ཡོངས་འཛིན་འཚོལ་བཤེར།

ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་གཉིས་པའི་སྤྱི་བསྒྲགས།

《ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་གཉིས་པའི་སྤྱི་བསྒྲགས》ནི་སྤྱི་ལོ2023ལོའི་ཟླ2ཚེས28ཉིན་ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་བའི་སྤྱི་བསྒྲགས་ཤིག་ཡིན།

ཐོན་ཁུངས་གྲོན་ཆུང་ཅན་གྱི་སྤྱི་ཚོགས།

ཐོན་ཁུངས་གྲོན་ཆུང་ཅན་གྱི་སྤྱི་ཚོགས་ནི་ཚན་རིག་དང་མཐུན་པའི་འཕེལ་རྒྱས་ལྟ་བ་ལག་བསྟར་དོན་འཁྱོལ་བྱེད་པའི་འཐབ་ཇུས་ཀྱི་བཀོད་སྒྲིག་ཅིག་ཡིན། ཐོན་ཁུངས་བཀོད་སྒྲིག་ལུགས་མཐུན་དང་། ཕན་ནུས་ཆེ་བ། འཁོར་རྒྱུག་བེད་སྤྱོད། སྲུང་སྐྱོང་ནུས་ལྡན་དང་ཚབ་བྱེད་བཅས་བརྒྱུད་དཔལ་འབྱོར་དང་སྤྱི་ཚོགས་འཕེལ་རྒྱས་དེ་ཐོན་ཁུངས་ཁོར་ཡུག་གི་ཐེག་ནུས་དང་འཚམ་པ་དང་། སྦགས་བཙོག་དངོས་པོའི་ཐོན་ཚད་ཆེས་ཆུང་བ་ཅན་དུ་འགྱུར་བ་མ་ཟད། བེད་མེད་དངོས་པོ་གནོད་མེད་ཅན་དུ་བསྒྱུར་ནས་མི་དང་རང་བྱུང་ཁམས་ཞི་མཐུན་མཉམ་གནས་ཀྱི་སྤྱི་ཚོགས་འཛུགས་སྐྱོང་བྱེད་པར་ཟེར། ཐོན་ཁུངས་གྲོན་ཆུང་ཅན་གྱི་སྤྱི་ཚོགས་འཛུགས་སྐྲུན་བྱེད་པ་ནི་མི་དང་རང་བྱུང་ཁམས་འཆམ་མཐུན་ངང་འཕེལ་རྒྱས་ཡོང་བར་གཅིག་གྱུར་འཆར་འགོད་དང་རྒྱུན་མཐུད་ངང་འཕེལ་རྒྱས་ཡོང་བར་སྐུལ་འདེད་གཏོང་བའི་བྱེད་ཐབས་གལ་ཆེན་ཞིག་ཡིན་ལ། གྲོན་ཆུང་ངང་འཕེལ་རྒྱས་གཏོང་བ་དང་། དྭངས་གཙང་ངང་འཕེལ་རྒྱས་གཏོང་བ། བདེ་འཇགས་ངང་འཕེལ་རྒྱས་གཏོང་བ་བཅས་མངོན་འགྱུར་བྱེད་པའི་ལས་འགན་གལ་ཆེན་ཞིག་ཀྱང་ཡིན།

ཚོང་ལས་བྱེད་སྒོ།

ཚོང་ལས་བྱེད་སྒོ་ཞེས་པ་ནི་ཁེ་ལས་ཀྱི་ཉོ་སྒྲུབ་དང་ཕྱིར་འཚོང་། བརྗེ་རེས། དངུལ་ཁང་གི་དངུལ་བུན་སོགས་ཀྱི་བྱ་བར་གོ ཧྥ་ཡུའེ་ཨེར་གྱིས་ཉོ་འཚོང་ཤེས་པ་ནི་ཧ་ཅང་ལེགས་པའི་སྒོ་ནས་ཐོན་སྐྱེད་བྱེད་པ་དང་འདྲ་བར་གལ་འགངས་ཆེ་བ་དང་། ཚོང་ལས་ཀྱི་ནུས་པར་ཐབས་ཇུས་དང་ཇུས་ཐག་ཕུད་ད་དུང་ཡུན་རིང་གི་སྔོན་དཔག་ནུས་པ་ཚུད་དགོས་པའི་ངོས་འཛིན་བྱེད་ཀྱི་ཡོད། ཚོང་ལས་བྱེད་སྒོ་ནི་རྒྱལ་ཁབ་ཀྱི་དཔལ་འབྱོར་བྱེད་སྒོའི་ནང་གི་གྲུབ་ཆ་གལ་ཆེན་ཞིག་ཡིན་པ་དང་། ཚོང་ཟོག་འཁོར་རྒྱུག་དང་སྤྱི་ཚོགས་བརྟན་ལྷིང་སོགས་རྒྱུ་རྐྱེན་གལ་ཆེན་ཞིག་རེད། རྒྱལ་ཁབ་ཅིག་གི་ཚོང་ལས་བྱེད་སྒོ་ཡིས་རྒྱལ་ཁབ་དེའི་དཔལ་འབྱོར་གྱི་སྟོབས་ཤུགས་མཚོན་ཡོད།