒོར་ཁྲི་2151བྱུང་ཡོད།རྩོམ་སྒྲིག་པ། རིག་གྲོལ།

ཧེ་ཏུའུ་ཧྲན་རི་བོ་ནི་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་ཁུལ་མོང་ཡ་གྲོང་ཁྱེར་ལང་ཧུའུ་གྲོང་རྡལ་དུ་གནས་པ་དང་། དེ་ནི་རང་བྱུང་གི་སྣག་རིས་ཤིག་བྱེ་ཐང་དུ་བཀྲམས་དང་འདྲ། ཧེ་ཏུའུ་ཧྲན་རི་བོ་ཆགས་སྟངས་ནི་ལོ་ངོ་ཁྲི་སྟོང་གི་ས་གཤིས་འཕོ་འགྱུར་དང་རླུང་ཟད་བྱས་ནས་བྱུང་བ་རེད། ལྕགས་མཱན་སོགས་གཏེར་རྫས་འདུས་པའི་བྲག་རྡོ་ནི་ལོ་ཟླའི་ཞུན་བརྡར་འོག་ཏུ་རིམ་བཞིན་མདོག་ནག་པོ་མངོན་པས། མཐའ་འཁོར་གྱི་ཁོར་ཡུག་དང་མངོན་གསལ་དོད་པོར་གྱུར་ཡོད། དེའི་ཐུན་མོང་མ་ཡིན་པའི་ཡ་ཏན་ནག་པོའི་ས་དབྱིབས་ལ་མི་རྣམས་ཀྱིས་“མི་ཡུལ་གྱི་ཟླ་བའི་གོ་ལ་”ཞེས་བསྔགས་བརྗོད་བྱེད་ཀྱི་ཡོད།

མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཟླ་4ཚེས་12ཉིན་གྱི་ཆུ་ཚོད་10པ་ནས་བཟུང་2025ལོའི་མཚོ་སྔོན་ཞིང་ཆེན་གྱི་རིག་གནས་དང་ཡུལ་སྐོར་གྱི་འཛད་སྤྱོད་འཛིན་ཤོག་སྤྲོད་འགོ་ཚུགས་ཤིང་། མཐོ་ཤོས་ལ་སྒོར་1500ཡི་གཟིགས་སྐྱོང་ལོངས་སུ་སྤྱོད་ཆོག་གི་ཡོད་པ་རེད།གསར་འགོད་པས་མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིང་ནས་ཤེས་རྟོགས་བྱས་པར་གཞིགས་ན། མཚོ་སྔོན་ཞིང་ཆེན་གྱི་2025ལོའི་རིག་གནས་དང་ཡུལ་སྐོར་གྱི་འཛད་སྤྱོད་སྐུལ་འདེད་འཛིན་ཤོག་སྤྲོད་ཐེངས་དང་པོའི་དུས་ཚོད་ནི་2025ལོའི་ཟླ་4ཚེས་12ཉིན་གྱི་ཆུ་ཚོད་10:00ནས་ཟླ་5ཚེས་31ཉིན་གྱི་ཆུ་ཚོད་23:59:59བར་ཡིན་པ་རེད། མཚོ་སྔོན་གྱི་མཛེས་ལྗོངས་ཁུལ་གྱི་སྤ་སེའི་ཐོན་རྫས་ཐད། མངགས་ཐོའི་དངུལ་གྲངས་ཀྱི་བརྒྱ་ཆ་དྲུག་ཅུ་ལས་སྤྲོད་མི་དགོས་ཤིང་། མཐོ་ཤོས་ལ་སྒོར་200འཕྲལ་མར་གཅོག་པ་དང་། མཚོ་སྔོན་གྱི་ཡུལ་སྐོར་ལམ་ཐིག་རིགས་ཀྱི་ཐོན་རྫས་ཐད། འཛད་སྤྱོད་འཛིན་ཤོག་རིགས་དང་པོར་སྒོར་100ལོངས་ན་སྒོར་30གཅོག་པ། སྒོར་300ལོངས་ན་སྒོར་90གཅོག་པ། སྒོར་500ལོངས་ན་སྒོར་150གཅོག་པ། སྒོར་800ལོངས་ན་སྒོར་240གཅོག་པ། སྒོར་1000ལོངས་ན་སྒོར་300གཅོག་པ་མ་ཟད། འཛད་སྤྱོད་འཛིན་ཤོག་རིགས་གཉིས་པར་སྒོར་1500ལོངས་ན་སྒོར་450གཅོག་པ་དང་། སྒོར་2000ལོངས་ན་སྒོར་600གཅོག་པ། སྒོར་3000ལོངས་ན་སྒོར་900གཅོག་པ། སྒོར་4000ལོངས་ན་སྒོར་1200གཅོག་པ། སྒོར་5000ལོངས་ན་སྒོར་1500གཅོག་པ་བཅས་རེད།བྱེད་སྒོའི་རིང་། ཞེ་ཁྲེང་འགྲུལ་སྐྱོད་Appདང་གང་དུ་འགྲུལ་སྐྱོད་བྱེད་Appཁ་ཕྱེ་ནས་ཤོག་ངོས་དང་པོའི་འཚོལ་བཤེར་སྒྲོམ་གཞིའི་ནང“མཚོ་སྔོན་གྱི་རིག་གནས་དང་ཡུལ་སྐོར་གྱི་འཛད་སྤྱོད་འཛིན་ཤོག”འཚོལ་བཤེར་བྱས་ན་བྱེད་སྒོའི་དྲ་ངོས་ནས་འཛད་སྤྱོད་འཛིན་ཤོག་ལེན་ཐུབ། ཞེ་ཁྲེང་འགྲུལ་སྐྱོད་Appདང་གང་དུ་འགྲུལ་སྐྱོད་བྱེད་Appཁ་ཕྱེ་སྟེ་འཕྲིན་ལམ་ཁག་ནས་བྱེད་སྒོའི་ནང་ཞུགས་པའི་མཚོ་སྔོན་གྱི་རིག་གནས་དང་ཡུལ་སྐོར་གྱི་ཐོན་རྫས་འཚོལ་བཤེར་དང་། ཐོན་རྫས་ཀྱི་གནས་ཚུལ་ཞིབ་ཕྲའི་དྲ་ངོས་ནས་འཛིན་ཤོག་ལེན་པའམ་ཡང་ན་བྱེད་སྒོའི་ནང་ཞུགས་པའི་མཚོ་སྔོན་གྱི་རིག་གནས་དང་ཡུལ་སྐོར་གྱི་ཐོན་རྫས་ཐད་ཀར་མངག་ཉོ་བྱས་ཚེ། འཕྲལ་དུ་གཟིགས་སྐྱོང་ལོངས་སུ་སྤྱོད་ཐུབ་ཀྱི་ཡོད་པ་རེད། འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

ཉེ་ཆར། གསར་འགོད་པས་ཆབ་མདོ་གྲོང་ཁྱེར་གོ་འཇོ་རྫོང་རྩེ་པ་ཞང་ཤ་རུ་གྲོང་ཚོའི་ནགས་ཚལ་ཁུལ་དུ་ནགས་སྲུང་བ་འཆི་མེད་རྡོ་རྗེས་ལས་རོགས་དང་མཉམ་དུ་མངོན་མེད་རྐྱེན་ངན་ཐོན་སྲིད་པའི་ནགས་ཚལ་གྱི་ཁུག་ཀྱོག་ཚང་མར་ནན་ཏན་དང་ཞིབ་ཚགས་པའི་སྐོར་ཞིབ་བྱེད་བཞིན་ཡོད་པ་མཐོང་བྱུང་།གོ་འཇོ་རྫོང་རྩེ་པ་ཞང་འོད་ཐང་གྲོང་ཚོའི་ནགས་སྲུང་བས་འབྲོག་པར་ནགས་ཚལ་མེ་ཟོན་ཤེས་བྱ་དྲིལ་བསྒྲགས་བྱེད་བཞིན་པ།      ཤེས

ཀྲུང་གོ་བོད་ཀྱི་དྲ་བའི་འཕྲིན། ཟླ4པའི་ཚེས9ཉིན། གསར་འགོད་པས་ཡུས་ཧྲུའུ་བོད་རིགས་རང་སྐྱོང་ཁུལ་སྐྱེ་ཁམས་ཁོར་ཡུག་ཅུས་ནས་རྒྱུས་ལོན་པ་ལྟར་ན། ཡུས་ཧྲུའུ་ཁུལ་གྱིས་སྐྱེ་ཁམས་ཁོར་ཡུག་སྲུང་སྐྱོབ་ལྟ་སྐུལ་ཐད་བཏོན་པའི་གནད་དོན་བཅོས་སྒྲིག་བྱ་བར་ནུས་ཤུགས་ཡོད་རྒུས་སྐུལ་འདེད་བཏང་བ་མ་ཟད། དུས་སྐབས་རང་བཞིན་གྱི་གྲུབ་འབྲས་ཐོབ། མིག་སྔའི་བར། ཀྲུང་དབྱང་གི་རེས་སྐོར་གསུམ་པའི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་དེ་ཡུས་ཧྲུའུ་ཁུལ་གྱི་བཅོས་སྒྲིག་ལས་འགན་སྣ11ལ་འབྲེལ་བ་དང་། སྣ6ལེགས་འགྲུབ་བྱས་ལ། ལྷག་མའི་སྣ5དུས་སྐབས་ཀྱི་མྱུར་ཚད་དུ་སླེབས་ཡོད། ལྟ་ཞིབ་བྱེད་སྐབས་སུ་མང་ཚོགས་ཀྱིས་བཏོན་པའི་དོན་དངོས་དང་མཐུན་པའི་འཕྲིན་བཅར་གནད་དོན་སྣ14ཚང་མ་བསྒྲུབས་པ་དང་། ཞིང་ཆེན་རིམ་པས་སྤྲད་པའི་སྐྱེ་ཁམས་ཁོར་ཡུག་གི་འབུར་ཐོན་གནད་དོན་དང་དཔེ་མཚོན་གྱོད་གཞི་སྣ19ནུས་ཤུགས་ཡོད་རྒུས་བཅོས་སྒྲིག་བྱེད་པའི་སྒང་ཡིན།ཉེ་ལམ་ཁྱབ་བསྒྲགས་བྱས་པའི་མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཁྲིམས་འཛིན་དཔེ་མཚོན་གྱོད་གཞི་ལ་དམིགས་ནས། འབྲེལ་ཡོད་སྡེ་ཁག་དང་གྲོང་ཁྱེར། རྫོང་གིས་དུས་མཉམ་དུ་བཅོས་སྒྲིག་བྱ་བའི་ཆེད་དོན་ཚན་ཆུང་བཙུགས་ཏེ། མྱུར་དུ་ཚོགས་འདུ་བསྡུས་ནས་བཀོད་སྒྲིག་བྱས་པ་དང་། རུ་ཁག་གི་སྣེ་ཁྲིད་ནས་ཡུལ་དངོས་སུ་ཞིབ་དཔྱད་དང་སྒྲུབ་སྐུལ་ནན་མོ་བྱས། མིག་སྔའི“བཅོས་སྒྱུར”དང་ཡུན་རིང“འཛུགས་པ”མཉམ་དུ་གཙོ་བོར་འཛིན་རྒྱུ་རྒྱུན་འཁྱོངས་བྱས་ཏེ། དཔེ་མཚོན་གྱོད་དཔེ་ཁྲོད་ནས་བསླབ་བྱ་བསྡུ་ལེན་བྱེད་པ་དང་། རང་རྟོགས་སྒོས་བར་ཁྱད་དང་འབྱུང་རྩ་འཚོལ་བ། གནད་ལ་འཁེལ་བའི་བྱ་བའི་བྱེད་ཐབས་དང་འགན་འཁྲི་དྲག་པོ། ཕན་ནུས་མཐོ་བའི་མཐུན་སྦྱོར་གཞོགས་འདེགས་བྱེད་པ། ལྟ་སྐུལ་ཞིབ་བཤེར་ནན་མོ་བཅས་ལ་བརྟེན་ནས། ཁྲིམས་ལྟར་ཚན་རིག་དང་མཐུན་པའི་སྒོ་ནས་དཔེ་མཚོན་གྱོད་དཔེ་བཅོས་སྒྲིག་བྱེད་བཞིན་ཡོད་པའི་དུས་མཚུངས་སུ། ལམ་ལུགས་སྔར་ལས་འཐུས་ཚང་དུ་བཏང་ནས། གཙོ་གནད་ཁྱབ་ཁོངས་ལ་ཕྱོགས་ཡོངས་ནས་ཞིབ་བཤེར་བཅོས་སྒྲིག་བྱས་ཏེ། དམིགས་སའི་རང་བཞིན་ཆེ་བ་དང་བཀོལ་སྤྱོད་རང་བཞིན་ཆེ་བ། ཕན་ཚུན་ཆ་འགྲིག་ཡིན་པ་བཅས་ཀྱི་ཁོར་ཡུག་སྲུང་སྐྱོབ་ལམ་ལུགས་འཛུགས་པ་དང་འཐུས་ཚང་དུ་བཏང་སྟེ། ཆེས་གཟབ་ནན་གྱི་ལམ་ལུགས་དང་ཆེས་དམ་ཟབ་ཀྱི་ཁྲིམས་སྐྱོང་ལ་བརྟེན་ནས་སྐྱེ་ཁམས་སྲུང་སྐྱོབ་ཡག་པོ་བྱེད་པ་དང་། གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་ཡོལ་སྲ་བརྟན་དུ་གཏོང་རྒྱུ་རེད། །

འདི་ནི་ཁྲུང་ཁྲུང་སྐེ་ནག་ཡིན་པ།འདི་ནི་བྱ་རྒོད་ཡིན་པ།འདི་ནི་སྐྱར་མོ་རྐང་རིང་ཡིན་པ།འདི་ནི་དགོ་བ་ཡིན་པ།འདི་ནི་དབྱི་དཀར་ཡིན་པ། ཅའོ་ཧྲེང་ཧྥུའུ་ཡིས་པར་བརྒྱབ།འདི་ནི་བྱིའུ་སྔོ་སྐྱ་ཡིན་པ།འདི་ནི་སྦྲེ་ཡིན་པ། ཁྲེན་ཡུས་ཀྱིས་པར་བརྒྱབ།འདི་ནི་ཕུའུ་ཧྲི་དགོ་བ་ཡིན་པ།འདི་ནི་འབྲོང་ཡིན་པ། ཅའོ་ཧྲེང་ཧྥུའུ་ཡིས་པར་བརྒྱབ།འདི་ནི་གསའ་ཡིན་པ། ཅའོ་ཧྲེང་ཕུའུ་ཡིས་པར་བརྒྱབ།འདི་ནི་ཨ་བྱག་ཚེར་སྔོན་ཡིན་པ། ཤུའེ་ཧྲི་ལིན་གྱིས་པར་བརྒྱབ།འདི་ནི་ཆུ་སྐྱར་སྐྱ་བོ་ཡིན་པ།འདི་ནི་ངང་དཀར་ཡིན་པ།འདི་ནི་ཨ་ལ་ཧྲན་ལུག་རུ་སེར་པོ་ཡིན་པ། ཤུའེ་ཧྲི་ལིན་གྱིས་པར་བརྒྱབ།པར་གཞི་འདིའི་མིང་བཀོད་པའི་པར་ཕུད་དེ་བྱིངས་ཚང་མ་འདི་ག་ཚགས་པར་གྱི་གསར་འགོད་པ་ཝང་ཝེ་ཚའེ་ཡིས་པར་བརྒྱབ།མཚོ་སྔོན་གྱི་ཐུན་མོང་མ་ཡིན་པའི་ས་མཐོའི་ས་ཁམས་ཁོར་ཡུག་ནི་སྐྱེ་དངོས་སྣ་མང་རང་བཞིན་གྱི་སྐྱིད་པའི་ཞིང་ཁམས་ཡིན།ཉེ་ཆར“ཚེ་སྲོག་གི་བྱིའུ་ཚང”ཞེས་པའི་སྐྱེ་ཁམས་ཀྱི་ངོ་མཚར་ལ་མི་རྣམས་ཀྱི་དོ་ཁུར་ཆེན་པོ་ཐོབ་པ་དང་མི་དང་རང་བྱུང་ཁམས་ཞི་མཐུན་མཉམ་གནས་ཀྱི་མཛེས་སྡུག་ལྡན་པའི་རི་མོ་ཞིག་བཀོད་ཡོད།སྐྱེ་དངོས་ཕུན་སུམ་ཚོགས་པའི་ས་གཞི་འདིར་སྐམ་སའི་རི་སྐྱེས་སྲོག་ཆགས་རིགས་665འཚོ་སྡོད་བྱེད་པ་ལས་རྒྱལ་ཁབ་ཀྱི་རིམ་པ་དང་པོའི་གཙོ་གནད་སྲུང་སྐྱོང་སྲོག་ཆགས་རིགས་40ལྷག་ཙམ་ཡོད། ཀྲུང་གོའི་སྐམ་སའི་དབུས་ཁུལ་གྱི་ཚྭ་མཚོ་ཆེ་ཤོས་མཚོ་སྔོན་པོའི་མཐའ་འཁོར་དུ་རྩ་ཆེའི་དུས་བྱ་ངང་དཀར་དང་ཁྲུང་ཁྲུང་སྐེ་ནག་སོགས་ཀྱི་གྲངས་འབོར་ལོ་རེ་བཞིན་མང་དུ་འགྲོ་བཞིན་ཡོད་ཅིང་། ཡུལ་འདིས་འདབ་ཆགས་དེ་དག་ལ་ཕུན་སུམ་ཚོགས་པའི་ཟས་དང་ལྷིང་འཇགས་ཀྱི་ངལ་གསོ་ཡུལ་མཁོ་འདོན་བྱས་ཡོད།མཚོ་སྔོན་གྱིས་རྩ་ཆེའི་རི་སྐྱེས་སྲོག་ཆགས་དང་རྩི་ཤིང་ལས་གྲུབ་པའི་རྩ་ཆེའི་རང་བྱུང་མཛེས་ལྗོངས་དང་ཤུལ་བཞག་སྲུང་སྐྱོང་བྱས་ནས་སྐྱེ་ཁམས་མཛེས་སྡུག་གི་འོད་སྟོང་འཕྲོ་བའི་རྣམ་པར་བདེན་དཔང་བྱེད་ཀྱི་ཡོད། འདི་གར་ནི་ཚེ་སྲོག་གི་གནས་མཆོག་ཡིན་ཞིང་འདམ་རས་ས་གཞི་ཆེན་པོའི་སྐྱེ་འཕེལ་གྱི་གསོན་ཤུགས་འཕེལ་བ་དང་གནམ་གཤིས་ཀྱི་ཚ་གྲང་སྙོམས་ཀྱི་ཡོད་པས། ཆུ་བྱ་མང་པོ་ཞིག་གི་སྐྱེ་འཕེལ་གྱི་དགའ་ཚལ་དུ་གྱུར་ནས་རྩྭ་ཐང་དང་། ཆུ་མོ། འདམ་ར། ནགས་ཚལ། བྱེ་ཐང་བཅས་ཀྱི་སྐྱེ་ཁམས་མ་ལག་ཐུན་མོང་ཐོག་སྲུང་སྐྱོང་བྱེད་བཞིན་ཡོད། རྒྱ་ཆེ་བའི་ས་ཆ་འདིའི་སྟེང་དུ་གསའ་དང་དབྱི་སོགས་རི་སྐྱེས་སྲོག་ཆགས་དང་། ཕུའུ་ཧྲི་དགོ་བ་དང་འབྲོང་སོགས་རྩ་ཆེའི་སྲོག་ཆགས་ཅི་དགར་རོལ་བཞིན་ཡོད། དེ་དག་ནི་ཞིང་ཆེན་ཡོངས་ཀྱི་གོང་འོག་རིམ་ཁག་སྲིད་གཞུང་གིས་ཕྱོགས་བསྡུས་བཅོས་སྐྱོང་བྱས་པ་དང་རྒྱ་ཆེའི་ལས་བྱེད་པ་དང་མང་ཚོགས་ཀྱིས་བདག་སྐྱོང་ཞིབ་ཚགས་བྱས་ནས་སྐྱེ་དངོས་ཀྱི་ཁྱིམ་གཞིས་ལ་སྲུང་སྐྱོང་ཡག་པོ་བྱས་པའི་འབྲས་བུ་རེད།སྐྱེ་དངོས་སྣ་མང་ཞི་མཐུན་མཉམ་གནས་ཐུབ་ཅིང་། མཚོ་སྔོན་གྱིས་སྐྱེ་ཁམས་སྔོན་ལ་སྤེལ་བ་དང་ལྗང་མདོག་འཕེལ་རྒྱས་མཐའ་འཁྱོངས་བྱས་ཏེ་བྱ་སྤྱོད་དངོས་ལ་བརྟེན་ནས་རི་སྔོན་ཆུ་དྭངས་སྲུང་སྐྱོང་བྱེད་ཀྱི་ཡོད། ས་མཐོའི་སྟེང་སྐྱེ་སྟོབས་ཀྱི་དཔལ་འབར་བའི་ཚེ་སྲོག་འཕེལ་བའི་རྣམ་པ་མངོན་པ་དང་སྐྱེ་དངོས་སྣ་མང་རང་བཞིན་མུ་མཐུད་ཕུན་སུམ་ཚོགས་སུ་འགྲོ་བ་ནི་སྐྱེ་ཁམས་སྲུང་སྐྱོང་གི་འོད་སྟོང་འཕྲོ་བའི་ལེའུ་ཞིག་ཡིན་ལ། མི་དང་རང་བྱུང་ཁམས་ཞི་མཐུན་མཉམ་གནས་ཀྱི་མཚོན་ཚུལ་ངོ་མ་ཞིག་ཀྱང་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

ཟླ4ཚེས9ཉིན། གསར་འགོད་པས་ཡུས་ཧྲུའུ་བོད་རིགས་རང་སྐྱོང་ཁུལ་སྐྱེ་ཁམས་ཁོར་ཡུག་ཅུའུ་ནས་རྒྱུས་ལོན་པ་ལྟར་ན། ཡུས་ཧྲུའུ་ཁུལ་གྱིས་སྐྱེ་ཁམས་ཁོར་ཡུག་སྲུང་སྐྱོབ་ལྟ་སྐུལ་ཐད་བཏོན་པའི་གནད་དོན་བཅོས་སྒྲིག་བྱ་བར་ནུས་ཤུགས་ཡོད་རྒུས་སྐུལ་འདེད་བཏང་བ་མ་ཟད་དུས་རིམ་རང་བཞིན་གྱི་གྲུབ་འབྲས་ཀྱང་བླངས་ཡོད། མིག་སྔའི་བར། ཀྲུང་དབྱང་གི་རེས་སྐོར་གསུམ་པའི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་དེ་ཡུས་ཧྲུའུ་ཁུལ་གྱི་བཅོས་སྒྲིག་ལས་འགན་སྣ11ལ་འབྲེལ་བ་དང་། སྣ་དྲུག་ཡོངས་འགྲུབ་བྱས་ལ་ལྷག་མའི་སྣ་ལྔ་དུས་རིམ་གྱི་མྱུར་ཚད་དུ་སླེབས་ཡོད། ལྟ་ཞིབ་བྱེད་སྐབས་སུ་མང་ཚོགས་ཀྱིས་བཏོན་པའི་དོན་དངོས་དང་མཐུན་པའི་འཕྲིན་བཅར་གནད་དོན་སྣ14ཚང་མ་བསྒྲུབས་ཟིན། ཞིང་ཆེན་རིམ་པས་སྤྲད་པའི་སྐྱེ་ཁམས་ཁོར་ཡུག་གི་འབུར་ཐོན་གནད་དོན་དང་དཔེ་མཚོན་གྱོད་གཞི་སྣ19ནུས་ཤུགས་ཡོད་རྒུས་བཅོས་སྒྲིག་བྱེད་གཏོང་བཞིན་ཡོད།ཉེ་ལམ་ཁྱབ་བསྒྲགས་བྱས་པའི་མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཁྲིམས་འཛིན་དཔེ་མཚོན་གྱོད་གཞི་ལ་དམིགས་ནས། འབྲེལ་ཡོད་སྡེ་ཁག་དང་གྲོང་ཁྱེར། རྫོང་གིས་དུས་མཉམ་དུ་བཅོས་སྒྲིག་བྱ་བའི་ཆེད་དོན་ཚན་ཆུང་བཙུགས་ཏེ། མྱུར་དུ་ཚོགས་འདུ་བསྡུས་ནས་བཀོད་སྒྲིག་བྱས་པ་དང་། རུ་ཁག་གི་སྣེ་ཁྲིད་ནས་ཡུལ་དངོས་སུ་ཞིབ་དཔྱད་དང་སྒྲུབ་སྐུལ་ནན་མོ་བྱས། མིག་སྔའི་བཅོས་སྒྱུར་དང་ཡུན་རིང་འཛུགས་པ་མཉམ་འཇོག་བྱ་རྒྱུ་རྒྱུན་འཁྱོངས་བྱས་ཏེ། དཔེ་མཚོན་གྱོད་དཔེ་ཁྲོད་ནས་བསླབ་བྱ་བསྡུ་ལེན་བྱེད་པ་དང་། རང་རྟོགས་སྒོས་བར་ཁྱད་དང་འབྱུང་རྩ་འཚོལ་བ། གནད་ལ་འཁེལ་བའི་བྱ་བའི་བྱེད་ཐབས་དང་འགན་འཁྲི་དྲག་པོ། ཕན་ནུས་མཐོ་བའི་མཐུན་སྦྱོར་གཞོགས་འདེགས་བྱེད་པ། ལྟ་སྐུལ་ཞིབ་བཤེར་ནན་མོ་བཅས་ལ་བརྟེན་ནས། ཁྲིམས་ལྟར་ཚན་རིག་དང་མཐུན་པའི་སྒོ་ནས་དཔེ་མཚོན་གྱོད་དཔེ་བཅོས་སྒྲིག་བྱེད་བཞིན་ཡོད། དེ་དང་ཆབས་ཅིག ལམ་ལུགས་རྐྱེན་སྲོལ་སྔར་ལས་འཐུས་ཚང་དུ་བཏང་ནས། གཙོ་གནད་ཁྱབ་ཁོངས་ལ་ཕྱོགས་ཡོངས་ནས་ཞིབ་བཤེར་བཅོས་སྒྲིག་བྱས་ཏེ། དམིགས་སའི་རང་བཞིན་ཆེ་བ་དང་བཀོལ་སྤྱོད་རང་བཞིན་ཆེ་བ། ཕན་ཚུན་ཆ་ཚང་པོ་བཅས་ཀྱི་ཁོར་ཡུག་སྲུང་སྐྱོབ་ལམ་ལུགས་འཛུགས་པ་དང་འཐུས་ཚང་དུ་བཏང་སྟེ། ཆེས་གཟབ་ནན་གྱི་ལམ་ལུགས་དང་ཆེས་དམ་ཟབ་ཀྱི་ཁྲིམས་སྐྱོང་ལ་བརྟེན་ནས་སྐྱེ་ཁམས་སྲུང་སྐྱོབ་ཡག་པོ་བྱེད་པ་དང་། རྨ་འབྲི་རྫ་གསུམ་འབྱུང་ཡུལ་གྱི་སྐྱེ་ཁམས་སྲུང་ཡོལ་སྲ་བརྟན་དུ་གཏོང་བཞིན་ཡོད།ཤ་བོ་རིན་མཚོས་བསྒྱུར།

མདོ་ལ་རྫོང་གིས་སྦགས་བཙོག་འགོག་བཅོས་འགག་སྒྲོལ་གཡུལ་འཐབ་ལེགས་པོར་བརྒྱབ།ད་ལོའི་ཚུན་དུ། མདོ་ལ་རྫོང་གིས་ཀྲུང་དབྱང་དང་ཞིང་ཆེན། ཁུལ་གྱི་སྦགས་བཙོག་འགོག་བཅོས་འགག་སྒྲོལ་གཡུལ་འཐབ་ཀྱི་ཇུས་ཐག་བཀོད་སྒྲིག་གལ་ཆེན་མཐའ་གཅིག་ཏུ་ལག་བསྟར་གཏིང་ཟབ་བྱས། སྦགས་བཙོག་འགོག་བཅོས་འགག་སྒྲོལ་ཆབ་སྲིད་འགན་འཁྲི་བརྟན་པོར་འཁུར་ཞིང་སྦགས་བཙོག་འགོག་བཅོས་འགག་སྒྲོལ་གཏིང་ཟབ་ཏུ་སྐུལ་འདེད་བཏང་། གནད་ལ་འཁེལ་བའི་སྦགས་བཙོག་འགོག་བཅོས་དང་ཚན་རིག་དང་མཐུན་པའི་སྦགས་བཙོག་འགོག་བཅོས། ཁྲིམས་ལྟར་སྦགས་བཙོག་འགོག་བཅོས་རྒྱུན་འཁྱོངས་སྒོས་དངོས་འཛིན་དངོས་སྒྲུབ་དང་། ཁག་སེལ་འབད་བསྐྱོད་ཀྱིས་ཁོར་ཡུག་འབུར་ཐོན་གནད་དོན་བཅོས་སྒྲིག་དང་སྐྱེ་ཁམས་ཁོར་ཡུག་སྤུས་ཚད་ཁྱོན་ཡོངས་ནས་ཇེ་ལེགས་སུ་བཏང་། མཁའ་དབུགས་སྤུས་ཚད་ཁྱོན་ཡོངས་ནས་མཐོར་འདེགས་སུ་བཏང་། གཅིག་སྡུད་དྲོད་འདོན་ཁེ་ལས3གྱིས་རང་འགུལ་ལྟ་སྐུལ་སྒྲིག་ཆས་སྦྲེལ་དྲ་དང་སྦགས་བཙོག་འགོག་བཅོས་སྒྲིག་བཀོད་རིམ་སྤོར་ལས་དོན་ཡོངས་སུ་ལེགས་འགྲུབ་བྱུང་། སྤོ་འགུལ་ཁུངས་ཀྱི་ཁོར་ཡུག་དོ་དམ་ལས་དོན་བཀོད་གཏོང་འགན་འཁྲི་དུས་ལྟར་ལེགས་འགྲུབ་བྱས། རྫོང་ཡོངས་སུ“མཐོ་གཉིས”འཛུགས་སྐྲུན་ལས་གཞི་གསར་འཕར་བྱུང་མེད། གྲོང་ཁུལ་གཙོ་བོའི་བགྲོད་ལམ་ལ་འཕྲུལ་ཆས་ཅན་གྱི་ཆུ་བརླན་གཙང་འཕྱག་སོགས་རྡུལ་འཇགས་ལས་བྱ་མངོན་འགྱུར་བྱུང་། མཁའ་དབུགས་སྤུས་ཚད་ལེགས་པའི་ཉིན་གྲངས་བསྡུར་ཚད95%ལ་སླེབས་ཡོད། ཆུ་ཡི་སྤུས་ཚད་ནུས་ཤུགས་ཡོད་རྒུས་གཙང་མར་བཟོས། བཟོ་ལས་ཁེ་ལས་བཙོག་ཆུ་རླངས་འགྱུར་འབུད་གཏོང་གི་གྲལ་བཤེར་བཅོས་སྒྲིག་དང་བཟོ་ལས་གླིང་ཁུལ་ཆུ་བཙོག་འགོག་བཅོས་བཅོས་སྒྲིག་སོགས་ཆེད་དོན་བྱ་སྤྱོད་ཏན་ཏིག་གིས་སྤེལ། “རྨ་ཆུ་བཞུར་རྒྱུན་གྱི་བཙོག་སེལ་བྱ་སྤྱོད”དང་སྦྱར་ནས་འཁོར་སྐར་རྒྱང་ཚོར་དོགས་གནས2དང་གཏེར་མཇུག་མཛོད་ཀྱི་བྱུར་རྐྱེན་གནས3གྱི་གནད་དོན་གྲལ་བཤེར་བཅོས་སྒྲིག་ལས་དོན་ལེགས་འགྲུབ་བྱས། ས་ཁོངས་ནང་གི་བཞུར་རྒྱུན་གཙོ་བོ་བར་དམ་གཙང་བོ་དང་མུ་རི་ཆུ་སོགས་ཀྱི་ཁོངས་ཕྱིར་བཞུར་བའི་བཅད་ངོས་རིམ་པⅡཀྱི་ཚད་གཞིའི་ཡན་བརྟན་ལྷིང་བྱུང་། ས་ངོས་ཆུའི་ཆུ་སྤུས་ལེགས་པའི་བསྡུར་ཚད་དང་རྒྱལ་ཁབ་དཔྱད་ལེན། ཞིང་ཆེན་དཔྱད་ལེན་ཆུ་སྤུས་ཚད་ལོན་ཚད100%རུ་སླེབས་ཡོད། ས་གཤིས་ཧུར་ཐག་གིས་སྲུང་། ས་རྒྱུ་སྦགས་བཙོག་འགོག་བཅོས་ལས་དོན་ཏན་ཏིག་གིས་སྐུལ་འདེད་བཏང་ནས་གཏེར་མཇུག་མཛོད་ཀྱི་སྦགས་བཙོག་བྱུར་རྐྱེན་གྲལ་བཤེར་བཅོས་སྐྱོང་དང་རླངས་འཁོར་ཞིག་གསོ་ལས་རིགས་ཀྱི་ཉེན་ཁའི་དངོས་རྫས་ཆེད་དོན་ཞིབ་བཤེར་ནན་ཏན་གྱིས་སྤེལ། འཛུགས་སྐྲུན་བཀོལ་སའི་ས་རྒྱུ་སྦགས་བཙོག་ཉེན་ཁའི་དམ་སྡོམ་དང་འཛུལ་རུང་དོ་དམ་ལ་རྒྱུན་མཐུད་ཤུགས་བསྣན། ཞིང་ལས་ངོས་ཀྱི་བཙོག་ཁུངས་བཅོས་སྒྲིག་ལ་རྒྱུན་མཐུད་ཤུགས་བསྣན་ནས་ཞིང་ཆེན་རིམ་པའི་གཏན་འཁེལ་གྱི་སྒོ་ཕྱུགས་གསོ་སྤེལ་ར་བ7དང་རིགསⅠཁྱིམ་ཚང་ཕྱུགས་ར2ལ་ཡོངས་སུ་གནོད་མེད་ཅན་གྱི་ཐག་གཅོད་སྒྲིག་བཀོད་སྒྲིག་སྦྱོར་བྱས། གཞི་ཁྱོན་ཅན་གྱི་གསོ་སྤེལ་ར་བའི་སྒོ་ཕྱུགས་བཤང་ལུད་ཕྱོགས་བསྡུས་བེད་སྤྱོད་ཚད90%ལ་སླེབས་ཡོད།

ཀྲུང་གོ་བོད་ཀྱི་དྲ་བའི་འཕྲིན། ཟླ4པའི་ཚེས12ཉིན། གསར་འགོད་པས་སྐྱེ་ཁམས་ཁོར་ཡུག་ཐིང་ནས་ཤེས་གསལ་ལྟར་ན། སི་ཁྲོན་ཞིང་ཆེན་སྐྱེ་ཁམས་ཁོར་ཡུག་ཚན་རིག་ཞིབ་འཇུག་ཁང་དང་སྐུ་བླ་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་གྱི་ལས་དོན་མི་སྣས་ཉེ་ཆར་སྲུང་སྐྱོབ་ཁུལ་གྱི་འདམ་རར་སྐྱེ་ཁམས་ལྟ་ཞིབ་ཚད་ལེན་བྱེད་དུས། རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་སྲོག་ཆགས་སྟེ་ཁྲུང་ཁྲུང་སྐེ་ནག5གསར་དུ་མཐོང་། དེ་ནི་ཁྲུང་ཁྲུང་སྐེ་ནག་སྲུང་སྐྱོབ་ཁུལ་འདིའི་ནང་དུ་ཐོག་དང་པོར་བརྙན་དུ་བླངས་བའི་ཟིན་ཐོ་ཡིན།པར་ལེན་གནམ་གྲུས་བླངས་བའི་པར་རིས་ལྟར་ན། ཁྲུང་ཁྲུང་སྐེ་ནག་ལྔ་འདམ་རའི་སྲབ་གྲམ་ཁུལ་དུ་སྒེག་ཉམས་དོད་པོས་གོམ་པ་སྤོས་ནས་འཆམ་འཆམ་བྱེད་བཞིན་ཡོད་པ་དང་། མཚམས་རེར་མགོ་སྒུར་ནས་ཟས་འཚོལ་བཞིན་ཡོད་པ་དང་མཚམས་རེར་གཤོག་པ་བརྐྱངས་བཞིན་ཡོད། ཁྲུང་ཁྲུང་སྐེ་ནག་ནི་སའི་གོ་ལའི་ཁྲུང་ཁྲུང་རིགས་རྒྱུད15ཡོད་པའི་ཁྲོད་དུ་མཐོ་སྒང་གི་ཁྲུང་ཁྲུང་འབའ་ཞིག་ཡིན་པའི་ངོས་ནས“མཐོ་སྒང་སྐྱེ་ཁམས་མཛུབ་སྟོན་གྱི་སྐྱེ་དངོས”ཞེས་པའི་མཚན་སྙན་ཡོད་པ་དང་། རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་སྲོག་ཆགས་དང་འཛམ་གླིང་གི་རང་བྱུང་སྲུང་སྐྱོབ་མནའ་འབྲེལ་གྱི་འཇིག་ཉེའི་དངོས་རིགས་ཡིན། ད་ཐེངས་ཁྲུང་ཁྲུང་སྐེ་ནག་གི་ས་ངོས་བརྟག་དཔྱད་མཇུག་འབྲས་ཀྱིས་ས་ཁོངས་ཀྱི་སྐྱེ་དངོས་སྣ་མང་རང་བཞིན་གྱི་གཞི་གྲངས་མཛོད་ཁ་གསབ་འཐུས་ཚང་དུ་བཏང་བ་མ་ཟད། ཚད་ངེས་ཅན་ཞིག་གི་སྟེང་ནས་སྲུང་སྐྱོབ་ཁུལ་གྱིས་ཞིང་ཆེན་སྐྱེ་ཁམས་ཚན་རིག་གླིང་གི“རྨང་ལྔ་མཐུན་སྦྱོར་གྱི་སྐྱེ་ཁམས་ལྟ་ཞིབ་ཚད་ལེན་མ་ལག”སྤྱད་དེ་སྐྱེ་དངོས་སྣ་མང་རང་བཞིན་གྱི་ལྟ་ཞིབ་ཚད་ལེན་དང་སྲུང་སྐྱོབ་འཚོལ་ཞིབ་ལ་བསམ་ཕྱོགས་དང་ཁ་ཕྱོགས་མཁོ་འདོན་བྱས། ཞིང་ཆེན་སྐྱེ་ཁམས་ཚན་རིག་གླིང་གི་འབྲེལ་ཡོད་འགན་འཁུར་བས་རྒྱུན་མཐུད་ངང་ཚན་རྩལ་གསར་གཏོད་ལྟེ་བའི་སྒུལ་ཤུགས་སུ་བྱས་ནས། སྐྱེ་དངོས་ཀྱི་སྣ་མང་རང་བཞིན་གྱི་སྲུང་སྐྱོབ་ལ་སྔར་ལས་བློ་གྲོས་ལྡན་པའི་ལྟ་ཞིབ་ཚད་ལེན་མ་ལག་དང་། སྔར་ལས་གནད་ལ་འཁེལ་བའི་ཐེ་གཏོགས་ཇུས་གཞི། སྔར་ལས་སྒོ་འབྱེད་ཀྱི་ཚན་རིག་ཞིབ་འཇུག་མཉམ་ལས་བཅས་མཁོ་འདོན་བྱ་རྒྱུ་ཡིན་ཞེས་བཤད། །

བསྟུད་མར་ཉིན་འགར་ཁ་བ་བབས་པས། རོང་བོ་དགུ་ཆུའི་འགྲམ་གྱི་ལ་ལུང་ཚང་མ་དངུལ་དཀར་གྱིས་བརྒྱན་ཞིང་། མིག་གིས་མཐོང་ཚད་གངས་ཀྱིས་བསྡམས་ཡོད།ཟླ3པའི་ཚེས16ཉིན། རྨ་ཆུའི་ལྷོ་ཕྱོགས་སུ་གནས་པའི་རེབ་གོང་ཡུལ་གྱིས་ཡུན་རིང་དུ་འཕྲད་དཀའ་བའི་གནམ་གཤིས་བཟང་པོ་ཞིག་བསུས། དྲོད་ལམ་ལམ་གྱི་ཉི་འོད་ས་གཞིའི་སྟེང་འཕྲོས་པ་དང་བསྟུན་ནས་ལམ་འགྲམ་གྱི་ཁ་བ་རིམ་གྱིས་ཞུ་སྟེ། ས་གཞིའི་རང་མདངས་རིམ་གྱིས་མངོན།རྒྱལ་ལམ316པ་བརྒྱུད་དེ་ཤར་ཕྱོགས་སུ་སོང་བས་མགར་རྩེ་ཞང་དུ་ཐོན་པ་དང་། རླངས་འཁོར་གྱི་ཕྱི་རོལ་དུ་བལྟས་ན་ས་གཞི་ཇེ་ཡངས་ནས་ཇེ་ཡངས་སུ་འགྲོ་བ་མཐོང་ལ། རྒྱང་རིང་གི་རི་རྒྱུད་ཀྱང་རོང་བོ་དགུ་ཆུའི་འགྲམ་གྱི་རི་རྒྱུད་ལས་འདལ་འདལ་དུ་ཆགས་ཡོད་ལ། དེས་ང་ཚོ་འགྲོ་ས་སྟེ་ཕྱག་ལས་སྡེ་བ་དང་བར་ཐག་མི་རིང་བ་མཚོན།ཕྱག་ལས་སྡེ་བ་ནི་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་མགར་རྩེ་ཞང་གི་འབྲོག་སྡེ་ཞིག་རེད། ཡུལ་དེའི་འབྲོག་པ་རྣམས་ཀྱིས་མི་རབས་ནས་མི་རབས་སུ་རྩྭ་ཆུར་བསྙེགས་ནས་ཡུལ་ངེས་མེད་དུ་སྡོད་པའི་འཚོ་བ་རོལ་བཞིན་ཡོད།ཕྱག་ལས་སྡེ་བ་རྒྱལ་ལམ་དང་བར་ཐག་མི་རིང་བའི་སར་ཆགས་ཡོད་རུང་། སྡེ་བའི་མཚོན་རྟགས་མེད་ན་མཐའ་ཡས་པའི་དཀར་བོང་བོང་གི་ཡུལ་ཁམས་དེ་རུ་ཐར་ཐོར་ངང་ཆགས་ཡོད་པའི་སྡེ་བ་དེར་ཐོག་མར་ཡོང་མཁན་ཞིག་ཡིན་ཚེ་འགྲོ་མི་ཤེས་པ་ཁོ་ཐག་རེད།གྲོང་གསེབ་བགྲོད་ལམ་སྟེང་དུ་དུས་རྒྱུན་རྒྱུ་བཞིན་པའི་ཐུན་རིན་གྲོང་ཁྱེར་འགྲིམ་འགྲུལ་སྐྱེལ་འདྲེན་ཅུས་ཀྱི་བགྲོད་ལམ་ཞིག་གསོ་ལྟེ་གནས་ཀྱི་ཀྲུའུ་རེན་ལི་ཀོང་ཡའོ་ལ་མཚོན་ན། ཐུན་རིན་གྲོང་ཁྱེར་གྱི་ཕྱུགས་ལམ་དོག་མོ་རེ་རེ་དང་ཕུག་ཏུ་འཐེན་པའི་སྡེ་ལམ་རེ་རེ་ཁོ་ཚང་གི་ར་སྐོར་ལྟར་ཆ་རྒྱུས་ཡོད། ང་ཚོ་སྡོད་པའི་རླངས་འཁོར་ཁོས་བསྟན་པའི་ཁ་ཕྱོགས་དེད་དེ་བསྟུད་མར་ཐེངས་འགར་དཀྱོགས་རྗེས། ཐར་ཐོར་དུ་གནས་པའི་འབྲོག་སྡེ་དེ་དང་ཐག་མི་རིང་པའི་ས་ནས་བསྡད། ང་ཚོའི་རྐང་འོག་ནི་ཁོ་ཚོས་ཅང་མ་འགོར་བའི་ཡར་སྔོན་དུ་འབྲོག་པ་རྣམས་ལ་ལས་པའི་སྡེ་ལམ་གསར་པ་དེ་རེད།ལམ་དེ་ནི་ཁོད་མི་ཡངས་རུང་ངོས་ཧ་ཅང་སྙོམས་པའི་བྱེ་ལམ་ཞིག་ཡིན་ལ། སྔོན་ཆད་ཀྱི་བྱེ་ལམ་དང་བསྡུར་ན་ཁྱད་པར་ཆེན་པོ་ཡོད། "བྱེ་ལམ་འདིའི་རིགས་ལས་ན་མ་དངུལ་མང་པོ་མི་དགོས་ལ། ཞིག་གསོའང་བྱེད་སླ་བས། འདི་ལྟ་བུའི་མཐོ་སྒང་འབྲོག་ཁུལ་དུ་ཧ་ཅང་འཚམ"ཞེས་ཁ་བ་ཞུ་རྗེས་ནག་ཅིག་གེར་གནས་པའི་སྡེ་ལམ་གསར་པའི་སྟེང་དུ་འགྲེངས་ནས་ལི་ཀོང་ཡའོ་ཡིས་ལམ་དེའི་ཁྱད་ཆོས་ངོ་སྤྲོད་བྱས།"སྲོལ་རྒྱུན་བྱེ་ལམ་ལས་པ་དང་ཞིག་གསོ་བྱེད་པར་མ་དངུལ་མང་པོ་མི་དགོས་ནའང་། དུས་ཡུན་ཅུང་འགོར་རྗེས་སྐྱོན་ཆ་མང་པོ་ཐོན་ངེས་པས་དེའི་བཟང་ཆ་དང་སྐྱོན་ཆ་ཅུང་མངོན་གསལ་ཡིན་ཟེར་ན་ཆོག ལག་རྩལ་གསར་པ་འདི་བཀོལ་ན་མ་དངུལ་མང་པོ་གཏོང་མི་དགོས་ལ་སྦགས་བཙོག་ཀྱང་ཉུང་བའི་བཟང་ཆ་ཡོད་པར་མ་ཟད། ལམ་གྱི་འདང་ཚད་ཀྱང་མངོན་གསལ་གྱིས་ཡུན་རིང་དུ་བསྲིང་ཐུབ།"བྱེ་ལམ་དེ་རིགས་ལས་ན་ས་སྙོམས་རྗེས་དེའི་སྟེང་གི་རྡོ་སྲེག་ཞིབ་ཏུ་བསལ་དགོས་པ་དང་། ལམ་ངོས་སུ་གཅལ་བའི་བྱེ་མའི་རྒྱུ་སྤུས་དང་མཐུག་ཚད་ལ་ཞིབ་ཚགས་ཆེ། ལམ་ལས་པ་དང་ཞིག་གསོ་བྱེད་པར་ས་བབ་དང་བསྟུན་དགོས་ལ་དེའི་རྒྱུ་ཆ་ཚང་མ་ཡུལ་དེ་ནས་བླངས་ཆོག དེའི་ཐད་ཀྱི་འགྲོ་སྒོ་གཞུང་ལམ་སྲ་བསྒྱུར་གྱི་བཅུ་ཆའི་གཅིག་མ་གཏོགས་མི་དགོས་པས། ཞིག་གསོ་བྱེད་སླ་ཞིང་བརླག་དཀའ་བ། བཀོལ་ཡུན་རིང་བའི་ཁྱད་ཆོས་ལྡན་པས་འབྲོག་པ་རྣམས་ལ་ཡུན་རིང་དུ་ལམ་གྱི་ཆ་རྐྱེན་སྔར་བས་ལེགས་པོ་འདོན་སྤྲོད་བྱེད་ཐུབ།2024ལོའི་ཟླ10པར། མཐོ་སྒང་དམིགས་བསལ་ཡུལ་ཁོངས་ཀྱི་སྐྱེ་ཁམས་འཛུགས་སྐྲུན་ལག་རྩལ་ལས་གཞི་དུས་ལྟར་ཐོན་པས། ཐུན་རིན་གྲོང་ཁྱེར་ཞིང་སྡེ་འབྲོག་ཁུལ་གྱི་བྱེ་ལམ་སྤུས་འདེགས་བསྒྱུར་བཅོས་བཟོ་འགོད་དངོས་སུ་ལས་མགོ་བརྩམས། མདོ་བ་གྲོང་རྡལ་དང་མགར་རྩེ་ཞང་། ཆུ་ཁོག་ཞང་། བློན་ཆེ་ཞང་བཅས་ཀྱི་སྤྱིའི་རིང་ཚད་ལ་སྤྱི་ལེ190ལྷག་ཡོད་པའི་ལམ་མཚམས་དེ་སྒོར་ཁྲི285.8ཀྱིས་འགྲུབ་ཏུ་བཅུགམ་དངུལ་ལ་ཚད་བཀག་ཡོད་པས་བཟོ་འགོད་ལག་བསྟར་ཁྲོད་དུ་བསྐྱར་ལས་ཀྱི་ཆུད་ཟོས་གཏན་ནས་བྱུང་མི་རུང་། ཡང་དང་བསྐྱར་དུ་བགྲོ་གླེང་བྱས་རྗེས། མཐའ་མར་ས་བབ་ཅུང་སྙོམས་ལ་གྲོང་ཁྱེར་དང་བར་ཐག་ལྟོས་བཅས་ཀྱིས་ཉེ་བའི་ཕྱག་ལས་སྡེ་བ་ཐོག་མར་ལས་པའི་བཟོ་འགོད་ལ་གཏན་འཁེལ་བྱས།"ནམ་ཟླ་ཇེ་འཁྱགས་ནས་ཇེ་འཁྱགས་སུ་འགྲོ་བའི་དུས་ལ་ཁེལ་ཅིང་། གྲོང་ཁྱེར་ཡོངས་སུ་གཞུང་ལམ་བསྒྱུར་བཅོས་མཐོར་འདེགས་བྱེད་དགོས་པའི་ལམ་གྱི་རིང་ཚད་ལ་སྤྱི་ལེ190ཡོད་པས། ང་ཚོས་ལས་མགོ་བརྩམས་མ་ཐག་ནས་ཚང་མར་འཚུབ་ཆ་ལངས།"ལི་ཀོང་ཡའོ་ཡིས་བཤད་ན། ཉིན7གྱི་རིང་ལ་སྟོབས་ཤུགས་ཡོད་རྒུས་ལས་པས། མདོ་གསུམ་མདོ་ནས་ཕྱག་ལས་སྡེ་བའི་བར་གྱི་ལམ་ཐག་སྤྱི་ལེ11.8ཞིག་གསོ་བྱས་ཏེ་གསར་པར་བཏང་ཞིང་། བདེ་བླག་ངང་ཞིབ་བཤེར་རྩིས་ལེན་ཐོབ་པས། ཚང་མ་དགའ་སྤྲོ་ཆེན་པོ་སྐྱེས།བལྟས་ན་སྤྱིར་བཏང་གི་བྱེ་ལམ་ཞིག་ཡིན་རུང་། དེ་ནི་ཕྱག་ལས་སྡེ་བའི་སྡེ་མི་རྣམས་ཀྱི་ཐོན་སྐྱེད་འཚོ་བ་དང་སྦྲེལ་ཡོད།བྱེ་ལམ་ཤར་ངོགས་ཀྱི་གོམ་པ་གཉིས་ཀྱི་མཚམས་ནི་སྡེ་མི་རྡོ་རྗེ་སྐྱིད་ཚང་གི་དགུན་སའི་ལྕགས་ར་རེད། རླངས་འཁོར་ཕྱི་རོལ་ནས་བལྟས་ན་ཐག་མི་རིང་པའི་ལ་ངོས་སུ་ཁོ་ཚང་གི་སྡོད་ཁང་ཡོད་པ་མཐོང་ལ། དེའི་སྒོ་ཁར་རླངས་འཁོར་མཐོན་པོ་ཞིག་དང་འཕྲུལ་རྟ་གཉིས། ལག་སྐྱོར་འདྲུད་འཐེན་རླངས་འཁོར་གཅིག་བཅས་བཞག་ཡོད།བགྲོད་ལམ་ཞིག་གསོ་ལྟེ་གནས་ཀྱི་རླངས་འཁོར་ཡོང་བ་མཐོང་རྗེས། རྡོ་རྗེ་སྐྱིད་ཀྱིས་ལག་གི་ལས་ཀ་བསྐྱུར་ནས་དགའ་སྤྲོའི་ངང་ང་ཚོར་ཁམས་འདྲི་བྱས། 2024ལོའི་ཟླ10པར། མོ་དང་ཁྱིམ་མི་འཕྲུལ་རྟར་ཞོན་ཞིང་ནོར་ལུག་དབྱར་ས་ནས་འདི་གར་རུ་སྤར་རྗེས་ད་གཟོད་ཁོ་ཚང་གི་སྒོ་ཁའི་ལམ་དེ་གསར་པ་ཞིག་ཏུ་གྱུར་ཡོད་པ་མཐོང་།"ལོ་འདི་གའི་རིང་ལ་ཆར་ཆུ་མོད་པས་ལམ་འདིའི་སྟེང་བརྐོ་དོང་ཇེ་མང་དུ་གྱུར་ཡོད་པས། ང་ཚོ་ཕྱིར་འགྲོ་བ་དང་རུ་སྤོར་སྐབས་སྡུག་མི་ཉུང་བ་མྱོང་དགོས།"རྡོ་རྗེ་སྐྱིད་ཀྱིས་རྒྱང་དུ་གནས་པའི་ཁ་ཤར་འཁོར་གྱི་ལ་དེ་བསྟན་ནས་བཤད་རྒྱུར། དང་ཐོག་ཕྱུགས་ལམ་དོག་མོ་ཞིག་ལས་མེད་པས་ལ་གན་བསྐོར་ནས་གཞུང་ལམ་ཁར་འགྲོ་དགོས། རྗེས་སུ་བྱེ་ལམ་ཞིག་ལས་མོད་འོན་ཀྱང་རྒྱུན་དུ་བརྐོ་དོང་བྱུང་བ་དང་། དཔྱིད་ཀར་ས་རྡུལ་འཕྱུར་བ་རེད། ད་ལྟ་གསར་དུ་ལས་པའི་བྱེ་ལམ་འདི་ཡོད་ལ། བལྟས་ན་སྔོན་ཆད་ལས་ཤིན་ཏུ་བཟང་བས་སྡེ་མི་རྣམས་ཧ་ཅང་དགའ་ཡོད་ཟེར།དབུལ་ཐར་འགག་སྒྲོལ་བྱས་ཤིང་གྲོང་གསེབ་དར་སྤེལ་བཏང་བ་བརྒྱུད། གཏན་སྡོད་གནས་དང་ཕྱུགས་རའི་རྨང་གཞིའི་སྒྲིག་བཀོད་ཉིན་རེ་བཞིན་ཇེ་ལེགས་སུ་གྱུར་པ་དང་བསྟུན་ནས། ཕྱག་ལས་སྡེ་བའི་སྡེ་མི་རྣམས་ཀྱི་ཐོན་སྐྱེད་འཚོ་བར་སྔར་བྱུང་མ་མྱོང་བའི་འགྱུར་ལྡོག་བྱུང་བ་དང་། བགྲོད་ལམ་ལེགས་སྒྱུར་བྱས་པ་འདིས་འབྲོག་པ་རྣམས་ལ་རེ་འདུན་ཅི་ཞིག་སྩོལ་རྒྱུ་ཡིན་ནམ། །

གོ་འཇོ་རྫོང་རྩེ་པ་ཤང་འོད་ཐང་གྲོང་ཚོའི་ནགས་སྲུང་བས་འབྲོག་པར་ནགས་ཚལ་མེ་ཟོན་ཤེས་བྱ་དྲིལ་བསྒྲགས་བྱེད་བཞིན་པ།གོ་འཇོ་རྫོང་རྩེ་པ་ཤང་ཤ་རུ་གྲོང་ཚོའི་ནགས་སྲུང་བས་རྒྱང་ཤེལ་སྤྱད་དེ་ནགས་ཁུལ་ལ་ལྟ་ཞིབ་བྱེད་བཞིན་པ།གོ་འཇོ་རྫོང་རྩེ་པ་ཤང་གི་ནགས་ཁུལ་ཡིན་པ། ཉེ་ཆར། གསར་འགོད་པས་ཆབ་མདོ་གྲོང་ཁྱེར་གོ་འཇོ་རྫོང་རྩེ་པ་ཤང་ཤ་རུ་གྲོང་ཚོའི་ནགས་ཚལ་ཁུལ་དུ་ནགས་སྲུང་བ་འཆི་མེད་རྡོ་རྗེས་ལས་རོགས་དང་མཉམ་དུ་མངོན་མེད་རྐྱེན་ངན་ཐོན་སྲིད་པའི་ནགས་ཚལ་གྱི་ཁུག་ཀྱོག་ཚང་མར་ནན་ཏན་དང་ཞིབ་ཚགས་པའི་སྐོར་ཞིབ་བྱེད་བཞིན་ཡོད་པ་མཐོང་བྱུང་། ཤེས་རྟོགས་བྱུང་བར་གཞིགས་ན། གོ་འཇོ་རྫོང་གི་ནགས་སྲུང་བས་ཁུལ་དབྱེ་ནས་དྲ་མིག་ཅན་གྱི་དོ་དམ་འགན་འཁྲི་དོན་འཁྱོལ་བྱས་པ་བརྒྱུད། ནགས་སྲུང་བ་མི་རེ་ངོ་རེའི་འགན་འཁུར་ས་ཁོངས་ཁ་གསལ་བགོས་ཏེ་ནགས་ཚལ་དང་རྩྭ་ཐང་ཚང་མར་ཆེད་མངགས་སྲུང་སྐྱོང་བྱེད་མཁན་ཡོད་པར་བྱས་ཡོད། གོ་འཇོ་རྫོང་ནགས་ལས་དང་རྩྭ་ཐང་ལག་རྩལ་ཁྱབ་སྤེལ་ལྟེ་གནས་ཀྱི་ལས་རོགས་ལག་རྩལ་ཆེ་མོ་བ་བསོད་ནམས་ཡེ་ཤེས་ཀྱིས“མིག་སྔར་གོ་འཇོ་རྫོང་དུ་ནགས་སྲུང་བ་ཁྱོན་4608ཡོད་པ་དེ་དག་རྫོང་ཡོངས་ཀྱི་ས་ཕྱོགས་གང་སར་ཁྱབ་ཅིང་། ཁོང་ཚོས་བརྟན་སྲུང་དང་འབད་བརྩོན་བྱས་པ་བརྒྱུད། ཉེ་བའི་ལོ་ཤས་རིང་། གོ་འཇོ་རྫོང་གི་ནགས་ཚལ་དང་རྩྭ་ཐང་དུ་མེ་སྐྱོན་ཐོན་ཚད་ལོ་རེ་བཞིན་ཇེ་ཉུང་དུ་ཕྱིན་པ་དང་སྐྱེ་ཁམས་ཁོར་ཡུག་ཀྱང་རྒྱུན་མཐུད་ལེགས་སུ་ཕྱིན་ཡོད”ཅེས་བཤད།

སྤེལ་དུས 2025-04-15 རྩོམ་པ་པོ།

ཟླ4པའི་ཚེས10ཉིན་གྱི་སྔ་དྲོར། ནཱན་ཁྲོན་ཆུ་བོའི་འགྲམ་རྒྱུད་ཀྱི་སྡོང་བོ་འཛུགས་ས་རུ། ལས་བྱེད་མང་ཚོགས་སུམ་བརྒྱ་ལྷག་གིས་མཉམ་དུ་ས་སློག་པ་དང་ས་སྐྱོར་རྒྱག་པ། ཆུ་ལྡུག་པ་བཅས་བྱས་པ་དང་། ཚང་མས་ལས་བགོས་མཉམ་ལས་དང་ཕན་ཚུན་གཞོགས་འདེགས་བྱས་ཏེ། ཡུལ་དངོས་སུ་ཚ་ཚ་འུར་འུར་གྱི་ངལ་རྩོལ་རྣམ་པས་ཁེངས་འདུགཟླ4པའི་ཚེས10ཉིན་གྱི་སྔ་དྲོར། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝུའུ་ཞའོ་ཅུན་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལའོ་ཏུང་ཁྲོན། དེ་མིན་མགོན་པོ་བཀྲ་ཤིས་དང་ལིའུ་ཆི་ཧྥན་སོགས་ཞིང་ཆེན་གྱི་མགོ་ཁྲིད་རྣམས་ཟི་ལིང་གྲོང་ཁྱེར་མཁར་དཀྱིལ་ས་ཁུལ་ཡོན་པའོ་ཙི་བརླན་སའི་སྐྱེ་ཁམས་སླར་གསོ་དང་སྲུང་སྐྱོབ་ལས་གཞིའི་ཡུལ་དངོས་སུ་སོང་ནས། ལས་བྱེད་མང་ཚོགས་དང་མཉམ་དུ2025ལོའི་འོས་འགན་སྡོང་བཙུགས་བྱ་འགུལ་ལ་ཞུགས།དཔྱིད་དཔལ་རྒྱས་མགོ་བརྩམས་པ་དང་། སྡོང་འཛུགས་དུས་ལ་བབས་པས། ནཱན་ཁྲོན་ཆུ་བོའི་འགྲམ་རྒྱུད་ཀྱི་སྡོང་བོ་འཛུགས་ས་རུ། ཝུའུ་ཞའོ་ཅུན་དང་ལའོ་ཏུང་ཁྲོན་སོགས་ཞིང་ཆེན་གྱི་མགོ་ཁྲིད་དང་ལས་བྱེད་པ། མང་ཚོགས་སུམ་བརྒྱ་ལྷག་གིས་མཉམ་དུ་ས་སློག་པ་དང་ས་སྐྱོར་རྒྱག་པ། ཆུ་ལྡུག་པ་བཅས་བྱས་ཏེ། མཉམ་དུ་གསོམ་སྡོང་དང་ལྕང་མ། ཤིང་ཧེ་ཐང་། སྐྱུ་རུ་ར། ལི་ཤི་སོགས་སྡོང་རྐང་སྟོང་ལྷག་བཙུགས་པ་དང་། རྩྭ་འབྲུ་དང་ཡུག་ནག་སོགས་རྩྭ་རིགས་བཏབ་ནས། ཆུ་བོའི་འགྲམ་རྒྱུད་ལ་སྐྱེ་སྟོབས་གསར་བ་བསྣན། ཝུའུ་ཞའོ་ཅུན་གྱིས་ཡོན་པའོ་ཙི་བརླན་སའི་སྐྱེ་ཁམས་སླར་གསོ་དང་སྲུང་སྐྱོབ་ལས་གཞིའི་གནས་ཚུལ་ངོ་སྤྲོད་བྱས་པར་ཉན་རྗེས། ཁོས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་རྒྱལ་སའི་འོས་འགན་སྡོང་འཛུགས་བྱ་འགུལ་ལ་ཞུགས་སྐབས་ཀྱི་གསུང་བཤད་གལ་ཆེན་ལག་བསྟར་དོན་འཁྱོལ་བྱེད་ལ། རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི་འདུ་ཤེས་དམ་པོར་འཛིན་པ་དང་། ནཱན་ཁྲོན་ཆུ་བོ་དང་པེ་ཁྲོན་ཆུ་བོ། ཙོང་ཆུ་བཅས་འགྲམ་རྒྱུད་ཀྱི་ལྗང་འགྱུར་སྤུས་ཀ་དང་ལྟ་སྐོར་མཇུག་འབྲས་ཇེ་ལེགས་སུ་བཏང་ནས། ཡུལ་སྐོར་བའི་ངལ་གསོའི་སྒྲིག་ཆས་དང་གྲོང་ཁྱེར་གྱི་དལ་སྐྱོད་མ་ལག་འཐུས་ཚང་དུ་གཏོང་བ་དང་། ཡུལ་སྐོར་དང་བཟའ་བཏུང་། རིག་གནས་གསར་གཏོད་སོགས་ཀྱི་འཛད་སྤྱོད་རྣམ་པ་བསྐྲུན་ཏེ། མི་དམངས་མང་ཚོགས་ལ་ལྗང་མདོག་བདེ་སྐྱིད་སྔར་ལས་མང་པོ་ལོངས་སྤྱོད་བྱེད་དུ་འཇུག་དགོས།ཐེངས་འདིའི་སྡོང་འཛུགས་ཀྱིས་ཞིང་ཆེན་ཡོངས་ཀྱིས“ངས་བྱང་གསུམ་གྱི་ཆེད་དུ་སྡོང་འཛུགས་བྱེད་རྒྱུ་ཡིན”ཞེས་པའི་བྱ་འགུལ་སྤེལ་བར་འབོད་སྐུལ་བཏང་ནས། སྤྱི་ཚོགས་ལས་རིགས་སོ་སོ་ཧུར་ཐག་གིས་སྐྱེ་ཁམས་དཔལ་ཡོན་འཛུགས་སྐྲུན་ལ་ཞུགས་པར་ཁྲིད་སྟོན་བྱས་པ་དང་། ཡུལ་དངོས་ཀྱི་འོས་འགན་སྡོང་འཛུགས་དང་དྲ་ཐོག་ནས་དངུལ་སྒོར་དང་དངོས་པོ་ཞལ་འདེབས་རྒྱག་པ། སྡོང་བོ་འཛུགས་པ་སོགས་ཀྱི་བྱེད་ཐབས་བརྒྱུད་དེ་སྤྱི་ཚོགས་མཉམ་སྡེབ་ཟབ་ཞུགས་བྱེད་པར་ཤུགས་བསྣན་ཞིང་། ཕྱོགས་སོ་སོའི་སྟོབས་ཤུགས་གཅིག་སྡུད་སྒོས་འོས་འགན་སྡོང་འཛུགས་བྱ་འགུལ་རབ་དང་རིམ་པ་སྤེལ་བ་དང་། མི་ཚང་མ་ཞུགས་པ་དང་མཉམ་སྐྲུན་མཉམ་སྤྱོད་ཀྱི་སྣང་ཚུལ་ལེགས་པོ་བསྐྲུན་ནས། བྱང་གསུམ་ལས་གཞི་འཛུགས་སྐྲུན་བྱེད་པར་མཉམ་དུ་སྟོབས་ཤུགས་ཕུལ། རྩོམ་སྒྲིག་པ། མཁའ་འབུམ་རྒྱལ།

འདི་ནི་ཝེ་ཐེ་ནམ་གྱི་རྒྱལ་ས་ཧ་ནོ་དབྱི་རུ། ཐུང་ཀོང་རུང་དང་མོ་ཧྲོང་ཧྲོང(གཡས)“ཧ་ནོ་དབྱིའི་གླུ་དབྱངས”ཞེས་པའི་རྒྱལ་སྤྱིའི་མཉམ་ལས་ཚོགས་པའི་ནང་སྦྱོང་ནང་ཞུགས་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཀྲུའུ་ཝེ་ཡིས་པར་བླངས)ཝེ་ཐེ་ནམ་གྱི་རོལ་དབྱངས་ཁྱིམ་ཚང་དུ་སྐྱེས་པའི་ཐུང་ཀོང་རུང་ཆུང་དུས་རྟག་ཏུ་ཕ་དང་མཉམ་དུ་ཀྲུང་གོའི་དམངས་ཁྲོད་རོལ་དབྱངས་ཉན་གྱི་ཡོད། ཁོང་གིས་ལོ་བརྒྱད་ནས་གླིང་བ

འདི་ནི་འཇར་མན་གྱི་ཏུའུ་སའེ་ཨེར་ཏུའོ་ཧྥུའུ་རུ་མཉམ་གཞས་ཚོགས་པའི་ཁོངས་མིས་ཕེབས་སྐྱེལ་མཛད་སྒོར་དྲན་རྟེན་པར་རྒྱག་བཞིན་པ།འདི་ནི་འཇར་མན་གྱི་ཏུའུ་སའེ་ཨེར་ཏུའོ་ཧྥུའུ་རུ་འཇར་མན་གྱི་པོ་ལེ་རྒྱ་གཞས་མཉམ་གཞས་ཚོགས་པའི་ཁོངས་མི་ཨན་ནཱ·པུའུ་ལུའེ་མེ་ཁེ(རྒྱ་ཡིག་གི་མིང་ལ་པུའུ་ཧྲུའུ་ཁྲན་ཞེས་འབོད)ཡིས་བཅར་འདྲི་དང་ལེན་བྱེད་བཞིན་པ།འདི་ནི་འཇར་མན་གྱི་ཏུའུ་སའེ་ཨེར་ཏུའོ་ཧྥུའུ་རུ་ཏུའོ་ཐེ་མོང་ཏེ་གྲོང་ཁྱེར་གྱི་མཐོ་འབྲིང་སློབ་མ་གཡོད་ནཱ་སི·སྨི་ལེས་བཅར་འདྲི་དང་ལེན་བྱེད་བཞིན་པ།འདི་ནི་འཇར་མན་གྱི་ཏུའུ་སའེ་ཨེར་ཏུའོ་ཧྥུའུ་རུ་འཇར་མན་གྱི་པོ་ལེ་རྒྱ་གཞས་མཉམ་གཞས་ཚོགས་པའི་ཁོངས་མི་ཨན་ནཱ·པུའུ་ལུའེ་མེ་ཁེ(རྒྱ་ཡིག་གི་མིང་ལ་པུའུ་ཧྲུའུ་ཁྲན་ཞེས་འབོད)ཡིས་ཕེབས་སྐྱེལ་མཛད་སྒོར་གཏམ་བཤད་སྤེལ་བཞིན་པ།འདི་ནི་འཇར་མན་གྱི་ཏུའུ་སའེ་ཨེར་ཏུའོ་ཧྥུའུ་རུ་ཏུའོ་ཐེ་མོང་ཏེ་གྲོང་ཁྱེར་ནས་ཡིན་པའི་མཐོ་འབྲིང་སློབ་མ་གཡོད་ནཱ་སི·སྨི་ལེ་ཡིས་ཕེབས་སྐྱེལ་མཛད་སྒོར་གཏམ་བཤད་སྤེལ་བཞིན་པ།ཉིན་ཤས་གོང་། འཇར་མན་གྱི་པོ་ལེ་རྒྱ་གཞས་མཉམ་གཞས་ཚོགས་པའི་ཁོངས་མི་ཨན་ནཱ·པུའུ་ལུའེ་མེ་ཁེ(རྒྱ་ཡིག་གི་མིང་ལ་པུའུ་ཧྲུའུ་ཁྲན་ཞེས་འབོད)ཡིས་ཤིན་ཧྭ་གསར་འགྱུར་ཁང་གི་གསར་འགོད་པར་རང་ཉིད་ཀྱིས་སྦྱངས་མྱོང་བའི་ཀྲུང་གོའི་གླུ་གཞས་སྐོར་གླེང་སྐབས། “ང་ཀྲུང་གོའི་གླུ་གཞས《ཉ་ཆེན》ལ་དགའ་ཤོས་ཡིན། ལོ་ཤས་གོང་ང་ཐེངས་དང་པོ་ཁྲེང་ཏུའུ་རུ་འགྲོ་སྐབས། གྲོགས་པོ་ཀྲུང་གོ་བ་ཚོས་གཞས་དེ་བཏང་ནས་ང་ཚོར་བསུ་བ་ཞུས་བྱུང་བས་ངར་སེམས་འགུལ་ཚད་མེད་ཐེབས་བྱུང”ཞེས་བརྗོད།མཉམ་གཞས་ཚོགས་པས་དུས་ཡུན་གཟའ་འཁོར་གཉིས་རིང་སི་ཁྲོན་དང་ཁྲུང་ཆིང་དུ་སྐྱོད་རྩིས་བྱེད་སྐབས། ཏུའུ་སའེ་ཨེར་ཏུའོ་ཧྥུའུ་རུ་བཅའ་སྡོད་ཀྲུང་གོའི་སྤྱི་ཁྱབ་ཁེ་སྐྱོང་ལས་ཤག་ཏུ་ཀྲུང་གོར་སློབ་སྦྱོང་དུ་སྐྱོད་མཁན་ལ་སྐྱེལ་མ་བྱེད་པའི་མཛད་སྒོ་གཉེར་བ་དང་། མཉམ་གཞས་ཚོགས་པའི་དགེ་སློབ་དང་ཁྱིམ་བདག་40ལྷག་ཙམ་ལྷན་དུ་འཛོམས་ཡོད།མཛད་སྒོའི་ཐོག་པུའུ་ལུའེ་མེ་ཁེས་འཐུས་ཚབ་བྱས་པའི་མཉམ་གཞས་ཚོགས་པས་ཐུན་མོང་མ་ཡིན་པའི་འགྲུལ་བཞུད་ལམ་བུར་ཞུགས་རྒྱུ་རེད་ཅེས་བརྗོད་པ་དང་། ཁོང་གིས“ད་ཐེངས་ཀྱི་འགྲུལ་བཞུད་ལམ་བུ་དེས་ངོ་ཚོར་མཐོང་ཐོས་དང་མྱོང་རོལ་གསར་པ་ཐོབ་རྒྱུ་མ་ཟད། དེ་ནི་མཛའ་གྲོགས་དང་ཕན་ཚུན་བསམ་ཤེས་ཀྱི་གསོན་ཉམས་ལྡན་པའི་མཚོན་བྱེད་ཅིག་དེ་བས་ཡིན”ཞེས་བརྗོད། ཁོང་གིས་ད་དུང་ཐེངས་དང་པོ་ཀྲུང་གོར་འགྲོ་སྐབས་ཀྱི་འགྲུལ་བཞུད་མྱོང་བ་སེམས་ལ་ལྷང་ངེར་དྲན། ད་ཐེངས་ནི་ཁོ་མོ་ཀྲུང་གོར་སྐྱོད་ཐེངས་ལྔ་པ་དེ་ཡིན། ཀྲུང་གོར་ཡོང་སྐབས་ཁོ་མོ་ནང་ལ་ལོག་པ་ལྟར་གྱི་ཚོར་སྣང་ཞིག་ཡོང་གི་ཡོད་།ཏུའོ་ཐེ་མོང་ཏེ་གྲོང་ཁྱེར་ནས་ཡིན་པའི་མཐོ་འབྲིང་སློབ་མ་གཡོད་ནཱ་སི·སྨི་ལེ་ཡིས། “ངས་རྒྱ་ཡིག་སྦྱངས་ནས་ལོ་གཉིས་ཙམ་ཕྱིན་སོང་། ང་ཚོ་ད་ལྟ་ཡིད་ལ་ཐེངས་མང་འཆར་བའི་འགྲུལ་བཞུད་ཀྱི་ལམ་དུ་བསྐྱོད་པར་རེ་བས་ཁེངས་ཡོད། ང་དངོས་འབྲེལ་རྒྱ་ཡིག་གི་རྒྱལ་ཁབ་ཏུ་བསྐྱོད་དེ་སྔོན་ཆད་སྦྱངས་མྱོང་བའི་ཡི་གེ་དེ་དག་གི་བེད་སྤྱོད་ཐུབ”ཅེས་བརྗོད།ཁྲེང་ཏུའུ་ཡི་ཇ་ལོའི་དྲི་བསུང་ལྷང་ལྷང་འཐུལ་བའི་ཇ་ཁང་དང་། ཁྲུང་ཆིང་གི་མིག་འཁྲུལ་བའི་ལམ་ཟམ། གཙང་འགྲམ་དུ་འགྱིང་ངེར་གནས་པའི་ལེ་ཧྲན་བྱམས་ཆེན་སོགས་ཚང་མས་སྨི་ལེ་ལ་ཡ་མཚན་དང་ཤེས་འདོད་ཀྱི་བསམ་པ་ཞིག་ངང་གིས་སྐྱེས། “སི་ཁྲོན་གྱི་ཚལ་ལ་བྲོ་བ་ལྟ་རྒྱུ་ནི་འགྲན་སློང་ཞིག་ཡིན་ཞེས་གོ་མྱོང་ཡོད” སྨི་ལེ་ཡིས་ད་ཐེངས་ཀྱི་འགྲུལ་བཞུད་དེ་ལྟ་སྐོར་དང་ཞིམ་ཟས་ལ་མྱོང་རོལ་བྱེད་པ་ཙམ་མ་ཟད། སློབ་དེབ་ནང་འཁོད་མེད་པའི་ཀྲུང་གོ་ཤེས་རྟོགས་བྱེད་པའི་གོ་སྐབས་ཤིག་ཡིན་པའི་ངོས་འཛིན་བྱེད་ཀྱི་ཡོད།ཏུའུ་སའེ་ཨེར་ཏུའོ་ཧྥུའུ་རུ་བཅའ་སྡོད་ཀྲུང་གོའི་ལས་ཚབ་སྤྱི་ཁྱབ་ཁེ་སྐྱོང་བ་ཁྲང་ཧའེ་ཐའོ་ཡིས། འཇར་མན་གྱི་སློབ་ཕྲུག་ཚོས་ཀྲུང་གོའི་ལོ་ན་མཉམ་པའི་གྲོགས་པོ་དང་སྤེལ་རེས་བྱ་རྒྱུ་དང་། སློབ་གྲྭ་དང་སྡེ་ཁུལ་དུ་བསྐྱོད་པ། ས་གནས་དེ་གའི་ཞིམ་ཟས་ལ་མྱོང་རོལ་བྱེད་པ། ཐ་ན་སི་ཁྲོན་གྱི་ཡུལ་སྐད་འགའ་ཡང་སྦྱོང་རྒྱུ་རེད། མཉམ་འགུལ་དེ་དག་སློབ་གྲོགས་ཚོས་ཀྲུང་གོ་ངོ་མ་ཤེས་རྟོགས་བྱེད་པའི་ལྡེ་མིག་ལྟ་བུར་འགྱུར་རྒྱུ་རེད། མཉམ་གཞས་ཚོགས་པས་རང་ཉིད་ཀྱི་མཐོང་ཐོས་དག་འཇར་མན་དུ་ཁྱེར་ནས། ནང་མི་དང་གྲོགས་པོ་ཚོ་དང་གསོན་ཉམས་ལྡན་པའི་ཀྲུང་གོ་ཞིག་མཉམ་སྤྱོད་བྱ་རྒྱུའི་རེ་བ་བྱེད་ཀྱི་ཡོད་ལ། ད་ཐེངས་ཀྱི་འགྲུལ་བཞུད་དེས་སློབ་གྲོགས་ཚོའི་སེམས་དབུས་ཀྱི་རིག་གནས་ལས་སྒྲོལ་བའི་སྤེལ་རེས་བྱེད་པའི་དགའ་ཞེན་འཕེལ་བར་བྱས་ཏེ། ཕྱིས་སུ་ཀྲུང་གོ་དང་འཇར་མན་རྒྱལ་ཁབ་གཉིས་པོའི་མཉམ་ལས་ནང་དངོས་སུ་ཞུགས་མཁན་དང་སྐུལ་འདེད་པར་འགྱུར་བའི་རེ་བ་དེ་བས་ཀྱང་བྱེད་ཀྱི་ཡོད་ཅེས་བརྗོད།ཤེས་རྟོགས་བྱུང་བར་གཞིགས་ན། ད་ཐེངས་ཀྲུང་གོར་སློབ་སྦྱོང་དུ་འགྲོ་བའི་བྱེད་སྒོ་དེ་ན་གཞོན་ཕོ་ཉའི་སྤེལ་རེས་སློབ་སྦྱོང་འཆར་གཞི་ལྟར་སྤེལ་རྒྱུ་རེད། འཇར་མན་གྱི་སློབ་ཕྲུག་ཚོ་ཀྲུང་གོའི་མྱུར་བགྲོད་མེ་འཁོར་ལ་མྱོང་རོལ་དང་། ལྷོ་ནུབ་འགྲིམ་འགྲུལ་སློབ་ཆེན་དུ་བསྐྱོད་པ། ལེ་ཧྲན་བྱམས་ཆེན་སོགས་འཛམ་གླིང་ཤུལ་བཞག་རྩད་འཚོལ། དེ་བཞིན་ས་གནས་ས་ཐོག་ཏུ་དོམ་ཁྲ་སྲུང་སྐྱོང་དང་རྒྱུད་སྤེལ་ཀྱི་ལས་དོན་ལ་རྟོག་ཞིབ་སོགས་བྱ་རྒྱུ་ཡིན་པ་རེད།པོ་ལེ་རྒྱ་གཞས་མཉམ་གཞས་ཚོགས་པ་ནི་འཇར་མན་གྱིས་གཞོན་ནུ་ལོ་ཆུང་ལ་ཕྱོགས་ནས“གླུ་གཞས་བཏང་སྟེ་རྒྱ་ཡིག་སྦྱོང་བའི”བྱེད་སྒོ་སྤེལ་བའི་ཁེ་གཉེར་རང་བཞིན་མིན་པའི་སྤྱི་ཕན་སྒྲིག་གཞི་ཞིག་ཡིན་པ་དང་། ཀྲུང་གོ་དང་འཇར་མན་གྱི་དམངས་ཁྲོད་སྤེལ་རེས་ལ་སྐུལ་འདེད་གཏོང་རྒྱུ་རྩ་དོན་དུ་བྱས་ཏེ། སྐད་ཡིག་དང་རིག་གནས་ཁྱབ་ཁོངས་སུ་རྒྱལ་ཁབ་གཉིས་པོའི་མཛའ་གྲོགས་ཟབ་ཏུ་གཏོང་རྒྱུར་འབད་བརྩོན་བྱེད་བཞིན་ཡོད།(ཤིན་ཧྭ་གསར་འགྱུར་ཁང་འཇར་མན་གྱི་ཏུའུ་སའེ་ཨེར་ཏུའོ་ཧྥུའུ་གྲོང་ཁྱེར་ནས་འབྱོར་བའི་གློག་འཕྲིན) འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

རྒྱལ་ཁབ་གློག་བརྙན་ཅུས་ཀྱིས་གློག་བརྙན་ཐད་ཨ་རིས་ཀྲུང་གོར་སྤྲད་པའི་སྒོ་ཁྲལ་རིམ་སྤོར་ལ་ཁ་གཏད་གཅོག་རྒྱུའི་སྐོར་གསར་འགོད་པའི་དྲི་བར་ལན་བཏབ། ཉེ་ཆར་གསར་འགོད་པ་ཞིག་གིས་ཨ་རིས་ཀྲུང་གོར་སྒོ་ཁྲལ་སྣོན་བསྡུའི་དོན་དག་དེས་ཨ་རིའི་གློག་བརྙན་ནང་འདྲེན་ལ་ཤུགས་རྐྱེན་ཐེབས་མིན་སྐོར་གྱི་དྲིས་སྐབས། རྒྱལ་ཁབ་གློག་བརྙན་ཅུས་ཀྱི་མགྲིན་ཚབ་པས་བསྟན་དོན། ཨ་རི་སྲིད་གཞུང་གིས་ཀྲུང་གོར་སྒོ་ཁྲལ་གང་བྱུང་དུ་སྤྱོད་པའི་ནོར་འཁྲུལ་གྱི་བྱ་སྤྱོད་དེས་རྒྱལ་ནང་གི་ལྟད་མོ་བས་ཨ་རིའི་གློག་བརྙན་ལ་དགའ་པོ་བྱེད་ཚད་སྔར་བས་ཆུང་དུ་འགྲོ་ངེས་ཡིན། ང་ཚོས་ཁྲོམ་རའི་ཆོས་ཉིད་ལ་བརྩི་སྲུང་བྱེད་པ་དང་ལྟད་མོ་བའི་གདམ་ག་ལ་བརྩི་འཇོག་བྱས་ནས། ཨ་རིའི་གློག་བརྙན་ནང་འདྲེན་གྱི་གྲངས་འབོར་འོས་འཚམ་ཉུང་དུ་གཏོང་རྒྱུ་ཡིན། ཀྲུང་གོ་ནི་གོ་ལ་ཧྲིལ་པོའི་གློག་བརྙན་ཁྲོམ་ར་ཆེ་གྲས་གཉིས་པ་རེད། ང་ཚོས་ཐོག་མཐའ་བར་གསུམ་དུ་ཆུ་ཚད་མཐོ་བའི་སྒོ་ནས་ཕྱི་ཕྱོགས་སུ་སྒོ་འབྱེད་རྒྱུ་མཐའ་འཁྱོངས་བྱས་ནས་འཛམ་གླིང་གི་རྒྱལ་ཁབ་དེ་བས་མང་པོའི་གློག་བརྙན་ཕུལ་བྱུང་ནང་འདྲེན་བྱས་ཏེ་ཁྲོམ་རའི་དགོས་མཁོ་སྐོང་རྒྱུ་ཡིན།

ལ་ཐེ་ཝེ་ཡའི་འཁྲབ་ཁྲིད་པས་པར་ལེན་བྱས་པའི་གློག་བརྙན《ཞི་མིའི་ངོ་མཚར་གཏམ་རྒྱུད》ཅེས་པ་ཉེ་ཆར་ཀྲུང་གོར་བསྟན་ཞིང་། གློག་བརྙན་དེར་ཀྲུང་གོའི་དར་གོས་ལམ་བུའི་རྒྱལ་སྤྱིའི་གློག་བརྙན་དུས་ཆེན་སྐབས་བཅུ་གཅིག་པའི“གསེར་གྱི་དར་གོས་ལམ་བུའི་བྱ་དགའ”ཐོབ་པ་མ་ཟད། ཉེ་ཆར་ད་དུང་སྐབས་གོ་བདུན་པའི་ཨའོ་སི་ཁའི་འགུལ་རིས་གློག་བརྙན་ལེགས་ཤོས་ཀྱི་བྱ་དགའ་ཡང་ཐོབ་ཡོད། ལ་ཐེ་ཝེ་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཞིག་ཡིན་པའི་ངས་ལ་ཐེ་ཝེ་ཡའི་རྒྱལ་ས་རི་ཀིར་གློག་བརྙན་དེ་བལྟ་ཐུབ་པས་ཧ་ཅང་དགའ་པོ་བྱུང་།གློག་བརྙན་ནང་ཞི་མི་ཞིག་གིས་སྲོག་ཆགས་གཞན་དང་འགྲོགས་ནས་ཆུ་ལོག་ལས་གཡོལ་ཆེད་གྲུར་བསྡད་དེ་ཕན་ཚུན་རོགས་པ་བྱས་ཏེ་མཉམ་དུ་དཀའ་གནད་ལས་སྒྲོལ་བའི་གཏམ་རྒྱུད་བརྗོད་ཡོད། གཏམ་རྒྱུད་དེ་ལས་ངས་ཀྲུང་གོའི་སྲོལ་རྒྱུན་རིག་གནས་ཁྲོད་ཀྱི་ཕྱར་བ་གྲུ་འདེགས་ཀྱི་སྙིང་སྟོབས་ཡིད་ལ་དབང་མེད་དུ་དྲན་བྱུང་།“ཕྱར་བ་གྲུ་འདེགས”ནས“གོ་ལ་ཧྲིལ་པོས་ཕྱར་བ་གྲུ་འདེགས”བྱེད་པའི་བར་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ལས་ཀྲུང་གོས་འཛམ་གླིང་ལ་འཛིན་པའི་ལྟ་སྟངས་དང་རྒྱལ་སྤྱིའི་འབྲེལ་བ་ཐག་གཅོད་བྱེད་ཐབས་ཀྱི་བློ་སྒོ་ཕྱེ་ཡོད། ཞི་བདེ་མཉམ་གནས་ཀྱི་རྩ་དོན་དོན་ཚན་ལྔ་དར་སྤེལ་ཧུར་ཐག་གཏོང་མཁན་དང་བློ་བརྟན་འགྱུར་མེད་ཀྱི་ལག་ལེན་བྱེད་མཁན་ཞིག་ཡིན་པའི་ཀྲུང་གོས་བདག་དབང་དང་མངའ་ཁོངས་ཀྱི་ས་ཆ་ཆ་ཚང་ལ་ཕན་ཚུན་བརྩི་འཇོག་དང་། ཕན་ཚུན་བཙན་གནོད་མི་བྱེད་པ། ཕན་ཚུན་ནང་སྲིད་ལ་ཐེ་ཇུས་མི་བྱེད་པ། འདྲ་མཉམ་གཉིས་ཁེ། ཞི་བདེ་མཉམ་གནས་བཅས་ཐོག་མཐའ་བར་གསུམ་དུ་མཐའ་འཁྱོངས་བྱེད་ཀྱི་ཡོད། ཀྲུང་གོ་ཕྱོགས་ཀྱིས་རྒྱལ་ཁབ་ཁག་ཆེ་ཆུང་དང་། རྒྱལ་སྟོབས་ཆེ་ཆུང་། དབུལ་ཕྱུག་བཅས་གང་ཡིན་རུང་ཚང་མ་ནི་རྒྱལ་སྤྱིའི་སྤྱི་ཚོགས་ཀྱི་འདྲ་མཉམ་གྱི་ཁོངས་མི་ཞིག་ཡིན་པའི་ངོས་འཛིན་བྱེད་ཀྱི་ཡོད། ཀྲུའུ་ཞི་ཞི་ཅིན་ཕིང་གིས་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་བཏོན་གནང་ནས། འདྲ་མཉམ་དང་གོ་རིམ་ལྡན་པའི་འཛམ་གླིང་སྣེ་མང་ཅན་དང་སྤྱི་ཕན་བསྟུན་མཁས་ཀྱི་དཔལ་འབྱོར་གོ་ལ་ཧྲིལ་པོ་ཅན་དར་སྤེལ་བཏང་གནང་བ་དེ་ཐོག་ནས་གནམ་འོག་ཁྱིམ་ཚང་གཅིག་དང་ཕྱར་བ་གྲུ་འདེགས་ཀྱི་བློ་གྲོས་དང་ཁོག་རྒྱ་མངོན་ཡོད།“གོ་ལ་ཧྲིལ་པོས་ཕྱར་བ་གྲུ་འདེགས”བྱེད་པའི་སྙིང་སྟོབས་རྒྱུན་འཁྱོངས་བྱས་ནས་ཀྲུང་གོས་ཕྱོགས་ཁག་གིས་ཐུན་མོང་ཐོག་འཛམ་གླིང་གི་ཞི་བདེ་དང་བདེ་འཇགས་སྲུང་སྐྱོང་བྱ་རྒྱུ་དར་སྤེལ་བཏང་ཞིང་། ཀྲུང་གོས་བཏོན་པའི་གོ་ལ་ཧྲིལ་པོའི་བདེ་འཇགས་གྲོས་འགོས་མཉམ་འབྲེལ་རྒྱལ་ཚོགས་ཀྱི་རྩ་འཛིན་གྱི་དམིགས་ཡུལ་དང་རྩ་དོན་བསྲུངས་ནས་ཐུན་མོང་དང་། ཕྱོགས་བསྡུས། མཉམ་ལས། རྒྱུན་མཐུད་ཆོག་པ་བཅས་ཀྱི་བདེ་འཇགས་ལྟ་བ་གསར་པ་ལག་ལེན་བསྟར་རྒྱུ་དར་སྤེལ་བཏང་ཡོད། ཡུག་རེན་གྱི་ཉམས་ཉེན་ཐད་ཀྱི་ཀྲུང་གོའི་ལངས་ཕྱོགས་ཐོག་མཐའ་བར་གསུམ་དུ་ཁ་གསལ་ཡིན་པ་དང་། ཞི་བདེ་གང་མགྱོགས་མངོན་འགྱུར་བྱེད་པ་དང་འབྲེལ་ཆབ་སྲིད་ཀྱི་ཐབས་ལམ་བརྒྱུད་གདོང་ཐུག་ཐག་གཅོད་བྱ་རྒྱུ་དེ་ཕྱོགས་ཁག་ཚང་མའི་ཁེ་ཕན་དང་མཐུན་ཡོད། ཀྲུང་གོ་ཕྱོགས་ཀྱིས་ཐོག་མཐའ་བར་གསུམ་དུ་དྲང་གཞག་གི་ལངས་ཕྱོགས་རྒྱུན་འཁྱོངས་བྱས་ཏེ་ཞི་བའི་བྱེད་ཐབས་ལ་བརྟེན་ནས་གྲོས་མོལ་ལ་སྐུལ་འདེད་གཏོང་རྒྱུ་མཐའ་འཁྱོངས་ཀྱིས་དོ་སྙོམས་དང་། ནུས་ལྡན། རྒྱུན་མཐུད་ཆོག་པ་བཅས་ཀྱི་ཡོ་རོབ་ཀྱི་བདེ་འཇགས་སྒྲོམ་གཞི་འཛུགས་རྒྱུར་རྒྱབ་སྐྱོར་བྱེད་ཀྱི་ཡོད།“གོ་ལ་ཧྲིལ་པོས་ཕྱར་བ་གྲུ་འདེགས”བྱེད་པའི་སྙིང་སྟོབས་རྒྱུན་འཁྱོངས་བྱས་ནས་ཀྲུང་གོས་ཀྲུང་གོ་དང་ཡོ་རོབ་ཀྱི་འབྲེལ་བ་ལེགས་སུ་དང་མདུན་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་བཏང་ཞིང་། ད་ལོ་ནི་ཀྲུང་གོ་དང་ཡོ་རོབ་མནའ་འབྲེལ་དབར་ཕྱི་འབྲེལ་བཙུགས་ནས་ལོ་50འཁོར་བའི་ལོ་ཞིག་རེད། ཀྲུང་གོ་ཕྱོགས་ཀྱིས་ཀྲུང་གོ་དང་ཡོ་རོབ་ནི་དང་ཐོག་མཉམ་ལས་ཀྱི་རོགས་ཟླ་ཡིན་པ་དང་ཐུན་མོང་གི་ངོས་འཛིན་དེ་མི་མཐུན་པའི་ཆ་ལས་ཧ་ཅང་ཆེ་བ་ཡོད་པའི་ངོས་འཛིན་བྱེད་ཀྱི་ཡོད། ཀྲུང་གོ་དང་ཡོ་རོབ་ནི་ཚོང་དོན་རོགས་ཟླ་དང་མ་འཇོག་བྱ་ཡུལ་གཙོ་བོ་ཡིན། 2024ལོར་ཀྲུང་གོ་དང་ཡོ་རོབ་དབར་གྱི་ཚོང་དོན་དངུལ་འབོར་ཨ་སྒོར་དུང་ཕྱུར་7858ཟིན་པ་དང་ཕྱོགས་གཉིས་དབར་གྱི་མ་འཇོག་གསོག་ཚད་ཨ་སྒོར་དུང་ཕྱུར་2600ཟིན་ཡོད། ཀྲུང་གོ་དང་ཡོ་རོབ་ཀྱི་དུས་གཏན་མེ་འཁོར་གཏོང་ཚད་ཁྲི་10ལས་བརྒལ་ནས་ཨེ་ཤེ་ཡ་དང་ཡོ་རོབ་འབྲེལ་བའི་བགྲོད་ལམ་གལ་ཆེན་ཞིག་ཏུ་གྱུར་ཡོད། འཛམ་གླིང་གི་ཞི་བདེ་སྲུང་སྐྱོང་བྱེད་མཁན་གྱི་སྟོབས་ཤུགས་ཆེན་པོ་གཉིས་དང་། ཐུན་མོང་འཕེལ་རྒྱས་ལ་སྐུལ་འདེད་གཏོང་མཁན་གྱི་ཁྲོམ་ར་ཆེན་པོ་གཉིས། མིའི་རིགས་ཡར་ཐོན་ལ་སྐུལ་འདེད་གཏོང་མཁན་གྱི་ཤེས་དཔལ་ཆེན་པོ་གཉིས་བཅས་ཡིན་པའི་ཀྲུང་གོ་དང་ཡོ་རོབ་ཀྱི་འབྲེལ་བ་མདུན་སྐྱོད་ཡར་རྒྱས་ཀྱི་འཕེལ་ཕྱོགས་རྒྱུན་འཁྱོངས་ཐུབ་ཡོད་པ་དང་། གཉིས་ཁེ་གཉིས་ཕན་མཐའ་འཁྱོངས་བྱ་རྒྱུ་དེ་ཀྲུང་གོ་དང་ཡོ་རོབ་དང་དེ་བཞིན་རྒྱལ་སྤྱིའི་སྤྱི་ཚོགས་ཀྱི་ཐུན་མོང་ཁེ་ཕན་དང་མཐུན་ཡོད།མིག་སྔར། ཀྲུང་གོ་དང་ལ་ཐེ་ཝེ་ཡའི་འབྲེལ་བ་བརྟན་པོའི་ངང་འཕེལ་རྒྱས་ཕྱིན་ནས་འགྲོ་འོང་མཉམ་ལས་ལ་རྒྱུན་མཐུད་ངང་སྐུལ་མ་ཐེབས་ཡོད། གློག་བརྙན《ཞི་མིའི་ངོ་མཚར་གཏམ་རྒྱུད》ཀྲུང་གོར་བསྟན་པ་དེས་ཀྲུང་གོ་དང་། ལ་ཐེ་ཝེ་ཡ། ཡོ་རོབ་བཅས་འབྲེལ་མཐུད་བྱེད་པའི་མཛའ་གྲོགས་འབྲེལ་ཟམ་དུ་ལྟ་བུར་འགྱུར་རྒྱུ་རེད། ཀྲུང་གོ་དང་ཡོ་རོབ་སའི་གོ་ལ་གཅིག་ཏུ་གནས་པ་དང་གྲུ་གཟིངས་གཅིག་གི་ཐོག་ཡོད་པས་ཕྱི་འབྲེལ་འཛུགས་པའི་ཐོག་མའི་བསམ་འདུན་རྒྱུན་འཁྱོངས་དང་། འཐབ་ཇུས་འབྲེལ་གཏུག་ལ་ཤུགས་སྣོན་རྒྱག་པ། འཐབ་ཇུས་ཐད་ཀྱི་ཕན་ཚུན་ཡིད་ཆེས་ཟབ་ཏུ་གཏོང་བ། རོགས་ཟླའི་ངེས་གནས་མཐའ་འཁྱོངས་བཅས་བྱས་ཏེ་མཉམ་དུ་དེ་བས་མཛེས་སྡུག་ལྡན་པའི་འབྱུང་འགྱུར་གཏོད་དགོས།(རྩོམ་པ་པོ། ལ་ཐེ་ཝེ་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ།) འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

《རྐང་རྗེས5》ཅའོ་ཧྲེང་ཧྥུའུ་ཡིས་པར་བླངས།ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། རྒྱལ་སྤྱིའི་བརྙན་ལེན་སྐོར་སྐྱོད་འགྲན་བསྡུར་གྲགས་ཅན་ཏེ་འཇར་མན་གྱི་ས་གནས་བཞིའི་སྐོར་སྐྱོད་རྒྱལ་སྤྱིའི་བརྙན་ལེན་འགྲན་བསྡུར་ཆེན་པོའི་དཔྱད་འདེམས་མཇུག་འབྲས་ཁྱབ་བསྒྲགས་བྱས་པ་དང་། མདོ་ལ་རི་བོའི་རྒྱལ་ཁབ་སྤྱི་གླིང་གི་གན་རྒྱ་བཞག་པའི་དབུ་བཞུགས་བརྙན་ལེན་པ་ཅའོ་ཧྲེང་ཧྥུའུ་མིང་ཐོ་གྲས་སུ་ཚུད་འདུགཤེས་གསལ་ལྟར་ན། འཇར་མན་གྱི་ས་གནས་བཞིའི་སྐོར་སྐྱོད་རྒྱལ་སྤྱིའི་བརྙན་ལེན་འགྲན་བསྡུར་ཆེན་པོར“འཇར་མན་རྒྱལ་སྤྱིའི་བརླན་ལེན་རྟགས་མ”ཡང་ཟེར། འགྲན་བསྡུར་དེ་རྒྱལ་སྤྱིའི་བརྙན་ལེན་སྒྱུ་རྩལ་མཉམ་འབྲེལ་ལྷན་ཚོགས་དང་རྒྱལ་སྤྱིའི་བརྙན་ལེན་པའི་མནའ་འབྲེལ་ཚོགས་པ། འཇར་མན་བརྙན་ལེན་མཐུན་ཚོགས་བཅས་དབང་གྲགས་ལྡན་པའི་ཁས་ལེན་དཔང་འདོན་སྒྲིག་གཞི་གསུམ་གྱིས་མཉམ་གཅིག་ཏུ་ཁས་ལེན་དཔང་འདོན་བྱས་པ་ཡིན་ཞིང་། དེ་ནི་ཀྲུང་གོ་བརྙན་ལེན་པའི་དགའ་བསུ་ཐོབ་པའི་རྒྱལ་སྤྱིའི་སྐད་གྲགས་ཆེ་བའི་སྐོར་སྐྱོད་འགྲན་བསྡུར་ཆེན་པོའི་གྲས་ཤིག་ཡིན། འགྲན་བསྡུར་ལ་ཚོན་ལྡན་སྒོ་འབྱེད་ཚོགས་ཆུང་དང་། དཀར་ནག་སྒོ་འབྱེད་ཚོགས་ཆུང་། རང་བྱུང་ཚོགས་ཆུང་། རོལ་རྩེད་ཚོགས་ཆུང་བཅས་ཚོགས་ཆུང་ཆེན་པོ་བཞི་རུ་བགོས་ཡོད་ལ། འགྲན་བསྡུར་ནང་ཞུགས་པའི་བརྙན་ལེན་པ་མང་པོ་ཡོད་པས་འགྲན་རྩོད་ཧ་ཅང་ཛ་དྲག་ཡིན། མཚོ་སྔོན་ཞིང་ཆེན་མདོ་ལ་རི་བོའི་རང་བྱུང་སྲུང་སྐྱོབ་མཐུན་ཚོགས་ཀྱི་ཚོགས་གཙོ་གཞོན་པའམ། མདོ་ལ་རི་བོའི་རྒྱལ་ཁབ་སྤྱི་གླིང་དང་མཚོ་སྔོན་ཞིང་ཆེན་མདོ་ལ་རི་བོའི་རང་བྱུང་སྲུང་སྐྱོབ་མཐུན་ཚོགས་ཀྱི་གན་རྒྱ་བཞག་པའི་དབུ་བཞུགས་བརྙན་ལེན་པ་ཅའོ་ཧྲེང་ཧྥུའུ་ཡི་བརྩམས་ཆོས《རྐང་རྗེས5》དང《ཞོགས་པའི་ཉི་འོད་ཁྲོད་ཀྱི་ནོར་གནག》ལ་གསེར་གྱི་རྟགས་མ2ཐོབ་པ་དང་། བརྩམས་ཆོས《ཁེར་རྐྱང་གི་གྲུ་ཆུང་ཞིག》ལGIPཡི་གཟི་བརྗིད་མཚན་སྙན་ཐོབ།ཉེ་བའི་ལོ་འགའི་རིང་ལ། མཚོ་སྔོན་དུ་སྐྱེ་ཁམས་བརྙན་ལེན་པ་སྐོར་ཞིག་འཚར་ལོངས་བྱུང་བ་དང་། ཁོ་ཚོས་གྲང་ངར་དང་དཀའ་ངལ་ལ་མི་འཛེམ་པར་བརྙན་ཆས་ཀྱི་རྣམ་པས་རང་བྱུང་ཁམས་ཆེན་པོའི་ཁྲོད་ཀྱི་ངོ་མཚར་ཆེ་བའི་གནས་རེ་རེ་དང་། མཛེས་སྡུག་ལྡན་པའི་རང་བྱུང་མཛེས་ལྗོངས་སམ་ཡང་ན་མཐོང་དཀོན་པའི་རི་སྐྱེས་སྲོག་ཆགས། འཆམ་མཐུན་གྱི་མི་ཆོས་རིག་གནས་སྣང་ཚུལ་ཀྱི་རི་མོ་བཅས་དངོས་སུ་ཟིན་ཐོར་བཀོད། སྐྱེ་ཁམས་གྱི་བརྙན་ལེན་བརྩམས་ཆོས་དེ་དག་གིས་རབ་མཛེས་མཚོ་སྔོན་གྱི་སྐྱེ་ཁམས་དང་ཐོན་ཁུངས་སྲུང་སྐྱོང་གི་གྲུབ་འབྲས་མཚོན་པ་དང་དུས་མཚུངས་སུ། མི་རྣམས་ལ་སྐྱེ་ཁམས་ལ་གུས་བཀུར་བྱེད་པར་འབོད་སྐུལ་བཏང་བ་དང་། ཡང་དག་པའི་སྐྱེ་ཁམས་རིན་ཐང་ལྟ་བ་འཛིན་དགོས་པར་ཁྲིད་སྟོན་བྱས། །

མཚན་མོ།ཉིན་མོར་བྲེལ་འཚུབ་ཆེ་བའི་མི་རྣམས།ཁུ་སིམ་མེར། མཚན་མོའི་པང་དུ་ཉལ།མུན་པའི་མལ་གོས་གྱོན་པའི་ནམ་མཁར།སྐར་མ་ཁྲི་སྟོང་མང་པོ་ཉིན་མོའི་མི་ལྟར།བྲེལ་འཚུབ་ཀྱིས་མིག་ཟུམ་ཀེམ་ཀེམ་གཡོ་བར་བྱེད།ཟླ་བ།མཚན་མོའི་ཟླ་བ་ནི།ཨ་མ་ལགས་ཀྱིས་བཟོས་པའི་བག་ལེབ་ཆེན་པོ་ཞིག་དང་འདྲ།ཚེས་གཅིག ཚེས་གཉིས། ཚེས་གསུམ།……ཇེ་ཆེ་ནས་ཇེ་ཆེར་འཕེལ་བའི་བག་ལེབ།ནམ་མཁའི་མཐོངས་སུ་བཀལ་འདུགམཚན་མོའི་ཟླ་བ་ནམ་མཁར་བཀལ་ཡོད།གཟའ་ཨོག་རལ། སྐར་མ་སྨིན་དྲུགབྱང་སྐར་སྤུན་བདུན།……རྒྱུ་སྐར་མང་པོ་འཚང་ག་ཤིག་ཤིག་གིས།བག་ལེབ་ཟ་བར་བརྔམས་ནས་འདུགགནམ་གང་གི་ནམ་མཁའ་ནི།ཁོག་སྟོང་ཞིག་སྟེ།ཟླ་བ་མཐོང་ཡས་མེད།བག་ལེབ་བཟས་ཟིན་པས།ང་རང་སླར་ཡང་གྲོད་པ་ལྟོགས་བྱུང་།གློག་སྒྲོན།མཚན་མོ་སྲུང་བའི་གློག་སྒྲོན།ལམ་འགྲམ་དུ་གྱད་མི་ལྟར་འགྲེང་།ཁང་པའི་མདོ་སྦུག་ཚང་མ།ཉིན་མོ་ལྟར་གསལ་བའི་གློག་སྒྲོན་གྱིས་བཀང་།གལ་ཏེ། གློག་སྒྲོན་མེད་ན།ནམ་མཁའ་འདི་མཚན་མོ་ཁོ་ནར་དབང་ངེས།ལོ་གསར།སྤོ་བོ་ལགས་ཀྱིས་ལོ་གསར་སྐོར་གྱི་གཏམ་རྒྱུད་གླེང་།པཱ་ལགས་ཀྱིས་ནན་ཏན་ངང་སྡེར་ཁ་བསྒྲིགས། ཕྱེ་མར་བཟོས།ཨ་མ་ལགས་ཀྱིས་བྲེལ་འཚུབ་ངང་གྱོན་གོས་གསར་པ་གྲ་སྒྲིག་བྱས།ནང་མི་ཚང་མ་ཆང་སྐོལ་འཐུང་ཞོར།བཀྲ་ཤིས་བདེ་ལེགས་ཀྱི་ཁ་གཡང་སྒྲོགགཅེན་པོ་དང་གཅེན་མོ།རི་མགོར་ལྷ་བསང་གཏོང་བར་བསྐྱོད།གཅུང་པོ་དང་གཅུང་མོ།སྒོ་རའི་ནང་ཨ་ལྕུག་གི་རྩེད་མོར་གཡེངས།ཤོག་སྦག་གི་གླུ་སྒྲའི་ཁྲོད།ང་རང་སྲིན་འབུ་མེ་ཁྱེར་བཞིན་འོད་ལ་ཕྱོགས། འགན་འཁུར་རྩོམ་སྒྲིག་པ། ཉི་མ་ཚེ་རིང་།

སྤྱི་ཟླ་4པའི་ཚེས་2ཉིན། ཐེ་རོན་ཕུས་འདྲ་མཚུངས་སྒོ་ཁྲལ་ཞེས་པའི་སྲིད་འཛིན་བཀའ་རྒྱར་མིང་རྟགས་བཀོད་རྗེས། ཨ་རིའི་རྐང་དངུལ་ཁྲོམ་རར་ཉེ་བའི་ལོ་ལྔའི་རིང་ཆག་སྒོ་ཆེ་ཤོས་ཀྱི་ཉོ་ཚོང་ཉིན་འགའ་ཤས་བསྟུད་མར་ཐོན་ཡོད། སྤྱི་ཟླ་4པའི་ཚེས་7ཉིན། ཨ་རིའི་གཟའ་འཁོར་གསར་པའི་རྐང་དངུལ་ཁྲོམ་ར་སྒོ་འབྱེད་པའི་ཉིན་དང་པོ་དེར་ཨ་རིའི་རྐང་དངུལ་སྒོ་འབྱེད་པའི་རྗེས་སུ་སླར་ཡང“ཉོ་ཚོང་སྡུག་ཤོས་ཀྱི་རེས་གཟའ་ཟླ་བ”འགོ་ཚུགས་ཡོད་ཅིང་། དུས་ཐུང་སྐར་མ་བཅུ་ཡང་མ་འགོར་བར་ཉིའུ་ཡོག་གི་རྐང་དངུལ་ཆེན་པོ་གསུམ་གྱི་སྟོན་གྲངས་ཆག་ཚད་ཚང་མ་བརྒྱ་ཆ་3ལས་བརྒལ་ཡོད། དེ་ལྟར་ཨ་རིའི་ཁྲོམ་རའི་སྟོན་གྲངས་མུ་མཐུད་ཆག་འགྲོ་བའི་སྐབས་དེར། “ཉིན་90རིང་སྒོ་ཁྲལ་གནས་སྐབས་བསྡུ་མཚམས་འཇོག་རྒྱུ”ཞེས་པའི་གསར་འགྱུར་ཞིག་གིས་ཆག་འགྲོ་བའི་ཨ་རིའི་རྐང་དངུལ་ཁྲོམ་རའི་སྟོན་གྲངས་དེ་གློ་བུར་དུ་འཕར་འགྲོ་བའི་རྣམ་པ་ཞིག་མངོན་ཡོད། ཡིན་ནའང་། མཐར་ཨ་རིའི་ཕོ་བྲང་དཀར་པོས་གསར་འགྱུར་དེ་ནི་རྫུན་མ་ཞིག་ཡིན་པ་ར་སྤྲོད་བྱས་རྗེས། ཨ་རིའི་རྐང་དངུལ་ཁྲོམ་ར་སླར་ཡང་འཕར་བ་ནས་ཆག་པའི་རྣམ་པ་ཐོན་ཡོད། ཕྱོགས་གཞན་ཞིག་ནས། ས་གནས་དེ་གའི་དུས་ཚོད་སྤྱི་ཟླ་4པའི་ཚེས་7ཉིན། ཡོ་རོབ་མནའ་འབྲེལ་ཕྱོགས་ནས་ཨ་རིའི་སྒོ་ཁྲལ་ལ་ངོ་རྒོལ་བྱེད་པའི་འཆར་གཞི་ཁྱབ་བསྒྲགས་བྱས་པ་མ་ཟད། ཡོ་རོབ་མནའ་འབྲེལ་གྱིས“ཉོ་ཚོང་འགོག་རྒོལ་བྱ་ཐབས་ཡོད་དོ་ཅོག”སྤྱད་དེ་ཨ་རིའི་སྒོ་ཁྲལ་གྱིས་བཟོས་པའི་བརྡབ་གསིག་ལ་ཁ་གཏད་གཅོག་རྒྱུ་ཡིན་ཞེས་བསྟན་པ་དང་། སྤྱི་ཟླ་4ཚེས་15ཉིན་ནས་བཟུང་རེས་སྐོར་དང་པོའི་ཨ་རིར་ངོ་རྒོལ་བྱེད་པའི་སྒོ་ཁྲལ་སྲིད་ཇུས་ལག་ལེན་བསྟར་རྒྱུ་དང་། རེས་སྐོར་གཉིས་པའི་ཨ་རིར་ངོ་རྒོལ་བྱེད་པའི་སྒོ་ཁྲལ་སྲིད་ཇུས་དེ་སྤྱི་ཟླ་5ཚེས་15ཉིན་ནས་བཟུང་ལག་ལེན་བསྟར་རྒྱུ་ཡིན་པ་རེད། ཡོ་རོབ་མནའ་འབྲེལ་གྱིས་གང་དེའི་ངོ་རྒོལ་བྱ་ཐབས་ཁྱབ་བསྒྲགས་བྱས་རྗེས། ཐེ་རོན་ཕུས་ཨ་རིར་འཚམས་འདྲིར་སླེབས་པའི་དབྱི་སི་རལ་གྱི་ཙུང་ལི་ནའེ་ཐ་ཉི་ཡ་ཧུའུ་དང་ལྷན་དུ་གསར་འགོད་པ་དང་ཐུག་འཕྲད་བྱེད་སྐབས། ཡོ་རོབ་ཀྱིས་ང་ཚོར་བྱེད་སྟངས་ངན་པ་བཟུང་གི་འདུག་ཅེས་བཤད་པ་མ་ཟད། ཡོ་རོབ་རྒྱལ་ཁབ་ཀྱིས་ཨ་རིའི་ཚོང་ཟོག་མང་པོ་ཞིག་ཉོ་ཡི་མི་འདུག་ཅེས་སྐྱོན་འཛུགས་བྱས་ཡོད། དེའི་གོང་། ཐེ་རོན་ཕུས་སྒོ་ཁྲལ་དེ་ཨ་རི་རང་ཉིད་ལ་སྨན་བཅོས་བྱེད་པའི་སྨན་རྫས་ལྟ་བུར་བརྩི་བ་མ་ཟད། གདེང་ཚོད་དང་བཅས་རྐང་དངུལ་གང་ཞིག་ཀྱང་ཆག་ཏུ་འཇུག་འདོད་མི་འདུག འོན་ཀྱང་མཚམས་རེ་གནད་དོན་འགའ་ཞིག་ཐག་གཅོད་བྱེད་ཆེད་དེ་ལ་འཚམ་པའི་སྨན་མི་ཟ་ཀ་མེད་རེད་ཅེས་བཤད་ཡོད། ཐེ་རོན་ཕུས་ཁྲོམ་ར་ཟང་ཟིང་བཟོ་བའི་སྒོ་ཁྲལ་སྲིད་ཇུས་དེ“སྨན་བཟང་རོ་ཁ”ཞིག་རེད་ཅེས་ཟེར་བར་དྲ་གྲོགས་ཚོས་ཁས་ལེན་བྱེད་ཀྱི་མེད། “དེ་ནི་སྨན་བཟང་རེད་དམ། འདི་ནི་དུག་རྫས་རེད།” ཡང་དྲ་གྲོགས་ཁག་གཅིག་གིས་དོན་ངོ་མར་སྨན་བཟའ་དགོས་པ་དེ་ནི་ཁོ་པ་རང་ཉིད(ཐེ་རོན་ཕུ)རེད་ཅེས་ཟུར་ཟ་ཡང་བྱེད་བཞིན་ཡོད། དེ་ལྟ་བུའི་གནས་ཚུལ་འོག ཨ་རིའི་ནོར་སྲིད་པུའུ་ཀྲང་པེ་སན་ཐེས་སྔར་བཞིན་ཐེ་རོན་ཕུར་རྒྱབ་སྐྱོར་བྱེད་བཞིན་ཡོད། སྤྱི་ཚེས་6ཉིན་པེ་སན་ཐེསས། རྐང་དངུལ་ཁྲོམ་རའི་འགྱུར་ལྡོག་དེས་ཨ་རིའི་མང་ཚོགས་དཀྱུས་མའི་རྒྱུ་ནོར་ལ་ཤུགས་རྐྱེན་ཚབས་ཆེན་བཟོ་མི་སྲིད་ཅེས་བཤད་ཡོད། ཨ་རིའི་ནོར་སྲིད་པུའུ་ཀྲང་གི་བཤད་སྟངས་དེར་གཞིགས་ན། ཨ་རིའི་མི་མང་ཆེ་བ་རྐང་དངུལ་ཁྲོམ་རར་ཞུགས་མེད་པས། ཨ་རིའི་རྐང་དངུལ་ཁྲོམ་རའི་འགྱུར་ལྡོག་གིས་མི་དེ་དག་ལ་ཤུགས་རྐྱེན་གང་ཡང་ཐེབས་མི་སྲིད། དོན་དངོས་ནི་པེ་སན་ཐེའི་བཤད་སྟངས་དེ་དང་གཅིག་མཚུངས་མིན་པར། དམངས་འདོད་བརྟག་དཔྱད་ལས་ཁུངས་ཨ་རིའི་ཀའེ་ལོ་ཕུ་བློ་འདྲི་ཀུང་སིའི་གྲངས་གཞི་ལས་མངོན་པར། ཨ་རིའི་མི་དར་མ་ཧ་ལམ་62%ཀྱིས་རྐང་དངུལ་ཉོ་བཞིན་ཡོད། གཞན་ཡང་། ད་དུང་ཨ་རིའི་སྨྱན་སྦྱོར་ཚན་པ་ཁ་ཤས་ཀྱིས། ཨ་རིའི་རྐང་དངུལ་ཉེ་དུས་ལྡབ་འགྱུར་ཆག་འགྲོ་བ་དེ་ནི་འཛམ་གླིང་དམག་ཆེན་གཉིས་པའི་རྗེས་སུ་ཨ་རིའི་ལོ་རྒྱུས་ཐོག་མཐོང་ཧ་ཅང་དཀོན་པོ་ཞིག་རེད་ཅེས་བསྟན་ཡོད། ཐེ་རོན་ཕུའི་སྒོ་ཁྲལ་སྲིད་ཇུས་ཀྱིས་ཁྲོམ་རར་ཡམ་ཡོམ་ཤུགས་ཆེན་བཟོས་པ་དང་། དེས་རྐྱེན་པས་ཨ་རིའི་ཕྱུག་བདག་གི་གཙང་བདག་རྒྱུ་ནོར་འབོར་ཆེན་ཉུང་དུ་ཕྱིན་པ་དང་། ཐོག་མཐའ་བར་གསུམ་དུ་ཐེ་རོན་ཕུའི་ཕྱོགས་སུ་ལང་མཁན་ཨ་རིའི་སྲིད་གཞུང་ལས་ཕྱོད་སྡེ་ཚན་གྱི་འགན་འཁུར་བ། འཛམ་གླིང་ཧྲིལ་པོའི་ཕྱུག་བདག་ཨང་དང་པོ་མ་སེ་ཁེ་ཡང་བཟོད་སྒོམ་མ་ཐུབ་པར་ཐེ་རོན་ཕུའི་ཉོ་ཚོང་ཐད་ཀྱི་དབུ་བཞུགས་བློ་འདྲི་ཡུལ་དང་། སྒོ་ཁྲལ་སྲིད་ཇུས་ལ་རྒྱབ་སྐྱོར་བྱེད་མཁན་ནཱ་ཝ་ལུའོ་ལ་སྐྱོན་བརྗོད་བྱེད་འགོ་ཚུགས་ཡོད། སྤྱི་ཟླ་4ཚེས་5ཉིན། མ་སེ་ཁེས་སྤྱི་འབྲེལ་སྨྱན་སྟེགས་Xཡི་ཐོག་ནཱ་ཝ་ལུའོ་ལ་ཧ་ཧྥུ་སློབ་གྲྭ་ཆེན་མོའི་དཔལ་འབྱོར་རིག་པའི་འབུམ་རམས་པའི་སློབ་གནས་ཡོད་པ་དེ་ནི་ཡག་པ་ཞིག་མ་རེད། དེས་མི་རྣམས་རང་རློམས་ཅན་བློ་གྲོས་ཀྱིས་དབུལ་བ་དེ་འདྲར་འགྱུར་སྲིད་ཅེས་བརྗོད་འདུག ཕོ་བྲང་དཀར་པོའི་ཉོ་ཚོང་བློ་འདྲི་ཡུལ་ནཱ་ཝ་ལུའོ་ཡིས་མ་སེ་ཁེ་ཡི་རྒོལ་གཏམ་ལ་ཡ་ལན་སྤྲོད་སྐབས། ཁོ་པ་ནི་རླངས་འཁོར་འཚོང་མཁན་ཞིག་རེད་ཅེས་བཤད་དེ། མ་སེ་ཁེ་ནི་ཚོང་པ་ཞིག་ཡིན་པའི་ཆ་ནས་རང་ཉིད་སྒེར་གྱི་ཁེ་ཕན་ལ་སྲུང་སྐྱོབ་བྱེད་པ་ལས། ཨ་རིའི་རླངས་འཁོར་ཐོན་ལས་ལ་དོ་ཁུར་བྱེད་ཀྱི་མེད་པའི་དོན་མཚོན་པར་བྱས་ཡོད། ནཱ་ཝ་ལུའོ་ཡིས་མ་སེ་ཁེའི་སྐད་ཆར་དགག་པ་བརྒྱབ་སྐབས། ང་ཚོས་དོ་ཁུར་བྱེད་པ་ནི་ཏི་ཐེ་ལུའི་ཡི་བཟོ་གྲྭས་ཨ་རིའི་སྒུལ་བྱེད་འཕྲུལ་འཁོར་སྤྱད་ནས་ཨ་རིའི་ཚོང་རྟགས་ཀྱི་རླངས་འཁོར་བཟོ་རུ་འཇུག་རྒྱུ་དེ་ཡིན་ཞེས་བརྗོད་འདུགཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

རྒྱུ་སྤུན་ལས་གྲུབ་པའི་དབང་པོའི་གཞུ་རིས།——འབྲུག་ཆུའི་སྐེ་རགས་ཚོན་ཁྲ། བོད་ཀྱི་འཁེལ་འཐག་ལག་རྩལ་གྱི་ལོ་རྒྱུས་ནི་ཤིན་ཏུ་རྒྱུན་རིང་ཞིང་མཚར་སྡུག་ལྡན་ཏེ། ལོ་ངོ5000ཡར་སྔོན་གྱི་རྡོ་ཆས་གསར་མའི་དུས་སྐབས་ཀྱི་ཆབ་མདོ་ཁ་རུབ་གནའ་ཤུལ་ལས། རུས་འབིགས་དང་རུས་ཁབ། རྫ་མའི་འཁལ་འཕང་སོགས་འཁེལ་འཐག་དང་འབྲེལ་བའི་རིག་དངོས300ལྷག་ས་ཁར་བུད་ཅིང་། ཉིང་ཁྲིའི་མེ་ཏོག་གནའ་ཤུལ་ལས་ཐོན་པའི་འབྲེལ་ཡོད་རིག་དངོས་སུའང་རྡོ་ལས་བྱས་པའི་འཁལ་འཕང་ཞིག་ཡོད། ད་དུང་མངའ་རིས་རུ་ཐོག་ནས་ལྕགས་ཆས་དུས་རབས་སྔ་མཚམས་ཀྱི་སོ་རས་དང་མཚོ་སྔོན་དུར་ལམ་ནས་བཙན་པོའི་དུས་སྐབས་ཀྱི་དར་གོས་སོགས་གང་མང་ཞིག་ཐོན། དུས་ད་ལྟའང་བོད་ཀྱི་ཡུལ་ལུང་སོ་སོ་རུ། ཕྱིང་བ་འཇོག་པའི་ལག་རྩལ་དང་སྣམ་བུ་དང་ཁ་གདན་འཐག་རྩལ་སོགས་འཁེལ་འཐག་ལག་ཤེས་ཀྱི་རྣམ་གྲངས་ཕུན་སུམ་ཚོགས་པ་མ་ཉམས་མ་ཆད་པར་གནས་ཡོད་པས། འདི་དག་ཐམས་ཅད་ནི་བོད་ཀྱི་འཁེལ་འཐག་རིག་གནས་ལ་རྒྱུན་ཐག་རིང་བའི་ལོ་རྒྱུས་དང་ཕུལ་དུ་བྱུང་བའི་བཟོ་རྩལ་ལྡན་པའི་དན་རྟགས་བསྙོན་དུ་མེད་པ་ཡིན། དེ་བཞིན་འབྲུག་ཆུའི་འཐག་བཟོ་ཡང་བོད་ཀྱི་འཁེལ་འཐག་ལག་ཤེས་ཀྱི་ནང་གསེས་ཐུན་མོང་མ་ཡིན་པ་ཞིག་སྟེ། དེ་ལ་གྱོན་གོས་འཐག་བཟོ་དང་སྐ་རགས་ཚོན་ཁྲའི་འཐག་རྩལ་སོགས་བྱེ་བྲག་དུ་མ་མཆིས་ཤིང་། དེ་དག་ནི་འབྲུག་ཆུའི་ཡུལ་དུ་མི་རབས་ནས་མི་རབས་སུ་བརྒྱུད་པའི་སྲོལ་རྒྱུན་བཟོ་རིག་སྟེ། རིག་གནས་ཀྱི་དོན་སྙིང་ཕུན་སུམ་ཚོགས་པ་ལྡན། ལྷག་པར་དུ་སྐ་རགས་ཚོན་ཁྲའི་འཐག་རྩལ་ནི་འབྲུག་ཆུའི་བུད་མེད་རྣམས་ཀྱི་བློ་རྩེ་ལས་འཁྲུངས་པའི་ཤེས་རབ་ཀྱི་ཉིང་བཅུད་ཅིག་ཡིན་ལ། མི་རིགས་ཀྱི་ལོ་རྒྱུས་བག་ཆགས་དང་ས་གནས་ཀྱི་ཡུལ་སྲོལ་རིག་གནས་སོགས་གཅིག་ཏུ་འདུས་པའི་དྲན་ཤིང་གསོན་པོ་ཞིག་ཡིན་པར་མ་ཟད། དེའི་འཐག་རྩལ་ད་ལྟའི་བར་དུ་མ་ཉམས་པར་གནས་པས། ཀན་སུའུ་ཞིང་ཆེན་གྱི་གཟུགས་མེད་རིག་གནས་ཤུལ་བཞག་གི་ཁོངས་སུ་ཚུད་ཡོད། སྐ་རགས་ཚོན་ཁྲ་ནི་ཀན་ལྷོ་འབྲུག་ཆུའི་བུད་མེད་རྣམས་ཀྱི་སྐེད་པར་འཆིང་བྱེད་དང་རལ་བ་སྡོམ་བྱེད། ཡང་ན་གྱོན་ཆས་མཛེས་པར་སྤྲས་བྱེད་ཀྱི་རྒྱན་ཆ་ཐུན་མོང་མ་ཡིན་པ་ཞིག་སྟེ། དེ་ལ་རྣམ་པར་བཀྲ་བའི་ཚོན་མདངས་དང་། ཁྲ་ཁྲ་སིལ་སིལ་གྱི་རིས་དབྱིབས་སྣ་ཚོགས་ལྡན་པས། སྐ་རགས་ཚོན་ཁྲ་ཞེས་པའི་མིང་ཐོགས། སྐེ་རགས་ཚོན་ཁྲ་ལ་སྤྱོད་སྒོའི་དབང་གིས་མིང་གི་རྣམ་གྲངས་ཀྱང་མི་འདྲ་སྟེ། དེ་ལས་ཁ་ཞེང་ཆེ་ཅན་ཏེ་ཡུལ་དེའི་སྐད་དུ་ཞེང་ལེབ་ཅན་དུ་འབོད་པ་ནི་བུད་མེད་རྣམས་ཀྱི་སྐེད་པར་འཆིང་བྱེད་ཡིན་ཞིང་དེར་སྐ་རགས་ཞེས་བརྗོད། གཞན་ཕྲ་མོའི་རིགས་ལ་འཐག་ལྕུག་ཅེས་འབོད། འཐག་ལྕུག་ནི་བུད་མེད་ཚོའི་ཞྭ་མོ་དང་ལན་བུ་སྡོམ་བྱེད། ཡང་ན་སྐྱེས་པ་ཚོའི་ཉྭ་དང་ལྷམ་གོག་དཀྲི་བྱེད། ད་དུང་ཕོ་མོའི་བར་བརྩེ་བ་མཚོན་བྱེད་ཀྱི་ལེགས་སྐྱེས་དང་མགྲོན་པོ་བསུ་བྱེད་ཀྱི་དར་ཁའི་ཚུལ་དུ་སྤྱོད། དེ་ཡང་སྐྱེས་པ་ཚོས་རང་ཉིད་སེམས་པ་ཤོར་སའི་བུ་མོ་ལ་འཐག་ལྕུག་སྤྲད་དེ་བུ་མོས་དགའ་བས་བླངས་ཚེ་མོས་མཐུན་བྱུང་བ་མཚོན་ལ། ཕྱིར་སྤྲད་ཚེ་མོས་པ་མེད་པ་མཚོན་ཞེས་ཡུལ་དེའི་འཐག་མཁན་གྱིས་བཤད། སྐ་རགས་འདིའི་འཐག་རྩལ་ལ་མ་མཐའ་ཡང་ལོ་ངོ་ཆིག་སྟོང་ལྷག་གི་ལོ་རྒྱུས་ཡོད་པར་བཞེད། ཡུལ་དེའི་ངག་རྒྱུན་ལྟར་ན། འཐག་རྩལ་འདི་ནི་ལྷ་ལས་མཆེད་དེ། ལྷ་མོ་གཏགས་མ་ཞེས་པ་ཞིག་གིས་དབང་པོའི་གཞུ་རིས་དང་། མེ་ཏོག་སྣ་བརྒྱའི་ཁ་དོག འདབ་ཆགས་སྣ་ཚོགས་ཀྱི་སྒྲོ་གུར་ཕུབ་པ་སོགས་མཐོང་བས་རབ་ཏུ་མགུ་སྟེ། རྣམ་པར་བཀྲ་བའི་ཚོན་མདོག་ཅི་རིགས་འཁེལ་དུ་དཀྲིས་ཏེ་བཏགས་པ་ན་ཕྱིས་སུ་མི་ཡུལ་འབྲུག་ཆུ་རུ་དར་བས། སྐ་རགས་ཚོན་ཁྲ་འདིའི་འཐག་ལུགས་བྱུང་བར་བཞེད། ཡང་ཁ་ཅིག་གིས་འདི་ནི་སྤུར་རྒྱལ་བཙན་པོ་སྲོང་བཙན་སྒམ་པོས་རྒྱ་བཟང་ཀོང་ཇོ་ཁབ་ཏུ་བཞེས་པས། རྒྱའི་ཡུལ་གྱི་འཐག་ལུགས་དང་བོད་ཀྱི་འཁེལ་འཐག་ལག་རྩལ་མཉམ་འདྲེས་ལས་བྱུང་བར་བཞེད།སྐ་རགས་ཚོན་ཁྲ་བཏགས་པར་གཤམ་གསལ་གྱི་ཡོ་བྱད་སྟབས་བདེ་འདི་དག་ལས་མི་དགོས་ཏེ། དང་པོ། བཙུར་ཤིང་དང་མཐའ་ཤིང་། འདི་གཉིས་ནི་བེ་ཅོན་གྲུ་བཞི་ཁྲུ་གང་ཙམ་གྱི་ཚད་ཅན་སྟེ། སོ་སོའི་སྟེང་དུ་འཐག་སྐུད་བསྒྲིལ་རྗེས། བཙུར་ཤིང་སྐེད་པར་བཅིངས་ཤིང་། མཐའ་ཤིང་རྐང་མཐིལ་དུ་མནན་ཏེ། ཕྱོགས་གཉིས་ནས་སྐུད་པ་འཐེན་ཏེ་བཙུར་ཤིང་གི་ཕྱོགས་ནས་འཐག་མགོ་བརྩམས། གཉིས་པ། གཏགས་མ། ཐལ་ཁེམ་ཕྲ་བོ་ཞིག་དང་འདྲ་སྟེ། ལྷ་མོ་གཏགས་མའི་མིང་ལས་བྱུང་བར་བཤད། གཙོ་བ་རྒྱུ་སྤུན་བརྟན་བྱེད་ཡིན། གསུམ་པ། ཡོ་ཡུ། ཡུལ་དེའི་སྐད་དུ་བེ་ཞེས་འབོད་ཅིང་། དེའི་བཟོ་དབྱིབས་དང་བྱེད་ནུས་ནི་འཕེན་ཤིང་དང་འདྲ་སྟེ། རྒྱུ་བརྒྱུས་བྱེད་དང་རི་མོ་མི་འདྲ་བ་ལེན་བྱེད་ཡིན། འདི་ལྟ་བུ་གསུམ་ཡོད། བཞི་པ། སྣེ་ཞེས་པ་ནི། སྨྱུག་ཕྲན་ཐུང་ངུ་གསུམ་སྟེ། འཐག་སྐུད་གོང་འོག་གི་རིམ་པ་འབྱེད་བྱེད་ཡིན། ཡོ་བྱད་འདི་དག་རྒྱུ་ཆ་འཚོལ་སླ་ཞིང་བཟོ་སླ་བ། ལུས་ལ་ཐོགས་བདེ་བ་སོགས་ཀྱི་ཁྱད་ཆོས་ལྡན་པས། ནམ་རྒྱུན་འཐག་སྐུད་དང་བཅས་ཏེ་གོང་བུ་གཅིག་ཏུ་བསྒྲིལ་ནས་ག་ས་གང་དུ་འཁྱེར་ཆོག་ཅིང་། བུད་མེད་ཚོས་ཞིང་ཕྱུགས་ཐོན་སྐྱེད་ཀྱི་བར་གླགས་དང་སྤྲོ་གསེང་གླེང་མོལ་བྱེད་པའི་ཞོར་དུའང་ཡོ་བྱད་བཀྲམ་ཏེ་འཐག་མགོ་བརྩམ་ཆོག ཡོ་བྱད་སྟབས་བདེ་བ་ལས་གཞན། སྐ་རགས་ཚོན་ཁྲའི་ཁྱད་ཆོས་གཙོ་བོ་གཅིག་ནི་དེའི་རྣམ་པར་བཀྲ་བའི་ཚོན་མདོག་དང་རི་མོ་རྣམས་ཡིན་ཏེ། རྒྱུན་མཐོང་གི་རི་མོ་ནི་གཤམ་གྱི་རིས་མིག་ཏུ་གསལ།གོང་གི་རིས་མིག་འབྲུག་ཆུ་རྫོང་རིག་གནས་ཁང་གིས་མཁོ་སྤྲོད་བྱས། རི་མོ་འདི་དག་ལས་ཁ་ཅིག་གིས་གདོད་མའི་རིག་གནས་ཀྱི་ཉམས་འགྱུར་མཚོན་ཞིང་། ཁ་ཅིག་ལས་ཐོན་སྐྱེད་འཚོ་བའི་སྣང་བརྙན་མཚོན། གཞན་ཁ་ཅིག་ལས་རིག་གནས་མཉམ་འདྲེས་ཀྱི་རྗེས་ཤུལ་མངོན་ཡོད་ལ། མདོར་ན། འདི་ནི་འབྲུག་ཆུའི་འཐག་རྩལ་ཁྱད་དུ་འཕགས་པའི་མཚོན་རྟགས་ཡིན་ཞིང་། མི་རིགས་ཀྱི་ལོ་རྒྱུས་བག་ཆགས་དང་རིག་གནས་ཀྱི་བརྡ་རྟགས་ཐུན་མོང་མ་ཡིན་པ་ཞིག་ཀྱང་ཡིན་ནོ། ། སྲོལ་རྒྱུན་ལྟར་ན། སྐ་རགས་ཚོན་ཁྲ་འཐག་བྱེད་ཀྱི་སྐུད་པ་ནི་བལ་སྐུད་འབའ་ཞིག་ཡིན་ཞིང་། དེའི་ཚོས་གཞིའང་རང་ཉིད་ཀྱིས་རྩི་ཤིང་དང་རྡོ་རིགས་སོགས་ཚོན་དུ་བཏུལ་ཏེ་བྱུང་བ་ཡིན་པས། རྒྱུ་སྤུས་དག་ཅིང་རིན་ཐང་ཆེ་བའི་ཁྱད་ཆོས་ལྡན་མོད། མཁྲེགས་པོར་འགྱུར་སླ་ཞིང་། ཚོན་མདོག་གི་རིགས་སྣ་ཉུང་བ། འཐག་མཁན་གྱི་ལས་ཚེགས་ཆེ་བ་སོགས་ཀྱི་སྐྱོན་ཆའང་མཆིས། དུས་ད་ལྟ། ཁ་མདོག་བཀྲ་བའི་རྫས་འགྱུར་ཚི་སྣའི་སྐུད་པ་སྣ་ཚོགས་ཉོ་རྒྱུ་ཡོད་པས། འཐག་མཁན་གྱི་ལས་ཆོད་ཇེ་ཆེ་དང་མ་རྩ་ཇེ་ཉུང་དུ་བཏང་ཡོད། སྐ་རགས་ཚོན་ཁྲ་ནི་འབྲུག་ཆུ་མི་དམངས་ཀྱི་འཚོ་བའི་ཁྲོད་མེད་དུ་མི་རུང་བའི་རྒྱན་གོས་ཤིག་ཡིན་པར་མ་ཟད། མི་མང་པོའི་དགའ་བསུ་ཐོབ་པའི་ལག་ཤེས་ཐོན་རྫས་བྲིན་ཆེ་བ་ཞིག་ཡིན། ཡུལ་དེའི་མང་ཚོགས་ཁ་ཅིག་གི་འཚོ་བའི་ཡོང་འབབ་གཙོ་བོ་ཞིག་ཏུ་གྱུར་ཡོད་ཅིང་། མི་མང་པོ་ཞིག་གི་ལས་ཞུགས་ཀྱི་གནད་དོན་ཡང་ཐག་གཅོད་ཐུབ་པས། དེ་ལ་དཔལ་འབྱོར་གྱི་རིན་ཐང་ཡང་མི་དམན་པ་ལྡན། འོན་ཀྱང་དུས་ཀྱི་འགྱུར་བ་དང་བསྟུན། ད་ལྟ་འཐག་རྩལ་འདི་ཤེས་མཁན་དང་ཆེད་དུ་འཐག་མཁན་ཇེ་ཉུང་ནས་ཇེ་ཉུང་དུ་འགྲོ་བཞིན་མཆིས་ལ། སྐ་རགས་ཚོན་ཁྲ་ཞིག་འཐག་པར་ཉིན10ནས20ཡི་དུས་ཚོད་དགོས་ཤིང་། སྐ་རགས་གཅིག་གི་རིན་གོང་ནི་སྒོར300ནས600ཡས་མས་ཡིན་པས། ཁྲོམ་ར་རྒྱ་བསྐྱེད་པར་ཡང་བཀག་རྒྱ་ངེས་ཅན་ཞིག་ཐེབས་ཡོད། དགའ་འོས་པ་ཞིག་ནི། ལག་རྩལ་འདི་ད་ལྟའི་བར་མ་ཉམས་པར་གནས་ཡོད་ཅིང་། བཅོས་སྒྱུར་སྒོ་འབྱེད་རྒྱུན་ཆད་མེད་པར་གཏིང་ཇེ་ཟབ་དང་། རིག་གནས་ཡུལ་སྐོར་གྱི་ཐོན་ལས་ཡར་རྒྱས་གོང་འཕེལ་དུ་སོང་བ་དང་བསྟུན། སྐ་རགས་ཚོན་ཁྲའི་འཐག་རྩལ་འདི་སྲུང་སྐྱོབ་དང་རྒྱུན་འཛིན་བྱེད་པའི་གནས་བབ་ཀྱང་ཇེ་ལེགས་སུ་འགྲོ་བཞིན་མཆིས་ཏེ། 2006ལོར། སྐ་རགས་ཚོན་ཁྲའི་འཐག་རྩལ་ཀན་སུའུ་ཞིང་ཆེན་གྱི་གཟུགས་མེད་རིག་གནས་ཤུལ་བཞག་གི་གྲས་སུ་ཚུད་ཅིང་། ད་ལྟ་ཞིང་ཆེན་རིམ་པའི་ཤུལ་བཞག་རྒྱུན་འཛིན་པ་དྲུག་ཡོད། གཞན་ས་གནས་སྲིད་གཞུང་གིས་ཡུལ་དེའི་སློབ་གྲྭ་ཆུང་འབྲིང་ཁག་ཏུའང་སྐ་རགས་ཚོན་ཁྲའི་འཐག་རྩལ་གྱི་གསབ་སྦྱོང་འཛིན་གྲྭ་འཛུགས་པ་སོགས་བྱེད་ཐབས་སྣ་ཚོགས་སྤྱད་དེ། རིག་གནས་ཤུལ་བཞག་འདི་ཉིད་མ་ཉམས་གོང་འཕེལ་དུ་གཏོང་བར་ནུས་ཤུགས་བཏོན་དང་འདོན་བཞིན་མཆིས། སྐ་རགས་ཚོན་ཁྲ་ཡུག་གཅིག་ནི། ལོ་རྒྱུས་ཀྱི་གཏམ་རྒྱུད་རིང་མོ་བྲིས་ཡོད་པའི་གླེགས་བམ་ཞིག་ཡིན་ལ། མི་རིགས་ཤིག་གི་དཀྱེལ་ཡངས་པའི་བློ་རྒྱའི་མཚོན་རྟགས་ཤིག་ཡིན་པར་མ་ཟད། འབྲུག་ཆུའི་ངལ་རྩོལ་མི་དམངས་ཀྱིས་བདེ་སྐྱིད་ཀྱི་འཚོ་བ་ལ་བཅངས་པའི་རེ་འདུན་དང་། ཁོང་ཚོའི་བློ་གྲོས་ཀྱི་རྩལ་ལས་བྱུང་བའི་རིག་པའི་གཅེས་ནོར་ཡིན།

གདན་ཞུའི་སྐུ་མགྲོན། ཚེ་དཔལ་སྐྱབས། རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས[བོད་ཀྱི་ལ་གཞས]ཀྱི་རྒྱུན་འཛིན་པ།རྩོམ་སྒྲིག་པ་དང་གསར་འགོད་པ། ལྷ་རྒྱལ་བཀྲ་ཤིས།རྩོམ་སྒྲིག་འགན་ཁུར་པ། ལྷ་རྒྱལ་བཀྲ་ཤིས། བཀྲ་ཤིས་དོན་གྲུབ།དོ་དམ་པ། བསོད་ནམས་དོན་འགྲུབ།ལྟ་སྐུལ་པ། ཕྱུག་ལོ།སྤྱི་ཁྱབ་ལྟ་སྐུལ་པ། དབང་གྲགས་ཚེ་རིང་།

ཀྲུང་གོ་བོད་ཀྱི་དྲ་བའི་འཕྲིན། ཟླ4བའི་ཚེས2ཉིན། སྐབས་དགུ་པའི་མཚོ་ཤར་གྲོང་ཁྱེར་དཔའ་ལུང་ཧུའེ་རིགས་རང་སྐྱོང་རྫོང་གི་ཁམ་བུའི་མེ་ཏོག་རིག་གནས་སྒྱུ་རྩལ་གཟའ་འཁོར་གྱི་མགོ་ཚུགས་མཛད་སྒོ་མཚེ་མགུར་གྲོང་རྡལ་ཨ་འདར་ཆ་ག་སྐྱེ་ཁམས་མཛེས་ལྗོངས་ཁུལ་དུ་འཚོགས་པ་དང་། ཁམ་བུའི་མེ་ཏོག་རིག་གནས་སྒྱུ་རྩལ་གཟའ་འཁོར་བསྡུ་བའི་གོ་སྐབས་དང་བསྟུན་ནས། སྔར་ལས་ལྷག་པར་དཔའ་ལུང་རྫོང་གི་རི་ཆུ་རིག་གནས་དྲིལ་སྒྲོག་བྱེད་ཤུགས་ཆེ་རུ་བཏང་སྟེ། ཡུལ་སྐོར་བས་ཕུན་སུམ་ཚོགས་པའི་རྨ་ཆུའི་རིག་གནས་དང་མཐོ་སྒང་གི་སྐྱེ་ཁམས་ཀྱི་མཛེས་བ། རང་བྱུང་གི་མཛེས་ལྗོངས། དཔའ་ལུང་ཡུལ་གྱི་ཟས་ཞིམ་པོ་སོགས་ཉམས་སུ་མྱོང་བར་མཐུན་རྐྱེན་བསྐྲུན།ཐེངས་འདིའི་སྒྱུ་རྩལ་གཟའ་འཁོར་ལས“ཁམ་བུའི་མེ་ཏོག་གིས་ཁེངས་བའི་འགྲམ་ངོགས་སུ། མཉམ་གཅིག་ཏུ་རི་ཆུའི་དཔའ་ལུང་མཛེས་བར་རྒྱན”ཞེས་བརྗོད་དོན་དུ་བྱེད་པ་དང་། “ཁམ་བུའི་མེ་ཏོག་ལ་མྱོང་རོལ་དང་། རིག་གནས་ལ་རོལ་མྱོང་བྱེད་པ། འཕེལ་རྒྱས་ལ་སྐུལ་འདེད་གཏོང་བ”བཅས་གཙོ་རྐང་དུ་བྱས་ཏེ། དམངས་སྲོལ་འགྲེམས་སྟོན་བྱེད་པ་དང་གཟུགས་འདས་ཤུལ་བཞག་རིག་གནས་འགྲེམས་སྟོན། པར་རིས་བརྩམས་ཆོས་འགྲེམས་སྟོན། ཞིང་ལས་ཁྱད་ལྡན་ཐོན་ལས་འོས་སྦྱོར་སོགས་བྱ་འགུལ་རབ་དང་རིམ་པ་སྤེལ།མགོ་ཚུགས་མཛད་སྒོའི་སྟེང་དཔའ་ལུང་རྫོང་གིས་སྐབས73པའི་འཛམ་གླིང་སྲས་མོ་ཀྲུང་གོའི་ཁུལ་གྱི་རྟིང་རྩོད་འགྲན་བསྡུར་སྟེང་ཨང་དང་པོ་ཐོབ་པའི་ཀན་རུང་ཧྥེན་ལ“རི་ཆུའི་དཔའ་ལུང་གི་བརྙན་ཚབ་པ”དང“ངང་དཀར་ཆེ་བ་སྲུང་སྐྱོང་སྤྱི་ཕན་གཞུང་ཚབ”ཀྱི་གདན་ཞུའི་ཡི་གེ་སྤྲད་པ་དང་། ཡུལ་དངོས་ཀྱི་ལྟད་མོ་བར་མི་རིགས་ཀྱི་རྒྱན་གོས་འགྲེམས་སྟོན་དང་གླུ་ཞབས་བྲོའི་འཁྲབ་སྟོན་གཞི་གཅིག་ཏུ་འདུས་པའི་རིག་རྩལ་འཁྲབ་སྟོན་ཞིག་སྤྱན་ལམ་དུ་བཀྲམ། དུས་ཡུན་གཟའ་འཁོར་གཅིག་གི་དུས་ཚོད་ནང་ཡུལ་སྐོར་བ་རྣམས་ཁམ་བུའི་མེ་ཏོག་གིས་ཁེངས་བའི་སྐྱེད་ཚལ་དུ་བསྐྱོད་ནས“ལ་གཞས”ལ་རོལ་མྱོང་བྱེད་པ་དང་། རྨ་ཆུའི་འགྲམ་དུ་སྲེག་ཟས་ལོངས་སྤྱོད་བྱེད་ཐུབ་པ་མ་ཟད། ཁྱད་ཆོས་ལྡན་པའི་འགྲེམས་ཚོང་འདུ་ཚོགས་ལས་དཔའ་ལུང་རྫོང་གི་འཐེན་ཐུག་དང་ཞོ་སོགས་ཀྱི་ཟས་མཆོག་རོལ་མྱོང་བྱེད་ཐུབ།ཉེ་བའི་ལོ་འགའི་རིང་ལ། དཔའ་ལུང་རྫོང་གིས“རི་སྔོ་ཆུ་དྭངས་ནི་གསེར་རི་དངུལ་རི་ཡིན”ཞེས་པའི་འཕེལ་རྒྱས་ཀྱི་འདུ་ཤེས་ལག་ལེན་མཐར་ཕྱིན་བྱས་ཏེ། “ཞིང་ལས་དང་ལུས་རྩལ་རིག་གནས། ཡུལ་སྐོར། ཚོང་ལས”ལས་རིགས་ལྔའི་མཉམ་འདྲེས་དམིགས་ཚད་གཏན་ཁེལ་བྱས་ཏེ། ཞིང་ཆེན་ཡོངས་གི“ལྟེ་གཅིག་གདུབ་གཅིག་རྒྱུད་མང”གི་སྐྱེ་ཁམས་ཡུལ་སྐོར་འཕེལ་རྒྱས་བཀོད་སྒྲིག་དང་རང་འགུལ་ངང་མཉམ་འདྲེས་བྱས་ཐོག རྨ་ཆུའི་འགྲམ་ངོགས་ཀྱི་སྤྱི་ལེ168ཡི་མཛེས་སྡུག་ལྡན་པའི་ཡུལ་ལྗོངས་དང་། བརྗིད་ཉམས་ལྡན་པའི་བྲག་དམར་ས་གཤིས། ལོ་ངོ་བརྒྱ་ཕྲག་རིང་གི་བོད་གྲོང་གི་ཕུན་སུམ་ཚོགས་པའི་ལོ་རྒྱུས་ལས་གཞན། “འཐེན་ཐུག་གི་ཕ་ས”ཞེས་ཐུན་མོང་མ་ཡིན་པའི་རིག་གནས་བཅས་ལ་བརྟེན་ནས། དམངས་སྲོལ་གོམས་སྲོལ་ཉམས་ལེན་དང་རྨ་ཆུའི་སྐྱེ་ཁམས་ལྟ་སྐོར་ཉམས་ལེན་སོགས་གཙོ་བོར་བྱས་པའི་སྐྱེ་ཁམས་འཕེལ་རྒྱས་ཀྱི་ཡུལ་སྐོར་ལས་རིགས་འཆར་གཞི་ཕྱོགས་ཡོངས་ནས་ལག་བསྟར་བྱས་པ་དང་། ཨ་ཝ་ཐང་ས་གཤིས་རིག་གནས་སྡེ་བ་དང་ཨ་འདར་ཆ་ག་མེ་ཏོག་གི་ཞིང་ཁམས། གཤོང་ཤན་གྱི་མགོན་པོ་བྲག་ནག་སོགས་ཁྱད་ཆོས་ལྡན་པའི་མཛེས་ལྗོངས་ཁུལ་བསྐྲུན་པ་དང་། ནུས་ཤུགས་ཡོད་རྒུས་སྐྱེ་ཁམས་སྲུང་སྐྱོང་དང་རིག་གནས་གཉིས་མཉམ་འདྲེས་འཕེལ་རྒྱས་ཐད་སྐུལ་འདེད་བཏང་། 2024ལོར་བསྡོམས་པས་ཡུལ་སྐོར་བ་མི་ཐེངས་ཁྲི314.8སྣེ་ལེན་བྱས་པ་དང21.5%འཕར་བ་དང་། ཡུལ་སྐོར་གྱི་འགྲོ་སོང་བསྡོམས་པས་སྒོར་དུང་ཕྱུར6.22ཡིན་པ་དེ20.1%འཕར་ཡོད། ནང་སྒོས་སུ་ལོ་ཏུའུ་ནས་དཔའ་ལུང་བར་གྱི་མྱུར་བགྲོད་གཞུང་ལམ་དང་ཟི་ལིང་དང་ཁྲེང་ཏུའུ་བར་གྱི་ལྕགས་ལམ་སོགས་འཛུགས་སྐྲུན་བྱས་པ་བརྒྱུད། སྔར་ལས་ལྷག་པར་དཔའ་ལུང་རྫོང་དང་ཟི་ལིང་བར་གྱི་བར་ཐག་ཇེ་ཐུང་དུ་བཏང་བ་དང་། དོན་དངོས་སྟེང་ཞིང་ཆེན་གྱི“ཆུ་ཚོད་གཅིག་གི་དཔལ་འབྱོར་ཁུལ”དུ་འདྲེས་ཡོད། །

འདི་ནི་བསམ་གྲུབ་ཉི་མས་འགྲན་བསྡུར་བྱེད་བཞིན་པ།འདི་ནི་བསམ་གྲུབ་ཉི་མ(དཀྱིལ)བྱ་དགའ་ལེན་བཞིན་པ།　　བོད་རང་སྐྱོང་ལྗོངས་ལུས་རྩལ་ཅུས་ནས་ཤེས་རྟོགས་བྱུང་བར་གཞིགས་ན། 2025ལོའི་རྒྱལ་ཡོངས་བྲག་འཛེག་ཨང་དང་པོ་བརྩོན་ལེན་འགྲན་བསྡུར་སྐབས་གསུམ་པ་དང་རྒྱལ་ཡོངས་ལུས་རྩལ་འགྲན་ཚོགས་སྐབས་བཅོ་ལྔ་པའི་བྲག་འཛེག་རྣམ་གྲངས་ཀྱི་ཐོབ་ཐང་འགྲན་བསྡུར་ནང་རང་ལྗོངས་ཀྱི་ལུས་རྩལ་པ་བསམ་གྲུབ་ཉི་མར་སྐྱེས་པའ

ཀྲུང་གོ་བོད་ཀྱི་དྲ་བའི་འཕྲིན། ཟླ4པའི་ཚེས15ཉིན། མཚོ་སྔོན་ཞིང་ཆེན་ལུས་རྩལ་ཅུས་ཀྱིས་གཏམ་བཟང་བསྒྲགས་པ་སྟེ། དེ་སྔོན་མཇུག་བསྡུས་པའི2025ལོའི་རྒྱལ་ཡོངས་ན་གཞོན་ལུས་རྩལ་མཉམ་འབྲེལ་ལྷན་ཚོགས་གྱི་ན་གཞོན་པའི་ཐེ་ཆོན་ཏའོ་ཡི་སྐོར་སྐྱོད་འགྲན་སྡུར(ཟི་ཁྲོན་ས་ཚིགས)ཁྲོད། མཚོ་སྔོན་ཞིང་ཆེན་ལུས་རྩལ་ལས་རིགས་རྩལ་ནུས་སློབ་གྲྭའི་ལུས་རྩལ་པ་རྣམས་ལ་གསེར་གྱི་རྟགས་མ3དང་ཟངས་ཀྱི་རྟགས་མ1བླངས་པའི་གྲུབ་འབྲས་ལེགས་པོ་ཐོབ།2025ལོར། རྒྱལ་ཡོངས་ན་གཞོན་ལུས་རྩལ་མཉམ་འབྲེལ་ལྷན་ཚོགས་གྱི་ན་གཞོན་པའི་ཐེ་ཆོན་ཏའོ་ཡི་སྐོར་སྐྱོད་འགྲན་བསྡུར(ཟི་ཁྲོན་ས་ཚིགས)ནི་རྒྱལ་ཡོངས་ལུས་རྩལ་མཉམ་འབྲེལ་ལྷན་ཚོགས་ཀྱིས་སྒྲུབ་འགན་ཁུར་པ་ཡིན་ལ། རྒྱལ་ཡོངས་ཀྱི་ལུས་རྩལ་སློབ་གླིང་སོ་སོ་དང་སྤྲོ་སྐྱིད་ཁང་སོགས་ཀྱི་རུ་ཁག50ཡི་ཐེ་ཆོན་ཏའོ་ཡི་རྩལ་སྦྱོང་པ1000ལྷག་འགྲན་བསྡུར་ལ་ཞུགས་ཡོད། མཚོ་སྔོན་ཞིང་ཆེན་ལུས་རྩལ་སློབ་གྲྭའི་ཐའེ་ཆོན་ཏའོ་རུ་ཁག་ཐེངས་འདིའི་འགྲན་སྡུར་ཁྲོད་གཟེངས་སུ་ཐོན་ཏེ་གསེར་གྱི་རྟགས་མ་གསུམ་དང་ཟངས་ཀྱི་རྟགས་མ་གཅིག་ཐོབ་པའི་འབྲས་བུ་ལེགས་པོ་བླངས། འགྲན་སྡུར་ཁྲོད། མཚོ་སྔོན་ཞིང་ཆེན་ལུས་རྩལ་སློབ་གྲྭའི་སློབ་མས་རྩལ་ནུས་ལེགས་པོར་ངོམ་ཞིང་དུས་རྒྱུན་གྱི་སྦྱོང་བརྡར་ཁྲོད་ཀྱི་འཐབ་རྩལ་དང་ཐབས་རྩལ། ཐབས་ཇུས་སོགས་ལེགས་པོར་སྤྱད་དེ་ཚོ་ཁག་མང་པོའི་འགྲན་སྡུར་ཁྲོད་གྲུབ་འབྲས་ལེགས་པོ་ཐོབ། རིན་ཆེན་མེ་ཏོག་གིས་ན་གཞོན་མའི་ཚོ་ཁག་ཀ་བའི་སྤྱི་རྒྱ63ཅན་གྱི་ཁྲོད་ཨང་དང་པོ་བླངས། ཡེ་ཞའོ་ཧྭ་ལ་ན་གཞོན་མའི་ཚོ་ཁག་ཁ་བའི་ཨང་དང་པོ་ཐོབ། ཝང་མིང་ཀྲེན་གྱིས་ན་གཞོན་པའི་ཚོ་ཁག་ག་པའི་སྤྱི་རྒྱ73ཅན་གྱི་ཨང་དང་པོ་བླངས། མ་ཙི་ཞོན་ལ་ན་གཞོན་པའི་ཚོ་ཁག་ག་པའི་ཨང་གསུམ་པ་ཐོབ།ཞིང་ཆེན་ལུས་རྩལ་སློབ་གྲྭའི་འབྲེལ་ཡོད་འགན་ཁུར་པས་བཤད་རྒྱུར། ཐེངས་འདིའི་འགྲན་བསྡུར་ནི་མཚོ་སྔོན་ཞིང་ཆེན་ལུས་རྩལ་སློབ་གྲྭའི་ཐེ་ཆོན་ཏའོ་རུ་ཁག་གིས་སྦྱོང་བརྡར་གྲུབ་འབྲས་ཀྱི་ཞིབ་བཤེར་ཐེངས་གཅིག་ཡིན་ལ། ལུས་རྩལ་པ་རྣམས་ཀྱིས་འགྲན་སྡུར་གྱི་ཉམས་མྱོང་བསགས་པ་དང་རང་ཉིད་མཐོར་འདེགས་གཏོང་བའི་སྟེགས་བུ་གལ་ཆེན་ཞིག་ཡིན། ས་ཆ་སོ་སོའི་ལུས་རྩལ་པ་ཕུལ་དུ་བྱུང་བ་མང་པོ་དང་མཉམ་དུ་རྩལ་འགྲན་བྱས་པས་རུ་མི་རྣམས་ཀྱི་མཐོང་རྒྱ་བསྐྱེད་པ་དང་། ནུས་རྩལ་དང་འཐབ་རྩལ་མི་འདྲ་བ་མང་པོ་བསླབ་ཐུབ་པ་བྱུང་བས། དེང་ཕྱིན་གྱི་འགྲན་བསྡུར་དང་སྦྱོང་བརྡར་ལ་བརྟན་ཅིང་བརླིང་པའི་རྨང་གཞི་བཏིངས་ཡོད། །

ཀྲུང་གོ་བོད་ཀྱི་དྲ་བའི་འཕྲིན། ཟླ4པའི་ཚེས5ཉིན། དཔྱིད་ཀྱི་དཔལ་མོ་མཚོ་སྔོན་པའི་འགྲན་ངོགས་སུ་རྒྱས་པ་དང་ལྷན་དུ། ཧེ་ཡན་རྫོང་ནུབ་མཚོ་གྲོང་རྡལ་ལུས་རྩལ་ཐང་གི་གདུབ་དབྱིབས་འགྲན་ལམ་སྟེང་། རྟ་པ་ཞིག་གདུབ་དབྱིབས་ཀྱི་འགྲན་ལམ་བསྐོར་ནས་འགྲན་བསྡུར་བྱེད་པ་དང་། ངོ་མཚར་ཆེ་བའི་རྟ་རྩལ་འགྲན་བསྡུར་སྤེལ་ནས་ལྟད་མོ་བ་དག་གི་ཡིད་སེམས་དབང་མེད་དུ་འཕྲོག ཐེངས་འདིའི་ས་གནས་དེ་གའི་ལས་གཏོད་གཞོན་ནུ་བཀྲ་ཤིས་ཚེ་རིང་དང་རྟ་ཕོ་གསོ་སྐྱོང་མཁན་རྣམ་རྒྱས་གཉིས་ཀྱིས་མཉམ་འབྲེལ་བྱས་པ་དང་ཇུས་འགོད་བྱས་ཏེ་བཙུགས་པའི་དམངས་ཁྲོད་འགྲན་བསྡུར་ནི་མཚོ་བྱང་ཁུལ་མང་ཚོགས་ལུས་རྩལ་མཛུབ་ཁྲིད་ཞབས་ཞུ་ལྟེ་གནས་ཀྱིས་ཆེད་ལས་ཀྱི་རྒྱབ་སྐྱོར་འོག རྒྱལ་ཁའི་ངང་སྲོལ་རྒྱུན་རྟ་རྩལ་དང་དེང་རབས་ཀྱི་ལུས་རྩལ་འགྲན་བསྡུར་མཉམ་འདྲེས་མངོན་འགྱུར་བྱས།ཐེངས་འདིའི་རྟ་རྒྱུག་འགྲན་བསྡུར་གྱི་དུས་ཡུན་ལ་ཉིན་གཉིས་ཡིན་པ་དང་། སི་ཁྲོན་དང་ནང་སོག ཀན་སུའུ། མཚོ་སྔོན་སོགས་ནས་ཐོན་པའི་ཕུལ་བྱུང་རྟ་རྩལ་མི་སྣ70ལྷག་འགྲན་བསྡུར་ནང་ཞུགས་ཡོད་པས། ལྟད་མོ་བ་སྟོང་ལྷག་འགྲན་ཚོགས་སྟེང་ཞུགས་པར་འགུག་ཡོད། འགྲན་བསྡུར་ཁྲོད་ཀྱི་རྟ་རྒྱུག་འགྲན་བསྡུར་གྱི་གོ་རིམ་ཚང་མ་མྱུར་ཚད་ཀྱི་རྟ་རྒྱུག་འགྲན་བསྡུར་ཡིན་པ་དང་། རྟ་རྒྱུག་འགྲན་བསྡུར་གྱི་ལོ་ཚོད་ལ་དབྱེ་འབྱེད་རིམ་པ5བྱས་ཡོད་དེ། སོ་སོར་ལོ་གཅིག་གི་རྟ་སྨི800དང་། ལོ3གྱི་རྟ་སྨི1500། ལོ4ཡི་རྟ་སྨི2000། ལོ5ཡི་ཡན་ཆད་ཀྱི་རྟ་སྨི2000། རྟ་ལོ་ཆེ་ཆུང་མི་བལྟ་བར་སྨི6000བཅས་ཡིན་པ་རེད། །

སྤྱི་ཚེས་8ཉིན་བོད་རང་སྐྱོང་ལྗོངས་ལུས་རྩལ་ཅུད་ཀྱིས་ས་མཐོའི་ཁྱད་ཆོས་ལྡན་པའི་ལུས་རྩལ་བྱ་གཞག་འཕེལ་རྒྱས་གཏོང་ཆེད་བོད་ལྗོངས་ནང་ཁུལ་གྱི་ལུས་རྩལ་མཐུན་ཚོགས་20ཙམ་གྱི་འགན་འཁུར་བ་གདན་ཞུས་ཀྱིས་བཞུགས་མོལ་ཚོགས་འདུ་འཚོགས་ནས་ལུས་རྩལ་སྤྱི་ཚོགས་རྩ་འཛུགས་འཕེལ་རྒྱས་ཀྱི་གནས་ཚུལ་ཤེས་རྟོགས་དང་འབྲེལ་འབྱུང་འགྱུར་གྱི་འཕེལ་རྒྱས་ཐབས་ལམ་ལ་དཔྱད་བསྡུར་བྱས་པ་རེད། བཞུགས་མོལ་ཚོགས་འདུའི་ཐོག་ལུས་རྩལ་མཐུན་ཚོགས་ཁག་གི་འགན་འཁུར་བས་གཅིག་རྗེས་གཉིས་མཐུད་ངང་གཏམ་བཤད་སྤེལ་ནས་དམངས་ཡོངས་ཀྱི་ལུས་སྦྱོང་ལ་སྐུལ་འདེད་གཏོང་བ་དང་ལུས་རྩལ་འགྲན་བསྡུར་སྒྲིག་འཛུགས་བྱེད་པ་སོགས་ཀྱི་ཉམས་མྱོང་དང་གྲུབ་འབྲས་མཉམ་སྤྱོད་བྱས་པ་དང་ཆབས་ཅིག་མིག་སྔར་འཕྲད་པའི་གནད་དོན་དང་དཀའ་ངལ་ཁག་གཅིག་ཀྱང་བཏོན་པ་རེད། ཚོགས་འདུའི་ཐོག ལུས་རྩལ་སྤྱི་ཚོགས་རྩ་འཛུགས་ཀྱིས་ལུས་རྩལ་བྱ་གཞག་འཕེལ་རྒྱས་ལ་སྐུལ་འདེད་གཏོང་བའི་ཁྲོད་གལ་ཆེའི་ནུས་པ་འདོན་སྤེལ་བྱེད་ཀྱི་ཡོད་པ་དེ་ནི་སྲིད་གཞུང་གིས་ལུས་རྩལ་ཞབས་ཞུ་མཁོ་འདོན་བྱེད་པའི་འབྲེལ་ཟམ་དང་འབྲེལ་ཐག་ལྟ་བུ་ཡིན་པ་མ་ཟད། དེ་བས་རྒྱ་ཆེའི་ལུས་རྩལ་ལ་དགའ་པོ་བྱེད་མཁན་གྱི་སྣེ་ཁྲིད་པ་ཞིག་ཀྱང་ཡིན་པའི་ངོས་འཛིན་བྱས་པ་རེད། དུས་མཚམས་རྗེས་མའི་ལས་དོན་ཡག་པོ་སྒྲུབ་ཆེད་བོད་རང་སྐྱོང་ལྗོངས་ལུས་རྩལ་ཅུད་ཀྱིས། གཅིག་ནས་ཆབ་སྲིད་ཀྱི་ཁ་ཕྱོགས་ཡང་དག་པ་མཐའ་འཁྱོངས་བྱས་ཏེ་སྤྱི་ཚོགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ནས་སྤྱི་ཚོགས་བཅོས་སྐྱོང་དེང་རབས་ཅན་གྱི་ཆུ་ཚད་ཁྱོན་ཡོངས་ནས་མཐོ་རུ་གཏོང་དགོས་པ་དང་། གཉིས་ནས་ཏང་འཛུགས་སྐྱོང་གི་སྣེ་ཁྲིད་ལ་ཤུགས་སྣོན་བརྒྱབ་ནས་ལུས་རྩལ་སྤྱི་ཚོགས་རྩ་འཛུགས་སྐྱོན་བྲལ་ངང་འཕེལ་རྒྱས་ཡོང་བར་འགན་ལེན་ཏན་ཏིག་བྱས་ཏེ་ཏང་གི་ཆབ་སྲིད་འཛུགས་སྐྱོང་ཨང་དང་པོར་འཇོག་དགོས་པ། གསུམ་ནས་ནང་ཁུལ་བཅོས་སྐྱོང་འཐུས་ཚང་དུ་གཏོང་བ་དང་། རང་ངོས་ཀྱི་འཕེལ་རྒྱས་ནུས་པ་ཆེ་རུ་གཏོང་བ། དོ་དམ་ལམ་ལུགས་འཐུས་ཚང་དུ་གཏོང་བ། འགོ་ཁྲིད་ཚན་པའི་འཛུགས་སྐྱོང་ལ་ཤུགས་སྣོན་རྒྱག་པ། བཞི་ནས་གྲོན་དངུལ་གྱི་ཐབས་ལམ་རྒྱ་སྐྱེད་གཏོང་བ་དང་། སྣ་མང་ཅན་གྱི་གྲོན་དངུལ་གྲབས་གསོག་བྱེད་སྟངས་འཚོལ་ཞིབ་ཧུར་ཐག་བཅས་བྱས་ནས་འཕེལ་རྒྱས་ཀྱི་སྒུལ་ཤུགས་ཆེ་རུ་གཏོང་དགོས་པ། ལྔ་ནས་འབྲེལ་གཏུག་རོགས་ལས་ལ་ཤུགས་སྣོན་བརྒྱབ་སྟེ་འཕེལ་རྒྱས་ཀྱི་མཉམ་ཤུགས་ཆགས་པ་དང་། ཐུན་མོང་ཐོག་ལུས་རྩལ་བྱ་གཞག་འཕེལ་རྒྱས་ཡོང་བར་སྐུལ་འདེད་གཏོང་དགོས་པ་བཅས་ཀྱི་བླང་བྱ་ཁ་གསལ་བཏོན་པ་རེད། ད་ཐེངས་ཀྱི་བཞུགས་མོལ་ཚོགས་འདུས་བོད་ལྗོངས་ནང་ཁུལ་གྱི་ལུས་རྩལ་སྤྱི་ཚོགས་རྩ་འཛུགས་དབར་ལ་སྤེལ་རེས་དང་སློབ་སྦྱོང་བྱེད་པའི་སྟེགས་བུ་ཞིག་མཁོ་འདོན་བྱས་པ་མ་ཟད། བོད་ལྗོངས་ཀྱི་ལུས་རྩལ་བྱ་གཞག་སྐྱོན་བྲལ་དང་གོ་རིམ་ལྡན་པའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་སྒུལ་ཤུགས་གསར་པ་ཞིག་ཀྱང་བསྣན་ཡོད། འབྱུང་འགྱུར་བོད་ལྗོངས་ལུས་རྩལ་ཅུད་ཀྱིས་ལུས་རྩལ་སྤྱི་ཚོགས་རྩ་འཛུགས་ལ་མུ་མཐུད་མཛུབ་ཁྲིད་དང་རྒྱབ་སྐྱོར་བྱེད་ཤུགས་ཆེ་རུ་བཏང་ནས་ཐུན་མོང་ཐོག་ལུས་རྩལ་ཁུལ་སྟོབས་ཆེན་འཛུགས་སྐྱོང་ལ་སྟོབས་ཤུགས་ལེགས་སྐྱེས་ཕུལ་ནས་མི་དེ་བས་མང་བར་ལུས་རྩལ་ལས་བྱུང་བའི་བདེ་ཐང་དང་བདེ་སྐྱིད་ལོངས་སུ་སྤྱོད་ཐུབ་པ་བྱ་རྒྱུ་ཡིན་ཞེས་བརྗོད་པ་རེད།ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

ཟླ3པའི་ཚེས31ཉིན། མཚོ་སྔོན་ཞིང་ཆེན་ལུས་རྩལ་ཅུ་ནས་ཐོན་པའི་གནས་ཚུལ་ལ་གཞིགས་ན། ཉེ་ཆར་མཇུག་སྒྲིལ་བའི2025ལོའི་རྒྱལ་ཡོངས་འདུར་རྒྱུག་བྱ་དགའ་ཆེན་པོའི་འགྲན་སྡུར(ས་ཚིགས2པ)དང་ཏུང་ཅིན་འཛམ་གླིང་ལེགས་སྐྱེས་འགྲན་སྡུར་གྱི་གདམ་གསེས་འགྲན་སྡུར་ཁྲོད། མཚོ་སྔོན་ཞིང་ཆེན་ལུས་རྩལ་སློབ་གྲྭའི་འདུར་རྒྱུག་རུ་ཁག་གི་རུ་མི་ལྷ་སྲུང་སྐྱབས་ལ་སྐྱེས་པའིU16ཚོགས་ཆུང་གི་སྤྱི་ལེ5ཡི་ཨང་དང་པོ་ཐོབ། 2025ལོའི་རྒྱལ་ཡོངས་ཀྱི་འདུར་རྒྱུག་བྱ་དགའ་ཆེན་པོའི་འགྲན་སྡུར(ས་ཚིགས2པ)དང་འདུར་རྒྱུག་སྣ་རྐྱང་བའི་འགྲན་སྡུར(ས་ཚིགས་དང་པོ)དང་ཏུང་ཅིན་འཛམ་གླིང་ལེགས་སྐྱེས་འགྲན་སྡུར་གྱི་འདེམས་སྒྲུག་འགྲན་སྡུར་ཟླ3པའི29ཉིན་ནས་ཟླ3པའི30ཉིན་བར་ཨན་ཧུའེ་ཞིང་ཆེན་ཧོ་ཧྥེ་གྲོང་ཁྱེར་དུ་འཚོགས་པ་རེད། ད་ཐེངས་ཀྱི་འགྲན་བསྡུར་ནང་རྒྱལ་ཡོངས་ས་གནས་ཁག་ནས་ཡོང་བའི་འཐུས་མིའི་རུ་ཁག33གྱི་བདམས་ཐོན་པ301ཞུགས་ཡོད་པ་དང་། འགྲན་སྡུར་གྱི་རྣམ་གྲངས་ནང་སྤྱི་ལེ35དང་། སྤྱི་ལེ20དང་། སྤྱི་ལེ10དང་། སྤྱི་ལེ5བཅས་ཀྱི་འདུར་རྒྱུག་དང་དེ་བཞིན་མ་ལ་སུང་འདུར་རྒྱུག་མཉམ་བསྲེས་རྒྱུན་མཐུད་སོགས་ཀྱི་རྣམ་གྲངས་ཚུད་ཡོད་པ་རེད། ཛ་དྲག་གི་འགྲན་བསྡུར་བྱས་པ་བརྒྱུད། མཚོ་སྔོན་ཞིང་ཆེན་ལུས་རྩལ་སློབ་གྲྭའི་འདུར་རྒྱུག་རུ་ཁག་གི་རུ་མི་ལྷ་སྲུང་སྐྱབས་ཀྱིས་སྐྱེས་པའིU16ཚོགས་ཆུང་གི་སྣ་རྐྱང་འགྲན་སྡུར་གྱི་སྤྱི་ལེ5ཡི་འདུར་རྒྱུག་འགྲན་སྡུར་ཁྲོད་སྐར་མ22སྐར་ཆ35ཡི་གྲུབ་འབྲས་ཐོག་ནས་ཨང་དང་པོ་བླངས་འདུག

འདི་ག་ཚགས་པར་ཁང་དུ་གྲོང་ཁྱེར་ལི་ཡུའེ་རེ་ནེ་ལུའུ་ནས་གློག་འཕྲིན་འབྱོར་གསལ། ཉིན་ཤས་གོང་། ཀྲུང་གོ་དང་པར་ཙིར་གྱི་དཔལ་འབྱོར་ཚོང་དོན་གླེང་སྟེགས་པར་ཙིར་གྱི་ཧྲེང་པོ་ལུའོ་རུ་གཉེར་བ་རེད། ཀྲུང་པར་རྒྱལ་ཁབ་གཉིས་ཀྱི་འབྲེལ་ཡོད་སྒྲིག་གཞི་དང་ཁེ་ལས་ཀྱི་འཐུས་མི་100ལྷག་ཙམ་གླེང་སྟེགས་ལ་ཞུགས་ནས་མཉམ་ལས་ཀྱི་གྲོས་མཐུན་མང་པོར་མིང་རྟགས་བཀོད་ཅིང་། གྲོས་མཐུན་དེ་དག་དང་འབྲེལ་བའི་དངུལ་འབོར་ཨ་སྒོར་དུང་ཕྱུར་20ལྷག་ཙམ་ཟིན་ཡོད། ཀྲུང་གོ་ཚོང་དོན་སྐུལ་སྤེལ་ལྷན་ཚོགས་ཀྱི་ཚོགས་གཙོ་རེན་ཧུང་པིན་གྱིས་ཤིས་ཚིག་སྒྲོན་སྐབས། ཀྲུང་གོ་ཚོང་དོན་སྐུལ་སྤེལ་ལྷན་ཚོགས་ཀྱིས་པར་ཙིར་གྱི་ལས་རིགས་ཁག་དང་མཉམ་ལས་ཟབ་ཏུ་མུ་མཐུད་བཏང་ནས། “རྒྱུད་གཅིག་ལམ་གཅིག” གི་སྒྲོམ་གཞིའི་འོག་གཉིས་ཁེ་གཉིས་ཕན་རྒྱ་སྐྱེད་ཧུར་ཐག་གཏོང་གི་ཡིན། ད་ཐེངས་ཁེ་ལས་པའི་འཐུས་མི་ཚོགས་པའི་སྣེ་ཁྲིད་དེ་པར་ཙིར་ལ་འཚམས་འདྲིར་ཡོང་བར་གྲུབ་འབྲས་ཡག་པོ་ཐོབ་བྱུང་ཞེས་བརྗོད། པར་ཙིར་གྱི་ཚོགས་ཞུགས་མི་སྣས། མིག་སྔར་གོ་ལ་ཧྲིལ་པོའི་གནས་བབ་ལ་འགྱུར་ལྡོག་ཆེན་པོ་ཕྱིན་པ་དེས་མཉམ་ལས་གཉིས་ཁེའི་གལ་ཆེའི་རང་བཞིན་དེ་བས་མངོན་གསལ་དོད་དུ་ཕྱིན་ཡོད། འགྲན་སློང་མང་པོའི་འོག པར་ཀྲུང་དཔལ་འབྱོར་ཚོང་དོན་འབྲེལ་བ་ནས་མཉེན་གཤིས་དང་ཕན་ཚུན་གསབ་རེས་ཀྱི་མི་མངོན་པའི་སྟོབས་ཤུགས་ཆེན་པོ་མངོན་ཡོད་ཅེས་བརྗོད།

སྒྲིག་སྒྱུར། སངས་དོན། ཡོང་ཁུངས། ནུབ་མཚོ་གྲོང་ཁྱེར་ཚགས་པར། བཤེར་འབེབས། རིན་ཆེན་ཚེ་རིང་།མཚོ་སྔོན་གསར་འགྱུར་དྲ་བ·རབ་མཛེས་མཚོ་སྔོན་གྱི་མགྲོན་སྣེ་ནས་འབྱོར་བའི་གནས་ཚུལ། ཟླ3པའི་ཚེས31ཉིན། མཚོ་སྔོན་ཞིང་ཆེན་ལུས་རྩལ་ཅུ་ནས་ཐོན་པའི་གནས་ཚུལ་ལ་གཞིགས་ན། ཉེ་ཆར་མཇུག་སྒྲིལ་བའི2025ལོའི་རྒྱལ་ཡོངས་འདུར་རྒྱུག་བྱ་དགའ་ཆེན་པོའི་འགྲན་བསྡུར(ས་ཚིགས2པ)དང་ཏུང་ཅིན་འཛམ་གླིང་ལེགས་སྐྱེས་འགྲན་བསྡུར་གྱི་གདམ་གསེས་འགྲན་བསྡུར་ཁྲོད། མཚོ་སྔོན་ཞིང་ཆེན་ལུས་རྩལ་སློབ་གྲྭའི་འདུར་རྒྱུག་རུ་ཁག་གི་རུ་མི་ལྷ་སྲུང་སྐྱབས་ལ་སྐྱེས་པའིU16ཚོགས་ཆུང་གི་སྤྱི་ལེ5ཡི་ཨང་དང་པོ་ཐོབ། 2025ལོའི་རྒྱལ་ཡོངས་ཀྱི་འདུར་རྒྱུག་བྱ་དགའ་ཆེན་པོའི་འགྲན་བསྡུར（ས་ཚིགས2པ）དང་འདུར་རྒྱུག་སྣ་རྐྱང་བའི་འགྲན་བསྡུར（ས་ཚིགས་དང་པོ）དང་ཏུང་ཅིན་འཛམ་གླིང་ལེགས་སྐྱེས་འགྲན་བསྡུར་གྱི་འདེམས་སྒྲུག་འགྲན་བསྡུར་ཟླ3པའི29ཉིན་ནས་ཟླ3པའི30ཉིན་བར་ཨན་ཧུའེ་ཞིང་ཆེན་ཧོ་ཧྥེ་གྲོང་ཁྱེར་དུ་འཚོགས་པ་རེད། ད་ཐེངས་ཀྱི་འགྲན་བསྡུར་ནང་རྒྱལ་ཡོངས་ས་གནས་ཁག་ནས་ཡོང་བའི་འཐུས་མིའི་རུ་ཁག33གྱི་བདམས་ཐོན་པ301ཞུགས་ཡོད་པ་དང་། འགྲན་བསྡུར་གྱི་རྣམ་གྲངས་ནང་སྤྱི་ལེ35དང་། སྤྱི་ལེ20དང་། སྤྱི་ལེ10དང་། སྤྱི་ལེ5བཅས་ཀྱི་འདུར་རྒྱུག་དང་དེ་བཞིན་མ་ལ་སུང་འདུར་རྒྱུག་མཉམ་བསྲེས་རྒྱུན་མཐུད་སོགས་ཀྱི་རྣམ་གྲངས་ཚུད་ཡོད་པ་རེད། ཛ་དྲག་གི་འགྲན་བསྡུར་བྱས་པ་བརྒྱུད། མཚོ་སྔོན་ཞིང་ཆེན་ལུས་རྩལ་སློབ་གྲྭའི་འདུར་རྒྱུག་རུ་ཁག་གི་རུ་མི་ལྷ་སྲུང་སྐྱབས་ཀྱིས་སྐྱེས་པའིU16ཚོགས་ཆུང་གི་སྣ་རྐྱང་འགྲན་བསྡུར་གྱི་སྤྱི་ལེ5ཡི་འདུར་རྒྱུག་འགྲན་བསྡུར་ཁྲོད་སྐར་མ22སྐར་ཆ35ཡི་གྲུབ་འབྲས་ཐོག་ནས་ཨང་དང་པོ་བླངས་འདུག སྐབས་སྔོན་མ། མཚོ་བྱང་ཁུལ་མི་དམངས་སྲིད་གཞུང་བོད་ཡིག་དྲ་ཚིགས་བཀོལ་སྤྱོད་བདག་སྐྱོང་ཐད་ཀྱི་བརྡ་སྦྱོར། སྐབས་རྗེས་མ། དྭངས་གསལ་གུང་གསེང་རིང་ཟི་ལིང་གྲོང་ཁྱེར་གྱི་རླངས་འཁོར་འཇོག་གནས30842སུ་གླ་ཡོན་མི་བསྡུ་བ་རེད།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཟླ་3ཚེས་23ཉིན་ཧན་གོ་རུ་གཉེར་བའི་2025ལོའི་བུད་མེད་ཀྱི་འཁྱགས་ལྡིར་གྱི་འཛམ་གླིང་ལེགས་སྐྱེས་འགྲན་བསྡུར་ནང་། མཚོ་སྔོན་ཞིང་ཆེན་གྱི་དགུན་དུས་རྣམ་གྲངས་དང་ཕྱི་རོལ་ལུས་རྩལ་དོ་དམ་ལྟེ་གནས་ཀྱི་ལུས་རྩལ་པ་སུའུ་ཐིང་ཡུས་དང་རྒྱལ་ཁབ་རུ་ཁག་གི་རུ་མིར་ཟངས་ཀྱི་རྟགས་མ་རག་པ་དེས་2026ལོའི་སྨི་ལན་དགུན་དུས་ཨོ་རྩལ་འགྲན་ཚོགས་ལ་ཐད་ཀར་ཞུགས་ཆོག་པའི་ཐོབ་ཐང་བདེ་བླག་ངང་རག་པ་རེད།ད་རེས་ཀྱི་འཛམ་གླིང་ལེགས་སྐྱེས་འགྲན་བསྡུར་ལ་རུ་ཁག་13ཞུགས་ཡོད་པ་དང་། ཀྲུང་གོའི་རུ་ཁག་གིས་ཝང་རུའེ་དང་། ཧན་ཡུས། ཏུང་ཙི་ཆི། ཅང་ཅ་དབྱི། སུའུ་ཐིང་ཡུས་བཅས་ལས་གྲུབ་པའི་རུ་མི་འགྲན་བསྡུར་ལ་བཏང་བ་དང་། དེའང་ཁོང་ཚོ་མཉམ་ལས་བྱས་ནས་འཛམ་གླིང་ལེགས་སྐྱེས་འགྲན་བསྡུར་ལ་ཞུགས་ཐེངས་ཐོག་མ་ཡིན་པ་རེད། རེས་སྐོར་འགྲན་བསྡུར་བྱེད་རིང་། ཀྲུང་གོའི་རུ་ཁག་ཐེངས་བདུན་རྒྱལ་བ་དང་ཐེངས་ལྔ་ཕམ་པའི་གྲུབ་འབྲས་ཐོག་ནས་ཨང་རིམ་ལྔ་པར་སླེབས་པ་དང་། ཕྱེད་མཐའ་བསྡུར་གྱི་ཐོབ་ཐང་འགྲན་བསྡུར་ནང་སུའེ་ཏེན་རུ་ཁག་དང་འགྲན་སྐབས། ཀྲུང་གོའི་རུ་ཁག་གིས་ཕམ་ཉེའི་གནས་ལས་རྒྱལ་ནས་ལོ་14ཡི་རྗེས་སླར་ཡང་འཛམ་གླིང་ལེགས་སྐྱེས་འགྲན་བསྡུར་གྱི་མདུན་གྲས་བཞིའི་ནང་ཚུད་པ་དང་། དེ་རྗེས་ཀྱི་ཕྱེད་མཐའ་བསྡུར་ནང་། ཀྲུང་གོའི་རུ་ཁག་གིས་སུའེ་ཙེར་རུ་ཁག་ལས་རྒྱལ་མི་ཐུབ་ཀྱང་། ཧན་གོའི་རུ་ཁག་དང་ཨང་གསུམ་པ་འགྲན་པའི་གོ་སྐབས་ཐོབ་ཡོད། མི་རིང་བའི་གོང་མཇུག་འགྲིལ་མ་ཐག་པའི་ཨེ་ཤེ་ཡའི་དགུན་དུས་ལུས་རྩལ་འགྲན་ཚོགས་སྐབས་དགུ་པའི་འཁྱགས་ལྡིར་གྱི་མཐའ་བསྡུར་ནང་ཀྲུང་གོའི་རུ་ཁག་བསྡུར་གྲངས་གཉིས་བསྡུར་བདུན་གྱི་ཐོག་ནས་ཧན་གོའི་རུ་ཁག་ལས་ཕམ་སྟེ་གསེར་གྱི་རྟགས་མ་ལེན་ཐུབ་མེད་པ་རེད།（པ་སངས་ཚེ་རིང་གིས་བསྒྱུར། པ་ཚེ་དང་བསྟན་བློས་ཞུས）

འདི་ནི་ཧྲི་པིང་རྫོང་མཱ་ཤིས་ཤང་གི་ཡུལ་མི་ཞིང་ནང་གི་ཐག་འཐེན་འགྲན་བསྡུར་ལ་ཞུགས་པ།འདི་ནི་ཧྲི་པིང་རྫོང་ཁྲེང་ཀོན་གྲོང་རྡལ་ཧྲང་ཝུང་ཧྲའོ་གྲོང་ཚོའི་ཡུལ་མི་ཤིང་གཅོད་རྒྱུག་མཐུད་འགྲན་བསྡུར་ལ་ཞུགས་པ།ཉེ་ཆར། ཀུའེ་ཀྲོའུ་ཞིང་ཆེན་ཧྲི་པིང་རྫོང་གི་ས་ཆ་མང་པོས་ཐུན་མོང་མ་ཡིན་པའི“ཞིང་ནང་ལུས་རྩལ་འགྲན་ཚོགས”འཚོགས་ཤིང་། ཞིང་ནང་དུ་ཐག་པ་འཐེན་པ་དང་། ཕྲག་ཏུ་འབྲུ་རིགས་དབོར་བ། ཤིང་གཅོད་རྒྱུག་མཐུད་འགྲན་བསྡུར་སོགས་དགོད་བྲོ་ལ་ངོ་མཚར་ཆེ་བའི་བྱེད་སྒོ་སྣ་ཚོགས་སྤེལ་བར་ཡུལ་སྐོར་བ་དང་ཡུལ་མི་རྣམས་ཀྱིས་ཚ་ཚ་འུར་འུར་ངང་ཞུགས་པ་རེད། འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཟླ་3ཚེས་23ཉིན་ཧན་གོ་རུ་གཉེར་བའི་2025ལོའི་བུད་མེད་ཀྱི་འཁྱགས་ལྡིར་གྱི་འཛམ་གླིང་ལེགས་སྐྱེས་འགྲན་བསྡུར་ནང་། མཚོ་སྔོན་ཞིང་ཆེན་གྱི་དགུན་དུས་རྣམ་གྲངས་དང་ཕྱི་རོལ་ལུས་རྩལ་དོ་དམ་ལྟེ་གནས་ཀྱི་ལུས་རྩལ་པ་སུའུ་ཐིང་ཡུས་དང་རྒྱལ་ཁབ་རུ་ཁག་གི་རུ་མིར་ཟངས་ཀྱི་རྟགས་མ་རག་པ་དེས་2026ལོའི་སྨི་ལན་དགུན་དུས་ཨོ་རྩལ་འགྲན་ཚོགས་ལ་ཐད་ཀར་ཞུགས་ཆོག་པའི་ཐོབ་ཐང་བདེ་བླག་ངང་རག་པ་རེད།ད་རེས་ཀྱི་འཛམ་གླིང་ལེགས་སྐྱེས་འགྲན་བསྡུར་ལ་རུ་ཁག་13ཞུགས་ཡོད་པ་དང་། ཀྲུང་གོའི་རུ་ཁག་གིས་ཝང་རུའེ་དང་། ཧན་ཡུས། ཏུང་ཙི་ཆི། ཅང་ཅ་དབྱི། སུའུ་ཐིང་ཡུས་བཅས་ལས་གྲུབ་པའི་རུ་མི་འགྲན་བསྡུར་ལ་བཏང་བ་དང་། དེའང་ཁོང་ཚོ་མཉམ་ལས་བྱས་ནས་འཛམ་གླིང་ལེགས་སྐྱེས་འགྲན་བསྡུར་ལ་ཞུགས་ཐེངས་ཐོག་མ་ཡིན་པ་རེད། རེས་སྐོར་འགྲན་བསྡུར་བྱེད་རིང་། ཀྲུང་གོའི་རུ་ཁག་ཐེངས་བདུན་རྒྱལ་བ་དང་ཐེངས་ལྔ་ཕམ་པའི་གྲུབ་འབྲས་ཐོག་ནས་ཨང་རིམ་ལྔ་པར་སླེབས་པ་དང་། ཕྱེད་མཐའ་བསྡུར་གྱི་ཐོབ་ཐང་འགྲན་བསྡུར་ནང་སུའེ་ཏེན་རུ་ཁག་དང་འགྲན་སྐབས། ཀྲུང་གོའི་རུ་ཁག་གིས་ཕམ་ཉེའི་གནས་ལས་རྒྱལ་ནས་ལོ་14ཡི་རྗེས་སླར་ཡང་འཛམ་གླིང་ལེགས་སྐྱེས་འགྲན་བསྡུར་གྱི་མདུན་གྲས་བཞིའི་ནང་ཚུད་པ་དང་། དེ་རྗེས་ཀྱི་ཕྱེད་མཐའ་བསྡུར་ནང་། ཀྲུང་གོའི་རུ་ཁག་གིས་སུའེ་ཙེར་རུ་ཁག་ལས་རྒྱལ་མི་ཐུབ་ཀྱང་། ཧན་གོའི་རུ་ཁག་དང་ཨང་གསུམ་པ་འགྲན་པའི་གོ་སྐབས་ཐོབ་ཡོད། མི་རིང་བའི་གོང་མཇུག་འགྲིལ་མ་ཐག་པའི་ཨེ་ཤེ་ཡའི་དགུན་དུས་ལུས་རྩལ་འགྲན་ཚོགས་སྐབས་དགུ་པའི་འཁྱགས་ལྡིར་གྱི་མཐའ་བསྡུར་ནང་ཀྲུང་གོའི་རུ་ཁག་བསྡུར་གྲངས་གཉིས་བསྡུར་བདུན་གྱི་ཐོག་ནས་ཧན་གོའི་རུ་ཁག་ལས་ཕམ་སྟེ་གསེར་གྱི་རྟགས་མ་ལེན་ཐུབ་མེད་པ་རེད། འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

དགོང་མོར་ཆུ་ཚོད་བཅུ་པ་དང་བཅུ་གཅིག་ལ་གཉིད་ཉལ་བའི་ཁྱད་པར།དགོང་མོའི་ཆུ་ཚོད་བཅུ་པར་གཉིད་ཉལ་བ་དང་། ཆུ་ཚོད་བཅུ་གཅིག་ལ་གཉིད་ཉལ་བ་གཉིས། ཆུ་ཚོད་གཅིག་གི་སྔ་ཕྱི་ལས་མེད་ཀྱང་། བདེ་ཐང་ལ་གནོད་པ་ཡོད་མེད་ཁ་ཁ་སོ་སོ་རེད། ཆུ་ཚོད་བཅུ་པ་དང་བཅུ་གཅིག་གཉིད་ཉལ་བའི་ཁྱད་པར་གང་ཡིན་ཟེར་ན། གཅིག   ཆུ་ཚོད་བཅུ་པར་ཉལ་ན། ཕྱི་ཉིན་སེམས་ཁམས་ཇེ་དྭངས་རེད། གཉིས།   ཆུ་ཚོད་བཅུ་པར་ཉལ་ན། སྐུལ་རྒྱུ་ནག་པ

2025ལོའི་དཔྱིད་ཀྱི་དཔལ་ཡོན་གང་སར་བཞད་པའི་མཚམས་འདིར་ཁམས་ཡུས་ཧྲུའུ་ཡི་ལམ་སྣེ་རྡོག་པས་འཇལ་ནས་ས་ཡོམ་གནོད་འཚེའི་རྗེས་ཀྱི་འཕེལ་འགྱུར་ལ་རྒྱུས་ལོན་བྱེད་དུ་ཆས། ལོ་བཅོ་ལྔའི་སྔོན་གྱི་ས་ཡོམ་གྱིས་རི་བོ་སྒུལ་ཅིང་མཚོ་མོ་སྐྱོམས་མོད། ཁོང་ཚོའི་བྱམས་ལྡན་གྱི་ལག་ཟུང་གིས་ཚེ་སྲོག་མང་པོ་བསྐྱབས་པའི་དན་རྟགས་གནས་འདིར་གསལ། ཉི་འོད་ཀྱི་ཟེར་མ་འབུམ་ཕྲག་ཡུས་ཧྲུའུ་ཁུལ་མི་དམངས་སྨན་ཁང་གི་ཐོག་བརྩེགས་གསར་པའི་ཤེལ་ཡོལ་བརྒྱུད་རིག་ནུས་སྨན་བཅོས་མ་ལག་གི་འཆར་ཤེལ་ཐོག་འཕྲོ་སྐབས། ང་ཚོའི་མིག་ལམ་དུ་མཐོང་བ་ནི་དེང་རབས་ཅན་གྱི་སྨན་ཁང་ཞིག་གིས་འགྲོ་བའི་ན་ཟུག་སེལ་བ་དང་ཚེ་སྲོག་གི་རེ་བ་བསྐྱར་གསོ་བྱེད་པའི་བརྗིད་ཆགས་ཀྱི་ལེའུ་གསར་པའི་བཀྲག་མདངས་དེ་རེད།རྒྱུས་ལོན་བྱུང་བ་ལྟར་ན། ཡུས་ཧྲུའུ་ཁུལ་དུ་ས་ཡོམ་བྱུང་ནས་ལོ་ངོ་བཅོ་ལྔ་འདས་པའི་ནང་རིམ་ཁག་སྲིད་གཞུང་དང་འབྲེལ་ཡོད་སྡེ་ཁག་གི་ཡང་དག་པའི་མཛུབ་སྟོན་དང་རྒྱབ་སྐྱོར་དང་། དེ་བཞིན་སྤུན་ཟླའི་ཞིང་ཆེན་གྱི་ཤུགས་ཆེའི་རོགས་སྐྱོར་འོག ཡུས་ཧྲུའུ་ཁུལ་མི་དམངས་སྨན་ཁང་དང་ཡུས་ཧྲུའུ་གྲོང་ཁྱེར་མི་དམངས་སྨན་ཁང་སོགས་ཀྱི་སྨན་བཅོས་སྒྲིག་ཆས་དང་། སྨན་པའི་དཔུང་ཁག སྨན་བཅོས་ལག་རྩལ་སོགས་ཀྱི་ཐད་སྔ་ན་མེད་པའི་འཕེལ་རྒྱས་དང་འགྱུར་བ་ཆེན་པོ་བྱུང་ནས། ས་གནས་འདིའི་མང་ཚོགས་ཀྱི་བདེ་ཐང་ལ་འགན་སྲུང་སྔར་ལས་ལྷག་པ་ཐོབ་ཡོད་པ་རེད། ཡུས་ཧྲུའུ་གྲོང་ཁྱེར་མི་དམངས་སྨན་ཁང་གི་སྨན་པ་ཨོའུ་དབྱང་།ཡུས་ཧྲུའུ་གྲོང་ཁྱེར་མི་དམངས་སྨན་ཁང་གི་སྨན་པ་ཨོའུ་དབྱང་གིས། ངས་ས་ཡོམ་གྱི་སྔ་གཞུག་གི་འགྱུར་ལྡོག་ཆེན་པོ་དངོས་སུ་བརྒྱུད་ཡོད། ས་ཡོམ་མ་བརྒྱབ་གོང་སྨན་ཁང་གི་གཞི་ཁྱོན་ཆུང་བ་དང་སྒྲིག་ཆས་སྟབས་བདེ་ཡིན་པ། གཤགས་བཅོས་མང་པོ་བྱ་ཐབས་བྲལ་བས། མང་ཚོགས་སྨན་བཅོས་བྱེད་པར་ས་ཆ་གཞན་དུ་མི་འགྲོ་ཀ་མེད་རེད། 2010ལོའི་7.1གྱི་ས་ཡོམ་དེས་སྨན་ཁང་ཞིག་རལ་དུ་བཏང་མོད། འོན་ཀྱང་ང་ཚོས་སྐབས་དེར་ཕྱིར་བཤོལ་མ་བྱས་པར་གུར་ཕུབ་ནས་ནུས་ཤུགས་ཡོད་རྒུས་ཚེ་སྲོག་མྱུར་སྐྱོབ་བྱས་པ་ཡིན། ས་ཡོམ་རྗེས་སྨན་ཁང་བསྐྱར་སྐྲུན་བྱས་རྗེས། སྨན་ཁང་གི་རྣམ་པ་གསར་རྐྱང་དུ་གྱུར་ཡོད་ལ། སྔར་གྱི་ནད་ཁྲི་80ནས་200བར་མང་དུ་ཕྱིན་པ་དང་། རྨང་གཞིའི་བརྟག་དཔྱད་ནས་རྩེར་སོན་གཤགས་བཅོས་སྒྲིག་ཆས་སོགས་ཆ་ཚང་ཡོད། ད་ཆ་ང་ཚོས་མགོ་ཀླད་ཀྱི་ཕྱི་རྨས་དང་ཚིགས་བརྗེ་བ་སོགས་དཀའ་ཚེགས་ཆེ་བའི་གཤགས་བཅོས་བྱེད་ཐུབ་པ་མ་ཟད། མྱུར་སྐྱོབ་ལྟེ་གནས་ཆེན་པོ་ལྔ་བསྐྲུན་ཡོད་པས་ཞིང་འབྲོག་མང་ཚོགས་རྣམས་ལ་སྒོ་འགྲམ་ནས་སྤུས་ལེགས་ཀྱི་སྨན་བཅོས་ལོངས་སུ་སྤྱོད་རྒྱུ་བྱུང་ཡོད་ཅེས་གསུངས།ས་ཡོམ་རྗེས་ཀྱི་ལོ་བཅོ་ལྔའི་ནང་། ཡུས་ཧྲུའུ་ཁུལ་མི་དམངས་སྨན་ཁང་གི་མིག་ནད་ཚན་ཁག་ལའང་འགྱུར་ལྡོག་ཆེན་པོ་བྱུང་ཡོད་པ་རེད། མིག་ནད་ཚན་ཁག་གི་ཀྲུའུ་རིན་ཚེ་དབང་རྡོ་རྗེས། སྔོན་ཆད་སྨན་པའི་ལག་རྩལ་དང་སྨན་ཁང་གི་སྒྲིག་ཆས་ཆ་རྐྱེན་ཞན་པའི་དབང་གིས་ནད་པ་མང་པོ་ཞིག་ཡུལ་གཞན་དུ་སྨན་བཅོས་བྱེད་པར་འགྲོ་དགོས་ཀྱི་ཡོད། འོན་ཀྱང་ད་ཆ་མིག་ནད་ཚན་ཁག་ལ་འཕེལ་རྒྱས་མངོན་གསལ་དོད་པོ་བྱུང་ནས་མིག་ནད་སྣ་ཚོགས་བཅོས་ཐུབ་པ་མ་ཟད། ཚན་ཁག་འདི་ཡུལ་འདིའི་མི་རྣམས་ཀྱི་འོད་སྣང་སྲུང་མཁན་དང་མིག་ནད་ཅན་ལ་འོད་སྣང་སྦྱིན་མཁན་ཞིག་ཏུ་གྱུར་ཡོད། འབྱུང་འགྱུར་ལ་ཁ་ཕྱོགས་ཚེ། ས་གནས་འདི་གའི་མང་ཚོགས་ཀྱི་མིག་གི་བདེ་ཐང་བྱ་གཞག་ལ་མུ་མཐུད་འབད་བརྩོན་ལྷོད་མེད་བྱ་རྒྱུ་དེ་ནི་ང་ཚོ་ཐུན་མོང་གི་འོས་འགན་ཞིག་ཡིན་ཞེས་གསུངས།ཡུས་ཧྲུའུ་ཁུལ་མི་དམངས་སྨན་ཁང་མིག་ནད་ཚན་ཁག་གི་ཀྲུའུ་རེན། ཚེ་དབང་རྡོ་རྗེ།ཡུས་ཧྲུའུ་གྲོང་ཁྱེར་མི་དམངས་སྨན་ཁང་གི་སྨན་པ་ཨོའུ་དབྱང་གིས། འདི་དག་ཚང་མ་ཏང་དང་རྒྱལ་ཁབ་ཀྱི་རྒྱབ་སྐྱོར་དང་ཁ་བྲལ་ཐབས་མེད། སྨན་ཁང་གངས་ལྗོངས་ས་མཐོའི་ཚེ་སྲོག་གི་སྐྱབས་གནས་སུ་གྱུར་བ་མཐོང་སྐབས། དེ་ཡི་བཀའ་དྲིན་སེམས་གཏིང་ནས་ཚོར་གྱིན་འདུག་ལ། ཡུས་ཧྲུའུ་མི་དམངས་ཀྱི་བདེ་ཐང་ལ་སྲུང་སྐྱོང་བྱེད་པའི་སེམས་ཤུགས་ཀྱང་བརྟན་དུ་སོང་ཞེས་གསུངས། ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

འཛམ་གླིང་འཕྲོད་བསྟེན་རྩ་འཛུགས་ཁོངས་གཏོགས་ཀྱི་རྒྱལ་སྤྱིའི་སྐྲན་ནད་ཞིབ་འཇུག་ལས་ཁུངས་（IARC）ཀྱི་བསྡོམས་རྩིས་གསར་ཤོས་ཐོག་ནས། གློ་བའི་སྐྲན་ནད་ནི་ད་ལྟ་གོ་ལ་ཧྲིལ་བོའི་ནད་བྱུང་ཚད་དང་ཤི་ཚད་ཚང་མ་ཨང་དང་པོ་ཡིན་པ་དང་། གློ་བའི་སྐྲན་ནད་བསྟུད་མར་ལོ་བཅུའི་རིང་གོ་ལ་ཧྲིལ་པོའི་སྐྲན་ནད་ལས་ཤི་ཚད་ཨང་དང་པོ་ཡིན་པ་མངོན་ཡོད།རྒྱལ་སྤྱིའི་སྐྲན་ནད་ཞིབ་འཇུག་ལས་ཁུངས་IARCཀྱི་བསྡོམས་རྩིས་གསར་ཤོས་ལས། 2022ལོའི་གོ་ལ་ཧྲིལ་བོར་སྐྲན་ནད་བྱུང་བའི་ནད་དཔེ་ཁྲི་2000ལ་ཉེ་བ་དང་། ཤི་བའི་ནད་དཔེ་ཁྲི་970ཙམ་ཡོད་ཅིང་། དེའི་ནང་གློ་བའི་སྐྲན་ནད་བྱུང་བའི་ནད་དཔེ་གསར་པ་ཁྲི་250ཙམ་ཡོད་པ་དེས་12.4%ཟིན་པ་དང་། གློ་བའི་སྐྲན་ནད་ཀྱི་རྐྱེན་པས་ཤི་བའི་ནད་དཔེ་ཁྲི་180ཙམ་ཡོད་པ་དེས་18.7%ཟིན་པ། གློ་བའི་སྐྲན་ནད་བྱུང་ཚད་དང་ཤི་ཚད་ཚང་མ་སྐྲན་ནད་ཚབས་ཆེན་གྱི་ཨང་དང་པོར་སླེབས་པ་མངོན་ཡོད།ཨ་ཤེ་ཡ་ཤར་མའི་ས་ཁུལ་ནི་གློ་བའི་སྐྲན་ནད་འབྱུང་ཚད་མང་ཤོས་ཀྱི་ས་ཁུལ་ཡིན་ཞིང་། འཛམ་གླིང་ཡོངས་སུ་གསར་དུ་བྱུང་བའི་ནད་དཔེ་བརྒྱ་ཆ་50ཡས་མས་ཟིན་པ་དང་། ཀྲུང་གོར་གསར་དུ་བྱུང་བའི་ནད་དཔེ་བསྡུར་ཚད་བཅུ་ཆ་བཞི་ལས་བརྒལ་ཡོད།

སྨན་རྫས་དང་འཕྲོད་བསྟེན་སྒྲིག་སྲོལ་སྒྱུར་བཅོས་ཟབ་ཏུ་བཏང་ན། ནད་གཞི་ལྟ་བའི་ཐད་མང་ཚོགས་ཀྱིས་དོ་སྣང་ཆེ་ཤོས་བྱེད་པ་དང་། མང་ཚོགས་དང་ཐད་ཀར་འབྲེལ་བ་ཆེ་ཤོས་ཡོད་པ། མང་ཚོགས་ལ་འཕྲལ་མཁོ་ཆེ་ཤོས་ཡིན་པ་བཅས་ཀྱི་ཁེ་ཕན་གནད་དོན་ཐག་གཅོད་ཐུབ་པར་ཕན་ཐོགས་ཡོད་ལ། འཕྲོད་བསྟེན་བདེ་ཐང་གི་བྱ་གཞག་འཕེལ་རྒྱས་དོ་སྙོམས་པོ་མེད་པ་དང་གང་ལེགས་མ་བྱུང་བའི་དབར་གྱི་འགལ་བ་གཙོ་བོ་ཐག་གཅོད་ཐུབ་སྟེ། མི་དམངས་ཀྱི་བདེ་ཐང་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་དེ་བས་ལེགས་པ་ཞུ་བར་ཕན་ཐོགས་ཀྱང་ཡོད། རྒྱལ་ཡོངས་ཀྱི་རྫོང་ཁོངས་འབྲེལ་བ་ཟབ་པའི་སྨན་བཅོས་མཉམ་འབྲེལ་ཚོགས་པ་འཛུགས་སྐྱོང་གི་ཚོད་ལྟ་བྱ་ཡུལ་ཞིག་ཡིན་པའི་ངོས་ནས། ཉེ་བའི་ལོ་ཤས་རིང་། ཉིང་ཁྲི་གྲོང་ཁྱེར་རྫ་ཡུལ་རྫོང་གིས“མཐའ་མཚམས་ས་ཐག་རིང་བ་དང་། ཞབས་ཞུའི་ཁྱབ་རྒྱ་ཆེ་བ། འགྲིམ་འགྲུལ་ཚོད་འཛིན་གྱི་རྐྱེན་མང་བ། སྨན་བཅོས་སྟོབས་ཤུགས་ཞན་པ”བཅས་ཀྱི་དོན་དངོས་ལ་གཞིགས་ནས“ལེགས་ཆ་ཆེན་པོ་གཉིས་འདོན་སྤེལ་དང་། ཐབས་ལམ་གཉིས་ལེགས་སུ་གཏོང་བ། རིམ་གསུམ་མ་ལག་འཛུགས་པ། ལམ་སྲོལ་གསུམ་འཐུས་སྒོ་ཚང་དུ་གཏོང་བ”བཅས“2233”གྱི་ལས་ཀའི་བྱ་ཐབས་རིམ་བཞིན་འཚོལ་ཞིབ་བྱས་ཏེ། རྫོང་ཁོངས་ཀྱི་ཕྱོགས་བསྡུས་སྨན་བཅོས་སྒྱུར་བཅོས་ལས་དོན་གྱི་སྤུས་འབྲས་ལེགས་གཉེར་ལ་སྐུལ་འདེད་བཏང་བ་རེད།“དམག་དམངས་མཉམ་འདྲེས་དང་སྨན་བཅོས་བོད་སྐྱོར”གྱི་ལེགས་ཆ་ཆེན་པོ་གཉིས་འཚོལ་ཞིབ་བྱས་ནས་འདོན་སྤེལ་བྱས་པ།དམག་དམངས་མཉམ་འདྲེས་ཀྱི་ལེགས་ཆ་བཏོན་ནས་སྨན་བཅོས་ཀྱི་ཐོན་ཁུངས་མཉམ་སྤྱོད་བྱས་ཤིང་། རྫ་ཡུལ་རྫོང་གིས་བཅའ་སྡོད་དཔུང་སྡེ་དང་མཐུན་སྦྱོར་འབྲེལ་གཏུག་བྱེད་ཤུགས་ཆེ་རུ་བཏང་ནས་མཐའ་མཚམས་ཤང་གྲོང་འཕྲོད་བསྟེན་ཁང་དང་བཅའ་སྡོད་དཔུང་སྡེའི་སྨན་ཁང་དང་འཕྲོད་བསྟེན་ཁང་དབར་དམག་དཔུང་དང་ས་གནས་ཀྱི་སྨན་བཅོས་མཉམ་ལས་གྲོས་མཐུན་འཇོག་རྒྱུར་སྐུལ་འདེད་བཏང་སྟེ། ཤང་གྲོང་འཕྲོད་བསྟེན་ཁང་གིས་བཅའ་སྡོད་དཔོན་དམག་ལ་ཐོགས་མེད་བགྲོད་ལམ་བཏོད་པས་དོས་དྲག་དཔོན་དམག་ལ་འཕྲལ་མར་ནུས་ཆེའི་སྨན་བཅོས་ཐུབ་པ་དང་། ཕྱི་ཕྱོགས་ནས་གདན་ཞུ་བྱས་པའི་རིགས་གཅིག་མཁས་ཅན་ཡིན་པའི་བཅའ་སྡོད་གསོ་སྦྱོང་གི་སྨན་དོན་སྟོབས་ཤུགས་ཀྱིས་དུས་བཀག་ལྟར་རྫོང་མི་དམངས་སྨན་ཁང་དང་། ཤང་དང་གྲོང་རྡལ་གྱི་འཕྲོད་བསྟེན་ཁང་། འཕྲོད་བསྟེན་ཁང་བཅས་སུ་རིན་མེད་སྨན་བཅོས་བྱེད་པ་དང་། བཅའ་སྡོད་དཔུང་སྡེའི་སྨན་བཅོས་ཀྱི་ཐོན་ཁུངས་མང་ཚོགས་ལ་ཕྱོགས་ནས་སྒོ་ཕྱེ་བ་དང་དུས་ངེས་མེད་དུ་འོས་འགན་སྨན་བཅོས་བྱེད་སྒོ་སྤེལ་བས། དམག་དཔུང་དང་ས་གནས་ཕྱོགས་གཉིས་པོའི་མཉམ་ལས་གཉིས་ཕན་དང་གྲུབ་འབྲས་མཉམ་སྤྱོད་ཐུབ་པ་བྱུང་ཡོད།སྨན་བཅོས་བོད་སྐྱོར་གྱི་ལེགས་ཆ་བཏོན་ནས་སྨན་བཅོས་ཀྱི་ཆུ་ཚད་མཐོ་རུ་བཏང་ཞིང་། རྫ་ཡུལ་རྫོང་གིས་བོད་སྐྱོར་སྨན་བཅོས་ཤེས་ལྡན་པའི་ལེགས་ཆར་བརྟེན་ནས་ལག་རྩལ་གྱི་སྟོང་ཆ་བསྐངས་པ་དང་། ཧྲེན་ཀྲེན་གྲོང་ཁྱེར་གྱིས་མཁོ་ཆོད་སྨན་བཅོས་ཤེས་ལྡན་པ་23བདམས་ནས་རྫ་ཡུལ་རྫོང་སྨན་རྩིས་ཁང་དང་། ནད་ཡམས་སྔོན་འགོག་དང་ཚོད་འཛིན་ལྟེ་གནས། ཤང་དང་གྲོང་རྡལ་གྱི་འཕྲོད་བསྟེན་ཁང་ཁག་གཅིག་བཅས་སུ་མངགས་ཏེ་ཁ་གཏད་རོགས་སྐྱོར་ལས་དོན་སྤེལ་བ། མཁའ་དམག་གི་ཁྱད་ལྡན་གསོ་རིག་ལྟེ་གནས་དང་མཉམ་འབྲེལ་སྨན་བཅོས་བོད་སྐྱོར་རུ་ཁག་བཙུགས་ཏེ་ཁྱོན་བསྡོམས“ཚོགས་སྒྲིག་རྣམ་པའི”སྨན་བཅོས་ཤེས་ལྡན་པ་21རྫ་ཡུལ་རྫོང་མི་དམངས་སྨན་ཁང་དུ་ཁ་གཏད་རོགས་སྐྱོར་ལས་དོན་སྤེལ་བར་མངགས་པ་རེད།“ནང་ཁུལ་དུ་སྨན་བཅོས་གཅིག་མཐུན་ཚོགས་པ་སྟོབས་ཆེར་གཏོང་བ་དང་ཕྱི་ཕྱོགས་སུ་སྨན་བཅོས་མཉམ་འབྲེལ་ཚོགས་པ་འཛུཌ་པའི”ཐབས་ལམ་གཉིས་འཚོལ་ཞིབ་བྱས་ནས་ལེགས་སུ་བཏང་བ།ནང་ཁུལ་དུ་སྨན་བཅོས་གཅིག་མཐུན་ཚོགས་པ་སྟོབས་ཆེར་གཏོང་རྒྱུ་མཐའ་འཁྱོངས་བྱས་ནས་གཞི་རིམ་གྱི་བདེ་ཐང་དྲ་ཚགས་དམ་དུ་བཏང་ཞིང་། རྫ་ཡུལ་རྫོང་ཁོངས་སུ“གཞི་གཅིག་ཅན་གྱི་དོ་དམ་བྱེད་ཐབས་ཁག་དྲུག”ལྟེ་བར་བྱས་པའི་སྨན་བཅོས་གཅིག་མཐུན་ཚོགས་པ་འཛུགས་སྐྱོང་བྱེད་ཤུགས་ཆེ་རུ་བཏང་བ་དང་ཕྱོགས་བསྡུས་ནོར་དོན་ཁང་བཙུགས་ནས་སྨན་བཅོས་གཅིག་མཐུན་ཚོགས་པའི་མ་དངུལ་དོ་དམ་དང་། སྨན་བཅོས་ཡོ་བྱད། ནད་བརྟག་ཚོད་ལྟའི་སྨན་རྫས་གཅིག་སྡུད་ཉོ་སྒྲུབ་བཅས་ཀྱི་འགན་འཁུར་བ་དང་སྨན་རྫས་བརྗེ་འཐེན་ལམ་སྲོལ་འཐུས་སྒོ་ཚང་དུ་བཏང་བས། རྫོང་དང་ཤང་རིམ་གཉིས་ཀྱི་སྨན་བཅོས་སྒྲིག་གཞིའི་སྨན་རྫས་འབྲེལ་མཐུད་ནུས་ལྡན་བྱུང་ཡོད།ཕྱི་ཕྱོགས་སུ་སྨན་བཅོས་མཉམ་འབྲེལ་ཚོགས་པ་འཛུགས་རྒྱུ་མཐའ་འཁྱོངས་བྱས་ནས་རོགས་རེས་འགན་སྲུང་དྲ་བ་ཚགས་དམ་དུ་བཏང་ཞིང་། རྫ་ཡུལ་རྫོང་གིས་ཕྱི་ཕྱོགས་སུ“བྱང་དུ་མཁའ་དམག་དམིགས་བསལ་སྨན་ཁང་ལ་སྒྱུར་བ་དང་། ལྷོ་རུ་ཧྲེན་ཀྲེན་སྨན་ཁང་ལ་སྒྱུར་བ། ཉེ་འཁོར་དུ་ཉིང་ཁྲི་གྲོང་ཁྱེར་མི་དམངས་སྨན་ཁང་དང་དེ་བཞིན་ཉིང་ཁྲི་གྲོང་ཁྱེར་སྤོ་བོ་རྫོང་དང་ཆབ་མདོ་གྲོང་ཁྱེར་མཛོ་སྒང་རྫོང་དང་། དཔའ་ཤོད་རྫོང་། དེ་བཞིན་ཡུན་ནན་ཞིང་ཆེན་ཀུང་ཧྲན་རྫོང་མི་དམངས་སྨན་ཁང་བཅས་དང་མཉམ་སྐྲུན་མཉམ་སྤྱོད་བྱེད་པའི”སྨན་བཅོས་མཉམ་འབྲེལ་ཚོགས་པ་བཙུགས་ནས་རོགས་སྐྱོར་སྨན་ཁང་དང་མཉམ་དུ་ནད་གཞི་ཛ་དྲག་ལ་སྲོག་ཉེན་ཆེ་བའི་ནད་པ་སྒྱུར་ལེན་གྱི་ལམ་སྲོལ་བཙུགས་ཡོད།“རྫོང་སྟོབས་ཆེན་དང་། ཤང་འཁྲུག་ཆ་དོད་པ། གྲོང་ཚོ་བརྟན་ལྷིང”བཅས་ཀྱི་རིམ་གསུམ་མ་ལག་འཚོལ་ཞིབ་བྱས་ནས་བསྐྲུན་པ།“རྫོང་སྟོབས་ཆེན”ལ་དམིགས་ཏེ་སྣེ་འདྲེན་སྨན་ཁང་གི་སྟོབས་ཤུགས་ཆེ་རུ་བཏང་ཞིང་། རྫ་ཡུལ་རྫོང་མི་དམངས་སྨན་ཁང་གིས་དོས་དྲག་དང་འཇུ་བྱེད་སྡེ་ཁག་སོགས་གཙོ་གནད་སྡེ་ཁག་འཕེལ་རྒྱས་ཤུགས་ཆེན་བཏང་སྟེ། མཁལ་མ་གཡོན་མའི་གཤགས་བཅོས་དང་ཀ་ལི་གཤགས་ནས་དེའི་གནོན་ཤུགས་ཆུང་དུ་གཏོང་བའི་གཤགས་བཅོས་སོགས་ཛ་དྲག་དང་ཚབས་ཆེ་བའི་ནད་གཞི་སྨན་བཅོས་ཐེངས་དང་པོ་བྱས་ནས“ཀ་པ་རིམ་པ་གཉིས་པའི”ཕྱོགས་བསྡུས་སྨན་ཁང་གསར་གཏོད་དང་གདེང་འཇོག་ལས་དོན་ཕུན་སུམ་ཚོགས་པོས་ལེགས་སྒྲུབ་བྱས་ཡོད་པ་རེད།“ཤང་འཁྲུག་ཏུ་གཏོང་བར”དམིགས་ཏེ་ཤང་འཕྲོད་བསྟེན་ཁང་གི་འགུལ་ནུས་གསར་པ་འཕེལ་བར་བྱས་ཤིང་། 2024ལོར་རྫ་ཡུལ་རྫོང་གི་རྫོང་རིམ་པའི་སྨན་བཅོས་སྒྲིག་གཞིས་ཤང་དང་གྲོང་རྡལ་གྱི་འཕྲོད་བསྟེན་ཁང་ལ་ལག་རྩལ་གསར་པ་དང་རྣམ་གྲངས་གསར་པ་ཁག་16སྤེལ་རོགས་བྱས་ཡོད། ཧྲེན་ཀྲེན་གྱི་ལྟེ་བའི་སྨན་ཁང་གསུམ་གྱིས་ཤང་དང་གྲོང་རྡལ་གྱི་འཕྲོད་བསྟེན་ཁང་6ལ་ཁ་གཏད་རོགས་སྐྱོར་བྱེད་པར་མཐུན་སྦྱོར་བྱས་ཏེ། སྨན་ཁང་གིས་སྨན་ཁང་འགན་གཙང་ལེན་པ་དང་། རིགས་གཅིག་མཁས་ཅན་མངགས་གཏོང་བྱེད་པ། ནད་ཐོག་སློབ་ཁྲིད་བྱེད་པ་སོགས་ཀྱི་རྣམ་པ་སྣ་ཚོགས་བརྒྱུད་དོ་དམ་བྱེད་རོགས་དང་། སྣེ་ཁྲིད་བྱེད་རོགས། རོགས་སྐྱོར་བྱེད་རོགས་བཅས་བྱས་ཏེ། ཤང་དང་གྲོང་རྡལ་གྱི་འཕྲོད་བསྟེན་ཁང་ཚད་ལྡན་ཅན་གྱི་འཛུགས་སྐྲུན་ལ་སྐུལ་འདེད་བཏང་ཡོད་པ་རེད།“གྲོང་ཚོ་བརྟན་ལྷིང”ལ་དམིགས་ཏེ་གྲོང་ཚོའི་འཕྲོད་བསྟེན་ཁང་གི་ཞབས་ཞུའི་འབྲེལ་ཐག་འཐུས་སྒོ་ཚང་དུ་བཏང་ཞིང་། རྫ་ཡུལ་རྫོང་གྱིས“སྨན་པ་གཅིག་དང་སྨན་གཡོག་གཅིག”གཙོ་ཁྲིད་དུ་བྱེད་པ་དང་། ཤང་དང་གྲོང་རྡལ་གྱི་འཕྲོད་བསྟེན་ཁང་ཁག་གི་ཆེད་བསྐོས་པ་དང་གྲོང་གསེབ་སྨན་པ་བྱེད་པོར་བྱས་པའི་ཁྱིམ་ཚང་སྐོར་ཞིབ་ཡན་ལག་རུ་ཆུང་བཙུགས་ནས་གྲོང་ཁྱེར་དང་གྲོང་གསེབ་ཀྱི་གྲོང་མི་ཁྲི་2.8ལ་གན་འཇོག་ཞབས་འདེགས་ཞུས་ཏེ་གྲོང་མིར་སྨན་བཅོས་ཀྱི་སྟབས་བདེའི་རང་བཞིན་དང་རྒྱུན་མཐུད་རང་བཞིན་ཆེ་རུ་བཏང་ཡོད། “གྲོང་ཚོའི་སྨན་པའི་ཞབས་ཞུའི་ལས་གནས”བཟོས་ནས་ས་གནས་དེ་ག་དང་གྲོང་ཚོ་དེ་གའི་གྲོང་ཚོའི་སྨན་པར་གཙོ་གནད་གསོ་སྐྱོང་བྱས་པ་དང་ཆབས་ཅིག་ལས་ཞུགས་མ་ཐུབ་པའི་སློབ་ཆེན་ཐོན་པའི་ཆེད་བསྐོས་པ་དང་སློབ་ཆེན་ཐོན་པའི་གྲོང་ཚོའི་སྨན་པ་བསྡུས་ཡོད་པ་རེད།“སྤྱི་འདོམས་དང་། དོ་དམ། མཐུན་སྦྱོར”བཅས་ཀྱི་ལམ་སྲོལ་ཁག་གསུམ་འཚོལ་ཞིབ་བྱས་ནས་འཐུས་སྒོ་ཚང་དུ་བཏང་བ།མཐོ་གནས་སྤྱི་འདོམས་ལམ་སྲོལ་འཐུས་སྒོ་ཚང་དུ་བཏང་ཞིང་། རྫ་ཡུལ་རྫོང་གིས་རྫོང་དཔོན་ཙུའུ་ཀྲང་དང་ལས་བགོས་རྫོང་དཔོན་གཞོན་པ་ཙུའུ་ཀྲང་གཞོན་པ་བྱས་པའི་རྫོང་ཁོངས་ཀྱི་ཕྱོགས་བསྡུས་སྨན་བཅོས་སྒྱུར་བཅོས་འགོ་ཁྲིད་ཚོགས་ཆུང་བཙུགས་པ་མ་ཟད། དུས་བཀག་ལྟར་ཚོགས་འདུ་འཚོགས་ནས་ལས་འགན་ལ་ཞིབ་འཇུག་བཀོད་སྒྲིག་ཀྱང་བྱས་ཏེ་སྨན་བཅོས་སྒྱུར་བཅོས་ལས་དོན་ལ་སྤྱི་འདོམས་སྐུལ་འདེད་བཏང་བ་རེད།ནང་ཁུལ་ཚོད་འཛིན་གྱི་དོ་དམ་ལམ་སྲོལ་འཐུས་སྒོ་ཚང་དུ་བཏང་ཞིང་། རྫ་ཡུལ་རྫོང་གྱིས《རྫ་ཡུལ་རྫོང་གཞི་རིམ་སྨན་བཅོས་ལས་ཁུངས་ཀྱི་གྲུབ་འབྲས་དཔྱད་བསྡུར་གཏན་འབེབས་བགོ་བཤའི་ཇུས་གཞི(ཚོད་ལྟའི་ལག་བསྟར)》དང《རྫ་ཡུལ་རྫོང་མི་དམངས་སྨན་ཁང་གི་བྱས་འབྲས་གླ་ཕོགས་དཔྱད་ཞིབ་བགོ་བཤའི་ཇུས་གཞི(ཚོད་ལྟའི་ལག་བསྟར)》བཟོས་ཏེ། རྫོང་ཁོངས་ཀྱི་ཕྱོགས་བསྡུས་སྨན་བཅོས་སྒྱུར་བཅོས་ཀྱི་འགན་འཁྲིའི་གསལ་ཐོ་བཟོ་བའི་རྨང་གཞིའི་ཐོག་སྡེ་ཚན་མང་པོའི་མཉམ་འབྲེལ་དཔྱད་ཞིབ་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས། དཔྱད་ཞིབ་བྱས་འབྲས་དེ་སྨན་བཅོས་ལས་ཁུངས་ཀྱི་ནོར་སྲིད་ཁ་གསབ་དང་། འགོ་ཁྲིད་ཚན་ཁག་བསྐོ་འཐེན། བྱ་དགའ་ཆད་གཅོད་བཅས་ཀྱི་གཞི་འཛིན་ས་གལ་ཆེན་ཞིག་ཏུ་བརྩིས་ཏེ། ལམ་ལུགས་ལ་བརྟེན་ནས་མིར་དོ་དམ་བྱེད་པ་དང་། ལམ་ལུགས་ལ་བརྟེན་ནས་དོན་དག་ལ་དོ་དམ་བྱེད་པ། ལམ་ལུགས་ཅན་ལ་བརྟེན་ནས་ཞབས་ཞུའི་ཆུ་ཚད་མཐོ་རུ་གཏོང་བ་བཅས་ཀྱི་ལམ་སྲོལ་བཟང་པོ་ཞིག་ཆགས་པར་བྱས་པ་རེད། འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

ཉེ་ཆར། བོད་ལྗོངས་བོད་ལུགས་གསོ་རིག་སློབ་ཆེན་གྱི་ཞིབ་འཇུག་སློབ་མའི་མུ་འབྲེལ་སློབ་དེབ་ཐོག་མ་ལྷ་སའི་བོད་ལྗོངས་བོད་ལུགས་གསོ་རིག་སློབ་ཆེན་དུ་འགྲེམས་སྤེལ་བྱས་པ་དེ་ཐོག་ནས་བོད་ལུགས་གསོ་རིག་ཞིབ་འཇུག་སློབ་མའི་ཤེས་ལྡན་པ་གསོ་སྐྱོང་ཚད་ལྡན་ཅན་དང་མ་ལག་ཅན་གྱི་དུས་མཚམས་གསར་པར་སླེབས་པ་མཚོན་ཡོད། མུ་འབྲེལ་སློབ་དེབ་དེར་བོད་ལུགས་གསོ་རིག་གི་རྨང་གཞིའི་རིགས་པའི་གཞུང་ལུགས་དང་། གསུང་རབ་ཞིབ་འཇུག ནད་ཐོག་ལག་ལེན། བོད་སྨན་རིག་པ། གནམ་རིག་སྐར་རྩིས་བཅས་རིགས་ཆེན་པོ་ལྔ་ཚུད་ཡོད་པ་དང་ཁྱོན་དེབ་14ཡོད་པ་དེ་དག་བོད་ལུགས་གསོ་རིག་དང་གནམ་རིག་སྐར་རྩིས་ཁྱབ་ཁོངས་ཀྱི་རིགས་གཅིག་མཁས་ཅན་དང་མཁས་དབང་60ལྷག་ཙམ་གྱིས་ལོ་མང་རིང་རྩོམ་སྒྲིག་བྱས་ནས་ལེགས་སྒྲུབ་བྱས་པ་ཞིག་རེད།འདི་ནི་བོད་ལུགས་གསོ་རིག་མཐོ་རིམ་སློབ་གསོའི་ཞིབ་འཇུག་སློབ་མའི་མུ་འབྲེལ་སློབ་དེབ་འགྲེམས་སྤེལ་མཛད་སྒོ་འཚོག་ཡུལ་ཡིན་པ། འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

གནམ་གཤིས་འགྱུར་ལྡོག་གིས་སྙིང་ཁམས་ཁྲག་རྩའི་བདེ་ཐང་ལ་ཤུགས་རྐྱེན་ག་འདྲ་ཐེབས་སམ།ས་ཚིགས་ལ་འགྱུར་ལྡོག་འབྱུང་བ་དང་གྲང་རླུང་ཆེ་བའི་དུས་སུ་སྙིང་ཁམས་ཁྲག་རྩའི་ནད་འབྱུང་བ་མང་སྟེ། དེ་ནི་གཙོ་བོ་དྲོད་ཚད་དམའ་བ་དང་། འགུལ་སྐྱོད་ཉུང་བ། བཟའ་བཏུང་ཚད་ལས་བརྒལ་བ། རྒྱུན་པར་ནད་འགོ་བ་སོགས་རྒྱུ་རྐྱེན་བཞི་དང་འབྲེལ།གནམ་གཤིས་ཇེ་འཁྱགས་སུ་འགྲོ་བའི་སྐབས་སུ། མིའི་ལུས་ཕུང་གི་ཁྲག་རྩ་ཕྲ་མོ་དག་འཁུམ་ཞིང་། སྙིང་གི་ལྡིང་ཚད་ཇེ་མགྱོགས་དང་ཁྲག་ཤེད་ཇེ་མཐོར་སོང་བས་སྙིང་གི་གནོན་ཤུགས་ཇེ་ཆེར་བཏང་སྟེ། སྙིང་ལ་གཟེར་རྒྱག་པའམ་ཡང་ན་སྙིང་རྩ་འགག་པ་སོགས་འབྱུང་སྲིད། ལུས་སྟོབས་ཞན་པའི་རྒན་པ་ཚོར་དྲོད་ཚད་ཇེ་དམར་འགྲོ་བའི་སྐབས་སུ་རྒྱུན་དུ་ཆམ་པ་དང་ཆམ་རིམས་སོགས་དབུགས་ལམ་མ་ལག་གི་ནད་གཞི་དག་མཉམ་པོར་འབྱུང་སྲིད་ལ། གློ་བུར་དུ་སྙིང་རྩ་འགག་ནས་ཤི་བ་དང་དང་གློ་བུར་ཤི་བ་སོགས་ཀྱང་འབྱུང་སྲིད།དེ་ལས་གནམ་གཤིས་ལ་འགྱུར་ལྡོག་འབྱུང་བ་དང་ལྷག་པར་གྲང་ངར་ཆེ་བའི་སྐབས་སུ། ཁྲག་ཤེད་ཇེ་མཐོར་འགྲོ་བ་དང་། དེ་དང་འབྲེལ་ནས་སྙིང་ཁམས་ཁྲག་རྩའི་ནད་སྣ་ཚོགས་འབྱུང་བའམ་ཡང་ན་སྔར་ཡོད་ཀྱི་ནད་གཞི་གློ་བུར་ཇེ་སྡུག་ཏུ་འགྲོ་སྲིད། རང་རྒྱལ་གྱི་བྱང་ཕྱོགས་ས་ཁུལ་དུ་འཚོ་གནས་ཀྱི་སྙིང་རྩ་འགག་ནད་དང་ཁྲག་ཤེད་མཐོ་བའི་ནད་སོགས་དལ་གཤིས་ནད་ཕོག་མཁན་དག་དང་དེ་བཞིན་རྒན་པ་རྣམས་ཀྱིས་སྙིང་ཁམས་ཁྲག་རྩའི་ནད་སྔོན་འགོག་བྱེད་པར་མཐོང་ཆེན་བྱེད་དགོས།སྙིང་ཁམས་ཁྲག་རྩའི་ནད་ཕོག་མཁན་ཚོས་གྲང་ངར་གྱི་ཚོད་བགམ་ལ་ཇི་ལྟར་ཁ་གཏད་དགོས།སྙིང་ཁམས་ཁྲག་རྩའི་ནད་ཡོད་མཁན་ཚོས་གཤམ་གསལ་གྱི་ཕྱོགས་ལྔའི་ཐད་དོ་སྣང་བྱེད་དགོས་པ་སྟེ།གཅིག དྲོད་ཚད་དང་རང་ཉིད་ཀྱི་ཚོར་སྣང་ལ་གཞིགས་ནས་ལྭ་བ་གྱོན་དགོས། དུས་ཚིགས་བརྗེ་དུས་ཕྱི་ལ་སྐྱོད་སྐབས་གྱོན་གོས་དྲོན་པོ་ཞིག་འཁྱེར་ན་ལེགས།གཉིས། ལུས་པོ་གསོ་བའི་བཟའ་བཏུང་མང་མི་རུང་། སྙིང་ཁམས་ཁྲག་རྩའི་ནད་ཕོག་མཁན་ཚོའི་ངོས་ནས་བརྗོད་ན། ཚྭ་མང་བ་དང་ཞག་ཚིལ་མང་བའི་བཟའ་བཏུང་ནི་ནད་གཞི་ཇེ་སྡུག་ཏུ་འགྲོ་བའི་རྒྱུ་རྐྱེན་དུ་འགྱུར་བས། བཟའ་བཏུང་གི་ཐད་ནས་ནད་པས་དམར་ཟས་དང་དཀར་ཟས་མཉམ་བསྲེས་དང་། ཚྭ་དང་ཞག་ཚིལ་ཉུང་བའི་བཟའ་བཏུང་སྤྱད་ན་ལེགས།གསུམ། ལུས་སྦྱོང་འོས་འཚམ་བྱེད་དགོས། ལུས་སྦྱོང་འོས་འཚམ་བྱས་ན་ཁྲག་གི་འཁོར་སྐྱོད་ཇེ་ལེགས་སུ་གཏོང་ཐུབ་ཅིང་། དུས་ཚིགས་ལ་འགྱུར་ལྡོག་འབྱུང་བའི་སྐབས་སུའང་སྙིང་ཁམས་ཁྲག་རྩའི་ནད་ཕོག་མཁན་ཚོས་ལུས་སྦྱོང་བྱེད་མཚམས་འཇོག་མི་རུང་བ་དང་། ཙོག་ཡུན་རིང་མི་རུང་། ལུས་སྦྱོང་འོས་འཚམ་བྱེད་དགོས་ཏེ། ཞོགས་པའམ་དགོང་མོ་མཐོང་ལམ་མི་གསལ་བའམ་ཡང་ན་སྨུག་རྡུལ་འཐིབས་པའི་སྐབས་སུ་ཕྱི་ལ་ལུས་སྦྱོང་བྱེད་དུ་འགྲོ་མི་རུང་།བཞི། དུས་ཐོག་ཏུ་ཆམ་རིམས་འགོག་ཁབ་བརྒྱག་དགོས། སྙིང་ཁམས་ཁྲག་རྩའི་ནད་ཕོག་མཁན་ཚོས་ལོ་རེར་ཆམ་རིམས་འགོག་ཁབ་བརྒྱབ་སྟེ། ཆམ་རིམས་ལྕི་མོ་དང་དེ་ལས་ཐོན་པའི་སྙིང་ཁམས་ཁྲག་རྩའི་ནད་མི་འབྱུང་བ་བྱེད་དགོས།ལྔ། ནད་གཞིའི་ཐད་རང་གིས་རང་ལ་བདག་སྐྱོང་བྱེད་པར་ཤུགས་སྣོན་དགོས། སྙིང་ཁམས་ཁྲག་རྩའི་ནད་ནི་དལ་གཤིས་གཅོང་ནད་ཅིག་ཡིན་པས། ནད་པས་རང་གིས་རང་ལ་བདག་སྐྱོང་བྱ་རྒྱུ་ནི་ནད་གཞི་གཏན་ཆགས་གཏོང་བའི་ཐབས་མཆོག་ཅིག་རེད། ནད་པས་ངེས་པར་དམིགས་ཚད་ལྟར་བརྟག་དཔྱད་བྱེད་དགོས་པ་སྟེ། དཔེར་ན་རང་གིས་རང་ལ་ཁྲག་ཤེད་དང་ཁྲག་མངར་འཇལ་བ་དང་། སྙིང་ཤུགས་ཉམས་པའི་ནད་པས་ལུས་པོའི་ལྗིད་ཚད་དང་བཏུང་བྱ་འཐུང་ཚད། གཅིན་པ་བབས་ཚད་སོགས་ལ་བརྟག་དཔྱད་བྱེད་དགོས། ནད་པས་སྨན་པའི་ངག་ལྟར་དུས་ཐོག་ཏུ་སྨན་འཐུང་དགོས་ཤིང་། སྨན་གྱི་མང་ཉུང་གང་འདོད་ལྟར་སྣོན་འཕྲི་བྱེད་པའམ་ཡང་ན་སྨན་འཐུང་མཚམས་འཇོག་མི་རུང་། བདེ་ཐང་གི་འཚོ་བ་སྐྱེལ་སྟངས་རྒྱུན་འཁྱོངས་བྱས་ཏེ་དུས་བཅད་ལྟར་སྨན་ཁང་དུ་སོང་ནས་སྨན་བཅོས་དང་བསྐྱར་བརྟག་བྱེད་དགོས་ལ། ནད་རྟགས་ཐོན་ཚེ་དུས་ཐོག་ཏུ་སྨན་བཅོས་བྱེད་དགོས།སྙིང་ཁམས་ཁྲག་རྩའི་ནད་ཕོག་པའི་ནད་པས་ལུས་རྩལ་གྱི་རྩ་དོན་གང་དག་བརྩི་སྲུང་བྱེད་དགོས་སམ།“ཚེ་སྲོག་ནི་ལུས་རྩལ་ལ་རག་ལས་ཡོད”ཅེས་པ་དེ་སྙིང་ཁམས་ཁྲག་རྩའི་ནད་ཕོག་མཁན་ཚོར་སྔར་བཞིན་འཚམ་སྟེ། སྙིང་ཁམས་ཁྲག་རྩའི་ནད་ཕོག་མཁན་ཚོས་ལུས་སྦྱོང་རྒྱུན་འཁྱོངས་བྱེད་དགོས་ཤིང་། གཟའ་འཁོར་རེར་མ་མཐའ་ཡང་འགུལ་སྐྱོད་འབྲིང་ཙམ་གྱི་ལུས་སྦྱོང་སྐར་མ150འམ་ཡང་ན་འགུལ་སྐྱོད་ཆེ་བའི་ལུས་སྦྱོང་སྐར་མ78བྱེད་དགོས།སྟབས་བདེའི་བརྡར་ཤ་གཅོད་སྟངས་འདི་ལྟ་སྟེ། འགུལ་སྐྱོད་འབྲིང་ཙམ་གྱི་ལུས་སྦྱོང་བྱེད་སྐབས་ང་ཚོའི་སྙིང་གི་འཕར་ཚད་དང་དབུགས་འབྱིན་རྔུབ་བྱེད་ཚད་ཇེ་མགྱོགས་སུ་འགྲོ་མོད། འོན་ཀྱང་ད་དུང་རྒྱུན་ལྡན་ལྟར་གླེང་མོལ་བྱེད་ཐུབ་པ་ཡིན། ཤུགས་ཚད་ཆེ་བའི་ལུས་སྦྱོང་བྱེད་སྐབས་རྒྱུན་ལྡན་ལྟར་གླེང་མོལ་བྱེད་མི་ཐུབ།གྲང་ངར་ཆེ་བའི་དུས་སུ་དལ་རྒྱུག་དང་། རི་འཛེགས། མྱུར་འགྲོ། སྤོ་ལོའི་རིགས་ཀྱི་ལུས་རྩལ་སོགས་འཚམ་མོད། ནད་པ་ཕྱི་རུ་ལུས་སྦྱོང་དུ་འགྲོ་སྐབས་གྱོན་གོས་འོས་འཚམ་གྱོན་དགོས་ཤིང་། འགུལ་སྐྱོད་མ་བྱས་གོང་ལ་གྲབས་སྦྱོང་གང་ལེགས་བྱེད་དགོས་པ་དང་། ལུས་སྦྱོང་བྱེད་པའི་བརྒྱུད་རིམ་ཁྲོད་དུས་ཐོག་ཏུ་ཆུ་འཐུང་དགོས་ལ། ལུས་རྩལ་ཚད་ལས་བརྒལ་མི་རུང་།ཁྲག་ཤེད་མཐོ་བའི་ནད་པས་བཟའ་བཏུང་ཐད་དོ་སྣང་གང་དག་བྱེད་དགོས་སམ།དུས་རྒྱུན་གྱི་བཟའ་བཏུང་ཁྲོད་དུ། ཁྲག་ཤེད་མཐོ་བའི་ནད་པས་ཅཱ་ཇེ་མང་དང་ནཱ་ཇེ་ཉུང་དུ་གཏོང་བར་དོ་སྣང་བྱེད་དགོས་ཏེ། ནཱ་ཚྭ་ཡིས་ཁྲག་ཤེད་ཇེ་མཐོར་གཏོང་བ་ཡིན། ཁྲག་ཤེད་མཐོ་བའི་ནད་པས་ནཱ་ཚྭ་ཡང་ཉུང་དུ་གཏོང་དགོས་ཏེ། མི་རེས་ཉིན་རེར་ཚྭ་སྤྱོད་ཚད་ཁེ5ལས་བརྒལ་མི་རུང་། ཅཱ་འདུས་པའི་ཟས་རིགས་ཏེ། དཔེར་ན་ཁྲེ་དང་། གྲོ། པོ་ཚལ། ངང་ལག་སོགས་མང་ཙམ་ཟ་དགོས་ལ། ཞག་ཚིལ་དང་མངར་ཆ་མང་བའི་ཟས་རིགས་དང་ཟས་རྗེན་པ་དང་ཁ་ཚ་བའི་རིགས་ཟ་མི་རུང་། གཞན་སྔོ་ཚལ་དང་། ཤིང་འབྲས། འབྲུ་རིགས་སོགས་མང་ཙམ་ཟ་དགོས། །

གལ་ཏེ་ལོ་མི་ཆེ་ན་ཡང་སྐྲ་དཀར་པོ་སྐྱེས་ན། གཤམ་གྱི་གནས་ཚུལ་རིགས་གསུམ་ལས་སྐྲ་དཀར་པོ་ཡང་བསྐྱར་སྐྲ་ནག་པོར་འགྱུར་ཐུབ།གཅིག ནད་གཞིའི་རྒྱུ་རྐྱེན་ལས་བྱུང་བའི་སྐྲ་དཀར་པོ།འབྲེལ་ཡོད་ནད་རིགས་ལ་ཚད་ལྡན་གྱི་སྨན་བཅོས་བྱས་རྗེས་སྐྲ་དཀར་པོ་སྐྱེ་བའི་གནས་ཚུལ་ཇེ་བཟང་དུ་འགྲོ་སྲིད།གཉིས། སེམས་ཁམས་རྒྱུ་རྐྱེན་ལས་བྱུང་བའི་སྐྲ་དཀར་པོ།སེམས་ཁམས་ཞི་ལྷོད་དུ་སོང་བའམ་ཡང་ན་གནོན་ཤུགས་ཞི་ལྷོད་དུ་སོང་རྗེས། སྐྲ་དཀར་པོ་སྐྱེ་བའི་གནས་ཚུལ་ཇེ་བཟང་དུ་འགྲོ་སྲིད་པས་སེམས་ཁམས་སྐྱིད་པོ་ཡོང་བ་དང་འགུལ་སྐྱོད་འོས་འཚམ་བྱ་དགོས།གསུམ། འཚོ་བཅུད་མི་འདང་བ་ལས་བྱུང་བའི་སྐྲ་དཀར་པོ།འཚོ་བཅུད་འདང་རྗེས་སྐྲ་དཀར་པོ་སྐྱེ་བའི་གནས་ཚུལ་ཇེ་བཟང་དུ་འགྲོ་སྲིད། ཟས་རིགས་ལ་ཕྱོགས་ཞེན་བྱེད་པའི་མི་ཚོགས་ཀྱིས་འཚོ་བཅུད་བསྡུ་ལེན་བྱས་རྗེས་སྐྲ་དཀར་ཡང་ཇེ་བཟང་དུ་འགྲོ་སྲིད། འོན་ཀྱང་། གོང་གསལ་གྱི་གནས་ཚུལ་ཚང་མར་སྔོན་ལ་འབྲེལ་ཡོད་ཞིབ་བཤེར་བྱས་ནས། འཚོ་བཅུད་མི་འདང་བའི་གནས་ཚུལ་ཡོད་མེད་ལ་བལྟ་དགོས་པ་ལས་རང་དགར་ཁ་གསབ་གཏན་ནས་བྱེད་མི་རུང་།

ཇ་འཐུང་ན་ཁམས་གསོ་བར་ཕན་པར་བཤད་ཀྱང་། དེ་ཡང་རང་ལུས་ཀྱི་གནས་ཚུལ་དང་བསྟུན་པ་གལ་ཆེ། ཀྲུང་ལུགས་གསོ་རིག་གིས་ཇ་སྨན་ལ་གྲང་བ་དང་བསིལ་བ་དང་དྲོ་བ་དང་ཚ་བ་བཅས་རང་བཞིན་བཞི་རུ་དབྱེ། དེ་བཞིན་དུ་གྲང་བའི་རང་བཞིན་གྱི་ཇ་དེ་མིའི་རང་བཞིན་ཚ་བ་ཅན་ལ་འཕྲོད་པ་ཡིན། དཔེར་ན་ལུས་རྒྱགས་པའི་མི་ཡིས་ཚིལ་ཞུ་ཞིང་བཤང་བ་རྒྱུ་བར་བྱེད་པའི་ཚོ་སྦྱོང་ཇ་བསྟེན་ཆོག ཇ་སྨན་དེ་ནི་ཆུ་སྐྱེས་པད་འདབ་ཀྱིས་གཙོ་བྱས་ཤིང་དེ་ལ་ཇ་ལྗང་དང་སྐྱུ་རུ་ར། མེ་ཏོག་གསེར་དངུལ་སོགས་ཀྱིས་ཟུར་བརྒྱན་པ་ཞིག་ཡིན་པས། དེ་ལ་ཚིལ་ཞུ་བ་དང་ཁམས་གསོ་བའི་ནུས་པ་ལྡན། གཤམ་དུ་རྒྱུན་འཐུང་གི་ཇ་རིགས་འགའི་ནུས་པ་དང་བསྟེན་ཐབས་བཤད་པ་ལ་སོ་སོའི་རང་གི་ལུས་པོའི་གནས་ཚུལ་དང་བསྟུན་ནས་བསྟེན་པར་ཞུ།མེ་ཏོག་ཇ། མེ་ཏོག་ཇ་ནི་མངར་ལ་བསིལ་བ་དང་དྲི་ཞིམ་དང་ལྡན་པས། རླུང་རྒྱུ་བ་སེམས་ཡངས་པ། སྙིགས་རོ་འདོར་བའི་བྱེད་ནུས་དང་ལྡན་པས། ལུས་ཀྱི་རླུང་འགག་པ་རྒྱུ་བར་ཕན། དཔེར་ན་དཔྱིད་དུས་ལུས་ཀྱི་རྒྱུ་བ་མ་སྙོམས་པར་སེམས་ཁམས་མི་དྭངས་པར་འགྱུར་བ་དང་མཆིན་རླུང་འགག་པས། མེ་ཏོག་ཇ་བསྟེན་ན་མཆིན་རླུང་རྒྱུ་བར་བྱེད་པ་དང་སེམས་ཁམས་དྭངས་པར་བྱེད་པའི་ནུས་པ་ཐོན།ཇ་ལྗང་། ཇ་ལྗང་ནི་རོ་ཁ་ལ་རང་བཞིན་གྲང་བ་ཡིན་པས། དབྱར་ཚ་བ་ཆེ་དུས། མི་ལུས་ལ་རྔུལ་ཆུ་མང་པོ་ཟགས་པ་དང་། ལུས་ཀྱི་བརླན་ཆ་དང་ནུས་པ་ཟད་ཆེ་བས། གཉིད་ཀྱིས་མི་འདང་བ་དང་ལུས་དུབ་པར་འགྱུར། དེ་བས་ཇ་ལྗང་ནི་ལུས་ཀྱི་རང་བཞིན་ཚ་བ་ཅན་གྱི་མིས་དབྱར་དུས་བསྟེན་རིགས་ཏེ། ཚ་སེལ་དྲོ་སྙོམས་དང་གློ་བ་གསོ་བའི་ནུས་པ་ཐོན།ཇ་ཝུ་ལོང་། ཇ་ཝུ་ལོང་ལ་ཇ་ལྗང་གི་བསིལ་བའི་ཆ་དེ་ལྡན་པར་མ་ཟད་ཇ་དམར་གྱི་བྲོ་བའང་ལྡན། དེའི་རང་བཞིན་ཚ་གྲང་སྙོམས་པ་ཅན་ཡིན་པས། སྟོན་དུས་སྐམ་ཐན་ཆེ་བའི་དུས་སུ། མི་ལུས་ལ་འབྱིན་རྔུབ་མི་བདེ་བའི་གནས་ཚུལ་འབྱུང་བས། ཇ་ཝུ་ལོང་འཐུང་ན་མིད་པ་དང་གྲེ་བ་བརླན་པར་བྱེད་ལ། རླུང་དང་མེ་དྲོད་གསོ།ཇ་ཕོར་བ། ཇ་ཕོར་བ་ལ་མངར་ཆ་དང་སྐྱེ་དངོས་བིལ་ཏོག ཨེམ་ཅི་སྐྱུར། ཇ་ཧྥིན། གཏེར་རྒྱུ་སོགས་ཀྱི་གྲུབ་ཆ་འཛོམས། ཞིབ་འཇུག་ལས་ཤེས་རྟོགས་བྱུང་བ་ལྟར་ན། རྒྱུན་དུ་ཇ་ཕོར་བ་བསྟེན་ན་ཁྲག་ཚིལ་སྙོམས་པར་བྱས་ནས་མཁྲིས་ཕྲུན་ཇེ་དམའ་རུ་གཏོང་ནུས་ལ། དེ་བཞིན་ཚིལ་གྱི་སྤྲི་དཀར་ཇེ་མཐོར་གཏོང་བའི་ནུས་པ་ཐོན་པ་ཡིན།རྩོམ་སྒྲིག་པ། ལྷ་མོ་ཚེ་རིང་།

མིག་སྔར། གསར་དུ་བཙས་པའི་བྱིས་པའི་འཚོ་བཅུད་ཁྱབ་ཁོངས་སུ་ཚེ་སྲོག་གི་ཆེས་ཐོག་མའི་ཉིན་སྟོང་ཞེས་པའི་བཤད་ཚུལ་ཞིག་ཡོད་ལ། དེ་ནི་ཨ་མའི་མངལ་སྦྲུམ་པ་ནས་བྱིས་པ་བཙས་པའི་རྗེས་ཀྱི་ལོ་གཉིས་བར་གོ་བ་ཡིན། བྱིས་པ་ནར་སོན་པའི་རྗེས་ཀྱི་ནད་རིགས་མང་པོ་ཞིག་དུས་སྐབས་དེའི་འཚོ་བཅུད་གནས་ཚུལ་ལ་རག་ལས་ཡོད།བྱིས་པ་བཙས་ནས་ཟླ་དྲུག་འགོར་རག་བར་དུ། ཨ་མའི་ནུ་ཞོ་བསྣུན་དགོས། ཨ་མའི་ནུ་ཞོའི་ནང་དུ་རིམས་ཐར་རྒྱུ་མང་པོ་ཡོད་པས། བྱིས་པ་ནར་སོན་རྗེས་རེད་གཤིས་ནད་འབྱུང་བ་སྔོན་འགོག་བྱེད་པར་ཕན། བྱིས་པ་བཙས་ནས་ཟླ་བདུན་ནས་ཟླ་ཉེར་བཞིའི་བར་དུ། ད་རུང་མུ་མཐུད་དུ་ཨ་མའི་ནུ་ཞོ་བསྣུན་ན་བཟང་། རྒྱུ་མཚན་ནི་ཨ་མའི་ནུ་ཞོས་སྔར་བཞིན་སྤུས་ལེགས་སྤྲི་དཀར་རྫས་དང་ཀལ་སོགས་འཚོ་བཅུད་རྫས་གལ་ཆེན། རིམས་ཐར་སྲུང་སྐྱོབ་རྒྱུ་སོགས་མཁོ་འདོན་བྱེད་ཐུབ་པར་མ་ཟད། མ་བུའི་བར་གྱི་འབྲེལ་བ་ཇེ་ཟབ་ཏུ་གཏོང་བ་དང་བྱིས་པ་འཚར་ལོངས་འབྱུང་བར་ཕན་ཐོགས་ཡོད། གལ་ཏེ་ཨ་མའི་ནུ་ཞོ་བསྣུན་མ་ཐུབ་པ་དང་ནུ་ཞོ་མ་འདང་ན། འོ་ཕྱེ་སོགས་ཀྱིས་ཨ་མའི་ནུ་ཞོའི་ཚབ་བྱེད་དགོས།བྱིས་པ་བཙས་ནས་ཟླ་དྲུག་འགོར་རྗེས། ཕོ་བ་དང་རྒྱུ་མ་སོགས་འཇུ་བྱེད་དབང་བོ་ལྟོས་བཅས་ཀྱིས་འཚར་སྐྱེ་བྱུང་ཡོད་པས། ཨ་མའི་ནུ་ཞོ་ལས་གཞན་པའི་ཟས་རིགས་འཇུ་ཐུབ་ལ། དུས་སྐབས་དེར་ལྕགས་འདུས་པའི་ཟས་རིགས་ཇེ་མང་དུ་བཏང་ཆོག བྱིས་པའི་ལུས་སྟེང་གི་ལྕགས་རྒྱུ་ནི་གཙོ་བོ་མངལ་སྦྲུམ་པའི་དུས་མཇུག་གི་ཟླ་གསུམ་གྱི་རིང་ཨ་མས་བུ་རོགས་བརྒྱུད་ནས་མཁོ་འདོན་བྱས་པ་ཡིན། བྱིས་པ་བཙས་རྗེས་ཀྱི་ཟླ་གཉིས་ནས་གསུམ་གྱི་རིང་། སྐྱེ་ལུགས་རང་བཞིན་གྱི་ཁྲག་ཞན་པའི་གནས་ཚུལ་འབྱུང་སྲིད་པ་དང་། སྐབས་དེར་ཨ་མའི་ནུ་ཞོའི་ནང་གི་ལྕགས་རྒྱུའི་འདུས་ཚད་ཉུང་ན་བྱིས་པར་ཁྲག་ཞན་པའི་གནས་ཚུལ་འབྱུང་སྲིད། དེ་བས། ཨ་མའི་ནུ་ཞོ་ལས་གཞན། རིམ་བཞིན་ཟས་རིགས་གཞན་པ་བྱིན་ནས་འཚོ་བཅུད་ཁ་གསབ་བྱེད་དགོས། ཟས་རིགས་སྟེར་བའི་སྐབས་སུ། ཐེངས་རེར་ཟས་རིགས་སྣ་གཅིག་སྟེར་དགོས་ལ། ཉུང་བ་ནས་མང་བ་དང་། དྭངས་མོ་ནས་ནུར་མོའི་གོ་རིམ་བརྒྱུད་དགོས། དེ་ལྟར་ཟས་རིགས་སྣ་གཅིག་ཉིན་གཉིས་ནས་གསུམ་ལ་བྱིན་ཏེ་ལོབས་སུ་འཇུག་དགོས་པ་དང་། སྐྱུག་པ་དང་ཁོག་པ་བཤལ་བ། པགས་འབྲུམ་འབུད་པ་སོགས་ཀྱི་གནས་ཚུལ་ཡོད་མེད་ལ་ལྟ་ཞིབ་ནན་མོ་བྱེད་དགོས། ཟས་རིགས་སྣ་གཅིག་ལ་ལོབས་རྗེས་ཟས་རིགས་གཞན་པ་ཁ་སྣོན་བྱས་ཆོགདེ་མིན། བྱིས་པར་ཟས་རིགས་གཞན་སྟེར་བའི་སྐབས་སུ། ཟས་རིགས་དེའི་བྲོ་བ་དངོས་སྲུང་འཛིན་བྱས་ན་བཟང་། ཚྭ་དང་ཀ་ར་སོགས་སྣོན་མི་དགོས། ཟས་རིགས་ཀྱི་བྲོ་བ་དངོས་རྒྱུན་འཁྱོངས་བྱས་ན། བྱིས་པས་རང་བྱུང་གི་ཟས་རིགས་མི་འདྲ་བའི་བྲོ་བ་དང་ལེན་བྱེད་ཚད་མཐོ་རུ་གཏོང་ཐུབ་པ་དང་། ཟས་ལ་ཁ་འདེམ་ཆེ་བའི་ཉེན་ཁ་ཆུང་དུ་གཏོང་ཐུབ། དེར་མ་ཟད། བྱིས་པའི་ཚྭ་དང་མངར་ཆ་བསྡུ་ལེན་བྱེད་ཚད་ཉུང་དུ་གཏོང་བ་དང་། བྱིས་པའི་དུས་སྐབས་དང་ནར་སོན་རྗེས་གཅིན་སྙི་ཟ་ཁུ་དང་ཁྲག་ཤེད་མཐོ་བ། སྙིང་ཁམས་ཁྲག་རྩའི་ནད་སོགས་འབྱུང་ཚད་ཇེ་དམར་གཏོང་བར་ཕན། ཟས་རིགས་ཀྱི་འཕྲོད་བསྟེན་དང་བདེ་འཇགས་ལ་དོ་སྣང་བྱེད་དགོས། ཟ་མ་གཡོས་སྦྱོར་མ་བྱས་པའི་སྔོན་དུ་ལག་པ་གཙང་མར་བཀྲུ་བ་དང་། ཟས་རིགས་ཡོ་བྱད་གཙང་མར་བཀྲུ་དགོས། བྱིས་པའི་ཟས་བཟའ་བའི་སྐབས་སུ་ཁྱིམ་མིས་ངེས་པར་དུ་ལྟ་སྐྱོང་བྱས་ནས་བསམ་ཡུལ་ལས་འདས་པའི་དོན་འབྱུང་བ་སྔོན་འགོག་བྱེད་དགོས། ལོ་གསུམ་ལ་འབུད་རག་བར་དུ་ཟླ་གསུམ་རེའི་ནང་བྱིས་པའི་འཚར་ལོངས་དམིགས་ཚད་ལྟ་ཞིབ་ཚད་ལེན་བྱེད་དགོས། གལ་ཏེ་དུས་སྐབས་དེར་ནད་དང་ཡང་ན་རྒྱུ་རྐྱེན་གཞན་གྱི་དབང་གིས་བྱིས་པ་འཚར་ལོངས་འབྱུང་བར་ཤུགས་རྐྱེན་ཐེབས་ཚེ། དུས་ཐོག་ཏུ་རྒྱུ་རྐྱེན་བཙལ་དགོས། དེ་ལྟར་མ་བྱས་ན་འཚོ་བཅུད་མི་འདང་བའི་གནས་ཚུལ་འབྱུང་སླ།གོང་གི་ཤེས་བྱ་འདི<<མཚོ་སྔོན་ཞིང་ཆེན་བདེ་ཐང་སློབ་གསོ་ཁང>>གིས་འདོན་སྤྲོད་བྱས་པ་ཡིན།ལྷ་མོ་ཚེ་རིང་གིས་བསྒྱུར།

ཞིབ་འཇུག་ལས་ཤེས་རྟོགས་བྱུང་བ་ལྟར་ན། བཟའ་ཟླ་ཕྱོགས་གཅིག་གི་བདེ་ཐང་གནས་ཚུལ་གྱིས་ཕྱོགས་གཞན་དེའི་བདེ་ཐང་ལའང་ཤུགས་རྐྱེན་ཐེབས་ཀྱིན་ཡོད་ཅིང་། དེ་ལ་དལ་གཤིས་ནད་འབྱུང་ཚད་དང་འཚོ་བའི་གོམས་གཤིས་ཀྱི་འགྱུར་ལྡོག ཐུན་མོང་གི་བདེ་ཐང་ཉེན་ཁ་ཇེ་མཐོར་འགྲོ་བ་སོགས་ཚུད།འཚོ་བའི་གོམས་གཤིས་ཀྱིས་ཕན་ཚུན་ལ་ཤུགས་རྐྱེན་ཐེབས་པ། བཟའ་ཟླས་ནམ་རྒྱུན་བཟའ་བཏུང་དང་འགུལ་སྐྱོད། གཉིད་སོགས་ཀྱི་ཐད་ནས་བཟའ་ཟླ་ཕྱོགས་གཞན་དེར་ཤུགས་རྐྱེན་ཐེབས་བཞིན་ཡོད་དེ། བཟའ་ཟླ་གཉིས་དུས་ཡུན་རིང་བོར་མཉམ་དུ་འཚོ་བ་རོལ་བའི་གོ་རིམ་ཁྲོད་འཚོ་བའི་གོམས་གཤིས་འདྲ་མཚུངས་ཆགས་སླ། དཔེར་ན། བཟའ་ཟླ་ཕྱོགས་གཅིག་གིས་བདེ་ཐང་གི་བཟའ་བཏུང་གོམས་གཤིས་རྒྱུན་འཁྱོངས་བྱས་ཚེ། ཕྱོགས་གཞན་དེ་ལའང་ཤུགས་རྐྱེན་ལེགས་པོ་ཐེབས་ནས། བདེ་ཐང་གི་བཟའ་བཏུང་གོམས་གཤིས་ཆགས་སྲིད། གཞན་བཟའ་ཟླ་ཕྱོགས་གཉིས་ཀྱི་ལུས་པོ་སྦྱོང་བརྡར་བྱེད་པའི་གོམས་གཤིས་ཀྱིས་ཀྱང་ཕན་ཚུན་ལ་ཤུགས་རྐྱེན་ཐེབས་པ་སྟེ། ཞིབ་འཇུག་ལས་མངོན་པ་ལྟར་ན། བཟའ་ཟླ་ཕྱོགས་གཅིག་གིས་ཆོས་ཉིད་ལྡན་པའི་སྦྱོང་བརྡར་གོམས་གཤིས་རྒྱུན་བསྐྱངས་ཚེ། ཅིག་ཤོས་ཀྱང་དེའི་ནང་དུ་ཞུགས་སྲིད། སྦྱོང་བརྡར་གྱིས་མོས་འདུན་དང་འཚམ་པའི་ལུས་པོའི་ལྗིད་ཚད་རྒྱུན་འཁྱོངས་བྱེད་ཐུབ་པར་མ་ཟད། དལ་གཤིས་ནད་འབྱུང་ཚད་ཇེ་དམའ་དང་སེམས་ཁམས་ཇེ་བཟང་། ལུས་ཤུགས་ཇེ་ཆེ། རིམས་འགོག་ནུས་པ་ཇེ་མཐོ་བཅས་སུ་གཏོང་ཐུབ།ཐུན་མོང་གི་དལ་གཤིས་ནད་ཡོད་པ། དལ་གཤིས་ནད་དེ། དཔེར་ན་ཁྲག་ཤེད་མཐོ་བའི་ནད་དང་གཅིན་སྙི་ཟ་ཁུ། སྙིང་རྩའི་ནད་སོགས་ནི་རྒྱུན་པར་འཚོ་བའི་གོམས་གཤིས་མི་ལེགས་པ་དང་རྒྱུད་རྒྱུའི་རྒྱུ་རྐྱེན་མཉམ་འདུས་སྒོས་བསྐྱེད་བཞིན་ཡོད། བཟའ་ཟླ་གཉིས་མཉམ་དུ་འཚོ་བ་རོལ་སྐབས། ནམ་རྒྱུན་འཚོ་བའི་གོམས་གཤིས་འདྲ་མཚུངས་བསྟེན་བཞིན་པར་མ་ཟད། ཕན་ཚུན་བར་ཤུགས་རྐྱེན་ཡང་ཐེབས་བཞིན་ཡོད། དཔེར་ན་བཟའ་ཟླ་ཕྱོགས་གཅིག་ལ་སྙིང་རྩའི་ནད་ཡོད་ཚེ། ཕྱོགས་གཞན་དེ་ལའང་དེ་དང་རིགས་འདྲ་བའི་བཟའ་བཏུང་དང་འཚོ་བའི་གོམས་གཤིས་ཡོད་པས། སྙིང་རྩའི་ནད་འབྱུང་བའི་ཉེན་ཁ་ཇེ་མཐོར་འགྲོ་བ་ཡིན། ཞིབ་འཇུག་ལས་མངོན་པ་ལྟར་ན། བཟའ་ཟླ་ཕྱོགས་གཉིས་ཀར་ཁྲག་ཤེད་མཐོ་བའི་ནད་ཡོད་སྐབས། ཕྱོགས་གཉིས་ཀའི་ནད་བབ་ལ་ཚོད་འཛིན་བྱ་རྒྱུ་ནི་དེ་བས་ཀྱང་དཀའ་སྟེ། འདི་ནི་ཕན་ཚུན་གྱི་འཚོ་བའི་གོམས་གཤིས་འདྲ་བ་དང་། ཕན་ཚུན་བར་བདེ་ཐང་ལ་རྒྱབ་སྐྱོར་བྱེད་པའི་རྒྱུ་རྐྱེན་དཀོན་པ་དང་འབྲེལ་བ་ཡོད། སྣང་ཚུལ་འདི་ཡིས་བཟའ་ཟླ་ཕྱོགས་གཉིས་ཀྱི་བདེ་ཐང་གནས་ཚུལ་ལ་འདྲ་བའི་ཆ་ཡོད་པ་དང་། དེས་ཐུན་མོང་གི་བདེ་ཐང་གནད་དོན་སྔར་བས་ཚབས་ཆེར་འགྱུར་སྲིད་པ་མཚོན།དེ་མིན། བཟའ་ཟླ་ཕྱོགས་གཅིག་གི་བདེ་ཐང་གནས་ཚུལ་གྱིས་ཕྱོགས་གཞན་དེའི་སེམས་ཁམས་ལ་ཤུགས་རྐྱེན་ཐེབས་སྲིད་དེ། གལ་ཏེ་བཟའ་ཟླ་ཕྱོགས་གཅིག་ལ་ན་ཚ་བྱུང་ཚེ། ཕྱོགས་གཞན་དེར་སེམས་ཁུར་དང་སྙོར་སྐྱོང་གི་ཁུར་བོ། བརྩེ་བའི་གནོན་ཤུགས་སོགས་ལྡོག་ཕྱོགས་ཀྱི་སེམས་ཁམས་བསྐྱེད་སྲིད་པ་དང་། དེས་ལུས་སེམས་བདེ་ཐང་གི་གནས་སྟངས་ཇེ་སྡུག་ཏུ་གཏོང་སྲིད།རྩོམ་སྒྲིག་པ། ལྷ་མོ་ཚེ་རིང་།

ཟླ་4ཚེས་18ཉིན་ཧྲའན་ཤིས་ཤིས་ཨན་ནས་ཡན་ཨན་བར་གྱི་མྱུར་བགྲོད་ལྕགས་ལམ་འདིང་བཞིན་ཡོད་པ་དང་། མྱུར་བགྲོད་ལྕགས་ལམ་དེའི་རིང་ཚད་ལ་སྤྱི་ལེ་299.8ཡོད་པ་དང་ཧྲའན་པེ་གསར་བརྗེའི་རྟེན་གཞི་ཁུལ་རྙིང་པའི་མྱུར་བགྲོད་ལྕགས་ལམ་དང་པོ་དེ་ཡིན་ཞིང་། འདི་ནི་བཟོ་པས་ཤིས་ཨན་ནས་ཡན་ཨན་བར་གྱི་མྱུར་བགྲོད་ལྕགས་ལམ་འདིང་བཞིན་པ།

ཉེ་ཆར། ཀུའེ་ཀྲོའུ་ཐའེ་ཅང་གི་2025ལོའི་མེའོ་རིགས་ཀྱི་གཅེན་གཅུང་དུས་ཆེན་གྱི་གླུ་ཤགས་རྒྱག་པའི་བྱེད་སྒོ་ཐའེ་ཅང་རྫོང་ཝུང་ཉི་གཙང་འགྲམ་དུ་སྤེལ་བ་དང་། ཐའེ་ཅང་རྫོང་གི་མེའོ་རིགས་ཀྱི་མང་ཚོགས་ཁྲི་ལྷག་ཙམ་གྱིས་ཡུལ་སྐོར་བར་མེའོ་རིགས་ཀྱི་དམངས་གཞས་དང་མཛའ་གཞས་གཏོང་སྟངས་ངོམས་ནས། གཅེན་གཅུང་དུས་ཆེན་ལ་དགའ་བས་རོལ་ཡོད། འདི་ནི་ས་གནས་དེ་གའི་མང་ཚོགས་ཀྱིས་མེའོ་རིགས་ཀྱི་གླུ་ཤགས་རྒྱག་བཞིན་པ། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

སྒྲིག་སྒྱུར། སངས་དོན། ཡོང་ཁུངས། ཞིན་ཧྭ་གསར་འགྱུར་ཁང་། བཤེར་འབེབས། རིན་ཆེན་ཚེ་རིང་།ཤིན་ཧྭ་གསར་འགྱུར་ཁང་པེ་ཅིང་ནས་ཟླ4པའི་ཚེས21ཉིན་འབྱོར་བའི་གློག་འཕྲིན། ཁྲོམ་ར་ལྟ་སྐུལ་དོ་དམ་སྤྱི་ཁྱབ་ཅུས་ཚེས21ཉིན་ཁྱབ་བསྒྲགས་བྱས་པའི་གྲངས་གཞི་ལྟར་ན། ད་ལོའི་དུས་ཚིགས་དང་པོར་རྒྱལ་ཡོངས་སུ་གཉེར་སྐྱོང་གཙོ་གཟུགས་དུད་ཚང་ཁྲི606.3གསར་དུ་བཙུགས་པ་རེད། དེའི་ནང་། ཁེ་ལས་ཁྲི210གསར་དུ་བཙུགས་པ་དང་། ཁེར་རྐྱང་བཟོ་ཚོང་དུད་ཚང་ཁྲི394.9དང་། ཞིང་པའི་ཆེད་ལས་མཉམ་ལས་ཁང་ཁྲི1.4གསར་དུ་བཙུགས་པས། སྣ་མང་གཉེར་སྐྱོང་གཙོ་གཟུགས་བརྟན་ལྷིང་ངང་གོང་དུ་འཕར་བའི་རྣམ་པ་མངོན་ཡོད།དམངས་གཉེར་དང་ཕྱི་རྒྱལ་མ་དངུལ་ཁེ་ལས་ལ་འཕེལ་རྒྱས་ཀྱི་རྣམ་པ་བཟང་བོ་མངོན་ཡོད། དུས་ཚིགས་དང་པོའི་ནང་གསར་དུ་བཙུགས་པའི་དམངས་གཉེར་ཁེ་ལས་དེ་དུས་མཚུངས་ལས7.1%འཕར་བ་དང་གསར་དུ་བཙུགས་པའི་ཕྱི་རྒྱལ་མ་དངུལ་གྱི་ཁེ་ལས་དུས་མཚུངས་ལས4.3%འཕར་ཡོད། དབང་བའི་ལམ་ལུགས་སྣ་ཚོགས་ཀྱི་ཁེ་ལས་འཕེལ་རྒྱས་འགྲོ་བའི་རྣམ་པ་བཟང་པོ་ཡོད་པ་དེ་ཐོག་ནས་ཁྲོམ་རའི་སྔོན་དཔག་རྒྱུན་མཐུད་ངང་ལེགས་སུ་འགྲོ་བཞིན་པ་དང་ཁེ་ལས་ཀྱིས་མ་རྩ་གཏོང་བའི་ཡིད་ཆེས་ནུས་ལྡན་ངང་ཆེ་རུ་འགྲོ་བཞིན་པ་མཚོན་ཡོད།ཐོན་ལས་ཀྱི་གྲུབ་ཆ་སྔར་བས་ལེགས་སུ་ཕྱིན་པ་སྟེ། དུས་ཚིགས་དང་པོར་ཐོན་ལས་དང་པོའི་གཉེར་སྐྱོང་བྱེད་པོ་དུད་ཁྲི32.2གསར་དུ་བཙུགས་པ་དང་། ཐོན་ལས་གཉིས་པའི་དུད་ཚང་ཁྲི46.8དང་། ཐོན་ལས་གསུམ་པའི་དུད་ཚང་ཁྲི527.3བཅས་གསར་དུ་བཙུགས་པ་རེད། ཟླ3པའི་ཟླ་མཇུག་བར། རྒྱལ་ཡོངས་སུ་ཐོ་འགོད་བྱས་པའི“གསར་བ་བཞིའི”དཔལ་འབྱོར་ཁེ་ལས་དུད་ཚང་ཁྲི2491.8ཡོད་པ་དང་། དུས་མཚུངས་ལས6.2%འཕར་ནས་ཁེ་ལས་སྤྱི་འབོར་ཀྱི40.1%ཟིན་ཡོད།ཁྲོམ་ར་ལྟ་སྐུལ་དོ་དམ་སྡེ་ཚན་གྱིས་གཉེར་སྐྱོང་གཙོ་གཟུགས་འཕེལ་རྒྱས་ཀྱི་དགོས་མཁོ་ལ་དམིགས་ནས་ཁྲོམ་རའི་ཆོག་འཐུས་དང་ཕྱིར་འཐེན་ལམ་ལུགས་རྒྱུན་མཐུད་ངང་འཐུས་ཚང་དུ་གཏོང་བ་དང་། རྒྱལ་ཡོངས་གཅིག་གྱུར་གྱི་ཚོང་ར་ཆེན་པོ་འཛུགས་སྐྲུན་ལ་སྐུལ་འདེད་བཏང་ནས་འདྲ་མཉམ་འགྲན་རྩོད་ཀྱི་ཁྲོམ་རའི་ཁོར་ཡུག་ལ་སྲུང་སྐྱོང་བྱེད་པ་དང་། ཁེ་ལས་དང་འབྲེལ་བ་ཡོད་པའི་སྲིད་དོན་ཞབས་ཞུ་རྒྱུན་མཐུད་ལེགས་སུ་གཏོང་བ་བཅས་བྱས་ནས་གཉེར་སྐྱོང་གཙོ་གཟུགས་ཁག་གི་འཕེལ་རྒྱས་ཀྱི་གསོན་ཤུགས་སྔར་བས་སྐུལ་སྤེལ་བྱེད་དགོས། སྐབས་སྔོན་མ། རྫ་སྟོད་རྫོང་དུ་རིམ་པ4.6ཅན་གྱི་ས་ཡོམ་བྱུང་། སྐབས་རྗེས་མ། མེད།

རྩོམ་སྒྲིག མཁའ་འགྲོ་མཚོ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།ཀྲུང་གོ་ས་ཡོམ་ལས་ཁུངས་དྲ་བས་དངོས་སུ་ཚད་འཇལ་གཏན་ཁེལ་བྱས་པར་གཞིགས་ན། ཟླ4པའི་ཚེས21ཉིན་གྱི་ཆུ་ཚོད9དང་སྐར་མ7སྟེང་། མཚོ་སྔོན་ཡུལ་ཤུལ་ཁུལ་རྫ་སྟོད་རྫོང་དུ་རིམ་པ4.6ཅན་གྱི་ས་ཡོམ་བྱུང་བ་དང་། ཡོམ་ཁུངས་ཀྱི་གཏིང་ཚད་སྤྱི་ལེ10ཡིན་ལ། ཡོམ་ལྟེ་ནི་བྱང་གི་འཕྲེད་ཐིག་ཏུའུ32.56དང་ཤར་གྱི་གཞུང་ཐིག་ཏུའུ93.46ཡིན་པ་རེད། སྐབས་སྔོན་མ། 2025ལོའི“མཚོ་སྔོན་པོའི་བྱ་གཟིགས་དུས་ཚིགས”（མཚོ་བྱང་རྐང་ཚ）ཀྱི་བྱེད་སྒོ་སྤེལ། སྐབས་རྗེས་མ། མེད།

འདི་ནི་མ་ལེ་ཞི་ཡའི་མཚོ་ངོགས་ཤར་མའི་ལྕགས་ལམ་འདིང་བའི་ལས་གྲྭའི་འགན་འཁུར་བས་ཀྲུང་མ་རྒྱལ་ཁབ་གཉིས་ཀྱི་སྨྱན་སྦྱོར་གྱི་གསར་འགོད་པར་བཀོད་གཏོང་ལྟེ་གནས་ཀྱི་གནས་ཚུལ་ངོ་སྤྲོད་བྱེད་བཞིན་པ།སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་གྱི་མི་དམངས་ཉིན་རེའི་ཚགས་པར་དང་མ་ལེ་ཞི་ཡའི་སྨྱན་སྦྱོར་གྱིས་མཉམ་འབྲེལ་བཅར་འདྲིའི་གྲུབ་འབྲས་མཉམ་སྤྱོད་ཚོགས་འདུ་ཉེ་ཆར་མ་ལེ་ཞི་ཡའི་རྒྱལ་ས་ཁྭ་ལ་ལུམ་ཕུར་དུ་འཚོགས་པ་རེད། མི་དམངས་ཉིན་རེའི་ཚགས་པར་དང་། མ་ལེ་ཞི་ཡ་རྒྱལ་ཁབ་གསར་འགྱུར་ཁང་། 《ལྷོ་ཕྱོགས་མཚོ་འགྲམ་ས་ཁུལ་གྱི་ཚོང་འཕྲིན》 《སིང་ཀ་ཕོར་ཉིན་རེའི་ཚགས་པར》 《སྐར་ཚོམ་ཚགས་པར》 ཨེ་ཤེ་ཡའི་ཧུང་ཏན་སྨྱན་སྦྱོར་བཅས་དང་དེ་བཞིན་མ་ལེ་ཞི་ཡ་དང་ཀྲུང་གོའི་མཛའ་གྲོགས་མཐུན་ཚོགས་དང་མ་ལེ་ཞི་ཡའི་ཨེ་ཤེ་ཡ་དང་ཞི་བདེ་རྒྱ་མཚོ་ཆེ་མོ་ཁུལ་གྱི“རྒྱུད་གཅིག་ལམ་གཅིག”ཐུན་མོང་ཇུས་འགོད་ཚོགས་པ། མ་ལེ་ཞི་ཡའི་ཨེ་ཤེ་ཡའི་འཐབ་ཇུས་ཞིབ་འཇུག་ལྟེ་གནས་གསར་པ་སོགས་ལས་ཁུངས་ནས་ཡོང་བའི་སྨྱན་སྦྱོར་གྱི་གསར་འགོད་པ་དང་རིགས་གཅིག་མཁས་ཅན་དང་མཁས་དབང་ཚོགས་འདུར་ཞུགས་པ་རེད། མ་ལེ་ཞི་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཨོའུ་དབྱང་ཡུས་ཅིང་དང་། མ་ལེ་ཞི་ཡ་རྒྱལ་ཚོགས་ཀྱི་གྲོས་མི་དང་ས་ཁོངས་ཐབས་ཇུས་ཞིབ་འཇུག་ཁང་གི་ཀྲུའུ་ཞི་ལི་ཅན་ཚུང་གིས་ཤིས་ཚིག་བསྒྲོན་པ་རེད།ད་ཐེངས་ཀྱི་མཉམ་འབྲེལ་བཅར་འདྲི་བྱེད་སྐབས། ཀྲུང་མ་རྒྱལ་ཁབ་གཉིས་ཀྱི་གསར་འགོད་པས་མ་ལེ་ཞི་ཡའི་མཚོ་ངོགས་ཤར་མའི་ལྕགས་ལམ་དང་། མ་ཀྲུང་ཀོན་ཏན་ཐོན་ལས་གླིང་། ཀོན་ཏན་གྲུ་ཁ། ཞ་མོན་སློབ་ཆེན་མ་ལེ་ཞི་ཡ་ཡན་ལག་སློབ་གྲྭ་སོགས་རྣམ་གྲངས་ལ་ལྟ་སྐོར་བྱས་ནས། སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་གྱི་ཀྲུང་མའི་གྲུབ་འབྲས་གསར་ཤོས་ཤེས་རྟོགས་བྱས་པ་རེད། མཉམ་སྤྱོད་ཚོགས་འདུའི་ཐོག་རྒྱལ་ཁབ་གཉིས་ཀྱི་གསར་འགོད་པས་ལྟ་སྐོར་ལ་ཞུགས་པའི་མྱོང་ཚོར་སྤེལ་རེས་བྱས་པ་མ་ཟད། ད་ཐེངས་ཀྱི་མཉམ་འབྲེལ་བཅར་འདྲི་གཞིར་བཟུང་བཟོས་པའི་བརྙན་ཐུང་ལའང་བལྟས་པ་རེད།“ད་ཐེངས་ཀྱི་མཉམ་འབྲེལ་བཅར་འདྲི་བྱེད་རིང་མ་ཀྲུང་སྨྱན་སྦྱོར་གྱི་མཉམ་ལས་རྣམ་པ་གསར་གཏོད་བྱས་ཡོད” མ་ཀྲུང་མཛའ་གྲོགས་མཐུན་ཚོགས་ཀྱི་ཚོགས་གཙོ་མཱ་ཅི་ཏེ་ཡིས། སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་གྱི་རྣམ་གྲངས་ཐད་སྨྱན་སྦྱོར་གྱིས་གནས་ཚུལ་གཏོང་སྤེལ་བྱས་ཚེ། དམངས་ཚོགས་དེ་བས་མང་བས་མཉམ་ལས་ཀྱི་གྲུབ་འབྲས་ཤེས་རྟོགས་ཐུབ་རྒྱུ་དང་རྒྱལ་ཁབ་གཉིས་པོའི་དམངས་སེམས་གཅིག་མཐུན་ལ་སྔར་བས་སྐུལ་འདེད་གཏོང་ཐུབ་རྒྱུ་རེད་ཅེས་བརྗོད།མི་དམངས་ཉིན་རེའི་ཚགས་པར་གྱི་གསར་འགོད་པ་ལིའུ་ཧུའེ་ཡིས། སྤེལ་རེས་ནི་ཕན་ཚུན་བསམ་ཤེས་ཀྱི་རྨང་གཞི་ཡིན་པས། རྒྱལ་ཁབ་མི་འདྲ་བའི་དམངས་ཚོགས་དབར་ཕན་ཚུན་ཡིད་ཆེས་ཟབ་ཏུ་གཏོང་ཐུབ། སླད་ཕྱིན་ཀྲུང་མའི་སྨྱན་སྦྱོར་གྱིས་སྤེལ་རེས་གྱི་བྱེད་སྒོ་དེ་བས་མང་བ་སྤེལ་ནས་ཀྲུང་མའི་མཛའ་གྲོགས་རྒྱུན་མཐུད་ཡོང་བར་ལེགས་སྐྱེས་འབུལ་རྒྱུའི་རེ་བ་ཡོད་ཅེས་བརྗོད།《སྐར་ཚོམ་ཚགས་པར》གྱི་གསར་འགོད་པ་ཕན་དབྱི་ལིན་གྱིས། སྤུས་ཚད་མཐོ་པོས་“རྒྱུད་གཅིག་ལམ་གཅིག”མཉམ་སྐྲུན་བྱེད་པར་མ་ཀྲུང་ལ་གྲུབ་འབྲས་གཡུར་དུ་ཟ་བ་ཐོབ་ནས་མ་ལེ་ཞི་ཡར་ཡུན་རིང་གི་དཔལ་འབྱོར་དང་སྤྱི་ཚོགས་ཀྱི་ཕན་འབྲས་ཐོན་པ་དང་། ཚོང་དོན་དང་། ཡུལ་སྐོར། དེ་བཞིན་ས་ཁོངས་ཕན་ཚུན་སྦྲེལ་མཐུད་ཀྱི་འཕེལ་རྒྱས་ལ་སྐུལ་འདེད་བཏང་ཡོད་ཅེས་བརྗོད། ཁོང་གིས་མུ་མཐུད་གནས་ཚུལ་སྤེལ་ནས་མ་ལེ་ཞི་ཡའི་ཀློག་པ་པོར་འབྲེལ་ཡོད་འཕེལ་རྒྱས་ཀྱི་གྲུབ་འབྲས་དོན་དངོས་དང་ཕྱོགས་ཡོངས་ཀྱི་སྒོ་ནས་བརྒྱུད་སྤེལ་བྱེད་ཀྱི་ཡིན་ཞེས་བརྗོད།མཉམ་སྤྱོད་ཚོགས་འདུའི་ཐོག་ཚོགས་ཞུགས་འཐུས་མིས་སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་གྱི་ཀྲུང་མའི་འཕེལ་རྒྱས་མདུན་ལམ་ལ་ཐུན་མོང་ཐོག་གྲོས་བསྡུར་བྱས་ནས་སྤེལ་རེས་ལ་སྔར་བས་ཤུགས་སྣོན་རྒྱག་པ་དང་མཉམ་ལས་གཏིང་ཟབ་ཏུ་གཏོང་བའི་རེ་འདུན་མཚོན་པར་བྱས་ཡོད།མ་ལེ་ཞི་ཡ་འགྲིམ་འགྲུལ་པུའུ་ཡི་པུའུ་ཀྲང་ཟུར་པ་དང་ཨེ་ཤེ་ཡ་དང་ཞི་བདེ་རྒྱ་མཚོ་ཆེ་མོ་ཁུལ་གྱི“རྒྱུད་གཅིག་ལམ་གཅིག”ཐུན་མོང་ཇུས་འགོད་ཚོགས་པའི་ཚོགས་གཙོ་ཝུང་ཧྲི་ཅེ་ཡིས། ན་ནིང་ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་གྱི་རང་མོས་ཚོང་དོན་ཁུལ་གྱི་རིམ་སྤོར་གྲོས་མོལ་3.0དཔར་གཞི་ངོ་བོའི་རང་བཞིན་གྱི་སྒོ་ནས་མཇུག་འགྲིལ་བ་དེའི་ནང་གྲངས་འཛིན་དཔལ་འབྱོར་དང་། ལྗང་མདོག་དཔལ་འབྱོར། མཁོ་སྤྲོད་མཁོ་འབྲེལ་ཕན་ཚུན་སྦྲེལ་མཐུད་སོགས་གསར་དར་ཁྱབ་ཁོངས་ཀྱི་མཉམ་ལས་ཚུད་ཡོད། ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་རྒྱལ་ཁབ་ཀྱིས་སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ལ་ཤུགས་སྣོན་བརྒྱབ་ན། ས་ཁུལ་རྒྱུན་མཐུད་ཆོག་པའི་འཕེལ་རྒྱས་ལ་སྐུལ་འདེད་གཏོང་བ་དང་མཐའ་འཁོར་གྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བར་ཕན་ཐོགས་ཡོད་ཅེས་བརྗོད་པ་རེད། འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

གསར་འགོད་པས་ཚེས16ཉིན་ཀྲུང་གོའི་ཚན་རིག་གླིང་བར་སྟོང་བེད་སྤྱོད་བཟོ་སྐྲུན་དང་ལག་རྩལ་ལྟེ་གནས་ནས་རྒྱུས་ལོན་བྱུང་བ་ལྟར་ན། རང་རྒྱལ་གྱིསDRO-AདངDRO-B DRO-Lབཅས་འཁོར་སྐར་གསུམ་གྱིས་གྲུབ་པའི་ས་ཟླའི་བར་སྟོང་གི་སྐར་གསུམ་སྐར་ཁྱིམ་འཛུགས་སྐྲུན་ལེགས་འགྲུབ་བྱུང་ནས། ས་ཟླའི་བར་སྟོང་གི་བར་ཐག་རིང་བོའི་ལྡོག་སྐྱོད་འཁོར་ལམ་ལ་དམིགས་ཏེ་ཚན་རིག་ཞིབ་འཇུག་གཏིང་ཟབ་བྱ་རྒྱུ་རེད། ས་ཟླའི་བར་སྟོང་ནི་སའི་གོ་ལར་ཉེ་བའི་འཁོར་ལམ་དང་ཟླ་བའི་གོ་ལར་ཉེ་བའི་འཁོར་ལམ་གཉིས་ཕྱི་ཕྱོགས་སུ་རྒྱ་བསྐྱེད་པའི་བར་སྣང་ཁྱབ་ཁོངས་གསར་བ་ཞིག་ཡིན་ཞིང་། སའི་གོ་ལ་དང་བར་ཐག་རིང་ཤོས་སྟོང་སྨི་ཁྲི200ལ་སླེབས་ཐུབ་པ་དང་། སའི་གོ་ལ་དང་ཉེ་བའི་འཁོར་ལམ་གྱི་བར་སྟོང་དང་བསྡུར་ན། དེའི་རྩ་གསུམ་བར་སྟོང་གི་ཁྱབ་རྒྱ་ལྡབ་སྟོང་ལྷག་བསྐྱེད་ཡོད་པ་རེད། བར་ཐག་རིང་བོའི་ལྡོག་སྐྱོད་འཁོར་ལམ་ནི་ཟླ་བའི་གོ་ལའི་སྤྱི་འཁོར་ཁ་ཕྱོགས་ལས་ལྡོག་པའི་ཟླ་བ་སྐོར་བའི་འཁོར་ལམ་ཞིག་ཡིན་པ་དང་། དེའི་ཁྲོད་ཀྱི་དཔེ་མཚོན་ལྡན་པའི་རིགས་ཤིག་ལ་ཟླ་བའི་གོ་ལ་དང་བར་ཐག་སྟོང་སྨི་ཁྲི7ནས་ཁྲི10ཙམ་ཡོད། སའི་གོ་ལ་དང་ཟླ་བའི་གོ་ལ། མཁའ་དབྱིངས་བཅས་སྦྲེལ་བའི“འགྲིམ་འགྲུལ་ལམ་མདོ”ཞིག་ཡིན་པས། ས་ཟླའི་བར་སྟོང་གི“རང་བྱུང་གྲུ་ཁ་བཟང་བོ”ཞེས་འབོད། “རང་བྱུང་གྲུ་ཁ་བཟང་བོ”འདིའི་གསང་བ་འཚོལ་ཞིབ་ཀྱིས་ས་ཟླའི་བར་སྟོང་གསར་སྤེལ་བེད་སྤྱོད་དང་། བར་སྟོང་ཚན་རིག་གི་མདུན་གྲལ་འཚོལ་ཞིབ་ལ་འདེགས་སྐྱོར་ནུས་ལྡན་འདོན་སྤྲོད་བྱེད་ཐུབ། 2022ལོའི་ཟླ2པར། ཀྲུང་གོའི་ཚན་རིག་གླིང་གིས་རིགསAཅན་གྱི་འཐབ་ཇུས་རང་བཞིན་གྱི་སྣེ་འདྲེན་ཆེད་དོན་ལས་གཞི་སྟེ“ས་ཟླའི་བར་སྟོང་གིDROའཚོལ་ཞིབ་ཞིབ་འཇུག”ཅེས་པ་སྤེལ་མགོ་བརྩམས་ནས། རང་བདག་གསར་གཏོད་དང་གསར་རྐྱང་ཁྱད་ལྡན། སྟབས་བདེ་སྤྱོད་རུང་བཅས་ཀྱི་ཁྱད་ཆོས་ལྡན་པའི་ས་ཟླའི་བར་སྟོང་གི་ཚད་གཞི་ཆེ་བའི་འཁོར་སྐར་གསུམ་གྱི་སྐར་ཁྱིམ་འཆར་འགོད་བཏོན་ཡོད། 2024ལོའི་ཟླ2པའི་ཚེས3ཉིན། སྣེ་འདྲེན་ཆེད་དོན་ལས་གཞི་འདིའི་ཚོད་ལྟའི་འཁོར་སྐརDRO-Lཉི་མའི་འགྲོས་མཉམ་འཁོར་ལམ་དུ་བཏང་བར་མ་ཟད། འབྲེལ་ཡོད་ཚོད་ལྟ་ཡང་རྒྱུན་ལྡན་ལྟར་བྱས་ཡོད། 2024ལོའི་ཟླ3པའི་ཚེས13ཉིན། DRO-AདངDRO-Bཡི་སྐར་ཟུང་ཚན་སྡེབ་གཟུགས་དེ་ཞི་ཁྲང་འཁོར་སྐར་འཕེན་གཏོང་ལྟེ་གནས་ནས་འཕེན་གཏོང་བྱས་ཤིང་། སྐྱེལ་འདྲེན་མེ་ཤུགས་འཕུར་མདའི་རིམ་པ་དང་པོ་དང་གཉིས་པའི་འཕུར་སྐྱོད་རྒྱུན་ལྡན་ཡིན་ནའང་། སྟེང་ཕྱོགས་འཕུར་སྐྱོད་ལ་གནད་དོན་བྱུང་བས། འཁོར་སྐར་སྔོན་ལ་གཏན་ཁེལ་བྱས་པའི་འཁོར་ལམ་དུ་བདེ་བླག་ངང་ཞུགས་མ་ཐུབ། འཕེན་གཏོང་ལ་གནད་དོན་བྱུང་བའི་གནས་ཚུལ་འོག རང་རྒྱལ་གྱི་ཚན་ཞིབ་རུ་ཁག་གིས་བྲེལ་མྱུར་ངང་སའི་གོ་ལ་དང་ཉེ་བའི་འཁོར་ལམ་ནས་འཕྲུལ་སྒུལ་རོགས་སྐྱོབ་ཚོད་འཛིན་ཐེངས་མང་སྤེལ་བ་ལེགས་འགྲུབ་བྱུང་སྟེ། DRO-AདངDRO-Bཡི་སྐར་ཟུང་ཚན་སྡེབ་གཟུགས་དེ་སྤྱི་ལེ་ཁྲི850ཡི་ལམ་ཐག་བརྒྱུད་རྗེས། མཇུག་མཐར་སྔོན་ལ་གཏན་ཁེལ་བྱས་པའི་འཁོར་ལམ་དུ་བདེ་བླག་ངང་ཞུགས་ཐུབ་པ་བྱུང་། 2024ལོའི་ཟླ8པའི་ཚེས28ཉིན། DRO-AདངDRO-Bཡི་སྐར་ཟུང་ཚན་སྡེབ་གཟུགས་དེ་བདེ་བླག་ངང་ཁ་གྱེས་བྱུང་བ་དང་། ཟླ8པའི་ཚེས30ཉིན། DRO-AདངDRO-Bའཁོར་སྐར་གཉིསDRO-Lདང་བདེ་བླག་ངང་སྦྲེལ་ནསKཟློས་དུམ་རླབས་ཕྲན་འཁོར་སྐར་བར་གྱི་ཚད་འཇལ་འཕྲིན་གཏོང་སྦྲེལ་ལམ་བཙུགས་ཏེ། འཁོར་སྐར་གསུམ་མཉམ་འབྲེལ་མཉམ་གཏོང་གི་དྲ་སྦྲེལ་དཔེ་དབྱིབས་ར་སྤྲོད་བྱས་པ་དང་། འདི་ཡིས་གོ་ལ་ཧྲིལ་བོའི་ཆེས་ཐོག་མའིDROརྨང་གཞིར་བྱས་པའི་ས་ཟླའི་བར་སྟོང་གི་འཁོར་སྐར་གསུམ་གྱི་སྐར་ཁྱིམ་དེ་འཁོར་ལམ་ནས་སྒྲིག་གཤོམ་བྱེད་པ་མངོན་འགྱུར་བྱུང་བ་མཚོན། ཀྲུང་གོའི་ཚན་རིག་གླིང་བར་སྣང་བེད་སྤྱོད་ལྟེ་གནས་ཀྱི་ཀྲུའུ་རེན་གཞོན་པ་དང་ས་ཟླའི་བར་སྟོངDROའཚོལ་ཞིབ་ཞིབ་འཇུག་སྣེ་འདྲེན་ཆེད་དོན་བཟོ་སྐྲུན་གྱི་སྤྱིའི་བཀོད་འདོམས་པ་གཞོན་པ་ཞིབ་འཇུག་པ་ཝང་ཆང་གིས་ངོ་སྤྲོད་བྱས་པ་ལྟར་ན། འཁོར་སྐརDRO-AདངDRO-B DRO-Lབཅས་ཀྱི་སྐར་གསུམ་མཉམ་སྦྲེལ་དྲ་བ་ལེགས་འགྲུབ་བྱུང་རྗེས། མུ་མཐུད་དེ་མདུན་གྲལ་ཚན་རིག་ཚོད་ལྟ་དང་ལག་རྩལ་གསར་བའི་ཚོད་ལྟ་མང་པོ་བྱས་ནས། ས་ཟླའི་བར་སྟོངDROའཚོལ་ཞིབ་ཞིབ་འཇུག་ལ་སྐུལ་འདེད་བྱས་ཏེ“རྒྱལ་སྤྱིའི་ཆེས་ཐོག་མ་གསུམ”གྱི་གྲུབ་འབྲས་གལ་ཆེན་བླངས་པ་སྟེ། ཆེས་ཐོག་མར་མཁའ་འགྲུལ་ཆསDROནུས་གྲོན་དམའ་མོའི་ངང་འཁོར་ལམ་དུ་ཞུགས་པ་མངོན་འགྱུར་བྱུང་བ་དང་། ཆེས་ཐོག་མར་སྤྱི་ལེ་ཁྲི117གྱིKཟློས་དུམ་འཁོར་སྐར་ཕན་ཚུན་བར་དང་། འཁོར་སྐར་དང་སའི་གོ་ལའི་བར་གྱི་རླབས་ཕྲན་ཚད་འཇལ་འཕྲིན་གཏོང་སྦྲེལ་ལམ་ར་སྤྲོད་བྱས་ཏེ། ས་ཟླའི་བར་སྟོང་གི་ཚད་གཞི་ཆེ་བའི་སྐར་ཁྱིམ་འཛུགས་པའི་འགག་རྩའི་ལྟེ་བའི་ལག་རྩལ་གྱི་དཀའ་གནད་བསྒྲལ་བ། ཆེས་ཐོག་མར་ས་ཟླའི་བར་སྟོང་གི་འཁོར་སྐར་རྗེས་འདེད་དང་འཁོར་སྐར་ལམ་ཐིག་གཏན་འཁེལ་ཕྱོགས་སྟོན་གྱི་སྤུས་གསར་ནུས་པ་ར་སྤྲོད་བྱས་པ་བཅས་སོ། ། མ་འོངས་པར། ཚན་ཞིབ་རུ་ཁག་གིས་མུ་མཐུད་དུ་ས་ཟླའི་བར་སྟོང་གི་སྣ་མང་རྙོག་འཛིང་ལྡན་པའི་གཟུགས་གསུམ་འཁོར་ལམ་གྱི་གནད་དོན་ལ་ཞིབ་འཇུག་བྱས་ཏེ། ས་ཟླའི་བར་སྟོང་ཁོར་ཡུག་གི་རིམ་འགྱུར་ཆོས་ཉིད་ལ་རྒྱུས་ལོན་བྱ་རྒྱུ་ཡིན་ལ། DROཡི་རྒྱུན་རིང་གཏན་འཇགས་རང་བཞིན་སྤྱད་ནསE-18ཚད་རིམ་གྱི་མ་རྡུལ་འོད་དུས་ཚོད་འཇལ་བྱེད་བཀོད་སྒྲིག་བྱས་ཏེ། ཚད་རྡུལ་ཤུགས་རིག་པ་དང་མ་རྡུལ་དངོས་ལུགས་སོགས་ཁྱབ་ཁོངས་ཀྱི་གཞི་རྩའི་ཚན་རིག་གི་གནད་དོན་ཞིབ་འཇུག་ལ་རྒྱབ་སྐྱོར་བྱེད་པ་བརྒྱུད། སྒྲ་ཡངས་འཇུག་གི་ལྟོས་བཅས་སྨྲ་བ་ལ་སྔར་བས་ཞིབ་ཚད་མཐོ་བའི་ར་སྤྲོད་སོགས་བྱ་རྒྱུ་རེད།

སྒྲིག་སྒྱུར། ཁོན་ཐར་ཚེ་རིང་། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།གསར་འགྱུར་གལ་ཆེན། ཀྲུང་དབྱང་གཞུང་ལས་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གིས《གྲོང་གསེབ་གཞི་རིམ་ལས་བྱེད་པས་སྤྱོད་གཙང་ངང་འགན་འཁྲི་སྒྲུབ་པའི་གཏན་འབེབས》དཔར་འགྲེམ་བྱས། ཞིང་ལས་དང་གྲོང་གསེབ་པུའི་ཞིང་ལས་གནས་ཚུལ་བཀོད་གཏོང་གསར་ཤོས་ལས་མངོན་པ་ལྟར་ན། དཔྱིད་འདེབས་ཀྱི་དོ་དམ་འཕེལ་རིམ་བདེ་བླག་བྱུང་བ་དང་འབྲུ་རིགས་ཐོན་སྐྱེད་ཀྱི་མགོ་ཡག་པོ་ཞིག་བཙུགས་ཡོད་པ་རེད། རྒྱལ་ཁབ་ཁྲལ་དོན་སྤྱི་ཁྱབ་ཅུས་གནས་ཚུལ་སྤེལ་བར་གཞིགས་ན། ད་ལོའི་དུས་ཚིགས་དང་པོར་རང་རྒྱལ་གྱི་བཟོ་སྐྲུན་ལས་རིགས་མཐོ་རིམ་ཅན་གྱི་འཕེལ་རྒྱས་མགྱོགས་སུ་ཕྱིན་ཡོད་ཅིང་། ལག་རྩལ་མཐོ་བའི་བཟོ་སྐྲུན་ལས་རིགས་དང་སྒྲིག་ཆས་བཟོ་སྐྲུན་ལས་རིགས་ཀྱི་ཕྱིར་འཚོང་ཡོང་འབབ་སོ་སོར་དུས་མཚུངས་ལས12.1%དང9.7%འཕར་ཡོད་པ་རེད། རྒྱལ་ཁབ་ནུས་རྒྱུ་ཅུས་གྲངས་གཞི་ཁྱབ་བསྒྲགས་བྱས་པར་གཞིགས་ན། ཟླ་གསུམ་པའི་ཟླ་མཇུག་བར། རྒྱལ་ཡོངས་སུ་རིམ་རྩིས་བྱས་ན་གློག་འདོན་འཕྲུལ་འཁོར་ནས་གློག་གཏོང་ཚད་སྟོང་ཝ་དུང་ཕྱུར34.3ཡིན་པ་དེ་དུས་མཚུངས་ལས14.6%འཕར་ཡོད། ལྷ་གྲུ་རྟགས་ཅན་ཉི་ཤུ་པའི་གྲུ་མདའ་སྡེབ་སྒྲིག་གཟུགས་འཕེན་གཏོང་ཁུལ་དུ་བརྒྱུད་འདྲེན་བྱས་ནས་ཉེ་ཆར་གོ་སྐབས་བདམས་ནས་འཕེན་གཏོང་བྱེད་རྩིས་ཡོད་ཅིང་། ཚེས20ཉིན་འཕེན་གཏོང་ཁུལ་གྱིས་ཚན་པ་ཁག་སྒྲིག་འཛུགས་བྱས་ནས་མ་ལག་ཡོངས་ཀྱི་མཉམ་སྦྱོང་བྱས་པ་རེད། ཚེས20ཉིན། རང་རྒྱལ་གྱིས་ཀྲུང་གོ་དམངས་སྤྱོད་མཁའ་འགྲུལ་གྱི་མཁའ་འགྲུལ་ལ་འཚམ་པའི་སྒྲིག་སྲོལ་གཞིར་བཟུང་རང་བརྟེན་ཞིབ་བཟོ་བྱས་པའིAG600གནམ་གྲུར་ཀྲུང་གོ་དམངས་སྤྱོད་མཁའ་འགྲུལ་ཅུའི་བཟོ་དབྱིབས་ཚད་ལོན་ལག་ཁྱེར་ཐོག་མར་ཐོབ་པ་རེད། ཚེས20ཉིན་ཧྥི་ལི་ཕིན་གྱི་སྲུང་སྐྱེལ་དམག་གྲུ་ཨང36པ་ཀྲུང་གོ་སྲིད་གཞུང་གི་ཆོག་མཆན་མ་ཐོབ་པར་ཀྲུང་གོའི་ཧོང་ཡན་གླིང་ཕྲན་གྱི་མངའ་ཁོངས་རྒྱ་མཚོར་ཁྲིམས་འགལ་ངང་བཙན་འཛུལ་བྱས་པ་དང་། ཀྲུང་གོ་མི་དམངས་བཅིངས་འགྲོལ་དམག་གི་ལྷོ་རྒྱུད་འཐབ་ཁུལ་གྱི་མཚོ་དམག་རྩ་འཛུགས་ཀྱི་དམག་ཤུགས་ཀྱིས་ཁྲིམས་ལྟར་རྗེས་སྙེག་ལྟ་ཞིབ་དང་ཕྱིར་འབུད་བྱེད་པའི་ཐ་ཚིག་བསྒྲགས་པ་རེད། ཨ་རིའི་ས་གནས་མང་པོར་ཚེས19ཉིན་རྒོལ་གཏམ་གཏོང་བའི་བྱེད་སྒོ་སྤེལ་བ་དང་། རྒྱལ་ས་ཝ་ཧྲིང་ཐོན་དང་ཉིའུ་ཡུའེ། ཅིའུ་ཅིན་ཧྲན་སོགས་གྲོང་ཁྱེར་གྱི་མང་ཚོགས་ཁྲོམ་གཞུང་དུ་བསྐྱོད་དེ། ད་ལྟ་སྲིད་གཞུང་གིས་གཞི་ཁྱོན་ཆེ་བའི་ལས་མི་ཉུང་འཕྲི་དང་སྒོ་ཁྲལ་སྤོར་བ། གནས་སྤོས་ཡུལ་མི་མཐར་སྐྲོད་གཏོང་བ་སོགས་ཀྱི་སྲིད་ཇུས་ལ་རྒོལ་གཏམ་བཏང་བ་རེད། ཚེས20ཉིན། སུན་དབྱིང་ཧྲ་ཡིས་རྒྱལ་སྤྱིའི་ཕིང་ཕང་སྤོ་ལོ་མཉམ་འབྲེལ་ལྷན་ཚོགས་ཀྱི་བུད་མེད་འཛམ་གླིང་བུམ་པའི་ཨང་དང་པོ་བླངས་པ་རེད། སྤྱི་ཚོགས།ཀྲུང་དབྱང་གནམ་གཤིས་ལས་ཁུངས་ཀྱིས་བྱེ་རླུང་གི་སྔོན་བརྡ་སྔོན་པོ་ཁྱབ་བསྒྲགས་བྱས་པ་དང་། དེ་རིང་ནང་སོག་གི་དབུས་ནུབ་རྒྱུད་དང་། ཤིན་ཅང་ལྷོ་རྒྱུད་དང་ཤར་རྒྱུད། ཀན་སུའུ། ཉིང་ཞ། ཧྲའན་ཞིའི་དབུས་བྱང་རྒྱུད། ཧྲན་ཞི། ཧོ་པེའི་ནུབ་རྒྱུད། པེ་ཅིང་ནུབ་རྒྱུད་སོགས་ས་ཁུལ་ཁག་གཅིག་ཏུ་བྱེ་རླུང་འཚུབ་པའམ་ཐལ་རྡུལ་གྱི་གནམ་གཤིས་ཡོད་པ་རེད། རྒྱལ་ཁབ་སྨན་རྫས་ལྟ་སྐུལ་ཅུས་ཁྱབ་བསྒྲགས་བྱས་པར་གཞིགས་ན། ཉེ་ཆར་དབྱི་རུའོ་ཆི（依若奇）རྐྱང་འགོག་སྨན་ཁབ་ཁྲོམ་རར་འདོན་རྒྱུའི་ཆོག་མཆན་སྤྲད་པ་དེ། ནག་ཐིག་འབྲིང་ཙམ་ནས་ཚབས་ཆེན་བར་གྱི་དངུལ་སྙིགས་ནད་ཕོག་པའི་ནད་པ་དར་མར་སྨན་བཅོས་བྱ་རྒྱུར་སྤྱོད་རྒྱུ་ཡིན་པ་རེད། ས་གནས་དེ་གའི་དུས་ཚོད་ཀྱི་ཚེས19ཉིན། སྣུམ་སྐྱེལ—20ཀྲུང་གོ་དང་ཨེ་ཅིབ་རྒྱལ་ཁབ་གཉིས་པོའི་མཁའ་དམག་གིས་ཨེ་ཅིབ་མཁའ་དམག་གི་རྟེན་གཞི་ཞིག་ཏུ་རྩ་འཛུགས་བྱས་པའི་མིང་ལ“ཤེས་དཔལ་གྱི་གླག་རྒོད—2025”ཞེས་པའི་མཁའ་དམག་མཉམ་འབྲེལ་སྦྱོང་བརྡར་དུ་སྤྱད་པ་རེད། ལོ5རིང་འཛུགས་སྐྲུན་བྱས་པ་བརྒྱུད། རིང་ཚད་ཧྲིལ་པོར་སྤྱི་ལེ16.3ཙམ་ཡོད་པའི་པེ་ཅིང་ཤར་རྒྱུད་ཀྱི་སྐོར་ལམ་དྲུག་པའི་སྒྱུར་བཀོད་ལས་གྲྭ་ཚེས20ཉིན་རླངས་འཁོར་ཤར་གཏོང་ཐུབ་ཡོད་པ་རེད། ཉེ་ཆར་འགྲུལ་པ་ཞིག་ཧྲེན་ཀྲེན་བྱང་འབབ་ཚུགས་སུ་རྐང་པ་བསྲིངས་ནས་མྱུར་བགྲོད་ལྕགས་ལམ་གྱི་སྒོ་རྒྱག་པ་བཀག་འགོག་བྱས་པས། ཧྲེན་ཀྲེན་ལྕགས་ལམ་ཉེན་རྟོག་ཕྱོགས་ཀྱིས་སྲིད་འཛིན་བཀག་ཉར་བྱས་པ་རེད། ཚེས18ཉིན། ཨོ་རྩལ་འགྲན་ཚོགས་ཀྱི་ཨང་དང་པོ་ཐོབ་མཁན་ཀུའོ་ཅིང་ཅིང་པེ་ཅིང་ཅིང་ཧྲན་སློབ་གྲྭའི་ལུས་རྩལ་སློབ་སྤྱིར་གདན་ཞུ་བྱས་པ་རེད། ཚེས20ཉིན། རང་རྒྱལ་གྱིས་རང་བརྟེན་ཞིབ་བཟོ་ཐོན་སྐྱེད་བྱས་པའི་ཀྲའོ་ཝ16.2ཀྱི་སྐམ་སའི་ཐོག་གི་འཕྲུལ་རྐྱང་ཤོང་ཚད་ཆེས་ཆེ་ཤོས་ཀྱི་གློག་གཏོང་འཕྲུལ་ཚན་ཐོག་མ་དེ་བདེ་བླག་ངང་སྒྲིག་སྦྱོར་བྱས། ཚེས20ཉིན། ཁྲུང་ཆིང་ནས་བཏང་བའི་ཨེ་ཤེ་ཡ་དབུས་མའི་དུས་གཏན་མེ་འཁོར་གཏན་འཁེལ་བྱས་ནས་འཁོར་སྐྱོད་བྱས་ཏེ། སྔོན་དཔག་བྱས་ན་ཉིན12ཙམ་ལ་ཨུ་ཟ་བྷེ་ཁི་སི་ཐན་གྱི་རྒྱལ་ས་ཐ་ཧྲི་ཀན་དུ་འབྱོར་རྒྱུ་རེད། ཚེས22ཉིན། ཐེན་ཆིན་གྱི་སྐར་མདའི་ཆར་པ་འབབ་རྒྱུ་ཡིན་པས་གནམ་དཔྱད་ལ་དགའ་པོ་བྱེད་མཁན་ཚོས་ཚེས22ཉིན་གྱི་དགོང་མོ་ནས་ཚེས23ཉིན་གྱི་ཐོ་རེངས་བར་ཚོད་ལྟ་དང་ལྟ་ཞིབ་ཚད་ལེན་བྱེད་ཆོག་གི་ཡོད། སྲིད་ཇུས།ཧྲང་ཧའེ་ཡིས་དམངས་གཉེར་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བྱེད་ཐབས་འགའ་ཞིག་ཁྱབ་བསྒྲགས་བྱས་པ་དང་། ཚན་རྩལ་དང་ལྗང་མདོག་ཐཱན་ཉུང་སོགས་གཙོ་གནད་ལས་རིགས་ཀྱི་ཚུལ་མིན་དངུལ་བུན་ཁ་གསབ་ཚད་གཞི་མེད་པ་བཟོས་ཤིང་། ཁ་གསབ་བསྡུར་ཚད55%བར་མཐོ་རུ་བཏང་བ་དང་། དངུལ་བུན་གཏོང་ཐེངས་དང་པོ་སླར་ཡང5%མཐོ་རུ་བཏང་ཡོད། ཀྲེ་ཅང་གིས་ཇུས་གཞི་ཁྱབ་བསྒྲགས་བྱས་ནས། ལོ་རེར་གྲོང་ཁྱེར་རིམ་པའི་རྩིས་རྒྱག་འཛིན་ཤོག་སྒོར་དུང་ཕྱུར2.5བཙུགས་ནས། རིག་ནུས་རྩིས་རྒྱག་ཞབས་ཞུ་དང་དཔེ་དབྱིབས་ཞབས་ཞུ་ཉོ་སྒྲུབ་བྱེད་མཁན་ཁེ་ལས་ལ་གན་རྒྱ་དངོས་སུ་ཐོན་པའི་དངུལ་གྲངས་ཀྱི30%ལས་མི་བརྒལ་བར་ཁ་གསབ་སྤྲོད་རྩིས་ཡོད་པ་རེད། ཀོང་ཏུང་གིས་ས་ཁུལ་རིམ་པ་ཡན་གྱི་གྲོང་ཁྱེར་ཁག་ལ་སྨན་བཅོས་སྒྲིག་གཞི་སྒྲིག་འཛུགས་ཧུར་ཐག་བྱས་ནས་ལྟ་སྐྱོང་ཞབས་ཞུའི་ཚོད་ལྟའི་ལས་དོན་སྤེལ་བླང་བྱ་བཏོན་བ་དང། ཀོང་ཀྲོའུ་དང་ཧྲེན་ཀྲེན། ཧྲན་ཐོའུ་སོགས་གྲོང་ཁྱེར8ཞིང་ཆེན་རིམ་པའི་ཁག་དང་པོའི་ཚོད་ལྟའི་ས་ཁུལ་དུ་གཏན་འཁེལ་བྱས། དེ་རིང་གི་གནམ་གཤིས།ཤིན་ཅང་ལྷོ་རྒྱུད་ཀྱི་གཤོང་ས་དང་། ནང་སོག་གི་བྱང་ཤར་རྒྱུད། མཚོ་སྔོན་གྱི་ས་ཆ་མང་ཆེ་བ་སོགས་ས་ཁུལ་ཁག་གཅིག་ཏུ་ཁངས་ཆུང་ཆུང་ནས་འབྲིང་ཙམ་མམ་ཡང་ན་ཁངས་ཆར་འདྲེས་མ་འབབ་ཀྱི་ཡོད། ཧེ་ལུང་ཅང་གི་ནུབ་བྱང་རྒྱུད་དང་ཧྭ་བྱང་གི་ཤར་རྒྱུད། ཧོ་ནན་གྱི་ཤར་རྒྱུད། ཁྲུང་ཆིང་གི་ཤར་རྒྱུད། ཅང་སུའུ་ལྷོ་རྒྱུད། ཀུའེ་ཀྲོའུ་ཡི་བྱང་ཤར་རྒྱུད། ཧུའུ་ནན་བྱང་རྒྱུད། ཅང་ཞིའི་བྱང་རྒྱུད། ཀྲེ་ཅང་གི་དབུས་རྒྱུད། ཧྥུ་ཅན་གྱི་ནུབ་བྱང་རྒྱུད་སོགས་ས་ཁུལ་ཁ་ཤས་སུ་ཆར་པ་འབྲིང་ཙམ་ནས་ཆར་ཆེན་འབབ་ཀྱི་ཡོད་པ་དང་། དེའི་ནང་ཧུའུ་པེའི་ཤར་རྒྱུད་དང་ལྷོ་རྒྱུད། ཧུའུ་ནན་བྱང་རྒྱུད། ཅང་ཞིའི་བྱང་རྒྱུད་སོགས་ས་ཁུལ་ཁ་ཤས་སུ་དྲག་ཆར་འབབ་ཀྱི་ཡོད་པ་དང་། ས་ཁུལ་ཁ་ཤས་སུ་དྲག་ཆར་ཆེན་པོ་འབབ་རྒྱུ་རེད། སྐབས་སྔོན་མ། ཞོགས་པའི་ཇ་ཡུན་གསར་འགྱུར། སྐབས་རྗེས་མ། མེད།

ཐུན་རིན་གྲོང་ཁྱེར་གྱི་རིག་གནས་འཇོན་མིའི་ཕུལ་བྱུང་རིག་རྩལ་བརྩམས་ཆོས་ཁྱབ་སྤེལ་ཚོགས་འདུ་འཚོགས་པ། སྤྱི་ཟླ4པའི་ཚེས17ཉིན། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུས་ཀྱིས་གཙོ་སྒྲུབ་བྱས་ཤིང་། ཐུན་རིན་གྲོང་ཁྱེར་རིག་གནས་ཁང་གིས་སྒྲུབ་མགན་ཁུར་བའི་ཐུན་རིན་གྲོང་ཁྱེར་རིག་གནས་འཇོན་མིའི་དང་བླངས་ཞབས་ཞུ་བའི་དཔྱད་ཞིབ་དང་ཕུལ་བྱུང་རིག་རྩལ་བརྩམས་ཆོས་ཁྱབ་སྤེལ་ཚོགས་འདུ་རེབ་གོང་སྒྱུ་རྩལ་དངོས་མང་རྟེན་མཛོད་ཁང་དུ་འཚོགས། ཚོགས་ཐོག་ཏུ་ཐུན་རིན་གྲོང་ཁྱེར་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུས་དང་ཐུན་རིན་གྲོང་ཁྱེར་རིག་གནས་ཁང་གི་འབྲེལ་ཡོད་མགོ་ཁྲིད་ཚོགས་འདུར་ཞུགས་པ་དང་། ཐུན་རིན་གྲོང་ཁྱེར་རིག་གནས་ཁང་གི་མགོ་གཙོ་ཚེ་རིང་ཐར་གྱིས་ཤིས་ཚིག་ཕུལ་ཞིང་། ཞིང་ཆེན་དང་ཁུལ་རིམ་པའི་མིང་དུ་གྲགས་པའི་རིག་རྩལ་ཆེད་མཁས་པ་དང་དགེ་རྒན་ཆེན་མོ་པ20ལྷག་གདན་དྲངས་ནས། ཁོང་ཚོས་ཕུལ་བྱུང་རིག་རྩལ་བརྩམས་ཆོས་དག་ལ་བུམ་པ་གང་བྱོའི་ཚུལ་དུ་དཔྱད་ཞིབ་དང་གདེང་འཇོག མཛུབ་སྟོན་གང་ལེགས་གནང་པར་མ་ཟད། རེབ་གོང་གསེར་མོ་ལྗོངས་ཀྱི་རིག་གནས་ཀྱི་གལ་ཆེན་རང་བཞིན་དང་རྒྱུན་འཛིན་དར་སྤེལ་གྱི་གལ་ཆེན་རང་བཞིན། དེང་ཕྱིན་ཇི་ལྟར་སྔར་བས་འཛིན་སྐྱོང་སྤེལ་གསུམ་བྱེད་པ་སོགས་ཀྱི་སྐོར་ནས་བཞུགས་མོལ་བྱས་ཏེ་མཁས་བརྒྱ་མགྲན་གླེང་གི་ཚུལ་དུ་བགྲོ་གླེང་དང་གྲོས་སྡུར་བྱས། ཚོགས་འདུའི་དམིགས་ཡུལ་ནི་ཞི་ཅིན་ཕིང་གི་རིག་གནས་དགོངས་པ་དང་ཏང་གི་སྐབས་ཉི་ཤུ་པའི་གྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལག་ལེན་གཏིང་ཟབ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རིག་རྩལ་བྱ་བའི་བཞུགས་མོལ་གྲོས་ཚོགས་སྟེང་གི་གསུང་བཤད་གལ་ཆེན་གྱི་བླང་བྱ་ངེས་པ་དོན་གྱིས་ལག་བསྟར་དོན་འཁྱོལ་བྱེད་པ་དང་། མི་དམངས་ལྟེ་བ་ཡིན་པའི་རིག་རྩལ་གསར་རྩོམ་གྱི་ཁ་ཕྱོགས་རྒྱུན་འཁྱོངས་བྱེད་པ། རིག་གནས་འཇོན་མིའི་རིག་རྩལ་གསར་རྩོམ་ནུས་པ་འདོན་སྤེལ་གང་ལེགས་བྱེད་པ། རེབ་གོང་ཡུལ་གྱི་སྣ་མང་ཕུན་སུམ་ཚོགས་པའི་དམངས་སྲོལ་རིག་གནས་ཉམས་པ་སླར་གསོ་དང་མ་ཉམས་གོང་སྤེལ་བྱེད་པ། མུ་མཐུད་དུ་རིག་གནས་འཇོན་མི་སྔར་ལས་མང་པོ་གསོ་སྦྱོང་བྱེད་པ་བཅས་ཀྱི་ཆེད་དུ་རེད། །

སྒྲིག་སྒྱུར། དམ་ཆོས་བསམ་འགྲུབ། ཡོང་ཁུངས། མཚོ་སྔོན་གནམ་གཤིས་ལས་ཁུངས། བཤེར་འབེབས། རིན་ཆེན་ཚེ་རིང་།སང་ཉིན་གྱི་ཚེས་ཆ།སང་ཉིན་གྱི་གནམ་གཤིས།དེ་རིང་དགོང་མོར། མཚོ་ཤར་གྱི་ལྷོ་རྒྱུད་དང་། མཚོ་ལྷོའི་ལྷོ་རྒྱུད། མཚོ་བྱང་གི་ས་ཁུལ་མང་ཆེ་བ། མགོ་ལོག་གི་ས་ཁུལ་མང་ཆེ་བ། རྨ་ལྷོ་བཅས་དང་། གཞོང་ཐང་དང་གྲོ་ཚང་། ཐེམ་ཆེན། གཏེར་ལེན་ཁ། ཆུ་དམར་ལེབ། ཁྲི་འདུ་ཡི་ཡུལ་ཚོ་དང་གྲོང་རྡལ་ཁ་ཤས་ལ་ཆར་ཆུང་ཆུང་（ཁངས）ངམ་ཁངས་ཆར་འདྲེས་མ་（སྨི་སྟོང་ཤས0.1ནས1.5བར）འབབ་རྒྱུ་རེད། ཞིང་ཆེན་ཡོངས་ཀྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།སང་ཉིན་ཉིན་མོར། མགོ་ལོག་གི་ས་ཁུལ་མང་ཆེ་བ་དང་། རྨ་ལྷོའི་ལྷོ་རྒྱུད། ཆུ་དམར་ལེབ་དང་ཁྲི་འདུ། འབྲི་སྟོད་ཀྱི་ཡུལ་ཚོ་དང་གྲོང་རྡལ་ཁ་ཤས་བཅས་ལ་ཆར་ཆུང་ཆུང་（ཁངས）ངམ་ཁངས་ཆར་འདྲེས་མ་（སྨི་སྟོང་ཤས0.1ནས2.0བར）འབབ་རྒྱུ་རེད། ཞིང་ཆེན་ཡོངས་ཀྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད། སྐབས་སྔོན་མ། ཚེས་ཆ་དང་གནམ་གཤིས། སྐབས་རྗེས་མ། མེད།

“བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོའི”སྒྲོག་འགྲེལ་རེ་རེ་ལས་ངལ་རྩོལ་དཔེ་བཟང་དང་རྒྱལ་ཁབ་ཆེན་པོའི་བཟོ་བོའི་འབད་འཐབ་བྱས་རྗེས་མྱང་ཆུའི་ངོགས་གཉིས་སུ་ཁྱབ་ཅིང་། བྱས་རྗེས་དེ་དག་ལས་མངོན་པའི་ངལ་རྩོལ་གྱི་སྙིང་སྟོབས་དང་། ངལ་རྩོལ་དཔེ་བཟང་གི་སྙིང་སྟོབས། བཟོ་བོའི་སྙིང་སྟོབས་ཀྱིས་གཞིས་རྩེ་གྲོང་ཁྱེར་གྱི་རྒྱ་ཆེའི་ལས་བྱེད་པ་དང་མང་ཚོགས་ཀྱི་ཕུགས་བསམ་གཉེར་བའི་སྤྲོ་སེམས་རབ་ཏུ་འཕེལ་ཏེ་དུས་རབས་གསར་པའི་འབད་འཐབ་ཀྱི་གླུ་དབྱངས་ཇོ་མོ་གླང་མའི་འདབས་སུ་གྲགས་ཡོད།མི་སེམས་ལ་གཏིང་ཟབ་ཟུག་པའི་གཏམ་རྒྱུད་གླེང་སྟེ་ངལ་རྩོལ་ནི་གཟི་བརྗིད་ལྡན་པ་ཞིག་ཡིན་པའི་འདུ་ཤེས་སེམས་སུ་འཇགས་པར་བྱས་པ།སྒྱུར་བཅོས་ཀྱི་གདོང་ལེན་དང་། རྒྱལ་ཡོངས་ཀྱི་ངལ་རྩོལ་དཔེ་བཟང་། ཨན་ཀང་ཚོགས་པ་གཏེར་ལས་ཀུང་སི་ཆི་ཏ་ཧྲན་ལྕགས་གཏེར་ཐོན་སྐྱེད་ལག་རྩལ་ཁང་གཞུང་ལམ་དོ་དམ་ལས་སྒོའི་གཙོ་གཉེར་པ་བཅས་ཡིན་པའི་ཀུའོ་མིང་དབྱི་གཞི་རིམ་དུ་གཞི་ཚུགས་ནས་ལོ་40ལྷག་ཙམ་སོང་ཞིང་། ལོ་20ཙམ་རིང་ཉིན་གཅིག་ལྟར་ལས་གནས་སུ་ཆུ་ཚོད་གཉིས་སྔོན་ལ་འབྱོར་བ་དང་། རྒྱལ་ཡོངས་རང་བཞིན་གྱི“ཀུའོ་མིང་དབྱིའི་གཅེས་སེམས་ཚོགས་པ”འཛུགས་རྒྱུའི་གྲོས་འགོ་བཏོན་པ། རིན་མེད་ཁྲག་འབུལ་ཧའོ་ཧྲེང་ཁྲི་6ལྷག་ཙམ་བྱས་ཡོད།རྒྱལ་ཡོངས་ཀྱི་ངལ་རྩོལ་དཔེ་བཟང་དང་། རྒྱལ་ཁབ་ཆེན་པོའི་བཟོ་བོ། ཀྲུང་གོ་རླངས་འཁོར་ཁྲང་ཁྲུན་ལྕགས་ལམ་འགྲུལ་སྐྱེལ་རླངས་འཁོར་མ་རྐང་ཚད་ཡོད་ཀུང་སིའི་དབུ་བཞུགས་བཀོལ་སྤྱོད་པ་ལི་དབན་ཅུན་ནི་ཚ་ལ་རྒྱག་མཁན་གྱི་བཟོ་པ་དཀྱུས་མ་ཞིག་ནས་རང་རྒྱལ་གྱི་མྱུར་བགྲོད་ལྕགས་ལམ་གྱི་ཚ་ལ་རྒྱག་མཁན་གྱི་རིགས་གཅིག་མཁས་ཅན་ཞིག་ཏུ་གྱུར་ཞིང་། ལག་རྩལ་གྱི་རྣམ་གྲངས་150ལྷག་ཙམ་འགག་སྒྲོལ་བྱས་པ་དེས་ཀྲུང་གོའི་ལྕགས་ལམ་འཁོར་རིགས་ཕྱོགས་སྒྱུར་ཚ་ལ་རྒྱག་མཁན་གྱི་འཛམ་གླིང་གི་ཆུ་ཚད་མཐོ་ཤོས་སུ་སླེབས་པ་མཚོན་ཡོད།རྒྱལ་ཡོངས་སྤྱི་བདེ་ཁོངས་གཏོགས་ཀྱི་རིམ་པ་དང་པོའི་དཔའ་བོ་དཔེ་བཟང་དང་། ཅི་ནན་གྲོང་ཁྱེར་སྤྱི་བདེ་ཅུས་དམིགས་བསལ་སྐོར་ཞིབ་ཉེན་རྟོག་ཡན་ལག་རུ་ཁག་གི་དེ་སྔའི་རུ་དཔོན་གཞོན་པ་ཀྲང་པའོ་གོ་ཡིས་ལོ་25ཡི་རིང་ཉེན་ཁ་ཆེ་བའི་འགད་སེལ་ལས་དོན་གྱི་འཐབ་ས་མདུན་མར་ཐོག་མཐའ་བར་གསུམ་དུ་འཐབ་འཛིང་མཐའ་འཁྱོངས་བྱས་ཏེ། ལྷག་བསམ་རྣམ་དག་དང་ཤ་ཁྲག་གི་ལུས་ཕུང་ལ་བརྟེན་ནས་ཏང་དང་མི་དམངས་ལ་གཏོར་ཐེབས་མེད་པའི་ཟངས་གྱང་ལྕགས་རྩིག་ཅིག་བསྐྲུན་ཡོད།ཀྲུང་གོ་རྡོ་སྣུམ་རང་བྱུང་སོལ་རླངས་ཚོགས་པ་ཀུང་སིའི“རྡོ་སྣུམ་གྱི་བླ་སྲོག་སྟེ་ཏ་ཆིང་གི་སྙིང་སྟོབས་དང་ལྕགས་མིའི་སྙིང་སྟོབས”སྒྲོག་འགྲེལ་སྤྱི་ཁྱབ་རུ་ཁག་གི་དབུ་བཞུགས་སྒྲོག་འགྲེལ་པ་དང་ལྕགས་མི་ཝང་ཅིན་ཞི་དྲན་གསོ་ཁང་ཕྱོགས་བསྡུས་གཞུང་ལས་ཁང་གི་ཀྲུའུ་རེན་ཧོ་ཏེ་ཆོན་2006ལོ་ནས་བཟུང་ཏ་ཆིང་གི་སྙིང་སྟོབས་དང་ལྕགས་མིའི་སྙིང་སྟོབས་དྲིལ་བསྒྲགས་དང་སྒྲོག་འགྲེལ་གྱི་ལས་ཀ་བྱས་ནས་མི་རྣམས་ལ་དཀའ་ངལ་ཆེ་ཞིང་རླབས་ཆེ་བའི་ཏ་ཆིང་རྡོ་སྣུམ་གྱི་དམག་འཐབ་ལོ་རྒྱུས་བརྗོད་ཀྱི་ཡོད།རྣམ་གླིང་རྫོང་སློབ་འབྲིང་དང་པོའི་སློབ་མ་པད་མ་ཆོས་འཛོམས་ཀྱིས“ངས་ངལ་རྩོལ་དཔེ་བཟང་བའི་གཏམ་རྒྱུད་ནན་ཏན་ཉན་པས། ངལ་རྩོལ་དཔེ་བཟང་བའི་སྙིང་སྟོབས་ཞེས་པ་གང་ཞིག་ཡིན་པ་ཤེས་རྟོགས་ཟབ་མོ་བྱུང་། ངས་གང་ཞིག་བྱེད་དུ་བཅུག་ཀྱང་དེ་ལ་དགའ་ཞེན་དང་དེ་བྱང་ཆུབ་པར་བྱེད་པའི་སྙིང་སྟོབས་དེ་ད་ལྟའི་སློབ་སྦྱོང་དང་མཉམ་འདྲེས་བྱས་ནས་དུས་རབས་གསར་པའི་གཞོན་ནུ་སློབ་མའི་བཟོ་བོའི་རང་འགན་ཐེག་པ་འཁུར་ལེན་བཞུན་བརྡར་བྱེད་ཀྱི་ཡིན”ཞེས་བཤད།སྙིང་སྟོབས་གསོན་ཉམས་དོད་ལ་གཏིང་ཟབ་པའི་ངང་སྒྲོག་འགྲེལ་བྱས་ནས་དཔེ་བཟང་དཔེ་དམག་གི་གཟུགས་བརྙན་སེམས་སུ་བརྟན་པོར་ཟུག་པར་བྱས་པ།སྐྱིད་གྲོང་རྫོང་གི་ཆེད་དོན་སྒྲོག་འགྲེལ་བྱ་ཡུལ་དུ་ཀྲང་པའོ་གོ་ཡིས་བརྗོད་པའི་ཧང་སངས་དགོས་པའི་འགད་སེལ་གཏམ་རྒྱུད་རེ་རེར་མི་རྣམས་ཀྱིས་ཐལ་མོའི་རྡེབ་སྒྲ་ཡང་ཡང་གྲགས། “འགད་སེལ་བྱེད་ཐེངས་རེ་རེ་ནི་ཚེ་སྲོག་དང་གླེང་མོལ་བྱེད་པ་ཞིག་ཡིན་ལ། ལེགས་གྲུབ་བྱུང་ཐེངས་རེ་རེ་རྒྱབ་ཕྱོགས་ཀྱི་ཚོགས་པའི་འདེགས་སྐྱོར་དང་ཁ་འབྲལ་ཐབས་མེད”ཀྲང་པའོ་གོ་ཡི་སེམས་གཏིང་གི་སྐད་ཆར་དེ་གར་ཡོད་པའི་མི་རྣམས་ཀྱི་དགའ་འབོད་ཡང་ཡང་གྲགས། ཁོང་གིས་ལས་བྱེད་པ་དང་མང་ཚོགས་ལ“ལས་གནས་གང་ཞིག་ཏུ་གནས་ཡོད་ཀྱང་དད་སེམས་བཅངས་ནས་དཀའ་བར་མི་འཛེམ་པར་མདུན་དུ་སྐྱོད་ན། སྤྱིར་བཏང་གི་བརྟན་སྲུང་གིས་མཐར་སྤྱི་ཚོགས་ཡར་ཐོན་ལ་སྐུལ་འདེད་གཏོང་བའི་སྟོབས་ཤུགས་ཆེན་པོ་གཅིག་ཏུ་སྒྲིལ་ཐུབ་ངེས་རེད”ཅེས་བརྗོད།“ངལ་རྩོལ་དཔེ་བཟང་བའི་སྙིང་སྟོབས་དང་། ངལ་རྩོལ་པའི་སྙིང་སྟོབས། བཟོ་བོའི་སྙིང་སྟོབས་བཅས་རྒྱུན་འཛིན་དང་དར་སྤེལ་གཏོང་བ”ནས“ལྕགས་ཁྱེམ་ལྔ་ལ་བརྟེན་ནས་གསར་བརྗེ་བྱེད་པའི”བར་དང་། དེ་ནས“མི་ཚེ་ལོ་20ཐུང་དུ་སོང་ནའང་འཐབ་རྩོད་བྱས་ཏེ་སྣུམ་ཞིང་ཆེན་པོ་ལེན་དགོས”ཞེས་པའི་བར་དིང་རི་རྫོང་དུ་ཆེད་དོན་སྒྲོག་འགྲེལ་བྱེད་སྐབས། ཧོ་ཏེ་ཆོན་གྱིས“ལྕགས་མི”ཝང་ཅིན་ཞི་དང་ཀྲུང་གོ་རྡོ་སྣུམ་གྱི་གཏམ་རྒྱུད་རྒྱུས་མངའ་ཆེན་པོས་བཤད། ཝང་ཅིན་ཞི་ཡིས་བཟོ་པ་ཚོའི་སྣེ་ཁྲིད་ནས་གསོར་འབིགས་འཕྲུལ་འཁོར་ཕྲག་ཏུ་འཁུར་ཏེ་དབོར་འདྲེན་བྱེད་པའི་སྐོར་གླེང་སྐབས། དེར་ཉན་མཁན་གྱི་མི་རྣམས་གྲང་ངར་ཆེ་བའི་གངས་འཁྱགས་ཀྱི་འཇིག་རྟེན་དེར་སླེབས་ནས་རྡོ་སྣུམ་བཟོ་པའི་སྐད་བཟང་མཐོན་པོས་འབོད་ཚིག་སྒྲོག་པ་དང་སེམས་ཤུགས་གཅིག་སྒྲིལ་གྱིས་ལྗིད་འདེགས་སྒྲིག་ཆས་དབོར་བའི་རྣམ་པ་ཞིག་མངོན་སུམ་ལྟར་མཐོང་། ཝང་ཅིན་ཞི་ཡིས་དཔའ་ངར་ཆེན་པོས་འདམ་རྫིང་ནང་མཆོངས་ནས་གློ་བུར་དུ་དོལ་བའི་ཁྲོན་སྣུམ་འགོག་པའི་དཔའ་བོའི་བྱས་རྗེས་གླེང་སྐབས། ཚང་མར་སེམས་འགུལ་ཆེན་པོ་ཐེབས་པ་མ་ཟད། རྡོ་སྣུམ་བ་རྒན་རབས་ཚོའི་སྒེར་སེམས་མེད་པར་ལེགས་སྐྱེས་འབུལ་བའི་སྙིང་སྟོབས་ཀྱང་མྱོང་ཚོར་ཟབ་མོ་བྱུང་བ་རེད།ཕུགས་འདུན་བརྗོད་ནས་སྤྲོ་སེམས་འཕེལ་བར་བྱས་ཏེ་བསམ་པའི་དད་མོས་ཀྱི་སྟོབས་ཤུགས་ཀྱིས་མདུན་སྐྱོད་ལ་སྣེ་ཁྲིད་བྱས་པ།ཀུའོ་མིང་དབྱི་དམག་ཞབས་ཐིམ་ནས་ཨན་ཀང་དུ་ལོག་རྗེས། སྔ་རྗེས་སུ་ལས་གནས་མི་འདྲ་བ་བདུན་དུ་ལས་ཀ་བྱས་པ་སྟེ། རླངས་འཁོར་ཆེ་གྲས་ཀྱི་ཁ་ལོ་བ་བྱེད་སྐབས་གཏེར་ཁུལ་ཧྲིལ་པོའི་རྐང་འཁོར་གྱི་ལོ་རེའི་ཐོན་ཚད་མཐོ་ཤོས་བཏོད་པ་དང་། འཁོར་ཁང་གི་སྡེ་ཚོགས་ཀྲི་པུའི་ཧྲུའུ་ཅི་བྱེད་སྐབས་ཁོངས་གཏོགས་ཀྲི་པུའུ་ནི་ཨན་ཀང་དར་དམར་ཚོགས་པའི་ཀྲི་པུའུ་ཡིན་པ། དྲིལ་བསྒྲགས་ཀྱི་ལས་ཀ་བྱེད་སྐབས་ལོ་གཅིག་ལ་གསར་འགྱུར་རྩོམ་ཡིག་100ལྷག་ཙམ་སྤེལ་བ། ལག་རྩལ་སྒྱུར་བཀོད་བྱེད་སྐབས་སྙིང་རུས་ཆེན་པོས་དབྱིན་ཡིག་སློབ་སྦྱོང་བྱས་པས་ཕྱི་རྒྱལ་གྱི་རིགས་གཅིག་མཁས་ཅན་གྱིས་ཁས་ལེན་པའི་ལོ་ཙཱ་བ་དང་གྲོགས་པོར་གྱུར་ཡོད། གྲུབ་འབྲས་དེ་དག་གང་ནས་བྱུང་བ་ཡིན་ནམ། ཀུའོ་མིང་དབྱིས“མི་ཚེའི་གདམ་ག་གང་འདྲ་ཞིག་ཡོད་ན། མི་ཚེའི་འགྲོ་ལམ་དེ་འདྲ་ཞིག་ཡོད། ངས་གུང་ཁྲན་ཏང་ཡོན་ཞིག་བྱེད་རྒྱུ་བདམས་པས། ངེས་པར་དུ་མི་དམངས་ལ་ཕན་པའི་བྱ་བ་མང་ཙམ་བསྒྲུབ་རྒྱུ་དང་མི་དམངས་ལ་ཕན་པའི་མི་ཞིག་བྱེད་རྒྱུ་ཡིན”ཞེས་ལན་བཏབ། ཁོང་གིས་མི་ཚང་མར“ང་ཚོས་དུས་རབས་གསར་པར་འགན་འཁྲི་གསར་པ་ཕྲག་ཏུ་འཁུར་དགོས། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ཆེན་ཕྱོགས་ཡོངས་ནས་འཛུགས་སྐྲུན་དང་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་པའི་ཕུགས་བསམ་དང་། དད་སེམས། གདེང་ཚོད་བཅས་སྲ་བརྟན་དུ་བཏང་ན། གཞི་ནས་སྟོབས་ཤུགས་དང་། བློ་གྲོས། གསོན་ཤུགས་བཅས་ལྡན་ཐུབ”ཅེས་འབོད་སྐུལ་བྱས།“བཟོ་བོའི་སྙིང་སྟོབས་ནི་བློ་གྲོས་དང་རྩལ་ནུས་ལ་བརྟེན་ནས་ལག་ནང་གི་ཐོན་རྫས་རྒྱུན་ཆད་མེད་པར་བཙོ་སྦྱང་དང་རྩེ་གྲར་བརྩོན་ལེན་བྱས་ཏེ། སྒྱུ་རྩལ་ཐོན་རྫས་སུ་འགྱུར་བར་བྱ་རྒྱུ་དེ་རེད”ལི་དབན་ཅུན་གྱིས་བཟོ་བོའི་སྙིང་སྟོབས་ལ་འགྲེལ་བཤད་སྟབས་བདེ་གནད་བསྡུས་ཤིག་བརྒྱབ་མོད། འོན་ཀྱང་ཁོང་གིས་བཟོ་བོའི་སྙིང་སྟོབས་ལག་ལེན་བྱེད་པར་ལོ་37ཏག་ཏག་སྤྱད་ཡོད། སྔོན་ཆད་ལ་ཕྱིར་དྲན་བྱས་ན། “བསྐྱར་དར་རྟགས་ཅན”གྱི་ཕྱོགས་སྒྱུར་འཁོར་སྒྲོམ་ལ་ཚ་ལ་རྒྱག་པའི་དཀའ་གནད་ཁྱད་བསད་བྱ་ཆེད། ཁོང་གིས་ཚོགས་པའི་སྣེ་ཁྲིད་དེ་ཉིན་མཚན་དབྱེར་མེད་ངང་བརྟན་སྲུང་བྱས་ནས་ཚོད་ལྟ་ཐེངས་ཁྲི་ཕྲག་ཁ་ཤས་བྱས་པ་བརྒྱུད་མཐར་ལག་རྩལ་གྱི་བཀག་རྒྱ་ལས་ཚད་བརྒལ་ལེགས་གྲུབ་བྱུང་སྟེ། རང་རྒྱལ་གྱི་མྱུར་བགྲོད་ལྕགས་ལམ་གྱི་ཕྱོགས་སྒྱུར་འཁོར་སྒྲོམ་ལ་ཚ་ལ་རྒྱག་པའི་ལག་རྩལ་འཛམ་གླིང་གི་སྔོན་ཐོན་གྱི་ཆུ་ཚད་དུ་སླེབས་ཐུབ་ཡོད། ལི་དབན་ཅུན་གྱིས་རང་ཉིད་ཀྱི་འཚར་ལོངས་བརྒྱུད་རིམ་ལ་བརྟེན་ནས་ཚང་མར“ལས་གནས་གང་འདྲ་ཞིག་ཏུ་གནས་ཀྱང་རང་ཉིད་ཀྱིས་བདམས་པའི་དམིགས་ཚད་སྙིང་རུས་ཆེན་པོས་དོན་གཉེར་བྱས་ཚེ་ནམ་ཞིག་གྲུབ་འབྲས་ཐོབ་ངེས་རེད”ཅེས་བསྔགས་སྐུལ་བྱས་པ་རེད།(བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང) འགན་འཁུར་རྩོམ་སྒྲིག་པ། སྐལ་བཟང་གྲགས་པ།